The Glory of Sarva-Tirtha, Where All Tirthas Meet

Verse 1 (skanda.3.29.1)

श्रीसूत उवाच स्नात्वा साध्यामृते तीर्थे नृपशापविमोक्षणे सर्वतीर्थं ततो गच्छेन्मनुजो नियमान्वितः

śrīsūta uvāca snātvā sādhyāmṛte tīrthe nṛpaśāpavimokṣaṇe sarvatīrthaṁ tato gacchenmanujo niyamānvitaḥ

Sri Suta said: Having bathed at the tirtha Sadhyamrita, which frees one from a king's curse, a disciplined man should then proceed to Sarva-tirtha.

Verse 2 (skanda.3.29.2)

सर्वतीर्थं महापुण्यं महापातकनाशनम् महापातकयुक्तो वा युक्तो वा सर्वपातकैः

sarvatīrthaṁ mahāpuṇyaṁ mahāpātakanāśanam mahāpātakayukto vā yukto vā sarvapātakaiḥ

Sarva-tirtha is of great merit, the destroyer of the greatest sins; whether a man is burdened with a great sin or with every kind of sin,

Verse 3 (skanda.3.29.3)

शुद्ध्येत तत्क्षणादेव सर्वतीर्थनिमज्जनात् तावत्सर्वाणि पापानि देहे तिष्ठंति सुव्रताः

śuddhyeta tatkṣaṇādeva sarvatīrthanimajjanāt tāvatsarvāṇi pāpāni dehe tiṣṭhaṁti suvratāḥ

he is purified that very instant by immersion in Sarva-tirtha. O men of good vows, until the sinful man bathes in this Sarva-tirtha,

Verse 4 (skanda.3.29.4)

न यावत्सर्वतीर्थेस्मिन्निमज्जेत्पापपूरुषः स्नानार्थं सर्वतीर्थेऽस्मिन्दृष्ट्वा यांतं द्विजा नरम्

na yāvatsarvatīrthesminnimajjetpāpapūruṣaḥ snānārthaṁ sarvatīrthe'smindṛṣṭvā yāṁtaṁ dvijā naram

all his sins remain lodged in his body. O brahmins, seeing a man going toward this Sarva-tirtha to bathe,

Verse 5 (skanda.3.29.5)

वेपंते सर्वपापानि नाशोऽस्माकं भवेदिति गर्भवासादिदुःखानि तावद्याति नरो भुवि

vepaṁte sarvapāpāni nāśo'smākaṁ bhavediti garbhavāsādiduḥkhāni tāvadyāti naro bhuvi

all his sins tremble, thinking "our destruction is now certain." A man endures the sufferings of dwelling in the womb and the like in this world,

Verse 6 (skanda.3.29.6)

न स्नायात्सर्वतीर्थेऽस्मिन्यावद्ब्राह्मणपुंगवाः अनुष्ठितैर्महायागैस्तथा तीर्थनिषेवणैः

na snāyātsarvatīrthe'sminyāvadbrāhmaṇapuṁgavāḥ anuṣṭhitairmahāyāgaistathā tīrthaniṣevaṇaiḥ

O foremost of brahmins, only until he has not yet bathed in this Sarva-tirtha. Whatever fruit a mortal gains through great sacrifices duly performed, or through resorting to other tirthas,

Verse 7 (skanda.3.29.7)

गायत्र्यादिमहामंत्रजपैर्नियमपूर्वकम् चतुर्णामपि वेदानामावृत्त्या शतसंख्यया

gāyatryādimahāmaṁtrajapairniyamapūrvakam caturṇāmapi vedānāmāvṛttyā śatasaṁkhyayā

or through the disciplined recitation of the Gayatri and other great mantras, or through the hundredfold repetition of all four Vedas,

Verse 8 (skanda.3.29.8)

शिवविष्ण्वादिदेवानां पूजया भक्तिपूर्वकम् एकादश्यादितिथिषु तथैवानशनेन च यत्फलं लभते मर्त्यस्तल्लभेदत्र मज्जनात्

śivaviṣṇvādidevānāṁ pūjayā bhaktipūrvakam ekādaśyāditithiṣu tathaivānaśanena ca yatphalaṁ labhate martyastallabhedatra majjanāt

or through devoted worship of Shiva, Vishnu and the other gods, and through fasting on the eleventh lunar day and similar occasions - whatever fruit a mortal thereby obtains, that same fruit he gains here by mere immersion.

Verse 9 (skanda.3.29.9)

ऋषय ऊचुः सर्वतीर्थमिति ख्यातिः सूतास्य कथमागता ब्रूह्यस्माकमिदं पुण्यं विस्तराच्छृण्वतां मुने

ṛṣaya ūcuḥ sarvatīrthamiti khyātiḥ sūtāsya kathamāgatā brūhyasmākamidaṁ puṇyaṁ vistarācchṛṇvatāṁ mune

The sages said: O Suta, how did this tirtha come to be renowned by the name 'Sarva-tirtha'? Tell us this meritorious tale in detail, O sage, as we listen.

Verse 10 (skanda.3.29.10)

श्रीसूत उवाच पुरा सुचरितोनाम मुनिर्नियमसंयुतः

śrīsūta uvāca purā sucaritonāma munirniyamasaṁyutaḥ

Sri Suta said: Long ago there was a sage named Sucharita, disciplined in his vows,

Verse 11 (skanda.3.29.11)

भृगुवंशसमुद्भूतो जात्यंधो जरयातुरः अशक्तस्तीर्थयात्रायां नेत्राभावेन स द्विजाः

bhṛguvaṁśasamudbhūto jātyaṁdho jarayāturaḥ aśaktastīrthayātrāyāṁ netrābhāvena sa dvijāḥ

born in the lineage of Bhrigu, blind from birth and afflicted with old age; O brahmins, being unable, for want of sight, to undertake tirtha-pilgrimage,

Verse 12 (skanda.3.29.12)

सर्वेषामेव तीर्थानां स्नातुकामो महामुनिः दक्षिणांबुनिधौ पुण्यं गंधमादनपर्वतम्

sarveṣāmeva tīrthānāṁ snātukāmo mahāmuniḥ dakṣiṇāṁbunidhau puṇyaṁ gaṁdhamādanaparvatam

that great sage, desiring nonetheless to bathe in all the tirthas, went to the holy Mount Gandhamadana on the southern ocean-shore,

Verse 13 (skanda.3.29.13)

गत्वा शंकरमुद्दिश्य तपस्तेपे सुदुष्करम् त्रिकालमर्चयञ्छंभुमुपवासी जितेंद्रियः

gatvā śaṁkaramuddiśya tapastepe suduṣkaram trikālamarcayañchaṁbhumupavāsī jiteṁdriyaḥ

and there, fixing his mind on Shankara, practiced an extremely difficult austerity - fasting, his senses subdued, he worshipped Shambhu three times daily,

Verse 14 (skanda.3.29.14)

तथा त्रिषवणस्नानात्तथैवातिथिपूजकः शिशिरे जलमध्यस्थो ग्रीष्मे पंचाग्निमध्यगः

tathā triṣavaṇasnānāttathaivātithipūjakaḥ śiśire jalamadhyastho grīṣme paṁcāgnimadhyagaḥ

and by bathing thrice daily, and by honoring guests; standing immersed in water in the cold season, surrounded by the five fires in summer,

Verse 15 (skanda.3.29.15)

वर्षास्वासारसहनोऽब्भक्षो वायुभोजनः उद्धूलनं त्रिपुंड्रं च भस्मना धारयन्सदा

varṣāsvāsārasahano'bbhakṣo vāyubhojanaḥ uddhūlanaṁ tripuṁḍraṁ ca bhasmanā dhārayansadā

enduring the downpours of the rainy season, subsisting on water alone, feeding on air, ever bearing the tripundra mark, smearing his body with ash,

Verse 16 (skanda.3.29.16)

जाबालोपनिषद्रीत्या तथा रुद्राक्षधारकः एवमुग्रं तपश्चक्रे दशसंवत्सरं द्विजः

jābālopaniṣadrītyā tathā rudrākṣadhārakaḥ evamugraṁ tapaścakre daśasaṁvatsaraṁ dvijaḥ

wearing rudraksha beads in the manner prescribed by the Jabala Upanishad - thus that brahmin practiced fierce austerity for ten years.

Verse 17 (skanda.3.29.17)

तपसा तस्य संतुष्टः शंकरश्चंद्रशेखरः प्रादुरासीन्मुनेस्तस्य द्विजाः सुचरितस्य वै

tapasā tasya saṁtuṣṭaḥ śaṁkaraścaṁdraśekharaḥ prādurāsīnmunestasya dvijāḥ sucaritasya vai

Pleased by his austerity, Shankara, the moon-crested one, O brahmins, then appeared before that sage Sucharita,

Verse 18 (skanda.3.29.18)

समारुह्य महोक्षाणं भूतवृंदनिषेवितः गिरिजार्धवपुः शूली सूर्यकोटिसमप्रभः

samāruhya mahokṣāṇaṁ bhūtavṛṁdaniṣevitaḥ girijārdhavapuḥ śūlī sūryakoṭisamaprabhaḥ

mounted upon his great bull, attended by hosts of ghostly beings, half his body that of Girija, trident-bearing, radiant as ten million suns,

Verse 19 (skanda.3.29.19)

स्वभासा भासयन्सर्वा दिशो वितिमिरास्तदा भस्मपांडुरसर्वांगो जटामंडलमंडितः

svabhāsā bhāsayansarvā diśo vitimirāstadā bhasmapāṁḍurasarvāṁgo jaṭāmaṁḍalamaṁḍitaḥ

illuminating all directions with his own radiance, dispelling all darkness, his whole body pale with ash, adorned with a crown of matted hair,

Verse 20 (skanda.3.29.20)

अनंतादिमहानागविभूषणविभूषितः प्रादुर्भूतस्ततः शंभुः प्रादात्तस्य विलोचने

anaṁtādimahānāgavibhūṣaṇavibhūṣitaḥ prādurbhūtastataḥ śaṁbhuḥ prādāttasya vilocane

bedecked with ornaments of Ananta and the other great serpents - thus Shambhu appeared, and he gave that sage a pair of eyes,

Verse 21 (skanda.3.29.21)

आत्मावलोकनार्थाय शंकरो गिरिजापतिः ततः सुचरितो विप्राः शंभुना दत्तदृग्द्वयः आलोक्य परमेशानं प्रतुष्टाव प्रसन्नधीः

ātmāvalokanārthāya śaṁkaro girijāpatiḥ tataḥ sucarito viprāḥ śaṁbhunā dattadṛgdvayaḥ ālokya parameśānaṁ pratuṣṭāva prasannadhīḥ

so that he might behold him with his own sight - so did Shankara, lord of Girija. Then, O brahmins, Sucharita, his eyes thus given by Shambhu, beheld the Supreme Lord and, his mind filled with joy, praised him.

Verse 22 (skanda.3.29.22)

सुचरित उवाच जय देव महेशान जय शंकर धूर्जटे

sucarita uvāca jaya deva maheśāna jaya śaṁkara dhūrjaṭe

Sucharita said: "Glory to you, O god, great lord! Glory to you, Shankara, bearer of matted locks!

Verse 23 (skanda.3.29.23)

जय ब्रह्मादिपूज्य त्वं त्रिपुरघ्न यमांतक जयोमेश महादेव कामांतक जयामल

jaya brahmādipūjya tvaṁ tripuraghna yamāṁtaka jayomeśa mahādeva kāmāṁtaka jayāmala

Glory to you, worshipped by Brahma and the other gods, destroyer of Tripura, ender of Yama! Glory, O Umesha, Mahadeva, ender of Kama, glory, O stainless one!

Verse 24 (skanda.3.29.24)

जय संसारवैद्य त्वं भूतपाल शिवाव्यय त्रियंबक नमस्तुभ्यं भक्तरक्षणदीक्षित

jaya saṁsāravaidya tvaṁ bhūtapāla śivāvyaya triyaṁbaka namastubhyaṁ bhaktarakṣaṇadīkṣita

Glory to you, physician of worldly existence, protector of all beings, undying Shiva! Salutations to you, three-eyed one, initiated into the protection of your devotees.

Verse 25 (skanda.3.29.25)

व्योमकेश नमस्तुभ्यं जय कारुण्यविग्रह नीलकण्ठ नमस्तुभ्यं जय संसारमोचक

vyomakeśa namastubhyaṁ jaya kāruṇyavigraha nīlakaṇṭha namastubhyaṁ jaya saṁsāramocaka

Salutations to you, sky-haired one, glory, O embodiment of compassion! Salutations to you, blue-throated one, glory, O liberator from worldly bondage!

Verse 26 (skanda.3.29.26)

महेश्वर नमस्तुभ्यं परमानंदविग्रह गंगाधर नमस्तुभ्यं विश्वेश्वर मृडाव्यय

maheśvara namastubhyaṁ paramānaṁdavigraha gaṁgādhara namastubhyaṁ viśveśvara mṛḍāvyaya

Salutations to you, Maheshvara, embodiment of supreme bliss! Salutations to you, bearer of the Ganga, lord of the universe, eternal and gracious one.

Verse 27 (skanda.3.29.27)

नमस्तुभ्यं भगवते वासुदेवाय शंभवे शर्वायोग्राय गर्भाय कैलासपतये नमः

namastubhyaṁ bhagavate vāsudevāya śaṁbhave śarvāyogrāya garbhāya kailāsapataye namaḥ

Salutations to you, the blessed Vasudeva, the auspicious Shambhu! Salutations to Sharva, the fierce one, the origin of all, lord of Kailasa.

Verse 28 (skanda.3.29.28)

रक्ष मां करुणासिंधो कृपादृष्ट्यवलोकनात् मम वृत्तमनालोच्य त्राहि मां कृपया हर

rakṣa māṁ karuṇāsiṁdho kṛpādṛṣṭyavalokanāt mama vṛttamanālocya trāhi māṁ kṛpayā hara

Protect me, O ocean of compassion, through the glance of your compassionate gaze; without regard for my conduct, save me out of grace, O Hara."

Verse 29 (skanda.3.29.29)

श्रीसूत उवाच इति स्तुतो महादेवस्तमेनमिदमभ्यधात् मुनिं सुचरितं विप्राः दयोदन्वानुमापतिः

śrīsūta uvāca iti stuto mahādevastamenamidamabhyadhāt muniṁ sucaritaṁ viprāḥ dayodanvānumāpatiḥ

Sri Suta said: Thus praised, Mahadeva - the ocean of compassion, the lord of Uma - spoke this, O brahmins, to that sage Sucharita.

Verse 30 (skanda.3.29.30)

महादेव उवाच मुने सुचरिताद्य त्वं वरं वरय कांक्षितम् वरं दातुं तवायातः पुण्येस्मिन्नाश्रमे शुभे इतीरितो मुनिः प्राह महादेवं दयानिधिम्

mahādeva uvāca mune sucaritādya tvaṁ varaṁ varaya kāṁkṣitam varaṁ dātuṁ tavāyātaḥ puṇyesminnāśrame śubhe itīrito muniḥ prāha mahādevaṁ dayānidhim

Mahadeva said: "O Sucharita, choose now the boon you desire; I have come to this holy, auspicious hermitage to grant you a boon." Thus addressed, the sage spoke to Mahadeva, the treasury of compassion -

Verse 31 (skanda.3.29.31)

सुचरित उवाच भगवंस्त्वं प्रसन्नो मे यदि स्याश्चंद्रशेखर

sucarita uvāca bhagavaṁstvaṁ prasanno me yadi syāścaṁdraśekhara

Sucharita said: "O Lord, moon-crested one, if you are indeed pleased with me,

Verse 32 (skanda.3.29.32)

तर्हि त्वां प्रवृणोम्यद्धा वरं मदभिकांक्षितम् जरापलितदेहोहं कुत्रचिद्गंतुमक्षमः

tarhi tvāṁ pravṛṇomyaddhā varaṁ madabhikāṁkṣitam jarāpalitadehohaṁ kutracidgaṁtumakṣamaḥ

then I truly choose from you the boon I desire. My body is worn with age and grey hair; I am unable to travel anywhere,

Verse 33 (skanda.3.29.33)

सर्वतीर्थेषु च स्नातुमाकांक्षा मम विद्यते तस्मात्सर्वेषु तीर्थेषु स्नानेन मनुजो हि यत् फलं प्राप्नोति मे ब्रूहि तत्फलावाप्तिसाधनम्

sarvatīrtheṣu ca snātumākāṁkṣā mama vidyate tasmātsarveṣu tīrtheṣu snānena manujo hi yat phalaṁ prāpnoti me brūhi tatphalāvāptisādhanam

yet I have a longing to bathe in every tirtha. Therefore, whatever fruit a man obtains by bathing at all the tirthas - tell me the means by which I may obtain that very fruit."

Verse 34 (skanda.3.29.34)

महादेव उवाच अहमावाहयिष्यामि तीर्थान्यत्रैव कृत्स्नशः

mahādeva uvāca ahamāvāhayiṣyāmi tīrthānyatraiva kṛtsnaśaḥ

Mahadeva said: "I shall invoke all the tirthas together, right here in this place,

Verse 35 (skanda.3.29.35)

रामस्य सेतुना पूते नगेऽस्मिन्गंधमादने इत्युक्त्वा स महादेवः पर्वते गन्धमादने

rāmasya setunā pūte nage'smingaṁdhamādane ityuktvā sa mahādevaḥ parvate gandhamādane

on this Mount Gandhamadana, made holy by Rama's Setu." Having said this, that supreme Mahadeva, on Mount Gandhamadana,

Verse 36 (skanda.3.29.36)

तीर्थान्यावाहयामास मुनिप्रीत्यर्थमुत्तमः ततस्सुचरितं प्राह शंकरः करुणानिधिः

tīrthānyāvāhayāmāsa muniprītyarthamuttamaḥ tatassucaritaṁ prāha śaṁkaraḥ karuṇānidhiḥ

invoked all the tirthas there, out of love for the sage. Then Shankara, the treasury of compassion, said to Sucharita -

Verse 37 (skanda.3.29.37)

मुने सुचरितेदं तु महापातकनाशनम् सांनिध्यात्सर्वतीर्थानां सर्वतीर्थाभिधं स्मृतम्

mune sucaritedaṁ tu mahāpātakanāśanam sāṁnidhyātsarvatīrthānāṁ sarvatīrthābhidhaṁ smṛtam

"O Sucharita, this tirtha, destroyer of great sins, is known by the name Sarva-tirtha ('All-tirtha') owing to the presence here of all the tirthas.

Verse 38 (skanda.3.29.38)

मयात्र सर्वतीर्थानां मनसाकर्षणादिदम् मानसं तीर्थमित्याख्यां लप्स्यते भुक्तिमुक्तिदम्

mayātra sarvatīrthānāṁ manasākarṣaṇādidam mānasaṁ tīrthamityākhyāṁ lapsyate bhuktimuktidam

And since I have drawn all these tirthas here by my own mind alone, it shall also bear the name Manasa-tirtha ('mind-tirtha'), granting both enjoyment and liberation.

Verse 39 (skanda.3.29.39)

अतः सुचरितात्र त्वं स्नाहि सद्यो विमुक्तये महापातकसंघानां दावानलसमद्युतौ

ataḥ sucaritātra tvaṁ snāhi sadyo vimuktaye mahāpātakasaṁghānāṁ dāvānalasamadyutau

Therefore, O Sucharita, bathe here at once, for immediate liberation - this tirtha blazes like a forest-fire upon the mass of great sins,

Verse 40 (skanda.3.29.40)

काममोहभयक्रोधलोभरोगादिनाशने विना वेदांतविज्ञानं सद्योनिर्वाणकारणे

kāmamohabhayakrodhalobharogādināśane vinā vedāṁtavijñānaṁ sadyonirvāṇakāraṇe

it destroys desire, delusion, fear, anger, greed, disease and the like, and is the cause of immediate liberation even without knowledge of Vedanta,

Verse 41 (skanda.3.29.41)

जन्ममृत्य्वादिनक्रौघसंसारार्णवतारणे कुम्भीपाकादिसकलनरकाग्निविनाशने

janmamṛtyvādinakraughasaṁsārārṇavatāraṇe kumbhīpākādisakalanarakāgnivināśane

it ferries one across the ocean of worldly existence, teeming with the crocodiles of birth, death and the like, and it quenches the fires of all the hells, beginning with Kumbhipaka.

Verse 42 (skanda.3.29.42)

इतीरितः सुचरितः शम्भुना मदनारिणा सस्नौ विप्राः सर्वतीर्थे महादेवस्य संनिधौ

itīritaḥ sucaritaḥ śambhunā madanāriṇā sasnau viprāḥ sarvatīrthe mahādevasya saṁnidhau

Thus addressed by Shambhu, the enemy of Kama, Sucharita, O brahmins, bathed in Sarva-tirtha in the very presence of Mahadeva.

Verse 43 (skanda.3.29.43)

स्नात्वोत्थितः सुचरितो ददृशेऽखिलमानवैः जरापलितनिर्मुक्तस्तरुणोऽतीव सुन्दरः

snātvotthitaḥ sucarito dadṛśe'khilamānavaiḥ jarāpalitanirmuktastaruṇo'tīva sundaraḥ

Having bathed and risen, Sucharita was beheld by all the people there, freed from old age and grey hair, youthful, and exceedingly handsome.

Verse 44 (skanda.3.29.44)

दृष्ट्वा स्वदेहसौंदर्यं ततः सुचरितो मुनिः श्लाघयामास तत्तीर्थं बहुधाऽन्ये च तापसाः

dṛṣṭvā svadehasauṁdaryaṁ tataḥ sucarito muniḥ ślāghayāmāsa tattīrthaṁ bahudhā'nye ca tāpasāḥ

Seeing the beauty of his own body, the sage Sucharita, and many other ascetics too, praised that tirtha in manifold ways.

Verse 45 (skanda.3.29.45)

महादेवः सुचरितं बभाषे तदनंतरम् अस्य तीर्थस्य तीरे त्वं वसन्सुचरित द्विज

mahādevaḥ sucaritaṁ babhāṣe tadanaṁtaram asya tīrthasya tīre tvaṁ vasansucarita dvija

Mahadeva then spoke to Sucharita: "O brahmin Sucharita, dwelling on the bank of this tirtha,

Verse 46 (skanda.3.29.46)

स्नानं कुरुष्व सततं स्मरन्मां मुक्तिदायकम् देशांतरीयतीर्थेषु मा व्रज ब्राह्मणोत्तम

snānaṁ kuruṣva satataṁ smaranmāṁ muktidāyakam deśāṁtarīyatīrtheṣu mā vraja brāhmaṇottama

bathe here constantly, remembering me, the giver of liberation; O best of brahmins, do not go to tirthas in other lands.

Verse 47 (skanda.3.29.47)

अस्य तीर्थस्य माहात्म्यान्मामंते प्राप्स्यसि ध्रुवम् अन्येऽपि येऽत्र स्नास्यंति तेऽपि मां प्राप्नुयुर्द्विज

asya tīrthasya māhātmyānmāmaṁte prāpsyasi dhruvam anye'pi ye'tra snāsyaṁti te'pi māṁ prāpnuyurdvija

Through the greatness of this tirtha you shall at the end surely attain me; others too, O brahmin, whoever bathes here, shall attain me as well."

Verse 48 (skanda.3.29.48)

इत्युक्त्वा भगवानीशस्तत्रैवांतरधीयत तस्मिन्नंतर्हिते रुद्रे ततः सुचरितो मुनिः

ityuktvā bhagavānīśastatraivāṁtaradhīyata tasminnaṁtarhite rudre tataḥ sucarito muniḥ

Having said this, the blessed Lord vanished right there. When Rudra had thus disappeared, the sage Sucharita,

Verse 49 (skanda.3.29.49)

अनेककालं निवसन्सर्वतीर्थस्य तीरतः स्नानं समाचरंस्तीर्थे मानसे नियमान्वितः

anekakālaṁ nivasansarvatīrthasya tīrataḥ snānaṁ samācaraṁstīrthe mānase niyamānvitaḥ

dwelling for a long time on the bank of Sarva-tirtha, bathed regularly and with due discipline in that Manasa-tirtha.

Verse 50 (skanda.3.29.50)

देहांते शंकरं प्राप सर्वबन्धविमोचितः सायुज्यं चापि संप्राप सर्वतीर्थस्य वैभवात्

dehāṁte śaṁkaraṁ prāpa sarvabandhavimocitaḥ sāyujyaṁ cāpi saṁprāpa sarvatīrthasya vaibhavāt

At the end of his bodily life, freed from every bondage, he attained Shankara; through the glory of Sarva-tirtha he attained also union (sayujya) with him.

Verse 51 (skanda.3.29.51)

एवं वः कथितं विप्राः सर्वतीर्थस्य वैभवम् एतत्पठन्वा शृण्वन्वा मुच्यते सर्वपातकैः

evaṁ vaḥ kathitaṁ viprāḥ sarvatīrthasya vaibhavam etatpaṭhanvā śṛṇvanvā mucyate sarvapātakaiḥ

Thus, O brahmins, have I told you this glory of Sarva-tirtha; whoever reads it, or hears it, is freed from all sins.