The Glory of Lumpeshvara

Verse 1 (skanda.5.112.1)

श्रीमहादेव उवाच। चत्वारिंशत्तमं सैकमीश्वरं विद्धि पार्वति। लुंपेश्वरमिति ख्यातं नाम यस्य महीतले॥

śrīmahādeva uvāca| catvāriṁśattamaṁ saikamīśvaraṁ viddhi pārvati| luṁpeśvaramiti khyātaṁ nāma yasya mahītale||

Shri Mahadeva said: Know the forty-first Lord, O Parvati, whose name on earth is renowned as Lumpeshvara.

Verse 2 (skanda.5.112.2)

देशे म्लेच्छगणाकीर्णे बभूव जगतीपतिः। लुंपाधिप इति ख्यातो महेंद्रसमविक्रमः॥

deśe mlecchagaṇākīrṇe babhūva jagatīpatiḥ| luṁpādhipa iti khyāto maheṁdrasamavikramaḥ||

In a land filled with barbarian hordes there was a lord of the earth, known as the chief of the Lumpas, of valour equal to great Indra.

Verse 3 (skanda.5.112.3)

तस्यासीद्दयिता भार्या विशालानाम नामतः। सा यौवनगुणोपेता रूपेणाप्रतिमा भुवि॥

tasyāsīddayitā bhāryā viśālānāma nāmataḥ| sā yauvanaguṇopetā rūpeṇāpratimā bhuvi||

He had a beloved wife named Vishala, endowed with the qualities of youth, unrivalled in beauty on earth.

Verse 4 (skanda.5.112.4)

स युद्धकामो नृपतिः पर्यपृच्छद्विजोत्तमान्॥

sa yuddhakāmo nṛpatiḥ paryapṛcchadvijottamān||

That king, desiring war, questioned the foremost of the twice-born.

Verse 5 (skanda.5.112.5)

अथ केनापि कथितमाश्रमे सामगो द्विजः। तेन सार्द्धं महाबाहो युध्यस्व त्वं नृपोत्तम॥

atha kenāpi kathitamāśrame sāmago dvijaḥ| tena sārddhaṁ mahābāho yudhyasva tvaṁ nṛpottama||

Then someone told him of a Sama-Veda-chanting Brahmin in a hermitage: "Fight with him, O mighty-armed, foremost of kings."

Verse 6 (skanda.5.112.6)

ततः स प्रस्थितो राजा म्लेच्छैः सार्द्धं सहस्रशः। तुषारैर्बर्बरैर्लुंपैः पह्लवैः श्वगणैस्तथा॥

tataḥ sa prasthito rājā mlecchaiḥ sārddhaṁ sahasraśaḥ| tuṣārairbarbarairluṁpaiḥ pahlavaiḥ śvagaṇaistathā||

Then that king set out, together with thousands of mlecchas — Tusharas, Barbaras, Lumpas, Pahlavas and dog-tribes,

Verse 7 (skanda.5.112.7)

दस्युभिः संवृतः क्रूरैः क्रोधेनाकुलितेंद्रियः। आजगामाश्रमं पुण्यं सामगस्य मुनेस्तदा॥

dasyubhiḥ saṁvṛtaḥ krūraiḥ krodhenākuliteṁdriyaḥ| ājagāmāśramaṁ puṇyaṁ sāmagasya munestadā||

surrounded by cruel bandits, his senses disturbed by anger, and came then to the sacred hermitage of the sage Samaga.

Verse 8 (skanda.5.112.8)

मुनिना पूजितस्तेन मधुपर्कादिविष्टरैः। एतस्मिन्नन्तरे राजा होमधेनुं ददर्श ह॥

muninā pūjitastena madhuparkādiviṣṭaraiḥ| etasminnantare rājā homadhenuṁ dadarśa ha||

He was honoured by that sage with madhuparka and a seat and the like; meanwhile the king saw the sacrificial cow.

Verse 9 (skanda.5.112.9)

प्रार्थयामास सहसा न दत्ता मुनिना तदा। प्रमथ्य चाश्रमं तस्य होमधेनुं जहार सः। वनं बभंज सकलं तस्य विप्रस्य पश्यतः॥

prārthayāmāsa sahasā na dattā muninā tadā| pramathya cāśramaṁ tasya homadhenuṁ jahāra saḥ| vanaṁ babhaṁja sakalaṁ tasya viprasya paśyataḥ||

He suddenly demanded her; the sage did not give her then. Ravaging the hermitage, he seized the sacrificial cow, and destroyed the entire grove before the eyes of that Brahmin.

Verse 10 (skanda.5.112.10)

काल्यमानां च गां दृष्ट्वा वत्सं चातीव दुःखितम्। उवाच वचनं विप्रो मा राजन्साहसं कुरु॥

kālyamānāṁ ca gāṁ dṛṣṭvā vatsaṁ cātīva duḥkhitam| uvāca vacanaṁ vipro mā rājansāhasaṁ kuru||

Seeing the cow being dragged away, and her calf exceedingly distressed, the Brahmin spoke these words: "O king, do not commit this rash act."

Verse 11 (skanda.5.112.11)

एवं वदंतं विप्रेंद्रं शरैस्तीक्ष्णैर्जघान ह। लुंपः क्रोधसमाविष्टो दुष्टो दुष्टजनैर्वृतः॥

evaṁ vadaṁtaṁ vipreṁdraṁ śaraistīkṣṇairjaghāna ha| luṁpaḥ krodhasamāviṣṭo duṣṭo duṣṭajanairvṛtaḥ||

While that foremost Brahmin was speaking thus, the wicked Lumpa, filled with anger, surrounded by wicked men, struck him with sharp arrows.

Verse 12 (skanda.5.112.12)

असकृत्पुत्रपुत्रेति विलपंतमनाथवत्। हत्वा च सामगं विप्रं जगाम स्वगृहं नृपः॥

asakṛtputraputreti vilapaṁtamanāthavat| hatvā ca sāmagaṁ vipraṁ jagāma svagṛhaṁ nṛpaḥ||

While he lamented again and again, helplessly crying "My son, my son," the king, having slain the Brahmin Samaga, went to his own home.

Verse 13 (skanda.5.112.13)

एतस्मिन्नंतरे पुत्रः समित्पाणिरुपागतः। दृष्ट्वा च पितरं विप्रं तदा मृत्युवशं गतम्। अनागसं महात्मानं विललाप सुदुःखितः॥

etasminnaṁtare putraḥ samitpāṇirupāgataḥ| dṛṣṭvā ca pitaraṁ vipraṁ tadā mṛtyuvaśaṁ gatam| anāgasaṁ mahātmānaṁ vilalāpa suduḥkhitaḥ||

Meanwhile his son arrived with sacrificial fuel in hand; seeing his Brahmin father, then fallen under the sway of death, that innocent great soul lamented in deep sorrow.

Verse 14 (skanda.5.112.14)

केनेदं कुत्सितं कर्म कृतं पापेन मे पिता। अयुध्यमानो वृद्धः सन्हतः शरशतैः शितेः॥

kenedaṁ kutsitaṁ karma kṛtaṁ pāpena me pitā| ayudhyamāno vṛddhaḥ sanhataḥ śaraśataiḥ śiteḥ||

"By whom was this vile deed done to my father, sinner that he is — an old man, not even fighting, slain by hundreds of sharp arrows?"

Verse 15 (skanda.5.112.15)

विलप्यैवं सकरुणं बहुनानाविधं तथा। प्रेतकार्याणि सर्वाणि पितुश्चक्रे विधानतः॥

vilapyaivaṁ sakaruṇaṁ bahunānāvidhaṁ tathā| pretakāryāṇi sarvāṇi pituścakre vidhānataḥ||

Having thus lamented piteously in many ways, he performed all the funeral rites for his father according to the prescribed rule.

Verse 16 (skanda.5.112.16)

ददाह पितरं चाग्नौ तोयमादाय सत्वरम्। तस्य लुंपाधिपस्यापि ददौ शापं सुदारुणम्॥

dadāha pitaraṁ cāgnau toyamādāya satvaram| tasya luṁpādhipasyāpi dadau śāpaṁ sudāruṇam||

He cremated his father in fire, and, quickly taking water, pronounced upon that lord of the Lumpas a most terrible curse:

Verse 17 (skanda.5.112.17)

स्वधर्मनिरतो विद्वान्येन मे निहतः पिता। स पापात्मा दुराचारः कुष्ठरोगमवाप्नुयात्॥

svadharmanirato vidvānyena me nihataḥ pitā| sa pāpātmā durācāraḥ kuṣṭharogamavāpnuyāt||

"By whom my father — a learned man devoted to his own duty — was slain, may that sinful, evil-conducted one obtain the disease of leprosy."

Verse 18 (skanda.5.112.18)

एतस्मिन्नन्तरे राजा कुष्ठरोगेण पीडितः। अचंक्रमणतां प्राप्तो लुंपाधीशो वरानने॥

etasminnantare rājā kuṣṭharogeṇa pīḍitaḥ| acaṁkramaṇatāṁ prāpto luṁpādhīśo varānane||

Meanwhile, O fair-faced one, the king, the lord of the Lumpas, afflicted with leprosy, became unable even to walk.

Verse 19 (skanda.5.112.19)

औषधैरधिकोऽभ्येति ब्रह्मशापप्रभावतः। वैराग्यान्मर्तुकामोऽसौ काष्ठान्यादाय दुःखितः॥

auṣadhairadhiko'bhyeti brahmaśāpaprabhāvataḥ| vairāgyānmartukāmo'sau kāṣṭhānyādāya duḥkhitaḥ||

The disease increased despite medicines, by the power of the Brahmin's curse; desiring death out of despair, that grieving one gathered wood,

Verse 20 (skanda.5.112.20)

चितां कर्तुं समारेभे समायातोऽथ नारदः। पूजितो विधिना तेन दुःखितेन नृपेण हि॥

citāṁ kartuṁ samārebhe samāyāto'tha nāradaḥ| pūjito vidhinā tena duḥkhitena nṛpeṇa hi||

to make a funeral pyre; then Narada arrived, and was honoured with due rite by that sorrowing king.

Verse 21 (skanda.5.112.21)

अथ पप्रच्छ लुंपोऽसौ नारदं मुनिसत्तमम्। अकस्मान्मम देवर्षे कुष्ठरोगो बभूव ह। तेनाहं पीडितोऽतीव न च शांतिं व्रजत्यसौ॥

atha papraccha luṁpo'sau nāradaṁ munisattamam| akasmānmama devarṣe kuṣṭharogo babhūva ha| tenāhaṁ pīḍito'tīva na ca śāṁtiṁ vrajatyasau||

Then that Lumpa asked Narada, the foremost of sages: "O divine sage, suddenly this leprosy has come upon me; I am exceedingly afflicted by it, and it does not subside;"

Verse 22 (skanda.5.112.22)

औषधैर्वर्द्धते कस्मादेतदाख्यातुमर्हसि। न तेस्त्वविदितं किंचिदिहलोके परत्र च॥

auṣadhairvarddhate kasmādetadākhyātumarhasi| na testvaviditaṁ kiṁcidihaloke paratra ca||

"why does it increase despite medicines — you should tell me this. Nothing at all is unknown to you, in this world or the next."

Verse 23 (skanda.5.112.23)

तस्य तद्वचनं श्रुत्वा लुंपाधीशस्य नारदः। कथयामास तत्सर्वं ब्रह्मशापं सुदुस्तरम्॥

tasya tadvacanaṁ śrutvā luṁpādhīśasya nāradaḥ| kathayāmāsa tatsarvaṁ brahmaśāpaṁ sudustaram||

Hearing these words of the lord of the Lumpas, Narada told him everything — the utterly inescapable curse of the Brahmin.

Verse 24 (skanda.5.112.24)

ततः सभार्यो नृपतिः प्रार्थयामास नारदम्। कथं मे भगवञ्छापो दुस्तरो यास्यति क्षयम्॥

tataḥ sabhāryo nṛpatiḥ prārthayāmāsa nāradam| kathaṁ me bhagavañchāpo dustaro yāsyati kṣayam||

Then the king, together with his wife, entreated Narada: "O Lord, how shall this inescapable curse of mine come to an end?"

Verse 25 (skanda.5.112.25)

एवमुक्तस्तु लुम्पेन नारदो भगवानृषिः। कारुण्यात्कथयामास सभार्यस्य यशस्विनि॥

evamuktastu lumpena nārado bhagavānṛṣiḥ| kāruṇyātkathayāmāsa sabhāryasya yaśasvini||

Thus addressed by Lumpa, the venerable sage Narada, out of compassion, told the glorious one, together with his wife:

Verse 26 (skanda.5.112.26)

महाकालवने राजँल्लिंगं कुष्ठहरं परम्। सर्वसंपत्करं तत्र विद्यते पापनाशनम्॥

mahākālavane rājãlliṁgaṁ kuṣṭhaharaṁ param| sarvasaṁpatkaraṁ tatra vidyate pāpanāśanam||

"In the Mahakala forest, O king, there is a supreme leprosy-curing linga, granter of all prosperity, destroyer of sin."

Verse 27 (skanda.5.112.27)

शिप्रायाश्च तटे रम्ये केशवार्कस्य पूर्वतः। तत्र त्वं गच्छ राजेंद्र कांत्या युक्तो भविष्यसि॥

śiprāyāśca taṭe ramye keśavārkasya pūrvataḥ| tatra tvaṁ gaccha rājeṁdra kāṁtyā yukto bhaviṣyasi||

"On the lovely bank of the Shipra, east of Keshavarka; go there, O foremost of kings, and you shall be endowed with radiant beauty."

Verse 28 (skanda.5.112.28)

एवमुक्तस्तु लुंपोऽसौ ह्याजगाम त्वरान्वितः। महाकालवनं रम्यं महर्षिगणसेवितम्॥

evamuktastu luṁpo'sau hyājagāma tvarānvitaḥ| mahākālavanaṁ ramyaṁ maharṣigaṇasevitam||

Thus addressed, that Lumpa went quickly, with haste, to the delightful Mahakala forest, served by throngs of great sages.

Verse 29 (skanda.5.112.29)

प्राप्तः स्वर्गोपमं भूपः शिप्रया परिशोभितम्। विवेश च मुदा युक्तो दृष्ट्वा लिंगमनुत्तमम्॥

prāptaḥ svargopamaṁ bhūpaḥ śiprayā pariśobhitam| viveśa ca mudā yukto dṛṣṭvā liṁgamanuttamam||

The king, having reached that heaven-like place, adorned by the Shipra, entered it joyfully, on beholding the peerless linga.

Verse 30 (skanda.5.112.30)

स्नात्वा शिप्राजले पुण्ये महापातकनाशने। दर्शनात्तस्य लिंगस्य दिव्यरूपो वभूव ह॥

snātvā śiprājale puṇye mahāpātakanāśane| darśanāttasya liṁgasya divyarūpo vabhūva ha||

Bathing in the sacred waters of the Shipra, destroyer of great sins, by the sight of that linga he became of divine form —

Verse 31 (skanda.5.112.31)

कुष्ठरोगेण मुक्तस्तु मुक्तो वै ब्रह्महत्यया। कृतकृत्यो नृपो जातो दर्शनादेव पार्वति॥

kuṣṭharogeṇa muktastu mukto vai brahmahatyayā| kṛtakṛtyo nṛpo jāto darśanādeva pārvati||

freed from leprosy and freed indeed from the sin of Brahmin-slaying, the king became fulfilled, O Parvati, by the very sight alone.

Verse 32 (skanda.5.112.32)

स तत्र तामुषित्वैकां रजनीं पृथिवीपतिः। तापसानां परं चक्रे सत्कारं भार्यया सह॥

sa tatra tāmuṣitvaikāṁ rajanīṁ pṛthivīpatiḥ| tāpasānāṁ paraṁ cakre satkāraṁ bhāryayā saha||

Having spent that one night there, the lord of the earth, together with his wife, showed the highest honour to the ascetics.

Verse 33 (skanda.5.112.33)

ततः कृतस्वस्त्वयनस्तापसैस्तैर्महात्मभिः। दिव्यज्ञानान्वितैर्दिव्यैः सूर्यवैश्वानरप्रभैः॥

tataḥ kṛtasvastvayanastāpasaistairmahātmabhiḥ| divyajñānānvitairdivyaiḥ sūryavaiśvānaraprabhaiḥ||

Then, when the rites of blessing had been performed by those great-souled ascetics, endowed with divine knowledge, divine, radiant like the sun and fire,

Verse 34 (skanda.5.112.34)

कृतं नाम तदा तस्य लिंगस्य कमलानने। लुंपेनाराधितो यस्माद्देवोऽयं कुष्ठनाशनः। लुम्पेश्वर इति ख्यातो भविष्यति महीतले॥

kṛtaṁ nāma tadā tasya liṁgasya kamalānane| luṁpenārādhito yasmāddevo'yaṁ kuṣṭhanāśanaḥ| lumpeśvara iti khyāto bhaviṣyati mahītale||

a name was then given, O lotus-faced one, to that linga: "Since this God, the destroyer of leprosy, was worshipped by Lumpa, he shall become renowned on earth by the name Lumpeshvara."

Verse 35 (skanda.5.112.35)

पूजयिष्यंति ये भक्त्या लिंगं लुम्पेश्वरं परम्। स्नात्वा शिप्राजले पुण्ये ते यास्यंति परं पदम्॥

pūjayiṣyaṁti ye bhaktyā liṁgaṁ lumpeśvaraṁ param| snātvā śiprājale puṇye te yāsyaṁti paraṁ padam||

Those who will worship the supreme linga Lumpeshvara with devotion, having bathed in the sacred waters of the Shipra, shall go to the supreme abode.

Verse 36 (skanda.5.112.36)

प्रार्थयिष्यंति यान्कामान्मनसा चेप्सितान्प्रियान्। तानाप्स्यंति न सन्देहो लुम्पेशस्य च दर्शनात्॥

prārthayiṣyaṁti yānkāmānmanasā cepsitānpriyān| tānāpsyaṁti na sandeho lumpeśasya ca darśanāt||

Whatever desires, dear and longed for in the mind, they shall pray for, they shall obtain without doubt, by the very sight of Lumpesha.

Verse 37 (skanda.5.112.37)

महापापसमायुक्तो यः पश्यति समाहितः। लिंगं लुम्पेश्वरं सोऽपि देवतुल्यो भविष्यति॥

mahāpāpasamāyukto yaḥ paśyati samāhitaḥ| liṁgaṁ lumpeśvaraṁ so'pi devatulyo bhaviṣyati||

He who, laden with great sin, beholds the linga Lumpeshvara with a composed mind, he too shall become equal to a god.

Verse 38 (skanda.5.112.38)

गोघ्नश्चैव कृतघ्नश्च मातृहा गुरुतल्पगः। दुष्टकर्मसमाचारो भ्रातृहा पितृहा तथा॥

goghnaścaiva kṛtaghnaśca mātṛhā gurutalpagaḥ| duṣṭakarmasamācāro bhrātṛhā pitṛhā tathā||

The slayer of a cow, the ungrateful, the slayer of a mother, one who defiles his guru's bed, one of evil conduct and deeds, the slayer of a brother, likewise the slayer of a father —

Verse 39 (skanda.5.112.39)

लुम्पेश्वरं सकृत्पश्यन्मुच्यते सर्वकिल्बिषैः। पूजितोऽपि दहेत्पापं सप्तजन्मार्जितं च यत्॥

lumpeśvaraṁ sakṛtpaśyanmucyate sarvakilbiṣaiḥ| pūjito'pi dahetpāpaṁ saptajanmārjitaṁ ca yat||

whoever beholds Lumpeshvara even once is freed from all sins; even worshipped once, it burns away sin accumulated over seven births.

Verse 40 (skanda.5.112.40)

इत्युक्त्वा मुनयः सर्वे पूजयामासुरन्विताः। कुष्ठरोगविनिर्मुक्तो राजा स्वविषयं गतः॥

ityuktvā munayaḥ sarve pūjayāmāsuranvitāḥ| kuṣṭharogavinirmukto rājā svaviṣayaṁ gataḥ||

Having said this, all the sages, joyfully, worshipped him; freed from leprosy, the king went to his own kingdom.

Verse 41 (skanda.5.112.41)

एष ते कथितो देवि प्रभावः पापनाशनः। लुम्पेश्वरस्य देवस्य शृणु गंगेश्वरं परम्॥

eṣa te kathito devi prabhāvaḥ pāpanāśanaḥ| lumpeśvarasya devasya śṛṇu gaṁgeśvaraṁ param||

O Devi, this sin-destroying power of the God Lumpeshvara has been told to you; now hear next of Gangeshvara.