The Glory of Chakra-tirtha and the Boon of Golden Hands from Surya

Verse 1 (skanda.3.23.1)

श्रीसूत उवाच। अग्नितीर्थाभिधे तीर्थे सर्वपातकनाशने। स्नानं कृत्वा विशुद्धात्मा चक्रतीर्थं ततो व्रजेत्

śrīsūta uvāca agnitīrthābhidhe tīrthe sarvapātakanāśane snānaṁ kṛtvā viśuddhātmā cakratīrthaṁ tato vrajet

Suta said: Having bathed at the tirtha named Agni, destroyer of all sins, purified in soul, one should then go to Chakra-tirtha.

Verse 2 (skanda.3.23.2)

यंयं कामं समुद्दिश्य चक्रतीर्थे द्विजोत्तमाः। स्नानं समाचरेन्मर्त्यस्तंतं कामं समश्नुते

yaṁyaṁ kāmaṁ samuddiśya cakratīrthe dvijottamāḥ snānaṁ samācarenmartyastaṁtaṁ kāmaṁ samaśnute

Whatever desire a mortal aims at, O best of brahmins, and performs the bath at Chakra-tirtha, that very desire he obtains.

Verse 3 (skanda.3.23.3)

पुराहिर्बुध्न्यनामा तु महर्षिः संशित व्रतः। सुदर्शनमुपास्तास्मिंस्तपस्वी गंधमादने

purāhirbudhnyanāmā tu maharṣiḥ saṁśita vrataḥ sudarśanamupāstāsmiṁstapasvī gaṁdhamādane

Long ago a great sage named Ahirbudhnya, of strict vows, an ascetic, worshipped Sudarshana here at Gandhamadana.

Verse 4 (skanda.3.23.4)

तपस्यंतं मुनिं तत्र राक्षसा घोररूपिणः। अबाधंत सदा विप्रास्तपोविघ्नैकतत्पराः।

tapasyaṁtaṁ muniṁ tatra rākṣasā ghorarūpiṇaḥ abādhaṁta sadā viprāstapovighnaikatatparāḥ

Rakshasas of terrible form, always intent solely on obstructing his austerity, harassed that sage practising austerity there, O brahmins.

Verse 5 (skanda.3.23.5)

सुदर्शनं तदागत्य भक्तरक्षणवांछया। यातुधानान्बाधमानान्न्यवधीर्लीलया पुरा

sudarśanaṁ tadāgatya bhaktarakṣaṇavāṁchayā yātudhānānbādhamānānnyavadhīrlīlayā purā

Sudarshana, coming there out of desire to protect his devotee, of old, slew with ease those demons who were harassing him.

Verse 6 (skanda.3.23.6)

तदाप्रभृति तच्चक्रं भक्तप्रार्थनया द्विजाः। अहिर्बुध्न्यकृते तीर्थे सन्निधानं सदाऽकरोत्

tadāprabhṛti taccakraṁ bhaktaprārthanayā dvijāḥ ahirbudhnyakṛte tīrthe sannidhānaṁ sadā'karot

From that time onward, O brahmins, that Chakra (discus), at the devotee's request, at the tirtha associated with Ahirbudhnya, ever established its presence.

Verse 7 (skanda.3.23.7)

तदाप्रभृति तत्तीर्थं चक्रतीर्थमितीर्यते। सुदर्शनप्रसादेन तत्र तीर्थे निमज्जनात्

tadāprabhṛti tattīrthaṁ cakratīrthamitīryate sudarśanaprasādena tatra tīrthe nimajjanāt

From that time onward, that tirtha is called Chakra-tirtha. By Sudarshana's grace, by immersion at that tirtha,

Verse 8 (skanda.3.23.8)

रक्षःपिशाचा दिकृता पीडा नास्त्येव कर्हिचित्। स्नात्वास्मिन्पावने तीर्थे छिन्नपाणिः पुरा रविः। स हिरण्यमयौ पाणी लब्धवांस्तीर्थवैभवात्

rakṣaḥpiśācā dikṛtā pīḍā nāstyeva karhicit snātvāsminpāvane tīrthe chinnapāṇiḥ purā raviḥ sa hiraṇyamayau pāṇī labdhavāṁstīrthavaibhavāt

affliction caused by rakshasas, pishachas, and the like never occurs at all. Bathing at this holy tirtha, of old, the sun, whose hands had been severed, obtained golden hands there, by the greatness of the tirtha.

Verse 9 (skanda.3.23.9)

ऋषय ऊचुः। छिन्नपाणिः कथमभूदादित्यः सूतनंदन। यथा च लब्धवान्पाणी सौवर्णौ तद्वदस्व नः

ṛṣaya ūcuḥ chinnapāṇiḥ kathamabhūdādityaḥ sūtanaṁdana yathā ca labdhavānpāṇī sauvarṇau tadvadasva naḥ

The sages said: How did the sun's hands come to be severed, O son of Suta? And how did he obtain golden hands - tell us that.

Verse 10 (skanda.3.23.10)

श्रीसूत उवाच। इंद्रादयः सुराः पूर्वं संततं दैत्यपीडिताः

śrīsūta uvāca iṁdrādayaḥ surāḥ pūrvaṁ saṁtataṁ daityapīḍitāḥ

Suta said: Indra and the other gods, of old, continually oppressed by the daityas,

Verse 11 (skanda.3.23.11)

किं कुर्म इति संचित्य संभूय सममंत्रयन्। बृहस्पतिं पुरस्कृत्य मंत्रयित्वा चिरं सुराः

kiṁ kurma iti saṁcitya saṁbhūya samamaṁtrayan bṛhaspatiṁ puraskṛtya maṁtrayitvā ciraṁ surāḥ

thinking "What shall we do?", gathered together and took counsel together. Having placed Brihaspati at their head, and having deliberated for a long time, the gods,

Verse 12 (skanda.3.23.12)

तुरासाहं पुरोधाय धाम स्वायंभुवं ययुः। ते ब्रह्माणं समासाद्य दृष्ट्वा स्तुत्वा च भक्तितः

turāsāhaṁ purodhāya dhāma svāyaṁbhuvaṁ yayuḥ te brahmāṇaṁ samāsādya dṛṣṭvā stutvā ca bhaktitaḥ

placing Indra before them, went to the abode of Svayambhu (Brahma). Having reached Brahma, having beheld him and praised him with devotion,

Verse 13 (skanda.3.23.13)

ततो व्यजिज्ञपस्तस्मै स्वेषामागमकारणम्। सुरा ऊचुः। भगवन्भारतीनाथ दैत्या ह्यस्मान्बलोत्कटाः

tato vyajijñapastasmai sveṣāmāgamakāraṇam surā ūcuḥ bhagavanbhāratīnātha daityā hyasmānbalotkaṭāḥ

they then informed him of the cause of their coming. The gods said: "O venerable lord of Bharati, the daityas, of excessive strength,

Verse 14 (skanda.3.23.14)

बाधंते सततं देव तत्र ब्रूहि प्रतिक्रियाम्। इत्युक्तः स सुरैर्ब्रह्मा तानाह कृपया वचः

bādhaṁte satataṁ deva tatra brūhi pratikriyām ityuktaḥ sa surairbrahmā tānāha kṛpayā vacaḥ

harass us continually, O god; tell us the remedy for that." Thus addressed by the gods, Brahma spoke to them with compassion.

Verse 15 (skanda.3.23.15)

ब्रह्मोवाच। मा भैष्ट यूयं विबुधास्तत्रोपायं ब्रवीम्यहम्। माहेश्वरं महायज्ञमसुराणां विनाशनम्।

brahmovāca mā bhaiṣṭa yūyaṁ vibudhāstatropāyaṁ bravīmyaham māheśvaraṁ mahāyajñamasurāṇāṁ vināśanam

Brahma said: "Do not fear, O gods; I shall tell you the means. The great Maheshvara sacrifice, the destroyer of asuras -

Verse 16 (skanda.3.23.16)

प्रारभध्वं सुरा यूयं मुनिभिस्तत्त्वदर्शिभिः। अयं च दैवतैः सर्वैर्विधिलोभं विना कृतः

prārabhadhvaṁ surā yūyaṁ munibhistattvadarśibhiḥ ayaṁ ca daivataiḥ sarvairvidhilobhaṁ vinā kṛtaḥ

begin it, O gods, together with the sages who perceive the truth. And this, performed by all the gods without any greed, in due form -

Verse 17 (skanda.3.23.17)

माहेश्वरो महायज्ञः क्रियतां गंधमादने। यदि ह्यन्यत्र तं यज्ञं कुर्युस्तद्विबुधर्षभाः

māheśvaro mahāyajñaḥ kriyatāṁ gaṁdhamādane yadi hyanyatra taṁ yajñaṁ kuryustadvibudharṣabhāḥ

let this great Maheshvara sacrifice be performed at Gandhamadana. For if you bulls among gods should perform that sacrifice elsewhere,

Verse 18 (skanda.3.23.18)

यज्ञविघ्नं तदा कुर्युर्दुरात्मानः सुरद्विषः। क्रियते यद्ययं यज्ञो गंधमादनपर्वते

yajñavighnaṁ tadā kuryurdurātmānaḥ suradviṣaḥ kriyate yadyayaṁ yajño gaṁdhamādanaparvate

those evil-souled enemies of the gods would then obstruct the sacrifice. But if this sacrifice is performed at Mount Gandhamadana,

Verse 19 (skanda.3.23.19)

सुदर्शनप्रसादेन नैव विघ्नो भवेत्तदा। अहिर्बुध्न्याभिधानस्य महर्षेर्गंधमादने

sudarśanaprasādena naiva vighno bhavettadā ahirbudhnyābhidhānasya maharṣergaṁdhamādane

then, by the grace of Sudarshana, there would be no obstruction at all. For, at Gandhamadana, out of favour to the great sage named Ahirbudhnya,

Verse 20 (skanda.3.23.20)

अनुग्रहाय तत्तीर्थे सन्निधत्ते सुदर्शनम्। अतः कुरुध्वं भो यूयं तं यज्ञं गंधमादने

anugrahāya tattīrthe sannidhatte sudarśanam ataḥ kurudhvaṁ bho yūyaṁ taṁ yajñaṁ gaṁdhamādane

Sudarshana establishes his presence at that tirtha. Therefore, perform that sacrifice at Gandhamadana,

Verse 21 (skanda.3.23.21)

नातिदूरे चक्रतीर्थादसुराणां विनाशकम्। ततस्ते ब्रह्मवचसा सहसा गंधमादनम्

nātidūre cakratīrthādasurāṇāṁ vināśakam tataste brahmavacasā sahasā gaṁdhamādanam

the destroyer of the asuras, not far from Chakra-tirtha." Then they, at Brahma's word, at once went to Gandhamadana,

Verse 22 (skanda.3.23.22)

बृहस्पतिं पुरस्कृत्य जग्मुर्यज्ञचिकीर्षया। ते प्रणम्य महात्मानमहिर्बुध्न्यं मुनीश्वरम्

bṛhaspatiṁ puraskṛtya jagmuryajñacikīrṣayā te praṇamya mahātmānamahirbudhnyaṁ munīśvaram

placing Brihaspati at their head, desiring to perform the sacrifice. Having bowed to that great-souled lord of sages, Ahirbudhnya,

Verse 23 (skanda.3.23.23)

अकल्पयन्यज्ञवाटन्नातिदूरे तदाश्रमात्। यज्ञकर्मसु निष्णातैः सहितास्ते तपोधनैः

akalpayanyajñavāṭannātidūre tadāśramāt yajñakarmasu niṣṇātaiḥ sahitāste tapodhanaiḥ

they prepared the sacrificial enclosure not far from his ashrama. Together with those ascetics skilled in sacrificial rites,

Verse 24 (skanda.3.23.24)

इष्टिमारेभिरे देवा असुराणां विनाशिनीम्। तस्मिन्कर्मणि होतासीत्स्वयमेव बृहस्पतिः

iṣṭimārebhire devā asurāṇāṁ vināśinīm tasminkarmaṇi hotāsītsvayameva bṛhaspatiḥ

the gods began the Ishti destroying the asuras. In that rite, Brihaspati himself was the Hotri priest.

Verse 25 (skanda.3.23.25)

बभूव मैत्रावरुणो जयंतः पाकशासनिः। अच्छावाको बभूवात्र वसूनामष्टमो वसुः

babhūva maitrāvaruṇo jayaṁtaḥ pākaśāsaniḥ acchāvāko babhūvātra vasūnāmaṣṭamo vasuḥ

Jayanta, son of Pakashasana (Indra), became the Maitravaruna priest. The eighth Vasu became the Achchhavaka priest there.

Verse 26 (skanda.3.23.26)

ग्रावस्तुदभवत्तत्र शक्तिपुत्रः पराशरः। अष्टावक्रो महातेजा अध्वर्युधुरमूढवान्।

grāvastudabhavattatra śaktiputraḥ parāśaraḥ aṣṭāvakro mahātejā adhvaryudhuramūḍhavān

Parashara, son of Shakti, became the Gravastut there. The greatly splendid Ashtavakra bore the burden of the Adhvaryu.

Verse 27 (skanda.3.23.27)

तत्र प्रतिप्रस्थाताभूद्विश्वामित्रो महामुनिः। बभूव वरुण उन्नेता च धनेश्वरः

tatra pratiprasthātābhūdviśvāmitro mahāmuniḥ babhūva varuṇa unnetā ca dhaneśvaraḥ

The great sage Vishvamitra became the Pratiprasthata there. Varuna and Dhaneshvara (Kubera) became the Unneta.

Verse 28 (skanda.3.23.28)

ब्रह्मा बभूव सविता यज्ञस्यार्धधुरं वहन्। बभूव ब्राह्मणाच्छंसी वसिष्ठो ब्रह्मणोत्तमः

brahmā babhūva savitā yajñasyārdhadhuraṁ vahan babhūva brāhmaṇācchaṁsī vasiṣṭho brahmaṇottamaḥ

Savita (Surya), bearing half the burden of the sacrifice, became the Sadasya. The excellent brahmin Vasishtha became the Brahmanacchamsi.

Verse 29 (skanda.3.23.29)

आग्नीध्रोऽभूच्छुनःशेपः पोता जातश्च पावकः। उद्गाता वायुरभवत्प्रस्तोता च परेतराट्।

āgnīdhro'bhūcchunaḥśepaḥ potā jātaśca pāvakaḥ udgātā vāyurabhavatprastotā ca paretarāṭ

Shunahshepa became the Agnidhra; Pavaka himself became the Pota. Vayu became the Udgata, and Paretaraj (Yama) the Prastota.

Verse 30 (skanda.3.23.30)

प्रतिहर्ता तु तत्रासीदगस्त्यः कुंभसंभवः। सुब्रह्मण्यो मधुच्छंदा विश्वामित्रात्मजो महान्

pratihartā tu tatrāsīdagastyaḥ kuṁbhasaṁbhavaḥ subrahmaṇyo madhucchaṁdā viśvāmitrātmajo mahān

Agastya, the pot-born, was the Pratiharta there. The great Subrahmanya, Madhuchchhanda, son of Vishvamitra,

Verse 31 (skanda.3.23.31)

यजमानः स्वयमभूद्देवराजः पुरंदरः। उपद्रष्टा बभूवात्र व्यासपुत्रः शुको मुनिः

yajamānaḥ svayamabhūddevarājaḥ puraṁdaraḥ upadraṣṭā babhūvātra vyāsaputraḥ śuko muniḥ

and the king of the gods, Purandara, himself became the Yajamana. Shuka, the sage, son of Vyasa, became the Upadrashta there.

Verse 32 (skanda.3.23.32)

ततस्ते ऋत्विजः सर्वे देवराजं पुरंदरम्। विधिवद्दीक्षयांचक्रुस्तत्र माहेश्वरे क्रतौ

tataste ṛtvijaḥ sarve devarājaṁ puraṁdaram vidhivaddīkṣayāṁcakrustatra māheśvare kratau

Then all those officiating priests duly consecrated Purandara, king of the gods, at that Maheshvara sacrifice.

Verse 33 (skanda.3.23.33)

प्रावर्तत महायज्ञ एवं वै गंधमादने। सुदर्शनप्रभावेन दुःसहेनातिपीडिताः

prāvartata mahāyajña evaṁ vai gaṁdhamādane sudarśanaprabhāvena duḥsahenātipīḍitāḥ

Thus the great sacrifice proceeded at Gandhamadana. By the power of Sudarshana, exceedingly unbearable, greatly harassed,

Verse 34 (skanda.3.23.34)

नाविंदन्नसुरास्तत्र रंध्रं यज्ञे प्रवर्तिते। एवन्निरंतरायोऽसौ प्रावर्तत महा क्रतुः

nāviṁdannasurāstatra raṁdhraṁ yajñe pravartite evanniraṁtarāyo'sau prāvartata mahā kratuḥ

the asuras could find no opening there once the sacrifice had begun. Thus, unobstructed, the great sacrifice proceeded.

Verse 35 (skanda.3.23.35)

भक्षयंश्च हरिस्तत्र जज्वाल हुतवाहनः। विधिवत्कर्मजालानि कृत्वाध्वर्युरसंभ्रमात्

bhakṣayaṁśca haristatra jajvāla hutavāhanaḥ vidhivatkarmajālāni kṛtvādhvaryurasaṁbhramāt

Consuming the oblations, the oblation-bearer Agni blazed there. Having performed all the ritual acts duly and without confusion, the Adhvaryu,

Verse 36 (skanda.3.23.36)

मंत्रपूतं पुरोडाशं जुहवामास पावके। हुतशेषं पुरोडाशं विभज्याध्वर्युरादरात्

maṁtrapūtaṁ puroḍāśaṁ juhavāmāsa pāvake hutaśeṣaṁ puroḍāśaṁ vibhajyādhvaryurādarāt

offered into Pavaka the mantra-purified Purodasha (sacrificial cake). Having distributed the remainder of the offered Purodasha, the Adhvaryu, with reverence,

Verse 37 (skanda.3.23.37)

ऋत्विग्भ्यो होतृमुख्येभ्यः प्रददौ पापनाशनम्। सवित्रे ब्रह्मणे चैकमत्युग्रतरतेजसम्।

ṛtvigbhyo hotṛmukhyebhyaḥ pradadau pāpanāśanam savitre brahmaṇe caikamatyugrataratejasam

gave that sin-destroying portion to the priests headed by the Hotri; and to Savitri (Surya), the brahmin, a portion of exceedingly fierce splendour,

Verse 38 (skanda.3.23.38)

ददौ तत्र पुरोडाशभागं प्राशित्रनामकम्। प्रतिजग्राह पाणिभ्यां प्राशित्रं सविता तदा

dadau tatra puroḍāśabhāgaṁ prāśitranāmakam pratijagrāha pāṇibhyāṁ prāśitraṁ savitā tadā

he gave there, the portion of the Purodasha called the Prashitra. Savitri (Surya) then received that Prashitra with both his hands.

Verse 39 (skanda.3.23.39)

सवित्रा स्पृष्टमात्रं सत्तत्प्राशित्रं दुरासदम्। तस्य पाणी प्रचिच्छेद पश्यतां सर्वऋत्विजाम्

savitrā spṛṣṭamātraṁ sattatprāśitraṁ durāsadam tasya pāṇī praciccheda paśyatāṁ sarvaṛtvijām

That Prashitra, difficult to approach, the very moment it was touched by Savitri, severed his hands, before the eyes of all the priests.

Verse 40 (skanda.3.23.40)

ततः संछिन्नपाणिः स प्राशित्रेणोग्रतेजसा। किमेतदिति संत्रस्तो विषण्णवदनोऽभवत्

tataḥ saṁchinnapāṇiḥ sa prāśitreṇogratejasā kimetaditi saṁtrasto viṣaṇṇavadano'bhavat

Then he, his hands severed by the fierce-splendoured Prashitra, terrified, saying "What is this?", became downcast of face.

Verse 41 (skanda.3.23.41)

सविता ऋत्विजः सर्वान्समाहूयेदमब्रवीत्। सवितोवाच। पुरोडाशस्य भागोऽयं मम प्राशित्रनामकः

savitā ṛtvijaḥ sarvānsamāhūyedamabravīt savitovāca puroḍāśasya bhāgo'yaṁ mama prāśitranāmakaḥ

Savita then summoned all the priests and said this: Savita said: "This portion of the Purodasha, called mine, the Prashitra,

Verse 42 (skanda.3.23.42)

दत्तश्चिच्छेद मत्पाणी मिषत्स्वेव भवत्स्वपि। अतो भवंतः संभूय सर्व एव हि ऋत्विजः

dattaściccheda matpāṇī miṣatsveva bhavatsvapi ato bhavaṁtaḥ saṁbhūya sarva eva hi ṛtvijaḥ

given to me, has, even while all of you were watching, severed my hands. Therefore all of you priests together,

Verse 43 (skanda.3.23.43)

कल्पयंतामिमौ पाणी नोचेद्यज्ञं निहन्म्यमुम्। सवितुर्वाक्यमाकर्ण्य ते सर्वे समचिंतयन्

kalpayaṁtāmimau pāṇī nocedyajñaṁ nihanmyamum saviturvākyamākarṇya te sarve samaciṁtayan

arrange for these two hands, otherwise I shall destroy this sacrifice." Having heard Savita's words, all of them pondered.

Verse 44 (skanda.3.23.44)

तत्र मध्ये मुनींद्राणां देवानां चैव सर्वशः। अष्टावक्रो महातेजा ऋत्विजस्तानभाषत

tatra madhye munīṁdrāṇāṁ devānāṁ caiva sarvaśaḥ aṣṭāvakro mahātejā ṛtvijastānabhāṣata

There, in the midst of the lords of sages and of the gods, the greatly splendid Ashtavakra spoke to those priests.

Verse 45 (skanda.3.23.45)

अष्टावक्र उवाच। शृणुध्वमृत्विजः सर्वे मम वाक्यं समाहिताः। मयि जीवति विप्रेंद्रा विरिंचानां शतं गतम्

aṣṭāvakra uvāca śṛṇudhvamṛtvijaḥ sarve mama vākyaṁ samāhitāḥ mayi jīvati vipreṁdrā viriṁcānāṁ śataṁ gatam

Ashtavakra said: "Listen, all you priests, to my word, with composed minds. While I have lived, O foremost of brahmins, a hundred Brahmas have passed away.

Verse 46 (skanda.3.23.46)

जायंते च म्रियंते च चतुराननकोटयः। पश्यन्नेव च तान्सर्वानहं प्राणानधारयम्

jāyaṁte ca mriyaṁte ca caturānanakoṭayaḥ paśyanneva ca tānsarvānahaṁ prāṇānadhārayam

Crores of four-faced ones are born and die; and, seeing all of them, I have retained my life-breaths.

Verse 47 (skanda.3.23.47)

तत्र लोकेश्वराभिख्ये वर्तमाने प्रजापतौ। विप्रो हरिहरोनाम निवसञ्छयामलापुरे

tatra lokeśvarābhikhye vartamāne prajāpatau vipro hariharonāma nivasañchayāmalāpure

At that time, in the age of a Prajapati named Lokeshvara, a brahmin named Harihara dwelt in Shyamala-pura,

Verse 48 (skanda.3.23.48)

व्याधेनारण्यवासेन केल्यर्थं लक्ष्यवेधिना। छिन्नपादोऽभवद्बाणैर्लक्ष्य मध्यं समागतः

vyādhenāraṇyavāsena kelyarthaṁ lakṣyavedhinā chinnapādo'bhavadbāṇairlakṣya madhyaṁ samāgataḥ

and, by a hunter dwelling in the forest, aiming at a target for sport, his foot was severed by arrows, having come into the midst of the target.

Verse 49 (skanda.3.23.49)

स गंधमादनं प्राप्य मुनिभिः प्रेरितस्तदा। स्नात्वा च मुनितीर्थेऽस्मिन्प्राप्तवांश्चरणौ पुरा

sa gaṁdhamādanaṁ prāpya munibhiḥ preritastadā snātvā ca munitīrthe'sminprāptavāṁścaraṇau purā

He, having reached Gandhamadana, urged then by sages, having bathed at this Muni-tirtha, obtained his foot again there, of old.

Verse 50 (skanda.3.23.50)

तदा पुण्यमिदं तीर्थं मुनितीर्थमितीरितम्। इदानीं चक्रतीर्थाख्यं चक्रनाम त्वविंदत

tadā puṇyamidaṁ tīrthaṁ munitīrthamitīritam idānīṁ cakratīrthākhyaṁ cakranāma tvaviṁdata

Then this holy tirtha was called Muni-tirtha; now it has obtained the name Chakra-tirtha.

Verse 51 (skanda.3.23.51)

तदत्र क्रियतां स्नानं प्राशित्रच्छिन्नपाणिना। मुनितीर्थे सवित्रापि युष्माकं यदि रोचते

tadatra kriyatāṁ snānaṁ prāśitracchinnapāṇinā munitīrthe savitrāpi yuṣmākaṁ yadi rocate

Therefore, let the bath be performed here at Muni-tirtha by Savita, of the hands severed by the Prashitra, if it pleases you all.

Verse 52 (skanda.3.23.52)

ऋत्विजः कथितास्त्वेवमष्टावक्रमहर्षिणा। सवितारमभाषंत सर्व एव प्रहर्षिताः

ṛtvijaḥ kathitāstvevamaṣṭāvakramaharṣiṇā savitāramabhāṣaṁta sarva eva praharṣitāḥ

Thus spoken to by the great sage Ashtavakra, all the priests, greatly rejoicing, spoke to Savita:

Verse 53 (skanda.3.23.53)

सवितः स्नाहि तीर्थेऽ स्मिंस्तव पाणी भविष्यतः। अष्टावक्रो यथा प्राह तथा कुरु समाहितः

savitaḥ snāhi tīrthe' smiṁstava pāṇī bhaviṣyataḥ aṣṭāvakro yathā prāha tathā kuru samāhitaḥ

"O Savita, bathe at this tirtha; your hands shall come to be. As Ashtavakra has said, so do, with a composed mind."

Verse 54 (skanda.3.23.54)

ततः स सविता गत्वा चक्रतीर्थं महत्तरम्। सस्नौ पाण्योरवाप्त्यर्थमिष्टदायिनि तत्र सः

tataḥ sa savitā gatvā cakratīrthaṁ mahattaram sasnau pāṇyoravāptyarthamiṣṭadāyini tatra saḥ

Then that Savita, having gone to that great Chakra-tirtha, that granter of wishes, bathed there for the sake of obtaining his hands.

Verse 55 (skanda.3.23.55)

उत्तिष्ठन्नेव स तदा तत्र स्नात्वा सभक्तिकम्। युक्तो हिरण्मयाभ्यां तु पाणिभ्यां समदृश्यत

uttiṣṭhanneva sa tadā tatra snātvā sabhaktikam yukto hiraṇmayābhyāṁ tu pāṇibhyāṁ samadṛśyata

Just as he was rising up, having bathed there with devotion, he was seen then endowed with two golden hands.

Verse 56 (skanda.3.23.56)

हिरण्यपाणिं तं दृष्ट्वा जहृषुः सर्वऋत्विजः। ततः समाप्य तं यज्ञं दैत्यसंघान्विजित्य च

hiraṇyapāṇiṁ taṁ dṛṣṭvā jahṛṣuḥ sarvaṛtvijaḥ tataḥ samāpya taṁ yajñaṁ daityasaṁghānvijitya ca

Seeing him with golden hands, all the priests rejoiced. Then, having completed that sacrifice, and having conquered the hosts of daityas,

Verse 57 (skanda.3.23.57)

इंद्रादयः सुराः सर्वे सुखिताः स्वर्गमाययुः। तस्मादेतत्समागत्य तीर्थं सर्वैश्च मानवैः

iṁdrādayaḥ surāḥ sarve sukhitāḥ svargamāyayuḥ tasmādetatsamāgatya tīrthaṁ sarvaiśca mānavaiḥ

Indra and all the other gods, happy, went to heaven. Therefore, this tirtha, having come to it, by all men,

Verse 58 (skanda.3.23.58)

सेवनीयं प्रयत्नेन स्वस्वाभीष्टस्य सिद्धये। अंधैश्च कुणिभिर्मूकैर्बधिरैः कुब्जकैरपि

sevanīyaṁ prayatnena svasvābhīṣṭasya siddhaye aṁdhaiśca kuṇibhirmūkairbadhiraiḥ kubjakairapi

should be resorted to with effort, for the accomplishment of one's own desires. By the blind, by the maimed, by the mute, by the deaf, by the hunchbacked as well,

Verse 59 (skanda.3.23.59)

खंजैः पंगुभिरप्येतदंगहीनैस्तथापरैः। संछिन्नपाणिचरणैः संछिन्नान्यांगसंचयैः

khaṁjaiḥ paṁgubhirapyetadaṁgahīnaistathāparaiḥ saṁchinnapāṇicaraṇaiḥ saṁchinnānyāṁgasaṁcayaiḥ

by the lame, by the crippled, and by others deficient in limbs, by those with severed hands and feet, by those whose collection of limbs is impaired,

Verse 60 (skanda.3.23.60)

मनुष्यैश्च तथान्यैश्च विकलांगस्य पूर्तये। सेवनीयमिदं तीर्थं सर्वाभीष्टप्रदायकम्

manuṣyaiśca tathānyaiśca vikalāṁgasya pūrtaye sevanīyamidaṁ tīrthaṁ sarvābhīṣṭapradāyakam

and by other men too, for the completion (restoration) of the disabled, this tirtha, bestowing all desires, should be resorted to.

Verse 61 (skanda.3.23.61)

एवं वः कथितं विप्राश्चक्रतीर्थस्य वैभवम्। यत्र स्नात्वा पुरा छिन्नौ पाणी प्राप प्रभाकरः

evaṁ vaḥ kathitaṁ viprāścakratīrthasya vaibhavam yatra snātvā purā chinnau pāṇī prāpa prabhākaraḥ

Thus has been told to you, O brahmins, the greatness of Chakra-tirtha, where, bathing, of old, the sun, whose hands had been severed, obtained new hands, that giver of light (Prabhakara).

Verse 62 (skanda.3.23.62)

यः पठेदिममध्यायं शृणुयाद्वा समाहितः। अंगानि विकलान्यस्य पूर्णानि स्युर्न संशयः

yaḥ paṭhedimamadhyāyaṁ śṛṇuyādvā samāhitaḥ aṁgāni vikalānyasya pūrṇāni syurna saṁśayaḥ

Whoever reads this chapter, or hears it with a composed mind - his impaired limbs shall become whole, without doubt.

Verse 63 (skanda.3.23.63)

मोक्षकामस्य मर्त्यस्य मुक्तिः स्यान्नात्र संशयः

mokṣakāmasya martyasya muktiḥ syānnātra saṁśayaḥ

For a mortal desiring liberation, liberation shall be his - there is no doubt of this.