Greatness of Jvaleshvara and Amareshvara Tirthas in the Destruction of Tripura

Verse 1 (skanda.5.183.1)

मार्कण्डेय उवाच। एतस्मिन्नन्तरे रुद्रो नर्मदातटमास्थितः । क्रीडते ह्युमया सार्द्धं नारदस्तत्र चागतः

mārkaṇḍeya uvāca| etasminnantare rudro narmadātaṭamāsthitaḥ | krīḍate hyumayā sārddhaṁ nāradastatra cāgataḥ

Markandeya said: Meanwhile Rudra, established on the bank of the Narmada, was sporting together with Uma; and Narada came there.

Verse 2 (skanda.5.183.2)

प्रणम्य देवदेवेशमुमया सह शङ्करम् । व्यज्ञापयत्तदा देवं यद्वृत्तं त्रिपुरे तदा

praṇamya devadeveśamumayā saha śaṅkaram | vyajñāpayattadā devaṁ yadvṛttaṁ tripure tadā

Having bowed to Shankara, lord of the gods of gods, together with Uma, he informed the god of what had occurred in Tripura —

Verse 3 (skanda.5.183.3)

गतोऽहं स्वामिनिर्देशाद्यत्र तद्बाणमन्दिरम् । दृष्टा बाणं यथान्यायं गतो ह्यन्तःपुरं महत्

gato'haṁ svāminirdeśādyatra tadbāṇamandiram | dṛṣṭā bāṇaṁ yathānyāyaṁ gato hyantaḥpuraṁ mahat

'By my Lord's command I went to Bana's mansion; having duly seen Bana, I went into the great inner apartments.'

Verse 4 (skanda.5.183.4)

तत्र भार्यासहस्राणि दृष्ट्वा बाणस्य धीमतः । यथायोग्यं यथाकाममागतः क्षोभ्य तत्पुरम्

tatra bhāryāsahasrāṇi dṛṣṭvā bāṇasya dhīmataḥ | yathāyogyaṁ yathākāmamāgataḥ kṣobhya tatpuram

'There, having seen the thousands of wives of the wise Bana, as was fitting and as I wished, I have come, having agitated that city.'

Verse 5 (skanda.5.183.5)

नारदस्य वचः श्रुत्वा साधु साध्विति पूजयन् । चिन्तयामास देवेशो भ्रमणं त्रिपुरस्य हि

nāradasya vacaḥ śrutvā sādhu sādhviti pūjayan | cintayāmāsa deveśo bhramaṇaṁ tripurasya hi

Hearing Narada's words, honoring him with 'Well done, well done,' the lord of gods pondered the motion of Tripura —

Verse 6 (skanda.5.183.6)

करमुक्तं यथा चक्रं विष्णुना प्रभविष्णुना । महावेगं महायामं रक्षितं तेजसा मम

karamuktaṁ yathā cakraṁ viṣṇunā prabhaviṣṇunā | mahāvegaṁ mahāyāmaṁ rakṣitaṁ tejasā mama

'Like the discus released from mighty Vishnu's hand, of great speed and great range, protected by my own splendor —'

Verse 7 (skanda.5.183.7)

स च मे भक्तिनिरतो बाणो लोके च विश्रुतः । भारती च मया दत्ता ब्राह्मणानां विशेषतः

sa ca me bhaktinirato bāṇo loke ca viśrutaḥ | bhāratī ca mayā dattā brāhmaṇānāṁ viśeṣataḥ

'— that Bana too is devoted to me and renowned in the world; and I have granted eloquence, especially to the brahmins there.'

Verse 8 (skanda.5.183.8)

एवं स सुचिरं कालं देवदेवो महेश्वरः । चिन्तयित्वा सुनिर्वाणं कार्यं प्रति जनेश्वरः

evaṁ sa suciraṁ kālaṁ devadevo maheśvaraḥ | cintayitvā sunirvāṇaṁ kāryaṁ prati janeśvaraḥ

Thus that god of gods, Maheshvara, lord of beings, pondered for a long while over the proper resolution of this task.

Verse 9 (skanda.5.183.9)

ततोऽसौ मन्दरं ध्यात्वा चापे कृत्वा गुणे महीम् । विष्णुं सनातनं देवं बाणे ध्यात्वा त्रिलोचनः

tato'sau mandaraṁ dhyātvā cāpe kṛtvā guṇe mahīm | viṣṇuṁ sanātanaṁ devaṁ bāṇe dhyātvā trilocanaḥ

Then, meditating on Mount Mandara, making the earth into his bow, and meditating on the eternal god Vishnu as his arrow, the three-eyed one,

Verse 10 (skanda.5.183.10)

फले हुताशनं देवं ज्वलन्तं सर्वतोमुखम् । सुपर्णं पुङ्खयोर्मध्ये जवे वायुं प्रकल्प्य च

phale hutāśanaṁ devaṁ jvalantaṁ sarvatomukham | suparṇaṁ puṅkhayormadhye jave vāyuṁ prakalpya ca

set the blazing, all-faced Agni at the arrowhead, placed Garuda between the feathers, and fashioned Vayu for swiftness,

Verse 11 (skanda.5.183.11)

रथं महीमयं कृत्वा धुरि तावश्विनावुभौ । अक्षे सुरेश्वरं देवमग्रकील्यां धनाधिपम्

rathaṁ mahīmayaṁ kṛtvā dhuri tāvaśvināvubhau | akṣe sureśvaraṁ devamagrakīlyāṁ dhanādhipam

made a chariot of the earth, with both Ashvins at the yoke, Indra, lord of gods, at the axle, and Kubera, lord of wealth, at the forward linchpin,

Verse 12 (skanda.5.183.12)

यमं तु दक्षिणे पार्श्वे वामे कालं सुदारुणम् । आदित्यचन्द्रौ चक्रे तु गन्धर्वानारकादिषु

yamaṁ tu dakṣiṇe pārśve vāme kālaṁ sudāruṇam | ādityacandrau cakre tu gandharvānārakādiṣu

placed Yama on the right side, the most terrible Kala on the left, the Sun and Moon as the wheels, and Gandharvas and others as fitting,

Verse 13 (skanda.5.183.13)

यन्तारं च सुरज्येष्ठं वेदान्कृत्वा हयोत्तमान् । खलीनादिषु चाङ्गानि रश्मींश्छन्दांसि चाकरोत्

yantāraṁ ca surajyeṣṭhaṁ vedānkṛtvā hayottamān | khalīnādiṣu cāṅgāni raśmīṁśchandāṁsi cākarot

made Brahma, foremost of gods, the charioteer, made the Vedas his excellent steeds, and fashioned the reins and harness-parts from the Vedic meters,

Verse 14 (skanda.5.183.14)

कृत्वा प्रतोदमोंकारं मुखग्राह्यं महेश्वरः । धातारं चाग्रतः कृत्वा विधातारं च पृष्ठतः

kṛtvā pratodamoṁkāraṁ mukhagrāhyaṁ maheśvaraḥ | dhātāraṁ cāgrataḥ kṛtvā vidhātāraṁ ca pṛṣṭhataḥ

making the syllable Om his goad held in his mouth, Maheshvara placed Dhatri in front and Vidhatri behind,

Verse 15 (skanda.5.183.15)

मारुतात्सर्वतो दिग्भ्य ऊर्ध्वयन्त्रे तथैव च । महोरगपिशाचांश्च सिद्धविद्याधरांस्तथा

mārutātsarvato digbhya ūrdhvayantre tathaiva ca | mahoragapiśācāṁśca siddhavidyādharāṁstathā

set Vayu from every direction in the upper fittings, and placed great serpents, Pishachas, Siddhas, and Vidyadharas,

Verse 16 (skanda.5.183.16)

गणांश्च भूतसङ्घांश्च सर्वे सर्वाङ्गसंधिषु । युगमध्ये स्थितो मेरुर्युगस्याधो महागिरिः

gaṇāṁśca bhūtasaṅghāṁśca sarve sarvāṅgasaṁdhiṣu | yugamadhye sthito meruryugasyādho mahāgiriḥ

and the ganas and hosts of spirits in every joint of the frame; Mount Meru stood in the middle of the yoke, that great mountain beneath the yoke;

Verse 17 (skanda.5.183.17)

सर्पा यन्त्रस्थिता घोराः शम्ये वरुणनैरृतौ । गायत्री चैव सावित्री स्थिते ते रश्मिबन्धने

sarpā yantrasthitā ghorāḥ śamye varuṇanairṛtau | gāyatrī caiva sāvitrī sthite te raśmibandhane

terrible serpents were fixed at the machinery, Varuna and Nairriti at the yoke-pins, and Gayatri and Savitri stationed at the rein-bindings,

Verse 18 (skanda.5.183.18)

सत्यं रथध्वजे शौचं दमं रक्षां समन्ततः । रथं देवमयं कृत्वा देवदेवो महेश्वरः

satyaṁ rathadhvaje śaucaṁ damaṁ rakṣāṁ samantataḥ | rathaṁ devamayaṁ kṛtvā devadevo maheśvaraḥ

with Truth on the chariot's banner and Purity and Restraint guarding on every side — having thus made the chariot entirely of gods, Maheshvara, lord of gods,

Verse 19 (skanda.5.183.19)

संनद्धः कवची खड्गी बद्धगोधाङ्गुलित्रवान् । बद्धा परिकरं गाढं जटाजूटं नियम्य च

saṁnaddhaḥ kavacī khaḍgī baddhagodhāṅgulitravān | baddhā parikaraṁ gāḍhaṁ jaṭājūṭaṁ niyamya ca

clad in armor, sword in hand, finger-guard of iguana-skin bound on, his girdle tied fast, and his matted locks bound up,

Verse 20 (skanda.5.183.20)

सज्जं कृत्वा धनुर्दिव्यं योजयित्वा रथोत्तमम् । रथमध्ये स्थितो देवः शुशुभे च युधिष्ठिर

sajjaṁ kṛtvā dhanurdivyaṁ yojayitvā rathottamam | rathamadhye sthito devaḥ śuśubhe ca yudhiṣṭhira

strung his divine bow, mounted that supreme chariot, and, standing in its midst, shone forth greatly, O Yudhishthira.

Verse 21 (skanda.5.183.21)

धनुषः शब्दनादेनाकम्पयच्च जगत्त्रयम् । स्थानं कृत्वा तु वैशाखं निभृतं संस्थितो हरः

dhanuṣaḥ śabdanādenākampayacca jagattrayam | sthānaṁ kṛtvā tu vaiśākhaṁ nibhṛtaṁ saṁsthito haraḥ

By the twang of his bow he shook the three worlds; and Hara, taking his stance firmly in the Vaishakha posture,

Verse 22 (skanda.5.183.22)

निरीक्ष्य सुचिरं कालं कोपसंरक्तलोचनः । ध्यात्वा तं परमं मन्त्रमात्मानं च निरुध्य सः

nirīkṣya suciraṁ kālaṁ kopasaṁraktalocanaḥ | dhyātvā taṁ paramaṁ mantramātmānaṁ ca nirudhya saḥ

gazed for a long while, his eyes red with fury; and, meditating on that supreme mantra and restraining himself,

Verse 23 (skanda.5.183.23)

मुमोच सहसा बाणं पुरस्य वधकाङ्क्षया । यदा त्रीणि समेतानि अन्तरिक्षस्थितानि तु

mumoca sahasā bāṇaṁ purasya vadhakāṅkṣayā | yadā trīṇi sametāni antarikṣasthitāni tu

he suddenly released the arrow, desiring the city's destruction, when the three cities became aligned together in the sky.

Verse 24 (skanda.5.183.24)

ततः कालनिमेषार्धं दृष्ट्वैक्यं त्रिपुरस्य च । त्रिपर्वणा त्रिशल्येन ततस्तान्यवसादयत्

tataḥ kālanimeṣārdhaṁ dṛṣṭvaikyaṁ tripurasya ca | triparvaṇā triśalyena tatastānyavasādayat

Then, in the space of half a blink, seeing Tripura's alignment, he brought them down with a three-jointed, triple-barbed arrow.

Verse 25 (skanda.5.183.25)

ततो लोका भयत्रस्तास्त्रिपुरे भरतोत्तम । सर्वासुरविनाशाय कालरूपा भयावहाः

tato lokā bhayatrastāstripure bharatottama | sarvāsuravināśāya kālarūpā bhayāvahāḥ

O best of the Bharatas, the people of Tripura, terrified, then beheld forms of Time itself, terrible, come for the destruction of all the demons —

Verse 26 (skanda.5.183.26)

अट्टहासान् प्रमुञ्चन्ति कष्टरूपा नरास्तदा । निमेषोन्मेषणं चैव कुर्वन्ति लिपिकर्मसु

aṭṭahāsān pramuñcanti kaṣṭarūpā narāstadā | nimeṣonmeṣaṇaṁ caiva kurvanti lipikarmasu

the people, taking on wretched forms, burst into wild laughter; even engaged in writing, they merely kept blinking their eyes —

Verse 27 (skanda.5.183.27)

निष्पन्दनयना मर्त्याश्चित्रेष्वालिखिता इव । देवायतनगा देवा रटन्ति प्रहसन्ति च । स्वप्ने पश्यन्ति चात्मानं रक्ताम्बरविभूषितम्

niṣpandanayanā martyāścitreṣvālikhitā iva | devāyatanagā devā raṭanti prahasanti ca | svapne paśyanti cātmānaṁ raktāmbaravibhūṣitam

as if their eyes, like those of figures painted in pictures, had frozen; the gods in the temples cried out and laughed; and people saw themselves in dreams clothed in red garments,

Verse 28 (skanda.5.183.28)

रक्तमाल्योत्तमाङ्गाश्च पतन्तः कार्दमे ह्रदे । पश्यन्ति नाम चात्मानं सतैलाभ्यङ्गमस्तकम्

raktamālyottamāṅgāśca patantaḥ kārdame hrade | paśyanti nāma cātmānaṁ satailābhyaṅgamastakam

red garlands upon their heads, falling into a muddy pool; and they saw themselves with oil anointing their heads,

Verse 29 (skanda.5.183.29)

पश्यन्ति यानमारूढं रासभैश्च नृपोत्तम । संवर्तको महावायुर्युगान्तप्रतिमो महान्

paśyanti yānamārūḍhaṁ rāsabhaiśca nṛpottama | saṁvartako mahāvāyuryugāntapratimo mahān

O best of kings, they saw themselves riding a cart drawn by donkeys; and the great wind Samvartaka, mighty as at the end of an age,

Verse 30 (skanda.5.183.30)

गृहानुन्मूलयामास वृक्षजातीननेकशः । भूमिकम्पाः सनिर्घाता उल्कापाताः सहस्रशः

gṛhānunmūlayāmāsa vṛkṣajātīnanekaśaḥ | bhūmikampāḥ sanirghātā ulkāpātāḥ sahasraśaḥ

uprooted houses, and many kinds of trees besides; earthquakes with thunderclaps and meteor-falls by the thousands began to occur,

Verse 31 (skanda.5.183.31)

रुधिरं वर्षते देवो मिश्रितं कर्करैर्बहु । अग्निकुण्डेषु विप्राणां हुतः सम्यग्घुताशनः

rudhiraṁ varṣate devo miśritaṁ karkarairbahu | agnikuṇḍeṣu viprāṇāṁ hutaḥ samyagghutāśanaḥ

the sky rained blood abundantly mixed with gravel; the fire duly offered in the brahmins' fire-pits

Verse 32 (skanda.5.183.32)

ज्वलते धूमसंयुक्तो विस्फुलिङ्गकणैः सह । कुंजरा विमदा जातास्तुरगाः सत्त्ववर्जिताः

jvalate dhūmasaṁyukto visphuliṅgakaṇaiḥ saha | kuṁjarā vimadā jātāsturagāḥ sattvavarjitāḥ

blazed thick with smoke and sparks; elephants lost their frenzy, and horses their vitality,

Verse 33 (skanda.5.183.33)

अवादितानि वाद्यन्ते वादित्राणि सहस्रशः । ध्वजा ह्यकम्पिताः पेतुश्छत्राणि विविधानि च

avāditāni vādyante vāditrāṇi sahasraśaḥ | dhvajā hyakampitāḥ petuśchatrāṇi vividhāni ca

instruments sounded of themselves by the thousands, unplayed; banners and umbrellas of various kinds fell though unshaken,

Verse 34 (skanda.5.183.34)

ज्वलति पादपास्तत्र पर्णानि च सभं ततः । सर्वं तद्व्याकुलीभूतं हाहाकारसमन्वितम्

jvalati pādapāstatra parṇāni ca sabhaṁ tataḥ | sarvaṁ tadvyākulībhūtaṁ hāhākārasamanvitam

trees and leaves there caught fire, and then the assembly-hall; all fell into confusion, filled with cries of woe,

Verse 35 (skanda.5.183.35)

उद्यानानि विचित्राणि प्रबभञ्ज प्रभञ्जनः । तेन संप्रेरिताः सर्वे ज्वलन्ति विशिखाः शिखाः

udyānāni vicitrāṇi prababhañja prabhañjanaḥ | tena saṁpreritāḥ sarve jvalanti viśikhāḥ śikhāḥ

the fierce wind shattered the wondrous gardens; driven by it, all the arrow-flames blazed still more fiercely,

Verse 36 (skanda.5.183.36)

वृक्षगुल्मलतावल्ल्यो गृहाणि च समन्ततः । दिग्विभागैश्च सर्वैश्च प्रवृत्तो हव्यवाहनः

vṛkṣagulmalatāvallyo gṛhāṇi ca samantataḥ | digvibhāgaiśca sarvaiśca pravṛtto havyavāhanaḥ

trees, shrubs, creepers, and vines, and houses on every side — the fire spread in all directions,

Verse 37 (skanda.5.183.37)

सर्वं किंशुकपर्णाभं प्रज्वलच्चैव दृश्यते । गृहाद्गृहं तदा गन्तुं नैव धूमेन शक्यते

sarvaṁ kiṁśukaparṇābhaṁ prajvalaccaiva dṛśyate | gṛhādgṛhaṁ tadā gantuṁ naiva dhūmena śakyate

everything, blazing, appeared like the leaves of the flame-of-the-forest tree; because of the smoke, it became impossible to go from house to house,

Verse 38 (skanda.5.183.38)

हरकोपाग्निनिर्दग्धाः क्रन्दन्ते त्रिपुरे जनाः । प्रदीप्तं सर्वतो दिक्षु दह्यते त्रिपुरं परम्

harakopāgninirdagdhāḥ krandante tripure janāḥ | pradīptaṁ sarvato dikṣu dahyate tripuraṁ param

burnt by the fire of Hara's wrath, the people of Tripura wailed; blazing in every direction, that great Tripura burned,

Verse 39 (skanda.5.183.39)

पतन्ति शिखराग्राणि विशीर्णानि सहस्रशः । पावको धूमसंपृक्तो दह्यमानः समन्ततः

patanti śikharāgrāṇi viśīrṇāni sahasraśaḥ | pāvako dhūmasaṁpṛkto dahyamānaḥ samantataḥ

the tips of its pinnacles fell shattered by the thousands; the fire, mixed with smoke, burned on every side,

Verse 40 (skanda.5.183.40)

नृत्यन्वै व्याप्तदिग्देशः कान्तारेष्वभिधावति । देवागारेषु सर्वेषु गृहेष्वट्टालकेषु च

nṛtyanvai vyāptadigdeśaḥ kāntāreṣvabhidhāvati | devāgāreṣu sarveṣu gṛheṣvaṭṭālakeṣu ca

and, as if dancing, pervading every quarter, it rushed into the forests, into all the temples, houses, and towers,

Verse 41 (skanda.5.183.41)

प्रवृत्तो हुतभुक्तत्र पुरे कालप्रचोदितः । ददाह लोकान्सर्वत्र हरकोपप्रकोपितः

pravṛtto hutabhuktatra pure kālapracoditaḥ | dadāha lokānsarvatra harakopaprakopitaḥ

that fire, driven by Time and inflamed by Hara's wrath, spread through the city and burned the people everywhere.

Verse 42 (skanda.5.183.42)

दहते त्रैपुरं लोकं बालवृद्धसमन्वितम् । सपुरं सगृहद्वारं सवाहनवनं नृप

dahate traipuraṁ lokaṁ bālavṛddhasamanvitam | sapuraṁ sagṛhadvāraṁ savāhanavanaṁ nṛpa

O king, it burned the people of Tripura, young and old alike, together with the city, house-doors, vehicles, and groves.

Verse 43 (skanda.5.183.43)

केचिद्भोजनसक्ताश्च पानासक्तास्तथापरे । अपरा नृत्यगीतेषु संसक्ता वारयोषितः

kecidbhojanasaktāśca pānāsaktāstathāpare | aparā nṛtyagīteṣu saṁsaktā vārayoṣitaḥ

Some were absorbed in eating, others in drinking; some courtesans were engrossed in dance and song,

Verse 44 (skanda.5.183.44)

अन्योन्यं च परिष्वज्य हुताशनशिखार्दिताः । दह्यमाना नृपश्रेष्ठ सर्वे गच्छन्त्यचेतनाः

anyonyaṁ ca pariṣvajya hutāśanaśikhārditāḥ | dahyamānā nṛpaśreṣṭha sarve gacchantyacetanāḥ

and, O best of kings, tormented by the flames, embracing one another, all, burning, fell senseless.

Verse 45 (skanda.5.183.45)

अथान्ये दानवास्तत्र दह्यन्तेऽग्निविमोहिताः । न शक्ताश्चान्यतो गन्तुं धूमेनाकुलिताननाः । हंसकारण्डवाकीर्णा नलिन्यो हेमपङ्कजाः

athānye dānavāstatra dahyante'gnivimohitāḥ | na śaktāścānyato gantuṁ dhūmenākulitānanāḥ | haṁsakāraṇḍavākīrṇā nalinyo hemapaṅkajāḥ

Other demons there too, bewildered by the fire, burned, their faces choked with smoke, unable to go elsewhere; the lotus-ponds thronged with swans and karandavas, their lotuses golden,

Verse 46 (skanda.5.183.46)

दह्यन्ते विविधास्तत्र वाप्यः कूपाश्च भारत । दृश्यन्तेऽनलदग्धानि पुरोद्यानानि दीर्घिकाः । अम्लानैः पङ्कजैश्छन्ना विस्तीर्णावसुयोजनाः

dahyante vividhāstatra vāpyaḥ kūpāśca bhārata | dṛśyante'naladagdhāni purodyānāni dīrghikāḥ | amlānaiḥ paṅkajaiśchannā vistīrṇāvasuyojanāḥ

O Bharata, various step-wells and wells there burned; the city's parks and long pools, covered with unwithered lotuses and stretching over eight yojanas, were seen scorched by fire,

Verse 47 (skanda.5.183.47)

गिरिकूटनिभास्तत्र प्रासादा रत्नशोभिताः । दृश्यन्तेऽनलसंदग्धा विशीर्णा धरणीतले

girikūṭanibhāstatra prāsādā ratnaśobhitāḥ | dṛśyante'nalasaṁdagdhā viśīrṇā dharaṇītale

and the mansions there, resembling mountain-peaks and adorned with gems, were seen burnt by fire, shattered upon the ground.

Verse 48 (skanda.5.183.48)

नरस्त्रीबालवृद्धेषु दह्यमानेषु सर्वतः । निर्दयं ज्वलते वह्निर्हाहाकारो महानभूत् । काचिच्च सुखसंसुप्ताप्रमत्तान्या नृपोत्तम

narastrībālavṛddheṣu dahyamāneṣu sarvataḥ | nirdayaṁ jvalate vahnirhāhākāro mahānabhūt | kācicca sukhasaṁsuptāpramattānyā nṛpottama

While men, women, children, and the aged burned on every side, the fire blazed mercilessly, and a great cry of woe arose; one woman lay sleeping happily, another unwary,

Verse 49 (skanda.5.183.49)

क्रीडित्वा च सुविस्तीर्णशयनस्था वराङ्गना । काचित्सुप्ता विशालाक्षी हारावलिविभूषिता । धूमेनाकुलिता दीना न्यपतद्धव्यवाहने

krīḍitvā ca suvistīrṇaśayanasthā varāṅganā | kācitsuptā viśālākṣī hārāvalivibhūṣitā | dhūmenākulitā dīnā nyapataddhavyavāhane

O best of kings, a lovely woman, having sported and lying on a spacious bed, and another, wide-eyed and adorned with a string of pearls, stricken and pitiable amid the smoke, fell into the fire,

Verse 50 (skanda.5.183.50)

काचित्तस्मिन्पुरे दीप्ते पुत्रस्नेहानुलालसा । पुत्रमालिङ्गते गाढं दह्यते त्रिपुरेऽग्निना

kācittasminpure dīpte putrasnehānulālasā | putramāliṅgate gāḍhaṁ dahyate tripure'gninā

one woman in that burning city, yearning with love for her son, embracing him tightly, burned in the fire of Tripura,

Verse 51 (skanda.5.183.51)

काचित्कनकवर्णाभा इन्द्रनीलविभूषिता । भर्तारं पतितं दृष्ट्वा पतिता तस्य चोपरि

kācitkanakavarṇābhā indranīlavibhūṣitā | bhartāraṁ patitaṁ dṛṣṭvā patitā tasya copari

one, golden-hued and adorned with sapphires, seeing her fallen husband, fell upon him,

Verse 52 (skanda.5.183.52)

काचिदादित्यवर्णाभा प्रसुप्ता तु प्रियोपरि । अग्निज्वालाहता गाढं कंठमालिङ्गते नृप

kācidādityavarṇābhā prasuptā tu priyopari | agnijvālāhatā gāḍhaṁ kaṁṭhamāliṅgate nṛpa

O king, one, sun-hued, sleeping upon her beloved, struck hard by the fire's flame, embraces his neck tightly,

Verse 53 (skanda.5.183.53)

मेधवर्णा परा नारी चलत्कनकमेखला । श्वेतवस्त्रोत्तरीया तु पपात धरणीतले

medhavarṇā parā nārī calatkanakamekhalā | śvetavastrottarīyā tu papāta dharaṇītale

another woman, dun-hued, her golden girdle swaying, in a white upper garment, fell to the ground,

Verse 54 (skanda.5.183.54)

काचित्कुन्देन्दुवर्णाभा नीलरत्नविभूषिता । शिरसा प्राञ्जलिर्भूत्वा विज्ञापयति पावकम्

kācitkundenduvarṇābhā nīlaratnavibhūṣitā | śirasā prāñjalirbhūtvā vijñāpayati pāvakam

one, hued like jasmine and the moon, adorned with blue gems, her hands joined above her head, entreats the fire,

Verse 55 (skanda.5.183.55)

कस्याश्चिज्ज्वलते वस्त्रं केशाः कस्याश्च भारत । ज्वलज्ज्वलनसङ्काशैर्हेमभाण्डैस्त्रसंहित च

kasyāścijjvalate vastraṁ keśāḥ kasyāśca bhārata | jvalajjvalanasaṅkāśairhemabhāṇḍaistrasaṁhita ca

O Bharata, one woman's garment burned, another's hair; the scene, filled with golden vessels gleaming like flaming fire, was steeped in terror,

Verse 56 (skanda.5.183.56)

काचित्प्रभूतदुःखार्ता विललाप वराङ्गना । भस्मीभूतं पतिं दृष्ट्वा क्रन्दन्ती कुररी यथा

kācitprabhūtaduḥkhārtā vilalāpa varāṅganā | bhasmībhūtaṁ patiṁ dṛṣṭvā krandantī kurarī yathā

one lovely woman, stricken with deep sorrow, seeing her husband reduced to ashes, wailed, weeping like a curlew,

Verse 57 (skanda.5.183.57)

आलिङ्ग्य गाढं सहसा पतिता तस्य मूर्धनि । काचिच्च बहुदुःखार्ता व्यलपत्स्त्री स्ववेश्मनि

āliṅgya gāḍhaṁ sahasā patitā tasya mūrdhani | kācicca bahuduḥkhārtā vyalapatstrī svaveśmani

and, embracing him tightly, suddenly fell upon his head; and another woman, greatly afflicted, lamented in her own house,

Verse 58 (skanda.5.183.58)

भस्मसाच्च कृतं दृष्ट्वा क्रन्दते कुररी यथा । मातरं पितरं काचिद्दृष्ट्वा विगतचेतनम्

bhasmasācca kṛtaṁ dṛṣṭvā krandate kurarī yathā | mātaraṁ pitaraṁ kāciddṛṣṭvā vigatacetanam

weeping like a curlew as she saw her house turned to ashes; another, seeing her mother or father lifeless,

Verse 59 (skanda.5.183.59)

वेपते पतिता भूमौ खेदिता वडवा यथा । इतश्चेतश्च काचिच्च दह्यमाना वराङ्गना

vepate patitā bhūmau kheditā vaḍavā yathā | itaścetaśca kācicca dahyamānā varāṅganā

trembled and fell to the ground like an exhausted mare; here and there, a lovely woman, burning,

Verse 60 (skanda.5.183.60)

नापश्यद्बालमुत्सङ्गे विपरीतमुखी स्थिता । कुम्भिलस्य गृहं दग्धं पतितं धरणीतले

nāpaśyadbālamutsaṅge viparītamukhī sthitā | kumbhilasya gṛhaṁ dagdhaṁ patitaṁ dharaṇītale

unable to find her child in her lap, stood with face turned away in distress; the house of the demon Kumbhila, burnt, fell to the ground,

Verse 61 (skanda.5.183.61)

कूष्माण्डस्य च धूम्रस्य कुहकस्य बकस्य च । विरूपनयनस्यापि विरूपाक्षस्य चैव हि

kūṣmāṇḍasya ca dhūmrasya kuhakasya bakasya ca | virūpanayanasyāpi virūpākṣasya caiva hi

and likewise the houses of Kushmanda, Dhumra, Kuhaka, Baka, Virupanayana, and Virupaksha,

Verse 62 (skanda.5.183.62)

शुम्भो डिम्भश्च रौद्रश्च प्रह्लादश्चासुरोत्तमः । दण्डपाणिर्विपाणिश्च सिंहवक्त्रस्तथानघ

śumbho ḍimbhaśca raudraśca prahlādaścāsurottamaḥ | daṇḍapāṇirvipāṇiśca siṁhavaktrastathānagha

of Shumbha, Dimbha, and Raudra, of Prahlada that foremost demon, and, O sinless one, of Dandapani, Vipani, and Simhavaktra likewise,

Verse 63 (skanda.5.183.63)

दुन्दुभश्चैव संह्रादो डिण्डिर्मुण्डिस्तथैव च । बाणभ्राता च बाणश्च क्रव्यादव्याघ्रवक्त्रकौ

dundubhaścaiva saṁhrādo ḍiṇḍirmuṇḍistathaiva ca | bāṇabhrātā ca bāṇaśca kravyādavyāghravaktrakau

of Dundubha, Samhrada, Dindi and Mundi, of Bana's brother and Bana himself, and of Kravyada and Vyaghravaktra —

Verse 64 (skanda.5.183.64)

एवमन्येऽपि ये केचिद्दानवा बलदर्पिताः । तेषां गृहे तथा वह्निर्ज्वलते निर्दयो नृप । दह्यमानाः स्त्रियस्तात विलपन्ति गृहे गृहे

evamanye'pi ye keciddānavā baladarpitāḥ | teṣāṁ gṛhe tathā vahnirjvalate nirdayo nṛpa | dahyamānāḥ striyastāta vilapanti gṛhe gṛhe

O king, thus in the houses of all the other demons proud of their strength too, that merciless fire blazed; O son, the burning women wailed in house after house,

Verse 65 (skanda.5.183.65)

करुणाक्षरवादिन्यो निराधारा गताः शिवम् । यदि वैरं सुरारेश्च पुरुषोपरिपावक

karuṇākṣaravādinyo nirādhārā gatāḥ śivam | yadi vairaṁ surāreśca puruṣoparipāvaka

crying out piteous words, helpless, they cried out toward Shiva — 'If your enmity is with the foe of the gods, O fire raging upon men,'

Verse 66 (skanda.5.183.66)

स्त्रियः किमपराध्यन्ति गृहपञ्जरकोकिलाः । अनिर्दयो नृशंसस्त्वं कस्ते कोपः स्त्रियं प्रति

striyaḥ kimaparādhyanti gṛhapañjarakokilāḥ | anirdayo nṛśaṁsastvaṁ kaste kopaḥ striyaṁ prati

'then what offense have women committed, we who are like cuckoos caged in the household? You are so merciless and cruel — why this anger of yours against women?'

Verse 67 (skanda.5.183.67)

किं त्वया न श्रुतं लोके अवध्याः सर्वथा स्त्रियः । किं तु तुभ्यं गुणो ह्यस्ति दहने पवनेरितः

kiṁ tvayā na śrutaṁ loke avadhyāḥ sarvathā striyaḥ | kiṁ tu tubhyaṁ guṇo hyasti dahane pavaneritaḥ

'Have you not heard it said in the world that women are never to be slain? Driven by the wind to burn us, what virtue do you gain?'

Verse 68 (skanda.5.183.68)

न कारुण्यं त्वया किंचिद्दाक्षिण्यं च स्त्रियं प्रति । दयां म्लेच्छा हि कुर्वन्ति वचनं वीक्ष्य योषिताम्

na kāruṇyaṁ tvayā kiṁciddākṣiṇyaṁ ca striyaṁ prati | dayāṁ mlecchā hi kurvanti vacanaṁ vīkṣya yoṣitām

'You show no compassion or courtesy toward women at all; even barbarians show mercy, heeding women's words.'

Verse 69 (skanda.5.183.69)

म्लेच्छानामपि च म्लेच्छो दुर्निवार्यो ह्यचेतनः । एवं विलपमानानां स्त्रीणां तत्रैव भारत

mlecchānāmapi ca mleccho durnivāryo hyacetanaḥ | evaṁ vilapamānānāṁ strīṇāṁ tatraiva bhārata

'You are a barbarian even among barbarians, irresistible and unfeeling!' O Bharata, while the women thus lamented there,

Verse 70 (skanda.5.183.70)

ज्वालाकलापबहुलः प्रज्वलत्येव पावकः । एवं दृष्ट्वा ततो बाणो दह्यमान उवाच ह

jvālākalāpabahulaḥ prajvalatyeva pāvakaḥ | evaṁ dṛṣṭvā tato bāṇo dahyamāna uvāca ha

the fire, thick with masses of flame, blazed on unabated. Seeing this, Bana, himself burning, spoke —

Verse 71 (skanda.5.183.71)

अवज्ञाय विनष्टोऽहं पापात्मा हरमञ्जसा । मया पापेन मूर्खेण ये लोका नाशिता ध्रुवम्

avajñāya vinaṣṭo'haṁ pāpātmā haramañjasā | mayā pāpena mūrkheṇa ye lokā nāśitā dhruvam

'Having scorned Hara, I, sinful of soul, have truly been swiftly ruined. By me, sinful and foolish, worlds have surely been destroyed —'

Verse 72 (skanda.5.183.72)

गोब्राह्मणा हता नित्यमिह लोके परत्र च । नाशितान्यन्नपानानि मठारामाश्रमास्तथा

gobrāhmaṇā hatā nityamiha loke paratra ca | nāśitānyannapānāni maṭhārāmāśramāstathā

'— cows and brahmins have been slain forever, in this world and the next; food and drink have been destroyed, and monasteries, gardens, and hermitages too;'

Verse 73 (skanda.5.183.73)

ऋषीणामाश्रमाश्चैव देवारामा गणालयाः । तेन पापेन मे ध्वंसस्तपसश्च बलस्य च

ṛṣīṇāmāśramāścaiva devārāmā gaṇālayāḥ | tena pāpena me dhvaṁsastapasaśca balasya ca

'the hermitages of sages, the divine groves, the dwellings of the ganas — by that sin has come the ruin of my austerity and my strength.'

Verse 74 (skanda.5.183.74)

किं धनेन करिष्यामि राज्येणान्तःपुरेण च

kiṁ dhanena kariṣyāmi rājyeṇāntaḥpureṇa ca

'What shall I do with wealth, with kingdom, with the inner apartments?'

Verse 75 (skanda.5.183.75)

वरं शङ्करपादौ च शरणं यामि मूढधीः । न माता न पिता चैव न बन्धुर्नापरो जनः

varaṁ śaṅkarapādau ca śaraṇaṁ yāmi mūḍhadhīḥ | na mātā na pitā caiva na bandhurnāparo janaḥ

'Better that I, deluded of mind, take refuge at Shankara's feet. Neither mother, nor father, nor kinsman, nor any other person —'

Verse 76 (skanda.5.183.76)

मुक्त्वा चैव महेशानं परमार्तिहरं परम् । आत्मना च कृतं पापमात्मनैव तु भुज्यते

muktvā caiva maheśānaṁ paramārtiharaṁ param | ātmanā ca kṛtaṁ pāpamātmanaiva tu bhujyate

'— save Maheshana alone, supreme remover of affliction, can help; for sin done by oneself is borne by oneself alone.'

Verse 77 (skanda.5.183.77)

अहं पुनः समस्तैश्च दह्यामि सह साधुभिः । एवमुक्त्वा शिवं लिङ्गं कृत्वा तन्मस्तकोपरि

ahaṁ punaḥ samastaiśca dahyāmi saha sādhubhiḥ | evamuktvā śivaṁ liṅgaṁ kṛtvā tanmastakopari

'Let me burn together with all these good people.' Having said this, he formed a Shiva-linga and placed it upon his head,

Verse 78 (skanda.5.183.78)

निर्जगाम गृहाच्छीघ्रं पावकेनावगुण्ठितः । स खिन्नः स्विन्नगात्रस्तु प्रस्खलंस्तु मुहुर्मुहुः

nirjagāma gṛhācchīghraṁ pāvakenāvaguṇṭhitaḥ | sa khinnaḥ svinnagātrastu praskhalaṁstu muhurmuhuḥ

and, enveloped by fire, hurried out of his house; weary, his limbs drenched with sweat, stumbling again and again,

Verse 79 (skanda.5.183.79)

हरं गद्गदया वाचा स्तुवन्वै शरणं ययौ । त्वत्कोपानलनिर्दग्धो यदि वध्योऽस्मि शङ्कर

haraṁ gadgadayā vācā stuvanvai śaraṇaṁ yayau | tvatkopānalanirdagdho yadi vadhyo'smi śaṅkara

praising Hara with a choked voice, he went for refuge — 'O Shankara, if I am to be slain, burnt by the fire of your wrath,'

Verse 80 (skanda.5.183.80)

त्वत्प्रसादान्महादेव मा मे लिङ्गं प्रणश्यतु । अर्चितं मे सुरश्रेष्ठ ध्यातं भक्त्या मया विभो

tvatprasādānmahādeva mā me liṅgaṁ praṇaśyatu | arcitaṁ me suraśreṣṭha dhyātaṁ bhaktyā mayā vibho

'then, O Mahadeva, by your grace let not my linga be destroyed. O best of gods, O mighty one, I have worshipped it, meditated on it with devotion.'

Verse 81 (skanda.5.183.81)

प्राणादिष्टतमं देव तस्माद्रक्षितुमर्हसि । यदि तेऽहमनुग्राह्यो वध्यो वा सुरसत्तम

prāṇādiṣṭatamaṁ deva tasmādrakṣitumarhasi | yadi te'hamanugrāhyo vadhyo vā surasattama

'It is dearer to me than my own life, O god; therefore you should protect it. Whether I deserve your grace or death, O best of gods,'

Verse 82 (skanda.5.183.82)

प्रतिजन्म महादेव त्वद्भक्तिरचलास्तु मे । पशुकीटपतङ्गेषु तिर्यग्योनिगतेषु च । स्वकर्मणा महादेव त्वद्भक्तिरचलास्तु मे

pratijanma mahādeva tvadbhaktiracalāstu me | paśukīṭapataṅgeṣu tiryagyonigateṣu ca | svakarmaṇā mahādeva tvadbhaktiracalāstu me

'O Mahadeva, in every birth may my devotion to you remain unshaken. Even among beasts, worms, and insects, in animal wombs, by my own deeds, O Mahadeva, may my devotion to you stay unshaken.'

Verse 83 (skanda.5.183.83)

एवमुक्त्वा महाभागो बाणो भक्तिमतां वरः । स्तोत्रेण देवदेवेशं छन्दयामास भारत

evamuktvā mahābhāgo bāṇo bhaktimatāṁ varaḥ | stotreṇa devadeveśaṁ chandayāmāsa bhārata

O Bharata, having said this, the illustrious Bana, foremost of devotees, sought to propitiate the lord of the gods of gods with a hymn —

Verse 84 (skanda.5.183.84)

बाण उवाच। शिव शङ्कर सर्वहराय नमो भवभीतभयार्तिहराय नमः । कुसुमायुधदेहविनाशंकर प्रमदाप्रियकामक देव नमः

bāṇa uvāca| śiva śaṅkara sarvaharāya namo bhavabhītabhayārtiharāya namaḥ | kusumāyudhadehavināśaṁkara pramadāpriyakāmaka deva namaḥ

Bana said: 'O Shiva, Shankara, taker of all — salutation! Salutation to the remover of the fear and pain of those terrified of worldly existence! O destroyer of the flower-armed one's body, god beloved in love's delight — salutation!'

Verse 85 (skanda.5.183.85)

जय पार्वतीश परमार्थसार जय विरचितभीमभुजङ्गहार । जय निर्मलभस्मविलिप्तगात्र जय मन्त्रमूल जगदेकपात्र

jaya pārvatīśa paramārthasāra jaya viracitabhīmabhujaṅgahāra | jaya nirmalabhasmaviliptagātra jaya mantramūla jagadekapātra

'Victory, O lord of Parvati, essence of supreme truth! Victory, O wearer of a terrible garland of serpents! Victory, O one whose limbs are smeared with pure ash! Victory, O root of all mantras, sole vessel of the universe!'

Verse 86 (skanda.5.183.86)

जय विषधरकपिलजटाकलाप जय भैरवविघृतपिनाकचाप । जय विषमनयनपरिमुक्तसङ्ग जय शङ्कर धृतगाङ्गतरङ्ग

jaya viṣadharakapilajaṭākalāpa jaya bhairavavighṛtapinākacāpa | jaya viṣamanayanaparimuktasaṅga jaya śaṅkara dhṛtagāṅgataraṅga

'Victory, O one whose tawny matted locks bear a venomous serpent! Victory, O bearer of the terrible Pinaka bow! Victory, O one free of attachment through the third eye! Victory, O Shankara, bearer of the Ganga's waves!'

Verse 87 (skanda.5.183.87)

जय भीमरूप खट्वाङ्गहस्त शशिशेखर जय जगतां प्रशस्त । जय सुखरेश सुरलोकसार जय सर्वसकलनिर्दग्धसार

jaya bhīmarūpa khaṭvāṅgahasta śaśiśekhara jaya jagatāṁ praśasta | jaya sukhareśa suralokasāra jaya sarvasakalanirdagdhasāra

'Victory, O terrible-formed one, skull-staff in hand, crescent-crowned! Victory, praised by all worlds! Victory, lord of happiness, essence of the world of gods! Victory, essence unconsumed though all else burn!'

Verse 88 (skanda.5.183.88)

जय कीर्तनीय जगतां पवित्र जय वृषाङ्क बहुविधचरित्र । जय विरचितनरकङ्कालमाल अघासुरदेहकङ्कालकाल

jaya kīrtanīya jagatāṁ pavitra jaya vṛṣāṅka bahuvidhacaritra | jaya viracitanarakaṅkālamāla aghāsuradehakaṅkālakāla

'Victory, O one worthy of praise, purifier of the worlds! Victory, O bull-emblemed, of manifold deeds! Victory, O wearer of a garland of human skulls, death to the body of the sinful demon!'

Verse 89 (skanda.5.183.89)

जय नीलकंठ वरवृषभगमन जय सकललोकदुरितानुशमन । जय सिद्धसुरासुरविनतचरण जय रुद्र रौद्रभवजलधितरण

jaya nīlakaṁṭha varavṛṣabhagamana jaya sakalalokaduritānuśamana | jaya siddhasurāsuravinatacaraṇa jaya rudra raudrabhavajaladhitaraṇa

'Victory, O blue-throated one, riding the excellent bull! Victory, O pacifier of the woes of all worlds! Victory, O whose feet are bowed to by Siddhas, gods, and demons! Victory, O Rudra, ferry across the terrible ocean of worldly existence!'

Verse 90 (skanda.5.183.90)

जय गिरिश सुरेश्वरमाननीय जय सूक्ष्मरूप संचितनीय । जय दग्धत्रिपुर विश्वसत्त्व जय सकलशास्त्रपरमार्थतत्त्व

jaya giriśa sureśvaramānanīya jaya sūkṣmarūpa saṁcitanīya | jaya dagdhatripura viśvasattva jaya sakalaśāstraparamārthatattva

'Victory, O lord of the mountain, honored by the lord of gods! Victory, O subtle form, worthy of contemplation! Victory, O burner of Tripura, essence of the universe! Victory, O supreme truth of all the scriptures!'

Verse 91 (skanda.5.183.91)

जय दुरवबोध संसारतार कलिकलुषमहार्णवघोरतार । जय सुरासुरदेवगणेश नमो हयवानरसिंहगजेन्द्रमुख

jaya duravabodha saṁsāratāra kalikaluṣamahārṇavaghoratāra | jaya surāsuradevagaṇeśa namo hayavānarasiṁhagajendramukha

'Victory, O one hard to comprehend, ferry across samsara, terrible crossing over the impure great ocean of Kali! Victory, O lord of the hosts of gods and demons! Salutation, O one with the faces of horse, monkey, lion, and elephant!'

Verse 92 (skanda.5.183.92)

अतिह्रस्वस्थूलसुदीर्घतम उपलब्धिर्न शक्यते ते ह्यमरैः । प्रणतोऽस्मि निरञ्जन ते चरणौ जय साम्ब सुलोचनकान्तिहर

atihrasvasthūlasudīrghatama upalabdhirna śakyate te hyamaraiḥ | praṇato'smi nirañjana te caraṇau jaya sāmba sulocanakāntihara

'Your form, whether exceedingly minute, massive, or vast, cannot be grasped even by the immortals. I bow to your feet, O stainless one. Victory, O Samba, ravisher of beautiful eyes!'

Verse 93 (skanda.5.183.93)

अप्राप्य त्वां किमत्यन्तमुच्छ्रयी न विनाशयेत् । अतिप्रमाथि च तदा तपो महत्सुदारुणम्

aprāpya tvāṁ kimatyantamucchrayī na vināśayet | atipramāthi ca tadā tapo mahatsudāruṇam

'Without attaining you, would not extreme pride destroy a man? And then even the most severe austerity becomes deeply disturbing.'

Verse 94 (skanda.5.183.94)

न पुत्रबान्धवा दारा न समस्तः सुहृज्जनः । सङ्कटेऽभ्युपगच्छन्ति व्रजन्तमेकगामिनम्

na putrabāndhavā dārā na samastaḥ suhṛjjanaḥ | saṅkaṭe'bhyupagacchanti vrajantamekagāminam

'Neither son, kinsman, wife, nor any friend accompanies one who goes alone in distress, on his solitary journey.'

Verse 95 (skanda.5.183.95)

यदेव कर्म कैवल्यं कृतं तेन शुभाशुभम् । तदेव सार्थवत्तस्य भवत्यग्रे तु गच्छतः

yadeva karma kaivalyaṁ kṛtaṁ tena śubhāśubham | tadeva sārthavattasya bhavatyagre tu gacchataḥ

'Whatever good or bad deed one has done alone, that alone becomes meaningful for one going onward.'

Verse 96 (skanda.5.183.96)

निर्धनस्यैव चरतो न भयं विद्यते क्वचित् । धनीभयैर्न मुच्येत धनं तस्मात्त्यजाम्यहम्

nirdhanasyaiva carato na bhayaṁ vidyate kvacit | dhanībhayairna mucyeta dhanaṁ tasmāttyajāmyaham

'One who is poor and wanders has no fear anywhere; the wealthy man is never free of fear — therefore I renounce wealth.'

Verse 97 (skanda.5.183.97)

लुब्धाः पापानि कुर्वन्ति शुद्धांशा नैव मानवाः । श्रुत्वा धर्मस्य सर्वस्वं श्रुत्वा चैवावधार्य तत्

lubdhāḥ pāpāni kurvanti śuddhāṁśā naiva mānavāḥ | śrutvā dharmasya sarvasvaṁ śrutvā caivāvadhārya tat

'The greedy commit sins; men of pure disposition never do. Having heard the whole essence of dharma and duly understood it —'

Verse 98 (skanda.5.183.98)

त्वं विष्णुस्त्वं जगन्नाथो ब्रह्मरूपः सनातनः । इन्द्रस्त्वं देवदेवेश सुरनाथ नमोऽस्तु ते

tvaṁ viṣṇustvaṁ jagannātho brahmarūpaḥ sanātanaḥ | indrastvaṁ devadeveśa suranātha namo'stu te

'— you are Vishnu, you the lord of the world, the eternal form of Brahma; you are Indra, O lord of the gods of gods, lord of the gods, salutation to you.'

Verse 99 (skanda.5.183.99)

त्वं क्षितिर्वरुणश्चैव पवनस्त्वं हुताशनः । त्वं दीक्षा यजमानश्च आकाशं सोम एव च

tvaṁ kṣitirvaruṇaścaiva pavanastvaṁ hutāśanaḥ | tvaṁ dīkṣā yajamānaśca ākāśaṁ soma eva ca

'You are the earth, Varuna, the wind, and Agni; you are the initiation and the sacrificer; the sky, and Soma too.'

Verse 100 (skanda.5.183.100)

त्वं सूर्यस्त्वं तु वित्तेशो यमस्त्वं गुरुरेव च । त्वया व्याप्तं जगत्सर्वं त्रैलोक्यं भास्वता यथा

tvaṁ sūryastvaṁ tu vitteśo yamastvaṁ gurureva ca | tvayā vyāptaṁ jagatsarvaṁ trailokyaṁ bhāsvatā yathā

'You are the sun, the lord of wealth, Yama, and the guru. As this world is pervaded by the radiant sun, so is this entire world, all three worlds, pervaded by you.'

Verse 101 (skanda.5.183.101)

एतद्बाणकृतं स्तोत्रं श्रुत्वा देवो महेश्वरः । क्रोधं मुक्त्वा प्रसन्नात्मा तदा वचनमब्रवीत्

etadbāṇakṛtaṁ stotraṁ śrutvā devo maheśvaraḥ | krodhaṁ muktvā prasannātmā tadā vacanamabravīt

Hearing this hymn composed by Bana, the god Maheshvara, releasing his wrath and pleased at heart, then spoke these words —

Verse 102 (skanda.5.183.102)

ईश्वर उवाच। न भेतव्यं न भेतव्यमद्यप्रभृति दानव । सौवर्णे भवने तिष्ठ मम पार्श्वेऽथवा पुनः

īśvara uvāca| na bhetavyaṁ na bhetavyamadyaprabhṛti dānava | sauvarṇe bhavane tiṣṭha mama pārśve'thavā punaḥ

Ishvara said: 'Do not fear, O demon, do not fear, from this day. Dwell in your golden mansion, or, alternatively, by my side,'

Verse 103 (skanda.5.183.103)

पुत्रपौत्रप्रपौत्रैश्च बान्धवैः सह भार्यया । अद्यप्रभृति वत्स त्वमवध्यः सर्वशत्रुषु

putrapautraprapautraiśca bāndhavaiḥ saha bhāryayā | adyaprabhṛti vatsa tvamavadhyaḥ sarvaśatruṣu

'together with your sons, grandsons, great-grandsons, kinsmen, and wife. My child, from today you are unslayable by any enemy.'

Verse 104 (skanda.5.183.104)

मार्कण्डेय उवाच। भूयस्तस्य वरो दत्तो देवदेवेन भारत । स्वर्गे मर्त्ये च पाताले पूजितः ससुरासुरैः

mārkaṇḍeya uvāca| bhūyastasya varo datto devadevena bhārata | svarge martye ca pātāle pūjitaḥ sasurāsuraiḥ

Markandeya said: O Bharata, a further boon was granted him by the god of gods: honored by gods and demons in heaven, on earth, and in Patala,

Verse 105 (skanda.5.183.105)

अक्षयश्चाव्ययश्चैव वस त्वं वै यथासुखम् । ततो निवारयामास रुद्रः सप्तशिखं तदा

akṣayaścāvyayaścaiva vasa tvaṁ vai yathāsukham | tato nivārayāmāsa rudraḥ saptaśikhaṁ tadā

'dwell in comfort, imperishable and unfailing.' Thereupon Rudra restrained that seven-flamed fire,

Verse 106 (skanda.5.183.106)

तृतीयं रक्षितं तस्य पुरं देवेन शम्भुना । ज्वालामालाकुलं चान्यत्पतितं धरणीतले

tṛtīyaṁ rakṣitaṁ tasya puraṁ devena śambhunā | jvālāmālākulaṁ cānyatpatitaṁ dharaṇītale

and his third city was preserved by the god Shambhu; the other two, wrapped in garlands of flame, fell to the ground.

Verse 107 (skanda.5.183.107)

अर्धेन प्रस्थितादूर्ध्वं तस्य ज्वाला दिवं गताः । हाहाकारो महांस्तत्र ऋषिसङ्घैरुदीरितः

ardhena prasthitādūrdhvaṁ tasya jvālā divaṁ gatāḥ | hāhākāro mahāṁstatra ṛṣisaṅghairudīritaḥ

Half of it rose upward and its flames reached the sky; a great cry of woe was raised there by the hosts of sages,

Verse 108 (skanda.5.183.108)

दैवतैश्च महाभागैः सिद्धविद्याधरादिभिः । एकं तु पतितं तत्र श्रीशैले खण्डमुत्तरम्

daivataiśca mahābhāgaiḥ siddhavidyādharādibhiḥ | ekaṁ tu patitaṁ tatra śrīśaile khaṇḍamuttaram

and by the illustrious gods, Siddhas, Vidyadharas, and others. One piece fell upon Shrishaila — that was the northern portion;

Verse 109 (skanda.5.183.109)

द्वितीयं पतितं राजञ्छैले ह्यमरकण्टके । प्रज्वलत्पतितं तत्र तेन ज्वालेश्वरं स्मृतम्

dvitīyaṁ patitaṁ rājañchaile hyamarakaṇṭake | prajvalatpatitaṁ tatra tena jvāleśvaraṁ smṛtam

O king, the second piece fell upon the mountain Amarakantaka, falling there still ablaze; therefore it came to be known as Jvaleshvara.

Verse 110 (skanda.5.183.110)

दग्धे तु त्रिपुरे राजन्पतिते खण्ड उत्तमे । रुद्रो देवः स्थितस्तत्र ज्वालामालानिवारकः

dagdhe tu tripure rājanpatite khaṇḍa uttame | rudro devaḥ sthitastatra jvālāmālānivārakaḥ

O king, when Tripura had burned and that excellent portion had fallen, the god Rudra took his stand there, calming the garlands of flame,

Verse 111 (skanda.5.183.111)

हाहाकारपराणां तु ऋषीणां रक्षणाय च । स्वयं मूर्तिर्महेशानुमावृषभसंयुतः

hāhākāraparāṇāṁ tu ṛṣīṇāṁ rakṣaṇāya ca | svayaṁ mūrtirmaheśānumāvṛṣabhasaṁyutaḥ

for the protection of the sages plunged in lamentation, his own form as Maheshana, together with Uma and the bull.

Verse 112 (skanda.5.183.112)

मनसापि स्मरेद्यस्तु भक्त्या ह्यमरकण्टकम् । चान्द्रायणाधिकं पुण्यं स लभेन्नात्र संशयः

manasāpi smaredyastu bhaktyā hyamarakaṇṭakam | cāndrāyaṇādhikaṁ puṇyaṁ sa labhennātra saṁśayaḥ

Whoever remembers Amarakantaka with devotion even merely in the mind obtains merit exceeding the Chandrayana fast — of this there is no doubt.

Verse 113 (skanda.5.183.113)

अतिपुण्यो गिरिश्रेष्ठो यस्माद्भरतसत्तम । अस्मान्नित्यं भवेद्राजन्सर्वपापक्षयंकरः

atipuṇyo giriśreṣṭho yasmādbharatasattama | asmānnityaṁ bhavedrājansarvapāpakṣayaṁkaraḥ

O best of the Bharatas, that best of mountains is exceedingly meritorious, since from it, O king, ever arises the destroyer of all sin.

Verse 114 (skanda.5.183.114)

नानाद्रुमलताकीर्णो नानापुष्पोपशोभितः । नानागुल्मलताकीर्णो नानावल्लीभिरावृतः

nānādrumalatākīrṇo nānāpuṣpopaśobhitaḥ | nānāgulmalatākīrṇo nānāvallībhirāvṛtaḥ

Covered with manifold trees and creepers, adorned with manifold flowers, thick with manifold shrubs and creepers, enveloped by manifold vines,

Verse 115 (skanda.5.183.115)

सिंहव्याघ्रसमाकीर्णो मृगयूथैरलंकृतः । श्वापदानां च घोषेण नित्यं प्रमुदितोऽभवत्

siṁhavyāghrasamākīrṇo mṛgayūthairalaṁkṛtaḥ | śvāpadānāṁ ca ghoṣeṇa nityaṁ pramudito'bhavat

thronged with lions and tigers, graced with herds of deer, it is ever delighted by the roars of wild beasts.

Verse 116 (skanda.5.183.116)

ब्रह्मेन्द्रविष्णुप्रमुखैर्ह्यमरैश्च सहस्रशः । सेव्यते देवदेवेशः शङ्करस्तत्र पर्वते

brahmendraviṣṇupramukhairhyamaraiśca sahasraśaḥ | sevyate devadeveśaḥ śaṅkarastatra parvate

There on the mountain, Shankara, lord of the gods of gods, is served by thousands of gods led by Brahma, Indra, and Vishnu.

Verse 117 (skanda.5.183.117)

पतनं कुरुते योऽस्मिन्पर्वतेऽमरकण्टके । क्रीडते क्रमशो राजन्भुवनानि चतुर्दश

patanaṁ kurute yo'sminparvate'marakaṇṭake | krīḍate kramaśo rājanbhuvanāni caturdaśa

Whoever gives up life on this mountain Amarakantaka, O king, sports in turn through the fourteen worlds —

Verse 118 (skanda.5.183.118)

ऐन्द्रं वाह्नं च कौबेरं वायव्यं याम्यमेव च । नैरृत्यं वारुणं चैव सौम्यं सौरं तथैव च

aindraṁ vāhnaṁ ca kauberaṁ vāyavyaṁ yāmyameva ca | nairṛtyaṁ vāruṇaṁ caiva saumyaṁ sauraṁ tathaiva ca

the world of Indra, of Agni, of Kubera, of Vayu, and of Yama; of Nairriti, of Varuna, and likewise of the Moon and the Sun,

Verse 119 (skanda.5.183.119)

ब्राह्मं च पदमक्लिष्टं वैष्णवं तदनन्तरम् । उमारुद्रं महाभाग ऐश्वरं तदनन्तरम्

brāhmaṁ ca padamakliṣṭaṁ vaiṣṇavaṁ tadanantaram | umārudraṁ mahābhāga aiśvaraṁ tadanantaram

the untroubled world of Brahma, and then Vishnu's world; O illustrious one, the world of Uma-Rudra, then Ishvara's world,

Verse 120 (skanda.5.183.120)

परं सदाशिवं शान्तं सूक्ष्मं ज्योतिरतीन्द्रियम् । तस्मिन्याति लयं धीरो विधिना नात्र संशयः

paraṁ sadāśivaṁ śāntaṁ sūkṣmaṁ jyotiratīndriyam | tasminyāti layaṁ dhīro vidhinā nātra saṁśayaḥ

and finally the supremely peaceful, subtle, supra-sensory light of Sadashiva — into that the wise man, by due procedure, attains dissolution; of this there is no doubt.

Verse 121 (skanda.5.183.121)

युधिष्ठिर उवाच। कोऽप्यत्र विधिरुद्दिष्टः पतने ऋषिसत्तम । एतन्मे सर्वमाचक्ष्व संशयोऽस्ति महामुने

yudhiṣṭhira uvāca| ko'pyatra vidhiruddiṣṭaḥ patane ṛṣisattama | etanme sarvamācakṣva saṁśayo'sti mahāmune

Yudhishthira said: O best of sages, is any procedure prescribed for this act of giving up life? Tell me all of this, O great sage — I am in doubt.

Verse 122 (skanda.5.183.122)

श्रीमार्कण्डेय उवाच। शृणुष्व कथयिष्यामि तं विधिं पाण्डुनन्दन । यत्कृत्वा प्रथमं कर्म निपतेत्तदनन्तरम्

śrīmārkaṇḍeya uvāca| śṛṇuṣva kathayiṣyāmi taṁ vidhiṁ pāṇḍunandana | yatkṛtvā prathamaṁ karma nipatettadanantaram

Sri Markandeya said: O son of Pandu, hear, I shall tell you that procedure — what preliminary rite must be performed before that final act.

Verse 123 (skanda.5.183.123)

कृत्वा कृच्छ्रत्रयं पूर्वं जप्त्वा लक्षं दशैव तु । शाकयावकभुक्चैव शुचिस्त्रिषवणो नृप

kṛtvā kṛcchratrayaṁ pūrvaṁ japtvā lakṣaṁ daśaiva tu | śākayāvakabhukcaiva śucistriṣavaṇo nṛpa

O king, having first performed three Krichchhra penances, recited the mantra a million times, subsisting on greens and barley-gruel, pure, bathing thrice daily,

Verse 124 (skanda.5.183.124)

त्रिकालमर्चयेदीशं देवदेवं त्रिलोचनम् । दशांशेन तु राजेन्द्र होमं तत्रैव कारयेत्

trikālamarcayedīśaṁ devadevaṁ trilocanam | daśāṁśena tu rājendra homaṁ tatraiva kārayet

one should worship the three-eyed lord, god of gods, three times a day. O king of kings, a tenth part of that count should be performed as fire-oblation there,

Verse 125 (skanda.5.183.125)

लक्षवारं जपेद्देवं गन्धमाल्यैश्च पूजयेत् । रात्रौ स्वप्ने तदा पश्येद्विमानस्थं ततः क्षिपेत्

lakṣavāraṁ japeddevaṁ gandhamālyaiśca pūjayet | rātrau svapne tadā paśyedvimānasthaṁ tataḥ kṣipet

the deity should be invoked a hundred thousand times, and worshipped with fragrance and garlands. Then, at night, in a dream, one should see oneself seated in a celestial chariot, and thereafter make the final act.

Verse 126 (skanda.5.183.126)

अनेनैव विधानेन आत्मानं यस्तु निक्षिपेत् । स्वर्गलोकमनुप्राप्य क्रीडते त्रिदशैः सह

anenaiva vidhānena ātmānaṁ yastu nikṣipet | svargalokamanuprāpya krīḍate tridaśaiḥ saha

Whoever gives up his life by this very procedure, attaining the heavenly world, sports together with the gods,

Verse 127 (skanda.5.183.127)

त्रिंशद्वर्षसहस्राणि त्रिंशत्कोट्यस्तथैव च । मुक्त्वा मनोरमान्भोगांस्तदा गच्छेन्महीतलम्

triṁśadvarṣasahasrāṇi triṁśatkoṭyastathaiva ca | muktvā manoramānbhogāṁstadā gacchenmahītalam

for thirty thousand years, and likewise thirty crore years; having enjoyed delightful pleasures, he then comes down to the earth,

Verse 128 (skanda.5.183.128)

पृथिवीमेकच्छत्रेण भुनक्ति लोकपूजितः । व्याधिशोकविनिर्मुक्तो जीवेच्च शरदां शतम्

pṛthivīmekacchatreṇa bhunakti lokapūjitaḥ | vyādhiśokavinirmukto jīvecca śaradāṁ śatam

where, honored by the world, he rules the earth under a single royal umbrella, and, free of disease and sorrow, lives a hundred autumns.

Verse 129 (skanda.5.183.129)

ज्वालेश्वरं तु तत्तीर्थं त्रिषु लोकेषु विश्रुतम् । तत्र ज्वाला नदी पार्थ प्रस्रुता शिवनिर्मिता

jvāleśvaraṁ tu tattīrthaṁ triṣu lokeṣu viśrutam | tatra jvālā nadī pārtha prasrutā śivanirmitā

That tirtha called Jvaleshvara is renowned in the three worlds; O son of Pritha, there the river Jvala, made by Shiva, flows forth,

Verse 130 (skanda.5.183.130)

निर्वाप्य तद्बाणपुरं रेवया सह संगता । तत्र स्नात्वा महाराज विधिना मन्त्रसंयुतः

nirvāpya tadbāṇapuraṁ revayā saha saṁgatā | tatra snātvā mahārāja vidhinā mantrasaṁyutaḥ

having quenched that city of Bana and joined the Reva. O great king, one who bathes there duly, together with mantras,

Verse 131 (skanda.5.183.131)

तिलसंमिश्रतोयेन तर्पयेत्पितृदेवताः । पिण्डदानेन च पितॄन् पौण्डरीकफलं लभेत्

tilasaṁmiśratoyena tarpayetpitṛdevatāḥ | piṇḍadānena ca pitṝn pauṇḍarīkaphalaṁ labhet

and offers libations to the ancestors and gods with sesame-mixed water, and satisfies the ancestors with rice-balls, obtains the fruit of the Paundarika sacrifice.

Verse 132 (skanda.5.183.132)

अनाशकं तु यः कुर्यात्तस्मिंस्तीर्थे नराधिप । मुच्यते सर्वपापेभ्यो रुद्रलोकं स गच्छति

anāśakaṁ tu yaḥ kuryāttasmiṁstīrthe narādhipa | mucyate sarvapāpebhyo rudralokaṁ sa gacchati

O lord of men, whoever fasts unto death at that tirtha, freed from all sins, goes to the world of Rudra.

Verse 133 (skanda.5.183.133)

अमराणां शतैश्चैव सेवितो ह्यमरेश्वरः । तथैव ऋषिसङ्घैश्च तेन पुण्यतमो महान्

amarāṇāṁ śataiścaiva sevito hyamareśvaraḥ | tathaiva ṛṣisaṅghaiśca tena puṇyatamo mahān

Amareshvara is served by hundreds of immortals and likewise by hosts of sages, and is therefore exceedingly and greatly meritorious.

Verse 134 (skanda.5.183.134)

समन्ताद्योजनं तीर्थं पुण्यं ह्यमरकण्टकम् । रुद्रकोटिसमोपेतं तेन तत्पुण्यमुत्तमम्

samantādyojanaṁ tīrthaṁ puṇyaṁ hyamarakaṇṭakam | rudrakoṭisamopetaṁ tena tatpuṇyamuttamam

This sacred tirtha of Amarakantaka extends a yojana on every side; being filled with crores of Rudras, it is supremely meritorious.

Verse 135 (skanda.5.183.135)

तस्य पर्वतराजस्य यः करोति प्रदक्षिणम् । प्रदक्षिणीकृता तेन पृथिवी नात्र संशयः

tasya parvatarājasya yaḥ karoti pradakṣiṇam | pradakṣiṇīkṛtā tena pṛthivī nātra saṁśayaḥ

Whoever circumambulates that king of mountains has thereby circumambulated the entire earth — of this there is no doubt.

Verse 136 (skanda.5.183.136)

वाचिकं मानसं चैव कायिकं त्रिविधं च यत् । नश्यते पातकं सर्वमित्येवं शङ्करोऽब्रवीत्

vācikaṁ mānasaṁ caiva kāyikaṁ trividhaṁ ca yat | naśyate pātakaṁ sarvamityevaṁ śaṅkaro'bravīt

Sin of speech, mind, and body — all three kinds — is destroyed. Thus spoke Shankara.

Verse 137 (skanda.5.183.137)

अमरेश्वरपार्श्वे च तीर्थं शक्रेश्वरं नृप । तपस्तप्त्वा पुरा तत्र शक्रेण स्थापितं किल

amareśvarapārśve ca tīrthaṁ śakreśvaraṁ nṛpa | tapastaptvā purā tatra śakreṇa sthāpitaṁ kila

O king, beside Amareshvara is the tirtha named Shakreshvara, established there, it is said, by Shakra after performing austerity long ago.

Verse 138 (skanda.5.183.138)

कुशावर्तं नाम तीर्थं ब्रह्मणा च कृतं शुभम् । ब्रह्मकुण्डमिति ख्यातं हंसतीर्थं तथा परम्

kuśāvartaṁ nāma tīrthaṁ brahmaṇā ca kṛtaṁ śubham | brahmakuṇḍamiti khyātaṁ haṁsatīrthaṁ tathā param

The tirtha named Kushavarta is an auspicious place made by Brahma; it is renowned as Brahmakunda, and there is also another, Hamsa Tirtha.

Verse 139 (skanda.5.183.139)

अम्बरीषस्य तीर्थं च महाकालेश्वरं तथा । कावेर्याः पूर्वभागे च तीर्थं वै मातृकेश्वरम्

ambarīṣasya tīrthaṁ ca mahākāleśvaraṁ tathā | kāveryāḥ pūrvabhāge ca tīrthaṁ vai mātṛkeśvaram

There is also the tirtha of Ambarisha, and Mahakaleshvara; and to the east of the Kaveri, the tirtha named Matrikeshvara.

Verse 140 (skanda.5.183.140)

एतानि दक्षिणे तीरे रेवाया भरतर्षभ । संसेवनस्नानदानैः पापसङ्घहराणि च

etāni dakṣiṇe tīre revāyā bharatarṣabha | saṁsevanasnānadānaiḥ pāpasaṅghaharāṇi ca

O bull of the Bharatas, all these lie on the southern bank of the Reva, removers of the mass of sin through veneration, bathing, and giving.

Verse 141 (skanda.5.183.141)

भृगुतुङ्गे महाराज प्रसिद्धो भैरवः शिवः । तस्य याम्यविभागे च तीर्थं वै चपलेश्वरम्

bhṛgutuṅge mahārāja prasiddho bhairavaḥ śivaḥ | tasya yāmyavibhāge ca tīrthaṁ vai capaleśvaram

O great king, on Mount Bhrigutunga the renowned Bhairava-Shiva is enshrined; to its south lies the tirtha named Chapaleshvara.

Verse 142 (skanda.5.183.142)

एतौ स्थितौ दुःखहरौ रेवाया उत्तरे तटे । तावभ्यर्च्य तथा नत्वा सम्यग्यात्राफलं भवेत् । अदृष्टपूजितौ तौ हि नराणां विघ्नकारकौ

etau sthitau duḥkhaharau revāyā uttare taṭe | tāvabhyarcya tathā natvā samyagyātrāphalaṁ bhavet | adṛṣṭapūjitau tau hi narāṇāṁ vighnakārakau

These two, removers of sorrow, stand on the northern bank of the Reva; only by duly worshipping and bowing to them is the full fruit of pilgrimage obtained — left unseen and unworshipped, these two become causes of obstacles for men.