The Greatness of Kalakaleshvara Tirtha

Verse 1 (skanda.5.309.1)

नर्मदादक्षिणे कूले तीर्थं कलकलेश्वरम्। विख्यातं सर्वलोकेषु स्वयं देवेन निर्मितम्॥

narmadādakṣiṇe kūle tīrthaṁ kalakaleśvaram| vikhyātaṁ sarvalokeṣu svayaṁ devena nirmitam||

On the southern bank of the Narmada is the tirtha named Kalakaleshvara, renowned throughout all the worlds, created by the God himself.

Verse 2 (skanda.5.309.2)

अन्धकं समरे हत्वा देवदेवो महेश्वरः। सहितो देवगन्धर्वैः किन्नरैश्च महोरगैः॥

andhakaṁ samare hatvā devadevo maheśvaraḥ| sahito devagandharvaiḥ kinnaraiśca mahoragaiḥ||

Having slain Andhaka in battle, Maheshvara, the god of gods, accompanied by gods, gandharvas, kinnaras, and great serpents -

Verse 3 (skanda.5.309.3)

शङ्खतूर्यनिनादैश्च मृदङ्गपणवादिभिः। वीणावेणुरवैश्चान्यैः स्तुतिभिः पुष्कलादिभिः॥

śaṅkhatūryaninādaiśca mṛdaṅgapaṇavādibhiḥ| vīṇāveṇuravaiścānyaiḥ stutibhiḥ puṣkalādibhiḥ||

- amid the blare of conches and trumpets, the sound of mridangas and panavas, the strains of vinas and flutes, and various other hymns,

Verse 4 (skanda.5.309.4)

गायन्ति सामानि यजूंषि चान्ये छन्दांसि चान्ये ऋचमुद्गिरन्ति। स्तोत्रैरनेकैरपरे गृणन्ति महेश्वरं तत्र महानुभावाः॥

gāyanti sāmāni yajūṁṣi cānye chandāṁsi cānye ṛcamudgiranti| stotrairanekairapare gṛṇanti maheśvaraṁ tatra mahānubhāvāḥ||

There, great beings extolled Maheshvara - some singing the Sama chants, others the Yajus, others the metres, others chanting the Rig verses, while still others praised him with many hymns.

Verse 5 (skanda.5.309.5)

प्रमथानां निनादेन कल्कलेन च बन्दिनाम्। यस्मात्प्रतिष्ठितं लिङ्गं तस्माज्जातं तदाख्यया॥

pramathānāṁ ninādena kalkalena ca bandinām| yasmātpratiṣṭhitaṁ liṅgaṁ tasmājjātaṁ tadākhyayā||

Because of the roar (kalakala) of the Pramathas and the clamour of the bards, where the Linga was established there arose from that very sound its name.

Verse 6 (skanda.5.309.6)

तत्र तीर्थे तु यः स्नात्वा वीक्षेत्कलकलेश्वरम्। वाजपेयात्परं पुण्यं स लभेन्मानवो भुवि॥

tatra tīrthe tu yaḥ snātvā vīkṣetkalakaleśvaram| vājapeyātparaṁ puṇyaṁ sa labhenmānavo bhuvi||

Whoever bathes in that tirtha and beholds Kalakaleshvara obtains on earth merit greater than that of the Vajapeya sacrifice.

Verse 7 (skanda.5.309.7)

तेन पुण्येन पूतात्मा प्राणत्यागाद्दिवं व्रजेत्। आरूढः परमं यानं गीयमानोऽप्सरोगणैः॥

tena puṇyena pūtātmā prāṇatyāgāddivaṁ vrajet| ārūḍhaḥ paramaṁ yānaṁ gīyamāno'psarogaṇaiḥ||

Purified in spirit by that merit, upon relinquishing life he goes to heaven, mounted upon a supreme celestial vehicle, praised in song by hosts of apsarases.

Verse 8 (skanda.5.309.8)

उपभुज्य महाभोगान्कालेन महता ततः। मर्त्यलोके महात्मासौ जायते विमले कुले॥

upabhujya mahābhogānkālena mahatā tataḥ| martyaloke mahātmāsau jāyate vimale kule||

After enjoying great pleasures there for a very long time, that great soul is then born in the mortal world into a spotless family.

Verse 9 (skanda.5.309.9)

ब्राह्मणः सुभगो लोके वेदवेदाङ्गपारगः। व्याधिशोकविनिर्मुक्तो जीवेच्च शरदां शतम्॥

brāhmaṇaḥ subhago loke vedavedāṅgapāragaḥ| vyādhiśokavinirmukto jīvecca śaradāṁ śatam||

He becomes a fortunate brahmin in the world, accomplished in the Vedas and Vedangas, and, freed from disease and sorrow, lives for a hundred autumns.