The Glory of Udirna Varaha Tirtha

Verse 1 (skanda.5.344.1)

श्रीमार्कण्डेय उवाच। ततो गच्छेत्तु राजेन्द्र तीर्थं परमशोभनम्। उदीर्णो यत्र वाराहो ह्यभवद्धरणीधरः

śrīmārkaṇḍeya uvāca| tato gacchettu rājendra tīrthaṁ paramaśobhanam| udīrṇo yatra vārāho hyabhavaddharaṇīdharaḥ

Shri Markandeya said: O Rajendra, thereafter one should go to that most beautiful tirtha where the earth-bearing Varaha rose up and appeared.

Verse 2 (skanda.5.344.2)

धन्वदंष्ट्रां करालाग्रां बिभ्रच्च पृथिवीमिमाम्। स एव पञ्चमः प्रोक्तो वाराहो मुक्तिदायकः

dhanvadaṁṣṭrāṁ karālāgrāṁ bibhracca pṛthivīmimām| sa eva pañcamaḥ prokto vārāho muktidāyakaḥ

Bearing this earth upon his bow-curved, fearsomely tipped tusk, he indeed is proclaimed as the fifth Varaha, the bestower of liberation.

Verse 3 (skanda.5.344.3)

युधिष्ठिर उवाच। कथमुदीर्णरूपोऽभूद्वाराहो धरणीधरः। वाराहत्वं गतः केन पञ्चमः केन संज्ञितः

yudhiṣṭhira uvāca| kathamudīrṇarūpo'bhūdvārāho dharaṇīdharaḥ| vārāhatvaṁ gataḥ kena pañcamaḥ kena saṁjñitaḥ

Yudhishthira said: How did the earth-bearing Varaha come to have this risen-up form? For what reason did he take the boar's form, and why is he called the fifth?

Verse 4 (skanda.5.344.4)

मार्कण्डेय उवाच। आदिकल्पे पुरा राजन्क्षीरोदे भगवान् हरिः। शेते स भोगिशयने योगनिद्राविमोहितः

mārkaṇḍeya uvāca| ādikalpe purā rājankṣīrode bhagavān hariḥ| śete sa bhogiśayane yoganidrāvimohitaḥ

Markandeya said: O king, in the primal kalpa, long ago, Lord Hari lay in the Ocean of Milk upon the serpent-couch, absorbed in yogic slumber.

Verse 5 (skanda.5.344.5)

बभूव नृपतिश्रेष्ठ गत्वा वै देवसंनिधौ। अवोचद्भारखिन्नाहं गमिष्यामि रसातलम्

babhūva nṛpatiśreṣṭha gatvā vai devasannidhau| avocadbhārakhinnāhaṁ gamiṣyāmi rasātalam

O best of kings, the Earth, going into the presence of the gods, spoke thus: 'Oppressed by this burden, I shall sink down into Rasatala, the nether world.'

Verse 6 (skanda.5.344.6)

दृष्ट्वा देवाः समुद्विग्ना गता यत्र जनार्दनः। तुष्टुवुर्वाग्भिरिष्टाभिः केशवं जगत्पतिम्

dṛṣṭvā devāḥ samudvignā gatā yatra janārdanaḥ| tuṣṭuvurvāgbhiriṣṭābhiḥ keśavaṁ jagatpatim

Seeing this, the gods, greatly troubled, went to where Janardana was, and praised Keshava, lord of the world, with pleasing words.

Verse 7 (skanda.5.344.7)

देवा ऊचुः। नमो नमस्ते देवेश सुरार्तिहर सर्वग। विश्वमूर्ते नमस्तुभ्यं त्राहि सर्वान्महद्भयात्

devā ūcuḥ| namo namaste deveśa surārtihara sarvaga| viśvamūrte namastubhyaṁ trāhi sarvānmahadbhayāt

The gods said: Salutations again and again to you, O lord of gods, remover of the gods' distress, who pervade all things. Salutations to you, O cosmic form — save us all from this great fear.

Verse 8 (skanda.5.344.8)

इत्युक्तो दैवतैर्देवो ह्युवाच किमुपस्थितम्। कार्यं वदध्वं मे देवा यत्कृत्यं मा चिरं कृथाः

ityukto daivatairdevo hyuvāca kimupasthitam| kāryaṁ vadadhvaṁ me devā yatkṛtyaṁ mā ciraṁ kṛthāḥ

Thus addressed by the gods, the Lord said: What trouble has arisen? Tell me, O gods, what needs to be done, and do not delay in what must be done.

Verse 9 (skanda.5.344.9)

देवा ऊचुः। धरा धरित्री भूतानां भारोद्विग्ना निमज्जति। तामुद्धर हृषीकेश लोकान्संस्थापय स्थितौ

devā ūcuḥ| dharā dharitrī bhūtānāṁ bhārodvignā nimajjati| tāmuddhara hṛṣīkeśa lokānsaṁsthāpaya sthitau

The gods said: The earth, bearer of all beings, oppressed by their weight, is sinking down. O Hrishikesha, lift her up and re-establish the worlds in their proper order.

Verse 10 (skanda.5.344.10)

एवमुक्तः सुरैः सर्वैः केशवः परमेश्वरः। वाराहं रूपमास्थाय सर्वयज्ञमयं विभुः

evamuktaḥ suraiḥ sarvaiḥ keśavaḥ parameśvaraḥ| vārāhaṁ rūpamāsthāya sarvayajñamayaṁ vibhuḥ

Thus addressed by all the gods, the Supreme Lord Keshava, the all-pervading one, assumed the boar form, which is of the very nature of all sacrifice.

Verse 11 (skanda.5.344.11)

दंष्ट्राकरालं पिङ्गाक्षं समाकुञ्चितमूर्धजम्। कृत्वाऽनन्तं पादपीठं दंष्ट्राग्रेणोद्धरन्भुवम्

daṁṣṭrākarālaṁ piṅgākṣaṁ samākuñcitamūrdhajam| kṛtvā'nantaṁ pādapīṭhaṁ daṁṣṭrāgreṇoddharanbhuvam

With his fearsome tusks, tawny eyes, and curled mane, making Ananta the serpent his footstool, he lifted up the earth upon the tip of his tusk.

Verse 12 (skanda.5.344.12)

सपर्वतवनामुर्वीं समुद्रपरिमेखलाम्। उद्धृत्य भगवान् विष्णुरुदीर्णः समजायत

saparvatavanāmurvīṁ samudraparimekhalām| uddhṛtya bhagavān viṣṇurudīrṇaḥ samajāyata

Having raised up the earth, adorned with mountains and forests, girded by the ocean as by a waist-band, Lord Vishnu rose up, manifest.

Verse 13 (skanda.5.344.13)

दर्शयन्पञ्चधात्मानमुत्तरे नर्मदातटे। तथाद्यं कोरलायां तु द्वितीयं योधनीपुरे

darśayanpañcadhātmānamuttare narmadātaṭe| tathādyaṁ koralāyāṁ tu dvitīyaṁ yodhanīpure

He manifested himself in five forms on the northern bank of the Narmada — the first, original form at Korala, and the second at Yodhanipura.

Verse 14 (skanda.5.344.14)

जयक्षेत्राभिधाने तु जयेति परिकीर्तितम्। असुरान्मोहयल्लिङ्गस्तृतीयः परिकीर्तितः

jayakṣetrābhidhāne tu jayeti parikīrtitam| asurānmohayalliṅgastṛtīyaḥ parikīrtitaḥ

In the place called Jayakshetra, it was proclaimed under the name Jaya — the third, a linga-form, renowned for bewildering the demons.

Verse 15 (skanda.5.344.15)

पावनाय जगद्धेतोः स्थितो यस्माच्छशिप्रभः। अतस्तु नृपशार्दूल श्वेत इत्याभिधीयते

pāvanāya jagaddhetoḥ sthito yasmācchaśiprabhaḥ| atastu nṛpaśārdūla śveta ityābhidhīyate

Established for the purification of the world, moon-bright in radiance — therefore, O tiger among kings, it is called Shveta, the White.

Verse 16 (skanda.5.344.16)

उद्धृत्य जगतां देवीमुदीर्णो भृगुकच्छके। ततः पञ्चम उदीर्णो वराह इति संज्ञितः

uddhṛtya jagatāṁ devīmudīrṇo bhṛgukacchake| tataḥ pañcama udīrṇo varāha iti saṁjñitaḥ

Having lifted up the goddess of the worlds, the earth, he rose up at Bhrigukaccha — hence this fifth form is called the Risen Varaha, Udirna Varaha.

Verse 17 (skanda.5.344.17)

इति पञ्चवराहास्ते कथितः पाण्डुनन्दन। युगपद्दर्शनं चैषां ब्रह्महत्यां व्यपोहति

iti pañcavarāhāste kathitaḥ pāṇḍunandana| yugapaddarśanaṁ caiṣāṁ brahmahatyāṁ vyapohati

Thus, O son of Pandu, these five Varahas have been described; beholding all of them together removes even the sin of killing a brahmin.

Verse 18 (skanda.5.344.18)

ज्येष्ठे मासि सिते पक्ष एकादश्यां विशेषतः। गत्वा ह्यादिवराहं तु सम्प्राप्ते दशमीदिने

jyeṣṭhe māsi site pakṣa ekādaśyāṁ viśeṣataḥ| gatvā hyādivarāhaṁ tu samprāpte daśamīdine

Especially on the eleventh day of the bright fortnight of Jyeshtha, having gone to the Adi Varaha upon the arrival of the tenth day, Dashami.

Verse 19 (skanda.5.344.19)

हविष्यमन्नं भुञ्जीयाल्लघुसायं गते रवौ। रात्रौ जागरणं कुर्याद्वाराहे ह्यादिसंज्ञके

haviṣyamannaṁ bhuñjīyāllaghusāyaṁ gate ravau| rātrau jāgaraṇaṁ kuryādvārāhe hyādisaṁjñake

At sunset one should eat a light meal of oblational food, and keep a night vigil at the shrine of the Varaha called Adi, the Original.

Verse 20 (skanda.5.344.20)

ततः प्रभाते ह्युषसि संस्नात्वा नर्मदाजले। संतर्प्य पितृदेवांश्च तिलैर्यवविमिश्रितैः

tataḥ prabhāte hyuṣasi saṁsnātvā narmadājale| saṁtarpya pitṛdevāṁśca tilairyavavimiśritaiḥ

Then at dawn, having bathed well in the waters of the Narmada, one should offer libations to the ancestors and gods with water mixed with sesame and barley.

Verse 21 (skanda.5.344.21)

धेनुं दद्याद्द्विजे योग्ये सर्वाभरणभूषिताम्। निर्ममो निरहङ्कारो दानं दद्याद्द्विजातये

dhenuṁ dadyāddvije yogye sarvābharaṇabhūṣitām| nirmamo nirahaṅkāro dānaṁ dadyāddvijātaye

One should give a cow adorned with every ornament to a worthy brahmin, and, free from attachment and pride, give further gifts to the twice-born.

Verse 22 (skanda.5.344.22)

गत्वा सम्पूजयेद्देवं वाराहं ह्यादिसंज्ञितम्। अनेन विधिना पूज्य पश्चाद्गच्छेज्जयं त्वरन्

gatvā sampūjayeddevaṁ vārāhaṁ hyādisaṁjñitam| anena vidhinā pūjya paścādgacchejjayaṁ tvaran

One should go and duly worship the deity Varaha known as Adi; having worshipped in this manner, one should then hasten on to Jaya.

Verse 23 (skanda.5.344.23)

त्वरितं तु जयं गत्वा पूर्वकं विधिमाचरेत्। अश्वं दद्याद्द्विजाग्र्याय जयपूर्वाभिनिर्गतम्

tvaritaṁ tu jayaṁ gatvā pūrvakaṁ vidhimācaret| aśvaṁ dadyāddvijāgryāya jayapūrvābhinirgatam

Having quickly gone to Jaya, one should perform the same rite as before, and give a horse to a foremost brahmin, setting out from Jaya.

Verse 24 (skanda.5.344.24)

लिङ्गे चैव तिला देयाः श्वेते हिरण्यमेव च। उदीर्णे च भुवं दद्यात्पूर्वकं विधिमाचरेत्

liṅge caiva tilā deyāḥ śvete hiraṇyameva ca| udīrṇe ca bhuvaṁ dadyātpūrvakaṁ vidhimācaret

At the Linga shrine sesame should be given as a gift, at Shveta gold, and at Udirna land — one should perform the same rite as before at each.

Verse 25 (skanda.5.344.25)

अनस्तमित आदित्ये वराहान्पञ्च पश्यतः। यत्फलं लभते पार्थ तदिहैकमनाः शृणु

anastamita āditye varāhānpañca paśyataḥ| yatphalaṁ labhate pārtha tadihaikamanāḥ śṛṇu

O Partha, hear with a focused mind what fruit is obtained by one who beholds all five Varahas before sunset.

Verse 26 (skanda.5.344.26)

ब्रह्महत्या सुरापानं स्तेयं गुर्वङ्गनागमः। एभिस्तु सह संयोगो विश्वस्तानां च वञ्चनम्

brahmahatyā surāpānaṁ steyaṁ gurvaṅganāgamaḥ| ebhistu saha saṁyogo viśvastānāṁ ca vañcanam

The killing of a brahmin, drinking liquor, theft, violating the guru's wife, association with those guilty of such acts, and the betrayal of those who trust one —

Verse 27 (skanda.5.344.27)

स्वसृदुहितृभगिनीकुलदारोपबृंहणम्। आ जन्ममरणाद्यावत्पापं भरतसत्तम

svasṛduhitṛbhaginīkuladāropabṛṁhaṇam| ā janmamaraṇādyāvatpāpaṁ bharatasattama

Union with one's own sister, daughter, or a woman of the family — O best of the Bharatas, whatever such sin has accumulated from birth until death —

Verse 28 (skanda.5.344.28)

तीर्थपञ्चकपूतस्य वैष्णवस्य विशेषतः। युगपच्चविनश्येत तूलराशिरिवानलात्

tīrthapañcakapūtasya vaiṣṇavasya viśeṣataḥ| yugapaccavinaśyeta tūlarāśirivānalāt

All such sin, in the case of a devotee of Vishnu purified by these five tirthas, is destroyed all at once, like a heap of cotton cast into fire.

Verse 29 (skanda.5.344.29)

नारायणानुस्मरणाज्जपध्यानाद्विशेषतः। विप्रणश्यन्ति पापानि गिरिकूटसमान्यपि

nārāyaṇānusmaraṇājjapadhyānādviśeṣataḥ| vipraṇaśyanti pāpāni girikūṭasamānyapi

By the remembrance of Narayana, and especially by japa and meditation, sins as vast as mountain-peaks are utterly destroyed.

Verse 30 (skanda.5.344.30)

दृष्ट्वा पञ्च वराहान्वै पौरुषे महति स्थितः। आप्लवन्नर्मदातोये श्राद्धं कृत्वा यथाविधि

dṛṣṭvā pañca varāhānvai pauruṣe mahati sthitaḥ| āplavannarmadātoye śrāddhaṁ kṛtvā yathāvidhi

Having beheld the five Varahas, established in great resolve, having bathed in the waters of the Narmada, and having performed the shraddha rite according to rule —

Verse 31 (skanda.5.344.31)

उदयास्तमनादर्वाग्यः पश्येल्लोटणेश्वरम्। कलेवरविमुक्तः स इत्येवं शङ्करोऽब्रवीत्

udayāstamanādarvāg yaḥ paśyelloṭaṇeśvaram| kalevaravimuktaḥ sa ityevaṁ śaṅkaro'bravīt

He who, within the span from sunrise to sunset, beholds Lotaneshvara is freed from the bondage of the body — thus spoke Shankara himself.

Verse 32 (skanda.5.344.32)

मुक्तिं प्रयाति सहसा दुष्प्रापां परमेश्वरीम्। पौरुषे क्रियमाणेऽपि न सिद्धिर्जायते यदि

muktiṁ prayāti sahasā duṣprāpāṁ parameśvarīm| pauruṣe kriyamāṇe'pi na siddhirjāyate yadi

He suddenly attains that supreme liberation, so hard to reach — even when, elsewhere, such attainment does not come despite great effort.

Verse 33 (skanda.5.344.33)

ब्रुवन्ति स्वर्गगमनमपि पापान्वितस्य च। यत्र तत्र गतस्यैव भवेत्पञ्चवराहकी

bruvanti svargagamanamapi pāpānvitasya ca| yatra tatra gatasyaiva bhavetpañcavarāhakī

They say that even one burdened with sin attains passage to heaven, wherever he may have come from, if only he has had the sight of the five Varahas.

Verse 34 (skanda.5.344.34)

ज्येष्ठस्यैकादशीतिथौ ध्रुवं तत्र वसेन्नरः। आदिं जयं तथा श्वेतं लिङ्गमुदीर्णमेव च

jyeṣṭhasyaikādaśītithau dhruvaṁ tatra vasennaraḥ| ādiṁ jayaṁ tathā śvetaṁ liṅgamudīrṇameva ca

On the eleventh day of Jyeshtha, one should firmly dwell right there — taking refuge in Adi, Jaya, Shveta, Linga, and Udirna.

Verse 35 (skanda.5.344.35)

आश्रित्य तस्या द्रष्टव्या वराहास्तु यतस्ततः। ज्येष्ठस्यैकादशीतिथौ विष्णुना प्रभुविष्णुना

āśritya tasyā draṣṭavyā varāhāstu yatastataḥ| jyeṣṭhasyaikādaśītithau viṣṇunā prabhuviṣṇunā

Taking refuge in them, one should behold the Varahas from wherever one may — for it was on the eleventh day of Jyeshtha that the Lord Vishnu—

Verse 36 (skanda.5.344.36)

वाराहं रूपमास्थाय उद्धृता धरणी विभो। पुण्यात्पुण्यतमा तेन ह्यशेषाघौघनाशिनी

vārāhaṁ rūpamāsthāya uddhṛtā dharaṇī vibho| puṇyātpuṇyatamā tena hyaśeṣāghaughanāśinī

O lord, assuming the form of the boar, he lifted up the earth; therefore this day is the most sacred of sacred days, destroying the entire mass of sin.

Verse 37 (skanda.5.344.37)

दृष्ट्वा पञ्चवराहान्वै क्रोडमुदीर्णरूपिणम्। पूजयित्वा विधानेन पश्चाज्जागरणं चरेत्

dṛṣṭvā pañcavarāhānvai kroḍamudīrṇarūpiṇam| pūjayitvā vidhānena paścājjāgaraṇaṁ caret

Having beheld the five Varahas — the boar-formed one in his risen manifestation — and having worshipped him according to rule, one should then keep the night vigil.

Verse 38 (skanda.5.344.38)

सपञ्चवर्तिकान् दीपान् घृतेनोज्ज्वाल्य भक्तितः। पुराणश्रवणैर्नृत्यैर्गीतवाद्यैः सुमङ्गलैः

sapañcavartikān dīpān ghṛtenojjvālya bhaktitaḥ| purāṇaśravaṇairnṛtyairgītavādyaiḥ sumaṅgalaiḥ

Kindling five-wicked lamps with ghee, with devotion, and with the auspicious accompaniments of hearing the Puranas, dance, song, and music—

Verse 39 (skanda.5.344.39)

वेदजाप्यैः पवित्रैश्च क्षपयित्वा च शर्वरीम्। यत्पुण्यं लभते मर्त्यो ह्याजमीढ शृणुष्व तत्

vedajāpyaiḥ pavitraiśca kṣapayitvā ca śarvarīm| yatpuṇyaṁ labhate martyo hyājamīḍha śṛṇuṣva tat

And spending the night in the sacred recitation of Vedic mantras — hear, O Ajamidha, what merit the mortal thereby obtains.

Verse 40 (skanda.5.344.40)

रेवाजलं पुण्यतमं पृथिव्यां तथा च देवो जगतां पतिर्हरिः। एकादशी पापहरा नरेन्द्र बह्वायासैर्लभ्यते मानवानाम्

revājalaṁ puṇyatamaṁ pṛthivyāṁ tathā ca devo jagatāṁ patirhariḥ| ekādaśī pāpaharā narendra bahvāyāsairlabhyate mānavānām

The water of the Reva is the most sacred on earth, and there too dwells Hari, lord of the worlds; O king of men, the sin-removing Ekadashi is obtained by men only through great effort.

Verse 41 (skanda.5.344.41)

एकैकशो ब्रह्महत्यादिकानि शक्तानि हन्तुं पापसङ्घानि राजन्। नैते सर्वे युगपद्वै समेता हन्तुं शक्ताः किं न तद्ब्रूहि राजन्

ekaikaśo brahmahatyādikāni śaktāni hantuṁ pāpasaṅghāni rājan| naite sarve yugapadvai sametā hantuṁ śaktāḥ kiṁ na tadbrūhi rājan

O king, these means, each one alone, are able to destroy the multitude of sins beginning with brahmin-murder — are not all of them, then, united together at once, surely able to destroy it? Tell me, O king, is this not so?

Verse 42 (skanda.5.344.42)

यथेदमुक्तं तव धर्मसूनो श्रुतं च यच्छङ्कराच्चन्द्रमौलेः। श्रुत्वेदमिच्छन्मुच्यते सर्वपापैः पठन्पदं याति हि वृत्रशत्रोः

yathedamuktaṁ tava dharmasūno śrutaṁ ca yacchaṅkarācchandramauleḥ| śrutvedamicchanmucyate sarvapāpaiḥ paṭhanpadaṁ yāti hi vṛtraśatroḥ

O son of Dharma, as this has been told to you, just as I heard it from Shankara, the moon-crested one — hearing this, one who desires it is freed from all sins, and one who recites it attains the abode of Indra, foe of Vritra.