The Greatness of Moksha Tirtha

Verse 1 (skanda.5.315.1)

ततो गच्छेत्पाण्डुपुत्र मोक्षतीर्थमनुत्तमम्। सेवितं देवगन्धर्वैर्मुनिभिश्च तपोधनैः॥

tato gacchetpāṇḍuputra mokṣatīrthamanuttamam| sevitaṁ devagandharvairmunibhiśca tapodhanaiḥ||

Shri Markandeya said: O son of Pandu, thereafter one should go to the unsurpassed Moksha-tirtha, frequented by gods, gandharvas, and sages rich in austerity.

Verse 2 (skanda.5.315.2)

बहवस्तन्न जानन्ति विष्णुमायाविमोहिताः। यत्र सिद्धा महाभागा ऋषयः सतपोधनाः॥

bahavastanna jānanti viṣṇumāyāvimohitāḥ| yatra siddhā mahābhāgā ṛṣayaḥ satapodhanāḥ||

Many, deluded by Vishnu's illusion, do not know of it - the place where illustrious sages, rich in austerity, attained perfection.

Verse 3 (skanda.5.315.3)

पुलस्त्यः पुलहो विद्वान्क्रतुश्चैव महामतिः। प्राचेतसो वसिष्ठश्च दक्षो नारद एव च॥

pulastyaḥ pulaho vidvānkratuścaiva mahāmatiḥ| prācetaso vasiṣṭhaśca dakṣo nārada eva ca||

Pulastya, the learned Pulaha, the great-minded Kratu, the son of Prachetas, Vasishtha, Daksha, and Narada -

Verse 4 (skanda.5.315.4)

एते चान्ये महाभागाः सप्तसाहस्रसंज्ञिताः। मोक्षं गताः सह सुतैस्तत्तीर्थं तेन मोक्षदम्॥

ete cānye mahābhāgāḥ saptasāhasrasaṁjñitāḥ| mokṣaṁ gatāḥ saha sutaistattīrthaṁ tena mokṣadam||

- these and seven thousand other illustrious sages, together with their sons, attained liberation there; therefore that tirtha bestows liberation.

Verse 5 (skanda.5.315.5)

तत्र प्रवाहमध्ये तु पतिता तमहा नदी। तत्र तत्सङ्गमं तीर्थं सर्वपापक्षयंकरम्॥

tatra pravāhamadhye tu patitā tamahā nadī| tatra tatsaṅgamaṁ tīrthaṁ sarvapāpakṣayaṁkaram||

There, in the midst of the current, the river Tamaha falls in; that confluence-tirtha destroys all sin.

Verse 6 (skanda.5.315.6)

ऋग्यजुःसामसंज्ञानामभ्यस्तानां तु यत्फलम्। सम्यग्जप्त्वा तु विधिना गायत्रीं तत्र तल्लभेत्॥

ṛgyajuḥsāmasaṁjñānāmabhyastānāṁ tu yatphalam| samyagjaptvā tu vidhinā gāyatrīṁ tatra tallabhet||

Whatever fruit is obtained by studying the Rig, Yajus, and Sama Vedas - that same fruit is obtained there by duly and properly reciting the Gayatri.

Verse 7 (skanda.5.315.7)

तत्र दत्तं हुतं जप्तं तीर्थसेवार्जितं फलम्। सर्वमक्षयतां याति मोक्षसाधनमुत्तमम्॥

tatra dattaṁ hutaṁ japtaṁ tīrthasevārjitaṁ phalam| sarvamakṣayatāṁ yāti mokṣasādhanamuttamam||

Whatever is given, offered in oblation, or recited there, and the fruit earned by service at the tirtha - all of it becomes imperishable, and is the supreme means to liberation.

Verse 8 (skanda.5.315.8)

तत्र तीर्थे मृतानां तु संन्यासेन द्विजन्मनाम्। अनिवर्तिका गतिस्तेषां मोक्षतीर्थप्रभावतः॥

tatra tīrthe mṛtānāṁ tu saṁnyāsena dvijanmanām| anivartikā gatisteṣāṁ mokṣatīrthaprabhāvataḥ||

For twice-born ones who die at that tirtha having taken sannyasa, their fate, through the power of Moksha-tirtha, is a non-returning one.

Verse 9 (skanda.5.315.9)

एष ते विधिरुद्दिष्टः संक्षेपेण मयानघ। व्युष्टिस्तीर्थस्य महती पुराणे याभिधीयते॥

eṣa te vidhiruddiṣṭaḥ saṁkṣepeṇa mayānagha| vyuṣṭistīrthasya mahatī purāṇe yābhidhīyate||

O sinless one, this rite I have declared to you in brief - such is the great glory of this tirtha as it is described in the Purana.