The Glory of the Sun-Tirtha at Pushkarini

Verse 1 (skanda.5.214.1)

श्रीमार्कण्डेय उवाच। ततः पुष्करिणीं गच्छेत्सर्वपापप्रणाशिनीम्। श्रुते यस्याः प्रभावे तु सर्वपापैः प्रमुच्यते॥

śrīmārkaṇḍeya uvāca| tataḥ puṣkariṇīṁ gacchetsarvapāpapraṇāśinīm| śrute yasyāḥ prabhāve tu sarvapāpaiḥ pramucyate||

Shri Markandeya said: "Thereafter one should go to Pushkarini, destroyer of all sin; hearing of whose power alone, a man is freed from all sins.

Verse 2 (skanda.5.214.2)

रेवाया उत्तरे कूले तीर्थं परमशोभनम्। यत्रास्ते सर्वदा देवो वेदमूर्तिर्दिवाकरः॥

revāyā uttare kūle tīrthaṁ paramaśobhanam| yatrāste sarvadā devo vedamūrtirdivākaraḥ||

On the northern bank of the Reva is a most beautiful tirtha, where the God Divakara, the embodiment of the Veda, dwells always.

Verse 3 (skanda.5.214.3)

कुरुक्षेत्रं यथा पुण्यं सार्वकामिकमुत्तमम्। इदं तीर्थं तथा पुण्यं सर्वकामफलप्रदम्॥

kurukṣetraṁ yathā puṇyaṁ sārvakāmikamuttamam| idaṁ tīrthaṁ tathā puṇyaṁ sarvakāmaphalapradam||

Just as Kurukshetra is sacred, supreme, fulfilling every desire, so too is this tirtha sacred, bestowing the fruit of every desire.

Verse 4 (skanda.5.214.4)

कुरुक्षेत्रे यथा वृद्धिर्दानस्य जगतीपते। पुष्करिण्यां तथा दानं वर्धते नात्र संशयः॥

kurukṣetre yathā vṛddhirdānasya jagatīpate| puṣkariṇyāṁ tathā dānaṁ vardhate nātra saṁśayaḥ||

O lord of the earth, just as a gift given at Kurukshetra is multiplied, so too is a gift multiplied at Pushkarini — there is no doubt of this.

Verse 5 (skanda.5.214.5)

यवमेकं तु यो दद्यात्सौवर्णं मस्तके नृप। पुष्करिण्यां तथा स्थानं यथा स्थानं नरे स्मृतम्॥

yavamekaṁ tu yo dadyātsauvarṇaṁ mastake nṛpa| puṣkariṇyāṁ tathā sthānaṁ yathā sthānaṁ nare smṛtam||

O king, whoever offers even a single grain of barley, gilded, upon the head, obtains at Pushkarini the same merit that is remembered elsewhere for a man's offering.

Verse 6 (skanda.5.214.6)

सूर्यग्रहे तु यः स्नात्वा दद्याद्दानं यथाविधि। हस्त्यश्वरथरत्नादि गृहं गाश्च युगंधरान्॥

sūryagrahe tu yaḥ snātvā dadyāddānaṁ yathāvidhi| hastyaśvaratharatnādi gṛhaṁ gāśca yugaṁdharān||

Whoever bathes at a solar eclipse and gives gifts according to rule — elephants, horses, chariots, jewels and the like, a house, cows, and a yoke of oxen,

Verse 7 (skanda.5.214.7)

सुवर्णं रजतं वापि ब्राह्मणेभ्यो ददाति यः। त्रयोदश दिनं यावत्त्रयोदशगुणं भवेत्॥

suvarṇaṁ rajataṁ vāpi brāhmaṇebhyo dadāti yaḥ| trayodaśa dinaṁ yāvattrayodaśaguṇaṁ bhavet||

or gold or silver, to brahmins — for thirteen days its merit becomes thirteenfold.

Verse 8 (skanda.5.214.8)

तिलमिश्रेण तोयेन तर्पयेत्पितृदेवताः। द्वादशाब्दे भवेत्प्रीतिस्तत्र तीर्थे महीपते॥

tilamiśreṇa toyena tarpayetpitṛdevatāḥ| dvādaśābde bhavetprītistatra tīrthe mahīpate||

Let him offer libation to the ancestor-gods with water mixed with sesame; O lord of the earth, satisfaction arises there for twelve years at that tirtha.

Verse 9 (skanda.5.214.9)

यस्तत्र कुरुते श्राद्धं पायसैर्मधुसर्पिषा। श्राद्धदो लभते स्वर्गं पितॄणां दत्तमक्षयम्॥

yastatra kurute śrāddhaṁ pāyasairmadhusarpiṣā| śrāddhado labhate svargaṁ pitḥṇāṁ dattamakṣayam||

Whoever performs the shraddha there with rice-pudding, honey and ghee — the giver of the shraddha obtains heaven; what is given to the ancestors becomes imperishable.

Verse 10 (skanda.5.214.10)

अक्षतैर्बदरैर्बिल्वैरिङ्गुदैर्वा तिलैः सह। अक्षयं फलमाप्नोति तस्मिंस्तीर्थे न संशयः॥

akṣatairbadarairbilvairiṅgudairvā tilaiḥ saha| akṣayaṁ phalamāpnoti tasmiṁstīrthe na saṁśayaḥ||

By offering unbroken rice, jujube fruit, bilva fruit, or ingudi fruit together with sesame, one obtains imperishable fruit at that tirtha — there is no doubt.

Verse 11 (skanda.5.214.11)

तत्र स्नात्वा तु यो देवं पूजयेच्च दिवाकरम्। आदित्यहृदयं जप्त्वा पुनरादित्यमर्चयेत्। स गच्छेत्परमं लोकं त्रिदशैरपि वन्दितम्॥

tatra snātvā tu yo devaṁ pūjayecca divākaram| ādityahṛdayaṁ japtvā punarādityamarcayet| sa gacchetparamaṁ lokaṁ tridaśairapi vanditam||

Whoever bathes there and worships the God Divakara, and, having recited the Adityahridaya, worships Aditya again, attains the supreme world, honoured even by the thirty gods.

Verse 12 (skanda.5.214.12)

ऋचमेकां जपेद्यस्तु यजुर्वा साम एव च। स समग्रस्य वेदस्य फलमाप्नोति वै नृप॥

ṛcamekāṁ japedyastu yajurvā sāma eva ca| sa samagrasya vedasya phalamāpnoti vai nṛpa||

O king, whoever recites even a single verse of the Rig, Yajur, or Sama Veda there obtains the fruit of the entire Veda.

Verse 13 (skanda.5.214.13)

यस्त्र्यक्षरं जपेन्मन्त्रं ध्यायमानो दिवाकरम्। आदित्यहृदयं जप्त्वा मुच्यते सर्वपातकैः॥

yastryakṣaraṁ japenmantraṁ dhyāyamāno divākaram| ādityahṛdayaṁ japtvā mucyate sarvapātakaiḥ||

Whoever, meditating upon Divakara, recites the three-syllabled mantra, and recites the Adityahridaya, is freed from all sins.

Verse 14 (skanda.5.214.14)

यस्तत्र विधिवत्प्राणांस्त्यजते नृपसत्तम। स गच्छेत्परमं स्थानं यत्र देवो दिवाकरः॥

yastatra vidhivatprāṇāṁstyajate nṛpasattama| sa gacchetparamaṁ sthānaṁ yatra devo divākaraḥ||

O best of kings, whoever duly gives up his life there attains that supreme abode where the God Divakara dwells."