The Glory of Hanuman-kunda and the Boon of a Hundred Sons

Verse 1 (skanda.3.15.1)

श्रीसूत उवाच। ब्रह्मकुण्डे महापुण्ये स्नानं कृत्वा समाहितः। नरो हनूमतः कुण्डमथ गच्छेद्विजोत्तमाः

śrīsūta uvāca brahmakuṇḍe mahāpuṇye snānaṁ kṛtvā samāhitaḥ naro hanūmataḥ kuṇḍamatha gacchedvijottamāḥ

Suta said: Having bathed with a composed mind in the greatly meritorious Brahma-kunda, O best of brahmins, a man should then go to Hanuman's kunda.

Verse 2 (skanda.3.15.2)

पुरा हतेषु रक्षःसु समाप्ते रणकर्मणि। रामादिषु निवृत्तेषु गंधमादनपर्वते

purā hateṣu rakṣaḥsu samāpte raṇakarmaṇi rāmādiṣu nivṛtteṣu gaṁdhamādanaparvate

Long ago, when the rakshasas had been slain and the work of war was over, when Rama and the others had withdrawn to Mount Gandhamadana,

Verse 3 (skanda.3.15.3)

सर्व लोकोपकाराय हनूमान्मारुतात्मजः। सर्वतीर्थोत्तमं चक्रे स्वनाम्ना तीर्थमुत्तमम्

sarva lokopakārāya hanūmānmārutātmajaḥ sarvatīrthottamaṁ cakre svanāmnā tīrthamuttamam

for the benefit of all the worlds, Hanuman, the son of Vayu, created an excellent tirtha, best among all tirthas, under his own name.

Verse 4 (skanda.3.15.4)

विदित्वा वैभवं यस्य स्वयं रुद्रेण सेव्यते। तस्य तीर्थस्य सदृशं न भूतं न भविष्यति

viditvā vaibhavaṁ yasya svayaṁ rudreṇa sevyate tasya tīrthasya sadṛśaṁ na bhūtaṁ na bhaviṣyati

Having known its greatness, it is itself frequented by Rudra; there has been, and there will be, none equal to that tirtha.

Verse 5 (skanda.3.15.5)

यत्र स्नाता नरा यांति शिवलोकं सनातनम्। यस्मिंस्तीर्थे महापुण्ये महापातकनाशने

yatra snātā narā yāṁti śivalokaṁ sanātanam yasmiṁstīrthe mahāpuṇye mahāpātakanāśane

Bathing there, men go to the eternal world of Shiva - that tirtha, greatly meritorious, destroys great sins.

Verse 6 (skanda.3.15.6)

सर्वलोकोपकाराय निर्मिते वायुसूनुना। सर्वाणि नरकाण्यासञ्च्छून्यान्येव चिराय वै

sarvalokopakārāya nirmite vāyusūnunā sarvāṇi narakāṇyāsañcchūnyānyeva cirāya vai

Created by the son of Vayu for the benefit of all the worlds - because of it, all the hells have long since become empty indeed.

Verse 7 (skanda.3.15.7)

वैभवं तस्य तीर्थस्य शंकरो वेत्ति वा न वा। यत्र धर्मसखोनाम राजा केकयवंशजः

vaibhavaṁ tasya tīrthasya śaṁkaro vetti vā na vā yatra dharmasakhonāma rājā kekayavaṁśajaḥ

Even Shankara may or may not know the greatness of that tirtha - where a king named Dharmasakha, born in the Kekaya lineage,

Verse 8 (skanda.3.15.8)

भक्त्या सह पुरा स्नात्वा शतं पुत्रानवाप्त वान्। ऋषय ऊचुः। सूत धर्मसखस्याद्य चरितं वक्तुमर्हसि। हनूमत्कुण्डतीर्थे यो लेभे स्नात्वा शतं सुतान्

bhaktyā saha purā snātvā śataṁ putrānavāpta vān ṛṣaya ūcuḥ sūta dharmasakhasyādya caritaṁ vaktumarhasi hanūmatkuṇḍatīrthe yo lebhe snātvā śataṁ sutān

having bathed there with devotion long ago, obtained a hundred sons. The sages said: O Suta, you should now tell us the story of Dharmasakha, who obtained a hundred sons by bathing at the tirtha of Hanuman-kunda.

Verse 9 (skanda.3.15.9)

श्रीसूत उवाच। शृणुध्वमृषयो यूयं चरितं तस्य भूपतेः

śrīsūta uvāca śṛṇudhvamṛṣayo yūyaṁ caritaṁ tasya bhūpateḥ

Suta said: Listen, O sages, to the story of that king.

Verse 10 (skanda.3.15.10)

अद्य धर्मसखस्याहं प्रवक्ष्यामि समासतः। राजा धर्मसखोनाम विजितारिः सुधार्मिकः

adya dharmasakhasyāhaṁ pravakṣyāmi samāsataḥ rājā dharmasakhonāma vijitāriḥ sudhārmikaḥ

Today I shall relate in brief the story of Dharmasakha. There was a king named Dharmasakha, a conqueror of his foes, greatly righteous,

Verse 11 (skanda.3.15.11)

बभूव नीतिमान्पूर्वं प्रजापालनतत्परः। तस्य भार्याशतं विप्रा वभूव पतिदैवतम्

babhūva nītimānpūrvaṁ prajāpālanatatparaḥ tasya bhāryāśataṁ viprā vabhūva patidaivatam

who was of old possessed of good policy, devoted to protecting his subjects. He, O brahmins, had a hundred wives, all devoted to their husband as their deity.

Verse 12 (skanda.3.15.12)

स पालयन्महीं राजा सशैलवनकाननाम्। तासु भार्यासु तनयं नाविंदद्वंशवर्द्धनम्

sa pālayanmahīṁ rājā saśailavanakānanām tāsu bhāryāsu tanayaṁ nāviṁdadvaṁśavarddhanam

That king, ruling the earth with its mountains, forests and woods, did not obtain among those wives a son to continue his line.

Verse 13 (skanda.3.15.13)

पुत्रार्थं स महीपालो बहूयत्नानथाकरोत्।५ अकरोच्च महादानं पुत्रार्थं स महीपतिः

putrārthaṁ sa mahīpālo bahūyatnānathākarot5 akarocca mahādānaṁ putrārthaṁ sa mahīpatiḥ

That lord of the earth made many efforts for the sake of a son; and that lord of the earth made great gifts for the sake of a son.

Verse 14 (skanda.3.15.14)

अश्वमेधादिभिर्यज्ञैरयजच्च सुरान्प्रति। तुलापुरुषमुख्यानि ददौ दानानि भूरिशः

aśvamedhādibhiryajñairayajacca surānprati tulāpuruṣamukhyāni dadau dānāni bhūriśaḥ

He worshipped the gods with sacrifices beginning with the Ashvamedha, and gave abundant gifts, foremost among them the Tulapurusha.

Verse 15 (skanda.3.15.15)

आमध्यरात्रमन्नानि सर्वेभ्योऽप्यनिवारितम्। प्रायच्छद्बहुसूपानि सस्योपेतानि भूमिपः

āmadhyarātramannāni sarvebhyo'pyanivāritam prāyacchadbahusūpāni sasyopetāni bhūmipaḥ

That lord of the earth gave food unhindered to all, even up to midnight, abundant dishes furnished with grain.

Verse 16 (skanda.3.15.16)

पितॄनुद्दिश्य च श्राद्धमकरोद्विधिपूर्वकम्। संतानदायिनो मंत्राञ्जजाप नियतेद्रियः

pitṝnuddiśya ca śrāddhamakarodvidhipūrvakam saṁtānadāyino maṁtrāñjajāpa niyatedriyaḥ

He duly performed shraddha rites for his ancestors, and, with senses restrained, recited mantras that grant progeny.

Verse 17 (skanda.3.15.17)

एवमादीन्बहून्धर्मान्पुत्रार्थं कृतवान्नृपः। पुत्रमुद्दिश्य सततं कुर्वन्धर्माननुत्तमान्

evamādīnbahūndharmānputrārthaṁ kṛtavānnṛpaḥ putramuddiśya satataṁ kurvandharmānanuttamān

Thus the king performed many such meritorious acts for the sake of a son, constantly doing supreme acts of dharma with a son in view.

Verse 18 (skanda.3.15.18)

राजा दीर्घेण कालेन वृद्धतां प्रत्यपद्यत। कदाचित्तस्य वृद्धस्य यतमानस्य भूपतेः

rājā dīrgheṇa kālena vṛddhatāṁ pratyapadyata kadācittasya vṛddhasya yatamānasya bhūpateḥ

In the course of a long time the king came to old age. Once, while that aged king, ever striving,

Verse 19 (skanda.3.15.19)

पुत्रस्सुचंद्रनामाभूज्ज्येष्ठपत्न्यां मनोरमः। जातं पुत्रं जनन्यस्ताः सर्वा वैषम्यवर्जिताः

putrassucaṁdranāmābhūjjyeṣṭhapatnyāṁ manoramaḥ jātaṁ putraṁ jananyastāḥ sarvā vaiṣamyavarjitāḥ

a lovely son named Suchandra was born to his eldest wife. All those mothers, free of any partiality,

Verse 20 (skanda.3.15.20)

समं संवर्द्धयामासुः क्षीरादिभिरनुत्तमाः। राज्ञश्च सर्वमातॄणां पौराणाम्मंत्रिणां तथा

samaṁ saṁvarddhayāmāsuḥ kṣīrādibhiranuttamāḥ rājñaśca sarvamātṝṇāṁ paurāṇāmmaṁtriṇāṁ tathā

raised him equally, most excellently, with milk and the like. He became a son who brought joy to the mind and eyes of the king, of all the mother-wives, of the citizens, and of the ministers alike;

Verse 21 (skanda.3.15.21)

मनोनयनसंतोषजनकोऽयं सुतोऽभवत्। लालयानः सुतं राजा मुदं लेभे परात्पराम्

manonayanasaṁtoṣajanako'yaṁ suto'bhavat lālayānaḥ sutaṁ rājā mudaṁ lebhe parātparām

fondling his son, the king obtained the very highest joy.

Verse 22 (skanda.3.15.22)

आंदोलिकाशयानस्य सूनोस्तस्य कदाचन। वृश्चिकोऽकुट्टयत्पादे पुच्छेनोद्यद्विषाग्निना

āṁdolikāśayānasya sūnostasya kadācana vṛściko'kuṭṭayatpāde pucchenodyadviṣāgninā

Once, as that son lay in a swinging cradle, a scorpion, with its tail bearing rising poison-fire, stung him on the foot.

Verse 23 (skanda.3.15.23)

कुट्टनाद्वृश्चिकस्यासावरुदत्तनयो भृशम्। ततस्तन्मातरः सर्वाः प्रारुदञ्च्छोककातराः

kuṭṭanādvṛścikasyāsāvarudattanayo bhṛśam tatastanmātaraḥ sarvāḥ prārudañcchokakātarāḥ

From the scorpion's sting that son wept violently; then all his mothers wept too, overwhelmed with grief,

Verse 24 (skanda.3.15.24)

परिवार्यात्मजं विप्राः सध्वनिः संकुलोऽभवत्। आर्तध्वनिं स शुश्राव राजा धर्मसखस्तदा

parivāryātmajaṁ viprāḥ sadhvaniḥ saṁkulo'bhavat ārtadhvaniṁ sa śuśrāva rājā dharmasakhastadā

surrounding the child, O brahmins, and there arose a tumult of wailing. King Dharmasakha then heard that cry of distress,

Verse 25 (skanda.3.15.25)

उपविष्टः सभामध्ये सहामात्यपुरोहितः। अथ प्रातिष्ठिपद्राजा सौविदल्लं स वेदितुम्

upaviṣṭaḥ sabhāmadhye sahāmātyapurohitaḥ atha prātiṣṭhipadrājā sauvidallaṁ sa veditum

seated as he was in the midst of the assembly with his ministers and priest. Then the king dispatched a chamberlain to find out.

Verse 26 (skanda.3.15.26)

अन्तःपुरबहिर्द्वारं सौविदल्लः समेत्य सः। षंढवृद्धान्समाहूय वाक्यमेतदभाषत

antaḥpurabahirdvāraṁ sauvidallaḥ sametya saḥ ṣaṁḍhavṛddhānsamāhūya vākyametadabhāṣata

That chamberlain, coming to the outer door of the inner apartments, summoned the aged eunuchs and spoke these words:

Verse 27 (skanda.3.15.27)

षंढाः किमर्थमधुना रुदत्यन्तःपुर स्त्रियः। तत्परिज्ञायतां तत्र गत्वा रोदनकारणम्

ṣaṁḍhāḥ kimarthamadhunā rudatyantaḥpura striyaḥ tatparijñāyatāṁ tatra gatvā rodanakāraṇam

"O eunuchs, why are the women of the inner apartments weeping just now? Go there and find out the cause of the weeping.

Verse 28 (skanda.3.15.28)

एतदर्थं हि मां राजा प्रेरयामास संसदि। इत्युक्तास्तु परिज्ञाय निदानं रोदनस्य ते

etadarthaṁ hi māṁ rājā prerayāmāsa saṁsadi ityuktāstu parijñāya nidānaṁ rodanasya te

For this very purpose the king has sent me in the assembly." Thus addressed, having ascertained the cause of the weeping,

Verse 29 (skanda.3.15.29)

निर्गम्यांतःपुरात्तस्मै यथावृत्तं न्यवेदयत्। स षंढकवचः श्रुत्वा सौविदल्लः सभां गतः

nirgamyāṁtaḥpurāttasmai yathāvṛttaṁ nyavedayat sa ṣaṁḍhakavacaḥ śrutvā sauvidallaḥ sabhāṁ gataḥ

they came out from the inner apartments and reported to him what had happened. Having heard the eunuchs' words, that chamberlain went to the assembly

Verse 30 (skanda.3.15.30)

राज्ञे निवेदयामास पुत्रं वृश्चिकपीडितम्। ततो धर्मसखो राजा श्रुत्वा वृत्तांतमीदृशम्

rājñe nivedayāmāsa putraṁ vṛścikapīḍitam tato dharmasakho rājā śrutvā vṛttāṁtamīdṛśam

and reported to the king that the prince had been afflicted by a scorpion. Then King Dharmasakha, hearing such news,

Verse 31 (skanda.3.15.31)

त्वरमाणः समुत्थाय सामात्यः सपुरोहितः। प्रविश्यांतःपुरं सार्द्धं मांत्रिकैर्विषहा रिभिः

tvaramāṇaḥ samutthāya sāmātyaḥ sapurohitaḥ praviśyāṁtaḥpuraṁ sārddhaṁ māṁtrikairviṣahā ribhiḥ

rose up in haste, together with his ministers and priest, and, entering the inner apartments along with mantra-healers skilled in destroying poison,

Verse 32 (skanda.3.15.32)

चिकित्सयामास सुतमौषधाद्यैरनेकशः। जातस्वास्थ्यं ततः पुत्रं लालयित्वा स भूपतिः

cikitsayāmāsa sutamauṣadhādyairanekaśaḥ jātasvāsthyaṁ tataḥ putraṁ lālayitvā sa bhūpatiḥ

(31-32) treated his son with many medicines and remedies. Then, when the son had regained health, that lord of the earth, having fondled him

Verse 33 (skanda.3.15.33)

मानयित्वा च मंत्रज्ञान्रत्नकां चनमौक्तिकैः। निष्क्रम्यांतःपुराद्राजा भृशं चिंतासमाकुलः

mānayitvā ca maṁtrajñānratnakāṁ canamauktikaiḥ niṣkramyāṁtaḥpurādrājā bhṛśaṁ ciṁtāsamākulaḥ

and honoured the mantra-knowers with jewels, gold and pearls, the king, greatly troubled with anxiety, came out of the inner apartments,

Verse 34 (skanda.3.15.34)

ऋत्विक्पुरोहितामात्यैस्तां सभां सनुपाविशत्। तत्र धर्मसखो राजा समासीनो वरासने। उवाचेदं वचो युक्तमृत्विजः सपुरोहितान्

ṛtvikpurohitāmātyaistāṁ sabhāṁ sanupāviśat tatra dharmasakho rājā samāsīno varāsane uvācedaṁ vaco yuktamṛtvijaḥ sapurohitān

and, with his officiating priests, chief priest, and ministers, entered that assembly. There King Dharmasakha, seated on an excellent throne, spoke this fitting speech to the officiating priests together with the chief priest:

Verse 35 (skanda.3.15.35)

धर्मसख उवाच। दुःखायैवैकपुत्रत्वं भवति ब्राह्मणो त्तमाः

dharmasakha uvāca duḥkhāyaivaikaputratvaṁ bhavati brāhmaṇo ttamāḥ

Dharmasakha said: "Having only a single son, O best of brahmins, leads only to sorrow.

Verse 36 (skanda.3.15.36)

एकपुत्रत्वतो तृणां वरा चैव ह्यपुत्रता। नित्यं व्यपाययुक्तत्वाद्वरमेव ह्यपुत्रता। अहं भार्याशतं विप्रा उदवोढ विचिंत्य तु

ekaputratvato tṛṇāṁ varā caiva hyaputratā nityaṁ vyapāyayuktatvādvarameva hyaputratā ahaṁ bhāryāśataṁ viprā udavoḍha viciṁtya tu

Better than having only one son is even having no son at all, since single-sonship is ever attended by anxiety - childlessness itself is truly the better state. O brahmins, having reflected well, I married a hundred wives,

Verse 37 (skanda.3.15.37)

वयश्च समतिक्रांतं सपत्नीकस्य मे द्विजाः। प्राणा मम च भार्याणामस्मिन्पुत्रे व्यवस्थिताः

vayaśca samatikrāṁtaṁ sapatnīkasya me dvijāḥ prāṇā mama ca bhāryāṇāmasminputre vyavasthitāḥ

and my age, O twice-born, along with my wives, has now passed by. The very life-breath of myself and of my wives rests upon this one son;

Verse 38 (skanda.3.15.38)

तन्नाशे मम भार्याणां सर्वासां च मृतिर्ध्रुवा। ममापि प्राणनाशः स्यादेकपुत्रस्य मारणे

tannāśe mama bhāryāṇāṁ sarvāsāṁ ca mṛtirdhruvā mamāpi prāṇanāśaḥ syādekaputrasya māraṇe

should he perish, the death of all my wives is certain, and my own life too would be lost should this only son die.

Verse 39 (skanda.3.15.39)

अतो मे बहुपुत्रत्वं केनोपायेन वै भवेत्। तमुपायं मम ब्रूत ब्राह्मणा वेदवि त्तमाः

ato me bahuputratvaṁ kenopāyena vai bhavet tamupāyaṁ mama brūta brāhmaṇā vedavi ttamāḥ

Therefore, by what means might I obtain many sons? Tell me that means, O brahmins, most learned in the Vedas,

Verse 40 (skanda.3.15.40)

एकैकः शतभार्यासु पुत्रो मे स्याद्यथा गुणी। तत्कर्म व्रत यूयं तु शास्त्रमालोक्य धर्मतः

ekaikaḥ śatabhāryāsu putro me syādyathā guṇī tatkarma vrata yūyaṁ tu śāstramālokya dharmataḥ

so that among my hundred wives I might have one virtuous son each. Consider that rite - ordain it for me, having looked into the scriptures, in accordance with dharma.

Verse 41 (skanda.3.15.41)

महता लघुना वापि कर्मणा दुष्करेण वा। फलं यद्यपि तत्साध्यं करिष्येऽहं न संशयः

mahatā laghunā vāpi karmaṇā duṣkareṇa vā phalaṁ yadyapi tatsādhyaṁ kariṣye'haṁ na saṁśayaḥ

Whether by a great rite or a small one, or by one difficult to perform - even if the fruit is attainable only with difficulty, I shall perform it, without doubt.

Verse 42 (skanda.3.15.42)

युष्माभिरुदितं कर्म करिष्यामि न संशयः। कृतमेव हि तद्वित्त शपेऽहं सुकृतैर्मम

yuṣmābhiruditaṁ karma kariṣyāmi na saṁśayaḥ kṛtameva hi tadvitta śape'haṁ sukṛtairmama

Whatever rite is prescribed by you, I shall perform without doubt; consider it as good as already done - I swear it by my own good deeds.

Verse 43 (skanda.3.15.43)

अस्ति चेदीदृशं कर्म येन पुत्रशतं भवेत्। तत्कर्म कुत्र कर्तव्यं मयेति वदताधुना

asti cedīdṛśaṁ karma yena putraśataṁ bhavet tatkarma kutra kartavyaṁ mayeti vadatādhunā

If there exists such a rite by which I might have a hundred sons, tell me now where that rite is to be performed by me."

Verse 44 (skanda.3.15.44)

इति पृष्टास्तदा राज्ञा ऋत्विजः सपुरोहिताः। संभूय सर्वे राजानमिदमूचुः सुनिश्चितम्

iti pṛṣṭāstadā rājñā ṛtvijaḥ sapurohitāḥ saṁbhūya sarve rājānamidamūcuḥ suniścitam

Thus questioned by the king, the officiating priests together with the chief priest, having conferred together, said this with firm resolve to the king.

Verse 45 (skanda.3.15.45)

ऋत्विज ऊचुः। अस्ति राजन्प्रवक्ष्यामो येन पुत्रशतं तव। भवेद्धर्मेण महता शतभार्यासु कैकय

ṛtvija ūcuḥ asti rājanpravakṣyāmo yena putraśataṁ tava bhaveddharmeṇa mahatā śatabhāryāsu kaikaya

The priests said: "There is such a means, O king; we shall tell you, by which, O Kaikeya, through a great meritorious rite, you may have a hundred sons among your hundred wives.

Verse 46 (skanda.3.15.46)

अस्ति कश्चिन्महापुण्यो गन्धमादनपर्वतः। दक्षिणांबुधिमध्ये यः सेतुरूपेण वर्तते

asti kaścinmahāpuṇyo gandhamādanaparvataḥ dakṣiṇāṁbudhimadhye yaḥ seturūpeṇa vartate

There is a certain greatly meritorious Mount Gandhamadana, which stands in the form of the Setu in the midst of the southern ocean,

Verse 47 (skanda.3.15.47)

सिद्धचारणगंधर्वदेवर्षिगणसंकुलः। दर्शनात्स्पर्शनान्नृणां महापातकनाशनः

siddhacāraṇagaṁdharvadevarṣigaṇasaṁkulaḥ darśanātsparśanānnṛṇāṁ mahāpātakanāśanaḥ

thronged with Siddhas, Charanas, Gandharvas and hosts of divine sages, which destroys great sins of men merely by sight and touch.

Verse 48 (skanda.3.15.48)

तत्रास्ति हनुमत्कुंडमिति लोकेषु विश्रुतम्। महादुःखप्रशमनं स्वर्गमोक्षफलप्रदम्

tatrāsti hanumatkuṁḍamiti lokeṣu viśrutam mahāduḥkhapraśamanaṁ svargamokṣaphalapradam

There exists there Hanuman-kunda, renowned among the worlds, which pacifies great sorrow and bestows the fruit of heaven and liberation,

Verse 49 (skanda.3.15.49)

नरकक्लेशशमनं तथा दारिद्र्यमोचनम्। पुत्रप्रदमपुत्राणामस्त्रीणां स्त्रीपदं नृणाम्

narakakleśaśamanaṁ tathā dāridryamocanam putrapradamaputrāṇāmastrīṇāṁ strīpadaṁ nṛṇām

which pacifies the suffering of hell, and likewise releases from poverty; it grants sons to the sonless, and to men without wives it grants the status of a wife (i.e. grants a wife).

Verse 50 (skanda.3.15.50)

तत्र त्वं प्रयतः स्नात्वा सर्वाभीष्टप्रदायिनीम्। पुत्रीयेष्टिं च तत्तीरे कुरुष्व सुसमाहितः

tatra tvaṁ prayataḥ snātvā sarvābhīṣṭapradāyinīm putrīyeṣṭiṁ ca tattīre kuruṣva susamāhitaḥ

There, having bathed with purity, you should, with a composed mind, perform on its bank the Putriya-ishti, the sacrifice that grants all desires.

Verse 51 (skanda.3.15.51)

तेन ते शतभार्यासु प्रत्येकं तनयो नृप। एकैकस्तु भवेच्छीघ्रं मा कुरु ष्वात्र संशयम्

tena te śatabhāryāsu pratyekaṁ tanayo nṛpa ekaikastu bhavecchīghraṁ mā kuru ṣvātra saṁśayam

By that, O king, one son each will quickly be born to each of your hundred wives - entertain no doubt about this."

Verse 52 (skanda.3.15.52)

तथोक्तो नृपतिर्विप्रैऋत्विक्भिः सपुरोहितैः। तत्क्षणेनैव ऋत्विक्भिर्भार्याभिश्च पुरोधसा

tathokto nṛpatirvipraiṛtvikbhiḥ sapurohitaiḥ tatkṣaṇenaiva ṛtvikbhirbhāryābhiśca purodhasā

Thus addressed by the brahmin priests together with the chief priest, the king, that very moment, together with the priests, his wives, and the chief priest,

Verse 53 (skanda.3.15.53)

वृतोमात्यैश्च भृत्यैश्च यज्ञसंभारसंयुतः। प्रययौ दक्षिणांभोधौ गन्धमादनपर्वतम्

vṛtomātyaiśca bhṛtyaiśca yajñasaṁbhārasaṁyutaḥ prayayau dakṣiṇāṁbhodhau gandhamādanaparvatam

attended by ministers and servants, furnished with the materials for sacrifice, set out for Mount Gandhamadana in the southern ocean.

Verse 54 (skanda.3.15.54)

हनुमत्कुंडमासाद्य तत्र सस्नौ ससैनिकः। मासमात्रं स तत्तीरे न्यवस त्स्नानमाचरन्

hanumatkuṁḍamāsādya tatra sasnau sasainikaḥ māsamātraṁ sa tattīre nyavasa tsnānamācaran

Having reached Hanuman-kunda, he bathed there together with his army; he dwelt on its bank for a full month, practising the bath daily.

Verse 55 (skanda.3.15.55)

ततो वसंते संप्राप्ते चैत्रमासि नृपोत्तमः। इष्टिमारब्धवांस्तत्र पुत्रीयां सपुरोहितः

tato vasaṁte saṁprāpte caitramāsi nṛpottamaḥ iṣṭimārabdhavāṁstatra putrīyāṁ sapurohitaḥ

Then, when spring had come, in the month of Chaitra, that best of kings, together with his chief priest, began there the Putriya sacrifice.

Verse 56 (skanda.3.15.56)

सम्यक्कर्माणि चक्रुस्ते ऋत्विजः सपुरोधसः। सपत्नीकस्य राजर्षेस्तथाधर्मसखस्य तु

samyakkarmāṇi cakruste ṛtvijaḥ sapurodhasaḥ sapatnīkasya rājarṣestathādharmasakhasya tu

The priests, together with the chief priest, duly performed the rites for that royal sage Dharmasakha, together with his wives.

Verse 57 (skanda.3.15.57)

इष्टौ तस्य समाप्तायां हनूमत्कुंडतीरतः। पुरोहितो हुतोच्छिष्टं प्राश यद्राजयोषितः

iṣṭau tasya samāptāyāṁ hanūmatkuṁḍatīrataḥ purohito hutocchiṣṭaṁ prāśa yadrājayoṣitaḥ

When his sacrifice was concluded, the chief priest, from the bank of Hanuman-kunda, gave the remains of the oblation for the king's wives to partake.

Verse 58 (skanda.3.15.58)

ततो धर्मसखो राजा हनूमत्कुंडवारिषु। सम्यक्चकारावभृथस्नानं भार्याशतान्वितः

tato dharmasakho rājā hanūmatkuṁḍavāriṣu samyakcakārāvabhṛthasnānaṁ bhāryāśatānvitaḥ

Then King Dharmasakha, together with his hundred wives, duly performed the concluding (avabhritha) bath in the waters of Hanuman-kunda.

Verse 59 (skanda.3.15.59)

ऋत्विक्भ्यो दक्षिणाः प्रादादसंख्यातास्तु भूरिशः। ग्रामांश्च प्रददौ राजा बाह्मणेभ्यो द्विजोत्तमाः

ṛtvikbhyo dakṣiṇāḥ prādādasaṁkhyātāstu bhūriśaḥ grāmāṁśca pradadau rājā bāhmaṇebhyo dvijottamāḥ

He gave to the priests countless, abundant gifts of dakshina; and, O best of brahmins, the king gave villages to the brahmins.

Verse 60 (skanda.3.15.60)

सामात्यः सपरीवारः सपत्नीकः स धार्म्मिकः। राजा ततो निववृते पुरीं स्वां प्रति नंदितः

sāmātyaḥ saparīvāraḥ sapatnīkaḥ sa dhārmmikaḥ rājā tato nivavṛte purīṁ svāṁ prati naṁditaḥ

That righteous king, together with his ministers, his retinue, and his wives, then returned, rejoicing, to his own city.

Verse 61 (skanda.3.15.61)

ततः कतिपये काले गते दशममामि वै। शतं भार्याः शतं पुत्रान्सुषुवुर्गुणवत्तरान्

tataḥ katipaye kāle gate daśamamāmi vai śataṁ bhāryāḥ śataṁ putrānsuṣuvurguṇavattarān

Then, after some time had passed, in the tenth month indeed, the hundred wives gave birth to a hundred sons, each more virtuous than the last.

Verse 62 (skanda.3.15.62)

अथ प्रीतमना राजा वीरो धर्मसखो महान्। स्नातः शुद्धश्च संकल्प्य जातकर्माकरोत्तदा

atha prītamanā rājā vīro dharmasakho mahān snātaḥ śuddhaśca saṁkalpya jātakarmākarottadā

Then the great, heroic King Dharmasakha, glad at heart, having bathed and purified himself, and made his resolve, performed the birth-rite for them.

Verse 63 (skanda.3.15.63)

गोभूतिलहिरण्यादि ब्राह्मणेभ्यो ददौ बहु। द्वौ पुत्रौ ज्येष्ठभार्यायाः पूर्वजोऽवरजस्तदा

gobhūtilahiraṇyādi brāhmaṇebhyo dadau bahu dvau putrau jyeṣṭhabhāryāyāḥ pūrvajo'varajastadā

He gave much - cows, land, sesame, gold, and the like - to the brahmins. His eldest wife then had two sons, an elder-born and a younger.

Verse 64 (skanda.3.15.64)

सर्वे ववृधिरे पुत्रा एकाधिकशतं द्विजाः। प्रौढेषु तेषु राजासौ तेभ्यो राज्यं विभज्य तु

sarve vavṛdhire putrā ekādhikaśataṁ dvijāḥ prauḍheṣu teṣu rājāsau tebhyo rājyaṁ vibhajya tu

All the sons - a hundred and one, O brahmins - grew up. When they had reached maturity, that king, having divided the kingdom among them,

Verse 65 (skanda.3.15.65)

दत्त्वा च प्रययौ सेतुं सभार्यो गन्धमादनम्। हनुमत्कुंडमासाद्य तपोऽतप्यत तत्तटे

dattvā ca prayayau setuṁ sabhāryo gandhamādanam hanumatkuṁḍamāsādya tapo'tapyata tattaṭe

gave it to them and set out, together with his wives, for Setu, for Gandhamadana; having reached Hanuman-kunda, he practised austerity on its bank.

Verse 66 (skanda.3.15.66)

महान्कालो व्यतीयाय राज्ञ स्तस्य तपस्यतः। राज्ञो धर्मसखस्यास्य ध्यायमानस्य शूलिनम्

mahānkālo vyatīyāya rājña stasya tapasyataḥ rājño dharmasakhasyāsya dhyāyamānasya śūlinam

A long time passed for that king as he practised austerity, King Dharmasakha, meditating upon the wielder of the trident (Shiva).

Verse 67 (skanda.3.15.67)

ततो बहुतिथे काले गते धर्मसखो नृपः। कालधर्मं ययौ तत्र धार्म्मिकश्शांतमानसः

tato bahutithe kāle gate dharmasakho nṛpaḥ kāladharmaṁ yayau tatra dhārmmikaśśāṁtamānasaḥ

Then, after a great length of time had passed, King Dharmasakha, righteous and tranquil of mind, there met his end (attained kaladharma - i.e. died).

Verse 68 (skanda.3.15.68)

पत्न्योपि तस्य राजर्षेरनुजग्मुः पतिं तदा। ज्येष्ठपुत्रः सुचन्द्रोपि संस्कृत्य पितरं ततः

patnyopi tasya rājarṣeranujagmuḥ patiṁ tadā jyeṣṭhaputraḥ sucandropi saṁskṛtya pitaraṁ tataḥ

The wives of that royal sage then followed their husband. His eldest son Suchandra, having then performed the funeral rites of his father,

Verse 69 (skanda.3.15.69)

अकरोच्छ्राद्ध पर्यंतं कर्माणि श्रद्धया सह। राजा सभार्यो वैकुंठं मरणादत्र जग्मिवान्

akarocchrāddha paryaṁtaṁ karmāṇi śraddhayā saha rājā sabhāryo vaikuṁṭhaṁ maraṇādatra jagmivān

performed all the rites up to and including the shraddha, with devotion. The king, together with his wives, went from death here to Vaikuntha.

Verse 70 (skanda.3.15.70)

सुचन्द्रमुख्यास्ते सर्वे राजपुत्रा महौजसः। स्वस्वराज्यं बुभुजिरे भ्रातरस्त्यक्तमत्सराः

sucandramukhyāste sarve rājaputrā mahaujasaḥ svasvarājyaṁ bubhujire bhrātarastyaktamatsarāḥ

All those greatly powerful princes, headed by Suchandra, brothers who had given up rivalry, enjoyed each his own share of the kingdom.

Verse 71 (skanda.3.15.71)

एवं वः कथितं विप्रा हनूमत्कुंडवैभवम्। राज्ञो धर्मसखस्यापि चरित्रं परमाद्भुतम्

evaṁ vaḥ kathitaṁ viprā hanūmatkuṁḍavaibhavam rājño dharmasakhasyāpi caritraṁ paramādbhutam

Thus, O brahmins, has been told to you the greatness of Hanuman-kunda, and the exceedingly wondrous story of King Dharmasakha as well.

Verse 72 (skanda.3.15.72)

तत्सर्वं कामसि द्ध्यर्थं स्नायात्कुंडे हनृमतः

tatsarvaṁ kāmasi ddhyarthaṁ snāyātkuṁḍe hanṛmataḥ

For the accomplishment of all one's desires, one should bathe in Hanuman's kunda.

Verse 73 (skanda.3.15.73)

अध्यायमेनं पठते मनुष्यः शृणोति वा यः सुसमाहितो द्विजाः। सोऽनंतमाप्नोति सुखं परत्र क्रीडेत सार्द्धं दिवि देववृन्दैः

adhyāyamenaṁ paṭhate manuṣyaḥ śṛṇoti vā yaḥ susamāhito dvijāḥ so'naṁtamāpnoti sukhaṁ paratra krīḍeta sārddhaṁ divi devavṛndaiḥ

O brahmins, whatever man, with a composed mind, reads this chapter or hears it, attains endless happiness in the world beyond, and sports together with the hosts of gods in heaven.