The Greatness of Nandikeshvara

Verse 1 (skanda.5.249.1)

श्रीमार्कण्डेय उवाच - तस्यैवानन्तरं राजन्नन्दितीर्थं व्रजेच्छुभम्। सर्वपापहरं पुंसां नन्दिना निर्मितं पुरा

śrīmārkaṇḍeya uvāca - tasyaivānantaraṁ rājannanditīrthaṁ vrajecchubham| sarvapāpaharaṁ puṁsāṁ nandinā nirmitaṁ purā

Shri Markandeya said: "Right after that, O king, one should go to the auspicious Nandi-tirtha, remover of all sin for men, made long ago by Nandi."

Verse 2 (skanda.5.249.2)

पापौघहतजन्तूनां मोक्षदं नर्मदातटे। अहोरात्रोषितो भूत्वा नन्दिनाथे युधिष्ठिर

pāpaughahatajantūnāṁ mokṣadaṁ narmadātaṭe| ahorātroṣito bhūtvā nandināthe yudhiṣṭhira

It grants liberation to beings struck by floods of sin, on the bank of the Narmada. Having fasted a day and a night, O Yudhishthira, at the Lord of Nandi,

Verse 3 (skanda.5.249.3)

पञ्चोपचारपूजायामर्चयेन्नन्दिकेश्वरम्। रत्नानि चैव विप्रेभ्यो यो दद्याद्धर्मनन्दन

pañcopacārapūjāyāmarcayennandikeśvaram| ratnāni caiva viprebhyo yo dadyāddharmanandana

one should worship Nandikeshvara with the fivefold offering; and, O joy of Dharma, whoever gives jewels to brahmins,

Verse 4 (skanda.5.249.4)

स याति परमं स्थानं यत्र वासः पिनाकिनः। सर्वसौख्यसमायुक्तोऽप्सरोभिः सह मोदते

sa yāti paramaṁ sthānaṁ yatra vāsaḥ pinākinaḥ| sarvasaukhyasamāyukto'psarobhiḥ saha modate

goes to the supreme abode where Pinakin dwells; endowed with every happiness, he rejoices there together with the apsarases.