The Glory of Dvadashaditya Tirtha

Verse 1 (skanda.5.346.1)

सिद्धेश्वरं ततो गच्छेत्तस्यैव तु समीपतः। अमृतस्रावि तल्लिङ्गमाद्यं स्वायम्भुवं तथा

siddheśvaraṁ tato gacchettasyaiva tu samīpataḥ| amṛtasrāvi talliṅgamādyaṁ svāyambhuvaṁ tathā

Then one should go to Siddheshvara nearby, where stands that primal, self-manifest linga which streams forth nectar.

Verse 2 (skanda.5.346.2)

दृष्टमात्रेण येनेह ह्यनृणो जायते नरः। पुरा वर्षशतं साग्रमाराध्य परमेश्वरम्

dṛṣṭamātreṇa yeneha hyanṛṇo jāyate naraḥ| purā varṣaśataṁ sāgramārādhya parameśvaram

By the mere sight of which a man becomes here freed of all debts; formerly, having worshipped the Supreme Lord for more than a hundred years —

Verse 3 (skanda.5.346.3)

प्राप्नुयुः परमां सिद्धिमादित्या द्वादशैव तु। अतः सिद्धेश्वरः प्रोक्तः सिद्धिदः सिद्धिकाङ्क्षिणाम्

prāpnuyuḥ paramāṁ siddhimādityā dvādaśaiva tu| ataḥ siddheśvaraḥ proktaḥ siddhidaḥ siddhikāṅkṣiṇām

The twelve Adityas attained the highest accomplishment there; hence he is called Siddheshvara, the bestower of accomplishment on those who seek it.

Verse 4 (skanda.5.346.4)

युधिष्ठिर उवाच। कथं सिद्धेश्वरे प्राप्ताः सिद्धिं देवा द्विजोत्तम। आदित्या इति यच्चोक्तं तन्मे विस्मापनं कृतम्

yudhiṣṭhira uvāca| kathaṁ siddheśvare prāptāḥ siddhiṁ devā dvijottama| ādityā iti yaccoktaṁ tanme vismāpanaṁ kṛtam

Yudhishthira said: O best of the twice-born, how did the gods attain accomplishment at Siddheshvara? What you have said — 'the Adityas' — has left me amazed.

Verse 5 (skanda.5.346.5)

तपस्युग्रे व्यवसिता आदित्याः केन हेतुना। सम्प्राप्तास्तु द्विजश्रेष्ठ सिद्धिं चैवाभिलाषिकीम्

tapasyugre vyavasitā ādityāḥ kena hetunā| samprāptāstu dvijaśreṣṭha siddhiṁ caivābhilāṣikīm

For what reason did the Adityas undertake such severe austerity, and, O best of the twice-born, how did they attain their desired accomplishment?

Verse 6 (skanda.5.346.6)

संक्षिप्य तु मया पृष्टं विस्तराद्द्विज शंस मे

saṁkṣipya tu mayā pṛṣṭaṁ vistarāddvija śaṁsa me

I have asked this briefly, O brahmin; tell it to me at length.

Verse 7 (skanda.5.346.7)

मार्कण्डेय उवाच। अदितेर्द्वादशादित्या जाताः शक्रपुरोगमाः। इन्द्रो धाता भगस्त्वष्टा मित्रोऽथ वरुणोऽर्यमा

mārkaṇḍeya uvāca| aditerdvādaśādityā jātāḥ śakrapurogamāḥ| indro dhātā bhagastvaṣṭā mitro'tha varuṇo'ryamā

Markandeya said: From Aditi were born the twelve Adityas, headed by Shakra, Indra — Indra, Dhata, Bhaga, Tvashta, Mitra, Varuna, and Aryama —

Verse 8 (skanda.5.346.8)

विवस्वान्सविता पूषा ह्यंशुमान्विष्णुरेव च। त इमे द्वादशादित्या इच्छन्तो भास्करं पदम्

vivasvānsavitā pūṣā hyaṁśumānviṣṇureva ca| ta ime dvādaśādityā icchanto bhāskaraṁ padam

Vivasvan, Savitr, Pushan, Amshuman, and Vishnu — these are the twelve Adityas, who, desiring the office of the sun —

Verse 9 (skanda.5.346.9)

नर्मदातटमाश्रित्य तपस्युग्रे व्यवस्थिताः। सिद्धेश्वरे महाराज काश्यपेयैर्महात्मभिः

narmadātaṭamāśritya tapasyugre vyavasthitāḥ| siddheśvare mahārāja kāśyapeyairmahātmabhiḥ

O great king, resorting to the bank of the Narmada, these great-souled sons of Kashyapa engaged in fierce austerity at Siddheshvara.

Verse 10 (skanda.5.346.10)

परा सिद्धिरनुप्राप्ता द्वादशादित्यसंज्ञितैः। स्थापितश्च जगद्धाता तस्मिंस्तीर्थे दिवाकरः

parā siddhiranuprāptā dvādaśādityasaṁjñitaiḥ| sthāpitaśca jagaddhātā tasmiṁstīrthe divākaraḥ

Supreme accomplishment was thus attained by those known as the twelve Adityas, and the sun, sustainer of the world, was also installed at that tirtha.

Verse 11 (skanda.5.346.11)

स्वकीयांशविभागेन द्वादशादित्यसंज्ञितैः। तदाप्रभृति तत्तीर्थं राजन्ख्यातिं गतं भुवि

svakīyāṁśavibhāgena dvādaśādityasaṁjñitaiḥ| tadāprabhṛti tattīrthaṁ rājankhyātiṁ gataṁ bhuvi

By those called the twelve Adityas, each dividing off a portion of himself — O king, from that time this tirtha became renowned on earth.

Verse 12 (skanda.5.346.12)

प्रलये समनुप्राप्ते ह्यादित्या द्वादशैव ते। द्वादशादित्यतो राजन् सम्भवन्ति युगक्षये

pralaye samanuprāpte hyādityā dvādaśaiva te| dvādaśādityato rājan sambhavanti yugakṣaye

O king, when the dissolution of the world arrives, it is those same twelve Adityas who appear at the end of the age as the destroying suns.

Verse 13 (skanda.5.346.13)

इन्द्रस्तपति पूर्वेण धाता चैवाग्निगोचरे। गभस्तिपतिर्वै याम्ये त्वष्टा नैरृतदिङ्मुखः

indrastapati pūrveṇa dhātā caivāgnigocare| gabhastipatirvai yāmye tvaṣṭā nairṛtadiṅmukhaḥ

Indra scorches in the east, Dhata in the southeast, the direction of fire; the lord of rays burns in the south, and Tvashta faces the southwest.

Verse 14 (skanda.5.346.14)

वरुणः पश्चिमे भागे मित्रस्तु वायवे तथा। विष्णुश्च सौम्यदिग्भागे विवस्वानीशगोचरे

varuṇaḥ paścime bhāge mitrastu vāyave tathā| viṣṇuśca saumyadigbhāge vivasvānīśagocare

Varuna is in the west, Mitra in the northwest, Vishnu in the north, and Vivasvan in the direction of Ishana, the northeast.

Verse 15 (skanda.5.346.15)

ऊर्ध्वतश्चैव सविता ह्यधः पूषा विशोषयन्। अंशुमांस्तु तथा विष्णुर्मुखतो निर्गतं जगत्

ūrdhvataścaiva savitā hyadhaḥ pūṣā viśoṣayan| aṁśumāṁstu tathā viṣṇurmukhato nirgataṁ jagat

Savitr stands above and Pushan below, drying all things up; and from the mouth of Amshuman, as also of Vishnu, this world came forth.

Verse 16 (skanda.5.346.16)

प्रदहन्वै नरश्रेष्ठ बभ्रमुश्च इतस्ततः। यथैव ते महाराज दहन्ति सकलं जगत्

pradahanvai naraśreṣṭha babhramuśca itastataḥ| yathaiva te mahārāja dahanti sakalaṁ jagat

O best of men, blazing forth, they roamed about here and there; O great king, even as they scorch the entire world—

Verse 17 (skanda.5.346.17)

तथैव द्वादशादित्या भक्तानां भावसाधनाः। प्रातरुत्थाय यः स्नात्वा द्वादशादित्यसंज्ञितम्

tathaiva dvādaśādityā bhaktānāṁ bhāvasādhanāḥ| prātarutthāya yaḥ snātvā dvādaśādityasaṁjñitam

So too, these twelve Adityas fulfil the aspirations of their devotees. He who, rising at dawn and bathing, at the tirtha called Dvadashaditya—

Verse 18 (skanda.5.346.18)

पश्यते देवदेवेशं शृणु तस्यैव यत्फलम्। वाचिकं मानसं पापं कर्मजं यत्पुराकृतम्

paśyate devadeveśaṁ śṛṇu tasyaiva yatphalam| vācikaṁ mānasaṁ pāpaṁ karmajaṁ yatpurākṛtam

beholds the lord of gods — hear what fruit is his: whatever sin of speech, mind, or deed has been committed in the past—

Verse 19 (skanda.5.346.19)

नश्यते तत्क्षणादेव द्वादशादित्यदर्शनात्। प्रदक्षिणं तु यः कुर्यात्तस्य देवस्य भारत

naśyate tatkṣaṇādeva dvādaśādityadarśanāt| pradakṣiṇaṁ tu yaḥ kuryāttasya devasya bhārata

is destroyed that very instant by the sight of the twelve Adityas. O descendant of Bharata, he who circumambulates that god—

Verse 20 (skanda.5.346.20)

प्रदक्षिणीकृता तेन पृथिवी नात्र संशयः। तत्र तीर्थे तु सप्तम्यामुपवासेन यत्फलम्

pradakṣiṇīkṛtā tena pṛthivī nātra saṁśayaḥ| tatra tīrthe tu saptamyāmupavāsena yatphalam

has thereby, without doubt, circumambulated the whole earth. What fruit is obtained by fasting there on the seventh lunar day—

Verse 21 (skanda.5.346.21)

अन्यत्र सप्तसप्तम्यां लभन्ति न लभन्ति च। षष्ठ्यां वारे दैनकरे द्वादशादित्यदर्शनात्

anyatra saptasaptamyāṁ labhanti na labhanti ca| ṣaṣṭhyāṁ vāre dainakare dvādaśādityadarśanāt

is not obtained elsewhere even by seven seventh-lunar-day observances. And by the sight of the twelve Adityas on a sixth lunar day falling on a Sunday—

Verse 22 (skanda.5.346.22)

प्रदक्षिणं तु यः कुर्यात्तस्य पापं तु नश्यति। अरोगी सप्तजन्मानि भवेद्वै नात्र संशयः

pradakṣiṇaṁ tu yaḥ kuryāttasya pāpaṁ tu naśyati| arogī saptajanmāni bhavedvai nātra saṁśayaḥ

he who performs the circumambulation has his sin destroyed; he shall be free of disease for seven births — of this there is no doubt.

Verse 23 (skanda.5.346.23)

यस्तु प्रदक्षिणशतं दद्याद्भक्त्या दिने दिने। दद्रूपिटककुष्ठानि मण्डलानि विचर्चिकाः

yastu pradakṣiṇaśataṁ dadyādbhaktyā dine dine| dadrūpiṭakakuṣṭhāni maṇḍalāni vicarcikāḥ

He who, day after day, devotedly performs a hundred circumambulations — his ringworm, boils, leprosy, skin-blotches, and eczema —

Verse 24 (skanda.5.346.24)

नश्यन्ति व्याधयः सर्वे गरुडेनेव पन्नगाः। पुत्रप्राप्तिर्भवेत्तस्य षष्ट्या वासरसेवनात्

naśyanti vyādhayaḥ sarve garuḍeneva pannagāḥ| putraprāptirbhavettasya ṣaṣṭyā vāsarasevanāt

all his diseases are destroyed, just as serpents flee before Garuda. By observance on the sixth lunar day he attains the gift of a son.