The Founding of Satyamandira

Verse 1 (skanda.3.84.1)

व्यास उवाच । ततश्च रामदूतास्ते नत्वा राममथाब्रुवन् रामराम महाबाहो वरनारी शुभानना

vyāsa uvāca tataś ca rāmadūtās te natvā rāmam athābruvan rāmarāma mahābāho varanārī śubhānanā

Vyasa said: Then Rama's envoys bowed to Rama and said: "Rama, Rama, O mighty-armed one! A beautiful, fair-faced woman —"

Verse 2 (skanda.3.84.2)

सुवस्त्रभूषाभरणां मृदुवाक्यपरायणाम् एकाकिनीं क्रदमानाम दृष्ट्वा तां विस्मिता वयम्

suvastrabhūṣābharaṇāṁ mṛduvākyaparāyaṇām ekākinīṁ kradamānām dṛṣṭvā tāṁ vismitā vayam

"— clad in fine garments and ornaments, speaking gentle words, weeping all alone — seeing her, we were astonished."

Verse 3 (skanda.3.84.3)

समीपवर्तिनो भूत्वा पृष्टा सा सुरसुन्दरी का त्वं देवि वरारोहे देवी वा दानवी नु किम्

samīpavartino bhūtvā pṛṣṭā sā surasundarī kā tvaṁ devi varārohe devī vā dānavī nu kim

"— going near to her, we asked that celestial beauty: 'Who are you, O lovely lady — are you a goddess, or a demoness?'"

Verse 4 (skanda.3.84.4)

रामः पृच्छति देवि त्वां ब्रूहि सर्वं यथातथम् तच्छ्रुत्वा वचनं रामा सोवाच मधुरं वचः

rāmaḥ pṛcchati devi tvāṁ brūhi sarvaṁ yathātatham tac chrutvā vacanaṁ rāmā sovāca madhuraṁ vacaḥ

"'Rama himself is asking you, O lady — tell everything just as it happened.'" Hearing this, the woman spoke sweet words —

Verse 5 (skanda.3.84.5)

रामं प्रेषयत भद्रं वो मम दुःखापहं परम्

rāmaṁ preṣayata bhadraṁ vo mama duḥkhāpahaṁ param

"Send Rama himself here — may good befall you — he alone can dispel my supreme sorrow."

Verse 6 (skanda.3.84.6)

तदाकर्ण्य ततो रामः संभ्रमात्त्वरितो ययौ दृष्ट्वा तां दुःखसंतप्तां स्वयं दुःखमवाप सः उवाच वचनं रामः कृतांजलिपुटस्तदा

tad ākarṇya tato rāmaḥ saṁbhramāt tvarito yayau dṛṣṭvā tāṁ duḥkhasaṁtaptāṁ svayaṁ duḥkham avāpa saḥ uvāca vacanaṁ rāmaḥ kṛtāñjaliputas tadā

Hearing this, Rama hurried there in alarm; seeing her tormented by grief, he himself grew sorrowful; then Rama, with joined palms, spoke.

Verse 7 (skanda.3.84.7)

श्रीराम उवाच । का त्वं शुभे कस्य परिग्रहो वा केनावधूता विजने निरस्ता मुष्टं धनं केन च तावकीनमाचक्ष्व मातः सकलं ममाग्रे

śrīrāma uvāca kā tvaṁ śubhe kasya parigraho vā kenāvadhūtā vijane nirastā muṣṭaṁ dhanaṁ kena ca tāvakīnam ācakṣva mātaḥ sakalaṁ mamāgre

Shri Rama said: "Who are you, gracious one? Whose wife are you, or by whom have you been abandoned, cast off in this desolate place? Who has plundered your wealth? Tell me everything, O mother."

Verse 8 (skanda.3.84.8)

इत्युक्त्वा चातिदुःखार्तो रामो मतिमतां वरः प्रणामं दंडवच्चक्रे चक्रपाणिरिवापरः

ity uktvā cātiduḥkhārto rāmo matimatāṁ varaḥ praṇāmaṁ daṇḍavac cakre cakrapāṇir ivāparaḥ

Having spoken thus, Rama, foremost among the wise, deeply distressed, bowed down flat to the ground before her, as though he were another Chakrapāṇi (Vishnu) himself.

Verse 9 (skanda.3.84.9)

तयाभिवंदितो रामः प्रगम्य च पुनःपुनः तुष्टया परया प्रीत्या स्तुतो मधुरया गिरा

tayābhivandito rāmaḥ pragamya ca punaḥ punaḥ tuṣṭayā parayā prītyā stuto madhurayā girā

Approaching him again and again, she saluted Rama; and, with supreme satisfaction and love, praised him in a sweet voice —

Verse 10 (skanda.3.84.10)

परमात्मन्परेशान दुःखहारिन्सनातन यदर्थमवतारस्ते तच्च कार्यं त्वया कृतम्

paramātman pareśāna duḥkhāharin sanātana yadartham avatāras te tac ca kāryaṁ tvayā kṛtam

"O Supreme Soul, O Lord of all, remover of sorrow, O eternal one! That very purpose for which you took incarnation, you have accomplished —"

Verse 11 (skanda.3.84.11)

रावणः कुम्भकर्णश्च शक्रजित्प्रमुखास्तथा खरदूषणत्रिशिरोमारीचाक्षकुमारकाः असंख्या निर्जिता रौद्रा राक्षसाः समरांगणे

rāvaṇaḥ kumbhakarṇaś ca śakrajitpramukhās tathā kharadūṣaṇatriśiromārīcākṣakumārakāḥ asaṁkhyā nirjitā raudrā rākṣasāḥ samarāṅgaṇe

"— Ravana, Kumbhakarna, Śakrajit (Indrajit) and others, Khara, Dūṣaṇa, Triśira, Mārīca, Akṣa, Kumāra, and countless terrible rākṣasas — all were vanquished on the battlefield."

Verse 12 (skanda.3.84.12)

किं वच्मि लोकेश सुकीर्त्तिमद्य ते वेधास्त्वदीयांगजपद्मसंभवः विश्वं निविष्टं च ततो ददर्श वटस्य पत्रे हि यथो वटो मतः

kiṁ vacmi lokeśa sukīrtim adya te vedhās tvadīyāṅgajapadmasaṁbhavaḥ viśvaṁ niviṣṭaṁ ca tato dadarśa vaṭasya patre hi yatho vaṭo mataḥ

"O Lord of the worlds, how shall I speak of your great glory today? Brahma himself, born of the lotus that sprang from your own body, once beheld the whole universe resting upon a single banyan leaf — just as the banyan seed contains the whole tree within itself."

Verse 13 (skanda.3.84.13)

धन्यो दशरथो लोके कौशल्या जननी तव ययोर्जातोसि गोविंद जगदीश परः पुमान्

dhanyo daśaratho loke kauśalyā jananī tava yayor jāto 'si govinda jagadīśa paraḥ pumān

"Blessed is Daśaratha in this world, and blessed too is your mother Kausalyā — O Govinda, O Lord of the universe, from them you, the Supreme Person, have been born."

Verse 14 (skanda.3.84.14)

धन्यं च तत्कुलं राम यत्र त्वमागतः स्वयम् धन्याऽयोध्यापुरी राम धन्यो लोकस्त्वदाश्रयः

dhanyaṁ ca tat kulaṁ rāma yatra tvam āgataḥ svayam dhanyāyodhyāpurī rāma dhanyo lokas tvadāśrayaḥ

"O Rama, blessed is that lineage into which you yourself descended. O Rama, blessed is the city of Ayodhya, and blessed is the world that finds its refuge in you."

Verse 15 (skanda.3.84.15)

धन्यः सोऽपि हि वाल्मीकिर्येन रामायणं कृतम् कविना विप्रमुख्येभ्य आत्मबुद्ध्या ह्यनागतम्

dhanyaḥ so 'pi hi vālmīkir yena rāmāyaṇaṁ kṛtam kavinā vipramukhyebhya ātmabuddhyā hy anāgatam

"Blessed too is Vālmīki, who composed the Rāmāyaṇa — that poet, by his own inner vision, set it down for the foremost of brahmins even before it had yet come to pass."

Verse 16 (skanda.3.84.16)

त्वत्तोऽभवत्कुलं चेदं त्वया देव सुपावितम्।

tvatto 'bhavat kulaṁ cedaṁ tvayā deva supāvitam

"O Lord, this lineage arose from you, and by you it has been made truly sacred."

Verse 17 (skanda.3.84.17)

नरपतिरिति लोकैः स्मर्यते वैष्णवांशः स्वयमसि रमणीयैस्त्वं गुणैर्विष्णुरेव किमपि भुवनकार्यं यद्विचिंत्यावतीर्य तदिह घटयतस्ते वत्स निर्विघ्नमस्तु

narapatir iti lokaiḥ smaryate vaiṣṇavāṁśaḥ svayam asi ramaṇīyais tvaṁ guṇair viṣṇur eva kim api bhuvanakāryaṁ yad vicintyāvatīrya tad iha ghaṭayatas te vatsa nirvighnam astu

"People remember you merely as a king, yet you are yourself a portion of Vishnu; by your delightful qualities, you are Vishnu himself. Whatever task for the world you conceived and descended here to accomplish, O child, may it be brought to completion without obstacle."

Verse 18 (skanda.3.84.18)

स्तुत्वा वाचाथ रामं हि त्वयि नाथे नु सांप्रतम् शून्या वर्ते चिरं कालं यथा दोषस्तथैव हि

stutvā vācātha rāmaṁ hi tvayi nāthe nu sāṁpratam śūnyā varte ciraṁ kālaṁ yathā doṣas tathaiva hi

Having thus praised Rama with her words, she said: "You alone are now my lord; for a long time I have remained desolate — this too is a kind of blemish."

Verse 19 (skanda.3.84.19)

धर्मारण्यस्य क्षेत्रस्य विद्धि मामधिदेवताम् वर्षाणि द्वादशेहैव जातानि दुःखि तास्म्यहम्

dharmāraṇyasya kṣetrasya viddhi mām adhidevatām varṣāṇi dvādaśehaiva jātāni duḥkhitāsmy aham

"Know me to be the presiding goddess of the field of Dharmaranya. Twelve years have now passed here, and I am filled with sorrow."

Verse 20 (skanda.3.84.20)

निर्जनत्वं ममाद्य त्वमुद्धरस्व महामते लोहासुरभयाद्राम विप्राः सर्वे दिशो दश

nirjanatvaṁ mamādya tvam uddharasva mahāmate lohāsurabhayād rāma viprāḥ sarve diśo daśa

"O great-minded one, deliver me today from this desolation. O Rama, out of fear of Lohasura, all the brahmins scattered to the ten directions —"

Verse 21 (skanda.3.84.21)

गताश्च वणिजः सर्वे यथास्थानं सुदुःखिताः स दैत्यो घातितो राम देवैः सुरभयंकरः

gatāś ca vaṇijaḥ sarve yathāsthānaṁ suduḥkhitāḥ sa daityo ghātito rāma devaiḥ surabhayaṁkaraḥ

"— and all the merchants too went off, deeply grieved, wherever they could. O Rama, that demon, terrifying to the gods, was slain by the gods —"

Verse 22 (skanda.3.84.22)

आक्रम्यात्र महामायो दुराधर्षो दुरत्ययः न ते जनाः समायांति तद्भयादति शंकिताः

ākramyātra mahāmāyo durādharṣo duratyayaḥ na te janāḥ samāyānti tadbhayād ati śaṅkitāḥ

"— but that unassailable, unconquerable demon of great illusion had first ravaged this place, and, still fearing him, those people, deeply apprehensive, do not return."

Verse 23 (skanda.3.84.23)

अद्य वै द्वादश समाः शून्यागारमनाथवत् यस्माच्च दीर्घिकायां मे स्नानदानोद्यतो जनः

adya vai dvādaśa samāḥ śūnyāgāram anāthavat yasmāc ca dīrghikāyāṁ me snānadānodyato janaḥ

"For twelve years now my home has stood empty, like an orphan's house. In the pool where people once busied themselves with bathing and giving alms —"

Verse 24 (skanda.3.84.24)

राम तस्यां दीर्घिकायां निपतंति च शूकराः यत्रांगना भर्तृयुता जलक्रीडापरायणाः

rāma tasyāṁ dīrghikāyāṁ nipatanti ca śūkarāḥ yatrāṅganā bhartṛyutā jalakrīḍāparāyaṇāḥ

"— now, O Rama, wild boars come and wallow. Where once women, together with their husbands, delighted in playing in the water —"

Verse 25 (skanda.3.84.25)

चिक्रीडुस्तत्र महिषा निपतंति जलाशये यत्र स्थाने सुपुष्पाणां प्रकरः प्रचुरोऽभवत्

cikrīḍus tatra mahiṣā nipatanti jalāśaye yatra sthāne supuṣpāṇāṁ prakaraḥ pracuro 'bhavat

"— now buffaloes wallow in that same pool. Where once there was a profusion of beautiful flowers —"

Verse 26 (skanda.3.84.26)

तद्रुद्धं कंटकैर्वृक्षैः सिंहव्याघ्रसमाकुलैः संचिक्रीडुः कुमाराश्च यस्यां भूमौ निरंतरम्

tad ruddhaṁ kaṇṭakair vṛkṣaiḥ siṁhavyāghrasamākulaiḥ saṁcikrīḍuḥ kumārāś ca yasyāṁ bhūmau nirantaram

"— that place is now choked with thorny trees, overrun by lions and tigers. Where once children continually played —"

Verse 27 (skanda.3.84.27)

कुमार्यश्चित्रकाणां च तत्र क्रीडं ति हर्षिताः अकुर्वन्वाडवा यत्र वेदगानं तिरंतरम्

kumāryaś citrakāṇāṁ ca tatra krīḍanti harṣitāḥ akurvan vāḍavā yatra vedagānaṁ nirantaram

"— now young jackals frolic there gleefully. Where once the brahmins continually chanted the Vedas —"

Verse 28 (skanda.3.84.28)

शिवानां तत्र फेत्काराः श्रूयंतेऽतिभयंकराः यत्र धूमोऽग्निहोत्राणां दृश्यते वै गृहेगृहे

śivānāṁ tatra phetkārāḥ śrūyante 'tibhayaṁkarāḥ yatra dhūmo 'gnihotrāṇāṁ dṛśyate vai gṛhegṛhe

"— there one now hears the terrifying howling of jackals. Where once the smoke of the fire-offering rose from every household —"

Verse 29 (skanda.3.84.29)

तत्र दावाः सधूमाश्च दृश्यंतेऽत्युल्बणा भृशम् नृत्यंते नर्त्तका यत्र हर्षिता हि द्विजाग्रतः

tatra dāvāḥ sadhūmāś ca dṛśyante 'tyulbaṇā bhṛśam nṛtyante narttakā yatra harṣitā hi dvijāgrataḥ

"— now smoking, raging wildfires are seen there instead. Where once dancers, filled with joy, performed before the brahmins —"

Verse 30 (skanda.3.84.30)

तत्रैव भूतवेताला प्रेताः नृत्यंति मोहिताः नृपा यत्र सभायां तु न्यषीदन्मंत्रतत्पराः

tatraiva bhūtavetālā pretā nṛtyanti mohitāḥ nṛpā yatra sabhāyāṁ tu nyaṣīdan mantratatparāḥ

"— now bhūtas, vetālas, and pretas dance there in confused frenzy. Where once kings sat, deep in the pursuit of counsel —"

Verse 31 (skanda.3.84.31)

तस्मिन्स्थाने निषीदंति गवया ऋक्षशल्लकाः आवासा यत्र दृश्यन्ते द्विजानां वणिजां तथा

tasmin sthāne niṣīdanti gavayā ṛkṣaśallakāḥ āvāsā yatra dṛśyante dvijānāṁ vaṇijāṁ tathā

"— now wild bison, bears, and porcupines dwell in that very spot. Where once the dwellings of brahmins and merchants could be seen —"

Verse 32 (skanda.3.84.32)

कुट्टिमप्रतिमा राम दृश्यंतेत्र बिलानि वै कोटराणीह वृक्षाणां गवाक्षाणीह सर्वतः

kuṭṭimapratimā rāma dṛśyante tra bilāni vai koṭarāṇīha vṛkṣāṇāṁ gavākṣāṇīha sarvataḥ

"— where, O Rama, polished floors once gleamed, now only burrows can be seen; where windows once opened, everywhere now there are only the hollow trunks of trees."

Verse 33 (skanda.3.84.33)

चतुष्का यज्ञवेदिर्हि सोच्छ्राया ह्यभवत्पुरा तेऽत्र वल्मीकनिचयैर्दृश्यंते परिवेष्टिताः

catuṣkā yajñavedir hi socchrāyā hy abhavat purā te 'tra valmīkanicayair dṛśyante pariveṣṭitāḥ

"The raised sacrificial altars, once standing four-square, are now seen here surrounded by mounds of termite hills."

Verse 34 (skanda.3.84.34)

एवंविधं निवासं मे विद्धि राम नृपोत्तम शून्यं तु सर्वतो यस्मान्निवासाय द्विजा गताः

evaṁvidhaṁ nivāsaṁ me viddhi rāma nṛpottama śūnyaṁ tu sarvato yasmān nivāsāya dvijā gatāḥ

"Know, O Rama, O best of kings, this to be the state of my dwelling — utterly deserted, since the brahmins have gone off and settled elsewhere."

Verse 35 (skanda.3.84.35)

तेन मे सुमहद्दुःखं तस्मात्त्राहि नरेश्वर एतच्छ्रुत्वा वचो राम उवाच वदतां वरः

tena me sumahad duḥkhaṁ tasmāt trāhi nareśvara etac chrutvā vaco rāma uvāca vadatāṁ varaḥ

"For this I suffer the greatest sorrow — O lord of men, save me." Hearing these words, Rama, foremost among speakers, replied —

Verse 36 (skanda.3.84.36)

श्रीराम उवाच । न जाने तावकान्विप्रांश्चतुर्दिक्षु समाश्रितान् न तेषां वेद्म्यहं संख्यां नामगोत्रे द्विजन्मनाम्

śrīrāma uvāca na jāne tāvakān viprāṁś caturdikṣu samāśritān na teṣāṁ vedmy ahaṁ saṁkhyāṁ nāmagotre dvijanmanām

Shri Rama said: I do not know where your brahmins have gone and settled in the four directions; nor do I know their number, or the names and gotras of these twice-born.

Verse 37 (skanda.3.84.37)

यथा ज्ञातिर्यथा गोत्रं याथातथ्यं निवेदय तत आनीय तान्सर्वान्स्वस्थाने वासयाम्यहम्

yathā jñātir yathā gotraṁ yāthātathyaṁ nivedaya tata ānīya tān sarvān svasthāne vāsayāmy aham

Tell me exactly what their community is and what their gotra is; then I shall bring them all back and settle them once more in their own place.

Verse 38 (skanda.3.84.38)

श्रीमातोवाच । ब्रह्मविष्णुमहेशैश्च स्थापिता ये नरेश्वर अष्टादश सहस्राणि ब्राह्मणा वेदपारगाः

śrīmātovāca brahmaviṣṇumaheśaiś ca sthāpitā ye nareśvara aṣṭādaśa sahasrāṇi brāhmaṇā vedapāragāḥ

Shrimata said: O lord of men, the eighteen thousand brahmins, learned fully in the Vedas, whom Brahma, Vishnu, and Mahesha established here —

Verse 39 (skanda.3.84.39)

त्रयीविद्यासु विख्याता लोकेऽस्मिन्नमितद्युते चतुष्षष्टिकगोत्राणां वाडवा ये प्रतिष्ठिताः

trayīvidyāsu vikhyātā loke 'sminn amitadyute catuḥṣaṣṭikagotrāṇāṁ vāḍavā ye pratiṣṭhitāḥ

— renowned in this world for the threefold Vedic learning, O one of measureless splendor; these brahmins are established across sixty-four gotras.

Verse 40 (skanda.3.84.40)

श्रीमातादात्त्रयीविद्यां लोके सर्वे द्विजोत्तमाः षट्त्रिंशच्च सहस्राणि वैश्या धर्मपरायणाः

śrīmātādāt trayīvidyāṁ loke sarve dvijottamāḥ ṣaṭtriṁśac ca sahasrāṇi vaiśyā dharmaparāyaṇāḥ

Shrimata bestowed the threefold Vedic learning upon all these excellent twice-born in this world; and thirty-six thousand dharma-devoted vaishyas also dwell here —

Verse 41 (skanda.3.84.41)

आर्यवृत्तास्तु विज्ञेया द्विजशुश्रूषणे रताः बहुलार्को नृपो यत्र संज्ञया सह राजते

āryavṛttās tu vijñeyā dvijaśuśrūṣaṇe ratāḥ bahulārko nṛpo yatra saṁjñayā sahā rājate

— known for their noble conduct, devoted to serving the brahmins; where a king named Bahulārka reigns under that very name.

Verse 42 (skanda.3.84.42)

कुमारावश्विनौ देवौ धनदो व्ययपूरकः अधिष्ठात्री त्वहं राम नाम्ना भट्टारिका स्मृता

kumārāv aśvinau devau dhanado vyayapūrakaḥ adhiṣṭhātrī tv ahaṁ rāma nāmnā bhaṭṭārikā smṛtā

The two Aśvin gods are the presiding youthful deities here, Dhanada (Kubera) is the provider who meets all expenses; and I myself, O Rama, am the presiding goddess here, known by the name Bhaṭṭārikā.

Verse 43 (skanda.3.84.43)

श्रीसूत उवाच । स्थानाचाराश्च ये केचित्कुलाचारास्तथैव च श्रीमात्रा कथितं सर्वं रामस्याग्रे पुरातनम्

śrīsūta uvāca sthānācārāś ca ye kecit kulācārās tathaiva ca śrīmātrā kathitaṁ sarvaṁ rāmasyāgre purātanam

Shri Suta said: Whatever local customs and family customs there were, all these ancient rules Shrimata recounted before Rama.

Verse 44 (skanda.3.84.44)

तस्यास्तु वचनं श्रुत्वा रामो मुदमवाप ह सत्यंसत्यं पुनः सत्यं सत्यं हि भाषितं त्वया

tasyās tu vacanaṁ śrutvā rāmo mudam avāpa ha satyaṁ satyaṁ punaḥ satyaṁ satyaṁ hi bhāṣitaṁ tvayā

Hearing her words, Rama was delighted — "True, true, and true again — what you have spoken is certainly the truth."

Verse 45 (skanda.3.84.45)

यस्मात्सत्यं त्वया प्रोक्तं तन्नाम्ना नगरं शुभम् वासयामि जगन्मातः सत्यमंदिरमेव च

yasmāt satyaṁ tvayā proktaṁ tan nāmnā nagaraṁ śubham vāsayāmi jaganmātaḥ satyamandiram eva ca

"Since you have spoken the truth, O mother of the universe, I shall found this auspicious city under the very name Satyamandira ("the Abode of Truth")."

Verse 46 (skanda.3.84.46)

त्रैलोक्ये ख्यातिमाप्नोतु सत्यमंदिरमु त्तमम्

trailokye khyātim āpnotu satyamandiram uttamam

"May this excellent Satyamandira attain renown throughout the three worlds."

Verse 47 (skanda.3.84.47)

एतदुक्त्वा ततो रामः सहस्रशतसंख्यया स्वभृत्यान्प्रेषयामास विप्रानयनहेतवे

etad uktvā tato rāmaḥ sahasraśatasaṁkhyayā svabhṛtyān preṣayāmāsa viprānayanahetave

Having said this, Rama then sent forth a hundred thousand of his own servants for the purpose of bringing the brahmins back.

Verse 48 (skanda.3.84.48)

यस्मिन्देशे प्रदेशे वा वने वा सरि तस्तटे पर्यंते वा यथास्थाने ग्रामे वा तत्रतत्र च

yasmin deśe pradeśe vā vane vā saritas taṭe paryante vā yathāsthāne grāme vā tatra tatra ca

"In whatever country, province, forest, riverbank, borderland, or in whatever village they may be —"

Verse 49 (skanda.3.84.49)

धर्मारण्यनिवासाश्च याता यत्र द्विजोत्तमाः अर्घपाद्यैः पूजयित्वा शीघ्रमानयतात्र तान्

dharmāraṇyanivāsāś ca yātā yatra dvijottamāḥ argapādyaiḥ pūjayitvā śīghram ānayatātra tān

"— wherever the excellent brahmins who once dwelt in Dharmaranya have gone, honor them with arghya and pādya offerings and bring them here at once."

Verse 50 (skanda.3.84.50)

अहमत्र तदा भोक्ष्ये यदा द्रक्ष्ये द्विजोत्तमान्

aham atra tadā bhokṣye yadā drakṣye dvijottamān

"I myself shall eat here only after I have seen the excellent brahmins returned."

Verse 51 (skanda.3.84.51)

विमान्य च द्विजानेतानागमिष्यति यो नरः स मे वध्यश्च दंड्यश्च निर्वास्यो विषयाद्बहिः

vimānya ca dvijān etān āgamiṣyati yo naraḥ sa me vadhyaś ca daṇḍyaś ca nirvāsyo viṣayād bahiḥ

"Whatever man returns having dishonored these brahmins shall be, in my eyes, worthy of execution, worthy of punishment, and shall be banished from my kingdom."

Verse 52 (skanda.3.84.52)

तच्छ्रुत्वा दारुणं वाक्यं दुःसहं दुःप्रधर्षणम् रामाज्ञाकारिणो दूता गताः सर्वे दिशो दश

tac chrutvā dāruṇaṁ vākyaṁ duḥsahaṁ duḥpradharṣaṇam rāmājñākāriṇo dūtā gatāḥ sarve diśo daśa

Hearing these stern words — unbearable, brooking no violation — all the envoys, obedient to Rama's command, went forth in the ten directions.

Verse 53 (skanda.3.84.53)

शोधिता वाडवाः सर्वे लब्धाः सर्वे सुहर्षिताः यथोक्तेन विधानेन अर्घपाद्यैरपूजयन्

śodhitā vāḍavāḥ sarve labdhāḥ sarve suharṣitāḥ yathoktena vidhānena arghapādyair apūjayan

Searching diligently, they found all the brahmins, and all were filled with great joy; according to the prescribed rite, they honored them with arghya and pādya.

Verse 54 (skanda.3.84.54)

स्तुतिं चक्रुश्च विधिवद्विनयाचारपूर्वकम् आमंत्र्य च द्विजान्सर्वान्रामवाक्यं प्रकाशयन्

stutiṁ cakruś ca vidhivad vinayācārapūrvakam āmantrya ca dvijān sarvān rāmavākyaṁ prakāśayan

They praised them duly, with humility and proper conduct, and, inviting all the brahmins, proclaimed Rama's message to them.

Verse 55 (skanda.3.84.55)

ततस्ते वाडवाः सर्वे द्विजाः सेवकसंयुताः गमनायोद्यताः सर्वे वेदशास्त्रपरायणाः

tataste vāḍavāḥ sarve dvijāḥ sevakasaṁyutāḥ gamanāyodyatāḥ sarve vedaśāstraparāyaṇāḥ

Then all those brahmins, devoted to the Vedas and scriptures, together with their servants, made ready to depart.

Verse 56 (skanda.3.84.56)

आगता रामपार्श्वं च बहुमानपुरःसराः समागतान्द्विजान्दृष्ट्वा रोमांचिततनूरुहः

āgatā rāmapārśvaṁ ca bahumānapuraḥsarāḥ samāgatān dvijān dṛṣṭvā romāñcitatanūruhaḥ

With great honor, they came into Rama's presence; seeing the assembled brahmins, his body thrilled with joy.

Verse 57 (skanda.3.84.57)

कृतकृत्यमिवात्मानं मेने दाशरथिर्नृपः स संभ्रमात्समुत्थाय पदातिः प्रययौ पुरः

kṛtakṛtyam ivātmānaṁ mene dāśarathir nṛpaḥ sa saṁbhramāt samutthāya padātiḥ prayayau puraḥ

King Dāśarathi felt his purpose fulfilled; rising in haste, he went forward on foot to meet them.

Verse 58 (skanda.3.84.58)

करसंपुटकं कृत्वा हर्षाश्रु प्रतिमुञ्चयन् जानुभ्यामवनिं गत्वा इदं वचनमब्रवीत्

karasaṁpuṭakaṁ kṛtvā harṣāśru pratimuñcayan jānubhyām avaniṁ gatvā idaṁ vacanam abravīt

With joined palms, shedding tears of joy, falling upon both knees to the ground, he spoke these words —

Verse 59 (skanda.3.84.59)

विप्रप्रसादात्कमलावरोऽहं विप्रप्रसादाद्धरणीधरोऽहम् विप्रप्रसादाज्जगतीपतिश्च विप्रप्रसादान्मम रामनाम

vipraprasādāt kamalāvaro 'haṁ vipraprasādād dharaṇīdharo 'ham vipraprasādāj jagatīpatiś ca vipraprasādān mama rāmanāma

"By the grace of brahmins I am the consort of Lakshmi; by the grace of brahmins I am the bearer of the earth; by the grace of brahmins I am lord of the world; and by the grace of brahmins alone is my very name Rama."

Verse 60 (skanda.3.84.60)

इत्येवमुक्ता रामेण वाड वास्ते प्रहर्षिताः जयाशीर्भिः प्रपूज्याथ दीर्घायुरिति चाब्रुवन्

ity evam uktā rāmeṇa vāḍavās te praharṣitāḥ jayāśīrbhiḥ prapūjyātha dīrghāyur iti cābruvan

Thus addressed by Rama, those brahmins were filled with great joy; honoring him with cries of victory and blessing, they exclaimed, "May you have a long life!"

Verse 61 (skanda.3.84.61)

आवर्जितास्ते रामेण पाद्यार्घ्यविष्टरादिभिः स्तुतिं चकार विप्राणां दण्डवत्प्रणिपत्य च

āvarjitās te rāmeṇa pādyārghyaviṣṭarādibhiḥ stutiṁ cakāra viprāṇāṁ daṇḍavat praṇipatya ca

Rama won their favor with offerings of water for the feet, arghya, and seats; and, bowing flat to the ground, he praised the brahmins.

Verse 62 (skanda.3.84.62)

कृतांजलिपुटः स्थित्वा चक्रे पादाभिवंदनम् आसनानि विचित्राणि हैमान्याभरणानि च

kṛtāñjaliputaḥ sthitvā cakre pādābhivandanam āsanāni vicitrāṇi haimāny ābharaṇāni ca

Standing with joined palms, he saluted their feet; and various seats, golden ornaments —

Verse 63 (skanda.3.84.63)

समर्पयामास ततो रामो दशरथात्मजः अंगुलीयकवासांसि उपवीतानि कर्णकान्

samarpayāmāsa tato rāmo daśarathātmajaḥ aṅgulīyakavāsāṁsi upavītāni karṇakān

— Rama, son of Dasharatha, then offered them all, along with finger-rings, garments, sacred threads, and ear-ornaments.

Verse 64 (skanda.3.84.64)

प्रददौ विप्रमुख्येभ्यो नानावर्णाश्च धेनवः एकैकशत संख्याका घटोध्नीश्च सवत्सकाः

pradadau vipramukhyebhyo nānāvarṇāś ca dhenavaḥ ekaikaśatasaṁkhyākā ghaṭodhnīś ca savatsakāḥ

He gave to the leading brahmins cows of various colors as well — a hundred to each, cows that yielded milk by the potful, together with their calves —

Verse 65 (skanda.3.84.65)

सवस्त्रा बद्धघंटाश्च हेमशृंगविभूषिताः रूप्यखुरास्ताम्रपृष्ठीः कांस्यपात्रसमन्विताः इति श्रीस्कांदे महापुराण एकाशीतिसाहस्र्यां संहितायां तृतीये ब्रह्मखण्डे पूर्वभागे धर्मारण्यमाहात्म्ये ब्रह्मनारदसंवादे सत्यमंदिरस्थापनवर्णनं नाम द्वात्रिंशोऽध्यायः

savastrā baddhaghaṇṭāś ca hemaśṛṅgavibhūṣitāḥ rūpyakhurās tāmrapṛṣṭhīḥ kāṁsyapātrasamanvitāḥ iti śrīskānde mahāpurāṇa ekāśītisāhasryāṁ saṁhitāyāṁ tṛtīye brahmakhaṇḍe pūrvabhāge dharmāraṇyamāhātmye brahmanāradasaṁvāde satyamandirasthāpanavarṇanaṁ nāma dvātriṁśo 'dhyāyaḥ

— draped in cloth, fitted with bells, adorned with gold-tipped horns, with silvered hooves and copper-hued backs, and furnished with bronze vessels. Thus ends the thirty-second chapter, called "The Founding of Satyamandira," told within the dialogue of Brahma and Narada, in the Glory of Dharmaranya, in the earlier portion of the third Brahma Khanda, in the Skanda Mahapurana's Samhita of eighty-one thousand verses.