The Account of the Gotras, Pravaras, and Gotra-Goddesses

Verse 1 (skanda.3.61.1)

व्यास उवाच । श्रूयतां राजशार्दूल पुण्यमाख्यानमुत्तमम् । स्तूयमानो जगन्नाथ इदं वचनमब्रवीत्

vyāsa uvāca śrūyatāṁ rājaśārdūla puṇyamākhyānamuttamam stūyamāno jagannātha idaṁ vacanamabravīt

Vyasa said: Listen, O tiger among kings, to this excellent and meritorious tale. Being thus praised, the Lord of the universe spoke these words.

Verse 2 (skanda.3.61.2)

विष्णुरुवाच । किमर्थमागताः सर्वे ब्रह्माद्याः सुरसत्तमाः । पृथिव्यां कुशलं कच्चित्कुतो वो भयमागतम्

viṣṇuruvāca kimarthamāgatāḥ sarve brahmādyāḥ surasattamāḥ pṛthivyāṁ kuśalaṁ kaccitkuto vo bhayamāgatam

Vishnu said: For what reason have you all come, O Brahma and the other foremost gods? Is all well upon the earth? From where has fear come upon you?

Verse 3 (skanda.3.61.3)

ततः प्रोवाच वै हृष्टो ब्रह्मा तं केशवं वचः । न भयं विद्यतेऽस्माकं त्रैलोक्ये सचराचरे

tataḥ provāca vai hṛṣṭo brahmā taṁ keśavaṁ vacaḥ na bhayaṁ vidyate'smākaṁ trailokye sacarācare

Then Brahma, delighted, spoke these words to Keshava: "We have no fear anywhere in the three worlds, whether moving or unmoving."

Verse 4 (skanda.3.61.4)

एकविज्ञापनार्थाय आगतोऽहं तवांतिके । तदहं संप्रवक्ष्यामि तदेतच्छृणु मे वचः

ekavijñāpanārthāya āgato'haṁ tavāṁtike tadahaṁ saṁpravakṣyāmi tadetacchṛṇu me vacaḥ

I have come into your presence to make one single request; I shall now speak it — hear these my words.

Verse 5 (skanda.3.61.5)

परं तु पूर्वं धर्मेण स्थापितं तीर्थमुत्तमम् । तद्द्रष्टुकामोऽहं देव त्वत्प्रसादाज्जनार्दन

paraṁ tu pūrvaṁ dharmeṇa sthāpitaṁ tīrthamuttamam taddraṣṭukāmo'haṁ deva tvatprasādājjanārdana

There is a supreme place of pilgrimage, established long ago by Dharma; I desire, O god Janardana, to behold it by your grace.

Verse 6 (skanda.3.61.6)

तत्र त्वं देवदेवेश गमने कुरु मानसम् । यथा सत्तीर्थतां याति धर्मारण्यमनुत्तमम्

tatra tvaṁ devadeveśa gamane kuru mānasam yathā sattīrthatāṁ yāti dharmāraṇyamanuttamam

O Lord of the gods, set your mind on going there, so that this unsurpassed Dharmaranya may attain true sanctity as a tirtha through your visit.

Verse 7 (skanda.3.61.7)

विष्णुरुवाच । साधुसाधु महाभाग त्वर्यतां तत्र मा चिरम् । ममापि चित्तं तत्रैव तद्दर्शनेस्ति लालसम्

viṣṇuruvāca sādhusādhu mahābhāga tvaryatāṁ tatra mā ciram mamāpi cittaṁ tatraiva taddarśanesti lālasam

Vishnu said: Well spoken, well spoken, illustrious one! Let us hasten there without delay; my mind, too, is set upon it, longing for the sight of it.

Verse 8 (skanda.3.61.8)

व्यास उवाच । तार्क्ष्यमारुह्य गोविंद स्तत्रागाच्छीघ्रमेव हि । ततो धर्मेण ते देवाः सेंद्राः सर्षिगणास्तथा

vyāsa uvāca tārkṣyamāruhya goviṁda statrāgācchīghrameva hi tato dharmeṇa te devāḥ seṁdrāḥ sarṣigaṇāstathā

Vyasa said: Mounting Garuda, Govinda went there swiftly indeed; then Dharma welcomed those gods, together with Indra and the assembled sages.

Verse 9 (skanda.3.61.9)

ब्रह्मविष्णुमहेशाद्या दृष्टा दूरान्मुमोद च । धर्मराजोपि तान्दृष्ट्वा देवा न्विष्णुपुरोगमान्

brahmaviṣṇumaheśādyā dṛṣṭā dūrānmumoda ca dharmarājopi tāndṛṣṭvā devā nviṣṇupurogamān

Seeing Brahma, Vishnu, Mahesha and the rest from afar, he rejoiced; and Dharmaraja too, beholding those gods with Vishnu at their head —

Verse 10 (skanda.3.61.10)

आगतः स्वाश्रमात्तत्र पूजां प्रगृह्य तत्पुरः । आसनादुत्थितः शीघ्रं सपर्याद्यं प्रगृह्य च । एकैकस्य चकाराथ पूजां चैव पृथक्पृथक्

āgataḥ svāśramāttatra pūjāṁ pragṛhya tatpuraḥ āsanādutthitaḥ śīghraṁ saparyādyaṁ pragṛhya ca ekaikasya cakārātha pūjāṁ caiva pṛthakpṛthak

— came forth from his hermitage, bringing the materials of worship before them; rising swiftly from his seat and taking up the honours, he then performed worship for each of them separately.

Verse 11 (skanda.3.61.11)

चकार पूजां विधिवत्तेषां तत्रार्कनंदनः । आसनेषूपवेश्याथ पूजां कृत्वा गरीयसीम्

cakāra pūjāṁ vidhivatteṣāṁ tatrārkanaṁdanaḥ āsaneṣūpaveśyātha pūjāṁ kṛtvā garīyasīm

There, the son of the Sun (Yama, Dharmaraja) duly performed worship for them; having seated them upon their seats, he offered them the most solemn worship.

Verse 12 (skanda.3.61.12)

यम उवाच । तीर्थरूपमिदं क्षेत्रं प्रसादाद्देवकीसुत । त्वत्तोषविधिना चाद्य कृपया च शिवस्य च

yama uvāca tīrtharūpamidaṁ kṣetraṁ prasādāddevakīsuta tvattoṣavidhinā cādya kṛpayā ca śivasya ca

Yama said: By your grace, O son of Devaki, and through your favour and the grace of Shiva as well, this field has today become a very tirtha.

Verse 13 (skanda.3.61.13)

अद्य मे सफलं जन्म अद्य मे सफलं तपः । अद्य मे सफलं स्थानं काजेशानां समागमात्

adya me saphalaṁ janma adya me saphalaṁ tapaḥ adya me saphalaṁ sthānaṁ kājeśānāṁ samāgamāt

Today my birth has borne fruit, today my austerity has borne fruit, today my very abode has borne fruit, through this gathering of the Kajesha deities.

Verse 14 (skanda.3.61.14)

व्यास उवाच । एवं स्तुतस्तदा विष्णुः प्रोवाच मधुरं वचः । तुष्टोऽस्मि धर्म राजेंद्र अहं स्तोत्रेण ते विभो

vyāsa uvāca evaṁ stutastadā viṣṇuḥ provāca madhuraṁ vacaḥ tuṣṭo'smi dharma rājeṁdra ahaṁ stotreṇa te vibho

Vyasa said: Thus praised, Vishnu then spoke sweet words: "I am pleased, O Dharma, lord of kings — pleased, O mighty one, by your hymn of praise."

Verse 15 (skanda.3.61.15)

किंचित्प्रार्थय मत्तोऽहं करोमि तव वांछितम् । यत्तेऽस्त्यभीप्सितं तुभ्यं तद्ददामि न संशयः

kiṁcitprārthaya matto'haṁ karomi tava vāṁchitam yatte'styabhīpsitaṁ tubhyaṁ taddadāmi na saṁśayaḥ

Ask something of me, and I shall grant your desire. Whatever it is you long for, that I shall give you — of this there is no doubt.

Verse 16 (skanda.3.61.16)

यम उवाच । यदि तुष्टोऽसि देवेश वांछितं कुरुषे यदि । धर्मारण्ये महापुण्ये ऋषीणामाश्रमान्कुरु

yama uvāca yadi tuṣṭo'si deveśa vāṁchitaṁ kuruṣe yadi dharmāraṇye mahāpuṇye ṛṣīṇāmāśramānkuru

Yama said: If you are pleased, O Lord of the gods, and willing to grant my wish, then establish hermitages of sages in this greatly meritorious Dharmaranya.

Verse 17 (skanda.3.61.17)

वसंति वाडवा यत्र यजंति चैव याज्ञिकाः । वेदनिर्घोषसंयुक्तं भाति तत्तीर्थमुत्तमम्

vasaṁti vāḍavā yatra yajaṁti caiva yājñikāḥ vedanirghoṣasaṁyuktaṁ bhāti tattīrthamuttamam

Where brahmins dwell, sacrificers perform their rites, and the place resounds with the chant of the Vedas — such a supreme tirtha truly shines forth.

Verse 18 (skanda.3.61.18)

अब्राह्मणमिदं तीर्थं पीडयिष्यंति जन्तवः । तस्मात्त्वं वाडवाञ्छौरे समानय ऋषी न्बहून् । धर्मारण्यं यथा भाति त्रैलोक्ये सचराचरे

abrāhmaṇamidaṁ tīrthaṁ pīḍayiṣyaṁti jantavaḥ tasmāttvaṁ vāḍavāñchaure samānaya ṛṣī nbahūn dharmāraṇyaṁ yathā bhāti trailokye sacarācare

Without brahmins, this tirtha will be troubled by wild creatures; therefore, O Shauri, bring here many brahmin sages, so that Dharmaranya may shine throughout the three worlds, moving and unmoving.

Verse 19 (skanda.3.61.19)

ततो विष्णुः सहस्राक्षः सहस्रशीर्षः सहस्रपात् । सहस्रशस्तदा रूपं कृतवान्धर्मवत्सलः । यस्मिन्स्थाने च ये विप्राः सदाचाराः शुभव्रताः

tato viṣṇuḥ sahasrākṣaḥ sahasraśīrṣaḥ sahasrapāt sahasraśastadā rūpaṁ kṛtavāndharmavatsalaḥ yasminsthāne ca ye viprāḥ sadācārāḥ śubhavratāḥ

Then Vishnu, thousand-eyed, thousand-headed, thousand-footed, dear to Dharma, assumed a thousandfold form; and wherever there were brahmins of good conduct and auspicious vows —

Verse 20 (skanda.3.61.20)

अशेषधर्मकुशलाः सर्वशास्त्रविशारदाः । तपोज्ञाने महाख्याता ब्रह्मयज्ञपरायणाः । स्थापिता ऋषयः सर्वे सहस्राण्यष्टादशैव तु

aśeṣadharmakuśalāḥ sarvaśāstraviśāradāḥ tapojñāne mahākhyātā brahmayajñaparāyaṇāḥ sthāpitā ṛṣayaḥ sarve sahasrāṇyaṣṭādaśaiva tu

— skilled in the whole of dharma, learned in every scripture, greatly renowned in austerity and knowledge, devoted to the Brahma-sacrifice — all such sages, eighteen thousand in number, were established there.

Verse 21 (skanda.3.61.21)

नानादेशात्समानीय स्थापितास्तत्र तैः सुरैः । आश्रमांश्च बहूंस्तत्र काजेशैरपि निर्मितान्

nānādeśātsamānīya sthāpitāstatra taiḥ suraiḥ āśramāṁśca bahūṁstatra kājeśairapi nirmitān

Gathered together from various lands, they were established there by those gods; and many hermitages too were fashioned there by the Kajesha deities.

Verse 22 (skanda.3.61.22)

धर्मोपदेशात्कृष्णेन ब्रह्मणा च शिवेन च । स्वेस्वे स्थाने यथायोग्ये स्थापयामास केशवः

dharmopadeśātkṛṣṇena brahmaṇā ca śivena ca svesve sthāne yathāyogye sthāpayāmāsa keśavaḥ

At the instruction of Dharma, Keshava, together with Brahma and Shiva, established each one fittingly in his own proper place.

Verse 23 (skanda.3.61.23)

युधिष्ठिर उवाच । कस्मिन्वंशे समुत्पन्ना ब्राह्मणा वेदपारगाः । स्थापिताः सपरीवाराः पुत्रपौत्रसमावृताः । शिष्यैश्च बहुभिर्युक्ता अग्निहोत्रपरायणाः । तेषां स्थानानि नामानि यथावच्च वदस्व मे

yudhiṣṭhira uvāca kasminvaṁśe samutpannā brāhmaṇā vedapāragāḥ sthāpitāḥ saparīvārāḥ putrapautrasamāvṛtāḥ śiṣyaiśca bahubhiryuktā agnihotraparāyaṇāḥ teṣāṁ sthānāni nāmāni yathāvacca vadasva me

Yudhishthira said: In what lineages were born these brahmins, learned in the Vedas, who were established there together with their families, surrounded by sons and grandsons, attended by many disciples, devoted to the fire-sacrifice? Tell me truly their places and their names.

Verse 24 (skanda.3.61.24)

व्यास उवाच । श्रूयतां नृपशार्दूल धर्म्मारण्यनिवासिनाम्

vyāsa uvāca śrūyatāṁ nṛpaśārdūla dharmmāraṇyanivāsinām

Vyasa said: Listen, O tiger among kings, to the account of the dwellers of Dharmaranya.

Verse 25 (skanda.3.61.25)

महात्मनां ब्राह्मणानामृषीणामूर्ध्वरेतसाम् । तेषां वै पुत्रपौत्राणां नामानि च वदाम्यहम्

mahātmanāṁ brāhmaṇānāmṛṣīṇāmūrdhvaretasām teṣāṁ vai putrapautrāṇāṁ nāmāni ca vadāmyaham

Of these great-souled brahmins, sages of unbroken chastity, I shall now tell the names of their sons and grandsons as well.

Verse 26 (skanda.3.61.26)

चतुर्विशतिगोत्राणि द्विजानां पांडवर्षभ । तेषां शाखाः प्रशाखाश्च पुत्रपौत्रादयस्तथा

caturviśatigotrāṇi dvijānāṁ pāṁḍavarṣabha teṣāṁ śākhāḥ praśākhāśca putrapautrādayastathā

There are twenty-four gotras of the twice-born, O bull of the Pandavas; and their branches, sub-branches, and descendants as well —

Verse 27 (skanda.3.61.27)

जज्ञिरे बहवः पुत्राः शतशोऽथ सहस्रशः । चतुर्विशतिमुख्यानां नामानि प्रवदामि ते । द्विजानामृषयः प्रोक्ताः प्रवराणि तथा शृणु

jajñire bahavaḥ putrāḥ śataśo'tha sahasraśaḥ caturviśatimukhyānāṁ nāmāni pravadāmi te dvijānāmṛṣayaḥ proktāḥ pravarāṇi tathā śṛṇu

— from them were born many sons, by the hundreds and by the thousands. I shall tell you the names of the twenty-four principal gotras. The sages of the twice-born have thus been named; now hear as well their pravaras.

Verse 28 (skanda.3.61.28)

भारद्वाजस्तथा वत्सः कौशिकः कुश एव च । शांडिल्यः काश्यपश्चैव गौतमश्छांधनस्तथा

bhāradvājastathā vatsaḥ kauśikaḥ kuśa eva ca śāṁḍilyaḥ kāśyapaścaiva gautamaśchāṁdhanastathā

Bharadvaja, and likewise Vatsa, Kaushika, and Kusha; Shandilya, and Kashyapa, Gautama, and Chandhana.

Verse 29 (skanda.3.61.29)

जातूकर्ण्यस्तथा वत्सो वसिष्ठो धारणस्तथा । आत्रेयो भांडिलश्चैव लौकिकाश्च इतः परम्

jātūkarṇyastathā vatso vasiṣṭho dhāraṇastathā ātreyo bhāṁḍilaścaiva laukikāśca itaḥ param

Jatukarnya, and likewise Vatsa, Vasishtha, and Dharana; Atreya, and Bhandila, and, beyond these, the Laukikas.

Verse 30 (skanda.3.61.30)

कृष्णायनोपमन्युश्च गार्ग्यमुद्गलमौषकाः । पुण्यासनः पराशरः कौंडिन्यश्च ततः परम्

kṛṣṇāyanopamanyuśca gārgyamudgalamauṣakāḥ puṇyāsanaḥ parāśaraḥ kauṁḍinyaśca tataḥ param

Krishnayana, and Upamanyu, Gargya, Mudgala, and Aushaka; Punyasana, Parashara, and, beyond these, Kaundinya.

Verse 31 (skanda.3.61.31)

तथा गान्यासनश्चैव प्रवराणि चतुर्विंशतिः । जामदग्न्यस्य गोत्रस्य प्रवराः पंच एव हि

tathā gānyāsanaścaiva pravarāṇi caturviṁśatiḥ jāmadagnyasya gotrasya pravarāḥ paṁca eva hi

And likewise Ganyasana — these are the twenty-four gotras. Of the gotra descending from Jamadagni, there are just five pravaras.

Verse 32 (skanda.3.61.32)

भार्गवश्च्यवनाप्नुवानौर्वश्च जमदग्निकः । पंचैते प्रवरा राजन्विख्याता लोकविश्रुताः

bhārgavaścyavanāpnuvānaurvaśca jamadagnikaḥ paṁcaite pravarā rājanvikhyātā lokaviśrutāḥ

Bhargava, Chyavana, Apnuvana, Aurva, and Jamadagni — these five pravaras, O king, are renowned and famed throughout the world.

Verse 33 (skanda.3.61.33)

एवं गोत्रसमुत्पन्ना वाडवा वेदपारगाः । द्विजपूजाक्रियायुक्ता नानाक्रतुक्रियापराः

evaṁ gotrasamutpannā vāḍavā vedapāragāḥ dvijapūjākriyāyuktā nānākratukriyāparāḥ

Thus born of these gotras, the brahmins are learned in the Vedas, engaged in the rites of worship due to the twice-born, devoted to the performance of various sacrifices.

Verse 34 (skanda.3.61.34)

गुणेन संहिता आसन् षट्कर्मनिरताश्च ये । एवंविधा महाभागा नानादेशभवा द्विजाः

guṇena saṁhitā āsan ṣaṭkarmaniratāśca ye evaṁvidhā mahābhāgā nānādeśabhavā dvijāḥ

They were endowed with virtue, devoted to the six prescribed duties; such were these illustrious twice-born, hailing from various lands.

Verse 35 (skanda.3.61.35)

भामेवसं तृतीयं च प्रवराः पंच एव हि । भार्गवच्यावनाप्नुवानौर्वजामदग्न्यसंयुताः । आत्रेयोऽर्चनानसश्च श्यावास्येति तृतीयकः

bhāmevasaṁ tṛtīyaṁ ca pravarāḥ paṁca eva hi bhārgavacyāvanāpnuvānaurvajāmadagnyasaṁyutāḥ ātreyo'rcanānasaśca śyāvāsyeti tṛtīyakaḥ

Of the third gotra, Bhamevasa, there are likewise just five pravaras — those connected with Bhargava, Chyavana, Apnuvana, Aurva, and Jamadagnya; and, in another line, Atreya, Archananasa, and, as the third, Shyavashva.

Verse 36 (skanda.3.61.36)

अस्मिन्गोत्रे भवा विप्रा दुष्टाः कुटिलगामिनः । धनिनो धर्मनिष्ठाश्च वेदवेदांगपारगाः

asmingotre bhavā viprā duṣṭāḥ kuṭilagāminaḥ dhanino dharmaniṣṭhāśca vedavedāṁgapāragāḥ

The brahmins born in this gotra are wicked and of crooked ways; yet they are also wealthy, devoted to dharma, and learned in the Vedas and Vedangas.

Verse 37 (skanda.3.61.37)

दानभोगरताः सर्वे श्रौतस्मार्तेषु संमताः । मांडव्यगोत्रे विज्ञेयाः प्रवरैः पंचभिर्युताः

dānabhogaratāḥ sarve śrautasmārteṣu saṁmatāḥ māṁḍavyagotre vijñeyāḥ pravaraiḥ paṁcabhiryutāḥ

All are devoted to giving and to enjoyment, and are esteemed in the rites of shruti and smriti. Those of the Mandavya gotra are to be known as endowed with five pravaras.

Verse 38 (skanda.3.61.38)

भार्गवश्च्यावनो ऽत्रिश्चाप्नुवानौर्वस्तथैव च । अस्मिन्गोत्रे भवा विप्राः श्रुतिस्मृतिपरायणाः

bhārgavaścyāvano 'triścāpnuvānaurvastathaiva ca asmingotre bhavā viprāḥ śrutismṛtiparāyaṇāḥ

Bhargava, Chyavana, Atri, Apnuvana, and likewise Aurva. The brahmins born in this gotra are devoted to shruti and smriti.

Verse 39 (skanda.3.61.39)

रोगिणो लोभिनो दुष्टा यजने याजने रताः । ब्रह्मक्रिया पराः सर्वे मांडव्याः कुरुसत्तम

rogiṇo lobhino duṣṭā yajane yājane ratāḥ brahmakriyā parāḥ sarve māṁḍavyāḥ kurusattama

They tend to be sickly, greedy, and wicked, yet devoted to performing and officiating at sacrifices; all the Mandavyas, O best of the Kurus, are devoted to Brahminical rites.

Verse 40 (skanda.3.61.40)

गार्ग्यस्य गोत्रे ये जातास्तेषां तु प्रवरास्त्रयः । अंगिराश्चांबरीषश्च यौवनाश्वस्तृतीयकः

gārgyasya gotre ye jātāsteṣāṁ tu pravarāstrayaḥ aṁgirāścāṁbarīṣaśca yauvanāśvastṛtīyakaḥ

Those born in the gotra of Gargya have three pravaras: Angiras, Ambarisha, and, as the third, Yauvanashva.

Verse 41 (skanda.3.61.41)

अस्मिन्गोत्रे समुत्पन्नाः सद्वृत्ताः सत्यभाषिणः । शांताश्च भिन्नवर्णाश्च निर्द्धनाश्च कुचैलिनः

asmingotre samutpannāḥ sadvṛttāḥ satyabhāṣiṇaḥ śāṁtāśca bhinnavarṇāśca nirddhanāśca kucailinaḥ

Those born in this gotra are of good conduct, truthful in speech, peaceful, of varied complexion, poor, and clad in coarse garments.

Verse 42 (skanda.3.61.42)

संगवात्सल्ययुक्ताश्च वेदशास्त्रेषु निश्चलाः । वत्सगोत्रे द्विजा भूप प्रवराः पंच एव हि

saṁgavātsalyayuktāśca vedaśāstreṣu niścalāḥ vatsagotre dvijā bhūpa pravarāḥ paṁca eva hi

They are affectionate and sociable, and steadfast in the Vedas and shastras. In the Vatsa gotra, O king, the brahmins have exactly five pravaras.

Verse 43 (skanda.3.61.43)

भार्गवश्च्यवनाप्नुवानौर्वश्च जमदग्निकः । एभिस्तु पंच विख्याता द्विजा ब्रह्मस्वरूपिणः

bhārgavaścyavanāpnuvānaurvaśca jamadagnikaḥ ebhistu paṁca vikhyātā dvijā brahmasvarūpiṇaḥ

Bhargava, Chyavana, Apnuvana, Aurva, and Jamadagni — by these five, the twice-born, who embody Brahman, are made renowned.

Verse 44 (skanda.3.61.44)

शांता दांताः सुशीलाश्च धर्मपुत्रैः सुसंयुता । वेदाध्ययनहीनाश्च कुशलाः सर्वकर्मसु

śāṁtā dāṁtāḥ suśīlāśca dharmaputraiḥ susaṁyutā vedādhyayanahīnāśca kuśalāḥ sarvakarmasu

They are peaceful, self-controlled, of good character, blessed with righteous sons; and though wanting in Vedic study, they are skilled in every task.

Verse 45 (skanda.3.61.45)

सुरूपाश्च सदाचाराः सर्वधर्मेषु निष्ठिताः । दानधर्म रताः सर्वे अन्नदा जलदा द्विजाः

surūpāśca sadācārāḥ sarvadharmeṣu niṣṭhitāḥ dānadharma ratāḥ sarve annadā jaladā dvijāḥ

Of good form, of good conduct, firmly established in every dharma; all these twice-born are devoted to the dharma of charity, givers of food and water.

Verse 46 (skanda.3.61.46)

दयालवः सुशीलाश्च सर्वभूतहिते रताः । काश्यपा ब्राह्मणा राजन्प्रवरत्रयसंयुताः

dayālavaḥ suśīlāśca sarvabhūtahite ratāḥ kāśyapā brāhmaṇā rājanpravaratrayasaṁyutāḥ

Compassionate, of good character, devoted to the welfare of all beings; the Kashyapa brahmins, O king, are endowed with three pravaras.

Verse 47 (skanda.3.61.47)

काश्यपश्चापवत्सारो नैध्रुवश्च तृतीयकः । वेदज्ञा गौरवर्णाश्च नैष्ठिका यज्ञकारकाः

kāśyapaścāpavatsāro naidhruvaśca tṛtīyakaḥ vedajñā gauravarṇāśca naiṣṭhikā yajñakārakāḥ

Kashyapa, Apavatsara, and, as the third, Naidhruva. They are knowers of the Veda, fair in complexion, steadfast in their vows, and performers of sacrifice.

Verse 48 (skanda.3.61.48)

प्रियवासा महादक्षा गुरुभक्तिरताः सदा । प्रतिष्ठामानव न्तश्च सर्वभूतहिते रताः

priyavāsā mahādakṣā gurubhaktiratāḥ sadā pratiṣṭhāmānava ntaśca sarvabhūtahite ratāḥ

Fond of fine garments, highly skilled, ever devoted to reverence for their guru; possessed of standing and honour, and devoted to the welfare of all beings.

Verse 49 (skanda.3.61.49)

यजंते च महायज्ञान्काश्यपेया द्विजातयः । धारीणसगोत्रजाश्च प्रवरैस्त्रिभिरन्विताः

yajaṁte ca mahāyajñānkāśyapeyā dvijātayaḥ dhārīṇasagotrajāśca pravaraistribhiranvitāḥ

And the Kashyapa twice-born perform great sacrifices. Those born in the Dharinasa gotra are endowed with three pravaras.

Verse 50 (skanda.3.61.50)

अगस्तिदर्विश्वेताश्व दध्यवाहनसंज्ञकाः । अस्मिन्गोत्रे च ये जाता धर्मकर्मसमाश्रिताः

agastidarviśvetāśva dadhyavāhanasaṁjñakāḥ asmingotre ca ye jātā dharmakarmasamāśritāḥ

Agastidarvi, Shvetashva, and the one called Dadhyavahana. Those born in this gotra are devoted to the works of dharma.

Verse 51 (skanda.3.61.51)

कर्मक्रूराश्च ते सर्वे तथैवोदरिणस्तु ते । लंबकर्णा महादंष्ट्रा द्विजा धनपरायणाः

karmakrūrāśca te sarve tathaivodariṇastu te laṁbakarṇā mahādaṁṣṭrā dvijā dhanaparāyaṇāḥ

Yet all of them are harsh in their deeds, and likewise pot-bellied; these twice-born, with long ears and large teeth, are devoted to wealth.

Verse 52 (skanda.3.61.52)

क्रोधिनो द्वेषिणश्चैव सर्वसत्त्वभयंकराः । लौगाक्षसोद्भवा ये वै वाडवाः सत्यसंश्रिताः

krodhino dveṣiṇaścaiva sarvasattvabhayaṁkarāḥ laugākṣasodbhavā ye vai vāḍavāḥ satyasaṁśritāḥ

Prone to anger and hatred, they inspire fear in all beings. Those brahmins born of Laugaksha, however, are devoted to truth.

Verse 53 (skanda.3.61.53)

प्रवराश्च त्रयस्तेषां तत्त्वज्ञानस्वरूपकाः । कश्यपश्चैव वत्सश्च वसिष्ठश्च तृतीयकः

pravarāśca trayasteṣāṁ tattvajñānasvarūpakāḥ kaśyapaścaiva vatsaśca vasiṣṭhaśca tṛtīyakaḥ

Their three pravaras, embodiments of true knowledge, are Kashyapa, Vatsa, and, as the third, Vasishtha.

Verse 54 (skanda.3.61.54)

सदाचारास्तु विख्याता वैष्णवा बहुवृ त्तयः । रोमभिर्बहुभिर्व्याप्ताः कृष्णवर्णास्तु वाडवाः

sadācārāstu vikhyātā vaiṣṇavā bahuvṛ ttayaḥ romabhirbahubhirvyāptāḥ kṛṣṇavarṇāstu vāḍavāḥ

They are renowned for their good conduct, devoted to Vishnu, and of ample livelihood. These brahmins are thickly covered with body-hair and dark in complexion.

Verse 55 (skanda.3.61.55)

शांता दाताः सुशीलाश्च स्वदारनिरताः सदा । कुशिकसगोत्रे ये जाताः प्रवरैस्त्रिभिरन्विताः

śāṁtā dātāḥ suśīlāśca svadāraniratāḥ sadā kuśikasagotre ye jātāḥ pravaraistribhiranvitāḥ

Peaceful, generous, of good character, and ever devoted to their own wives. Those born in the Kushika gotra are endowed with three pravaras.

Verse 56 (skanda.3.61.56)

विश्वामित्रो देवरात औदलश्च त्रयश्च ये । अस्मिन्गोत्रे तु ये जाता दुर्बला दीनमानसाः

viśvāmitro devarāta audalaśca trayaśca ye asmingotre tu ye jātā durbalā dīnamānasāḥ

Vishvamitra, Devarata, and Audala — these are the three. Those born in this gotra are weak and despondent of mind.

Verse 57 (skanda.3.61.57)

असत्यभाषिणो विप्राः सुरूपा नृपसत्तमाः । सर्व्वविद्याकुशलिनो ब्राह्मणा ब्रह्मसत्तमाः

asatyabhāṣiṇo viprāḥ surūpā nṛpasattamāḥ sarvvavidyākuśalino brāhmaṇā brahmasattamāḥ

These brahmins are untruthful in speech, yet of good form, held in esteem like the finest of kings; skilled in every branch of learning, the very best among brahmins.

Verse 58 (skanda.3.61.58)

उपमन्युसगोत्रेयाः प्रवरत्रयसंयुताः । वसिष्ठश्च भरद्वाजस्त्विंद्रप्रमद एव वा

upamanyusagotreyāḥ pravaratrayasaṁyutāḥ vasiṣṭhaśca bharadvājastviṁdrapramada eva vā

Those of the Upamanyu gotra are endowed with three pravaras: Vasishtha, Bharadvaja, and Indrapramada.

Verse 59 (skanda.3.61.59)

अस्मिन्गोत्रे तु ये विप्राः क्रूराः कुटिलगामिनः । दूषणा द्वेषिणस्तुच्छाः सर्वसंग्रहतत्पराः

asmingotre tu ye viprāḥ krūrāḥ kuṭilagāminaḥ dūṣaṇā dveṣiṇastucchāḥ sarvasaṁgrahatatparāḥ

The brahmins born in this gotra are cruel, of crooked ways, faultfinders, spiteful, petty, and ever bent on amassing everything for themselves.

Verse 60 (skanda.3.61.60)

कलहोत्पादने दक्षा धनिनो मानिनस्तथा । सर्वदैव प्रदुष्टाश्च दुष्टसंगरतास्तथा

kalahotpādane dakṣā dhanino māninastathā sarvadaiva praduṣṭāśca duṣṭasaṁgaratāstathā

Skilled at stirring up quarrels, wealthy, and proud; ever wicked, and likewise given to the company of the wicked.

Verse 61 (skanda.3.61.61)

रोगिणो दुर्बलाश्चैव वृत्त्युपकल्पवर्जिताः । वात्स्यगोत्रे भवा विप्राः प्रवरैः पंचभिर्युताः

rogiṇo durbalāścaiva vṛttyupakalpavarjitāḥ vātsyagotre bhavā viprāḥ pravaraiḥ paṁcabhiryutāḥ

Sickly and weak, and lacking any means of livelihood. The brahmins of the Vatsya gotra are endowed with five pravaras.

Verse 62 (skanda.3.61.62)

भार्गवच्यावनाप्नुवानौर्वश्च जमदग्निकः । अस्मिन्गोत्रे भवा विप्राः स्थूलाश्च बहुबुद्धयः

bhārgavacyāvanāpnuvānaurvaśca jamadagnikaḥ asmingotre bhavā viprāḥ sthūlāśca bahubuddhayaḥ

Bhargava, Chyavana, Apnuvana, Aurva, and Jamadagni. The brahmins born in this gotra are stout of build and richly endowed with intelligence.

Verse 63 (skanda.3.61.63)

सर्वकर्मरता श्चैव सर्वधर्मेषु निश्चलाः । वेदशास्त्रार्थनिपुणा यजने याजने रताः

sarvakarmaratā ścaiva sarvadharmeṣu niścalāḥ vedaśāstrārthanipuṇā yajane yājane ratāḥ

Devoted to every kind of work, and steadfast in all dharma; skilled in the meaning of the Vedas and shastras, and devoted to performing and officiating at sacrifices.

Verse 64 (skanda.3.61.64)

सदाचाराः सुरूपाश्च बुद्धितो दीर्घदर्शिनः । वात्स्यायनसगोत्रेयाः प्रवरैः पंचभिर्युताः

sadācārāḥ surūpāśca buddhito dīrghadarśinaḥ vātsyāyanasagotreyāḥ pravaraiḥ paṁcabhiryutāḥ

Of good conduct, of good form, and farsighted in intellect. Those of the Vatsyayana gotra are endowed with five pravaras.

Verse 65 (skanda.3.61.65)

भार्गवच्यावनाप्नुवानौर्वश्च जमदग्निकः । पूर्वोक्ताः प्रवराश्चास्य कथितास्तव भारत

bhārgavacyāvanāpnuvānaurvaśca jamadagnikaḥ pūrvoktāḥ pravarāścāsya kathitāstava bhārata

Bhargava, Chyavana, Apnuvana, Aurva, and Jamadagni — these are the same previously named pravaras of this gotra, O Bharata, now told to you again.

Verse 66 (skanda.3.61.66)

अस्मिन्गोत्रे तु ये जाता पाकयज्ञरताः सदा । लोभिनः क्रोधिनश्चैव प्रजायन्ते बहुप्रजाः

asmingotre tu ye jātā pākayajñaratāḥ sadā lobhinaḥ krodhinaścaiva prajāyante bahuprajāḥ

Those born in this gotra are ever devoted to the paka-sacrifices; they are greedy and prone to anger, yet they are blessed with abundant offspring.

Verse 67 (skanda.3.61.67)

स्नानदानादिनिरताः सर्वदाश्च जितेंद्रियाः । वापीकूपतडागानां कर्तारश्च सहस्रशः । व्रतशीला गुणज्ञाश्च मूर्खा वेदविवर्जिताः

snānadānādiniratāḥ sarvadāśca jiteṁdriyāḥ vāpīkūpataḍāgānāṁ kartāraśca sahasraśaḥ vrataśīlā guṇajñāśca mūrkhā vedavivarjitāḥ

Ever devoted to bathing and charitable giving, always self-controlled; builders of wells, step-wells, and tanks by the thousand; observant of their vows and appreciative of virtue, yet foolish and lacking in Vedic learning.

Verse 68 (skanda.3.61.68)

कौशिकवंशे ये जाताः प्रवरत्रयसंयुताः । विश्वामित्रोऽघर्मषी च कौशिकश्च तृतीयकः

kauśikavaṁśe ye jātāḥ pravaratrayasaṁyutāḥ viśvāmitro'gharmaṣī ca kauśikaśca tṛtīyakaḥ

Those born in the Kaushika lineage are endowed with three pravaras: Vishvamitra, Aghamarshana, and, as the third, Kaushika.

Verse 69 (skanda.3.61.69)

अस्मिन्गोत्रे च ये जाता ब्राह्मणा ब्रह्मवेदिनः । शांता दांताः सुशीलाश्च सर्वधर्मपरायणाः

asmingotre ca ye jātā brāhmaṇā brahmavedinaḥ śāṁtā dāṁtāḥ suśīlāśca sarvadharmaparāyaṇāḥ

The brahmins born in this gotra are knowers of Brahman; peaceful, self-controlled, of good character, and devoted to the whole of dharma.

Verse 70 (skanda.3.61.70)

अपुत्रिण स्तथा रूक्षास्तेजोहीना द्विजोत्तमाः । भारद्वाजसगोत्रेयाः प्रवरैः पंचभिर्युताः

aputriṇa stathā rūkṣāstejohīnā dvijottamāḥ bhāradvājasagotreyāḥ pravaraiḥ paṁcabhiryutāḥ

Yet these excellent twice-born are often without sons, harsh in manner, and lacking in vigour. Those of the Bharadvaja gotra are endowed with five pravaras.

Verse 71 (skanda.3.61.71)

अंगिरसो बार्हस्पत्यो भारद्वाजस्तु सैन्यसः । गार्ग्यश्चै वेति विज्ञेयाः प्रवराः पंच एव च

aṁgiraso bārhaspatyo bhāradvājastu sainyasaḥ gārgyaścai veti vijñeyāḥ pravarāḥ paṁca eva ca

Angirasa, Barhaspatya, Bharadvaja, Sainyasa, and Gargya — these are to be known as the five pravaras.

Verse 72 (skanda.3.61.72)

अस्मिन्गोत्रे च ये जाता वाडवा धनिनः शुभाः । वस्त्रालंकरणोपेता द्विजभक्तिपरायणाः

asmingotre ca ye jātā vāḍavā dhaninaḥ śubhāḥ vastrālaṁkaraṇopetā dvijabhaktiparāyaṇāḥ

The brahmins born in this gotra are wealthy and virtuous, adorned with fine garments and ornaments, and devoted to reverence for brahmins.

Verse 73 (skanda.3.61.73)

ब्रह्मभोज्यपराः सर्वे सर्वधर्मपरायणाः । काश्यपगोत्रे यै जाताः प्रवरत्रयसंयुताः

brahmabhojyaparāḥ sarve sarvadharmaparāyaṇāḥ kāśyapagotre yai jātāḥ pravaratrayasaṁyutāḥ

All are devoted to feeding brahmins, and devoted to the whole of dharma. Those born in this Kashyapa gotra are endowed with three pravaras.

Verse 74 (skanda.3.61.74)

काश्यपश्चापवत्सारो रैभ्येति विश्रुतास्त्रयः । अस्मिन्गोत्रे भवा विप्रा रक्ताक्षाः क्रूरदृष्टयः

kāśyapaścāpavatsāro raibhyeti viśrutāstrayaḥ asmingotre bhavā viprā raktākṣāḥ krūradṛṣṭayaḥ

Kashyapa, Apavatsara, and Raibhya are renowned as the three. The brahmins born in this gotra are red-eyed and of cruel gaze.

Verse 75 (skanda.3.61.75)

जिह्वालौल्यरताः सर्वे सर्वे ते पारमार्थिनः । निर्धना रोगिणश्चैते तस्करानृतभाषिणः

jihvālaulyaratāḥ sarve sarve te pāramārthinaḥ nirdhanā rogiṇaścaite taskarānṛtabhāṣiṇaḥ

All are given to gluttony, yet all of them are seekers of the highest truth; poor and sickly, thievish, and untruthful in speech.

Verse 76 (skanda.3.61.76)

शास्त्रार्थावेदिनः सर्वे वेदस्मृतिविवर्जिताः । शुनकेषु च ये जाता विप्रा ध्यानपरायणाः

śāstrārthāvedinaḥ sarve vedasmṛtivivarjitāḥ śunakeṣu ca ye jātā viprā dhyānaparāyaṇāḥ

None of them know the meaning of the scriptures, being devoid of Veda and smriti. Those brahmins born among the Shunakas, however, are devoted to meditation.

Verse 77 (skanda.3.61.77)

तपस्विनो योगिनश्च वेदवेदांगपारगाः । साधवश्च सदाचारा विष्णुभक्तिपरायणाः

tapasvino yoginaśca vedavedāṁgapāragāḥ sādhavaśca sadācārā viṣṇubhaktiparāyaṇāḥ

Ascetics and yogis, accomplished in the Vedas and Vedangas; virtuous and of good conduct, devoted to devotion to Vishnu.

Verse 78 (skanda.3.61.78)

ह्रस्वकाया भिन्नवर्णा बहुरामा द्विजोत्तमाः । दयालाः सरलाः शांता ब्रह्मभोज्यपरायणाः

hrasvakāyā bhinnavarṇā bahurāmā dvijottamāḥ dayālāḥ saralāḥ śāṁtā brahmabhojyaparāyaṇāḥ

Short of stature, of varied complexion, fond of ease, these excellent twice-born; compassionate, straightforward, peaceful, and devoted to feeding brahmins.

Verse 79 (skanda.3.61.79)

शौनकसेषु ये जाताः प्रवरत्रयसंयुताः । भार्गवशौनहोत्रेति गार्त्स्यप्रमद इति त्रयः

śaunakaseṣu ye jātāḥ pravaratrayasaṁyutāḥ bhārgavaśaunahotreti gārtsyapramada iti trayaḥ

Those born among the Shaunakas are endowed with three pravaras: Bhargava, Shaunahotra, and, as the third, Gartsyapramada.

Verse 80 (skanda.3.61.80)

अस्मिन्देशे समुत्पन्ना वाडवा दुःसहा नृप । महोत्कटा महाकायाः प्रलंबाश्च मदोद्धताः

asmindeśe samutpannā vāḍavā duḥsahā nṛpa mahotkaṭā mahākāyāḥ pralaṁbāśca madoddhatāḥ

The brahmins born in this region, O king, are formidable, of massive frame and huge body, tall of stature, and puffed up with pride.

Verse 81 (skanda.3.61.81)

क्लेशरूपाः कृष्णवर्णाः सर्वशास्त्रविशारदाः । बहुभुजो मानिनो दक्षा राग द्वेषोपवर्जिताः

kleśarūpāḥ kṛṣṇavarṇāḥ sarvaśāstraviśāradāḥ bahubhujo mānino dakṣā rāga dveṣopavarjitāḥ

Grim in appearance, dark in complexion, yet learned in every shastra; mighty of arm, proud, skilled, and free from attachment and hatred.

Verse 82 (skanda.3.61.82)

सुवस्त्रभूषारूपा वै ब्राह्मणा ब्रह्मवादिनः । वसिष्ठगोत्रे ये जाताः प्रवरत्रयसंयुताः

suvastrabhūṣārūpā vai brāhmaṇā brahmavādinaḥ vasiṣṭhagotre ye jātāḥ pravaratrayasaṁyutāḥ

These brahmins are indeed of fine dress and adornment, and speakers of Brahman. Those born in the Vasishtha gotra are endowed with three pravaras.

Verse 83 (skanda.3.61.83)

वसिष्ठो भारद्वाजश्च इन्द्रप्रमद एव च । अस्मिन्गोत्रे भवा विप्रा वेदवेदांगपारगाः

vasiṣṭho bhāradvājaśca indrapramada eva ca asmingotre bhavā viprā vedavedāṁgapāragāḥ

Vasishtha, Bharadvaja, and Indrapramada. The brahmins born in this gotra are learned in the Vedas and Vedangas.

Verse 84 (skanda.3.61.84)

याज्ञिका यज्ञशीलाश्च सुस्वराः सुखिनस्तथा । द्वेषिणो धनवंतश्च पुत्रिणो गुणिनस्तथा

yājñikā yajñaśīlāśca susvarāḥ sukhinastathā dveṣiṇo dhanavaṁtaśca putriṇo guṇinastathā

Sacrificers, devoted to the practice of sacrifice, sweet of voice, and content; though inclined to spite, they are wealthy, blessed with sons, and virtuous.

Verse 85 (skanda.3.61.85)

विशालहृदया राजञ्छूराः शत्रुनिबर्हणाः । गौतमसगोत्रे ये जाताः प्रवराः पंच एव हि

viśālahṛdayā rājañchūrāḥ śatrunibarhaṇāḥ gautamasagotre ye jātāḥ pravarāḥ paṁca eva hi

Great-hearted, O king, valiant, and destroyers of their foes. Those born in the Gautama gotra have exactly five pravaras.

Verse 86 (skanda.3.61.86)

कौत्सगार्ग्योमवाहाश्च असितो देवलस्तथा । अस्मिन्गोत्रे च ये जाता विप्राः परमपावनाः

kautsagārgyomavāhāśca asito devalastathā asmingotre ca ye jātā viprāḥ paramapāvanāḥ

Kautsa, Gargya, Omavaha, and likewise Asita and Devala. The brahmins born in this gotra are supremely pure.

Verse 87 (skanda.3.61.87)

परोपकारिणः सर्वे श्रुतिस्मृति परायणाः । बकासनाश्च कुटिलाश्छद्मवृत्तिपरास्तथा

paropakāriṇaḥ sarve śrutismṛti parāyaṇāḥ bakāsanāśca kuṭilāśchadmavṛttiparāstathā

All are benevolent toward others, devoted to shruti and smriti; yet also given to sitting like a heron in feigned stillness, crooked, and inclined to deceitful conduct.

Verse 88 (skanda.3.61.88)

नानाशास्त्रार्थनिपुणा नानाभरणभूषिताः । वृक्षादिकर्मकुशला दीर्घरोषाश्च रोगिणः

nānāśāstrārthanipuṇā nānābharaṇabhūṣitāḥ vṛkṣādikarmakuśalā dīrgharoṣāśca rogiṇaḥ

Skilled in the meaning of various shastras, adorned with various ornaments; skilled in tasks relating to trees and the like, yet prone to long-nursed anger, and sickly.

Verse 89 (skanda.3.61.89)

आंगिरसगोत्रे ये जाताः प्रवरत्रयसंयुताः । आंगिरसोंबरीषश्च यौवनाश्वस्तृतीयकः

āṁgirasagotre ye jātāḥ pravaratrayasaṁyutāḥ āṁgirasoṁbarīṣaśca yauvanāśvastṛtīyakaḥ

Those born in the Angirasa gotra are endowed with three pravaras: Angirasa, Ambarisha, and, as the third, Yauvanashva.

Verse 90 (skanda.3.61.90)

अस्मिन्गोत्रे च ये जाताः सत्य संभाषिणस्तथा । जितेंद्रियाः सुरूपाश्च अल्पाहाराः शुभाननाः

asmingotre ca ye jātāḥ satya saṁbhāṣiṇastathā jiteṁdriyāḥ surūpāśca alpāhārāḥ śubhānanāḥ

Those born in this gotra are likewise truthful in speech; self-controlled, of fine form, moderate in diet, of auspicious countenance.

Verse 91 (skanda.3.61.91)

महाव्रताः पुराणज्ञा महादानपरायणाः । निर्द्वेषिणो लोभयुता वेदाध्य यनतत्पराः

mahāvratāḥ purāṇajñā mahādānaparāyaṇāḥ nirdveṣiṇo lobhayutā vedādhya yanatatparāḥ

Firm in great vows, knowers of the Puranas, devoted to great acts of charity; free from hatred, though touched by greed, and devoted to the study of the Vedas.

Verse 92 (skanda.3.61.92)

दीर्घदर्शिमहातेजो महामायाविमोहिताः । शांडिलसगोत्रेये प्रवरत्रयसंयुताः

dīrghadarśimahātejo mahāmāyāvimohitāḥ śāṁḍilasagotreye pravaratrayasaṁyutāḥ

Farsighted, of great splendour, yet at times deluded by great illusion. Those of the Shandila gotra are endowed with three pravaras.

Verse 93 (skanda.3.61.93)

असितो देवलश्चैव शांडिलस्तु तृतीयकः । अस्मिन्गोत्रे महाभागाः कुब्जाश्च द्विजसत्तमाः

asito devalaścaiva śāṁḍilastu tṛtīyakaḥ asmingotre mahābhāgāḥ kubjāśca dvijasattamāḥ

Asita, Devala, and, as the third, Shandila. In this gotra are found illustrious ones — though some among these excellent twice-born are hunchbacked.

Verse 94 (skanda.3.61.94)

नेत्ररोगी महादुष्टा महात्यागा अनायुषः । कलहोत्पादने दक्षाः सर्वसंग्रह तत्पराः

netrarogī mahāduṣṭā mahātyāgā anāyuṣaḥ kalahotpādane dakṣāḥ sarvasaṁgraha tatparāḥ

Afflicted with eye-disease, greatly wicked, yet given to great generosity, and short-lived; skilled at stirring up quarrels, and bent on amassing everything for themselves.

Verse 95 (skanda.3.61.95)

मलिना मानिनश्चैव ज्योतिःशास्त्रविशारदाः । आत्रेयसगोत्रे ये जाताः पंचप्रवरसंयुताः

malinā māninaścaiva jyotiḥśāstraviśāradāḥ ātreyasagotre ye jātāḥ paṁcapravarasaṁyutāḥ

Unclean and proud, yet learned in the science of astrology. Those born in the Atreya gotra are endowed with five pravaras.

Verse 96 (skanda.3.61.96)

आत्रेयोऽर्चनानसश्यावाश्वोंगिर सोऽत्रिश्च । अस्मिन्वंशे च ये जाता द्विजास्ते सूर्यवर्चसः

ātreyo'rcanānasaśyāvāśvoṁgira so'triśca asminvaṁśe ca ye jātā dvijāste sūryavarcasaḥ

Atreya, Archananasa, Shyavashva, Angirasa, and Atri. The twice-born born into this lineage are radiant as the sun.

Verse 97 (skanda.3.61.97)

चंद्रवच्छीतलाः सर्वे धर्मारण्ये व्यवस्थिताः । सदाचारा महादक्षाः श्रुतिशास्त्र परायणाः

caṁdravacchītalāḥ sarve dharmāraṇye vyavasthitāḥ sadācārā mahādakṣāḥ śrutiśāstra parāyaṇāḥ

All of them are cool as the moon, established firmly in Dharmaranya; of good conduct, highly skilled, and devoted to the scriptures of shruti.

Verse 98 (skanda.3.61.98)

याज्ञिकाश्च शुभाचाराः सत्यशौचपरायणाः । धर्मज्ञा दानशीलाश्च निर्मलाश्च महोत्सुकाः

yājñikāśca śubhācārāḥ satyaśaucaparāyaṇāḥ dharmajñā dānaśīlāśca nirmalāśca mahotsukāḥ

Sacrificers of auspicious conduct, devoted to truth and purity; knowers of dharma, generous in giving, spotless, and full of great zeal.

Verse 99 (skanda.3.61.99)

तपःस्वाध्यायनिरता न्यायधर्मपरायणाः

tapaḥsvādhyāyaniratā nyāyadharmaparāyaṇāḥ

Devoted to austerity and self-study of the Veda, and given wholly to just and righteous conduct.

Verse 100 (skanda.3.61.100)

युधिष्ठिर उवाच । कथयस्व महाबाहो धर्मारण्यकथामृतम् । यच्छ्रुत्वा मुच्यते पापाद्घोराद्ब्रह्मवधादपि

yudhiṣṭhira uvāca kathayasva mahābāho dharmāraṇyakathāmṛtam yacchrutvā mucyate pāpādghorādbrahmavadhādapi

Yudhishthira said: Tell me, O mighty-armed one, this nectar-like tale of Dharmaranya, by hearing which one is freed even from the terrible sin of killing a brahmin.

Verse 101 (skanda.3.61.101)

व्यास उवाच । शृणु राजन्प्रवक्ष्यामि कथामेतां सुदुर्लभाम्

vyāsa uvāca śṛṇu rājanpravakṣyāmi kathāmetāṁ sudurlabhām

Vyasa said: Listen, O king; I shall now tell this exceedingly rare tale.

Verse 102 (skanda.3.61.102)

यक्षरक्षःपिशाचाद्या उद्वेजयंति वाडवान् । जृंभकोनाम यक्षोऽभूद्धर्म्मारण्यसमीपतः

yakṣarakṣaḥpiśācādyā udvejayaṁti vāḍavān jṛṁbhakonāma yakṣo'bhūddharmmāraṇyasamīpataḥ

Yakshas, rakshasas, pishachas and the like began to torment the brahmins; near Dharmaranya there arose a yaksha named Jrimbhaka.

Verse 103 (skanda.3.61.103)

उद्वेजयति नित्यं स धर्मारण्यनिवासिनः । ततस्तैश्च द्विजाग्र्यैस्तु देवेभ्यो विनिवेदितम्

udvejayati nityaṁ sa dharmāraṇyanivāsinaḥ tatastaiśca dvijāgryaistu devebhyo viniveditam

He continually harassed the dwellers of Dharmaranya; then those foremost brahmins reported the matter to the gods.

Verse 104 (skanda.3.61.104)

यक्षरक्षादिना चैव परिभूता वयं सुराः । त्यक्ष्यामोऽद्य वरं स्थानं तद्भयान्नात्र संशयः

yakṣarakṣādinā caiva paribhūtā vayaṁ surāḥ tyakṣyāmo'dya varaṁ sthānaṁ tadbhayānnātra saṁśayaḥ

"We, O gods, have been overwhelmed by yakshas, rakshasas, and the like; out of that very fear, we shall today abandon this place — of this there is no doubt."

Verse 105 (skanda.3.61.105)

ततो देवैः संगधर्वैः स्थापितास्तत्र भूमिषु । सिद्धाश्च वरयोगिन्यः श्रीमातृप्रभृतयस्तथा

tato devaiḥ saṁgadharvaiḥ sthāpitāstatra bhūmiṣu siddhāśca varayoginyaḥ śrīmātṛprabhṛtayastathā

Then, by the gods together with the gandharvas, the siddhas and the excellent yoginis, beginning with Shrimata, were established there upon that land.

Verse 106 (skanda.3.61.106)

रक्षणार्थं हि विप्राणां लोकानां हितकाम्यया । गोत्रान्प्रति तथैकैका स्थापिता योगिनी तदा

rakṣaṇārthaṁ hi viprāṇāṁ lokānāṁ hitakāmyayā gotrānprati tathaikaikā sthāpitā yoginī tadā

For the protection of the brahmins, and out of a wish for the welfare of the worlds, a separate yogini was then established for each and every gotra.

Verse 107 (skanda.3.61.107)

यस्य गोत्रस्य या शक्ती रक्षणे पालने क्षमा । सा तस्य कुलदेवीति साक्षात्तत्र बभूव ह

yasya gotrasya yā śaktī rakṣaṇe pālane kṣamā sā tasya kuladevīti sākṣāttatra babhūva ha

Whatever power was capable of protecting and sustaining a given gotra became, in visible form, the very kuladevi — the family goddess — of that gotra.

Verse 108 (skanda.3.61.108)

श्रीमाता तारणी देवी आशापूरी च गोत्रपा । इच्छाऽऽर्तिनाशिनी चैव पिप्पली विकारवशा

śrīmātā tāraṇī devī āśāpūrī ca gotrapā icchā''rtināśinī caiva pippalī vikāravaśā

Shrimata, Tarani Devi, and Ashapuri, protectress of the gotras; Ichchharti-nashini, and likewise Pippali, and Vikaravasha.

Verse 109 (skanda.3.61.109)

जगन्माता महामाता सिद्धा भट्टारिका तथा । कदंबा विकरा मीठा सुपर्णा वसुजा तथा

jaganmātā mahāmātā siddhā bhaṭṭārikā tathā kadaṁbā vikarā mīṭhā suparṇā vasujā tathā

Jaganmata, Mahamata, Siddha, and likewise Bhattarika; Kadamba, Vikara, Mitha, Suparna, and likewise Vasuja.

Verse 110 (skanda.3.61.110)

मातंगी च महादेवी वाणी च मुकुटेश्वरी । भद्री चैव महाशक्तिः संहारी च महाबला

mātaṁgī ca mahādevī vāṇī ca mukuṭeśvarī bhadrī caiva mahāśaktiḥ saṁhārī ca mahābalā

Matangi, and Mahadevi, Vani, and Mukuteshvari; Bhadri, and Mahashakti, Samhari, and Mahabala.

Verse 111 (skanda.3.61.111)

चामुंडा च महादेवी इत्येता गोत्रमातरः । ब्रह्मविष्णुमहेशाद्यैः स्थापितास्तत्र रक्षणे

cāmuṁḍā ca mahādevī ityetā gotramātaraḥ brahmaviṣṇumaheśādyaiḥ sthāpitāstatra rakṣaṇe

And Chamunda, the great goddess — these are the gotra-mothers, established there for protection by Brahma, Vishnu, Mahesha, and the other gods.

Verse 112 (skanda.3.61.112)

ताः पूजयंति विप्रेंद्राः स्वधर्मनिरताः सदा । ततः प्रभृति योगिन्यः स्वेस्वे काले सुरक्षिताः

tāḥ pūjayaṁti vipreṁdrāḥ svadharmaniratāḥ sadā tataḥ prabhṛti yoginyaḥ svesve kāle surakṣitāḥ

These the foremost brahmins worship, ever devoted to their own dharma; and from that time onward, protected each in due season by the yoginis —

Verse 113 (skanda.3.61.113)

वाडवाः स्वस्थतां जग्मुः पुत्रपौत्रैः समावृताः । ततो देवाः सगंधर्वा हर्षनिर्भरमानसाः । विमानवरमारूढा जग्मुर्नाकेऽमृताशनाः

vāḍavāḥ svasthatāṁ jagmuḥ putrapautraiḥ samāvṛtāḥ tato devāḥ sagaṁdharvā harṣanirbharamānasāḥ vimānavaramārūḍhā jagmurnāke'mṛtāśanāḥ

— the brahmins attained peace and well-being, surrounded by their sons and grandsons. Then the gods, together with the gandharvas, their hearts full of joy, mounted their splendid celestial cars and, those drinkers of ambrosia, departed for heaven.

Verse 114 (skanda.3.61.114)

गते वर्षशते राजन्ब्रह्मविष्णुमहेश्वराः । स्मृत्वा तु धर्मारण्यस्य प्रेक्षणार्थं कुतूहलात्

gate varṣaśate rājanbrahmaviṣṇumaheśvarāḥ smṛtvā tu dharmāraṇyasya prekṣaṇārthaṁ kutūhalāt

When a hundred years had passed, O king, Brahma, Vishnu, and Maheshvara, recalling Dharmaranya and moved by curiosity to see it once more —

Verse 115 (skanda.3.61.115)

समाजग्मुस्तदा राजन्प्रभाते उदिते रवौ । विमानवरमारुह्य अप्सरोगणसेविताः

samājagmustadā rājanprabhāte udite ravau vimānavaramāruhya apsarogaṇasevitāḥ

— then, O king, at dawn as the sun rose, they gathered there together, mounted upon splendid celestial cars, attended by hosts of apsarasas.

Verse 116 (skanda.3.61.116)

गंधर्वैर् गीयमानास्ते स्तूयमानाः प्रबोधकैः । तत्र स्थाने द्विजा राजन्समित्पुष्पकुशान्बहून्

gaṁdharvair gīyamānāste stūyamānāḥ prabodhakaiḥ tatra sthāne dvijā rājansamitpuṣpakuśānbahūn

Sung to by gandharvas, and praised by those who chant at dawn, they arrived there. But the brahmins of that place, O king, had gone out for much sacred fuel, flowers, and kusha grass —

Verse 117 (skanda.3.61.117)

आश्रमांस्तान्परित्यज्य गताः सर्वे दिशो दश । तमाश्रमपदं दृष्ट्वा शून्यं चैव महेश्वरः

āśramāṁstānparityajya gatāḥ sarve diśo daśa tamāśramapadaṁ dṛṣṭvā śūnyaṁ caiva maheśvaraḥ

— leaving their hermitages behind, all of them had gone out in the ten directions to gather materials. Seeing that hermitage grounds empty, Maheshvara —

Verse 118 (skanda.3.61.118)

उवाच वाक्यं धर्मज्ञो वाडवान्क्लिशते विभो । शुशूषार्थं हि शुश्रूषन्कल्पयेदिति मे मतिः

uvāca vākyaṁ dharmajño vāḍavānkliśate vibho śuśūṣārthaṁ hi śuśrūṣankalpayediti me matiḥ

— the knower of dharma spoke these words: "O mighty ones, this troubles the brahmins greatly. It is my opinion that some arrangement should be made for their service and attendance."

Verse 119 (skanda.3.61.119)

श्रुत्वा तु वचनं शंभोर्देवदेवो जनार्दनः । सत्यंसत्यमिति प्रोच्य ब्रह्माणमिदमब्रवीत्

śrutvā tu vacanaṁ śaṁbhordevadevo janārdanaḥ satyaṁsatyamiti procya brahmāṇamidamabravīt

Having heard the words of Shambhu, Janardana, the god of gods, said "True indeed, true indeed," and then spoke thus to Brahma.

Verse 120 (skanda.3.61.120)

भोभो ब्रह्मन्द्विजातीनां शुश्रूषार्थं प्रकल्पय । सृष्टिर्हि शाश्वतीवाद्य द्विजोघोपि सुखी भवेत् । विष्णोर्वाक्यमभिश्रुत्य ब्रह्मा लोकपितामहः

bhobho brahmandvijātīnāṁ śuśrūṣārthaṁ prakalpaya sṛṣṭirhi śāśvatīvādya dvijoghopi sukhī bhavet viṣṇorvākyamabhiśrutya brahmā lokapitāmahaḥ

"O Brahma, arrange for the service of the twice-born, so that this creation may endure as if everlasting, and the whole community of brahmins may today be made happy." Hearing these words of Vishnu, Brahma, the grandfather of the worlds —

Verse 121 (skanda.3.61.121)

संस्मरन्कामधेनुं वै स्मरणेनैव तत्क्षणे । आगता तत्र सा धेनुर्धर्मारण्ये पवित्रके

saṁsmarankāmadhenuṁ vai smaraṇenaiva tatkṣaṇe āgatā tatra sā dhenurdharmāraṇye pavitrake

— called Kamadhenu to mind; and at that very act of remembrance, in that same instant, that cow arrived there, in sacred Dharmaranya.