The Legend of the Kshata-Sangama Tirtha

Verse 1 (skanda.5.56.1)

सनत्कुमार उवाच। तीर्थमन्यतरं व्यास क्षातासंगमसंभवम्। यत्र तु स्नानमात्रेण महापापैः प्रमुच्यते

sanatkumāra uvāca| tīrthamanyataraṁ vyāsa kṣātāsaṁgamasaṁbhavam| yatra tu snānamātreṇa mahāpāpaiḥ pramucyate

Sanatkumara said: Listen, O Vyasa — I shall tell of another tirtha born at the confluence of the Kshata, where by mere bathing one is freed even from great sins.

Verse 2 (skanda.5.56.2)

अमा वै शनिवारेण यदायाति समाहितः। पितॄनुद्दिश्य यः कुर्याच्छ्राद्धं चैव तिलोदकम्

amā vai śanivāreṇa yadāyāti samāhitaḥ| pitṝnuddiśya yaḥ kuryācchrāddhaṁ caiva tilodakam

When the new-moon day falls together with a Saturday, whoever performs shraddha and the sesame-water offering directed to the ancestors...

Verse 3 (skanda.5.56.3)

पश्येच्छनैश्चरं देवं स्थावरं लिंगमुत्तमम्। तस्य शानैश्चरी पीडा न भवेत्तु कदाचन

paśyecchanaiścaraṁ devaṁ sthāvaraṁ liṁgamuttamam| tasya śānaiścarī pīḍā na bhavettu kadācana

...and beholds the god Shanaishchara in the great immovable linga — for him the affliction of Saturn shall never occur.

Verse 4 (skanda.5.56.4)

व्यास उवाच। महातीर्थं समाख्यातं महाकालवने शुभे। भूयस्तु श्रोतुमिच्छामि विस्तरेण तपोधन

vyāsa uvāca| mahātīrthaṁ samākhyātaṁ mahākālavane śubhe| bhūyastu śrotumicchāmi vistareṇa tapodhana

Vyasa said: The great tirtha in the auspicious Mahakala forest has been told; I wish to hear yet more of it in detail, O rich in austerity.

Verse 5 (skanda.5.56.5)

सनत्कुमार उवाच। श्रूयतां भो द्विजश्रेष्ठ कथा पौराणिकी शुभा। यस्याः श्रवणमात्रेण महापापक्षयो भवेत्

sanatkumāra uvāca| śrūyatāṁ bho dvijaśreṣṭha kathā paurāṇikī śubhā| yasyāḥ śravaṇamātreṇa mahāpāpakṣayo bhavet

Sanatkumara said: Listen, O best of brahmins, to this auspicious ancient tale, by the mere hearing of which even great sin is destroyed.

Verse 6 (skanda.5.56.6)

रेवा चर्मण्वती क्षाता तिस्रो नद्यः पुराऽनघ। जातास्त्रैलोक्यपावन्यो भुवि चामरकंटकात्

revā carmaṇvatī kṣātā tisro nadyaḥ purā'nagha| jātāstrailokyapāvanyo bhuvi cāmarakaṁṭakāt

O sinless one, in ancient times the three rivers Reva, Charmanvati and Kshata were born on earth from Amarakantaka, purifiers of the three worlds.

Verse 7 (skanda.5.56.7)

पुण्याः पुण्यजला रम्याः पवित्राः पापहारकाः। पुनंत्यः सर्वलोकानां स्नानात्पानात्तथापगाः

puṇyāḥ puṇyajalā ramyāḥ pavitrāḥ pāpahārakāḥ| punaṁtyaḥ sarvalokānāṁ snānātpānāttathāpagāḥ

Sacred, of sacred waters, delightful, pure, removers of sin — these rivers purify all the worlds through bathing and drinking.

Verse 8 (skanda.5.56.8)

एकदोपवने रम्ये मांधातृक्षेत्र उत्तमे। मिथो रमंति संहृष्टाः परस्परजिगीषया

ekadopavane ramye māṁdhātṛkṣetra uttame| mitho ramaṁti saṁhṛṣṭāḥ parasparajigīṣayā

Once, in a beautiful garden in the excellent domain of Mandhata, they sported joyfully together, each wishing to outdo the other.

Verse 9 (skanda.5.56.9)

किंचिद्दोषप्रसंगेन मिथो भेदो ह्यजायत। रेवासंगं परित्यक्ता भित्त्वा विंध्यगिरिं वरम्

kiṁciddoṣaprasaṁgena mitho bhedo hyajāyata| revāsaṁgaṁ parityaktā bhittvā viṁdhyagiriṁ varam

Through some slight quarrel a rift arose between them; abandoning her union with the Reva, the Kshata cut through the great Vindhya mountain...

Verse 10 (skanda.5.56.10)

महाकालवने रम्ये समा याता सरिद्वरा। यत्र शिप्रा महापुण्या पुरी ह्येषाऽमरावती

mahākālavane ramye samā yātā saridvarā| yatra śiprā mahāpuṇyā purī hyeṣā'marāvatī

...and that river came in an even course to the beautiful Mahakala forest, where the greatly sacred Shipra flows and this very city is like Amaravati.

Verse 11 (skanda.5.56.11)

सर्वतीर्थवरं श्रेष्ठं नामा रुद्रसरः स्मृतम्। भुक्तिमुक्तिप्रदं नित्यं सिद्धर्षिगणसेवितम्

sarvatīrthavaraṁ śreṣṭhaṁ nāmā rudrasaraḥ smṛtam| bhuktimuktipradaṁ nityaṁ siddharṣigaṇasevitam

There the foremost of all tirthas, known by the name Rudrasaras, is remembered — ever granting enjoyment and liberation, attended by hosts of siddhas and sages.

Verse 12 (skanda.5.56.12)

तत्रागत्य पुरा क्षाता शिप्रासंगं समाश्रिता। तत्र तीर्थं परं जातं क्षातासंगमसंज्ञितम्। यत्र धूतरजा जातः सद्यः प्रोक्तो विभावसुः

tatrāgatya purā kṣātā śiprāsaṁgaṁ samāśritā| tatra tīrthaṁ paraṁ jātaṁ kṣātāsaṁgamasaṁjñitam| yatra dhūtarajā jātaḥ sadyaḥ prokto vibhāvasuḥ

Coming there of old, the Kshata took refuge in confluence with the Shipra; there arose the supreme tirtha called Kshata-sangama, where it is told that the Sun, Vivasvat, shaken free of his blemish, at once became stainless.

Verse 13 (skanda.5.56.13)

व्यास उवाच। कथं सूर्यस्त्वया प्रोक्तो विरजो ह्यभवत्पुरा। एतद्वेदितुमिच्छामि त्वत्तो ब्रह्मविदां वर

vyāsa uvāca| kathaṁ sūryastvayā prokto virajo hyabhavatpurā| etadveditumicchāmi tvatto brahmavidāṁ vara

Vyasa said: How is it that the Sun, as told by you, became free of blemish in ancient times? I wish to learn this from you in detail, O best among knowers of Brahman.

Verse 14 (skanda.5.56.14)

सनत्कुमार उवाच। पुरानुसूर्यां सावित्रीं त्वष्टा स्वतनयां ददौ

sanatkumāra uvāca| purānusūryāṁ sāvitrīṁ tvaṣṭā svatanayāṁ dadau

Sanatkumara said: Long ago Tvashta gave in marriage to the Sun his own daughter Savitri, who was called Anusurya, 'she who matches the Sun.'

Verse 15 (skanda.5.56.15)

पतिधर्मरता नित्यं सिषेवे लोकचक्षुषे। तस्यां वै मिथुनं जज्ञे लोकसाक्षिविभावसोः

patidharmaratā nityaṁ siṣeve lokacakṣuṣe| tasyāṁ vai mithunaṁ jajñe lokasākṣivibhāvasoḥ

Ever devoted to her wifely duty, she served the Sun, the eye of the world; from her, to Vivasvat the witness of the world, a twin pair was born.

Verse 16 (skanda.5.56.16)

यमो वैवस्वतो जातो यमुना लोकपावनी। ततस्त्वष्टाऽब्रवीच्छायां स्वकीयां सूनृतां गिरम्

yamo vaivasvato jāto yamunā lokapāvanī| tatastvaṣṭā'bravīcchāyāṁ svakīyāṁ sūnṛtāṁ giram

Yama Vaivasvata and the world-purifying Yamuna were born; then Tvashta spoke gentle, true words to his own creation, Chhaya.

Verse 17 (skanda.5.56.17)

मिथुनं मे तवोत्संगे धृतं त्वं परिपालय। तावदेवमिह च्छाये यावत्पितुर्गृहेचरी

mithunaṁ me tavotsaṁge dhṛtaṁ tvaṁ paripālaya| tāvadevamiha cchāye yāvatpiturgṛhecarī

'This twin pair of mine, placed in your lap — protect them; remain here thus, O Chhaya, only until Savitri is moving about in her father's house.'

Verse 18 (skanda.5.56.18)

रविभक्तिरता नित्यं चर त्वं मम वेश्मनि। नो वाच्याहं कदा च्छाये पितुर्वेश्मगता रवेः

ravibhaktiratā nityaṁ cara tvaṁ mama veśmani| no vācyāhaṁ kadā cchāye piturveśmagatā raveḥ

'Ever devoted to the Sun, live on in my household; but never, O Chhaya, tell the Sun that his true wife has gone to her father's house.'

Verse 19 (skanda.5.56.19)

एवं सा समयं कृत्वा सावित्री ह्यगमत्तदा। पितुर्वेश्मगता बाला सवितुर्भयविह्वला

evaṁ sā samayaṁ kṛtvā sāvitrī hyagamattadā| piturveśmagatā bālā saviturbhayavihvalā

Having thus made this pact, Savitri then departed; the young woman, overwhelmed with fear of the Sun, went to her father's house.

Verse 20 (skanda.5.56.20)

पित्रा निवारिता सद्यो वडवारूपधारिणी। विचचार वने रम्ये बहुलोदकशाड्वले

pitrā nivāritā sadyo vaḍavārūpadhāriṇī| vicacāra vane ramye bahulodakaśāḍvale

Forbidden at once by her father from staying, she assumed the form of a mare and wandered in a beautiful, water-rich forest meadow.

Verse 21 (skanda.5.56.21)

एकदा याचिता तेन वैवस्वतेन बुभुक्षता। नोदनं वै तया दत्तं याचमानाय तत्क्षणात्

ekadā yācitā tena vaivasvatena bubhukṣatā| nodanaṁ vai tayā dattaṁ yācamānāya tatkṣaṇāt

Once, being hungry, Yama Vaivasvata asked Chhaya for food; but she did not give it at once to him who begged.

Verse 22 (skanda.5.56.22)

तदा पदाहता तेन च्छाया तं च शशाप ह। यतस्त्वं मे पदाघातं कृतवान्बालभावनात्

tadā padāhatā tena cchāyā taṁ ca śaśāpa ha| yatastvaṁ me padāghātaṁ kṛtavānbālabhāvanāt

Then, struck by his foot, Chhaya in turn cursed him: 'Since, out of childish impulse, you have struck me with your foot...'

Verse 23 (skanda.5.56.23)

तस्मात्त्वं च पदा खंजो भविष्यसि न संशयः। एवं शप्तो रुजाक्रांतो विललाप शुचार्दितः

tasmāttvaṁ ca padā khaṁjo bhaviṣyasi na saṁśayaḥ| evaṁ śapto rujākrāṁto vilalāpa śucārditaḥ

'...therefore you shall become lame of foot, without doubt.' Thus cursed, overcome with affliction, he wept, tormented by grief.

Verse 24 (skanda.5.56.24)

एतस्मिन्नंतरे व्यास परिभूय वसुंधराम्। भावयन्सकलाँल्लोकान्ग्रहचारी विभावसुः

etasminnaṁtare vyāsa paribhūya vasuṁdharām| bhāvayansakalāṁllokāngrahacārī vibhāvasuḥ

Meanwhile, O Vyasa, Vivasvat, moving as a planet and illumining all the worlds, arrived there.

Verse 25 (skanda.5.56.25)

दृष्ट्वा च तनयं पंगुमित्युवाच विभावसुः। किमिदं वत्स ते कष्टं कुतः प्राप्तं त्वयाऽनघ

dṛṣṭvā ca tanayaṁ paṁgumityuvāca vibhāvasuḥ| kimidaṁ vatsa te kaṣṭaṁ kutaḥ prāptaṁ tvayā'nagha

Seeing his son lame, Vivasvat said: 'What is this trouble of yours, my child? Whence has it come to you, O sinless one?'

Verse 26 (skanda.5.56.26)

इति पृष्टो यदा तेन सवित्रा लोकभास्वता। उवाच गद्गदां वाचं यमः संयमिनीपतिः

iti pṛṣṭo yadā tena savitrā lokabhāsvatā| uvāca gadgadāṁ vācaṁ yamaḥ saṁyaminīpatiḥ

Thus questioned by the world-illumining Sun, Yama, lord of restraint, spoke in a voice choked with emotion.

Verse 27 (skanda.5.56.27)

प्रातराशाय मे नाथ याचितं मातुरंतिकात्। नो दत्तं भोजनं क्षिप्रं बालभावेन ताडिता

prātarāśāya me nātha yācitaṁ māturaṁtikāt| no dattaṁ bhojanaṁ kṣipraṁ bālabhāvena tāḍitā

'O lord, I asked my mother for my morning meal; when food was not quickly given, out of childish impulse I struck her.'

Verse 28 (skanda.5.56.28)

पादौ मे गलितौ सद्यो मातुः शापपराभवौ। तच्छ्रुत्वा मोहमापन्नो रविर्ध्यानपरायणः

pādau me galitau sadyo mātuḥ śāpaparābhavau| tacchrutvā mohamāpanno ravirdhyānaparāyaṇaḥ

'My two feet at once became crippled by my mother's curse.' Hearing this, the Sun fell into confusion and became absorbed in meditation.

Verse 29 (skanda.5.56.29)

विचित्रमिदमाख्यातं मातुः शापस्य कारणम्। एवं ध्यात्वा चिरं कालं ज्ञातवान्रविरंशुमान्

vicitramidamākhyātaṁ mātuḥ śāpasya kāraṇam| evaṁ dhyātvā ciraṁ kālaṁ jñātavānraviraṁśumān

'Strange indeed is this account of the mother's curse,' he thought; and having meditated long, the radiant Sun came to know the truth.

Verse 30 (skanda.5.56.30)

नेयं सा रुचिरापांगी त्वाष्ट्री लोकस्य पावनी। केयं वा कुत आयाता कासि त्वं च शुचिस्मिते

neyaṁ sā rucirāpāṁgī tvāṣṭrī lokasya pāvanī| keyaṁ vā kuta āyātā kāsi tvaṁ ca śucismite

'This is not that lovely-eyed daughter of Tvashta, purifier of the world. Who then is this, and whence has she come? Who are you, O one of pure smile?'

Verse 31 (skanda.5.56.31)

छायोवाच। नानुसूर्या महाराज छाया तस्याः स्वसंभवा। गता वै सा पितुर्गेहे वारिताहं तयाऽनघ

chāyovāca| nānusūryā mahārāja chāyā tasyāḥ svasaṁbhavā| gatā vai sā piturgehe vāritāhaṁ tayā'nagha

Chhaya said: 'O great king, I am not Anusurya; I am Chhaya, born of her own being. She has indeed gone to her father's house, O sinless one, and she has forbidden me to reveal it.'

Verse 32 (skanda.5.56.32)

सवित्रे नैव वक्तव्यं छाये किंचित्कथंचन। एष मे समयो नाथ तेनाहं मौनमास्थिता

savitre naiva vaktavyaṁ chāye kiṁcitkathaṁcana| eṣa me samayo nātha tenāhaṁ maunamāsthitā

'"Nothing whatsoever is to be told to the Sun, Chhaya" — this was my pledge, my lord; that is why I have remained silent.'

Verse 33 (skanda.5.56.33)

तच्छ्रुत्वा भगवांस्त्वष्टुः समीपं रोषमास्थितः। जगाम सहसा भानुर्बहुरोषसमन्वितः

tacchrutvā bhagavāṁstvaṣṭuḥ samīpaṁ roṣamāsthitaḥ| jagāma sahasā bhānurbahuroṣasamanvitaḥ

Hearing this, the illustrious Sun, filled with great anger, went at once to Tvashta's presence, overcome with fury.

Verse 34 (skanda.5.56.34)

तं दृष्ट्वा सहसोत्थाय त्वष्टा लोकपितामहः। पाद्यार्घ्याचमनीयं च मधुपर्कैरपूजयत्

taṁ dṛṣṭvā sahasotthāya tvaṣṭā lokapitāmahaḥ| pādyārghyācamanīyaṁ ca madhuparkairapūjayat

Seeing him, Tvashta, grandfather of the world, rose up at once and honoured him with water for the feet, arghya, sipping-water, and madhuparka.

Verse 35 (skanda.5.56.35)

नत्वा पादौ परिक्रम्य बहुमानपुरःसरम्। उवाच मधुरया वाचा प्रियं ते करवाम किम्

natvā pādau parikramya bahumānapuraḥsaram| uvāca madhurayā vācā priyaṁ te karavāma kim

Bowing at his feet and circling him with great respect, he said in a sweet voice: 'What pleasing thing may I do for you?'

Verse 36 (skanda.5.56.36)

रविरुवाच। क्व सानुसूर्या सावित्री ममानुप्रियकारिणी। आगता ते गृहं तात मम मार्गानुमोदिनी

raviruvāca| kva sānusūryā sāvitrī mamānupriyakāriṇī| āgatā te gṛhaṁ tāta mama mārgānumodinī

The Sun said: 'Where is that Savitri, called Anusurya, who acts ever pleasingly toward me? Has she, who delights in following my path, come to your house, father?'

Verse 37 (skanda.5.56.37)

त्वष्टोवाच। न जानीमो वयं तात प्रिया मे क्व गता सुता। इत्युक्ते वचने त्वष्ट्रा रविर्दुश्चिंतमानसः

tvaṣṭovāca| na jānīmo vayaṁ tāta priyā me kva gatā sutā| ityukte vacane tvaṣṭrā ravirduściṁtamānasaḥ

Tvashta said: 'My son, we do not know where my beloved daughter has gone.' Hearing these words of Tvashta, the Sun's mind grew deeply troubled.

Verse 38 (skanda.5.56.38)

किं करोमि क्व गच्छामि क्व च प्रियतरा मम। इति संभाषमाणे तु त्वष्टा वाक्यमथाब्रवीत्

kiṁ karomi kva gacchāmi kva ca priyatarā mama| iti saṁbhāṣamāṇe tu tvaṣṭā vākyamathābravīt

'What shall I do? Where shall I go? Where is my most beloved?' As he spoke thus, Tvashta then said these words.

Verse 39 (skanda.5.56.39)

तव तेजः परिभ्रष्टा भग्ना क्वापि गताबला। यदि ते वल्लभा भार्या तेजस्त्वं परिशामय

tava tejaḥ paribhraṣṭā bhagnā kvāpi gatābalā| yadi te vallabhā bhāryā tejastvaṁ pariśāmaya

'Overwhelmed by your fierce brilliance, that frail woman has broken away and gone off somewhere. If she is your beloved wife, then you must pare down your radiance.'

Verse 40 (skanda.5.56.40)

सूर्य उवाच। यद्येवं दुस्सहं तेजो मम पूर्वपितामह। तदा ते रोचते सम्यग्यथा स्याद्वै तथा कुरु

sūrya uvāca| yadyevaṁ dussahaṁ tejo mama pūrvapitāmaha| tadā te rocate samyagyathā syādvai tathā kuru

The Sun said: 'O ancient grandfather, if my brilliance is truly so unbearable, then do exactly as seems right to you.'

Verse 41 (skanda.5.56.41)

इति सूर्यवचः श्रुत्वा शाणं कृत्वा सुदर्शनम्। घृष्टितः क्षुरधारेण लघीयान्निर्मलोऽभवत्

iti sūryavacaḥ śrutvā śāṇaṁ kṛtvā sudarśanam| ghṛṣṭitaḥ kṣuradhāreṇa laghīyānnirmalo'bhavat

Hearing the Sun's words, Tvashta set him upon the grinding-wheel called Sudarshana; ground down by its razor edge, he became lighter and stainless.

Verse 42 (skanda.5.56.42)

तस्य घृष्टितमात्रेण त्वष्टा चक्रे विवस्वतः। शाणं सुदर्शनं चक्रं सैकता मणिजातयः

tasya ghṛṣṭitamātreṇa tvaṣṭā cakre vivasvataḥ| śāṇaṁ sudarśanaṁ cakraṁ saikatā maṇijātayaḥ

From the very filings of Vivasvat's radiance, Tvashta fashioned the discus Sudarshana; and from its sand-like dust arose the various kinds of gems.

Verse 43 (skanda.5.56.43)

तदा त्वष्टाऽब्रवीद्वाक्यं मधुरं सूर्यसंनिधौ। महाकालवने रम्ये वडवारूपधारिणी

tadā tvaṣṭā'bravīdvākyaṁ madhuraṁ sūryasaṁnidhau| mahākālavane ramye vaḍavārūpadhāriṇī

Then Tvashta spoke sweet words in the Sun's presence: 'In the beautiful Mahakala forest is she who has taken the form of a mare —'

Verse 44 (skanda.5.56.44)

गृह्यतां भोः सुरश्रेष्ठ शीघ्रं गच्छतु शाड्वले। यत्र शिप्रा सरिच्छ्रेष्ठा यत्र क्षाता समागता

gṛhyatāṁ bhoḥ suraśreṣṭha śīghraṁ gacchatu śāḍvale| yatra śiprā saricchreṣṭhā yatra kṣātā samāgatā

'— go swiftly, O best of gods, and take her up in that meadow where the foremost river Shipra meets the Kshata.'

Verse 45 (skanda.5.56.45)

उभयोः संगमो यत्र तत्र मुक्तिर्न संशयः। तत्र तां सुभगां पत्नीं प्राप्स्यसि त्वं न संशयः

ubhayoḥ saṁgamo yatra tatra muktirna saṁśayaḥ| tatra tāṁ subhagāṁ patnīṁ prāpsyasi tvaṁ na saṁśayaḥ

'Where the confluence of the two occurs, there liberation is certain; there you shall surely regain that fortunate wife of yours.'

Verse 46 (skanda.5.56.46)

इति तस्य वचः श्रुत्वा सविता सर्वतापनः। तत्रागमद्वनं यत्र महाकालस्य पावनम्

iti tasya vacaḥ śrutvā savitā sarvatāpanaḥ| tatrāgamadvanaṁ yatra mahākālasya pāvanam

Hearing these words, Savitr, who warms the whole world, went there, to that sacred forest of Mahakala.

Verse 47 (skanda.5.56.47)

क्षातासंगमसंयुक्ता यत्र शिप्रा पयस्विनी। तत्र भुक्तिश्च मुक्तिश्च धनधान्यसमागमः

kṣātāsaṁgamasaṁyuktā yatra śiprā payasvinī| tatra bhuktiśca muktiśca dhanadhānyasamāgamaḥ

There, joined at the confluence with the Kshata, flows the abundant Shipra; there both enjoyment and liberation are found, together with wealth and grain.

Verse 48 (skanda.5.56.48)

तत्रागत्य प्रियां भार्यां वडवारूपधारिणीम्। ददर्श तां पुनः श्यामां हरिरूपधरो हरिः

tatrāgatya priyāṁ bhāryāṁ vaḍavārūpadhāriṇīm| dadarśa tāṁ punaḥ śyāmāṁ harirūpadharo hariḥ

Coming there in the form of a horse, Hari the Sun once again beheld his beloved, dark-hued wife in her mare's form.

Verse 49 (skanda.5.56.49)

नासिकाघ्राणमात्रेण यत्र जातौ सुतावुभौ। दर्शनीयौ सुनृम्णांगौ भिषजौ तौ दिवौकसाम्

nāsikāghrāṇamātreṇa yatra jātau sutāvubhau| darśanīyau sunṛmṇāṁgau bhiṣajau tau divaukasām

There, by the mere scent-contact of their nostrils, two sons were born, both beautiful and finely formed — the two physicians of the gods.

Verse 50 (skanda.5.56.50)

छाया च सुषुवे तत्र मिथुनं द्विजसत्तम। तापीं शनैश्चरं चैव सर्वलोकप्रतापनम्

chāyā ca suṣuve tatra mithunaṁ dvijasattama| tāpīṁ śanaiścaraṁ caiva sarvalokapratāpanam

And Chhaya too, O best of brahmins, gave birth there to a twin pair — the river Tapi, and Shanaishchara, who scorches all the worlds.

Verse 51 (skanda.5.56.51)

शनियोगे यदामा वै जायते सर्वकामदा। तदा स्नानं च दानं च श्राद्धं चैव तु कारयेत्

śaniyoge yadāmā vai jāyate sarvakāmadā| tadā snānaṁ ca dānaṁ ca śrāddhaṁ caiva tu kārayet

When the new-moon day falls in conjunction with Saturn, it grants every wish; then one should perform bathing, charity, and the shraddha rite.

Verse 52 (skanda.5.56.52)

तस्य हस्तगता लक्ष्मीर्जायते सर्वदा भुवि। क्षातासंगमे नरः स्नात्वा दानं दत्त्वा च शक्तितः

tasya hastagatā lakṣmīrjāyate sarvadā bhuvi| kṣātāsaṁgame naraḥ snātvā dānaṁ dattvā ca śaktitaḥ

Fortune ever comes into his hands upon this earth; a man who bathes at the Kshata-sangama and gives charity according to his ability...

Verse 53 (skanda.5.56.53)

स्थावरेशं समभ्यर्च्य तस्य पापक्षयो भवेत्। सौरिः शनैश्चरो मंदः कृष्णोऽनंतोऽन्तको यमः

sthāvareśaṁ samabhyarcya tasya pāpakṣayo bhavet| sauriḥ śanaiścaro maṁdaḥ kṛṣṇo'naṁto'ntako yamaḥ

...and worships Sthavaresha, his sins are destroyed. Sauri, Shanaishchara, Manda, Krishna, Ananta, Antaka, Yama...

Verse 54 (skanda.5.56.54)

पिंगश्छायासुतो बभ्रुः स्थावरः पिप्पलायनः। एतानि शनिनामानि प्रातःकाले पठेन्नरः

piṁgaśchāyāsuto babhruḥ sthāvaraḥ pippalāyanaḥ| etāni śanināmāni prātaḥkāle paṭhennaraḥ

...Pinga, Chhaya-suta, Babhru, Sthavara, Pippalayana — these names of Saturn, whatever man recites at dawn...

Verse 55 (skanda.5.56.55)

तस्य शानैश्चरी पीडा न भवेत्तु कदाचन। यमधर्मोऽपि चात्रैव तपस्तेपे सुदुस्तरम्

tasya śānaiścarī pīḍā na bhavettu kadācana| yamadharmo'pi cātraiva tapastepe sudustaram

...for him the affliction of Saturn shall never occur. Yama-Dharma too performed extremely arduous austerity here.

Verse 56 (skanda.5.56.56)

यज्ञकुण्डोत्तरे भागे यत्र तिष्ठति मारुतिः। धर्मसरेति विख्यातं नाम्ना तत्तीर्थमुत्तमम्

yajñakuṇḍottare bhāge yatra tiṣṭhati mārutiḥ| dharmasareti vikhyātaṁ nāmnā tattīrthamuttamam

In the northern part of the sacrificial fire-pit, where Maruti stands, that excellent tirtha is known by the name Dharmasara.

Verse 57 (skanda.5.56.57)

यत्र सिद्धिं परां प्राप्तस्तपसा पवनात्मजः। तस्मिंस्तीर्थे नरः स्नात्वा दत्त्वा वै कांस्यभाजनम्

yatra siddhiṁ parāṁ prāptastapasā pavanātmajaḥ| tasmiṁstīrthe naraḥ snātvā dattvā vai kāṁsyabhājanam

There the son of the Wind attained the highest perfection through austerity. A man who bathes in that tirtha and gives a bronze vessel...

Verse 58 (skanda.5.56.58)

सवासो मणिमुक्ताभिः कांचनालंकृतं वरम्। ब्राह्मणेभ्यः स्वलंकृत्य वेदविद्भ्यश्च सादरम्

savāso maṇimuktābhiḥ kāṁcanālaṁkṛtaṁ varam| brāhmaṇebhyaḥ svalaṁkṛtya vedavidbhyaśca sādaram

...along with cloth, finely adorned with gems, pearls, and gold, respectfully and reverently to brahmins learned in the Veda...

Verse 59 (skanda.5.56.59)

मातृलोकं समुत्तीर्णो ब्रह्मलोके महीयते। श्रावणे मास्युभे पक्षे एकादश्यां तु यो नरः

mātṛlokaṁ samuttīrṇo brahmaloke mahīyate| śrāvaṇe māsyubhe pakṣe ekādaśyāṁ tu yo naraḥ

...passes beyond the world of the mothers and is exalted in the world of Brahma. And whatever man, on the eleventh day of either fortnight of Shravana...

Verse 60 (skanda.5.56.60)

धर्मतीर्थे सदाचारी स्नानदानादिकाः क्रियाः। करोति सततं तस्य विष्णुलोकः सनातनः

dharmatīrthe sadācārī snānadānādikāḥ kriyāḥ| karoti satataṁ tasya viṣṇulokaḥ sanātanaḥ

...performs, with good conduct, the rites of bathing and charity at the Dharma-tirtha — for him the eternal world of Vishnu is ever assured.

Verse 61 (skanda.5.56.61)

च्यवनाश्रमे नरः स्नात्वा च्यवनेश्वरं विलोकयेत्। यत्र सिद्धिं गतौ पुण्यावश्विनौ भिषजां वरौ

cyavanāśrame naraḥ snātvā cyavaneśvaraṁ vilokayet| yatra siddhiṁ gatau puṇyāvaśvinau bhiṣajāṁ varau

A man, having bathed at Chyavana's hermitage, should behold Chyavaneshvara; there the two sacred Ashvins, foremost of physicians, attained perfection.

Verse 62 (skanda.5.56.62)

च्यवनस्य प्रसादेन देवपंक्तिमवापतुः। च्यवनेन पुरा दृष्टिः प्राप्ता वै देवभेषजात्

cyavanasya prasādena devapaṁktimavāpatuḥ| cyavanena purā dṛṣṭiḥ prāptā vai devabheṣajāt

By Chyavana's grace, the two of them obtained a place among the gods; and Chyavana of old obtained his eyesight through the physic of the gods.

Verse 63 (skanda.5.56.63)

तस्मिंस्तीर्थे द्विजश्रेष्ठ दिव्यदृष्टिर्भवेन्नरः। अत्रैव प्राप्तवान्सूर्यः साग्निहोत्राश्रमं परम्

tasmiṁstīrthe dvijaśreṣṭha divyadṛṣṭirbhavennaraḥ| atraiva prāptavānsūryaḥ sāgnihotrāśramaṁ param

In that tirtha, O best of brahmins, a man gains divine sight. Here indeed the Sun attained the supreme hermitage together with its sacred fire.

Verse 64 (skanda.5.56.64)

अनुसूर्यां महाभागां सावित्रीं लोकविश्रुताम्। सूर्यलोकं समासाद्य बुभुजे विपुलां श्रियम्

anusūryāṁ mahābhāgāṁ sāvitrīṁ lokaviśrutām| sūryalokaṁ samāsādya bubhuje vipulāṁ śriyam

Having regained the glorious, world-renowned Savitri called Anusurya, and attaining his solar realm, the Sun enjoyed vast splendour.

Verse 65 (skanda.5.56.65)

तस्माद्व्यास परं तीर्थं क्षातासंगमसंज्ञितम्। सर्वपापहरं पुण्यं सर्वकामवरप्रदम्

tasmādvyāsa paraṁ tīrthaṁ kṣātāsaṁgamasaṁjñitam| sarvapāpaharaṁ puṇyaṁ sarvakāmavarapradam

Therefore, O Vyasa, this supreme tirtha called Kshata-sangama removes all sin, is sacred, and grants every desired boon.

Verse 66 (skanda.5.56.66)

य एतां तु कथां पुण्यां शृणोति भुवि भक्तितः। पठेद्वा प्रातरुत्थाय तस्य पुण्यफलं शृणु

ya etāṁ tu kathāṁ puṇyāṁ śṛṇoti bhuvi bhaktitaḥ| paṭhedvā prātarutthāya tasya puṇyaphalaṁ śṛṇu

Whoever on earth hears this sacred tale with devotion, or reads it having risen at dawn — hear now the merit of its fruit.

Verse 67 (skanda.5.56.67)

कपिलागोसहस्रेण फलं भवति पर्वणि। तत्फलं समवाप्नोति नात्र कार्या विचारणा

kapilāgosahasreṇa phalaṁ bhavati parvaṇi| tatphalaṁ samavāpnoti nātra kāryā vicāraṇā

The merit obtained from the gift of a thousand tawny cows on a sacred day — that very merit he obtains; of this there should be no doubt.