The Glory of Harasiddhi

Verse 1 (skanda.5.19.1)

सनत्कुमार उवाच । अथातः संप्रवक्ष्यामि हरसिद्धिं सुसिद्धिदाम् । पार्वत्या हरणे यत्र सिद्धिः प्राप्ता हरेण च

sanatkumāra uvāca athātaḥ saṁpravakṣyāmi harasiddhiṁ susiddhidām pārvatyā haraṇe yatra siddhiḥ prāptā hareṇa ca

Sanatkumāra said: "Now I shall proclaim Harasiddhi, the bestower of perfect accomplishment — the place where, through Pārvatī's destroying of the demons, Hara himself obtained his triumph."

Verse 2 (skanda.5.19.2)

बलिनौ दानवौ जातौ नाम्ना चण्डप्रचंडकौ । उत्खाय त्रिदिवं सर्वं गिरिं कैलासमागतौ

balinau dānavau jātau nāmnā caṇḍapracaṁḍakau utkhāya tridivaṁ sarvaṁ giriṁ kailāsamāgatau

Two mighty dānavas were born, named Chaṇḍa and Prachaṇḍaka; having uprooted the whole triple heaven, they came to Mount Kailāsa.

Verse 3 (skanda.5.19.3)

दृष्ट्वा तत्र गिरीशं तु उद्यताक्षाक्षहस्तकम् । नागेशं शशिखट्वांगं गृहीत्वा दक्षिणे करे

dṛṣṭvā tatra girīśaṁ tu udyatākṣākṣahastakam nāgeśaṁ śaśikhaṭvāṁgaṁ gṛhītvā dakṣiṇe kare

There they beheld the Lord of the Mountain, his hand raised with a rosary, holding in his right hand the serpent-lord and the moon-crested skull-staff.

Verse 4 (skanda.5.19.4)

देविदेवीति जल्पंतं दासस्तेऽस्मीति वादिनम् । यावदेकं तु फलकं तावद्द्यूतं प्रवर्तताम्

devidevīti jalpaṁtaṁ dāsaste'smīti vādinam yāvadekaṁ tu phalakaṁ tāvaddyūtaṁ pravartatām

He was murmuring, "O Devī, O Devī," saying, "I am your servant," while a game of dice, lasting the space of a single throw, went on between them.

Verse 5 (skanda.5.19.5)

रागीभूते तदा देवे तौ प्राप्तौ देवकंटकौ । उत्सादिताः शिवगणा नंदिना प्रतिषेधितौ

rāgībhūte tadā deve tau prāptau devakaṁṭakau utsāditāḥ śivagaṇā naṁdinā pratiṣedhitau

While the god was thus engrossed in the game, those two thorns of the gods arrived; Shiva's attendants were routed, but the two were opposed by Nandin.

Verse 6 (skanda.5.19.6)

ततस्ताभ्यां तदा नंदी शूलाभ्यां प्रविदारितः । समं सव्यदक्षिणं वै सुस्राव रुधिरं बहु

tatastābhyāṁ tadā naṁdī śūlābhyāṁ pravidāritaḥ samaṁ savyadakṣiṇaṁ vai susrāva rudhiraṁ bahu

Then Nandin was pierced by the two of them with their tridents; blood flowed copiously and equally from both his left and right sides.

Verse 7 (skanda.5.19.7)

नंदिनं ताडितं दृष्ट्वा तदा शिलादनंदनम् । ध्याता हरेण सा देवी प्रणता साऽग्रतः स्थिता

naṁdinaṁ tāḍitaṁ dṛṣṭvā tadā śilādanaṁdanam dhyātā hareṇa sā devī praṇatā sā'grataḥ sthitā

Seeing Nandin, son of Śilāda, thus struck down, that Goddess — on whom Hara ever meditates — bowed low and stood forth before him.

Verse 8 (skanda.5.19.8)

वध्यतां तौ महादैत्यौ वधामीति वचोऽब्रवीत् । गृहीत्वा मुद्गरं घोरमतिक्रोधादताडयत्

vadhyatāṁ tau mahādaityau vadhāmīti vaco'bravīt gṛhītvā mudgaraṁ ghoramatikrodhādatāḍayat

"Let those two great daityas be slain — I myself shall slay them," so she spoke; and, seizing a terrible mace, in utmost fury she struck them down.

Verse 9 (skanda.5.19.9)

यदा तया हतौ दृष्टौ दानवौ बलगवितौ । हरस्तामाह हे चंडि संहृतौ दुष्टदानवौ

yadā tayā hatau dṛṣṭau dānavau balagavitau harastāmāha he caṁḍi saṁhṛtau duṣṭadānavau

When the two dānavas, proud of their strength, were seen slain by her, Hara said to her: "O Chaṇḍī, the two wicked dānavas are destroyed!"

Verse 10 (skanda.5.19.10)

हरसिद्धिरतो लोके नाम्ना ख्यातिं गमिष्यसि । ततः प्रभृति सा देवी हरसिद्धि प्रदायिनी । हरसिद्धिरिति ख्याता महाकाले बभूव ह

harasiddhirato loke nāmnā khyātiṁ gamiṣyasi tataḥ prabhṛti sā devī harasiddhi pradāyinī harasiddhiriti khyātā mahākāle babhūva ha

"Henceforth in the world you shall attain fame under the name Harasiddhi." From that time onward, that Goddess, the bestower of Hara's accomplishment, became renowned at Mahākāla by the name Harasiddhi.

Verse 11 (skanda.5.19.11)

यः पश्येत्परया भक्त्या हरसिद्धिं नरोत्तमः । सोऽक्षयाँल्लभते कामान्मृतः शिवपुरं व्रजेत्

yaḥ paśyetparayā bhaktyā harasiddhiṁ narottamaḥ so'kṣayā~llabhate kāmānmṛtaḥ śivapuraṁ vrajet

The best of men who beholds Harasiddhi with supreme devotion obtains inexhaustible desires, and after death goes to Śivapura.

Verse 12 (skanda.5.19.12)

आदिसिद्धिं महादेवीं नित्यां व्योमस्वरूपिणीम् । हरसिद्धिं प्रपश्येद्यः सोऽभीष्टं लभते फलम्

ādisiddhiṁ mahādevīṁ nityāṁ vyomasvarūpiṇīm harasiddhiṁ prapaśyedyaḥ so'bhīṣṭaṁ labhate phalam

He who beholds Harasiddhi, the primal Siddhi, the great Goddess, eternal, whose true nature is the sky itself, obtains the fruit he desires.

Verse 13 (skanda.5.19.13)

यः स्मरेद्धरसिद्धीति मंत्रं च चतुरक्षरम् । न वैरिणो भयं तस्य दारिद्र्यं नैव जायते

yaḥ smareddharasiddhīti maṁtraṁ ca caturakṣaram na vairiṇo bhayaṁ tasya dāridryaṁ naiva jāyate

He who recalls the four-syllabled mantra "Harasiddhi" has no fear of enemies, and poverty never befalls him.

Verse 14 (skanda.5.19.14)

नरो महानवम्यां यो हरसिद्धिं प्रपूजयेत् । महिषं च बलिं दद्यात्स भवेद्भूपतिर्भुवि

naro mahānavamyāṁ yo harasiddhiṁ prapūjayet mahiṣaṁ ca baliṁ dadyātsa bhavedbhūpatirbhuvi

The man who worships Harasiddhi on the great Navamī and offers a buffalo in sacrifice becomes a king on earth.

Verse 15 (skanda.5.19.15)

नवम्यां पूजिता देवी हरसिद्धिर्हरप्रिया । तुष्टा नृणां सदा व्यास ददात्यनवमं फलम्

navamyāṁ pūjitā devī harasiddhirharapriyā tuṣṭā nṛṇāṁ sadā vyāsa dadātyanavamaṁ phalam

O Vyāsa, the Goddess Harasiddhi, beloved of Hara, when worshipped on the Navamī, is ever pleased and grants men unfailing fruit.

Verse 16 (skanda.5.19.16)

सा पुण्या सा पवित्रा च सर्वत्र सुखदायिनी । स्मृता संपूजिता दृष्टा धनपुत्रसुखप्रदा

sā puṇyā sā pavitrā ca sarvatra sukhadāyinī smṛtā saṁpūjitā dṛṣṭā dhanaputrasukhapradā

She is holy, she is pure, everywhere a bestower of happiness; remembered, worshipped, or beheld, she grants wealth, sons, and happiness.

Verse 17 (skanda.5.19.17)

महानवम्यां ये व्यास हन्यंते महिषादयः । सर्वे ते स्वर्गतिं यांति घ्नतां पापं न विद्यते

mahānavamyāṁ ye vyāsa hanyaṁte mahiṣādayaḥ sarve te svargatiṁ yāṁti ghnatāṁ pāpaṁ na vidyate

O Vyāsa, whatever buffaloes and the like are slain on the great Navamī, all of them attain the path of heaven, and no sin accrues to those who slay them.