Vasu, Rangadasa, and the Rise of King Tondaman; the Glory of Padma-sarovar

Verse 1 (skanda.2.9.1)

धरण्युवाच । कलौ युगे भूमिधर केन त्वं द्रक्ष्यसे प्रिय । विमानं केन ते देव कार्यतेऽस्मिन्महीधरे ।

dharaṇyuvāca kalau yuge bhūmidhara kena tvaṁ drakṣyase priya vimānaṁ kena te deva kāryate'sminmahīdhare

Dharani said: O bearer of the mountain, beloved one — who shall behold you in the Kali age? By whom shall your celestial car (temple) be built upon this hill?

Verse 2 (skanda.2.9.2)

श्रीनिवासोऽपि केनैव द्रक्ष्यते सुभगाकृतिः । एतद्ब्रूहि मम प्रीत्या श्रोतुं कौतूहलं विभो ।

śrīnivāso'pi kenaiva drakṣyate subhagākṛtiḥ etadbrūhi mama prītyā śrotuṁ kautūhalaṁ vibho

And by whom shall Srinivasa, of such beautiful form, be beheld? O Lord, tell me this out of love — I am eager to hear it.

Verse 3 (skanda.2.9.3)

श्रीवराह उवाच । वक्ष्यामि शृणु हे देवि भविष्यद्यद्वदामि ते । अस्मिन्महीधरे पुण्ये निषादो वसुनामकः ।

śrīvarāha uvāca vakṣyāmi śṛṇu he devi bhaviṣyadyadvadāmi te asminmahīdhare puṇye niṣādo vasunāmakaḥ

Shri Varaha said: Listen, O goddess, I shall tell you what is to come. On this sacred mountain there lived a hunter (Nishada) named Vasu,

Verse 4 (skanda.2.9.4)

श्यामाकवनपालोऽभूद्भक्तिमान्पुरुषोत्तमे । श्यामाकतंडुलान्पक्त्वा मधुना परिषिच्य च ।

śyāmākavanapālo'bhūdbhaktimānpuruṣottame śyāmākataṁḍulānpaktvā madhunā pariṣicya ca

the keeper of a forest of shyamaka millet, and a devotee of Purushottama. He would cook the shyamaka grains, mix them with honey,

Verse 5 (skanda.2.9.5)

निवेद्य देवदेवाय श्रीभूमि सहिताय च । एवं भक्तिमतस्तस्य भार्या चित्रवती शुभा ।

nivedya devadevāya śrībhūmi sahitāya ca evaṁ bhaktimatastasya bhāryā citravatī śubhā

and offer them to the God of gods together with Shri and Bhumi. Now, the wife of that devoted man, the auspicious Chitravati,

Verse 6 (skanda.2.9.6)

असूत तनयं बाला वीरनामानमुत्तमम् । वसुः पुत्रेण सहितो भार्यया पतिभक्तया ।

asūta tanayaṁ bālā vīranāmānamuttamam vasuḥ putreṇa sahito bhāryayā patibhaktayā

gave birth to an excellent son named Vira. One day, Vasu, together with his devoted wife and his son,

Verse 7 (skanda.2.9.7)

कस्मिंश्चिद्दिवसे पुत्रं श्यामाकं पालयेति च । विसृज्य पत्न्या सहितो मध्वन्वेषणतत्परः ।

kasmiṁściddivase putraṁ śyāmākaṁ pālayeti ca visṛjya patnyā sahito madhvanveṣaṇatatparaḥ

telling the boy to guard the shyamaka field, went off with his wife, intent on searching for honey,

Verse 8 (skanda.2.9.8)

गतो वनान्तरं शीघ्रं मधुच्छत्रदिदृक्षया । बालः श्यामाकपक्वानि गृहीत्वाग्नौ निधाय च ।

gato vanāntaraṁ śīghraṁ madhucchatradidṛkṣayā bālaḥ śyāmākapakvāni gṛhītvāgnau nidhāya ca

and went quickly into the depths of the forest seeking a honeycomb. Meanwhile, the boy took the ripe shyamaka grains, put them into the fire,

Verse 9 (skanda.2.9.9)

पिष्ट्वा निवेदयामास वृक्षमूले श्रियः पतेः । नैवेद्यं भक्षयित्वैव वीरस्त्वास सुखेन वै ।

piṣṭvā nivedayāmāsa vṛkṣamūle śriyaḥ pateḥ naivedyaṁ bhakṣayitvaiva vīrastvāsa sukhena vai

ground them, and offered them at the root of the tree to Shri's husband. Having partaken of the offering himself, Vira sat there happily.

Verse 10 (skanda.2.9.10)

तदन्तरे वसुश्चापि मध्वादाय समागतः । श्यामाकान्भक्षितान्दृष्ट्वा संतर्ज्य सुतमात्मनः ।

tadantare vasuścāpi madhvādāya samāgataḥ śyāmākānbhakṣitāndṛṣṭvā saṁtarjya sutamātmanaḥ

Meanwhile Vasu too returned, bringing the honey; and seeing that his son had eaten the shyamaka grains, he rebuked him,

Verse 11 (skanda.2.9.11)

खड्गमादाय तं हन्तुं त्वरया हस्तमुद्दधौ ।

khaḍgamādāya taṁ hantuṁ tvarayā hastamuddadhau

and, taking up his sword, raised his hand to kill him at once.

Verse 12 (skanda.2.9.12)

तद्वृक्षस्थस्तदा विष्णुः खड्गं जग्राह पाणिना । खड्गो गृहीतः केनेति पश्यन्वृक्षं ददर्श सः ।

tadvṛkṣasthastadā viṣṇuḥ khaḍgaṁ jagrāha pāṇinā khaḍgo gṛhītaḥ keneti paśyanvṛkṣaṁ dadarśa saḥ

At that moment Vishnu, who dwelt in the tree, caught that sword with his own hand. Wondering 'who has seized my sword?', he looked at the tree,

Verse 13 (skanda.2.9.13)

शङ्खचक्रगदापाणिं वृक्षारूढार्धविग्रहम् । मुक्त्वा वसुश्च तं खड्गं प्रणम्योवाच केशवम् ।

śaṅkhacakragadāpāṇiṁ vṛkṣārūḍhārdhavigraham muktvā vasuśca taṁ khaḍgaṁ praṇamyovāca keśavam

and beheld a form, half-emerged from the tree, holding the conch, discus, and mace. Vasu let go of the sword, bowed, and said to Keshava—

Verse 14 (skanda.2.9.14)

किमिदं देवदेवेश चेष्टितं क्रियते त्वया ।

kimidaṁ devadeveśa ceṣṭitaṁ kriyate tvayā

'O Lord of gods, what is this deed that you have done?'

Verse 15 (skanda.2.9.15)

श्रीभगवानुवाच । वसो शृणु वचो मे त्वं पुत्रस्ते भक्तिमान्मयि । त्वत्तोऽपि मे प्रियतमस्तस्मात्प्रत्यक्षमागतः ।

śrībhagavānuvāca vaso śṛṇu vaco me tvaṁ putraste bhaktimānmayi tvatto'pi me priyatamastasmātpratyakṣamāgataḥ

Shri Bhagavan said: Listen to my words, O Vasu. Your son is devoted to me; he is dearer to me even than you are — that is why I have appeared visibly.

Verse 16 (skanda.2.9.16)

अस्य सर्वत्र तिष्ठामि तव स्वामिसरस्तटे । इति देववचः श्रुत्वा प्रीतिमानभवद्वसुः ।

asya sarvatra tiṣṭhāmi tava svāmisarastaṭe iti devavacaḥ śrutvā prītimānabhavadvasuḥ

'I dwell everywhere, but here on the bank of your Swami lake I abide always.' Hearing the Lord's words, Vasu became filled with joy.

Verse 17 (skanda.2.9.17)

एतस्मिन्नेव काले तु पांड्यदेशात्समागतः । बाल्यात्प्रभृति शूद्रोऽपि विष्णुभक्तिसमन्वितः ।

etasminneva kāle tu pāṁḍyadeśātsamāgataḥ bālyātprabhṛti śūdro'pi viṣṇubhaktisamanvitaḥ

At this very time, there came from the Pandya country a man of the shudra caste, endowed from childhood with devotion to Vishnu.

Verse 18 (skanda.2.9.18)

नारायणपुरीं प्राप्य श्रीवराहं प्रणम्य च । तत्र श्रुत्वा श्रीनिवासं वेंकटाद्रिनिवासिनम् ।

nārāyaṇapurīṁ prāpya śrīvarāhaṁ praṇamya ca tatra śrutvā śrīnivāsaṁ veṁkaṭādrinivāsinam

Reaching Narayanapuri, and bowing to Shri Varaha, he heard there of Srinivasa, the dweller of Venkatadri,

Verse 19 (skanda.2.9.19)

स्वयंभुवं देवदेवसेवितं प्रययौ ततः । सुवर्णमुखरीं प्राप्य स्नात्वा चोत्तीर्य तत्तटे ।

svayaṁbhuvaṁ devadevasevitaṁ prayayau tataḥ suvarṇamukharīṁ prāpya snātvā cottīrya tattaṭe

the self-manifest Lord served by the God of gods, and set out toward him. Reaching the river Suvarnamukhari, bathing there and coming ashore,

Verse 20 (skanda.2.9.20)

कमलाख्ये सरसि च स्नात्वा पुण्यप्रदायिनि । तत्तीरवासिनं देवं कृष्णं रामेण संवृतम् ।

kamalākhye sarasi ca snātvā puṇyapradāyini tattīravāsinaṁ devaṁ kṛṣṇaṁ rāmeṇa saṁvṛtam

and bathing in the merit-bestowing lake called Kamala, he beheld the Lord Krishna, seated on that bank together with Balarama,

Verse 21 (skanda.2.9.21)

नमस्कृत्य ततः प्रायाद्वनं गजघटायुतम् । शनैः संप्राप्य शेषाद्रिं निर्झरं संददर्श ह ।

namaskṛtya tataḥ prāyādvanaṁ gajaghaṭāyutam śanaiḥ saṁprāpya śeṣādriṁ nirjharaṁ saṁdadarśa ha

and having bowed to him, went on toward the forest full of herds of elephants. Slowly reaching Sheshadri, he beheld a waterfall,

Verse 22 (skanda.2.9.22)

तत्समीपं समासाद्य कपिलापूजितं शिवम् । तत्पुरश्चक्रतीर्थं तदगाधं पापनाशनम् ।

tatsamīpaṁ samāsādya kapilāpūjitaṁ śivam tatpuraścakratīrthaṁ tadagādhaṁ pāpanāśanam

and near it, Shiva worshipped by a cow (Kapila), and before him the deep, sin-destroying tirtha named Chakratirtha.

Verse 23 (skanda.2.9.23)

तत्र स्नात्वा ततोऽगच्छद्वेंकटाद्रिं शनैःशनैः । आराद्धुं गच्छता मार्गे युक्तो वैखानसेन च ।

tatra snātvā tato'gacchadveṁkaṭādriṁ śanaiḥśanaiḥ ārāddhuṁ gacchatā mārge yukto vaikhānasena ca

Having bathed there, he made his way slowly toward Venkatadri; and on the path, going to worship, he met a Vaikhanasa sage,

Verse 24 (skanda.2.9.24)

रंगदासस्त्वारुरोह बालो द्वादशवार्षिकः । स्वामिपुष्करिणीं प्राय स्नात्वा भक्तिसमन्वितः ।

raṁgadāsastvāruroha bālo dvādaśavārṣikaḥ svāmipuṣkariṇīṁ prāya snātvā bhaktisamanvitaḥ

and along with him a twelve-year-old boy, Rangadasa, joined that same road. Reaching the Swami Pushkarini, bathing there, filled with devotion,

Verse 25 (skanda.2.9.25)

वैखानसेन मुनिना गोपीनाथेन पूजितम् । वनमध्ये तरोर्मूले स्वामिपुष्करिणीतटे ।

vaikhānasena muninā gopīnāthena pūjitam vanamadhye tarormūle svāmipuṣkariṇītaṭe

he beheld, worshipped by the Vaikhanasa sage Gopinatha, beneath a tree in the midst of the forest, on the bank of the Swami Pushkarini,

Verse 26 (skanda.2.9.26)

तिष्ठन्तं पुण्डरीकाक्षं श्रीभूमिसहितं हरिम् । आकाशस्थं संददर्श पीतनीलाकृतिं शुभम् ।

tiṣṭhantaṁ puṇḍarīkākṣaṁ śrībhūmisahitaṁ harim ākāśasthaṁ saṁdadarśa pītanīlākṛtiṁ śubham

the lotus-eyed Hari, seated in the sky together with Shri and Bhumi, of an auspicious form of yellow and dark-blue hue.

Verse 27 (skanda.2.9.27)

पार्श्वस्थशंखचक्राभ्यां गदासिभ्यां निषेवितम् । पक्षौ विस्तार्य चाकाशे देवमूर्ध्नि वितानवत् ।

pārśvasthaśaṁkhacakrābhyāṁ gadāsibhyāṁ niṣevitam pakṣau vistārya cākāśe devamūrdhni vitānavat

He was attended at his sides by the conch, discus, mace, and sword; and Garuda, lord of birds, with wings spread across the sky, stood over his head like a canopy,

Verse 28 (skanda.2.9.28)

स्थितं च गरुडेशानं पश्चाच्छार्ङ्गं शरं तथा ।

sthitaṁ ca garuḍeśānaṁ paścācchārṅgaṁ śaraṁ tathā

while behind him the Sharnga bow and the arrow stood as well.

Verse 29 (skanda.2.9.29)

अथ श्रीनिवासार्थं रंगदासकृतदिव्योद्यानमण्डपादिनिर्माणानि । एवं दृष्ट्वा श्रीनिवासं विस्मितो रंगदासकः । अस्य देवस्य चारामं करिष्यामीत्यचिन्तयत् ।

atha śrīnivāsārthaṁ raṁgadāsakṛtadivyodyānamaṇḍapādinirmāṇāni evaṁ dṛṣṭvā śrīnivāsaṁ vismito raṁgadāsakaḥ asya devasya cārāmaṁ kariṣyāmītyacintayat

Having thus beheld Srinivasa, Rangadasa was filled with wonder; he thought to himself, 'I shall make a garden for this God.'

Verse 30 (skanda.2.9.30)

निश्चित्य मनसा सर्वं तरुमूलेऽवसत्सुधीः । कृत्वा वैखानसाद्विष्णोर्नैवेद्यं च दिनेदिने ।

niścitya manasā sarvaṁ tarumūle'vasatsudhīḥ kṛtvā vaikhānasādviṣṇornaivedyaṁ ca dinedine

Having thus resolved in his mind, that wise one dwelt at the foot of the tree; each day he prepared Vishnu's offering as taught by the Vaikhanasa,

Verse 31 (skanda.2.9.31)

शनैश्छित्त्वा वनं घोरं वृक्षांश्चिच्छेद पार्श्वगान् । आस्थानचिञ्चां देवस्य रमायाश्चम्पकं तरुम् ।

śanaiśchittvā vanaṁ ghoraṁ vṛkṣāṁściccheda pārśvagān āsthānaciñcāṁ devasya ramāyāścampakaṁ tarum

and gradually he cleared the dense forest, felling the trees around it, sparing only the Lord's tamarind tree and Rama's champaka tree,

Verse 32 (skanda.2.9.32)

देवाज्ञप्तो वर्जयित्वा तावुभौ देवसेवितौ । देवस्यपरितो भूमौ शिलाकुड्यं तदाकरोत् ।

devājñapto varjayitvā tāvubhau devasevitau devasyaparito bhūmau śilākuḍyaṁ tadākarot

which by the Lord's command were sacred to the gods — sparing those two, he built a stone wall around the ground surrounding the Lord,

Verse 33 (skanda.2.9.33)

तत्कुड्यस्यैव परितः पुष्पारामांश्चकार ह । मल्लिकाकरवीराब्जकुन्दमंदारमालतीः ।

tatkuḍyasyaiva paritaḥ puṣpārāmāṁścakāra ha mallikākaravīrābjakundamaṁdāramālatīḥ

and within that wall on every side he made gardens of flowers — jasmine, oleander, lotus, kunda, mandara, and malati,

Verse 34 (skanda.2.9.34)

तुलसीचम्पकानां तु वनान्येव चकार ह । खनित्वा तत्र कूपं तु वर्धयंस्तज्जलैर्वनम् ।

tulasīcampakānāṁ tu vanānyeva cakāra ha khanitvā tatra kūpaṁ tu vardhayaṁstajjalairvanam

as well as groves of tulsi and champaka. Digging a well there, and nourishing the grove with its water,

Verse 35 (skanda.2.9.35)

आरामपुष्पाण्यादाय स्वयं दामान्यथाकरोत् । विचित्राणि तदा बद्ध्वा पूजकस्य करे ददौ ।

ārāmapuṣpāṇyādāya svayaṁ dāmānyathākarot vicitrāṇi tadā baddhvā pūjakasya kare dadau

he himself took the garden's flowers and wove them into garlands. Having thus strung varied garlands, he would place them in the hands of the priest.

Verse 36 (skanda.2.9.36)

आदाय पूजकस्तानि स्कन्धे मूर्ध्नि बबन्ध च । श्रीनिवासस्य देवस्य श्रीभूमिसहितस्य च ।

ādāya pūjakastāni skandhe mūrdhni babandha ca śrīnivāsasya devasya śrībhūmisahitasya ca

The priest, taking them, would place them upon the shoulders and head of Lord Srinivasa, together with Shri and Bhumi.

Verse 37 (skanda.2.9.37)

एवं देवस्य कैंकर्यं कुर्वंस्तस्थावुदारधीः । तस्यैवं वर्तमानस्य समास्त्वा सप्ततेर्गताः ।

evaṁ devasya kaiṁkaryaṁ kurvaṁstasthāvudāradhīḥ tasyaivaṁ vartamānasya samāstvā saptatergatāḥ

Thus performing service to the Lord, that noble-minded one dwelt there; and thus engaged, seventy years passed for him.

Verse 38 (skanda.2.9.38)

कुर्वाणे पुष्पावचयं रंगदासे महात्मनि ।

kurvāṇe puṣpāvacayaṁ raṁgadāse mahātmani

One day, while that great soul Rangadasa was gathering flowers,

Verse 39 (skanda.2.9.39)

आरामे सरसि स्नातुं गन्धर्वः कश्चिदाययौ । गन्धर्वराजकन्याभिस्तरुणीभिः समन्वितः ।

ārāme sarasi snātuṁ gandharvaḥ kaścidāyayau gandharvarājakanyābhistaruṇībhiḥ samanvitaḥ

a certain Gandharva came to bathe in the garden's pool, accompanied by young Gandharva princesses.

Verse 40 (skanda.2.9.40)

जलक्रीडां करोति स्म दिवि स्थाप्य विमानकम् । सुरूपाभिश्च सहितं क्रीडन्तं कमलाकरे ।

jalakrīḍāṁ karoti sma divi sthāpya vimānakam surūpābhiśca sahitaṁ krīḍantaṁ kamalākare

Leaving his celestial chariot in the sky, he began sporting in the lotus-pool together with those beautiful women.

Verse 41 (skanda.2.9.41)

पश्यञ्छ्रीरंगदासोऽयं व्यस्मरन्माल्यसञ्चयम् । जितेन्द्रियोऽपि तत्कक्रीडां पश्यन्रेतः ससर्ज ह ।

paśyañchrīraṁgadāso'yaṁ vyasmaranmālyasañcayam jitendriyo'pi tatkakrīḍāṁ paśyanretaḥ sasarja ha

Seeing this, Shri Rangadasa forgot the basket of flowers he had gathered; though a master of his senses, watching that sporting he involuntarily lost his seed.

Verse 42 (skanda.2.9.42)

पश्यतस्तस्य सरसः समुत्तीर्य मनोहरम् । दिव्यवस्त्राणि चाच्छाद्य कान्ताभिः सह सस्मितम् ।

paśyatastasya sarasaḥ samuttīrya manoharam divyavastrāṇi cācchādya kāntābhiḥ saha sasmitam

While he still watched, that Gandharva rose from the lovely pool, put on his divine garments, and, with his smiling beloveds,

Verse 43 (skanda.2.9.43)

अधिरुह्य विमानं तु ययौ स धनदालयम् । गते गन्धर्वराजे तु रंगदासो विमोहितः ।

adhiruhya vimānaṁ tu yayau sa dhanadālayam gate gandharvarāje tu raṁgadāso vimohitaḥ

mounted his chariot and departed for Kubera's realm. When the Gandharva king had gone, Rangadasa, greatly troubled and ashamed,

Verse 44 (skanda.2.9.44)

त्यक्त्वा च तानि माल्यानि स्नात्वा सरसि लज्जितः । पुनराहृत्य पुष्पाणि शनैर्देवालयं ययौ ।

tyaktvā ca tāni mālyāni snātvā sarasi lajjitaḥ punarāhṛtya puṣpāṇi śanairdevālayaṁ yayau

abandoned those garlands, bathed in the pool out of shame, and, gathering flowers once more, went slowly toward the shrine.

Verse 45 (skanda.2.9.45)

वैखानसस्तु तं दृष्ट्वा पूजाकालमतीत्य च । आगतं किमिति प्राह सखेऽतिक्रम्य चागतः ।

vaikhānasastu taṁ dṛṣṭvā pūjākālamatītya ca āgataṁ kimiti prāha sakhe'tikramya cāgataḥ

The Vaikhanasa, seeing him arrive after the time of worship had passed, asked, 'O friend, why have you come so late, past the hour of worship?

Verse 46 (skanda.2.9.46)

न बद्धा मालिकाश्चापि त्वयाऽऽरामे च किं कृतम् ।

na baddhā mālikāścāpi tvayā''rāme ca kiṁ kṛtam

You have not even strung the garlands — what were you doing in the garden?'

Verse 47 (skanda.2.9.47)

श्रीवराहउवाच । इत्थं पृष्टो रंगदासो नावदल्लज्जया ततः । लज्जितं रंगदासं तं प्रोवाच मधुसूदनः ।

śrīvarāhauvāca itthaṁ pṛṣṭo raṁgadāso nāvadallajjayā tataḥ lajjitaṁ raṁgadāsaṁ taṁ provāca madhusūdanaḥ

Shri Varaha said: Thus questioned, Rangadasa, out of shame, could say nothing. Then Madhusudana himself spoke to the ashamed Rangadasa—

Verse 48 (skanda.2.9.48)

श्रीभगवानुवाच । लज्जया किं रंगदास मया त्वं मोहितो ह्यसि । त्वं तावज्जितकामोऽसि धीरो भव महामते ।

śrībhagavānuvāca lajjayā kiṁ raṁgadāsa mayā tvaṁ mohito hyasi tvaṁ tāvajjitakāmo'si dhīro bhava mahāmate

Shri Bhagavan said: 'Why this shame, Rangadasa? It was I myself who bewildered you. You have truly conquered desire — so take heart, O wise one.

Verse 49 (skanda.2.9.49)

गन्धर्वराजवद्राजा भवितासि महीतले । तत्र भुक्त्वा महाभोगान्भक्तिमान्मयि सर्वदा ।

gandharvarājavadrājā bhavitāsi mahītale tatra bhuktvā mahābhogānbhaktimānmayi sarvadā

You shall become a king on this earth, like the king of the Gandharvas. There, enjoying great splendors, and ever devoted to me,

Verse 50 (skanda.2.9.50)

प्राकारं च विमानं च कारयिष्यसि मे तदा । तत्र मुक्तिं प्रदास्यामि प्रीत्या परमया युतः ।

prākāraṁ ca vimānaṁ ca kārayiṣyasi me tadā tatra muktiṁ pradāsyāmi prītyā paramayā yutaḥ

you will build for me a rampart and a shrine. Then, filled with supreme love, I shall grant you liberation.

Verse 51 (skanda.2.9.51)

अत्रैव कुरु सेवां त्वमाशरीरविमोक्षणात् । मद्भक्तानां सकामानामेवं मुक्तिर्भविष्यति ।

atraiva kuru sevāṁ tvamāśarīravimokṣaṇāt madbhaktānāṁ sakāmānāmevaṁ muktirbhaviṣyati

Continue your service to me here, right up until you leave the body. Thus even my devotees who still hold worldly desires shall attain liberation.'

Verse 52 (skanda.2.9.52)

इत्युक्त्वा भगवान्विष्णुः पुनर्नोवाच किंचन । श्रुत्वा तद्रंगदासोऽपि चकाराराममुत्तमम् ।

ityuktvā bhagavānviṣṇuḥ punarnovāca kiṁcana śrutvā tadraṁgadāso'pi cakārārāmamuttamam

Having said this, the Lord Vishnu spoke no further word. Hearing this, Rangadasa too made that garden supremely beautiful.

Verse 53 (skanda.2.9.53)

साग्रं शताब्दं सेवित्वा गतः स्वर्गममन्दधीः । जातः सोमकुले तुंगे तोण्डमानिति विश्रुतः ।

sāgraṁ śatābdaṁ sevitvā gataḥ svargamamandadhīḥ jātaḥ somakule tuṁge toṇḍamāniti viśrutaḥ

Having served for nearly a hundred years, that enlightened man went to heaven. He was then born in the exalted lunar dynasty and became renowned by the name Tondaman,

Verse 54 (skanda.2.9.54)

सुवीरतनयो वीरो नन्दिनीगर्भसंभवः । स पंचवर्षादुद्भूतविष्णुभक्तिः स्वयं सुधीः । सौशील्यशौर्यवीर्यादिगुणानामाकरो महान् ।

suvīratanayo vīro nandinīgarbhasaṁbhavaḥ sa paṁcavarṣādudbhūtaviṣṇubhaktiḥ svayaṁ sudhīḥ sauśīlyaśauryavīryādiguṇānāmākaro mahān

the heroic son of King Suvira, born of Nandini's womb. Himself wise, endowed with devotion to Vishnu from the age of five,

Verse 55 (skanda.2.9.55)

पाण्ड्यस्य तनयां पद्मामुपयेमे मनोहराम् । ततो राजा शतं कन्या नानादेश्याः स्वयंवराः ।

pāṇḍyasya tanayāṁ padmāmupayeme manoharām tato rājā śataṁ kanyā nānādeśyāḥ svayaṁvarāḥ

a great treasure-house of good conduct, valor, and prowess. He married the lovely Padma, daughter of the Pandya king. Then that king won and married a hundred other maidens of various lands, chosen at their own swayamvaras,

Verse 56 (skanda.2.9.56)

रेमे देवेंद्रवद्भूमौ नारायणपुरे वसन् । अनुज्ञां प्राप्य पितृतः पुत्रः पंचास्यविक्रमः ।

reme deveṁdravadbhūmau nārāyaṇapure vasan anujñāṁ prāpya pitṛtaḥ putraḥ paṁcāsyavikramaḥ

and dwelling in Narayanapuri, he enjoyed life on earth like the king of the gods himself. Having obtained his father's permission, that son of a lion's valor,

Verse 57 (skanda.2.9.57)

उद्दिश्य मृगयां वीरो वेङ्कटाद्रेः समीपतः ।

uddiśya mṛgayāṁ vīro veṅkaṭādreḥ samīpataḥ

the heroic prince, went hunting near Venkatadri.

Verse 58 (skanda.2.9.58)

पादचारेण विचरन्परिवारैः समन्वितः । मदधारां विमुंचंतं ददर्श गजयूथपम् ।

pādacāreṇa vicaranparivāraiḥ samanvitaḥ madadhārāṁ vimuṁcaṁtaṁ dadarśa gajayūthapam

Wandering on foot with his attendants, he saw a lordly elephant streaming with the fluid of rut.

Verse 59 (skanda.2.9.59)

तं दृष्ट्वा विस्मितो भूत्वा ग्रहीतुं तमनुद्रुतः । सुवर्णमुखरीं तीर्त्वा ब्रह्माष शुकमुत्तमम् ।

taṁ dṛṣṭvā vismito bhūtvā grahītuṁ tamanudrutaḥ suvarṇamukharīṁ tīrtvā brahmāṣa śukamuttamam

Filled with wonder at the sight, he ran to catch it; crossing the river Suvarnamukhari, he then saw a splendid parrot [held sacred by Brahma].

Verse 60 (skanda.2.9.60)

नमस्कृत्याभ्यनुज्ञातस्ततोऽगच्छद्वनाद्वनम् । ददर्श रेणुकां देवीं वल्मीकाकारसंस्थिताम् ।

namaskṛtyābhyanujñātastato'gacchadvanādvanam dadarśa reṇukāṁ devīṁ valmīkākārasaṁsthitām

Having bowed and received leave, he went on from forest to forest. He saw the goddess Renuka seated in the form of an anthill,

Verse 61 (skanda.2.9.61)

इष्टदामिष्टभक्तानां दिव्यारामनिवासिनीम् । परिवारैः सदोपेतां पूजितां त्रिदशैरपि ।

iṣṭadāmiṣṭabhaktānāṁ divyārāmanivāsinīm parivāraiḥ sadopetāṁ pūjitāṁ tridaśairapi

granting the desires of her cherished devotees, dwelling in a divine grove, ever accompanied by her attendants, worshipped even by the gods.

Verse 62 (skanda.2.9.62)

तोण्डमानपि तां नत्वा ततः पश्चान्मुखो ययौ ।

toṇḍamānapi tāṁ natvā tataḥ paścānmukho yayau

Tondaman too bowed to her, and then set out toward the west.

Verse 63 (skanda.2.9.63)

पंचवर्णं शुकं दृष्ट्वा तं जिघृक्षुरनुद्रुतः । स वदञ्छ्रीनिवासेति गिरिं शीघ्रतरं ययौ ।

paṁcavarṇaṁ śukaṁ dṛṣṭvā taṁ jighṛkṣuranudrutaḥ sa vadañchrīnivāseti giriṁ śīghrataraṁ yayau

Seeing the five-colored parrot, and running after it to catch it, the parrot, uttering 'Srinivasa,' flew swiftly toward the mountain.

Verse 64 (skanda.2.9.64)

अनुद्रवन्स राजापि गिरिराजं समारुहत् । दरीश्च विविधाः पश्यञ्छिखराणि समंततः ।

anudravansa rājāpi girirājaṁ samāruhat darīśca vividhāḥ paśyañchikharāṇi samaṁtataḥ

The king too, chasing after it, climbed the king of mountains, beholding on every side its various caves and peaks.

Verse 65 (skanda.2.9.65)

शुकमन्वेषमाणोऽसौ श्यामाकवनमेयिवान् । तमदृष्ट्वा शुकवरं वनपालं ददर्श ह ।

śukamanveṣamāṇo'sau śyāmākavanameyivān tamadṛṣṭvā śukavaraṁ vanapālaṁ dadarśa ha

Seeking the parrot, he came to the forest of shyamaka; not finding that splendid parrot, he came upon the forest-keeper.

Verse 66 (skanda.2.9.66)

तं तु राजानमायांतं प्रत्युद्गच्छन्स सत्वरः । प्रणम्य विनयोपेतः कृताञ्जलिपुटः स्थितः ।

taṁ tu rājānamāyāṁtaṁ pratyudgacchansa satvaraḥ praṇamya vinayopetaḥ kṛtāñjalipuṭaḥ sthitaḥ

Seeing the king approaching, he came forward quickly, bowed with humility, and stood with joined palms.

Verse 67 (skanda.2.9.67)

तोण्डमानपि संपूज्य तं पप्रच्छ वनेचरम् । पंचवर्णः शुकः कश्चिद्दृष्टश्चात्रागतस्त्वया ।

toṇḍamānapi saṁpūjya taṁ papraccha vanecaram paṁcavarṇaḥ śukaḥ kaściddṛṣṭaścātrāgatastvayā

Tondaman, having honored him in turn, asked that forest-dweller: 'Have you seen a five-colored parrot come here?

Verse 68 (skanda.2.9.68)

श्रीनिवासेति च वदन्क्व गतोऽसौ वनेचर ।

śrīnivāseti ca vadankva gato'sau vanecara

Uttering 'Srinivasa,' where did it go, O forest-dweller?

Verse 69 (skanda.2.9.69)

वनेचर उवाच । स पंचवर्णो राजेंद्र श्रीनिवासप्रियः सदा । पार्श्ववर्ती सदा तस्य श्रीभूमिभ्यां विवर्धितः ।

vanecara uvāca sa paṁcavarṇo rājeṁdra śrīnivāsapriyaḥ sadā pārśvavartī sadā tasya śrībhūmibhyāṁ vivardhitaḥ

The forest-dweller said: O king of kings, that five-colored parrot is ever dear to Srinivasa; it always stays close to him, reared by Shri and Bhumi,

Verse 70 (skanda.2.9.70)

स्वामिपुष्करिणीतीरे सदास्ते देवसन्निधौ । ग्रहीतुं स शुकः श्रीमान्न तु केनापि शक्यते ।

svāmipuṣkariṇītīre sadāste devasannidhau grahītuṁ sa śukaḥ śrīmānna tu kenāpi śakyate

and it dwells always by the Lord's side on the bank of the Swami Pushkarini. That splendid parrot, O king, cannot be caught by anyone,

Verse 71 (skanda.2.9.71)

विहृत्य स्वेच्छया नित्यमस्मिन्गिरिवरे शुभे । दिनांते देवमासाद्य तत्समीपे वसत्ययम् ।

vihṛtya svecchayā nityamasmingirivare śubhe dināṁte devamāsādya tatsamīpe vasatyayam

for it wanders at will each day over this auspicious mountain; and at day's end, coming to the Lord, it dwells close beside him.

Verse 72 (skanda.2.9.72)

तं देवमाराधयितुं गमिष्यामि नृपात्मज । विश्रम्यतां वृक्षमूले यावदागमनं मम ।

taṁ devamārādhayituṁ gamiṣyāmi nṛpātmaja viśramyatāṁ vṛkṣamūle yāvadāgamanaṁ mama

O prince, I too shall go now to worship that same Lord. Rest here at the foot of this tree until I return;

Verse 73 (skanda.2.9.73)

पुत्रेणानेन सहितो विहर त्वं यथासुखम् ।

putreṇānena sahito vihara tvaṁ yathāsukham

meanwhile, sport at ease here together with this my son.'

Verse 74 (skanda.2.9.74)

राजोवाच । त्वया सहागमिष्यामि द्रष्टुं देवं जनार्दनम् । त्वं मे दर्शय देवेशं वेंकटाद्रिनिवासिनम् ।

rājovāca tvayā sahāgamiṣyāmi draṣṭuṁ devaṁ janārdanam tvaṁ me darśaya deveśaṁ veṁkaṭādrinivāsinam

The king said: I too shall come with you to behold the Lord Janardana. Show me too the God of gods who dwells at Venkatadri.

Verse 75 (skanda.2.9.75)

तस्य राज्ञो वचः श्रुत्वा श्यामाकं मधुमिश्रितम् । चूतपत्रपुटे क्षिप्त्वा राज्ञा सह ययौ हरिम् ।

tasya rājño vacaḥ śrutvā śyāmākaṁ madhumiśritam cūtapatrapuṭe kṣiptvā rājñā saha yayau harim

Hearing the king's words, he placed the honey-mixed shyamaka grain in a mango-leaf cup, and that hunter went with the king toward Hari.

Verse 76 (skanda.2.9.76)

गत्वा सुदूरमध्वानं पश्यन्तौ तौ शिलातलम् । मुहूर्तादेव संप्राप्तौ स्वामिपुष्करिणीं शुभाम् ।

gatvā sudūramadhvānaṁ paśyantau tau śilātalam muhūrtādeva saṁprāptau svāmipuṣkariṇīṁ śubhām

Having walked a long way, and crossing over the rocky ground, the two of them reached the auspicious Swami Pushkarini in but a moment.

Verse 77 (skanda.2.9.77)

स्नात्वा तत्र विधानेन राज्ञा सह निषादपः । दर्शयामास देवशं राज्ञस्तस्य महात्मनः ।

snātvā tatra vidhānena rājñā saha niṣādapaḥ darśayāmāsa devaśaṁ rājñastasya mahātmanaḥ

Bathing there according to rite, that chief of hunters, together with the king, led that great-souled king to behold the Lord.

Verse 78 (skanda.2.9.78)

स्वामिपुष्करिणीतीरे स्थितं श्रीवृक्षमूलके । अतसीपुष्पसंकाशमंबुजायतलोचनम् ।

svāmipuṣkariṇītīre sthitaṁ śrīvṛkṣamūlake atasīpuṣpasaṁkāśamaṁbujāyatalocanam

seated on the bank of the Swami Pushkarini, at the root of the Sri tree, of a hue like the flax flower, his eyes wide as lotus petals,

Verse 79 (skanda.2.9.79)

चतुर्भुजमुदाराङ्गमीषत्स्मितमुखांबुजम् । दिव्यपीतांबरधरं किरीटकटकोज्ज्वलम् ।

caturbhujamudārāṅgamīṣatsmitamukhāṁbujam divyapītāṁbaradharaṁ kirīṭakaṭakojjvalam

four-armed, of noble form, his lotus-face touched with a faint smile, clad in divine yellow garments, radiant with crown and bracelets,

Verse 80 (skanda.2.9.80)

पार्श्वस्थाभ्यां सुरूपाभ्यां श्रीभूमिभ्यां समन्वितम् । परितः शंखचक्रासिगदाशार्ङ्गेषुसेवितम् ।

pārśvasthābhyāṁ surūpābhyāṁ śrībhūmibhyāṁ samanvitam paritaḥ śaṁkhacakrāsigadāśārṅgeṣusevitam

accompanied at his sides by the beautiful Shri and Bhumi, attended on every side by the conch, discus, sword, mace, the Sharnga bow, and arrows,

Verse 81 (skanda.2.9.81)

अन्यैर्दिव्यायुधैश्चापि दिव्यमाल्यैर्निषेवितम् । स्कन्देनाराध्यमानं तं त्रिसन्ध्यं पुरुषोत्तमम् ।

anyairdivyāyudhaiścāpi divyamālyairniṣevitam skandenārādhyamānaṁ taṁ trisandhyaṁ puruṣottamam

attended too by other divine weapons and divine garlands, that Purushottama worshipped at the three daily junctures by Skanda,

Verse 82 (skanda.2.9.82)

वल्मीकगूढपादाब्जमाजानुपुरुषोत्तमम् । ततो दृष्ट्वा मुदा देवं प्रणेमतुरुभौ तदा ।

valmīkagūḍhapādābjamājānupuruṣottamam tato dṛṣṭvā mudā devaṁ praṇematurubhau tadā

whose lotus feet lay hidden within the anthill, visible in human form only up to the knees — beholding him, both of them bowed down in joy.

Verse 83 (skanda.2.9.83)

राजा तु प्रांजलिर्भूत्वा विस्मयोत्फुल्ललोचनः । आनंदलहरीं प्राप्य न प्राज्ञायत किंचन ।

rājā tu prāṁjalirbhūtvā vismayotphullalocanaḥ ānaṁdalaharīṁ prāpya na prājñāyata kiṁcana

The king, with joined palms, his eyes wide with wonder, was swept up in a wave of bliss and could grasp nothing at all.

Verse 84 (skanda.2.9.84)

निषादोऽपि निवेद्यैव श्यामाकं मधुमिश्रितम् । राज्ञे तदर्धं दत्त्वैव शिष्टार्धं भुक्तवान्स्वयम् ।

niṣādo'pi nivedyaiva śyāmākaṁ madhumiśritam rājñe tadardhaṁ dattvaiva śiṣṭārdhaṁ bhuktavānsvayam

The hunter too offered the honey-mixed shyamaka, gave half of it to the king, and himself ate the remaining half.

Verse 85 (skanda.2.9.85)

पीत्वा पुष्करिणीतोयं तेन राज्ञा समन्वितः । स पुनः श्यामकवने पुण्यां पर्णकुटीं ययौ ।

pītvā puṣkariṇītoyaṁ tena rājñā samanvitaḥ sa punaḥ śyāmakavane puṇyāṁ parṇakuṭīṁ yayau

Drinking the water of the Pushkarini, and together with the king, he returned again to the sacred leaf-hut in the shyamaka forest.

Verse 86 (skanda.2.9.86)

उषित्वा चैकरात्रं तु प्रातरुत्थाय भूमिपः । स्वसैन्येन समायुक्तो निवृत्तः स्वपुरं ययौ ।

uṣitvā caikarātraṁ tu prātarutthāya bhūmipaḥ svasainyena samāyukto nivṛttaḥ svapuraṁ yayau

Having spent one night there, the king rose in the morning and, joined by his army, returned to his own city.

Verse 87 (skanda.2.9.87)

पुनर्देवीवनं गत्वा हयादवततार ह । चैत्रशुद्धनवम्यां तु पूजयामास रेणुकाम् ।

punardevīvanaṁ gatvā hayādavatatāra ha caitraśuddhanavamyāṁ tu pūjayāmāsa reṇukām

Then, going again to the goddess's grove and dismounting from his horse, on the ninth day of the bright fortnight of Chaitra, he worshipped the goddess Renuka.

Verse 88 (skanda.2.9.88)

हविष्यं परमान्नं च सोपस्करमनेकशः । पशूपहारसहितं धूपदीपसमन्वितम् ।

haviṣyaṁ paramānnaṁ ca sopaskaramanekaśaḥ paśūpahārasahitaṁ dhūpadīpasamanvitam

With sacred food and the finest rice, together with many accessories, many offerings of animals, and incense and lamps,

Verse 89 (skanda.2.9.89)

सुराघटीशतं दत्त्वा जातीकेसरवासितम् । एवं संपूजिता देवी प्रीता राज्ञे वरं ददौ ।

surāghaṭīśataṁ dattvā jātīkesaravāsitam evaṁ saṁpūjitā devī prītā rājñe varaṁ dadau

and a hundred jars of wine scented with nutmeg and saffron, thus worshipped, the goddess was pleased and began to grant the king a boon.

Verse 90 (skanda.2.9.90)

आविष्टः पुरुषः कश्चिदवदन्नृपसत्तमम् । शृणु राजन्भविष्यं ते राज्यं निहतकंटकम् ।

āviṣṭaḥ puruṣaḥ kaścidavadannṛpasattamam śṛṇu rājanbhaviṣyaṁ te rājyaṁ nihatakaṁṭakam

Entering into the body of a certain man, the goddess spoke to that excellent king: 'Listen, O king, your kingdom in time to come shall be free of every thorn (enemy).

Verse 91 (skanda.2.9.91)

राजंस्तवैव नाम्नात्र राजधानी भविष्यति । मत्समीपे महाराज चिरं राज्यं करिष्यसि ।

rājaṁstavaiva nāmnātra rājadhānī bhaviṣyati matsamīpe mahārāja ciraṁ rājyaṁ kariṣyasi

O king, a capital shall arise here in your very name. O great king, you shall rule for a long time here in my presence,

Verse 92 (skanda.2.9.92)

देवदेवप्रसादश्च भविष्यति तवानघ । इति दत्त्वा वरं तस्मा आविष्टः प्रकृतिं ययौ ।

devadevaprasādaśca bhaviṣyati tavānagha iti dattvā varaṁ tasmā āviṣṭaḥ prakṛtiṁ yayau

and, O sinless one, you shall gain the favor of the God of gods as well.' Having thus granted this boon, that possessed man returned to his natural state.

Verse 93 (skanda.2.9.93)

ततो लब्धवरो राजा ययौ शुकमुनिं पुनः ।

tato labdhavaro rājā yayau śukamuniṁ punaḥ

Then, having received the boon, the king went once more to the sage Shuka.

Verse 94 (skanda.2.9.94)

अभिवाद्य मुनिं तेन पूजितो मुदितोऽभवत् । माहात्म्यं सरसो ब्रूहि कमलाख्यस्य मे मुने ।

abhivādya muniṁ tena pūjito mudito'bhavat māhātmyaṁ saraso brūhi kamalākhyasya me mune

Having saluted the sage and been honored by him, he was filled with joy, and said, 'O sage, tell me the greatness of this lake called Kamala.'

Verse 95 (skanda.2.9.95)

श्रीशुक उवाच । पुरा दुर्वाससः शापादवतीर्णा सुरालयात् । पद्मा पद्माक्षदयिता विष्णुना सहिता नृप ।

śrīśuka uvāca purā durvāsasaḥ śāpādavatīrṇā surālayāt padmā padmākṣadayitā viṣṇunā sahitā nṛpa

Shri Shuka said: O king, long ago, by the curse of Durvasas, Padma — the beloved of the lotus-eyed Vishnu — descended from the abode of the gods, together with Vishnu,

Verse 96 (skanda.2.9.96)

सरः कांचनपद्माढ्यमिदं प्राप्य महेश्वरी । तपश्चकार वर्षाणां दिव्यानामयुतं रमा ।

saraḥ kāṁcanapadmāḍhyamidaṁ prāpya maheśvarī tapaścakāra varṣāṇāṁ divyānāmayutaṁ ramā

and, reaching this lake filled with golden lotuses, that great goddess Rama performed austerity there for ten thousand celestial years.

Verse 97 (skanda.2.9.97)

ततो देवा विचिन्वन्तः श्रियं विष्णुसमन्विताम् । पुरंदरेण संयुक्ता राजन्नस्मिन्सरोवरे ।

tato devā vicinvantaḥ śriyaṁ viṣṇusamanvitām puraṁdareṇa saṁyuktā rājannasminsarovare

Then the gods, searching together with Vishnu for Shri, O king, together with Indra came to this very lake,

Verse 98 (skanda.2.9.98)

स्थिता सुवर्णकमले पुण्डरीकाक्षसंयुताम् । दृष्ट्वा प्रीतिसमायुक्ताः प्रणम्यांबुजधारिणीम् । कृताञ्जलिपुटाः सेन्द्रास्तुष्टुवुर्लोकमातरम् ।

sthitā suvarṇakamale puṇḍarīkākṣasaṁyutām dṛṣṭvā prītisamāyuktāḥ praṇamyāṁbujadhāriṇīm kṛtāñjalipuṭāḥ sendrāstuṣṭuvurlokamātaram

and they beheld her seated upon a golden lotus, together with the lotus-eyed Vishnu. Seeing her, filled with joy, and bowing to that lotus-bearing goddess, the gods together with Indra, with joined palms, praised that mother of the worlds.

Verse 99 (skanda.2.9.99)

देवा ऊचुः । नमः श्रियै लोकधात्र्यै ब्रह्ममात्रे नमोनमः । नमस्ते पद्मनेत्रायै पद्ममुख्यै नमोनमः ।

devā ūcuḥ namaḥ śriyai lokadhātryai brahmamātre namonamaḥ namaste padmanetrāyai padmamukhyai namonamaḥ

The gods said: Salutation to Shri, sustainer of the worlds; salutation again and again to her who is the very form of Brahman. Salutation to the lotus-eyed one, salutation again and again to the lotus-faced one.

Verse 100 (skanda.2.9.100)

प्रसन्नमुखपद्मायै पद्मकान्त्यै नमोनमः । नमो बिल्ववनस्थायै विष्णुपत्न्यै नमोनमः ।

prasannamukhapadmāyai padmakāntyai namonamaḥ namo bilvavanasthāyai viṣṇupatnyai namonamaḥ

Salutation to her whose lotus-face is ever pleased, salutation again and again to her of lotus radiance. Salutation to her who dwells in the bilva forest, salutation again and again to the wife of Vishnu.

Verse 101 (skanda.2.9.101)

विचित्रक्षौमधारिण्यै पृथुश्रोण्यै नमोनमः । पक्वबिल्वफलापीनतुंगस्तन्यै नमोनमः ।

vicitrakṣaumadhāriṇyai pṛthuśroṇyai namonamaḥ pakvabilvaphalāpīnatuṁgastanyai namonamaḥ

Salutation to her clad in wondrous silken cloth, of ample form; salutation again and again to her whose breasts rise full like ripe bilva fruit.

Verse 102 (skanda.2.9.102)

सुरक्तपद्मपत्राभकरपादतले शुभे । सुरत्नांगदकेयूरकांचीनूपुरशोभिते । यक्षकर्दमसंलिप्तसर्वांगे कटकोज्ज्वले ।

suraktapadmapatrābhakarapādatale śubhe suratnāṁgadakeyūrakāṁcīnūpuraśobhite yakṣakardamasaṁliptasarvāṁge kaṭakojjvale

Whose soles of hand and foot are as auspicious as red lotus petals, who is adorned with fine jeweled armlets, bracelets, girdle, and anklets, whose every limb is anointed with fragrant yaksha-kardama, radiant with bangles,

Verse 103 (skanda.2.9.103)

मांगल्याभरणैश्चित्रैर्मुक्ताहारैर्विभूषिते । ताटंकैरवतंसैश्च शोभमानमुखांबुजे ।

māṁgalyābharaṇaiścitrairmuktāhārairvibhūṣite tāṭaṁkairavataṁsaiśca śobhamānamukhāṁbuje

who is adorned with auspicious and wondrous ornaments and strings of pearls, whose lotus-face is beautified by earrings and a crown—

Verse 104 (skanda.2.9.104)

पद्महस्ते नमस्तुभ्यं प्रसीद हरिवल्लभे । ऋग्यजुःसामरूपायै विद्यायै ते नमोनमः ।

padmahaste namastubhyaṁ prasīda harivallabhe ṛgyajuḥsāmarūpāyai vidyāyai te namonamaḥ

to you, O lotus-handed one, salutation; be gracious, O beloved of Hari. Salutation again and again to you, the very Knowledge whose form is the Rig, Yajur, and Sama.

Verse 105 (skanda.2.9.105)

प्रसीदास्मान्कृपादृष्टिपातैरालोकयाब्धिजे । ये दृष्टास्ते त्वया ब्रह्मरुद्रेंद्रत्वं समाप्नुयुः ।

prasīdāsmānkṛpādṛṣṭipātairālokayābdhije ye dṛṣṭāste tvayā brahmarudreṁdratvaṁ samāpnuyuḥ

O daughter of the ocean, be gracious to us and look upon us with your glances of grace. Those upon whom you have looked attain even the rank of Brahma, Rudra, and Indra.

Verse 106 (skanda.2.9.106)

श्रीशुक उवाच । इति स्तुता तदा दैवैर्विष्णुवक्षःस्थलालया । विष्णुना सह संदृश्या रमा प्रीतावदत्सुरान् ।

śrīśuka uvāca iti stutā tadā daivairviṣṇuvakṣaḥsthalālayā viṣṇunā saha saṁdṛśyā ramā prītāvadatsurān

Shri Shuka said: Thus praised by the gods, Rama — who dwells upon Vishnu's breast — appearing visibly together with Vishnu, spoke with pleasure to the gods—

Verse 107 (skanda.2.9.107)

श्रीरुवाच । सुरारीन्सहसा हत्वा स्वपदानि गमिष्यथ । ये स्थानहीनाः स्वस्थानाद्भ्रंशिता ये नरा भुवि ।

śrīruvāca surārīnsahasā hatvā svapadāni gamiṣyatha ye sthānahīnāḥ svasthānādbhraṁśitā ye narā bhuvi

Shri said: You shall swiftly slay the enemies of the gods and regain your own realms. And those men on earth who are without station, fallen from their own place,

Verse 108 (skanda.2.9.108)

ते मामनेन स्तोत्रेण स्तुत्वा स्थानमवाप्नुयुः । अखंडैर्बिल्वपत्रैर्मामर्चयंति नरा भुवि ।

te māmanena stotreṇa stutvā sthānamavāpnuyuḥ akhaṁḍairbilvapatrairmāmarcayaṁti narā bhuvi

shall regain their place by praising me with this hymn. Those men on earth who worship me with unbroken bilva leaves,

Verse 109 (skanda.2.9.109)

स्तोत्रेणानेन ये देवा नरा युष्मत्कृतेन वै । धर्मार्थकाममोक्षाणामाकरास्ते भवन्ति वै ।

stotreṇānena ye devā narā yuṣmatkṛtena vai dharmārthakāmamokṣāṇāmākarāste bhavanti vai

and those gods or men who praise me with this hymn composed by you, become the very source of dharma, artha, kama, and moksha.

Verse 110 (skanda.2.9.110)

इदं पद्मसरो देवा ये केचन नरा भुवि । प्राप्य स्नानं करिष्यन्ति मां स्तुत्वा विष्णुवल्लभाम् ।

idaṁ padmasaro devā ye kecana narā bhuvi prāpya snānaṁ kariṣyanti māṁ stutvā viṣṇuvallabhām

Whatever men on earth, having reached this Padma-sarovar, shall bathe here while praising me, the beloved of Vishnu,

Verse 111 (skanda.2.9.111)

तेऽपि श्रियं दीर्घमायुर्विद्यां पुत्रान्सुवर्चसः । लब्ध्वा भोगांश्च भुक्त्वाऽन्ते नरा मोक्षमवाप्नुयुः ।

te'pi śriyaṁ dīrghamāyurvidyāṁ putrānsuvarcasaḥ labdhvā bhogāṁśca bhuktvā'nte narā mokṣamavāpnuyuḥ

they too shall obtain prosperity, long life, learning, radiant sons, and every enjoyment, and in the end shall attain liberation.

Verse 112 (skanda.2.9.112)

इति दत्त्वा वरं देवी देवेन सह विष्णुना । आरुह्य गरुडेशानं वैकुण्ठस्थानमाययौ ।

iti dattvā varaṁ devī devena saha viṣṇunā āruhya garuḍeśānaṁ vaikuṇṭhasthānamāyayau

Having thus granted the boon, the goddess, together with the Lord Vishnu, mounted Garuda, lord of birds, and departed for the abode of Vaikuntha.