The Glory of Kayavarohana

Verse 1 (skanda.5.153.1)

महादेव उवाच। कायावरोहणस्यापि उत्पत्तिं शृणु पार्वति। यस्याः श्रवणमात्रेण न नरः कायवान्भवेत्।

mahādeva uvāca| kāyāvarohaṇasyāpi utpattiṁ śṛṇu pārvati| yasyāḥ śravaṇamātreṇa na naraḥ kāyavānbhavet||

Mahadeva said: Hear also, O Parvati, the origin of Kayavarohana, by the mere hearing of which a man no longer remains embodied in the cycle of rebirth.

Verse 2 (skanda.5.153.2)

ब्रह्मणः सृष्टिकामस्य मनोर्वैस्वतेंऽतरे। दक्षस्त्वजायतांगुष्ठाद्दक्षिणात्स प्रजापतिः।

brahmaṇaḥ sṛṣṭikāmasya manorvaisvate'ntare| dakṣastvajāyatāṁguṣṭhāddakṣiṇātsa prajāpatiḥ||

From Brahma, desirous of creation, in the Vaivasvata epoch, Daksha Prajapati was born from his right thumb.

Verse 3 (skanda.5.153.3)

वामादजायतांगुष्ठाद्भार्या तस्य महात्मनः। तस्यां पञ्चाशतं कन्याः स एवाजनयत्प्रभुः।

vāmādajāyatāṁguṣṭhādbhāryā tasya mahātmanaḥ| tasyāṁ pañcāśataṁ kanyāḥ sa evājanayatprabhuḥ||

From the left thumb was born the wife of that great-souled one. In her that lord begot fifty daughters.

Verse 4 (skanda.5.153.4)

ताः सर्वाश्चानवद्यांगीः कन्याः कमललोचनाः। पुत्रिकाः स्थापयामास नष्टपुत्रः प्रजापतिः।

tāḥ sarvāścānavadyāṁgīḥ kanyāḥ kamalalocanāḥ| putrikāḥ sthāpayāmāsa naṣṭaputraḥ prajāpatiḥ||

Being without sons, Prajapati established all those flawless-limbed, lotus-eyed daughters as his heirs.

Verse 5 (skanda.5.153.5)

ददौ स दश धर्माय कश्यपाय त्रयोदश। दिव्येन विधिना देवि सप्तविंशतिमिंदवे।

dadau sa daśa dharmāya kaśyapāya trayodaśa| divyena vidhinā devi saptaviṁśatimiṁdave||

He gave ten to Dharma, thirteen to Kashyapa, and, O goddess, by a divine rite, twenty-seven to the Moon.

Verse 6 (skanda.5.153.6)

रोहिणी वल्लभा जाता तस्य चन्द्रस्य सर्वदा। षड्विंशतिकृते चन्द्रः शप्तो दक्षेण पार्वति।

rohiṇī vallabhā jātā tasya candrasya sarvadā| ṣaḍviṁśatikṛte candraḥ śapto dakṣeṇa pārvati||

Rohini became the eternal favourite of that Moon. And, O Parvati, on account of the remaining twenty-six, the Moon was cursed by Daksha.

Verse 7 (skanda.5.153.7)

चंद्रेणापि तथा शप्तो दक्षः प्राचेतसः कृतः। अयजत्सोऽश्वमेधेन भूत्वा प्राचेतसात्मजः।

caṁdreṇāpi tathā śapto dakṣaḥ prācetasaḥ kṛtaḥ| ayajatso'śvamedhena bhūtvā prācetasātmajaḥ||

Cursed in turn by the Moon, Daksha was made to become Prachetasa, the son of Prachetas. Having become the son of Prachetas, he performed a sacrifice with the ashvamedha rite.

Verse 8 (skanda.5.153.8)

नामंत्रितोऽहं मोहेन दक्षेण पर्वतात्मजे। तत्र देवनिकायानां यज्ञभागानशेषतः।

nāmaṁtrito'haṁ mohena dakṣeṇa parvatātmaje| tatra devanikāyānāṁ yajñabhāgānaśeṣataḥ||

O daughter of the mountain, in his delusion Daksha did not invite me to that sacrifice. There, the entire portions of the sacrifice for the host of gods —

Verse 9 (skanda.5.153.9)

हव्यवाहस्तदा युक्तो वहन्मंत्रैः समीरितः। त्वया दृष्टो विशालाक्षि निरालंबेंऽबरे स्थितः।

havyavāhastadā yukto vahanmaṁtraiḥ samīritaḥ| tvayā dṛṣṭo viśālākṣi nirālaṁbe'ṁbare sthitaḥ||

Agni, the carrier of oblations, thus engaged, borne along by the mantras, was seen by you, O wide-eyed one, standing unsupported in the sky.

Verse 10 (skanda.5.153.10)

स्मरंत्या पूर्ववैरं तु विज्ञप्तोऽहं त्वया प्रिये। त्वं देवः सर्वदेवानां गतिश्च शरणं तथा।

smaraṁtyā pūrvavairaṁ tu vijñapto'haṁ tvayā priye| tvaṁ devaḥ sarvadevānāṁ gatiśca śaraṇaṁ tathā||

Recalling the old enmity, you, O beloved, addressed me: "You are the very god of all gods, their refuge and their shelter.

Verse 11 (skanda.5.153.11)

त्वं यज्ञस्त्वं वषट्कारो होताऽध्वर्युस्त्वमेव च। त्वया विना कथं यज्ञो वर्त्तते सर्वदेवप।

tvaṁ yajñastvaṁ vaṣaṭkāro hotā'dhvaryustvameva ca| tvayā vinā kathaṁ yajño varttate sarvadevapa||

You are the sacrifice itself, the very oblatory cry of vashat, the offering priest and the officiating priest as well. How can any sacrifice proceed without you, O lord of all the gods?

Verse 12 (skanda.5.153.12)

देवानां भागधेयानि वहत्यग्निरयं भयात्। सगर्वश्चावलिप्तश्च दक्षः प्राचेतसः किल।

devānāṁ bhāgadheyāni vahatyagnirayaṁ bhayāt| sagarvaścāvaliptaśca dakṣaḥ prācetasaḥ kila||

This Agni, out of fear, carries away the portions of the gods. This Daksha Prachetasa is, indeed, arrogant and puffed up with pride.

Verse 13 (skanda.5.153.13)

अनुस्मरन्पूर्ववैरं नैव दास्यत्यशासितः। कायहीनश्च कर्त्तव्यो दक्षो वह्निस्तथैव च।

anusmaranpūrvavairaṁ naiva dāsyatyaśāsitaḥ| kāyahīnaśca karttavyo dakṣo vahnistathaiva ca||

Recalling the old enmity, he will never give anything unless made to answer for it. Both Daksha and this Agni should be made bodiless.

Verse 14 (skanda.5.153.14)

ये च यज्ञे समानीता देवा दक्षस्य शंकर। ते सर्वे कायरहिताः कार्या स्त्रिपुरसूदन।

ye ca yajñe samānītā devā dakṣasya śaṁkara| te sarve kāyarahitāḥ kāryā stripurasūdana||

And, O Shankara, whatever gods have gathered at Daksha's sacrifice, O destroyer of Tripura, let all of them be made bodiless."

Verse 15 (skanda.5.153.15)

एवमुक्ते त्वया देवि मयाप्युक्तं वरानने। पूर्वजन्मनि दक्षोऽयं पिता तव शुचिस्मिते।

evamukte tvayā devi mayāpyuktaṁ varānane| pūrvajanmani dakṣo'yaṁ pitā tava śucismite||

When you had spoken thus, O goddess, I too replied, O fair-faced one: "In your former birth, this Daksha, O bright-smiling one, was your own father.

Verse 16 (skanda.5.153.16)

वह्निश्चादेशकारी च देवाः क्रीडनकाः प्रिये। मदीयं वचनं श्रुत्वा कृतः क्रोधस्त्वया प्रिये।

vahniścādeśakārī ca devāḥ krīḍanakāḥ priye| madīyaṁ vacanaṁ śrutvā kṛtaḥ krodhastvayā priye||

Agni is but a doer of another's bidding, and the gods are but at play, O beloved." Hearing my words, O beloved, you fell into anger.

Verse 17 (skanda.5.153.17)

ललाटे भ्रुकुटीं कृत्वा प्रोच्छ्वसंत्या पुनःपुनः। क्रोधात्करेण नासाग्रं मर्दितं बहुशस्तदा।

lalāṭe bhrukuṭīṁ kṛtvā procchvasaṁtyā punaḥpunaḥ| krodhātkareṇa nāsāgraṁ marditaṁ bahuśastadā||

Furrowing your brow, sighing again and again, in your anger you rubbed the tip of your nose repeatedly with your hand.

Verse 18 (skanda.5.153.18)

तस्मिन्संमर्द्यमाने तु नासाग्रे पर्वतात्मजे। जाता स्त्री भ्रुकुटीवक्रा चतुर्दंष्ट्रा त्रिलोचना।

tasminsaṁmardyamāne tu nāsāgre parvatātmaje| jātā strī bhrukuṭīvakrā caturdaṁṣṭrā trilocanā||

O daughter of the mountain, from that nose-tip, thus rubbed, a woman was born — her brows knit crooked, four-fanged, and three-eyed.

Verse 19 (skanda.5.153.19)

बद्धगोधांगुलित्रा च कवचाबद्धमेखला। सखड्गा सधनुष्का च सतूणा सपताकिनी।

baddhagodhāṁgulitrā ca kavacābaddhamekhalā| sakhaḍgā sadhanuṣkā ca satūṇā sapatākinī||

She wore a leather archer's guard on her fingers, was girded with armour and a belt, and was equipped with sword, bow, quiver, and banner.

Verse 20 (skanda.5.153.20)

सहस्रास्या शतभुजा सहस्रचरणोदरी। प्रतिकूलैः पदैर्देवि कंपयंती तथा भुवम्।

sahasrāsyā śatabhujā sahasracaraṇodarī| pratikūlaiḥ padairdevi kaṁpayaṁtī tathā bhuvam||

She had a thousand faces, a hundred arms, and a thousand feet and bellies; with her fearsome tread, O goddess, she made the very earth tremble.

Verse 21 (skanda.5.153.21)

कृतं नाम त्वया देवि तां दृष्ट्वा च तमोमयीम्। भद्रकाली च माया च सर्वलोकनमस्कृते।

kṛtaṁ nāma tvayā devi tāṁ dṛṣṭvā ca tamomayīm| bhadrakālī ca māyā ca sarvalokanamaskṛte||

Beholding her, so dark and dreadful, O goddess, you yourself gave her the names Bhadrakali, Maya, and She Who Is Worshipped by All the Worlds.

Verse 22 (skanda.5.153.22)

मया सृष्टस्तु पुरुषस्तादृशो लोमहर्षणः। स चापि प्रांजलिर्भूत्वा मामुवाच पुनःपुनः। आज्ञापय सुरेशान किं करोमि जगत्प्रभो।

mayā sṛṣṭastu puruṣastādṛśo lomaharṣaṇaḥ| sa cāpi prāṁjalirbhūtvā māmuvāca punaḥpunaḥ| ājñāpaya sureśāna kiṁ karomi jagatprabho||

I too then created a man equally hair-raising in his form. He too, with folded hands, addressed me again and again: "Command me, O lord of the gods, O master of the world — what shall I do?"

Verse 23 (skanda.5.153.23)

ततो देवि मयाज्ञप्तो भावं ज्ञात्वा त्वदीयकम्। कृत्वा नाम मनोज्ञं तु वीरभद्र इति स्मृतः।

tato devi mayājñapto bhāvaṁ jñātvā tvadīyakam| kṛtvā nāma manojñaṁ tu vīrabhadra iti smṛtaḥ||

Then, O goddess, understanding your sentiment, I commanded him, and gave him a fitting name — he is remembered as Virabhadra.

Verse 24 (skanda.5.153.24)

वीरभद्र ममादेशाद्भद्रकाल्या सहानया। प्राचेतसात्मजं दक्षं सगर्वं सहदैवतम्।

vīrabhadra mamādeśādbhadrakālyā sahānayā| prācetasātmajaṁ dakṣaṁ sagarvaṁ sahadaivatam||

"O Virabhadra, by my command, together with this Bhadrakali, go and destroy Daksha, the proud son of Prachetas, together with the gods present with him,

Verse 25 (skanda.5.153.25)

विध्वंसय गणाध्यक्ष सयज्ञं सपरिग्रहम्। दत्तं मया महत्सैन्यमसंख्येयगुणस्य च।

vidhvaṁsaya gaṇādhyakṣa sayajñaṁ saparigraham| dattaṁ mayā mahatsainyamasaṁkhyeyaguṇasya ca||

along with his sacrifice and all his belongings, O lord of the ganas!" I gave him a vast army possessed of countless powers,

Verse 26 (skanda.5.153.26)

त्वयापि भद्रकाल्यास्तु दत्तं सैन्यं भयावहम्। कपालकर्त्रिकाहस्तं मातॄणां गणमक्षयम्।

tvayāpi bhadrakālyāstu dattaṁ sainyaṁ bhayāvaham| kapālakartrikāhastaṁ mātṝṇāṁ gaṇamakṣayam||

and you too gave Bhadrakali a fearsome army — an inexhaustible host of Mother-goddesses, skull-bowls and choppers in their hands.

Verse 27 (skanda.5.153.27)

ततस्तौ तेन सैन्येन महतातिसमावृतौ। जग्मतुस्तत्र यत्रास्ते दक्षः प्राचेतसो यजन्।

tatastau tena sainyena mahatātisamāvṛtau| jagmatustatra yatrāste dakṣaḥ prācetaso yajan||

Then those two, surrounded by that vast host, went to where Daksha Prachetasa was performing his sacrifice.

Verse 28 (skanda.5.153.28)

देवैः परिवृतो देवि सदस्यैर्ब्राह्मणैः सह। ततो देवाः सुरुद्धास्ते तेन सैन्येन पार्वति। विश्रब्धा मंत्रपूतं तु पिबंतः सोममध्वरे।

devaiḥ parivṛto devi sadasyairbrāhmaṇaiḥ saha| tato devāḥ suruddhāste tena sainyena pārvati| viśrabdhā maṁtrapūtaṁ tu pibaṁtaḥ somamadhvare||

He was surrounded by gods and by brahmin assessors of the assembly. Then, O Parvati, those gods, carefree, drinking the mantra-consecrated soma at the sacrifice, were surrounded by that host.

Verse 29 (skanda.5.153.29)

त्रिनेत्रेण त्रिशूलेन त्रिदशाधिप ईश्वरः। त्रासितः सहसा शक्रो गणेनाध्वरमध्यगः।

trinetreṇa triśūlena tridaśādhipa īśvaraḥ| trāsitaḥ sahasā śakro gaṇenādhvaramadhyagaḥ||

By the trident-bearing, three-eyed gana of the lord, Shakra, sovereign of the thirty gods, standing in the midst of the sacrifice, was suddenly struck with terror.

Verse 30 (skanda.5.153.30)

यमाख्येन गणेनैव यमकल्पप्रभेण च। सोमपाने प्रसक्तश्च यमश्चाकर्षितोऽध्वरे।

yamākhyena gaṇenaiva yamakalpaprabheṇa ca| somapāne prasaktaśca yamaścākarṣito'dhvare||

By a gana named Yama, splendid as death itself, Yama too, absorbed in drinking the soma, was dragged forth from the sacrifice.

Verse 31 (skanda.5.153.31)

पाशेन वरुणो बद्धः पाशेन गणपेन तु। पश्चिमाशाधिपो वीरः प्राणेन परमेश्वरि।

pāśena varuṇo baddhaḥ pāśena gaṇapena tu| paścimāśādhipo vīraḥ prāṇena parameśvari||

O supreme goddess, Varuna, lord of the western quarter, that hero, was bound by the gana named Pasha, with a very noose, through his own vital breath.

Verse 32 (skanda.5.153.32)

ताडितोऽनिल एवाथ उत्तरे नरवाहनः। उत्तराशाधिपो देवि निधानैः सहितोऽध्वरे। वीरभद्रनियुक्तास्ते चक्रुर्युद्धं सुदारुणम्।

tāḍito'nila evātha uttare naravāhanaḥ| uttarāśādhipo devi nidhānaiḥ sahito'dhvare| vīrabhadraniyuktāste cakruryuddhaṁ sudāruṇam||

The Wind too was struck down. And, O goddess, Naravahana, lord of the northern quarter, together with his treasures, was present at the sacrifice. Those appointed by Virabhadra waged a most terrible battle.

Verse 33 (skanda.5.153.33)

अथ युद्धं चकारोच्चैर्भद्रकाली भयावहा। विकराली महाकाली कालिका कलशोदरी।

atha yuddhaṁ cakāroccairbhadrakālī bhayāvahā| vikarālī mahākālī kālikā kalaśodarī||

Then dread Bhadrakali too waged fierce battle, along with Vikarali, Mahakali, Kalika, and Kalashodari,

Verse 34 (skanda.5.153.34)

प्रज्वालज्वलनाकारा शुष्कमांसातिभैरवा। एताश्चान्याश्च शतशो नरमालाविभूषणाः।

prajvālajvalanākārā śuṣkamāṁsātibhairavā| etāścānyāśca śataśo naramālāvibhūṣaṇāḥ||

blazing like fire, gaunt and terrible; these and hundreds of others besides, adorned with garlands of human skulls,

Verse 35 (skanda.5.153.35)

कपालकर्त्रिकाहस्ता जघ्नुर्देवगणास्तदा। इति मातृगणं क्रुद्धं मर्दयंतं सुरास्तदा। दृष्ट्वाभ्युपगता देवास्तुषिता युद्धलालसा।

kapālakartrikāhastā jaghnurdevagaṇāstadā| iti mātṛgaṇaṁ kruddhaṁ mardayaṁtaṁ surāstadā| dṛṣṭvābhyupagatā devāstuṣitā yuddhalālasā||

with skull-bowl and chopper in hand, then struck down the ranks of the gods. Seeing this enraged host of Mother-goddesses crushing the gods, the Tushita gods, eager for battle, came forward.

Verse 36 (skanda.5.153.36)

केचिच्च चिक्षिपुः शक्तीः केचित्प्रासांस्तथापरे। केचिच्च तोमरैस्तीक्ष्णैः केचित्खङ्गैश्च पट्टिशैः।

kecicca cikṣipuḥ śaktīḥ kecitprāsāṁstathāpare| kecicca tomaraistīkṣṇaiḥ kecitkhaḍgaiśca paṭṭiśaiḥ||

Some hurled javelins, others hurled lances; some struck with sharp iron pikes, others with swords and battle-axes.

Verse 37 (skanda.5.153.37)

अर्द्दितो मातृसंघस्तु पीडिताः प्रमथा यदा। भद्रकाली तदा क्रुद्धा गदया शरवृष्टिभिः।

arddito mātṛsaṁghastu pīḍitāḥ pramathā yadā| bhadrakālī tadā kruddhā gadayā śaravṛṣṭibhiḥ||

When the assembly of the Mothers was hard pressed, and the Pramathas too were afflicted, Bhadrakali, growing enraged, with her mace and showers of arrows,

Verse 38 (skanda.5.153.38)

खड्गादिभिः षडर्कांशुः पीडयामास संयुगे। भगस्य नेत्रे पूष्णस्तु दशनाः सूदिता मुखात्।

khaḍgādibhiḥ ṣaḍarkāṁśuḥ pīḍayāmāsa saṁyuge| bhagasya netre pūṣṇastu daśanāḥ sūditā mukhāt||

and with swords and other weapons, wreaked havoc in the battle. Bhaga's eyes were torn out, and Pushan's teeth were knocked from his mouth.

Verse 39 (skanda.5.153.39)

करान्दिनकरस्यैव चरणौ भास्करस्य च। मुशलेन हता येऽष्टौ वसवो रणकोविदाः।

karāndinakarasyaiva caraṇau bhāskarasya ca| muśalena hatā ye'ṣṭau vasavo raṇakovidāḥ||

The hands of the Sun and the feet of Bhaskara were cut off; the eight Vasus, skilled in war, were struck down with a club,

Verse 40 (skanda.5.153.40)

वमन्तो रुधिरं तेऽपि नष्टा जर्जरमस्तकाः। विदेहाश्च कृता युद्धे तुषिता रणगर्विताः।

vamaṁto rudhiraṁ te'pi naṣṭā jarjaramastakāḥ| videhāśca kṛtā yuddhe tuṣitā raṇagarvitāḥ||

vomiting blood, their heads shattered, they too fell. Even the war-proud Tushita gods were made bodiless in that battle.

Verse 41 (skanda.5.153.41)

बद्धः प्राचेतसो दक्षः पाशेन सुदृढेन च। शेषाश्च त्रिदशा भीता ब्रह्माणं शरणं गताः।

baddhaḥ prācetaso dakṣaḥ pāśena sudṛḍhena ca| śeṣāśca tridaśā bhītā brahmāṇaṁ śaraṇaṁ gatāḥ||

Daksha Prachetasa was bound with a most sturdy noose. The remaining, terrified gods took refuge with Brahma.

Verse 42 (skanda.5.153.42)

वृत्तांतः कथितः सर्वो विस्तरेण यथा तथा। आद्या ये तुषिता देवा विदेहाश्चैव ते कृताः।

vṛttāṁtaḥ kathitaḥ sarvo vistareṇa yathā tathā| ādyā ye tuṣitā devā videhāścaiva te kṛtāḥ||

They related the entire account in full, exactly as it had happened: "The gods who were originally the Tushitas have all been made bodiless.

Verse 43 (skanda.5.153.43)

नष्टाश्च वसवो देवाः पीडिता भास्करा रणे। न ज्ञायते सहस्राक्षो न यमो न धनेश्वरः। वरुणो यादसां नाथः क्व गतः परमेश्वरः।

naṣṭāśca vasavo devāḥ pīḍitā bhāskarā raṇe| na jñāyate sahasrākṣo na yamo na dhaneśvaraḥ| varuṇo yādasāṁ nāthaḥ kva gataḥ parameśvaraḥ||

The Vasu gods are destroyed; the Adityas are wounded in battle. Nothing is known of the thousand-eyed Indra, nor of Yama, nor of Kubera. Where has Varuna, the lord of the waters, gone, O supreme lord? It is not known."

Verse 44 (skanda.5.153.44)

भद्रकाल्या हतं सर्वं वीरभद्रगणेन च। भग्नश्च यज्ञयूपो वै विध्वस्तं कलशं तदा।

bhadrakālyā hataṁ sarvaṁ vīrabhadragaṇena ca| bhagnaśca yajñayūpo vai vidhvastaṁ kalaśaṁ tadā||

"Everything has been destroyed by Bhadrakali and the host of Virabhadra. The sacrificial post is broken, and the sacrificial vessel has been shattered.

Verse 45 (skanda.5.153.45)

प्रदीपिता महाशाला भग्नं वै यज्ञतोरणम्। तेषां तु वचनं श्रुत्वा ब्रह्मा लोकपितामहः। आजगाम कृपाविष्टो यत्राहं मन्दरे स्थितः।

pradīpitā mahāśālā bhagnaṁ vai yajñatoraṇam| teṣāṁ tu vacanaṁ śrutvā brahmā lokapitāmahaḥ| ājagāma kṛpāviṣṭo yatrāhaṁ mandare sthitaḥ||

The great sacrificial hall has caught fire, and the sacred archway of the sacrifice is broken." Hearing their account, Brahma, grandsire of the worlds, filled with compassion, came to where I was seated on Mount Mandara.

Verse 46 (skanda.5.153.46)

स्तुतिं कृत्वा मदीयां तु वाक्यमुक्तमिदं तदा। आद्या ये तुषिता देवा विदेहाश्चैव ते कृताः।

stutiṁ kṛtvā madīyāṁ tu vākyamuktamidaṁ tadā| ādyā ye tuṣitā devā videhāścaiva te kṛtāḥ||

Having praised me, he then spoke these words: "The gods who were originally the Tushitas have all been made bodiless.

Verse 47 (skanda.5.153.47)

भद्रकाल्या महादेव वसवो जर्जरीकृताः। पीडिता भास्करा युद्धे शेषा नष्टा दिशो गताः।

bhadrakālyā mahādeva vasavo jarjarīkṛtāḥ| pīḍitā bhāskarā yuddhe śeṣā naṣṭā diśo gatāḥ||

O Mahadeva, the Vasus have been shattered by Bhadrakali, the Adityas have been wounded in the battle, and the rest have perished and fled in every direction.

Verse 48 (skanda.5.153.48)

कायावरोहणं देव तुषितानां कथं भवेत्। ब्रह्मणो वचनं श्रुत्वा मया प्रोक्तं वरानने।

kāyāvarohaṇaṁ deva tuṣitānāṁ kathaṁ bhavet| brahmaṇo vacanaṁ śrutvā mayā proktaṁ varānane||

How, O god, may the descent of a body come once more upon the Tushitas?" Hearing Brahma's words, O fair one, I said:

Verse 49 (skanda.5.153.49)

महाकालवने क्षेत्रे गच्छन्तु तुषितास्त्वमी। लकुटीशो गतो यत्र कायावरोहणाद्ग्रहम्।

mahākālavane kṣetre gacchaṁtu tuṣitāstvamī| lakuṭīśo gato yatra kāyāvarohaṇādgraham||

"Let these Tushitas go to the sacred region of Mahakalavana, to where Lakutisha went, to the very place of Kayavarohana's manifestation.

Verse 50 (skanda.5.153.50)

ब्राह्मणाश्च ममादेशाच्चतुःशिष्यैः समन्विताः। द्वापरे समतिक्रांते प्राप्ते कलियुगे तथा।

brāhmaṇāśca mamādeśāccatuḥśiṣyaiḥ samanvitāḥ| dvāpare samatikrāṁte prāpte kaliyuge tathā||

By my command, brahmins, together with four disciples, when the Dvapara age has passed and the Kali age has arrived,

Verse 51 (skanda.5.153.51)

तत्र कायमनुप्राप्ता मम शिष्या ममोपमाः। अवसंत क्षितौ धन्या रक्षणार्थं द्विजन्मनाम्।

tatra kāyamanuprāptā mama śiṣyā mamopamāḥ| avasaṁta kṣitau dhanyā rakṣaṇārthaṁ dvijanmanām||

shall attain a body there once more; my disciples, resembling me, blessed, shall dwell upon the earth for the protection of the twice-born.

Verse 52 (skanda.5.153.52)

क्षेत्रस्य दक्षिणे तस्य विद्यते लिंगमुत्तमम्। सर्वसंपत्करं दिव्यं सिद्धानां कायदायकम्।

kṣetrasya dakṣiṇe tasya vidyate liṁgamuttamam| sarvasaṁpatkaraṁ divyaṁ siddhānāṁ kāyadāyakam||

In the south of that sacred region there exists an excellent linga, divine, bestower of every fortune, giver of bodies to the siddhas.

Verse 53 (skanda.5.153.53)

प्रसादात्तस्य लिंगस्य कायान्प्राप्स्यंत्यमी सुराः। मदीयं वचनं श्रुत्वा गतास्ते तुषिताः प्रिये।

prasādāttasya liṁgasya kāyānprāpsyaṁtyamī surāḥ| madīyaṁ vacanaṁ śrutvā gatāste tuṣitāḥ priye||

By the grace of that linga, these gods shall regain their bodies." Hearing my words, O beloved, those Tushitas went there,

Verse 54 (skanda.5.153.54)

मुदिता ब्रह्मणा सार्द्धं यत्र तल्लिंगमुत्तमम्। प्रसादात्तस्य लिंगस्य प्राप्तं कायमनुत्तमम्।

muditā brahmaṇā sārddhaṁ yatra talliṁgamuttamam| prasādāttasya liṁgasya prāptaṁ kāyamanuttamam||

joyfully accompanied by Brahma, to where that excellent linga stood. By the grace of that linga, they obtained an incomparable new body.

Verse 55 (skanda.5.153.55)

पुनस्ते तादृशा जातास्तुषिता यादृशाऽभवन्। अतो देवैः कृतं नाम कायावरोहणेश्वरः। समीहितप्रदो नित्यं ख्यातो देवो भविष्यति।

punaste tādṛśā jātāstuṣitā yādṛśā'bhavan| ato devaiḥ kṛtaṁ nāma kāyāvarohaṇeśvaraḥ| samīhitaprado nityaṁ khyāto devo bhaviṣyati||

Those Tushitas became once more exactly as they had been. Therefore the gods gave it the name Kayavarohaneshvara, and this god shall become renowned as the eternal granter of desires.

Verse 56 (skanda.5.153.56)

ये गत्वा दक्षिणामाशां देवं कायावरोहणम्। पश्यंति परया भक्त्या यमस्तेषां पिता भवेत्।

ye gatvā dakṣiṇāmāśāṁ devaṁ kāyāvarohaṇam| paśyaṁti parayā bhaktyā yamasteṣāṁ pitā bhavet||

Those who go to the southern quarter and behold the god Kayavarohana with the deepest devotion — for them Yama himself becomes as a father.

Verse 57 (skanda.5.153.57)

जन्मकोटिसहस्रैस्तु यत्पापं समुपार्जितम्। तत्सर्वं नाशमायाति दर्शनादेव नान्यथा।

janmakoṭisahasraistu yatpāpaṁ samupārjitam| tatsarvaṁ nāśamāyāti darśanādeva nānyathā||

Whatever sin has been accumulated over thousands of millions of births is entirely destroyed by this sight alone, and by nothing else.

Verse 58 (skanda.5.153.58)

स्वकर्मणा गता ये च नरके पितरो गणाः। दर्शनात्तस्य लिंगस्य तेषां मुक्तिर्भविष्यति।

svakarmaṇā gatā ye ca narake pitaro gaṇāḥ| darśanāttasya liṁgasya teṣāṁ muktirbhaviṣyati||

Even those ancestors who, by their own deeds, have gone to hell, attain liberation through the sight of that linga.

Verse 59 (skanda.5.153.59)

ये पश्यंति प्रसंगेन देवं कायारोहणम्। न तेषां पुनरावृत्तिः कल्पकोटिशतैरपि।

ye paśyaṁti prasaṁgena devaṁ kāyārohaṇam| na teṣāṁ punarāvṛttiḥ kalpakoṭiśatairapi||

Those who, even by chance, behold the god Kayavarohana shall not return to rebirth even after hundreds of millions of kalpas.

Verse 60 (skanda.5.153.60)

स्पर्शनात्तस्य लिंगस्य पापिनोपि हि ये नराः। ते यास्यंति परं स्थानं सर्वपापविवर्जितम्।

sparśanāttasya liṁgasya pāpino'pi hi ye narāḥ| te yāsyaṁti paraṁ sthānaṁ sarvapāpavivarjitam||

Even sinful men, by touching that linga, freed from every sin, attain that supreme abode.

Verse 61 (skanda.5.153.61)

शाठ्येन पूजितो देवः कायावरोहणेश्वरः। ददाति राज्यं भोगांश्च स्वर्गलोकं सनातनम्।

śāṭhyena pūjito devaḥ kāyāvarohaṇeśvaraḥ| dadāti rājyaṁ bhogāṁśca svargalokaṁ sanātanam||

Even when worshipped with mere pretence, the god Kayavarohaneshvara grants kingship, enjoyments, and the eternal world of heaven.

Verse 62 (skanda.5.153.62)

द्वादश्यां ये प्रपश्यंति स्नात्वा कायावरोहणम्। ते भित्त्वा ब्रह्मसदनं यास्यन्ति परमां गतिम्।

dvādaśyāṁ ye prapaśyaṁti snātvā kāyāvarohaṇam| te bhittvā brahmasadanaṁ yāsyaṁti paramāṁ gatim||

Those who, on the twelfth lunar day, bathe and behold Kayavarohana pierce even through the abode of Brahma and attain the supreme state.

Verse 63 (skanda.5.153.63)

एष ते कथितो देवि प्रभावः पापनाशनः। कायावरोहणेशस्य बिल्वेश्वरमथो शृणु।

eṣa te kathito devi prabhāvaḥ pāpanāśanaḥ| kāyāvarohaṇeśasya bilveśvaramatho śṛṇu||

Thus, O goddess, I have told you the sin-destroying greatness of the lord Kayavarohana; now hear of Bilveshvara.