The Glory of Shripati

Verse 1 (skanda.5.348.1)

इत्युक्तेऽप्सरसः सर्वाः प्रणिपत्य पुनः पुनः। ऊचुर्नारायणं देवं तद्दर्शनसमीहया

ityukte'psarasaḥ sarvāḥ praṇipatya punaḥ punaḥ| ūcurnārāyaṇaṁ devaṁ taddarśanasamīhayā

When this had been said, all the apsaras, bowing again and again, spoke to the god Narayana, longing for that vision.

Verse 2 (skanda.5.348.2)

वसन्तकामाप्सरस ऊचुः। भगवन्भवता योऽयमुपदेशो हितार्थिना। प्रोक्तः स सर्वो विज्ञातो माहात्म्यं विदितं च ते

vasantakāmāpsarasa ūcuḥ| bhagavanbhavatā yo'yamupadeśo hitārthinā| proktaḥ sa sarvo vijñāto māhātmyaṁ viditaṁ ca te

Vasanta, Kama, and the apsaras said: O Lord, the teaching you have given us, out of concern for our good, we have fully understood, and your greatness too has become known to us.

Verse 3 (skanda.5.348.3)

यत्त्वेतद्भवता प्रोक्तं प्रसन्नेनान्तरात्मना। दर्शितेयं विशालाक्षी दर्शयिष्यामि वो जगत्

yattvetadbhavatā proktaṁ prasannenāntarātmanā| darśiteyaṁ viśālākṣī darśayiṣyāmi vo jagat

As you, with a gladdened inner self, have said — 'This large-eyed woman has been shown; I shall show you the whole universe as well' —

Verse 4 (skanda.5.348.4)

तत्रार्थे सर्वभावेन प्रपन्नानां जगत्पते। दर्शयात्मानमखिलं दर्शितेयं यथोर्वशी

tatrārthe sarvabhāvena prapannānāṁ jagatpate| darśayātmānamakhilaṁ darśiteyaṁ yathorvaśī

O lord of the world, upon us who have wholly taken refuge for that very purpose, show us your entire self, just as this Urvashi was shown.

Verse 5 (skanda.5.348.5)

यदि देवापराधेऽपि नास्मासु कुपितं तव। नमस्ते जगतामीश दर्शयात्मानमात्मना

yadi devāparādhe'pi nāsmāsu kupitaṁ tava| namaste jagatāmīśa darśayātmānamātmanā

O god, if, despite our offense, you harbour no anger toward us, then, O lord of the world, salutations to you — show us your own self by your own self.

Verse 6 (skanda.5.348.6)

नारायण उवाच। पश्यतेहाखिलांल्लोकान्मम देहे सुराङ्गनाः। मधुं मदनमात्मानं यच्चान्यद्द्रष्टुमिच्छथ

nārāyaṇa uvāca| paśyatehākhilāllokānmama dehe surāṅganāḥ| madhuṁ madanamātmānaṁ yaccānyaddraṣṭumicchatha

Narayana said: Behold, O celestial women, within my body all the worlds, Madhu, Madana, your own selves, and whatever else you wish to see.

Verse 7 (skanda.5.348.7)

श्रीमार्कण्डेय उवाच। इत्युक्त्वा भगवान्देवस्तदा नारायणो नृप। उच्चैर्जहास स्वनवत्तत्राभूदखिलं जगत्

śrīmārkaṇḍeya uvāca| ityuktvā bhagavāndevastadā nārāyaṇo nṛpa| uccairjahāsa svanavattatrābhūdakhilaṁ jagat

Shri Markandeya said: O king, having spoken thus, the blessed Lord Narayana laughed aloud, and with that resounding laughter, the entire universe became manifest there.

Verse 8 (skanda.5.348.8)

ब्रह्मा प्रजापतिः शक्रः सह रुद्रैः पिनाकधृक्। आदित्या वसवः साध्या विश्वेदेवा महर्षयः

brahmā prajāpatiḥ śakraḥ saha rudraiḥ pinākadhṛk| ādityā vasavaḥ sādhyā viśvedevā maharṣayaḥ

Brahma, Prajapati, Shakra, the Rudras together with the Pinaka-bearing Shiva, the Adityas, the Vasus, the Sadhyas, the Vishvedevas, and the great sages—

Verse 9 (skanda.5.348.9)

नासत्यदस्रावनिलः सर्वशश्च तथाग्नयः। यक्षगन्धर्वसिद्धाश्च पिशाचोरगकिन्नराः

nāsatyadasrāvanilaḥ sarvaśaśca tathāgnayaḥ| yakṣagandharvasiddhāśca piśācoragakinnarāḥ

Nasatya and Dasra, the Wind, all the fires, yakshas, gandharvas, siddhas, pishachas, nagas, and kinnaras —

Verse 10 (skanda.5.348.10)

समस्ताप्सरसो विद्याः साङ्गा वेदास्तदुक्तयः। मनुष्याः पशवः कीटाः पक्षिणः पादपास्तथा

samastāpsaraso vidyāḥ sāṅgā vedāstaduktayaḥ| manuṣyāḥ paśavaḥ kīṭāḥ pakṣiṇaḥ pādapāstathā

All the apsaras, all knowledge, the Vedas with their limbs and their teachings, men, beasts, insects, birds, and trees —

Verse 11 (skanda.5.348.11)

सरीसृपाश्चाथ सूक्ष्मा यच्चान्यज्जीवसंज्ञितम्। समुद्राः सकलाः शैलाः सरितः काननानि च

sarīsṛpāścātha sūkṣmā yaccānyajjīvasaṁjñitam| samudrāḥ sakalāḥ śailāḥ saritaḥ kānanāni ca

Reptiles, minute creatures, and whatever else is called a living being, all the oceans, mountains, rivers, and forests—

Verse 12 (skanda.5.348.12)

द्वीपान्यशेषाणि तथा तथा सर्वसरांसि च। नगरग्रामपूर्णा च मेदिनी मेदिनीपते। देवाङ्गनाभिर्देवस्य देहे दृष्टं महात्मनः

dvīpānyaśeṣāṇi tathā tathā sarvasarāṁsi ca| nagaragrāmapūrṇā ca medinī medinīpate| devāṅganābhirdevasya dehe dṛṣṭaṁ mahātmanaḥ

All the islands, all the lakes, and this whole earth, full of cities and villages — O king, all this the celestial women beheld within the body of that great god.

Verse 13 (skanda.5.348.13)

नक्षत्रग्रहताराभिः सुसम्पूर्णं नभस्तलम्। ददृशुस्ताः सुचार्वङ्ग्यस्तस्यान्तर्विश्वं रूपिणः

nakṣatragrahatārābhiḥ susampūrṇaṁ nabhastalam| dadṛśustāḥ sucārvaṅgyastasyāntarviśvaṁ rūpiṇaḥ

The vault of the sky, filled with constellations, planets, and stars, those lovely-limbed women likewise beheld within him, the one whose form is the universe.

Verse 14 (skanda.5.348.14)

ऊर्ध्वं न तिर्यङ्नाधस्ताद्यदान्तस्तस्य दृश्यते। तमनन्तमनादिं च ततस्तास्तुष्टुवुः प्रभुम्

ūrdhvaṁ na tiryaṅnādhastādyadāntastasya dṛśyate| tamanantamanādiṁ ca tatastāstuṣṭuvuḥ prabhum

When no end to him could be seen — above, to the sides, or below — they then began to praise that boundless, beginningless Lord.

Verse 15 (skanda.5.348.15)

मदनेन समं सर्वा मधुना च वराङ्गनाः। ससाध्वसा भक्तिपराः परं विस्मयमागताः

madanena samaṁ sarvā madhunā ca varāṅganāḥ| sasādhvasā bhaktiparāḥ paraṁ vismayamāgatāḥ

Together with Madana and Madhu, all those excellent women, awestruck and filled with devotion, were overcome with the deepest wonder.

Verse 16 (skanda.5.348.16)

वसन्तकामाप्सरस ऊचुः। पश्याम नादिं तव देव नान्तं न मध्यमव्याकृतरूपपारम्। परायणं त्वां जगतामनन्तं नताः स्म नारायणमात्मभूतम्

vasantakāmāpsarasa ūcuḥ| paśyāma nādiṁ tava deva nāntaṁ na madhyamavyākṛtarūpapāram| parāyaṇaṁ tvāṁ jagatāmanantaṁ natāḥ sma nārāyaṇamātmabhūtam

Vasanta, Kama, and the apsaras said: O god, we see neither your beginning nor your end, nor your middle, nor any limit to your unmanifest form; we bow to you, O Narayana, the boundless refuge of all the worlds, who are the very Self of all.

Verse 17 (skanda.5.348.17)

महीनभोवायुजलाग्नयस्त्वं शब्दादिरूपस्तु परापरात्मन्। त्वत्तो भवत्यच्युते सर्वमेतद्भेदादिरूपोऽसि विभो त्वमात्मन्

mahīnabhovāyujalāgnayastvaṁ śabdādirūpastu parāparātman| tvatto bhavatyacyute sarvametadbhedādirūpo'si vibho tvamātman

You are earth, sky, air, water, and fire; O Self beyond and within all, you are the very form of sound and the other elements. From you, O unfailing one, all this comes into being; O all-pervading Self, you yourself assume this form of differentiation.

Verse 18 (skanda.5.348.18)

द्रष्टासि रूपस्य परस्य वेत्ता श्रोता च शब्दस्य हरे त्वमेकः। स्रष्टा भवान् सर्वगतोऽखिलस्य घ्राता च गन्धस्य पृथक्शरीरी

draṣṭāsi rūpasya parasya vettā śrotā ca śabdasya hare tvamekaḥ| sraṣṭā bhavān sarvagato'khilasya ghrātā ca gandhasya pṛthakśarīrī

You alone are the seer of form, the supreme knower, and you alone, O Hari, are the hearer of sound. You, all-pervading, are the creator of everything, and, taking on a separate body, you are also the smeller of fragrance.

Verse 19 (skanda.5.348.19)

सुरेषु सर्वेषु न सोऽस्ति कश्चिन्मनुष्यलोकेषु न सोऽस्ति कश्चित्। पश्वादिवर्गेषु न सोऽस्ति कश्चिद्यो नांशभूतस्तव देवदेव

sureṣu sarveṣu na so'sti kaścinmanuṣyalokeṣu na so'sti kaścit| paśvādivargeṣu na so'sti kaścidyo nāṁśabhūtastava devadeva

Among all the gods there is none, in the world of men there is none, among the classes of beasts and the rest there is none, O god of gods, who is not a portion of you.

Verse 20 (skanda.5.348.20)

ब्रह्माम्बुधीन्दुप्रमुखानि सौम्य शक्रादिरूपाणि तवोत्तमानि। समुद्ररूपं तव धैर्यवत्सु तेजः स्वरूपेषु रविस्तथाग्निः

brahmāmbudhīndupramukhāni saumya śakrādirūpāṇi tavottamāni| samudrarūpaṁ tava dhairyavatsu tejaḥ svarūpeṣu ravistathāgniḥ

O gentle one, Brahma, the ocean, the moon, and the foremost among these, as well as Indra and the rest, are your excellent forms. Among the steadfast, your form is the ocean; among the radiant, your true nature is the sun and fire.

Verse 21 (skanda.5.348.21)

क्षमाधनेषु क्षितिरूपमग्र्यं शीघ्रो बलवत्सु वायुः। मनुष्यरूपं तव राजवेषो मूढेषु सर्वेश्वर पादपोऽसि

kṣamādhaneṣu kṣitirūpamagryaṁ śīghro balavatsu vāyuḥ| manuṣyarūpaṁ tava rājaveṣo mūḍheṣu sarveśvara pādapo'si

Among the forbearing, your foremost form is the earth; among the strong, the swift-moving wind. Among men, your form is the garb of a king; and among the dull and inert, O lord of all, you are the tree.

Verse 22 (skanda.5.348.22)

सर्वानयेष्वच्युत दानवस्त्वं सनत्सजातश्च विवेकवत्सु। रसस्वरूपेण जलस्थितोऽसि गन्धस्वरूपं भवतो धरित्र्याम्

sarvānayeṣvacyuta dānavastvaṁ sanatsajātaśca vivekavatsu| rasasvarūpeṇa jalasthito'si gandhasvarūpaṁ bhavato dharitryām

O unfailing one, among all the unjust you are the demon, and among the discerning, the sage Sanatsujata. In the form of taste, you dwell in water, and your form upon the earth is fragrance.

Verse 23 (skanda.5.348.23)

दृश्यस्वरूपश्च हुताशनस्त्वं स्पर्शस्वरूपं भवतः समीरे। शब्दादिकं ते नभसि स्वरूपं मन्तव्यरूपो मनसि प्रभो त्वम्

dṛśyasvarūpaśca hutāśanastvaṁ sparśasvarūpaṁ bhavataḥ samīre| śabdādikaṁ te nabhasi svarūpaṁ mantavyarūpo manasi prabho tvam

In fire, your nature is visible form; in the wind, your nature is touch; in space, your nature is sound and the rest; and in the mind, O lord, you are the very object worthy of contemplation.

Verse 24 (skanda.5.348.24)

बोधस्वरूपश्च मतौ त्वमेकः सर्वत्र सर्वेश्वर सर्वभूत। पश्यामि ते नाभिसरोजमध्ये ब्रह्माणमीशं च हरं भृकुट्याम्

bodhasvarūpaśca matau tvamekaḥ sarvatra sarveśvara sarvabhūta| paśyāmi te nābhisarojamadhye brahmāṇamīśaṁ ca haraṁ bhṛkuṭyām

In the intellect, you alone are the very nature of awareness, O lord of all, O all-being, present everywhere. I see Brahma in the midst of your navel-lotus, and Lord Hara upon your brow.

Verse 25 (skanda.5.348.25)

तवाश्विनौ कर्णगतौ समस्तास्तवास्थिता बाहुषु लोकपालाः। घ्राणोऽनिलो नेत्रगतौ रवीन्दु जिह्वा च ते नाथ सरस्वतीयम्

tavāśvinau karṇagatau samastāstavāsthitā bāhuṣu lokapālāḥ| ghrāṇo'nilo netragatau ravīndu jihvā ca te nātha sarasvatīyam

The two Ashvins dwell in your ears, and all the guardians of the worlds abide in your arms. The Wind is your sense of smell, the sun and moon are your eyes, and, O lord, this Sarasvati resides as your tongue.

Verse 26 (skanda.5.348.26)

पादौ धरित्री जठरं समस्तांल्लोकान् हृषीकेश विलोकयामः। जङ्घे वयं पादतलाङ्गुलीषु पिशाचयक्षोरगसिद्धसङ्घाः

pādau dharitrī jaṭharaṁ samastāllokān hṛṣīkeśa vilokayāmaḥ| jaṅghe vayaṁ pādatalāṅgulīṣu piśācayakṣoragasiddhasaṅghāḥ

Your feet are the earth, O Hrishikesha; within your belly we behold all the worlds. We ourselves dwell in your shins, and in the soles and toes of your feet are the hosts of pishachas, yakshas, nagas, and siddhas.

Verse 27 (skanda.5.348.27)

पुंस्त्वे प्रजानां पतिरोष्ठयुग्मे प्रतिष्ठितास्ते क्रतवः समस्ताः। सर्वे वयं ते दशनेषु देव दंष्ट्रासु देवा ह्यभवंश्च दन्ताः

puṁstve prajānāṁ patiroṣṭhayugme pratiṣṭhitāste kratavaḥ samastāḥ| sarve vayaṁ te daśaneṣu deva daṁṣṭrāsu devā hyabhavaṁśca dantāḥ

Prajapati is established in your manhood; upon your two lips rest all the sacrifices. O god, all of us abide in your teeth, and the gods themselves have become your tusks and teeth.

Verse 28 (skanda.5.348.28)

रोमाण्यशेषास्तव देवसङ्घा विद्याधरा नाथ तवाङ्घ्रिरेखाः। साङ्गाः समस्तास्तव देव वेदाः समास्थिताः सन्धिषु बाहुभूताः

romāṇyaśeṣāstava devasaṅghā vidyādharā nātha tavāṅghrirekhāḥ| sāṅgāḥ samastāstava deva vedāḥ samāsthitāḥ sandhiṣu bāhubhūtāḥ

All your body-hairs are the hosts of gods, O lord, and the vidyadharas are the lines upon your feet. O god, all the Vedas with their limbs abide in your joints, taking the very form of your arms.

Verse 29 (skanda.5.348.29)

वराहभूतं धरणीधरस्ते नृसिंहरूपं च सदा करालम्। पश्याम ते वाजिशिरस्तथोच्चैस्त्रिविक्रमे यच्च तदाप्रमेयम्

varāhabhūtaṁ dharaṇīdharaste nṛsiṁharūpaṁ ca sadā karālam| paśyāma te vājiśirastathoccaistrivikrame yacca tadāpramemam

We behold your earth-bearing form as the Boar, and your ever-fearsome form as the Man-Lion. We see too your horse-headed form, and that immeasurable form you took at the striding of the three worlds, Trivikrama.

Verse 30 (skanda.5.348.30)

अमी समुद्रास्तव देव देहे मौर्वालयः शैलधरास्तथामी। इमाश्च गङ्गाप्रमुखाः स्रवन्त्यो द्वीपाण्यशेषाणि वनादिदेशाः

amī samudrāstava deva dehe maurvālayaḥ śailadharāstathāmī| imāśca gaṅgāpramukhāḥ sravantyo dvīpāṇyaśeṣāṇi vanādideśāḥ

O god, all these oceans dwell within your body, and likewise these mountain-bearing regions; these rivers headed by the Ganga, all the islands, and the forests and other lands as well.

Verse 31 (skanda.5.348.31)

स्तुवन्ति चेमे मुनयस्तवेश देहे स्थितास्त्वन्महिमानमग्र्यम्। त्वामीशितारं जगतामनन्तं यजन्ति यज्ञैः किल यज्ञिनोऽमी

stuvanti ceme munayastaveśa dehe sthitāstvanmahimānamagryam| tvāmīśitāraṁ jagatāmanantaṁ yajanti yajñaiḥ kila yajñino'mī

O lord, these sages, dwelling within your body, praise your supreme glory; and these sacrificers indeed worship you, the boundless ruler of the worlds, through their sacrifices.

Verse 32 (skanda.5.348.32)

त्वत्तोहि सौम्यं जगतीह किंचित्त्वत्तो न रौद्रं च समस्तमूर्ते। त्वत्तो न शीतं च न केशवोष्णं सर्वस्वरूपातिशयी त्वमेव

tvattohi saumyaṁ jagatīha kiṁcittvatto na raudraṁ ca samastamūrte| tvatto na śītaṁ ca na keśavoṣṇaṁ sarvasvarūpātiśayī tvameva

O universal form, whatever in this world is gentle comes from you, and whatever is fierce is likewise not other than you. O Keshava, neither cold nor heat is apart from you; you alone transcend and surpass every form.

Verse 33 (skanda.5.348.33)

प्रसीद सर्वेश्वर सर्वभूत सनातनात्मपरमेश्वरेश। त्वन्मायया मोहितमानसाभिर्यत्तेऽपराद्धं तदिदं क्षमस्व

prasīda sarveśvara sarvabhūta sanātanātmaparameśvareśa| tvanmāyayā mohitamānasābhiryatte'parāddhaṁ tadidaṁ kṣamasva

Be gracious, O lord of all, O all-being, O eternal Self, O lord even of the supreme lords. Forgive whatever offense we, our minds deluded by your own maya, have committed against you.

Verse 34 (skanda.5.348.34)

किं वापराद्धं तव देवदेव यन्मायया नो हृदयं तवापि। मायाभिशङ्किप्रणतार्तिहन्तर्मनो हि नो विह्वलतामुपैति

kiṁ vāparāddhaṁ tava devadeva yanmāyayā no hṛdayaṁ tavāpi| māyābhiśaṅkipraṇatārtihantarmano hi no vihvalatāmupaiti

O god of gods, what offense of ours could there truly be, when even our heart is enveloped by your own maya? O remover of the suffering of the surrendered, it is only from the fear of that maya that our mind becomes distraught.

Verse 35 (skanda.5.348.35)

न तेऽपराद्धं यदि तेऽपराद्धमस्माभिरुन्मार्गविवर्तिनीभिः। तत्क्षम्यतां सृष्टिकृतस्तवैव देवापराधः सृजतो विवेकम्

na te'parāddhaṁ yadi te'parāddhamasmābhirunmārgavivartinībhiḥ| tatkṣamyatāṁ sṛṣṭikṛtastavaiva devāparādhaḥ sṛjato vivekam

If any offense has indeed been committed against you, let it be forgiven as ours alone, we who have wandered from the right path. O god, creator of this universe, this offense belongs only to the sphere of one who begets discernment.

Verse 36 (skanda.5.348.36)

नमो नमस्ते गोविन्द नारायण जनार्दन। त्वन्नामस्मरणात्पापमशेषं नः प्रणश्यतु

namo namaste govinda nārāyaṇa janārdana| tvannāmasmaraṇātpāpamaśeṣaṁ naḥ praṇaśyatu

Salutation, salutation again to you, O Govinda, Narayana, Janardana. By the remembrance of your name may all our sin be destroyed.

Verse 37 (skanda.5.348.37)

नमोऽनन्त नमस्तुभ्यं विश्वात्मन्विश्वभावन। त्वन्नामस्मरणात्पापमशेषं नः प्रणश्यतु

namo'nanta namastubhyaṁ viśvātmanviśvabhāvana| tvannāmasmaraṇātpāpamaśeṣaṁ naḥ praṇaśyatu

Salutation to you, O boundless one, O Self of the universe, O begetter of the universe. By the remembrance of your name may all our sin be destroyed.

Verse 38 (skanda.5.348.38)

वरेण्य यज्ञपुरुष प्रजापालन वामन। त्वन्नामस्मरणात्पापमशेषं नः प्रणश्यतु

vareṇya yajñapuruṣa prajāpālana vāmana| tvannāmasmaraṇātpāpamaśeṣaṁ naḥ praṇaśyatu

O most excellent one, O spirit of sacrifice, O protector of creatures, O Vamana. By the remembrance of your name may all our sin be destroyed.

Verse 39 (skanda.5.348.39)

नमोऽस्तु तेऽब्जनाभाय प्रजापतिकृते हर। त्वन्नामस्मरणात्पापमशेषं नः प्रणश्यतु

namo'stu te'bjanābhāya prajāpatikṛte hara| tvannāmasmaraṇātpāpamaśeṣaṁ naḥ praṇaśyatu

Salutation to you, O lotus-naveled one, O maker of Prajapati, O remover of sin. By the remembrance of your name may all our sin be destroyed.

Verse 40 (skanda.5.348.40)

संसारार्णवपोताय नमस्तुभ्यमधोक्षज। त्वन्नामस्मरणात्पापमशेषं नः प्रणश्यतु

saṁsārārṇavapotāya namastubhyamadhokṣaja| tvannāmasmaraṇātpāpamaśeṣaṁ naḥ praṇaśyatu

Salutation to you, O Adhokshaja, the very vessel that ferries across the ocean of worldly existence. By the remembrance of your name may all our sin be destroyed.

Verse 41 (skanda.5.348.41)

नमः परस्मै श्रीशाय वासुदेवाय वेधसे। स्वेच्छया गुणयुक्ताय सर्गस्थित्यन्तकारिणे

namaḥ parasmai śrīśāya vāsudevāya vedhase| svecchayā guṇayuktāya sargasthityantakāriṇe

Salutation to the supreme lord of Shri, Vasudeva, the ordainer, who by his own will assumes the gunas and who brings about creation, preservation, and dissolution.

Verse 42 (skanda.5.348.42)

उपसंहर विश्वात्मन्रूपमेतत्सनातनम्। वर्धमानं न नो द्रष्टुं समर्थं चक्षुरीश्वर

upasaṁhara viśvātmanrūpametatsanātanam| vardhamānaṁ na no draṣṭuṁ samarthaṁ cakṣurīśvara

O Self of the universe, withdraw this eternal form of yours; O lord, our eyes are not able to behold it as it continues to grow ever vaster.

Verse 43 (skanda.5.348.43)

प्रलयाग्निसहस्रस्य समा दीप्तिस्तवाच्युत। प्रमाणेन दिशो भूमिर्गगनं च समावृतम्

pralayāgnisahasrasya samā dīptistavācyuta| pramāṇena diśo bhūmirgaganaṁ ca samāvṛtam

O unfailing one, your radiance is equal to a thousand fires of dissolution; by its sheer extent, all the directions, the earth, and the sky are entirely enveloped.

Verse 44 (skanda.5.348.44)

न विद्मः कुत्र वर्तामो भवान्नाथोपलक्ष्यते। सर्वं जगदेकस्थं पिण्डितं लक्षयामहे

na vidmaḥ kutra vartāmo bhavānnāthopalakṣyate| sarvaṁ jagadekasthaṁ piṇḍitaṁ lakṣayāmahe

We no longer know where we stand; you alone, O lord, are perceived everywhere. We behold this entire universe gathered into a single, concentrated point.

Verse 45 (skanda.5.348.45)

किं वर्णयामो रूपं ते किं प्रमाणमिदं हरे। माहात्म्यं किं नु ते देव यज्जिह्वाया न गोचरे

kiṁ varṇayāmo rūpaṁ te kiṁ pramāṇamidaṁ hare| māhātmyaṁ kiṁ nu te deva yajjihvāyā na gocare

O Hari, what can we say to describe your form? What can we say of its measure? O god, what can we say of your greatness, which lies utterly beyond the reach of speech?

Verse 46 (skanda.5.348.46)

वक्तारो वायुतेनापि बुद्धीनामयुतायुतैः। गुणनिर्वर्णनं नाथ कर्तुं तव न शक्यते

vaktāro vāyutenāpi buddhīnāmayutāyutaiḥ| guṇanirvarṇanaṁ nātha kartuṁ tava na śakyate

O lord, even speakers endowed with tens of thousands upon tens of thousands of intellects are unable to give a full account of your attributes.

Verse 47 (skanda.5.348.47)

तदेतद्दर्शितं रूपं प्रसादः परमः कृतः। छन्दतो जगतामीश तदेतदुपसंहर

tadetaddarśitaṁ rūpaṁ prasādaḥ paramaḥ kṛtaḥ| chandato jagatāmīśa tadetadupasaṁhara

This form that has been shown to us is indeed the highest grace bestowed; O lord of the worlds, now, at your own will, withdraw it.

Verse 48 (skanda.5.348.48)

मार्कण्डेय उवाच। इत्येवं संस्तुतस्ताभिरप्सरोभिर्जनार्दनः। दिव्यज्ञानोपपन्नानां तासां प्रत्यक्षमीश्वरः

mārkaṇḍeya uvāca| ityevaṁ saṁstutastābhirapsarobhirjanārdanaḥ| divyajñānopapannānāṁ tāsāṁ pratyakṣamīśvaraḥ

Markandeya said: Thus praised by those apsaras, Janardana, present in visible form directly before those women now endowed with divine knowledge —

Verse 49 (skanda.5.348.49)

विवेश सर्वभूतानि स्वैरंशैर्भूतभावनः। तं दृष्ट्वा सर्वभूतेषु लीयमानमधोक्षजम्

viveśa sarvabhūtāni svairaṁśairbhūtabhāvanaḥ| taṁ dṛṣṭvā sarvabhūteṣu līyamānamadhokṣajam

the source of all beings entered into all creatures by his own portions. Beholding him, Adhokshaja, dissolving into all beings—

Verse 50 (skanda.5.348.50)

विस्मयं परमं चक्रुः समस्ता देवयोषितः। स च सर्वेश्वरः शैलान्पादपान्सागरान्भुवम्

vismayaṁ paramaṁ cakruḥ samastā devayoṣitaḥ| sa ca sarveśvaraḥ śailānpādapānsāgarānbhuvam

all the celestial women were struck with the deepest wonder. And that lord of all entered into the mountains, the trees, the oceans, and the earth as well—

Verse 51 (skanda.5.348.51)

जलमग्निं तथा वायुमाकाशं च विवेश ह। काले दिक्ष्वथ सर्वात्म ह्यात्मनश्चान्यथापि च

jalamagniṁ tathā vāyumākāśaṁ ca viveśa ha| kāle dikṣvatha sarvātma hyātmanaścānyathāpi ca

He entered into water, fire, air, and space; that all-souled one entered into time, into the directions, into his own self, and into other things besides.

Verse 52 (skanda.5.348.52)

आत्मरूपस्थितं स्वेन महिम्ना भावयञ्जगत्। देवदानवरक्षांसि यक्षीविद्याधरोरगाः

ātmarūpasthitaṁ svena mahimnā bhāvayañjagat| devadānavarakṣāṁsi yakṣīvidyādharoragāḥ

manifesting the universe, through his own glory, as established in the very form of his own Self — gods, danavas, rakshasas, yakshas, vidyadharas, nagas —

Verse 53 (skanda.5.348.53)

मनुष्यपशुकीटादिमृगपश्वन्तरिक्षगाः। येऽन्तरिक्षे तथा भूमौ दिवि ये च जलाश्रयाः

manuṣyapaśukīṭādimṛgapaśvantarikṣagāḥ| ye'ntarikṣe tathā bhūmau divi ye ca jalāśrayāḥ

humans, beasts, insects, deer, creatures that move through the sky, and those that dwell in the atmosphere, on the earth, in the heavens, and in the waters —

Verse 54 (skanda.5.348.54)

तान्विवेश स विश्वात्मा पुनस्तद्रूपमास्थितः। नरेण सार्धं यत्ताभिर्दृष्टपूर्वमरिन्दम

tānviveśa sa viśvātmā punastadrūpamāsthitaḥ| nareṇa sārdhaṁ yattābhirdṛṣṭapūrvamarindama

into all of these the universal Self entered, and then resumed that very same form — together with Nara, the form which those apsaras had beheld before, O tamer of foes.

Verse 55 (skanda.5.348.55)

ताः परं विस्मयं जग्मुः सर्वास्त्रिदशयोषितः। प्रणेमुः साध्वसात्पाण्डुवदना नृपसत्तम

tāḥ paraṁ vismayaṁ jagmuḥ sarvāstridaśayoṣitaḥ| praṇemuḥ sādhvasātpāṇḍuvadanā nṛpasattama

All those celestial women were struck with the utmost wonder; O best of kings, their faces pale with awe, they bowed down.

Verse 56 (skanda.5.348.56)

नारायणोऽपि भगवानाह तास्त्रिदशाङ्गनाः

nārāyaṇo'pi bhagavānāha tāstridaśāṅganāḥ

The blessed Narayana then spoke to those celestial women.

Verse 57 (skanda.5.348.57)

नारायण उवाच। नीयतामुर्वशी भद्रा यत्रासौ त्रिदशेश्वरः। भवतीनां हितार्थाय सर्वभूतेष्वसाविति

nārāyaṇa uvāca| nīyatāmurvaśī bhadrā yatrāsau tridaśeśvaraḥ| bhavatīnāṁ hitārthāya sarvabhūteṣvasāviti

Narayana said: Let the auspicious Urvashi be taken to where that lord of the gods dwells; it was for your own good that I revealed myself thus, present in all beings.

Verse 58 (skanda.5.348.58)

ज्ञानमुत्पादितं भूयो लयं भूतेषु कुर्वता। तद्गच्छध्वं समस्तोऽयं भूतग्रामो मदंशकः

jñānamutpāditaṁ bhūyo layaṁ bhūteṣu kurvatā| tadgacchadhvaṁ samasto'yaṁ bhūtagrāmo madaṁśakaḥ

By dissolving myself once more into all beings, I have brought forth this knowledge anew. Now go your way; this entire multitude of creatures is but a portion of me.

Verse 59 (skanda.5.348.59)

अहमद्यात्मभूतस्य वासुदेवस्य योगिनः। अस्मात्परतरं नास्ति योऽनन्तः परिपथ्यते

ahamadyātmabhūtasya vāsudevasya yoginaḥ| asmātparataraṁ nāsti yo'nantaḥ paripathyate

I am today the very self of that Yogin Vasudeva, who has become the Self of all — beyond whom there is nothing, he who is known as the infinite.

Verse 60 (skanda.5.348.60)

तमजं सर्वभूतेशं जानीत परमं पदम्। अहं भवत्यो देवाश्च मनुष्याः पशवश्च ये। एतत्सर्वमनन्तस्य वासुदेवस्य वै कृतम्

tamajaṁ sarvabhūteśaṁ jānīta paramaṁ padam| ahaṁ bhavatyo devāśca manuṣyāḥ paśavaśca ye| etatsarvamanantasya vāsudevasya vai kṛtam

Know that unborn lord of all beings as the supreme state. I, you, the gods, men, and whatever beasts there are — all this is indeed the work of that infinite Vasudeva.

Verse 61 (skanda.5.348.61)

एवं ज्ञात्वा समं सर्वं सदेवासुरमानुषम्। सपश्वादिगुणं चैव द्रष्टव्यं त्रिदशाङ्गनाः

evaṁ jñātvā samaṁ sarvaṁ sadevāsuramānuṣam| sapaśvādiguṇaṁ caiva draṣṭavyaṁ tridaśāṅganāḥ

Knowing this, O celestial women, the entire universe — gods, demons, men, and beasts together with all their qualities — should be viewed with equanimity.

Verse 62 (skanda.5.348.62)

मार्कण्डेय उवाच। इत्युक्तास्तेन देवेन समस्तास्ताः सुरस्त्रियः। प्रणम्य तौ समदनाः सवसन्ताश्च पार्थिव

mārkaṇḍeya uvāca| ityuktāstena devena samastāstāḥ surastriyaḥ| praṇamya tau samadanāḥ savasantāśca pārthiva

Markandeya said: O king, thus addressed by that god, all those celestial women, together with Kama and Vasanta, bowed down to the two sages.

Verse 63 (skanda.5.348.63)

आदाय चोर्वशीं भूयो देवराजमुपागताः। आचख्युश्च यथावृत्तं देवराजाय तत्तथा

ādāya corvaśīṁ bhūyo devarājamupāgatāḥ| ācakhyuśca yathāvṛttaṁ devarājāya tattathā

taking Urvashi with them, returned once more to the king of the gods, and related to him, exactly as it had occurred, all that had taken place.

Verse 64 (skanda.5.348.64)

मार्कण्डेय उवाच। तथा त्वमपि राजेन्द्र सर्वभूतेषु केशवम्। चिन्तयन्समतां गच्छ समतैव हि मुक्तये

mārkaṇḍeya uvāca| tathā tvamapi rājendra sarvabhūteṣu keśavam| cintayansamatāṁ gaccha samataiva hi muktaye

Markandeya said: O Rajendra, in the same way, you too should contemplate Keshava in all beings and attain equanimity, for equanimity alone leads to liberation.

Verse 65 (skanda.5.348.65)

राजन्नेवं विशेषेण भूतेषु परमेश्वरम्। वासुदेव कथं दोषांल्लोभादीन्न प्रहास्यसि

rājannevaṁ viśeṣeṇa bhūteṣu parameśvaram| vāsudeva kathaṁ doṣāllobhādīnna prahāsyasi

O king, when this Supreme Lord Vasudeva is thus specially present in all beings, why would you not abandon the faults of greed and the rest?

Verse 66 (skanda.5.348.66)

सर्वभूतानि गोविन्दाद्यदा नान्यानि भूपते। तदा वैरादयो भावाः क्रियतां न तु पुत्रक

sarvabhūtāni govindādyadā nānyāni bhūpate| tadā vairādayo bhāvāḥ kriyatāṁ na tu putraka

O king, when all beings are not other than Govinda, then, O child, you should never harbour feelings of enmity and the like.

Verse 67 (skanda.5.348.67)

इति पश्य जगत्सर्वं वासुदेवात्मकं नृप। एतदेव हि कृष्णेन रूपमाविष्कृतं नृप

iti paśya jagatsarvaṁ vāsudevātmakaṁ nṛpa| etadeva hi kṛṣṇena rūpamāviṣkṛtaṁ nṛpa

O king, thus see the entire universe as nothing but the very form of Vasudeva; O king, this is that same form revealed by Krishna.

Verse 68 (skanda.5.348.68)

परमेश्वरेति यद्रूपं तदेतत्कथितं तव। जन्मादिभावरहितं तद्विष्णोः परमं पदम्

parameśvareti yadrūpaṁ tadetatkathitaṁ tava| janmādibhāvarahitaṁ tadviṣṇoḥ paramaṁ padam

That form called the Supreme Lord — this is what has been described to you; free from birth and the other conditions of being, it is the highest state of Vishnu.

Verse 69 (skanda.5.348.69)

संक्षेपेणाथ भूपाल श्रूयतां यद्वदामि ते। यन्मतं पुरुषः कृत्वा परं निर्वाणमृच्छति

saṁkṣepeṇātha bhūpāla śrūyatāṁ yadvadāmi te| yanmataṁ puruṣaḥ kṛtvā paraṁ nirvāṇamṛcchati

O king, now hear in brief what I am about to tell you — that teaching by adopting which a man attains the supreme liberation.

Verse 70 (skanda.5.348.70)

सर्वो विष्णुसमासो हि भावाभावौ च तन्मयौ। सदसत्सर्वमीशोऽसौ महादेवः परं पदम्

sarvo viṣṇusamāso hi bhāvābhāvau ca tanmayau| sadasatsarvamīśo'sau mahādevaḥ paraṁ padam

All existence is comprehended entirely within Vishnu; both being and non-being are of his very nature. Existence and non-existence alike — he, the great god, the lord, is the supreme state.

Verse 71 (skanda.5.348.71)

भवजलधिगतानां द्वन्द्ववाताहतानां सुतदुहितृकलत्रत्राणभारार्दितानाम्। विषमविषयतोये मज्जतामप्लवानां भवति शरणमेको विष्णुपोतो नराणाम्

bhavajaladhigatānāṁ dvandvavātāhatānāṁ sutaduhitṛkalatratrāṇabhārārditānām| viṣamaviṣayatoye majjatāmaplavānāṁ bhavati śaraṇameko viṣṇupoto narāṇām

For men who are sunk in the ocean of worldly existence, buffeted by the winds of the pairs of opposites, weighed down by the burden of protecting children and spouse, and drowning, boatless, in the treacherous waters of sense-objects — the one and only refuge is the vessel of Vishnu.