The Greatness of Kusumeshvara Tirtha

Verse 1 (skanda.5.305.1)

श्रीमार्कण्डेय उवाच। ततो गच्छेन्महाराज कुसुमेश्वरमुत्तमम् । दक्षिणे नर्मदाकूले उपपातकनाशनम् ॥

śrīmārkaṇḍeya uvāca| tato gacchenmahārāja kusumeśvaramuttamam | dakṣiṇe narmadākūle upapātakanāśanam ||

Shri Markandeya said: O great king, from there one should go to the supreme Kusumeshvara, on the southern bank of the Narmada, the destroyer of minor sins.

Verse 2 (skanda.5.305.2)

कामेन स्थापितो देवः कुसुमेश्वरसंज्ञितः । ख्यातः सर्वेषु लोकेषु देवदेवः सनातनः ॥

kāmena sthāpito devaḥ kusumeśvarasaṁjñitaḥ | khyātaḥ sarveṣu lokeṣu devadevaḥ sanātanaḥ ||

This god, installed by Kama (the god of desire), is known as Kusumeshvara; this eternal god of gods is renowned in all the worlds.

Verse 3 (skanda.5.305.3)

कामो मनोभवो विश्वः कुसुमायुधचापभृत् । स कामान् ददाति सर्वान् पूजितो मीनकेतनः ॥

kāmo manobhavo viśvaḥ kusumāyudhacāpabhṛt | sa kāmān dadāti sarvān pūjito mīnaketanaḥ ||

Kama — born of the mind, all-pervading, bearing the bow with its flower-arrows, banner marked with a fish — when worshipped, grants every desire.

Verse 4 (skanda.5.305.4)

तेन निर्दग्धकायेन चाराध्य परमेश्वरम् । अनङ्गेन तथा प्राप्तमङ्गित्वं नर्मदातटे ॥

tena nirdagdhakāyena cārādhya parameśvaram | anaṅgena tathā prāptamaṅgitvaṁ narmadātaṭe ||

He, his body having been burnt to ashes, though bodiless, worshipped the supreme Lord and thereby regained embodiment on the bank of the Narmada.

Verse 5 (skanda.5.305.5)

युधिष्ठिर उवाच। अङ्गिभृतस्य नाशत्वमनङ्गस्य तु मे वद । न श्रुतं न च मे दृष्टं भूतपूर्वं कदाचन ॥

yudhiṣṭhira uvāca| aṅgibhṛtasya nāśatvamanaṅgasya tu me vada | na śrutaṁ na ca me dṛṣṭaṁ bhūtapūrvaṁ kadācana ||

Yudhishthira said: Tell me of the destruction of the embodied one and his becoming bodiless; never before have I heard or witnessed such a thing.

Verse 6 (skanda.5.305.6)

एतत्सर्वं यथा वृत्तमाचक्ष्व द्विजसत्तम । श्रोतुमिच्छामि विप्रेन्द्र भीमार्जुनयमैः सह ॥

etatsarvaṁ yathā vṛttamācakṣva dvijasattama | śrotumicchāmi viprendra bhīmārjunayamaiḥ saha ||

O best of the twice-born, relate all of this exactly as it happened. O foremost of brahmins, I wish to hear it together with Bhima, Arjuna, and the twins.

Verse 7 (skanda.5.305.7)

श्रीमार्कण्डेय उवाच। आदौ कृतयुगे तात देवदेवो महेश्वरः । तपश्चचार विपुलं गङ्गासागरसंस्थितः ॥

śrīmārkaṇḍeya uvāca| ādau kṛtayuge tāta devadevo maheśvaraḥ | tapaścacāra vipulaṁ gaṅgāsāgarasaṁsthitaḥ ||

Shri Markandeya said: O son, at the beginning, in the Krita age, the god of gods, Maheshvara, stationed at the confluence of the Ganga and the sea, performed vast austerity.

Verse 8 (skanda.5.305.8)

तेन सम्पादिता लोकास्तपसा ससुरासुराः । जग्मुस्ते शरणं सर्वे देवदेवं शचीपतिम् ॥

tena sampāditā lokāstapasā sasurāsurāḥ | jagmuste śaraṇaṁ sarve devadevaṁ śacīpatim ||

By that austerity all the worlds, along with the gods and demons, were afflicted; then all of them went for refuge to the god of gods and to the lord of Shachi (Indra).

Verse 9 (skanda.5.305.9)

व्यापकः सर्वभूतानां देवदेवो महेश्वरः । संतापयति लोकांस्त्रींस्तन्निवारय गोपते ॥

vyāpakaḥ sarvabhūtānāṁ devadevo maheśvaraḥ | saṁtāpayati lokāṁstrīṁstannivāraya gopate ||

"The god of gods, Maheshvara, who pervades all beings, is scorching the three worlds; O protector, prevent this."

Verse 10 (skanda.5.305.10)

श्रुत्वा तद्वचनं तेषां देवानां बलवृत्रहा । चिन्तयामास मनसा तपोविघ्नायचादिशत् ॥

śrutvā tadvacanaṁ teṣāṁ devānāṁ balavṛtrahā | cintayāmāsa manasā tapovighnāyacādiśat ||

Hearing the gods' words, the slayer of Bala and Vritra pondered in his mind and gave orders to disturb that austerity.

Verse 11 (skanda.5.305.11)

अप्सरां मेनकां रम्भां घृताचीं च तिलोत्तमाम् । वसन्तं कोकिलं कामं दक्षिणानिलमुत्तमम् ॥

apsarāṁ menakāṁ rambhāṁ ghṛtācīṁ ca tilottamām | vasantaṁ kokilaṁ kāmaṁ dakṣiṇānilamuttamam ||

He addressed the celestial nymphs Menaka, Rambha, Ghritachi, and Tilottama, as well as Spring, the cuckoo, Kama, and the excellent southern breeze —

Verse 12 (skanda.5.305.12)

गत्वा तत्र महादेवं तपश्चरणतत्परम् । क्षोभयध्वं यथान्यायं गङ्गासागरवासिनम् ॥

gatvā tatra mahādevaṁ tapaścaraṇatatparam | kṣobhayadhvaṁ yathānyāyaṁ gaṅgāsāgaravāsinam ||

"Go there to Mahadeva, intent upon his austerity, dwelling at the confluence of the Ganga and the sea, and duly disturb him."

Verse 13 (skanda.5.305.13)

एवमुक्तास्तु ते सर्वे देवराजेन भारत । देवाप्सरःसमोपेता जग्मुस्ते हरसन्निधौ ॥

evamuktāstu te sarve devarājena bhārata | devāpsaraḥsamopetā jagmuste harasannidhau ||

O descendant of Bharata, thus commanded by the king of the gods, all of them, accompanied by gods and Apsaras, went into Hara's presence.

Verse 14 (skanda.5.305.14)

वसन्तमासे कुसुमाकराकुले मयूरदात्यूहसुकोकिलाकुले । प्रनृत्य देवाप्सरगीतसंकुले प्रवाति वाते यमनैरृताकुले ॥

vasantamāse kusumākarākule mayūradātyūhasukokilākule | pranṛtya devāpsaragītasaṁkule pravāti vāte yamanairṛtākule ||

In the season of spring, amid a wealth of blossoms, alive with the calls of peacocks, cuckoos, and the datyuha bird, filled with the dance and song of gods and Apsaras, with the breeze blowing from the southwest —

Verse 15 (skanda.5.305.15)

तेन संमूर्छिताः सर्वे संसर्गाच्च खगोत्तमाः । मधुमाधवगन्धेन सकिन्नरमहोरगाः ॥

tena saṁmūrchitāḥ sarve saṁsargācca khagottamāḥ | madhumādhavagandhena sakinnaramahoragāḥ ||

By contact with all this, and by the fragrance of the spring months, all the finest birds, along with the Kinnaras and great serpents, fell into a swoon.

Verse 16 (skanda.5.305.16)

यावदालोकते तावत्तद्वनं व्याकुलीकृतम् । वीक्षते मदनाविष्टं दशावस्थागतं जनम् ॥

yāvadālokate tāvattadvanaṁ vyākulīkṛtam | vīkṣate madanāviṣṭaṁ daśāvasthāgataṁ janam ||

As far as the eye could see, that forest was thrown into turmoil; people, overwhelmed by passion, were seen to pass through the ten stages of love.

Verse 17 (skanda.5.305.17)

देवदेवोऽपि देवानामवस्थात्रितयं गतः । सात्त्विकीं राजसीं राजंस्तामसीं तां शृणुष्व मे ॥

devadevo'pi devānāmavasthātritayaṁ gataḥ | sāttvikīṁ rājasīṁ rājaṁstāmasīṁ tāṁ śṛṇuṣva me ||

Even the god of gods passed through those three states — the sattvic, the rajasic, and the tamasic; O king, hear this from me.

Verse 18 (skanda.5.305.18)

एकं योगसमाधिना मुकुलितं चक्षुर्द्वितीयं पुनः पार्वत्या जघनस्थलस्तनतटे शृङ्गारभारालसम् । अन्यद्दूरनिरस्तचापमदनक्रोधानलोद्दीपितं शम्भोर्भिन्नरसं समाधिसमये नेत्रत्रयं पातु वः ॥

ekaṁ yogasamādhinā mukulitaṁ cakṣurdvitīyaṁ punaḥ pārvatyā jaghanasthalastanataṭe śṛṅgārabhārālasam | anyaddūranirastacāpamadanakrodhānaloddīpitaṁ śambhorbhinnarasaṁ samādhisamaye netratrayaṁ pātu vaḥ ||

One eye was closed in the trance of yoga; the second, gazing again upon Parvati's hips and the slope of her breasts, was languid with the weight of passion; the third blazed with the fire of wrath against Kama, whose bow had just been flung far away — may Shambhu's three eyes, each carrying a different mood in that moment of trance, protect you.

Verse 19 (skanda.5.305.19)

एवं दृष्टः स देवेन सशरः सशरासनः । भस्मीभूतो गतः कामो विनाशः सर्वदेहिनाम् ॥

evaṁ dṛṣṭaḥ sa devena saśaraḥ saśarāsanaḥ | bhasmībhūto gataḥ kāmo vināśaḥ sarvadehinām ||

Thus beheld by that god, Kama, together with his arrow and bow, was reduced to ashes and perished — bringing terror of destruction upon all embodied beings.

Verse 20 (skanda.5.305.20)

कामं दृष्ट्वा क्षयं यातं तत्र देवाप्सरोगणाः । भीता यथागतं सर्वे जग्मुश्चैव दिशो दश ॥

kāmaṁ dṛṣṭvā kṣayaṁ yātaṁ tatra devāpsarogaṇāḥ | bhītā yathāgataṁ sarve jagmuścaiva diśo daśa ||

Seeing Kama destroyed, the assembled gods and Apsaras there, terrified, fled in every direction, just as they had come.

Verse 21 (skanda.5.305.21)

कामेन रहिता लोकाः ससुरासुरमानवाः । ब्रह्माणं शरणं जग्मुर्देवा इन्द्रपुरोगमाः ॥

kāmena rahitā lokāḥ sasurāsuramānavāḥ | brahmāṇaṁ śaraṇaṁ jagmurdevā indrapurogamāḥ ||

Bereft of Kama, all the worlds, with their gods, demons, and men, fell into distress; then the gods, led by Indra, went for refuge to Brahma.

Verse 22 (skanda.5.305.22)

सीदमानं जगद्दृष्ट्वा तमूचुः परमेष्ठिनम् । जानासि त्वं जगच्छेषं प्रभो मैथुनसम्भवात् ॥

sīdamānaṁ jagaddṛṣṭvā tamūcuḥ parameṣṭhinam | jānāsi tvaṁ jagaccheṣaṁ prabho maithunasambhavāt ||

Seeing the world sinking into sorrow, they said to the Supreme Grandsire: "O lord, you know that the world's continuation depends upon procreation."

Verse 23 (skanda.5.305.23)

प्रजाः सर्वा विशुष्यन्ति कामेन रहिता विभो ॥

prajāḥ sarvā viśuṣyanti kāmena rahitā vibho ||

"O mighty one, deprived of Kama, all creatures are withering away."

Verse 24 (skanda.5.305.24)

एतच्छ्रुत्वा वचस्तेषां देवानां प्रपितामहः । जगाम सहितस्तत्र यत्र देवो महेश्वरः ॥

etacchrutvā vacasteṣāṁ devānāṁ prapitāmahaḥ | jagāma sahitastatra yatra devo maheśvaraḥ ||

Hearing the gods' words, the great-grandsire (Brahma) went together with them to where the god Maheshvara was seated.

Verse 25 (skanda.5.305.25)

अतोषयज्जगन्नाथं सर्वभूतमहेश्वरम् । स्तुतिभिस्तण्डकैः स्तोत्रैर्वेदवेदाङ्गसम्भवैः ॥

atoṣayajjagannāthaṁ sarvabhūtamaheśvaram | stutibhistaṇḍakaiḥ stotrairvedavedāṅgasambhavaiḥ ||

He gratified the lord of the universe, the great god of all beings, with hymns, with Tandava chants, and with praises drawn from the Vedas and Vedangas.

Verse 26 (skanda.5.305.26)

ततस्तुष्टो महादेवो देवानां परमेश्वरः । उवाच मधुरां वाणीं देवान्ब्रह्मपुरोगमान् ॥

tatastuṣṭo mahādevo devānāṁ parameśvaraḥ | uvāca madhurāṁ vāṇīṁ devānbrahmapurogamān ||

Then Mahadeva, the supreme lord of the gods, being pleased, spoke in a sweet voice to the gods, with Brahma at their head —

Verse 27 (skanda.5.305.27)

किं कार्यं कश्च सन्तापः किं वागमनकारणम् । देवतानामृषीणां च कथ्यतां मम माचिरम् ॥

kiṁ kāryaṁ kaśca santāpaḥ kiṁ vāgamanakāraṇam | devatānāmṛṣīṇāṁ ca kathyatāṁ mama māciram ||

"What is the task, what is the distress, what is the reason for your coming? O gods and sages, tell me at once, without delay."

Verse 28 (skanda.5.305.28)

देवा ऊचुः। कामनाशाज्जगन्नाशो भवितायं चराचरे । त्रैलोक्यं त्वं पुनः शम्भो उत्पादयितुमर्हसि ॥

devā ūcuḥ| kāmanāśājjagannāśo bhavitāyaṁ carācare | trailokyaṁ tvaṁ punaḥ śambho utpādayitumarhasi ||

The gods said: Through the destruction of Kama, the ruin of this whole world of moving and unmoving things is imminent; O Shambhu, you alone are able to bring the three worlds into being again.

Verse 29 (skanda.5.305.29)

एतच्छ्रुत्वा वचस्तेषां विमृश्य परमेश्वरः । चिन्तयामास कामस्य विग्रहं भुवि दुर्लभम् ॥

etacchrutvā vacasteṣāṁ vimṛśya parameśvaraḥ | cintayāmāsa kāmasya vigrahaṁ bhuvi durlabham ||

Hearing their words, the supreme Lord reflected, and turned his mind to providing Kama with a body — a thing hard to attain on earth.

Verse 30 (skanda.5.305.30)

आजगाम ततः शीघ्रमनङ्गो ह्यङ्गतां गतः । प्राणदः सर्वभूतानां पश्यतां नृपसत्तम ॥

ājagāma tataḥ śīghramanaṅgo hyaṅgatāṁ gataḥ | prāṇadaḥ sarvabhūtānāṁ paśyatāṁ nṛpasattama ||

O best of kings, then the bodiless one, Kama, swiftly regained a body and came forth before the eyes of all, he who gives life to every being.

Verse 31 (skanda.5.305.31)

ततः शङ्खनिनादेन भेरीणां निःस्वनेन च । अभ्यनन्दंस्ततो देवं सुरासुरमहोरगाः ॥

tataḥ śaṅkhaninādena bherīṇāṁ niḥsvanena ca | abhyanandaṁstato devaṁ surāsuramahoragāḥ ||

Then, with the blast of conches and the roar of kettledrums, the gods, demons, and great serpents welcomed that god.

Verse 32 (skanda.5.305.32)

नमस्ते देवदेवेश कृतार्थाः सुरसत्तमाः । विसर्जिताः पुनर्जग्मुर्यथागतमरिन्दम ॥

namaste devadeveśa kṛtārthāḥ surasattamāḥ | visarjitāḥ punarjagmuryathāgatamarindama ||

"Homage to you, O lord of the gods of gods" — so saying, the foremost gods, their purpose accomplished, took their leave and, O vanquisher of foes, returned just as they had come.

Verse 33 (skanda.5.305.33)

गतेषु सर्वदेवेषु कामदेवोऽपि भारत । तपश्चचार विपुलं नर्मदातटमाश्रितः ॥

gateṣu sarvadeveṣu kāmadevo'pi bhārata | tapaścacāra vipulaṁ narmadātaṭamāśritaḥ ||

O descendant of Bharata, when all the gods had departed, Kamadeva too, taking refuge on the bank of the Narmada, performed vast austerity.

Verse 34 (skanda.5.305.34)

तपोजपकृशीभूतो दिव्यं वर्षशतं किल । महाभूतैर्विघ्नकरैः पीड्यमानः समन्ततः ॥

tapojapakṛśībhūto divyaṁ varṣaśataṁ kila | mahābhūtairvighnakaraiḥ pīḍyamānaḥ samantataḥ ||

Emaciated by his austerity and recitation, for a full divine hundred years, though beset on every side by obstructing spirits,

Verse 35 (skanda.5.305.35)

आत्मविघ्नविनाशार्थं संस्मृतः कुण्डलेश्वरः । चकार रक्षां सर्वत्र शरपाते नृपोत्तम ॥

ātmavighnavināśārthaṁ saṁsmṛtaḥ kuṇḍaleśvaraḥ | cakāra rakṣāṁ sarvatra śarapāte nṛpottama ||

he called to mind Kundaleshvara (Shiva) for the removal of his obstacles, O best of kings, and the god granted him protection everywhere even amid a rain of arrows.

Verse 36 (skanda.5.305.36)

ततस्तुष्टो महादेवो दृढभक्त्या वरप्रदः । वरेण छन्दयामास कामं कामविनाशनः ॥

tatastuṣṭo mahādevo dṛḍhabhaktyā varapradaḥ | vareṇa chandayāmāsa kāmaṁ kāmavināśanaḥ ||

Then Mahadeva, pleased by his firm devotion, the granter of boons, the destroyer of Kama, invited Kama to choose a boon.

Verse 37 (skanda.5.305.37)

ज्ञात्वा तुष्टं महादेवमुवाच झषकेतनः । प्रणतः प्राञ्जलिर्भूत्वा देवदेवं त्रिलोचनम् ॥

jñātvā tuṣṭaṁ mahādevamuvāca jhaṣaketanaḥ | praṇataḥ prāñjalirbhūtvā devadevaṁ trilocanam ||

Knowing Mahadeva was pleased, the fish-bannered one, bowing and joining his palms, spoke to the three-eyed god of gods —

Verse 38 (skanda.5.305.38)

यदि तुष्टोऽसि देवेश यदि देयो वरो मम । अत्र तीर्थे जगन्नाथ सदा संनिहितो भव ॥

yadi tuṣṭo'si deveśa yadi deyo varo mama | atra tīrthe jagannātha sadā saṁnihito bhava ||

"O lord of gods, if you are pleased and if you would grant me a boon, then, O lord of the universe, remain ever present at this tirtha."

Verse 39 (skanda.5.305.39)

तथेति चोक्त्वा वचनं देवदेवो महेश्वरः । जगामाकाशमाविश्य स्तूयमानोऽप्सरोगणैः ॥

tatheti coktvā vacanaṁ devadevo maheśvaraḥ | jagāmākāśamāviśya stūyamāno'psarogaṇaiḥ ||

Saying "so be it," the god of gods, Maheshvara, entering the sky, praised by hosts of Apsaras, departed.

Verse 40 (skanda.5.305.40)

गते चादर्शनं देवे कामदेवो जगद्गुरुम् । स्थापयामास राजेन्द्र कुसुमेश्वरसंज्ञितम् ॥

gate cādarśanaṁ deve kāmadevo jagadgurum | sthāpayāmāsa rājendra kusumeśvarasaṁjñitam ||

O foremost of kings, when the god had disappeared from sight, Kamadeva installed that teacher of the world there under the name Kusumeshvara.

Verse 41 (skanda.5.305.41)

तत्र तीर्थे तु यः स्नात्वा ह्युपवासपरायणः । चैत्रमासे चतुर्दश्यां मदनस्य दिनेऽथवा ॥

tatra tīrthe tu yaḥ snātvā hyupavāsaparāyaṇaḥ | caitramāse caturdaśyāṁ madanasya dine'thavā ||

One who, at that tirtha, keeps a fast and bathes, on the fourteenth day of the month of Chaitra or on the day sacred to Madana (Kama),

Verse 42 (skanda.5.305.42)

प्रभाते विमले प्राप्ते स्नात्वा पूज्य दिवाकरम् । तिलमिश्रेण तोयेन तर्पयेत्पितृदेवताः ॥

prabhāte vimale prāpte snātvā pūjya divākaram | tilamiśreṇa toyena tarpayetpitṛdevatāḥ ||

at the pure dawn, having bathed, should worship the sun, and offer libations mixed with sesame to the ancestors and gods.

Verse 43 (skanda.5.305.43)

कृत्वा स्नानं विधानेन पूजयित्वा च तं नृप । पिण्डनिर्वपणं कुर्यात्तस्य पुण्यफलं शृणु ॥

kṛtvā snānaṁ vidhānena pūjayitvā ca taṁ nṛpa | piṇḍanirvapaṇaṁ kuryāttasya puṇyaphalaṁ śṛṇu ||

O king, having duly bathed and worshipped that god, one should offer the rice-balls. Hear the merit of this.

Verse 44 (skanda.5.305.44)

सत्त्रयाजिफलं यच्च लभते द्वादशाब्दिकम् । पिण्डदानात्फलं तच्च लभते नात्र संशयः ॥

sattrayājiphalaṁ yacca labhate dvādaśābdikam | piṇḍadānātphalaṁ tacca labhate nātra saṁśayaḥ ||

Whatever fruit is obtained by a twelve-year sattra sacrifice, that same fruit is obtained by offering the rice-balls there, without doubt.

Verse 45 (skanda.5.305.45)

अङ्कुल्लमूले यः पिण्डं पितॄनुद्दिश्य दापयेत् । तस्य ते द्वादशाब्दानि तृप्तिं यान्ति पितामहाः ॥

aṅkullamūle yaḥ piṇḍaṁ pitḥnuddiśya dāpayet | tasya te dvādaśābdāni tṛptiṁ yānti pitāmahāḥ ||

Whoever offers a rice-ball at the root of the Ankulla tree in the name of his ancestors causes his forefathers to remain satisfied for twelve years.

Verse 46 (skanda.5.305.46)

कृमिकीटपतङ्गा ये तत्र तीर्थे युधिष्ठिर । प्राप्नुवन्ति मृताः स्वर्गं किं पुनर्ये नरा मृताः ॥

kṛmikīṭapataṅgā ye tatra tīrthe yudhiṣṭhira | prāpnuvanti mṛtāḥ svargaṁ kiṁ punarye narā mṛtāḥ ||

O Yudhishthira, even worms, insects, and moths that die at that tirtha attain heaven — how much more, then, men who die there!

Verse 47 (skanda.5.305.47)

संन्यासं कुरुते योऽत्र जितक्रोधो जितेन्द्रियः । कुसुमेशे नरो भक्त्या स गच्छेच्छिवमन्दिरम् ॥

saṁnyāsaṁ kurute yo'tra jitakrodho jitendriyaḥ | kusumeśe naro bhaktyā sa gacchecchivamandiram ||

Whoever, at Kusumesha, having conquered anger and the senses, devotedly renounces his body, goes to the abode of Shiva.

Verse 48 (skanda.5.305.48)

तत्र दिव्याप्सरोभिश्च देवगन्धर्वगायनैः । क्रीडते सेव्यमानस्तु कल्पकोटिशतं नृप ॥

tatra divyāpsarobhiśca devagandharvagāyanaiḥ | krīḍate sevyamānastu kalpakoṭiśataṁ nṛpa ||

O king, there he sports for a hundred crores of kalpas, attended by celestial Apsaras and by the singing Gandharvas of the gods.

Verse 49 (skanda.5.305.49)

पूर्णे चैव ततः काल इह मानुष्यतां गतः । जायते राजराजेन्द्रैः पूज्यमानो नृपो महान् ॥

pūrṇe caiva tataḥ kāla iha mānuṣyatāṁ gataḥ | jāyate rājarājendraiḥ pūjyamāno nṛpo mahān ||

When that span of time is complete, being born again into this world of men, he becomes a great king, honoured even by kings among kings.

Verse 50 (skanda.5.305.50)

सुरूपः सुभगो वाग्मी विक्रान्तो मतिमाञ्छुचिः । जीवेद्वर्षशतं साग्रं सर्वव्याधिविवर्जितः ॥

surūpaḥ subhago vāgmī vikrānto matimāñchuciḥ | jīvedvarṣaśataṁ sāgraṁ sarvavyādhivivarjitaḥ ||

Handsome, fortunate, eloquent, valiant, intelligent, and pure, he lives for more than a hundred years, free of every ailment.

Verse 51 (skanda.5.305.51)

एतत्पुण्यं पापहरं तीर्थकोटिशताधिकम् । कुसुमेशेति विख्यातं सर्वदेवनमस्कृतम् ॥

etatpuṇyaṁ pāpaharaṁ tīrthakoṭiśatādhikam | kusumeśeti vikhyātaṁ sarvadevanamaskṛtam ||

This tirtha, known as Kusumesha, bowed to by all the gods, is more meritorious and more sin-destroying than a hundred crore other tirthas.