The Account of the Name Amritodbhava

Verse 1 (skanda.5.51.1)

सनत्कुमार उवाच। शृणु व्यास महाबुद्धे शिप्रामाहात्म्यमुत्तमम्। यथाऽमृतभवा ख्याता पाताले नागसंमते॥

sanatkumāra uvāca| śṛṇu vyāsa mahābuddhe śiprāmāhātmyamuttamam| yathā'mṛtabhavā khyātā pātāle nāgasaṁmate||

Sanatkumara said: Listen, O Vyasa of great intellect, to the supreme glory of the Shipra — how she became renowned as Amritabhava in Patala, honored by the serpents.

Verse 2 (skanda.5.51.2)

एकदा रुद्रो भिक्षार्थं नागलोके बुभुक्षितः। करे कपालमादाय भोगवत्यां समागतः॥

ekadā rudro bhikṣārthaṁ nāgaloke bubhukṣitaḥ| kare kapālamādāya bhogavatyāṁ samāgataḥ||

Once, Rudra, hungry, came for alms into the world of the serpents; taking the skull-bowl in hand, he arrived at Bhogavati.

Verse 3 (skanda.5.51.3)

भिक्षां देहि वचो दीनं वाचयित्वा गृहेगृहे। भिक्षा केनापि नो दत्ता क्षुधितस्य च धूर्जटेः॥

bhikṣāṁ dehi vaco dīnaṁ vācayitvā gṛhegṛhe| bhikṣā kenāpi no dattā kṣudhitasya ca dhūrjaṭeḥ||

Uttering the humble words 'Give me alms' at every house, no alms at all were given by anyone to the hungry Dhurjati.

Verse 4 (skanda.5.51.4)

तदा क्रोधाभिरक्ताक्षः शूलपाणिः क्षुधार्दितः। भ्रामयित्वा पुरीं सर्वां शनैर्बहिर्विनिर्ययौ॥

tadā krodhābhiraktākṣaḥ śūlapāṇiḥ kṣudhārditaḥ| bhrāmayitvā purīṁ sarvāṁ śanairbahirviniryayau||

Then, his eyes red with rage, trident in hand, tormented by hunger, having wandered through the whole city, he slowly went out beyond it.

Verse 5 (skanda.5.51.5)

एकविंशतिकुण्डानि पीयूषस्य द्विजोत्तम। यत्र तिष्ठंति सर्वाणि नागलोकस्य रक्षणे॥

ekaviṁśatikuṇḍāni pīyūṣasya dvijottama| yatra tiṣṭhaṁti sarvāṇi nāgalokasya rakṣaṇe||

O best of the twice-born, there were twenty-one cisterns of nectar, all standing there for the protection of the serpent-world.

Verse 6 (skanda.5.51.6)

तत्र गत्वा स भगवाञ्छंभुः सर्वात्मसंभवः। अपिबन्नेत्रमार्गेण तृतीयेन च शंकरः॥

tatra gatvā sa bhagavāñchaṁbhuḥ sarvātmasaṁbhavaḥ| apibannetramārgeṇa tṛtīyena ca śaṁkaraḥ||

Going there, that Lord Shambhu, the source of all souls, Shankara, drank the nectar through the passage of his third eye.

Verse 7 (skanda.5.51.7)

रिक्तानि पीयूषकुण्डानि कृत्वा तत्रैव सोत्थितः। कंपितश्च तदा लोको नागानां सर्वतोमुखम्॥

riktāni pīyūṣakuṇḍāni kṛtvā tatraiva sotthitaḥ| kaṁpitaśca tadā loko nāgānāṁ sarvatomukham||

Having emptied the nectar-cisterns, he rose up right there; then the entire world of the serpents trembled on every side.

Verse 8 (skanda.5.51.8)

कस्येदं कर्म किं जातं सुधा यस्मादितो गता। इत्युक्ता चैव ते सर्वे नागा वासुकिपुरोगमाः॥

kasyedaṁ karma kiṁ jātaṁ sudhā yasmādito gatā| ityuktā caiva te sarve nāgā vāsukipurogamāḥ||

'Whose deed is this? What has happened, that the nectar has gone from here?' — thus spoke all the nagas, led by Vasuki.

Verse 9 (skanda.5.51.9)

महदतिक्रमणे शंकाः पुरात्ते निर्ययुर्बहिः। किं कुर्वाम क्व गच्छाम कस्येदं हेलनं कृतम्॥

mahadatikramaṇe śaṁkāḥ purātte niryayurbahiḥ| kiṁ kurvāma kva gacchāma kasyedaṁ helanaṁ kṛtam||

Fearing a great transgression, they went out of the city; 'What shall we do, where shall we go, whose insolence has done this?'

Verse 10 (skanda.5.51.10)

येनास्माकं कोपितेन हृतं चामृतमुत्तमम्। अस्माकं जीवनं तस्मात्कथं जीवाम पन्नगाः॥

yenāsmākaṁ kopitena hṛtaṁ cāmṛtamuttamam| asmākaṁ jīvanaṁ tasmātkathaṁ jīvāma pannagāḥ||

'By whom, angered, was our excellent nectar taken away? It is our very life — how then, O serpents, shall we live?'

Verse 11 (skanda.5.51.11)

इत्युक्त्वा पन्नगाः सर्वे सस्त्रीबालपरिग्रहाः। हरिं च जग्मुः शरणं मनसा परिशंकिताः॥

ityuktvā pannagāḥ sarve sastrībālaparigrahāḥ| hariṁ ca jagmuḥ śaraṇaṁ manasā pariśaṁkitāḥ||

Having said this, all the serpents, together with their wives and children, their minds full of fear, went for refuge to Hari.

Verse 12 (skanda.5.51.12)

तेषामनुग्रहार्थाय वागुवाचाशरीरिणी। श्रूयतामुरगाः सर्वे युष्माभिर्देवहेलनम्॥

teṣāmanugrahārthāya vāguvācāśarīriṇī| śrūyatāmuragāḥ sarve yuṣmābhirdevahelanam||

For their grace, a bodiless voice spoke: 'Listen, all you serpents — it is you who have insulted a god.'

Verse 13 (skanda.5.51.13)

भिक्षार्थमागतः शम्भुः क्षुधार्तश्च गृहेगृहे। विदित्वातिथिवेलायां कपालकरभिक्षुकः॥

bhikṣārthamāgataḥ śambhuḥ kṣudhārtaśca gṛhegṛhe| viditvātithivelāyāṁ kapālakarabhikṣukaḥ||

'Shambhu had come for alms, hungry, to every house, arriving knowingly at the hour of hospitality, a beggar with the skull-bowl in hand.'

Verse 14 (skanda.5.51.14)

दत्ता न भिक्षा केनापि भोगवत्यां पिनाकिनः। तदा बहिर्गतो नाथः क्षुधितो धर्मविग्रहः॥

dattā na bhikṣā kenāpi bhogavatyāṁ pinākinaḥ| tadā bahirgato nāthaḥ kṣudhito dharmavigrahaḥ||

'No one in Bhogavati gave alms to the wielder of the Pinaka; then that hungry Lord, the very embodiment of dharma, went outside.'

Verse 15 (skanda.5.51.15)

तेन नष्टा सुधा सर्वा कुंडांते पन्नगोत्तमाः। यूयं प्रयात पातालान्महाकालवनोत्तमे॥

tena naṣṭā sudhā sarvā kuṁḍāṁte pannagottamāḥ| yūyaṁ prayāta pātālānmahākālavanottame||

'By him all the nectar in the cisterns was destroyed, O best of serpents. Go now from Patala to the excellent Mahakalavana.'

Verse 16 (skanda.5.51.16)

तत्रैका वै सरिच्छ्रेष्ठा शिप्रानामेति विश्रुता। त्रैलोक्यपावनी ह्येषा सर्वकामफलप्रदा॥

tatraikā vai saricchreṣṭhā śiprānāmeti viśrutā| trailokyapāvanī hyeṣā sarvakāmaphalapradā||

'There is one river there, best of rivers, renowned by the name Shipra, purifier of the three worlds, giver of the fruit of every desire.'

Verse 17 (skanda.5.51.17)

यस्या दर्शनमात्रेण सर्वपापक्षयो भवेत्। तत्र गत्वा भवद्भिश्च स्नानं कार्यं यथाविधि॥

yasyā darśanamātreṇa sarvapāpakṣayo bhavet| tatra gatvā bhavadbhiśca snānaṁ kāryaṁ yathāvidhi||

'By the mere sight of her, all sin is destroyed. Going there, you should perform bathing according to proper rule.'

Verse 18 (skanda.5.51.18)

भजनं देवदेवस्य ततः पूजां करिष्यथ। भजनाद्देवदेवस्य शिप्रासलिलमज्जनात्॥

bhajanaṁ devadevasya tataḥ pūjāṁ kariṣyatha| bhajanāddevadevasya śiprāsalilamajjanāt||

'And then perform devotion and worship of the God of gods. Through devotion to the God of gods, and through immersion in the waters of the Shipra—'

Verse 19 (skanda.5.51.19)

भविष्यति ततः सद्यः सुधा लोके पुरेव वः। इति संभाष्य तान्नागांस्तत्रैवांतरधीयत॥

bhaviṣyati tataḥ sadyaḥ sudhā loke pureva vaḥ| iti saṁbhāṣya tānnāgāṁstatraivāṁtaradhīyata||

'—there shall at once be nectar for you in your world, just as before.' Having spoken thus to those serpents, it vanished right there.

Verse 20 (skanda.5.51.20)

वाणीं व्यास तदा दिव्यां सहसा लोकसाक्षिणीम्। श्रुत्वा देवेरितां वाणीं तथेत्युक्त्वा च पन्नगाः॥

vāṇīṁ vyāsa tadā divyāṁ sahasā lokasākṣiṇīm| śrutvā deveritāṁ vāṇīṁ tathetyuktvā ca pannagāḥ||

O Vyasa, having heard that divine voice, suddenly witnessed by the world, spoken by the god, the serpents said, 'So be it,'

Verse 21 (skanda.5.51.21)

स्त्रीबालवृद्धसहिता महाकालवनं ययुः। तत्र गत्वा ददृशुस्ते नदीं त्रैलोक्यवंदिताम्॥

strībālavṛddhasahitā mahākālavanaṁ yayuḥ| tatra gatvā dadṛśuste nadīṁ trailokyavaṁditām||

and, together with their women, children and elders, went to Mahakalavana; arriving there, they beheld the river, honored by the three worlds,

Verse 22 (skanda.5.51.22)

सर्वत्र कुसुमाकीर्णां तरुच्छायाभिराश्रिताम्। हंसकारंडवाकीर्णां मणिमुक्ताप्रवालकाम्॥

sarvatra kusumākīrṇāṁ tarucchāyābhirāśritām| haṁsakāraṁḍavākīrṇāṁ maṇimuktāpravālakām||

everywhere strewn with flowers, shaded by trees along her banks; thronged with swans and karandava-ducks, her bed set with gems, pearls and coral.

Verse 23 (skanda.5.51.23)

मणिसोपानरचितां पद्मखंडैश्च मंडिताम्। सायं प्रातः स्थिता विप्राः संध्योपासनतत्पराः॥

maṇisopānaracitāṁ padmakhaṁḍaiśca maṁḍitām| sāyaṁ prātaḥ sthitā viprāḥ saṁdhyopāsanatatparāḥ||

her steps fashioned of jewels, adorned with clusters of lotuses; morning and evening, brahmins stood there, intent on their twilight devotions,

Verse 24 (skanda.5.51.24)

ऋषयश्च महाभागा भृग्वंगिरसमुख्यकाः। गंधर्वाश्चैव तत्रैव देवर्षिनारदादयः॥

ṛṣayaśca mahābhāgā bhṛgvaṁgirasamukhyakāḥ| gaṁdharvāścaiva tatraiva devarṣināradādayaḥ||

and great and fortunate sages, chief among them Bhrigu and Angiras; gandharvas too were right there, and the divine sage Narada and others,

Verse 25 (skanda.5.51.25)

वसवश्च तथादित्या ह्यश्विनौ मरुतस्तथा। रुद्राः साध्याश्च देवाश्च पितरो विमलाशयाः॥

vasavaśca tathādityā hyaśvinau marutastathā| rudrāḥ sādhyāśca devāśca pitaro vimalāśayāḥ||

and the Vasus, the Adityas, the two Ashvins, the Maruts; the Rudras, the Sadhyas, the gods, and the pure-hearted ancestors—

Verse 26 (skanda.5.51.26)

उपासते च शिप्रां वै संध्यावेलां समाहिताः। ऋषिपत्न्यो महाभागा देवकन्याप्सरोगणाः॥

upāsate ca śiprāṁ vai saṁdhyāvelāṁ samāhitāḥ| ṛṣipatnyo mahābhāgā devakanyāpsarogaṇāḥ||

—all worshipped the Shipra with composed minds at the hour of twilight; the great wives of sages, the divine maidens, and the hosts of apsaras,

Verse 27 (skanda.5.51.27)

पतिव्रता महाभागास्तत्रैव पतिभिः सह। उपासंते सदाचारा वर्णाश्रमपुरोगमाः॥

pativratā mahābhāgāstatraiva patibhiḥ saha| upāsaṁte sadācārā varṇāśramapurogamāḥ||

the great and fortunate wives devoted to their husbands, right there together with their husbands, of good conduct, worshipped, leading those of every varna and ashrama,

Verse 28 (skanda.5.51.28)

राजर्षयः समासीना निर्वाणपदवीं गताः। सिद्धा योगेश्वरा शांतास्तापसाः शंसितव्रताः॥

rājarṣayaḥ samāsīnā nirvāṇapadavīṁ gatāḥ| siddhā yogeśvarā śāṁtāstāpasāḥ śaṁsitavratāḥ||

royal sages sat there together, having attained the state of Nirvana; siddhas, lords of yoga, peaceful ascetics of firm vows,

Verse 29 (skanda.5.51.29)

नानादेशोद्भवा लोका यात्रिणः समुपागताः। शिप्राकूले समासीना नरनारीसमन्विताः॥

nānādeśodbhavā lokā yātriṇaḥ samupāgatāḥ| śiprākūle samāsīnā naranārīsamanvitāḥ||

and people from many different lands, pilgrims who had gathered together, seated upon the banks of the Shipra, men and women alike,

Verse 30 (skanda.5.51.30)

कुर्वते तत्र धर्माणि महादानानि सर्वशः। एवंविधां समालोक्य व्यास त्रैलोक्यवंदिताम्॥

kurvate tatra dharmāṇi mahādānāni sarvaśaḥ| evaṁvidhāṁ samālokya vyāsa trailokyavaṁditām||

were performing righteous deeds and great charitable gifts of every kind there. Beholding the river thus, O Vyasa, honored by all three worlds,

Verse 31 (skanda.5.51.31)

नदीं सुधामयीं सर्वां नागाः परमहर्षिताः। स्नानदानादिकं कृत्वा महादेवमुपासिरे॥

nadīṁ sudhāmayīṁ sarvāṁ nāgāḥ paramaharṣitāḥ| snānadānādikaṁ kṛtvā mahādevamupāsire||

as though wholly made of nectar, the serpents, filled with the greatest joy, having performed bathing and giving, worshipped Mahadeva,

Verse 32 (skanda.5.51.32)

वेदोक्तविधिना सर्वे भक्त्या पन्नगसत्तमाः। पंचांगपूर्वकं स्नानं यक्षकर्दमलेपनम्॥

vedoktavidhinā sarve bhaktyā pannagasattamāḥ| paṁcāṁgapūrvakaṁ snānaṁ yakṣakardamalepanam||

all of them, best of serpents, according to Vedic rite and with devotion — bathing preceded by its five limbs, anointing with fragrant clay,

Verse 33 (skanda.5.51.33)

अम्लानपंकजां मालां नानापुष्पाक्षतैस्तथा। वासःस्रगनुलेपाद्यैश्चन्दनैर्गंधधूपकैः॥

amlānapaṁkajāṁ mālāṁ nānāpuṣpākṣataistathā| vāsaḥsraganulepādyaiścandanairgaṁdhadhūpakaiḥ||

an unfading lotus-garland, various flowers and unbroken rice-grains, garments, garlands and unguents, sandal-paste, fragrances and incense,

Verse 34 (skanda.5.51.34)

दीपदानादिनैवेद्यैस्तांबूलमथ दक्षिणाः। कर्पूरार्तिकराः सर्वे महादेवमुपागताः। स्तुतिमारेभिरे कर्तुं सुधाकामास्तदोरगाः॥

dīpadānādinaivedyaistāṁbūlamatha dakṣiṇāḥ| karpūrārtikarāḥ sarve mahādevamupāgatāḥ| stutimārebhire kartuṁ sudhākāmāstadoragāḥ||

with lamps and offerings of food, then betel-leaf and gifts of thanks; all bearing camphor-lamps for the arati, they approached Mahadeva; and those serpents, desiring the nectar, began then to offer their praise.

Verse 35 (skanda.5.51.35)

सर्पा उचुः। नमोऽनंताय बृहते सर्वदेव नमोनमः। चंद्रमौले नमस्तेऽस्तु कपर्दिन्परमात्मने। वृषध्वज नमस्तेऽस्तु त्रिशूलवरधारिणे॥

sarpā ucuḥ| namo'naṁtāya bṛhate sarvadeva namonamaḥ| caṁdramaule namaste'stu kapardinparamātmane| vṛṣadhvaja namaste'stu triśūlavaradhāriṇe||

The serpents said: Salutation to the Infinite, the Vast One, the God of all gods, salutation again and again! Salutation to you, moon-crested, matted-locked Supreme Self! Salutation to you, bull-bannered, bearer of the excellent trident!

Verse 36 (skanda.5.51.36)

त्र्यम्बकाय नमस्तेऽस्तु जटामुकुटधारिणे। शेषहार नमस्तेस्तु चिताभस्मांगधारिणे॥

tryambakāya namaste'stu jaṭāmukuṭadhāriṇe| śeṣahāra namastestu citābhasmāṁgadhāriṇe||

Salutation to you, three-eyed one, bearer of the crown of matted hair! Salutation to you, wearer of Shesha as a garland, your limbs smeared with the ash of the funeral pyre!

Verse 37 (skanda.5.51.37)

कृत्तिवास नमस्तेऽस्तु गिरीशाय नमोनमः। त्रिपुरघ्न नमस्तेस्तु स्मरांतक नमोऽस्तु ते॥

kṛttivāsa namaste'stu girīśāya namonamaḥ| tripuraghna namastestu smarāṁtaka namo'stu te||

Salutation to you, clad in a hide! Salutation, salutation to the Lord of the Mountain! Salutation to you, destroyer of Tripura! Salutation to you, ender of Smara!

Verse 38 (skanda.5.51.38)

मृगव्याध नमस्तेऽस्तु घस्मराय नमोनमः। शंकरात्मन्नमस्तेस्तु सर्वकामफलप्रद॥

mṛgavyādha namaste'stu ghasmarāya namonamaḥ| śaṁkarātmannamastestu sarvakāmaphalaprada||

Salutation to you, the hunter of the deer! Salutation, salutation to the all-consuming one! Salutation to you, O soul of Shankara, giver of the fruit of every desire!

Verse 39 (skanda.5.51.39)

सर्वसाक्षिन्नमस्तेऽस्तु सर्वभूताशयाकृते। सर्वाधार नमस्तेऽस्तु सर्वशक्तिधराय च॥

sarvasākṣinnamaste'stu sarvabhūtāśayākṛte| sarvādhāra namaste'stu sarvaśaktidharāya ca||

Salutation to you, witness of all! You who take the very form of the innermost being of all creatures! Salutation to you, support of all, and bearer of every power!

Verse 40 (skanda.5.51.40)

सर्वभोग नमस्तेऽस्तु सर्वबीजसमुद्भव। दिव्यहास नमस्तेऽस्तु नमोऽमृतस्रवाय च॥

sarvabhoga namaste'stu sarvabījasamudbhava| divyahāsa namaste'stu namo'mṛtasravāya ca||

Salutation to you, source of every enjoyment, arising as the seed of all! Salutation to you of divine laughter! And salutation to you from whom nectar flows!

Verse 41 (skanda.5.51.41)

काम्यकाम नमस्तेस्तु सर्वकामवरप्रद। नमः शिवाय शांताय पशूनां पतये नमः॥

kāmyakāma namastestu sarvakāmavaraprada| namaḥ śivāya śāṁtāya paśūnāṁ pataye namaḥ||

Salutation to you, fulfiller of desired wishes, giver of every desired boon! Salutation to peaceful Shiva! Salutation to the Lord of creatures!

Verse 42 (skanda.5.51.42)

नमो मृडाय दांताय शांतरूपाय वै नमः॥

namo mṛḍāya dāṁtāya śāṁtarūpāya vai namaḥ||

Salutation to Mrida, the self-controlled! Salutation indeed to the one of peaceful form!

Verse 43 (skanda.5.51.43)

एवं प्रसादितो नागैर्भगवान्वृषभध्वजः। प्रसन्नवदनो भूत्वा प्रत्यक्षः प्राह पन्नगान्॥

evaṁ prasādito nāgairbhagavānvṛṣabhadhvajaḥ| prasannavadano bhūtvā pratyakṣaḥ prāha pannagān||

Thus propitiated by the serpents, the Lord, bull-bannered, his face gracious, appeared before them in person and spoke to the serpents.

Verse 44 (skanda.5.51.44)

श्रीमहादेव उवाच। शृणुध्वमुरगाः सर्वे वचस्तथ्यं वदामि वः। नागलोके पुरा नित्यं भिक्षार्थं चागतोस्म्यहम्॥

śrīmahādeva uvāca| śṛṇudhvamuragāḥ sarve vacastathyaṁ vadāmi vaḥ| nāgaloke purā nityaṁ bhikṣārthaṁ cāgatosmyaham||

Shri Mahadeva said: Listen, all you serpents; I shall tell you the truth. I had come, as always, into the world of the nagas for the purpose of alms.

Verse 45 (skanda.5.51.45)

गृहेगृहे भोगवत्यां व्यचरत्क्षुधितो भृशम्। कपालं च करे कृत्वा धृत्वा कंथां सुचीरकाम्॥

gṛhegṛhe bhogavatyāṁ vyacaratkṣudhito bhṛśam| kapālaṁ ca kare kṛtvā dhṛtvā kaṁthāṁ sucīrakām||

In Bhogavati, at every house, exceedingly hungry, I went about, the skull-bowl in my hand, wearing a fine patched cloak.

Verse 46 (skanda.5.51.46)

अप्राप्तभिक्षो भिक्षार्थी पुनरागां ततो गृहम्। तेन पापप्रसंगेन सुधा नष्टा च वः स्थलात्॥

aprāptabhikṣo bhikṣārthī punarāgāṁ tato gṛham| tena pāpaprasaṁgena sudhā naṣṭā ca vaḥ sthalāt||

Having received no alms, though seeking them, I returned then to my own abode; by that occasion of transgression, your nectar was destroyed from its place.

Verse 47 (skanda.5.51.47)

किंचित्पुण्यप्रसंगेन महाकालवनोत्तमे। यूयं प्राप्ता महाभागा हित्वा नागालयोत्तमम्॥

kiṁcitpuṇyaprasaṁgena mahākālavanottame| yūyaṁ prāptā mahābhāgā hitvā nāgālayottamam||

By some occasion of merit, O fortunate ones, you have now reached the supreme Mahakalavana, having left your excellent abode of serpents.

Verse 48 (skanda.5.51.48)

आबालवृद्धैः सस्त्रीभि दृष्टा शिप्रा सरिद्वरा। यस्या दर्शनमात्रेण सुनिष्पापोऽस्म्यहं पुरा॥

ābālavṛddhaiḥ sastrībhi dṛṣṭā śiprā saridvarā| yasyā darśanamātreṇa suniṣpāpo'smyahaṁ purā||

By all, from children to elders, together with the women, you have beheld the excellent river Shipra — by the mere sight of whom I myself once became wholly free of sin.

Verse 49 (skanda.5.51.49)

शिप्रायां स्नानजं पुण्यं वक्तुं शक्तो न कीदृशम्। दर्शनाज्जायते शंभुस्तत्क्षणाद्भुवि पन्नगाः॥

śiprāyāṁ snānajaṁ puṇyaṁ vaktuṁ śakto na kīdṛśam| darśanājjāyate śaṁbhustatkṣaṇādbhuvi pannagāḥ||

What kind of merit is born from bathing in the Shipra — of that I am not even able to speak; O serpents, by the mere sight of her one instantly becomes Shambhu on this earth.

Verse 50 (skanda.5.51.50)

यस्मात्स्नानं कृतं सर्वैः शिप्रायां पन्नगोत्तमैः। तेन पुण्यप्रभावेन सुधास्तु वो गृहेगृहे॥

yasmātsnānaṁ kṛtaṁ sarvaiḥ śiprāyāṁ pannagottamaiḥ| tena puṇyaprabhāvena sudhāstu vo gṛhegṛhe||

Because bathing in the Shipra has now been performed by all of you, O best of serpents, by the power of that merit, let nectar be in every house of yours once more.

Verse 51 (skanda.5.51.51)

नीत्वा शिप्रोदकं पुण्यं कुण्डेषु परिषिञ्चत। तेनैतानि च कुण्डानि अमृतान्येकविंशतिः॥

nītvā śiprodakaṁ puṇyaṁ kuṇḍeṣu pariṣiñcata| tenaitāni ca kuṇḍāni amṛtānyekaviṁśatiḥ||

Take the sacred water of the Shipra and sprinkle it into your cisterns; by that, these twenty-one cisterns of nectar—

Verse 52 (skanda.5.51.52)

संपूर्णानि भविष्यंति स्थिराणि पन्नगोत्तमाः। तथेत्युक्त्वा च ते सर्वे धृत्वा शिप्रोदकं करैः॥

saṁpūrṇāni bhaviṣyaṁti sthirāṇi pannagottamāḥ| tathetyuktvā ca te sarve dhṛtvā śiprodakaṁ karaiḥ||

'—O best of serpents, shall become full and permanent once more.' Saying 'So be it,' all of them, taking up the water of the Shipra in their hands,

Verse 53 (skanda.5.51.53)

गतास्ते वै स्वकं लोकं नमस्कृत्वा महेश्वरम्। ततः प्रभृति सा शिप्रा नागलोकेऽमृतोद्भवा॥

gatāste vai svakaṁ lokaṁ namaskṛtvā maheśvaram| tataḥ prabhṛti sā śiprā nāgaloke'mṛtodbhavā||

returned to their own world, having bowed to Maheshvara. From that time on, that Shipra, in the world of serpents, has been known as Amritodbhava.

Verse 54 (skanda.5.51.54)

सर्वलोकेषु विख्याता व्यास शिप्राऽमृतोद्भवा। ये तु तस्यां प्रकुर्वंति नराः स्नानादिकं भुवि॥

sarvalokeṣu vikhyātā vyāsa śiprā'mṛtodbhavā| ye tu tasyāṁ prakurvaṁti narāḥ snānādikaṁ bhuvi||

O Vyasa, the Shipra has become renowned in all the worlds as Amritodbhava. Those men who, upon this earth, perform bathing and the like in her,

Verse 55 (skanda.5.51.55)

न तेषां दुष्कृतं किंचिन्नापदो न च दुर्गतिः। न वियोगो भवेत्तेषां पुत्रदारादिकैः कदा॥

na teṣāṁ duṣkṛtaṁ kiṁcinnāpado na ca durgatiḥ| na viyogo bhavetteṣāṁ putradārādikaiḥ kadā||

for them no evil deed remains, nor misfortunes, nor misery; separation from their sons, wives, and the like never befalls them.

Verse 56 (skanda.5.51.56)

न च मित्राणि दुष्यंति न रोगो न दरिद्रता। कथां पापहरां पुण्यां सर्वकामवरप्रदाम्। पठनाच्छ्रवणाद्वापि गोसहस्रफलं लभेत्॥

na ca mitrāṇi duṣyaṁti na rogo na daridratā| kathāṁ pāpaharāṁ puṇyāṁ sarvakāmavarapradām| paṭhanācchravaṇādvāpi gosahasraphalaṁ labhet||

Their friends never turn corrupt, nor is there disease or poverty. Whoever recites or hears this meritorious, sin-removing tale, granter of every desired boon, obtains the merit of a thousand cows.