The Glory of Shuleshvara Tirtha

Verse 1 (skanda.5.353.1)

मार्कण्डेय उवाच। ततो गच्छेन्महीपाल भद्रकालीतिसङ्गमम्। शूलतीर्थमिति ख्यातं स्वयं देवेन निर्मितम्

mārkaṇḍeya uvāca| tato gacchenmahīpāla bhadrakālītisaṅgamam| śūlatīrthamiti khyātaṁ svayaṁ devena nirmitam

Markandeya said: O king, then one should go to the confluence of Bhadrakali, known as Shula Tirtha, fashioned by the god himself.

Verse 2 (skanda.5.353.2)

पञ्चायतनमध्ये तु तिष्ठते परमेश्वरः। शूलपाणिर्महादेवः सर्वदेवतपूजितः

pañcāyatanamadhye tu tiṣṭhate parameśvaraḥ| śūlapāṇirmahādevaḥ sarvadevatapūjitaḥ

In the midst of the five-shrine complex stands the Supreme Lord, trident-bearing Mahadeva, worshipped by all the gods.

Verse 3 (skanda.5.353.3)

स सङ्गमो नृपश्रेष्ठ नित्यं देवैर्निषेवितः। दर्शनात्तस्य तीर्थस्य स्नानदानाद्विशेषतः

sa saṅgamo nṛpaśreṣṭha nityaṁ devairniṣevitaḥ| darśanāttasya tīrthasya snānadānādviśeṣataḥ

O best of kings, that confluence is ever frequented by the gods. By the sight of that tirtha, and especially by bathing and giving gifts there—

Verse 4 (skanda.5.353.4)

दौर्भाग्यं दुर्निमित्तं च ह्यभिशापो नृपग्रहः। यदन्यद्दुष्कृतं कर्म नश्यते शङ्करोऽब्रवीत्

daurbhāgyaṁ durnimittaṁ ca hyabhiśāpo nṛpagrahaḥ| yadanyadduṣkṛtaṁ karma naśyate śaṅkaro'bravīt

misfortune, ill omens, curses, royal displeasure, and whatever other evil deed there be — all are destroyed, thus spoke Shankara.

Verse 5 (skanda.5.353.5)

युधिष्ठिर उवाच। कथं शूलेश्वरी देवी कथं शूलेश्वरो हरः। प्रथितो नर्मदातीरे एतद्विस्तरतो वद

yudhiṣṭhira uvāca| kathaṁ śūleśvarī devī kathaṁ śūleśvaro haraḥ| prathito narmadātīre etadvistarato vada

Yudhishthira said: How did the goddess Shuleshvari and Shuleshvara, Hara, come to be renowned on the bank of the Narmada? Tell this at length.

Verse 6 (skanda.5.353.6)

मार्कण्डेय उवाच। बभूव ब्राह्मणः कश्चिन्माण्डव्य इति विश्रुतः। वृत्तिमान्सर्वधर्मज्ञः सत्ये तपसि च स्थितः

mārkaṇḍeya uvāca| babhūva brāhmaṇaḥ kaścinmāṇḍavya iti viśrutaḥ| vṛttimānsarvadharmajñaḥ satye tapasi ca sthitaḥ

Markandeya said: There was a certain brahmin renowned by the name Mandavya, a man of good conduct, knowing all dharma, established in truth and austerity.

Verse 7 (skanda.5.353.7)

अशोकाश्रममध्यस्थो वृक्षमूले महातपाः। ऊर्ध्वबाहुर्महातेजास्तस्थौ मौनव्रतान्वितः

aśokāśramamadhyastho vṛkṣamūle mahātapāḥ| ūrdhvabāhurmahātejāstasthau maunavratānvitaḥ

In the midst of the Ashoka hermitage, at the foot of a tree, that great ascetic, arms raised aloft, of great splendour, remained fixed in the vow of silence.

Verse 8 (skanda.5.353.8)

तस्य कालेन महता तीव्रे तपसि वर्ततः। तमाश्रममनुप्राप्ता दस्यवो लोप्त्रहारिणः

tasya kālena mahatā tīvre tapasi vartataḥ| tamāśramamanuprāptā dasyavo loptrahāriṇaḥ

While he was engaged for a long time in that intense austerity, robbers, carrying stolen plunder, arrived at that hermitage.

Verse 9 (skanda.5.353.9)

अनुसर्प्यमाणा बहुभिः पुरुषैर्भरतर्षभ। ते तस्यावसथे लोप्त्रं न्यदधुः कुरुनन्दन

anusarpyamāṇā bahubhiḥ puruṣairbharatarṣabha| te tasyāvasathe loptraṁ nyadadhuḥ kurunandana

O bull of the Bharatas, being pursued by many men, O descendant of Kuru, they deposited that plunder right there in his hermitage.

Verse 10 (skanda.5.353.10)

निधाय च तदा लीनास्तत्रैवाश्रममण्डले। तेषु लीनेष्वथो शीघ्रं ततस्तद्रक्षिणां बलम्

nidhāya ca tadā līnāstatraivāśramamaṇḍale| teṣu līneṣvatho śīghraṁ tatastadrakṣiṇāṁ balam

and, having hidden it there, they concealed themselves within that hermitage precinct. Then, soon after they had hidden, the force of the pursuing guards—

Verse 11 (skanda.5.353.11)

आजगाम ततोऽपश्यंस्तमृषिं तस्करानुगाः। तमपृच्छंस्तदा वृत्तं रक्षिणस्तं तपोधनम्

ājagāma tato'paśyaṁstamṛṣiṁ taskarānugāḥ| tamapṛcchaṁstadā vṛttaṁ rakṣiṇastaṁ tapodhanam

arrived there, and, pursuing the thieves, they caught sight of that sage. The guards then questioned that ascetic of austere wealth.

Verse 12 (skanda.5.353.12)

वद केन पथा याता दस्यवो द्विजसत्तम। तेन गच्छामहे ब्रह्मन् यथा शीघ्रतरं वयम्

vada kena pathā yātā dasyavo dvijasattama| tena gacchāmahe brahman yathā śīghrataraṁ vayam

Speak, O best of the twice-born, by which path have the robbers fled? O brahmin, tell us so that we may go swiftly by that same way.

Verse 13 (skanda.5.353.13)

तथा तु वचनं तेषां ब्रुवतां स तपोधनः। न किंचिद्वचनं राजन्नवदत्साध्वसाधु वा

tathā tu vacanaṁ teṣāṁ bruvatāṁ sa tapodhanaḥ| na kiṁcidvacanaṁ rājannavadatsādhvasādhu vā

But though they spoke thus, that ascetic of austere wealth said nothing at all, O king; he uttered not a single word, good or ill.

Verse 14 (skanda.5.353.14)

ततस्ते राजपुरुषा विचिन्वन्तस्तमाश्रमम्। संयम्यैनं ततो राज्ञे सर्वान् दस्यून्न्यवेदयन्

tataste rājapuruṣā vicinvantastamāśramam| saṁyamyainaṁ tato rājñe sarvān dasyūnnyavedayan

Then those royal officers searched through that hermitage, and, binding him, they reported to the king concerning all the robbers.

Verse 15 (skanda.5.353.15)

तं राजा सहितैश्चोरैरन्वशाद्वध्यतामिति। सम्बध्य तं च तैर्राजञ्छूले प्रोतो महातपाः

taṁ rājā sahitaiścoraiḥ anvaśādvadhyatāmiti| sambadhya taṁ ca tairrājañchūle proto mahātapāḥ

The king, taking him to be bound together with the robbers, ordered his execution. O king, they bound that great ascetic and impaled him upon a stake.

Verse 16 (skanda.5.353.16)

ततस्ते शूलमारोप्य तं मुनिं रक्षिणस्तदा। प्रतिजग्मुर्महीपाल धनान्यादाय तान्यथ

tataste śūlamāropya taṁ muniṁ rakṣiṇastadā| pratijagmurmahīpāla dhanānyādāya tānyatha

Having impaled that sage upon the stake, the guards then returned, O king, taking that wealth with them.

Verse 17 (skanda.5.353.17)

शूलस्थः स तु धर्मात्मा कालेन महता तदा। ध्यायन्देवं त्रिलोकेशं शङ्करं तमुमापतिम्

śūlasthaḥ sa tu dharmātmā kālena mahatā tadā| dhyāyandevaṁ trilokeśaṁ śaṅkaraṁ tamumāpatim

That righteous one, impaled upon the stake, then for a long while meditated upon that god, lord of the three worlds, Shankara, husband of Uma.

Verse 18 (skanda.5.353.18)

बहुकालं महेशानं मनसाध्याय संस्थितः। निराहारोऽपि विप्रर्षिर्मरणं नाभ्यपद्यत

bahukālaṁ maheśānaṁ manasādhyāya saṁsthitaḥ| nirāhāro'pi viprarṣirmaraṇaṁ nābhyapadyata

Remaining fixed for a long time, contemplating Maheshvara in his mind, that brahmin-seer, even without food, did not meet death.

Verse 19 (skanda.5.353.19)

धारयामास विप्राणामृषभः स हृदा हरिम्। शूलाग्रे तप्यमानेन तपस्तेन कृतं तदा

dhārayāmāsa viprāṇāmṛṣabhaḥ sa hṛdā harim| śūlāgre tapyamānena tapastena kṛtaṁ tadā

That foremost of brahmins held Hari within his heart; suffering upon the tip of the stake, he thus performed austerity.

Verse 20 (skanda.5.353.20)

सन्तापं परमं जग्मुः श्रुत्वैतन्मुनयोऽखिलाः। ते रात्रौ शकुना भूत्वा संन्यवर्तन्त भारत

santāpaṁ paramaṁ jagmuḥ śrutvaitanmunayo'khilāḥ| te rātrau śakunā bhūtvā saṁnyavartanta bhārata

Hearing this, all the sages fell into the deepest distress. O descendant of Bharata, at night, taking the form of birds, they returned there.

Verse 21 (skanda.5.353.21)

दर्शयन्तो मुनेः शक्तिं तमपृच्छन् द्विजोत्तमम्। श्रोतुमिच्छाम ते ब्रह्मन् किं पापं कृतवानसि

darśayanto muneḥ śaktiṁ tamapṛcchan dvijottamam| śrotumicchāma te brahman kiṁ pāpaṁ kṛtavānasi

Displaying the sage's own power, they asked that foremost of the twice-born: O brahmin, we wish to hear — what sin have you committed?

Verse 22 (skanda.5.353.22)

श्रीमार्कण्डेय उवाच। ततः स मुनिशार्दूलस्तानुवाच तपोधनान्। दोषतः किं गमिष्यामि न हि मेऽन्यो पराध्यति

śrīmārkaṇḍeya uvāca| tataḥ sa muniśārdūlastānuvāca tapodhanān| doṣataḥ kiṁ gamiṣyāmi na hi me'nyo parādhyati

Shri Markandeya said: Then that tiger among sages said to those ascetics: Because of what fault should I depart? No one else has offended against me.

Verse 23 (skanda.5.353.23)

एवमुक्त्वा ततः सर्वानाचचक्षे ततो मुनिः। मुनयश्च ततो राज्ञे द्वितीयेऽह्नि न्यवेदयन्

evamuktvā tataḥ sarvānācacakṣe tato muniḥ| munayaśca tato rājñe dvitīye'hni nyavedayan

Having spoken thus, the sage then related everything. And the sages, on the following day, reported this to the king.

Verse 24 (skanda.5.353.24)

राजा तु तमृषिं श्रुत्वा निष्क्रान्तः सह बन्धुभिः। प्रसादयामास तदा शूलस्थमृषिसत्तमम्

rājā tu tamṛṣiṁ śrutvā niṣkrāntaḥ saha bandhubhiḥ| prasādayāmāsa tadā śūlasthamṛṣisattamam

The king, hearing of that sage, set out with his kinsmen, and sought to appease that foremost of sages, impaled upon the stake.

Verse 25 (skanda.5.353.25)

राजोवाच। यन्मयाऽपकृतं तात तवाज्ञानवशाद्बहु। प्रसादये त्वां तत्राहं न मे त्वं क्रोद्धुमर्हसि

rājovāca| yanmayā'pakṛtaṁ tāta tavājñānavaśādbahu| prasādaye tvāṁ tatrāhaṁ na me tvaṁ kroddhumarhasi

The king said: O father, for the great wrong I have done you out of ignorance, I beg your forgiveness; you should not be angry with me.

Verse 26 (skanda.5.353.26)

एवमुक्तस्ततो राज्ञा प्रसादमकरोन्मुनिः। कृतप्रसादं राजा तं ततः समवतारयत्

evamuktastato rājñā prasādamakaronmuniḥ| kṛtaprasādaṁ rājā taṁ tataḥ samavatārayat

Thus addressed by the king, the sage, gracious, granted forgiveness. The king then brought down that sage, now appeased.

Verse 27 (skanda.5.353.27)

अवतीर्यमाणस्तु मुनिः शूले मांसत्वमागते। अतिसंपीडितो विप्रः शङ्करं मनसागमत्

avatīryamāṇastu muniḥ śūle māṁsatvamāgate| atisaṁpīḍito vipraḥ śaṅkaraṁ manasāgamat

As the sage was being brought down, the stake remained embedded in his flesh; that brahmin, in extreme agony, turned in his mind to Shankara.

Verse 28 (skanda.5.353.28)

संध्यातः शङ्करस्तेन बहुकालोपवासतः। प्रादुर्भूतो महादेवः शूलं तस्य तथाछिनत्

saṁdhyātaḥ śaṅkarastena bahukālopavāsataḥ| prādurbhūto mahādevaḥ śūlaṁ tasya tathāchinat

Pleased by his long fast and meditation, Shankara appeared, and Mahadeva then severed the stake from him.

Verse 29 (skanda.5.353.29)

शूलमूलस्थितः शम्भुस्तुष्टः प्राह पुनःपुनः। ब्रूहि किं क्रियतां विप्र सत्त्वस्थानपरायण

śūlamūlasthitaḥ śambhustuṣṭaḥ prāha punaḥpunaḥ| brūhi kiṁ kriyatāṁ vipra sattvasthānaparāyaṇa

Standing at the base of the stake, Shambhu, pleased, said again and again: Speak, O brahmin, devoted to steadfastness — what shall I do?

Verse 30 (skanda.5.353.30)

अदेयमपि दास्यामि तुष्टोऽस्म्यद्योमया सह। किं तु सत्यवतां लोके सिद्धिर्न स्याच्च भूयसी

adeyamapi dāsyāmi tuṣṭo'smyadyomayā saha| kiṁ tu satyavatāṁ loke siddhirna syācca bhūyasī

I shall give even what is otherwise ungivable; I, together with Uma, am pleased with you today. Yet in this world, why should the truthful not attain abundant accomplishment?

Verse 31 (skanda.5.353.31)

स्वकर्मणोऽनुरूपं हि फलं भुञ्जन्ति जन्तवः। शुभेन कर्मणा भूतिर्दुःखं स्यात्पातकेन तु

svakarmaṇo'nurūpaṁ hi phalaṁ bhuñjanti jantavaḥ| śubhena karmaṇā bhūtirduḥkhaṁ syātpātakena tu

Creatures reap fruit in accordance with their own deeds; from good action comes prosperity, and from sin, sorrow.

Verse 32 (skanda.5.353.32)

बहुभेदप्रभिन्नं तु मनुष्येषु विपच्यते। केषां दरिद्रभावेन केषां धनविपत्तिजम्

bahubhedaprabhinnaṁ tu manuṣyeṣu vipacyate| keṣāṁ daridrabhāvena keṣāṁ dhanavipattijam

This fruit ripens among men in many differing forms — for some as poverty, for others as the loss of wealth.

Verse 33 (skanda.5.353.33)

सन्तत्यभावजं केषां केषांचित्तद्विपर्ययः। तथा दुर्वृत्तितस्तेषां फलमाविर्भवेन्नृणाम्

santatyabhāvajaṁ keṣāṁ keṣāṁcittadviparyayaḥ| tathā durvṛttitasteṣāṁ phalamāvirbhavennṛṇām

for some as childlessness, for others its opposite; thus does the fruit of men's evil conduct manifest itself.

Verse 34 (skanda.5.353.34)

केषांचित्पुत्रमरणे वियोगात्प्रियमित्रयोः। राजचौराग्नितः केषां दुःखं स्याद्दैवनिर्मितम्

keṣāṁcitputramaraṇe viyogātpriyamitrayoḥ| rājacaurāgnitaḥ keṣāṁ duḥkhaṁ syāddaivanirmitam

For some, sorrow comes through the death of a son, for others through separation from a beloved or a friend; for still others, fate-ordained suffering comes through a king, a thief, or fire.

Verse 35 (skanda.5.353.35)

तच्छरीरे तु केषांचित्कर्मणा सम्प्रदृश्यते। जराश्च विविधाः केषां दृश्यन्ते व्याधयस्तथा

tacharīre tu keṣāṁcitkarmaṇā sampradṛśyate| jarāśca vividhāḥ keṣāṁ dṛśyante vyādhayastathā

In the very body of some, the fruit of their deeds becomes visible; in others, various forms of old age and disease are seen.

Verse 36 (skanda.5.353.36)

दृश्यन्ते चाभिशापाश्च पूर्वकर्मानुसंचिताः। कष्टाः कष्टतरावस्था गताः केचिदनागसः

dṛśyante cābhiśāpāśca pūrvakarmānusaṁcitāḥ| kaṣṭāḥ kaṣṭatarāvasthā gatāḥ kecidanāgasaḥ

Curses accumulated by past deeds are seen too; some innocent men are also observed to fall into more and more grievous states.

Verse 37 (skanda.5.353.37)

पूर्वकर्मविपाकेन धर्मेण तपसि स्थिताः। दान्ताः स्वदारनिरता भूरिदाः परिपूजकाः

pūrvakarmavipākena dharmeṇa tapasi sthitāḥ| dāntāḥ svadāraniratā bhūridāḥ paripūjakāḥ

By the ripening of former deeds, established in righteousness and austerity, self-controlled, devoted to their own wives, generous in giving, and devoted to worship—

Verse 38 (skanda.5.353.38)

ह्रीमन्तो नयसंयुक्ता अन्ये बहुगुणैर्युताः। दुर्गमामापदं प्राप्य निजकर्मसमुद्भवाम्

hrīmanto nayasaṁyuktā anye bahuguṇairyutāḥ| durgamāmāpadaṁ prāpya nijakarmasamudbhavām

modest, principled, endowed with many virtues — even such people, encountering an insurmountable calamity born of their own past deeds—

Verse 39 (skanda.5.353.39)

न संज्वरन्ति ये मर्त्या धर्मनिन्दां न कुर्वते। इदमेव तपो मत्वा क्षिपन्ति सुविचेतसः

na saṁjvaranti ye martyā dharmanindāṁ na kurvate| idameva tapo matvā kṣipanti suvicetasaḥ

do not become distraught by it, nor do they revile righteousness; those of good understanding, regarding that very calamity as austerity, pass through it.

Verse 40 (skanda.5.353.40)

हा भ्रातर्मातः पुत्रेति कष्टेषु न वदन्ति ये। स्मरन्ति मां महेशानमथवा पुष्करेक्षणम्

hā bhrātarmātaḥ putreti kaṣṭeṣu na vadanti ye| smaranti māṁ maheśānamathavā puṣkarekṣaṇam

Those who, in adversity, do not cry out 'O brother, O mother, O son,' but instead remember me, Maheshvara, or the lotus-eyed Vishnu—

Verse 41 (skanda.5.353.41)

दुष्कृतं पूर्वजं भोक्तुं ध्रुवं तदुपशाम्यति

duṣkṛtaṁ pūrvajaṁ bhoktuṁ dhruvaṁ tadupaśāmyati

having thus experienced their former sin, are surely set at peace.

Verse 42 (skanda.5.353.42)

दिनानि यावन्ति वसेत्स कष्टे यथाकृतं चिन्तयद्देवमीशम्। तावन्ति सौम्यानि कृतानि तेन भवन्ति विप्र श्रुतिनोदनैषा

dināni yāvanti vaset sa kaṣṭe yathākṛtaṁ cintayaddevamīśam| tāvanti saumyāni kṛtāni tena bhavanti vipra śrutinodanaiṣā

O brahmin, for as many days as a man dwells in hardship while contemplating the Lord God, for that many days it becomes turned to his good — this is the teaching of the scriptures.

Verse 43 (skanda.5.353.43)

यस्मात्त्वया कष्टगतेन नित्यं स्मृतश्चाहं मनसा पूजितश्च। गौरीसहायस्तेन इहागतोऽस्मि ब्रूह्यद्य कृत्यं क्रियतां किं नु विप्र

yasmāttvayā kaṣṭagatena nityaṁ smṛtaścāhaṁ manasā pūjitaśca| gaurīsahāyastena ihāgato'smi brūhyadya kṛtyaṁ kriyatāṁ kiṁ nu vipra

Because, even while in distress, you constantly remembered me and worshipped me in your mind, I have come here together with Gauri. O brahmin, tell me now what should be done.

Verse 44 (skanda.5.353.44)

माण्डव्य उवाच। तुष्टो यद्युमया सार्धं वरदो यदि शङ्कर। तदा मे शूलसंस्थस्य संशयं परमं वद

māṇḍavya uvāca| tuṣṭo yadyumayā sārdhaṁ varado yadi śaṅkara| tadā me śūlasaṁsthasya saṁśayaṁ paramaṁ vada

Mandavya said: O Shankara, if you, together with Uma, are pleased and willing to grant a boon, then resolve for me, impaled here upon the stake, my greatest doubt.

Verse 45 (skanda.5.353.45)

न रुजा मम कापि स्याच्छूलसंप्रोतितेऽगके। अमृतस्रावि तच्छूलं प्रभावात्कस्य शंस मे

na rujā mama kāpi syācchūlasamprotite'gake| amṛtasrāvi tacchūlaṁ prabhāvātkasya śaṁsa me

My limb, though pierced through by the stake, feels no pain at all; the stake even streams forth nectar — tell me, by whose power is this?

Verse 46 (skanda.5.353.46)

श्रीशूलपाणिरुवाच। शूलस्थेन त्वया विप्र मनसा चिन्तितोऽस्मि यत्। अनयानां निहन्ताहं दुःखानां विनिबर्हणः

śrīśūlapāṇiruvāca| śūlasthena tvayā vipra manasā cintito'smi yat| anayānāṁ nihantāhaṁ duḥkhānāṁ vinibarhaṇaḥ

Shri Shulapani said: O brahmin, even while impaled upon the stake, you contemplated me in your mind; I am the destroyer of injustices and the remover of sorrows.

Verse 47 (skanda.5.353.47)

ध्यातमात्रो ह्यहं विप्र पाताले वापि संस्थितः। शूलमूले त्वहं शम्भुरग्रे देवी स्वयं स्थिता। जगन्माताम्बिका देवी त्वामृतेनान्वपूरयत्

dhyātamātro hyahaṁ vipra pātāle vāpi saṁsthitaḥ| śūlamūle tvahaṁ śambhuragre devī svayaṁ sthitā| jaganmātāmbikā devī tvāmṛtenānvapūrayat

O brahmin, I, though I might be even in the netherworld, become present merely by being contemplated. At the base of the stake I myself, Shambhu, stand, and at its tip stands the goddess herself, Ambika, mother of the world, who has filled you with nectar.

Verse 48 (skanda.5.353.48)

माण्डव्य उवाच। पूर्वमेव स्थितो यस्माच्छूलं व्याप्योमया सह। प्रसादप्रवणो मह्यमिदानीं चानया सह

māṇḍavya uvāca| pūrvameva sthito yasmācchūlaṁ vyāpyomayā saha| prasādapravaṇo mahyamidānīṁ cānayā saha

Mandavya said: Since you, together with Uma, have already been present, pervading the stake, and now, together with her, are graciously inclined toward me—

Verse 49 (skanda.5.353.49)

यस्याः संस्मरणादेव दौर्भाग्यं प्रलयं व्रजेत्। न दौर्भाग्यात्परं लोके दुःखाद्दुःखतरं किल

yasyāḥ saṁsmaraṇādeva daurbhāgyaṁ pralayaṁ vrajet| na daurbhāgyātparaṁ loke duḥkhādduḥkhataraṁ kila

one whose mere remembrance destroys misfortune — indeed, in this world, there is no sorrow greater than misfortune, none more sorrowful than sorrow itself.

Verse 50 (skanda.5.353.50)

किलैवं श्रूयते गाथा पुराणेषु सुरोत्तम। त्रैलोक्यं दहतस्तुभ्यं सौभाग्यमेकतां गतम्

kilaivaṁ śrūyate gāthā purāṇeṣu surottama| trailokyaṁ dahatastubhyaṁ saubhāgyamekatāṁ gatam

O best of gods, thus is the tale heard in the Puranas — that as you were burning the three worlds, Saubhagya, good fortune, became one with you.

Verse 51 (skanda.5.353.51)

विष्णोर्वक्षःस्थलं प्राप्य तत्स्थितं चेति नः श्रुतम्। पीतं तद्वक्षसस्त्रस्तदक्षेण परमेष्ठिना

viṣṇorvakṣaḥsthalaṁ prāpya tatsthitaṁ ceti naḥ śrutam| pītaṁ tadvakṣasastrastadakṣeṇa parameṣṭhinā

We have also heard that, reaching Vishnu's breast, it settled there; and, terrified, the lord Daksha then drank it from that very breast.

Verse 52 (skanda.5.353.52)

तस्मात्सतीति संजज्ञ इयमिन्दीवरेक्षणा। यजतस्तस्य देवेश तव मानावखण्डनात्

tasmātsatīti saṁjajña iyamindīvarekṣaṇā| yajatastasya deveśa tava mānāvakhaṇḍanāt

and thus this lotus-eyed one was born under the name Sati. O lord of gods, because that sacrificer, Daksha, failed to preserve your honour intact—

Verse 53 (skanda.5.353.53)

जुहावाग्नौ तु सा देवी ह्यात्मानं प्राणसंज्ञिकम्। आत्मानं भस्मसात्कृत्वा प्रालेयाद्रेस्ततः सुता

juhāvāgnau tu sā devī hyātmānaṁ prāṇasaṁjñikam| ātmānaṁ bhasmasātkṛtvā prāleyādresteataḥ sutā

that goddess offered up her own life-breath, her very self, into the fire; having reduced herself to ashes, she was thereafter born as the daughter of the Himalaya.

Verse 54 (skanda.5.353.54)

मेनकायां प्रभो जाता साम्प्रतं या ह्युमाभिधा। अनादिनिधना देवी ह्यप्रतर्क्या सुरेश्वर

menakāyāṁ prabho jātā sāmprataṁ yā hyumābhidhā| anādinidhanā devī hyapratarkyā sureśvara

O lord, born of Menaka, she who is now known by the name Uma. O lord of the gods, that goddess is without beginning or end, beyond all reasoning.

Verse 55 (skanda.5.353.55)

यदि तुष्टोऽसि देवेश ह्युमा मे वरदा यदि। उभावप्यत्र वै स्थाने स्थितौ शूलाग्रमूलयोः

yadi tuṣṭo'si deveśa hyumā me varadā yadi| ubhāvapyatra vai sthāne sthitau śūlāgramūlayoḥ

O lord of gods, if you are pleased, and if Uma too is willing to grant me a boon, then may both of you, established here at the tip and the base of this stake—

Verse 56 (skanda.5.353.56)

अवतारो यत्र तत्र संस्थितिं वै ततः कुरु

avatāro yatra tatra saṁsthitiṁ vai tataḥ kuru

make your permanent abode right here, at the very place of your manifestation.

Verse 57 (skanda.5.353.57)

श्रीमार्कण्डेय उवाच। तेनैवमुक्ते सहसा कृत्वा भूमण्डलं द्विधा। निःसृतौ शूलमूलाग्राल्लिङ्गार्चाप्रतिरूपिणौ

śrīmārkaṇḍeya uvāca| tenaivamukte sahasā kṛtvā bhūmaṇḍalaṁ dvidhā| niḥsṛtau śūlamūlāgrālliṅgārcāpratirūpiṇau

Shri Markandeya said: When he had spoken thus, suddenly splitting the surface of the earth in two, the two of them emerged from the base and tip of the stake, in the form of a linga and an image.

Verse 58 (skanda.5.353.58)

प्रद्योतयद्दिशः सर्वा लिङ्गं मूले प्रदृश्यते। वामतः प्रतिमा देवी तदा शूलेश्वरी स्थिता

pradyotayaddiśaḥ sarvā liṅgaṁ mūle pradṛśyate| vāmataḥ pratimā devī tadā śūleśvarī sthitā

The linga, illumining all the quarters, appeared at the base; and to the left, the image of the goddess, established there under the name Shuleshvari.

Verse 59 (skanda.5.353.59)

विलोभयन्ती च जगद्भाति पूरयती दिशः। दृष्ट्वा कृताञ्जलिपुटः स्तुतिं चक्रे द्विजोत्तमः

vilobhayantī ca jagadbhāti pūrayatī diśaḥ| dṛṣṭvā kṛtāñjaliputaḥ stutiṁ cakre dvijottamaḥ

Enchanting the world, filling the directions with her radiance, the goddess shone forth. Beholding her, that foremost of the twice-born, with folded hands, offered praise.

Verse 60 (skanda.5.353.60)

माण्डव्य उवाच। त्वमस्य जगतो माता जगत्सौभाग्यदेवता। न त्वया रहितं किंचिद्ब्रह्माण्डेऽस्ति वरानने

māṇḍavya uvāca| tvamasya jagato mātā jagatsaubhāgyadevatā| na tvayā rahitaṁ kiṁcidbrahmāṇḍe'sti varānane

Mandavya said: You are the mother of this world, the goddess of the world's good fortune. O fair-faced one, there is nothing in this universe devoid of you.

Verse 61 (skanda.5.353.61)

प्रसादं कुरु धर्मज्ञे मम त्वाज्ञप्तुमर्हसि। ईदृशेनैव रूपेण केषु स्थानेषु तिष्ठसि। प्रसादप्रवणा भूत्वा वद तानि महेश्वरि

prasādaṁ kuru dharmajñe mama tvājñaptumarhasi| īdṛśenaiva rūpeṇa keṣu sthāneṣu tiṣṭhasi| prasādapravaṇā bhūtvā vada tāni maheśvari

O knower of dharma, show me your grace; you are worthy to instruct me. In this very form, in what other places do you abide? O great goddess, graciously tell me those places.

Verse 62 (skanda.5.353.62)

श्रीदेव्युवाच। सर्वगा सर्वभूतेषु द्रष्टव्या सर्वतो भुवि। सर्वलोकेषु यत्किंचिद्विहितं न मया विना

śrīdevyuvāca| sarvagā sarvabhūteṣu draṣṭavyā sarvato bhuvi| sarvalokeṣu yatkiṁciddvihitaṁ na mayā vinā

Shri Devi said: I am all-pervading, to be seen in all beings, everywhere upon the earth. Whatever is ordained in all the worlds exists not apart from me.

Verse 63 (skanda.5.353.63)

तथापि येषु स्थानेषु द्रष्टव्या सिद्धिमीप्सुभिः। स्मर्तव्या भूतिकामेन तानि वक्ष्यामि तत्त्वतः

tathāpi yeṣu sthāneṣu draṣṭavyā siddhimīpsubhiḥ| smartavyā bhūtikāmena tāni vakṣyāmi tattvataḥ

Nevertheless, I shall truly declare those places where I am to be beheld by those who seek accomplishment, and remembered by those who desire prosperity.

Verse 64 (skanda.5.353.64)

वाराणस्यां विशालाक्षी नैमिषे लिङ्गधारिणी। प्रयागे ललिता देवी कामुका गन्धमादने

vārāṇasyāṁ viśālākṣī naimiṣe liṅgadhāriṇī| prayāge lalitā devī kāmukā gandhamādane

In Varanasi as Vishalakshi, in Naimisha as Lingadharini, in Prayaga as the goddess Lalita, and in Gandhamadana as Kamuka —

Verse 65 (skanda.5.353.65)

मानसे कुमुदा नाम विश्वकाया तथाऽपरे। गोमन्ते गोमती नाम मन्दरे कामचारिणी

mānase kumudā nāma viśvakāyā tathā'pare| gomante gomatī nāma mandare kāmacāriṇī

at Lake Manasa as Kumuda, elsewhere as Vishvakaya; at Mount Gomanta as Gomati, at Mount Mandara as Kamacharini —

Verse 66 (skanda.5.353.66)

मदोत्कटा चैत्ररथे हयन्ती हास्तिने पुरे। कान्यकुब्जे स्थिता गौरी रम्भा ह्यमलपर्वते

madotkaṭā caitrarathe hayantī hāstine pure| kānyakubje sthitā gaurī rambhā hyamalaparvate

in Chaitraratha as Madotkata, in the city of Hastinapura as Hayanti, in Kanyakubja as Gauri, and at Amala Mountain as Rambha —

Verse 67 (skanda.5.353.67)

एकाम्रके कीर्तिमती विश्वां विश्वेश्वरे विदुः। पुष्करे पुरुहूता च केदारे मार्गदायिनी

ekāmrake kīrtimatī viśvāṁ viśveśvare viduḥ| puṣkare puruhūtā ca kedāre mārgadāyinī

at Ekamraka as Kirtimati, at Vishveshvara she is known as Vishva; at Pushkara as Puruhuta, at Kedara as Margadayini —

Verse 68 (skanda.5.353.68)

नन्दा हिमवतः प्रस्थे गोकर्णे भद्रकर्णिका। स्थानेश्वरे भवानी तु बिल्वके बिल्वपत्त्रिका

nandā himavataḥ prasthe gokarṇe bhadrakarṇikā| sthāneśvare bhavānī tu bilvake bilvapattrikā

on the plateau of the Himalaya as Nanda, at Gokarna as Bhadrakarnika, at Sthaneshvara as Bhavani, and at Bilvaka as Bilvapattrika —

Verse 69 (skanda.5.353.69)

श्रीशैले माधवी नाम भद्रे भद्रेश्वरीति च। जया वराहशैले तु कमला कमलालये

śrīśaile mādhavī nāma bhadre bhadreśvarīti ca| jayā varāhaśaile tu kamalā kamalālaye

at Shrishaila as Madhavi, at Bhadra as Bhadreshvari; at Varaha Mountain as Jaya, and at Kamalalaya as Kamala —

Verse 70 (skanda.5.353.70)

रुद्रकोट्यां तु कल्याणी काली कालञ्जरे तथा। महालिङ्गे तु कपिला माकोटे मुकुटेश्वरी

rudrakoṭyāṁ tu kalyāṇī kālī kālañjare tathā| mahāliṅge tu kapilā mākoṭe mukuṭeśvarī

at Rudrakoti as Kalyani, at Kalanjara as Kali, at Mahalinga as Kapila, and at Makota as Mukuteshvari —

Verse 71 (skanda.5.353.71)

शालिग्रामे महादेवी शिवलिङ्गे जलप्रिया। मायापुर्यां कुमारी तु संताने ललिता तथा

śāligrāme mahādevī śivaliṅge jalapriyā| māyāpuryāṁ kumārī tu saṁtāne lalitā tathā

at Shaligrama as Mahadevi, at Shivalinga as Jalapriya, at Mayapuri as Kumari, and at Santana as Lalita —

Verse 72 (skanda.5.353.72)

उत्पलाक्षी सहस्राक्षे हिरण्याक्षे महोत्पला। गयायां विमला नाम मङ्गला पुरुषोत्तमे

utpalākṣī sahasrākṣe hiraṇyākṣe mahotpalā| gayāyāṁ vimalā nāma maṅgalā puruṣottame

at Sahasraksha as Utpalakshi, at Hiranyaksha as Mahotpala, at Gaya as Vimala, and at Purushottama as Mangala —

Verse 73 (skanda.5.353.73)

विपाशायाममोघाक्षी पाटला पुण्ड्रवर्धने। नारायणी सुपार्श्वे तु त्रिकूटे भद्रसुन्दरी

vipāśāyāmamoghākṣī pāṭalā puṇḍravardhane| nārāyaṇī supārśve tu trikūṭe bhadrasundarī

at the Vipasha river as Amoghakshi, at Pundravardhana as Patala, at Suparshva as Narayani, and at Trikuta as Bhadrasundari —

Verse 74 (skanda.5.353.74)

विपुले विपुला नाम कल्याणी मलयाचले। कोटवी कोटितीर्थेषु सुगन्धा गन्धमादने

vipule vipulā nāma kalyāṇī malayācale| koṭavī koṭitīrtheṣu sugandhā gandhamādane

at Mount Vipula as Vipula, at the Malaya mountain as Kalyani, at the Koti tirthas as Kotavi, and at Gandhamadana as Sugandha —

Verse 75 (skanda.5.353.75)

गोदाश्रमे त्रिसन्ध्या तु गङ्गाद्वारे रतिप्रिया। शिवचण्डे सभानन्दा नन्दिनी देविकातटे

godāśrame trisandhyā tu gaṅgādvāre ratipriyā| śivacaṇḍe sabhānandā nandinī devikātaṭe

at the Godavari hermitage as Trisandhya, at Gangadvara as Ratipriya, at Shivachanda as Sabhananda, and on the bank of the Devika as Nandini —

Verse 76 (skanda.5.353.76)

रुक्मिणी द्वारवत्यां तु राधा वृन्दावने वने। देवकी मथुरायां तु पाताले परमेश्वरी

rukmiṇī dvāravatyāṁ tu rādhā vṛndāvane vane| devakī mathurāyāṁ tu pātāle parameśvarī

at Dvaravati as Rukmini, in the forest of Vrindavana as Radha, at Mathura as Devaki, and in Patala as Parameshvari —

Verse 77 (skanda.5.353.77)

चित्रकूटे तथा सीता विन्ध्ये विन्ध्यनिवासिनी। सह्याद्रावेकवीरा तु हरिश्चन्द्रे तु चण्डिका

citrakūṭe tathā sītā vindhye vindhyanivāsinī| sahyādrāvekavīrā tu hariścandre tu caṇḍikā

at Chitrakuta as Sita, at the Vindhyas as Vindhyanivasini, at the Sahyadri as Ekavira, and at Harishchandra as Chandika —

Verse 78 (skanda.5.353.78)

रमणा रामतीर्थे तु यमुनायां मृगावती। करवीरे महालक्ष्मी रूपादेवी विनायके

ramaṇā rāmatīrthe tu yamunāyāṁ mṛgāvatī| karavīre mahālakṣmī rūpādevī vināyake

at Ramatirtha as Ramana, at the Yamuna as Mrigavati, at Karavira as Mahalakshmi, and at Vinayaka as Rupadevi —

Verse 79 (skanda.5.353.79)

आरोग्या वैद्यनाथे तु महाकाले महेश्वरी। अभयेत्युष्णतीर्थे तु मृगी वा विन्ध्यकन्दरे

ārogyā vaidyanāthe tu mahākāle maheśvarī| abhayetyuṣṇatīrthe tu mṛgī vā vindhyakandare

at Vaidyanatha as Arogya, at Mahakala as Maheshvari, at Ushnatirtha as Abhaya, and in the Vindhya caverns as Mrigi —

Verse 80 (skanda.5.353.80)

माण्डव्ये माण्डुकी नाम स्वाहा माहेश्वरे पुरे। छागलिङ्गे प्रचण्डा तु चण्डिकामरकण्टके

māṇḍavye māṇḍukī nāma svāhā māheśvare pure| chāgaliṅge pracaṇḍā tu caṇḍikāmarakaṇṭake

at Mandavya as Manduki, at the city of Maheshvara as Svaha; at Chagalinga as Prachanda, and at Amarakantaka as Chandika —

Verse 81 (skanda.5.353.81)

सोमेश्वरे वरारोहा प्रभासे पुष्करावती। वेदमाता सरस्वत्यां पारा पारातटे मुने

someśvare varārohā prabhāse puṣkarāvatī| vedamātā sarasvatyāṁ pārā pārātaṭe mune

at Someshvara as Vararoha, at Prabhasa as Pushkaravati, on the Sarasvati as Vedamata, and, O sage, on the bank of the Para river as Para —

Verse 82 (skanda.5.353.82)

महालये महाभागा पयोष्ण्यां पिङ्गलेश्वरी। सिंहिका कृतशौचे तु कर्तिके चैव शांकरी

mahālaye mahābhāgā payoṣṇyāṁ piṅgaleśvarī| siṁhikā kṛtaśauce tu kartike caiva śāṅkarī

at Mahalaya as Mahabhaga, at the Payoshni as Pingaleshvari, at Kritashaucha as Simhika, and at Kartika as Shankari —

Verse 83 (skanda.5.353.83)

उत्पलावर्तके लोला सुभद्रा शोणसङ्गमे। मता सिद्धवटे लक्ष्मीस्तरंगा भारताश्रमे

utpalāvartake lolā subhadrā śoṇasaṅgame| matā siddhavaṭe lakṣmīstaraṅgā bhāratāśrame

at Utpalavartaka as Lola, at the confluence with the Son river as Subhadra, at Siddhavata as Lakshmi, and at Bharatashrama as Taranga —

Verse 84 (skanda.5.353.84)

जालन्धरे विश्वमुखी तारा किष्किन्धपर्वते। देवदारुवने पुष्टिर्मेधा काश्मीरमण्डले

jālandhare viśvamukhī tārā kiṣkindhaparvate| devadāruvane puṣṭirmedhā kāśmīramaṇḍale

at Jalandhara as Vishvamukhi, at Mount Kishkindha as Tara, at Devadaruvana as Pushti, and in the region of Kashmir as Medha —

Verse 85 (skanda.5.353.85)

भीमादेवी हिमाद्रौ तु पुष्टिर्वस्त्रेश्वरे तथा। कपालमोचने शुद्धिर्माता कायावरोहणे

bhīmādevī himādrau tu puṣṭirvastreśvare tathā| kapālamocane śuddhirmātā kāyāvarohaṇe

at the Himalaya as Bhimadevi, at Vastreshvara as Pushti, at Kapalamochana as Shuddhi, and at Kayavarohana as Mata —

Verse 86 (skanda.5.353.86)

शङ्खोद्धारे ध्वनिर्नाम धृतिः पिण्डारके तथा। काला तु चन्द्रभागायामच्छोदे शक्तिधारिणी

śaṅkhoddhāre dhvanirnāma dhṛtiḥ piṇḍārake tathā| kālā tu candrabhāgāyāmacchode śaktidhāriṇī

at Shankhoddhara as Dhvani, at Pindaraka as Dhriti; on the Chandrabhaga as Kala, and at Achchhoda as Shaktidharini —

Verse 87 (skanda.5.353.87)

वेणायाममृता नाम बदर्यामुर्वशी तथा। ओषधी चोत्तरकुरौ कुशद्वीपे कुशोदका

veṇāyāmamṛtā nāma badaryāmurvaśī tathā| oṣadhī cottarakurau kuśadvīpe kuśodakā

on the Vena river as Amrita, at Badari as Urvashi; in Uttarakuru as Aushadhi, and in Kushadvipa as Kushodaka —

Verse 88 (skanda.5.353.88)

मन्मथा हेमकूटे तु कुमुदे सत्यवादिनी। अश्वत्थे वन्दिनीका तु निधिर्वैश्रवणालये

manmathā hemakūṭe tu kumude satyavādinī| aśvatthe vandinīkā tu nidhirvaiśravaṇālaye

at Hemakuta as Manmatha, at Kumuda as Satyavadini, at the Ashvattha tree as Vandinika, and at the abode of Vaishravana, Kubera, as Nidhi —

Verse 89 (skanda.5.353.89)

गायत्री वेदवदने पार्वती शिवसन्निधौ। देवलोके तथेन्द्राणी ब्रह्मास्ये तु सरस्वती

gāyatrī vedavadane pārvatī śivasannidhau| devaloke tathendrāṇī brahmāsye tu sarasvatī

in the mouth of the Veda as Gayatri, in the presence of Shiva as Parvati, in the world of the gods as Indrani, and in the mouth of Brahma as Sarasvati —

Verse 90 (skanda.5.353.90)

सूर्यबिम्बे प्रभा नाम मातॄणां वैष्णवी मता। अरुन्धती सतीनां तु रामासु च तिलोत्तमा

sūryabimbe prabhā nāma mātṝṇāṁ vaiṣṇavī matā| arundhatī satīnāṁ tu rāmāsu ca tilottamā

in the orb of the sun as Prabha, among the Mothers as Vaishnavi; among faithful wives as Arundhati, and among beautiful women as Tilottama —

Verse 91 (skanda.5.353.91)

चित्रे ब्रह्मकला नाम शक्तिः सर्वशरीरिणाम्। शूलेश्वरी भृगुक्षेत्रे भृगौ सौभाग्यसुन्दरी

citre brahmakalā nāma śaktiḥ sarvaśarīriṇām| śūleśvarī bhṛgukṣetre bhṛgau saubhāgyasundarī

in art and form as Brahmakala, present as the very energy within all embodied beings; at Bhrigukshetra as Shuleshvari, and dwelling with Bhrigu as Saubhagyasundari —

Verse 92 (skanda.5.353.92)

एतदुद्देशतः प्रोक्तं नामाष्टशतमुत्तमम्। अष्टोत्तरं च तीर्थानां शतमेतदुदाहृतम्

etaduddeśataḥ proktaṁ nāmāṣṭaśatamuttamam| aṣṭottaraṁ ca tīrthānāṁ śatametadudāhṛtam

Thus, in outline, these one hundred and eight excellent names have been declared, and these one hundred and eight tirthas have likewise been described.

Verse 93 (skanda.5.353.93)

इदमेव परं विप्र सर्वेषां तु भविष्यति। पठत्यष्टोत्तरशतं नाम्नां यः शिवसन्निधौ

idameva paraṁ vipra sarveṣāṁ tu bhaviṣyati| paṭhatyaṣṭottaraśataṁ nāmnāṁ yaḥ śivasannidhau

O brahmin, this alone shall be of supreme benefit to all. He who, in the presence of Shiva, recites these hundred and eight names—

Verse 94 (skanda.5.353.94)

स मुच्यते नरः पापैः प्राप्नोति स्त्रियमीप्सिताम्। स्नात्वा नारी तृतीयायां मां समभ्यर्च्य भक्तितः

sa mucyate naraḥ pāpaiḥ prāpnoti striyamīpsitām| snātvā nārī tṛtīyāyāṁ māṁ samabhyarcya bhaktitaḥ

is freed from sins and obtains the wife he desires. A woman who bathes on the third lunar day and worships me with devotion—

Verse 95 (skanda.5.353.95)

न सा स्याद्दुःखिनी जातु मत्प्रभावान्नरोत्तम। नित्यं मद्दर्शने नारी नियताया भविष्यति

na sā syādduḥkhinī jātu matprabhāvānnarottama| nityaṁ maddarśane nārī niyatāyā bhaviṣyati

O best of men, shall by my power never be unhappy. Such a woman shall, with regularity, come daily to behold me.

Verse 96 (skanda.5.353.96)

पतिपुत्रकृतं दुःखं न सा प्राप्स्यति कर्हिचित्। मदालये तु या नारी तुलापुरुषसंज्ञितम्

patiputrakṛtaṁ duḥkhaṁ na sā prāpsyati karhicit| madālaye tu yā nārī tulāpuruṣasaṁjñitam

She shall never experience sorrow caused by husband or son. The woman who, in my temple, performs the rite known as Tulapurusha—

Verse 97 (skanda.5.353.97)

सम्पूज्य मण्डयेद्देवांल्लोकपालांश्च साग्निकान्। सपत्नीकान्द्विजान्पूज्य वासोभिर्भूषणैस्तथा

sampūjya maṇḍayeddevāllokapālāṁśca sāgnikān| sapatnīkāndvijānpūjya vāsobhirbhūṣaṇaistathā

should worship and adorn the gods and the guardians of the quarters, together with the sacred fires, and honour brahmins together with their wives, with garments and ornaments.

Verse 98 (skanda.5.353.98)

भूतेभ्यस्तु बलिं दद्यादृत्विग्भिः सह देशिकः। ततः प्रदक्षिणीकृत्य तुलामित्यभिमन्त्रयेत्

bhūtebhyastu baliṁ dadyādṛtvigbhiḥ saha deśikaḥ| tataḥ pradakṣiṇīkṛtya tulāmityabhimantrayet

The officiant, together with the priests, should offer an oblation to the spirits, then circumambulate the scale and recite this invocation.

Verse 99 (skanda.5.353.99)

शुचिरक्ताम्बरो वा स्याद्गृहीत्वा कुसुमाञ्जलिम्। नमस्ते सर्वदेवानां शक्तिस्त्वं परमा स्थिता

śucirraktāmbaro vā syādgṛhītvā kusumāñjalim| namaste sarvadevānāṁ śaktistvaṁ paramā sthitā

Purified, clad in red garments, taking a handful of flowers, he should say: 'Salutation to you, O goddess; you stand as the supreme power of all the gods.'

Verse 100 (skanda.5.353.100)

साक्षिभूता जगद्धात्री निर्मिता विश्वयोनिना। त्वं तुले सर्वभूतानां प्रमाणमिह कीर्तिता

sākṣibhūtā jagaddhātrī nirmitā viśvayoninā| tvaṁ tule sarvabhūtānāṁ pramāṇamiha kīrtitā

'You are the witness and sustainer of the world, fashioned by the creator of the universe; O scale, you are here proclaimed as the measure and standard of all beings.'

Verse 101 (skanda.5.353.101)

कराभ्यां बद्धमुष्टिभ्यामास्ते पश्यन्नुमामुखम्। ततोऽपरे तुलाभागेन्यसेयुर्द्विजपुंगवाः

karābhyāṁ baddhamuṣṭibhyāmāste paśyannumāmukham| tato'pare tulābhāgenyaseyurdvijapuṅgavāḥ

With both hands clenched into fists, he sits gazing toward Uma's face. Then, on the other pan of the scale, the eminent brahmins should place—

Verse 102 (skanda.5.353.102)

द्रव्यमष्टविधं तत्र ह्यात्मवित्तानुसारतः। मन्दशभूते विप्रेन्द्र पृथिव्यां यदधिष्ठितम्

dravyamaṣṭavidhaṁ tatra hyātmavittānusārataḥ| mandaśabhūte viprendra pṛthivyāṁ yadadhiṣṭhitam

O foremost of brahmins, one of eight kinds of substances, according to one's own wealth, whatever is readily available upon the earth—

Verse 103 (skanda.5.353.103)

सुवर्णं चैव निष्पावांस्तथा राजिकुसुम्भकम्। तृणराजेन्दुलवणं कुङ्कुमं तु तथाष्टमम्

suvarṇaṁ caiva niṣpāvāṁstathā rājikusumbhakam| tṛṇarājendulavaṇaṁ kuṅkumaṁ tu tathāṣṭamam

gold, beans, mustard-seed and safflower, sugar, salt, and, as the eighth, saffron—

Verse 104 (skanda.5.353.104)

एषामेकतमं कुर्याद्यथा वित्तानुसारतः। साम्यादभ्यधिकं यावत्काञ्चनादि भवेद्द्विज

eṣāmekatamaṁ kuryādyathā vittānusārataḥ| sāmyādabhyadhikaṁ yāvatkāñcanādi bhaved dvija

One should weigh out any one of these, according to one's means, O brahmin, until the gold or other substance exceeds the balance.

Verse 105 (skanda.5.353.105)

तावत्तिष्ठेन्नरो नारी पश्चादिदमुदीरयेत्। नमो नमस्ते ललिते तुलापुरुषसंज्ञिते

tāvattiṣṭhennaro nārī paścādidamudīrayet| namo namaste lalite tulāpuruṣasaṁjñite

The man or woman should remain seated until then, and afterward recite this: 'Salutation, salutation to you, O Lalita, known as Tulapurusha.'

Verse 106 (skanda.5.353.106)

त्वमुमे तारयस्वास्मानस्मात्संसारकर्दमात्। ततोऽवतीर्य मुरवे पूर्वमर्द्धं निवेदयेत्

tvamume tārayasvāsmānasmātsaṁsārakardamāt| tato'vatīrya murave pūrvamarddhaṁ nivedayet

'O Uma, ferry us across this mire of worldly existence.' Then, descending from the scale, one should first offer half the substance to Mura's foe, Vishnu.

Verse 107 (skanda.5.353.107)

ऋत्विग्भ्योऽपरमर्द्धं च दद्यादुदकपूर्वकम्। तेभ्यो लब्धा ततोऽनुज्ञां दद्यादन्येषु चार्थिषु

ṛtvigbhyo'paramarddhaṁ ca dadyādudakapūrvakam| tebhyo labdhā tato'nujñāṁ dadyādanyeṣu cārthiṣu

The remaining half, with water poured, should be given to the officiating priests. Having obtained their permission, one should then give also to other petitioners.

Verse 108 (skanda.5.353.108)

सपत्नीकं गुरुं रक्तवाससी परिधापयेत्। अन्यांश्च ऋत्विजः शक्त्या गुरुं केयूरकङ्कणैः

sapatnīkaṁ guruṁ raktavāsasī paridhāpayet| anyāṁśca ṛtvijaḥ śaktyā guruṁ keyūrakaṅkaṇaiḥ

One should robe the guru and his wife in red garments, and the other priests too, according to one's means; and adorn the guru with armlets and bracelets.

Verse 109 (skanda.5.353.109)

शुक्लां गां क्षीरिणीं दद्याल्ललिता प्रीयतामिति। अनेन विधिना या तु कुर्यान्नारी ममालये

śuklāṁ gāṁ kṣīriṇīṁ dadyāllalitā prīyatāmiti| anena vidhinā yā tu kuryānnārī mamālaye

and give a white, milk-giving cow, saying 'May Lalita be pleased.' The woman who performs this rite in this manner at my temple—

Verse 110 (skanda.5.353.110)

मत्तुल्या सा भवेद्राज्ञां तेजसा श्रीरिवामला। सावित्रीव च सौन्दर्ये जन्मानि दश पञ्च च

mattulyā sā bhavedrājñāṁ tejasā śrīrivāmalā| sāvitrīva ca saundarye janmāni daśa pañca ca

shall become my equal, radiant like the spotless Shri among kings, and, like Savitri, beautiful through fifteen births.

Verse 111 (skanda.5.353.111)

श्रीमार्कण्डेय उवाच। एवं निशम्य वचनं गौर्या द्विजवरोत्तमः। नमस्कृत्य जगामाशु धर्मराज निवेशनम्

śrīmārkaṇḍeya uvāca| evaṁ niśamya vacanaṁ gauryā dvijavarottamaḥ| namaskṛtya jagāmāśu dharmarāja niveśanam

Shri Markandeya said: Having heard this word of Gauri, that most excellent brahmin bowed and swiftly went to the abode of Dharmaraja.

Verse 112 (skanda.5.353.112)

तदा प्रभृति तत्तीर्थं ख्यातं शूलेश्वरीति च। तस्मिंस्तीर्थे तु यः स्नात्वा तर्पयेत्पितृदेवताः

tadā prabhṛti tattīrthaṁ khyātaṁ śūleśvarīti ca| tasmiṁstīrthe tu yaḥ snātvā tarpayetpitṛdevatāḥ

From that time onward, that tirtha became renowned under the name Shuleshvari. He who bathes at that tirtha and offers libations to the ancestors and gods—

Verse 113 (skanda.5.353.113)

ब्राह्मणानन्नवासोभिः पिण्डैः पितृपितामहान्। भक्तोपहारैर्देवेशमुमया सह शङ्करं

brāhmaṇānannavāsobhiḥ piṇḍaiḥ pitṛpitāmahān| bhaktopahārairdeveśamumayā saha śaṅkaraṁ

and satisfies brahmins with food and clothing, and the fathers and forefathers with rice-balls, and with devoted offerings honours Shankara, lord of gods, together with Uma —

Verse 114 (skanda.5.353.114)

धूपगुग्गुलदानैश्च दीपदानैः सुबोधितैः। सर्वपापविनिर्मुक्तः स गच्छेच्छिवसन्निधिम्

dhūpagugguladānaiśca dīpadānaiḥ subodhitaiḥ| sarvapāpavinirmuktaḥ sa gacchecchivasannidhim

with offerings of incense and guggulu, and with well-tended lamps — he, freed from all sin, attains the presence of Shiva.

Verse 115 (skanda.5.353.115)

तस्मिंस्तीर्थे तु यः कश्चिदभियुक्तो नरेश्वर। अम्भिशापि तथा स्नातस्त्रिदिनं मुच्यते नरः

tasmiṁstīrthe tu yaḥ kaścidabhiyukto nareśvara| ambhiśāpi tathā snātastridinaṁ mucyate naraḥ

O lord of men, whoever, at that tirtha, whether accused or cursed, bathes there for three days, is set free.

Verse 116 (skanda.5.353.116)

कृष्णपक्षे चतुर्दश्यां रात्रौ जागर्ति यो नरः। उपवासपरः शुद्धः शिवं सम्पूजयेन्नरः। प्रमुच्य पापसंमोहं रुद्रलोकं स गच्छति

kṛṣṇapakṣe caturdaśyāṁ rātrau jāgarti yo naraḥ| upavāsaparaḥ śuddhaḥ śivaṁ sampūjayennaraḥ| pramucya pāpasaṁmohaṁ rudralokaṁ sa gacchati

The man who keeps a night vigil on the fourteenth day of the dark fortnight, fasting and pure, worshipping Shiva, freed from sin and delusion, goes to the realm of Rudra.

Verse 117 (skanda.5.353.117)

त्रिनेत्रश्च चतुर्बाहुः साक्षाद्रुद्रोऽपरः। क्रीडते देवकन्याभिर्यावच्चन्द्रार्कतारकम्

trinetraśca caturbāhuḥ sākṣādrudro'paraḥ| krīḍate devakanyābhiryāvaccandrārkatārakam

Becoming three-eyed and four-armed, a very Rudra himself, he sports with celestial maidens for as long as the moon, sun, and stars endure.