The Pilgrimage Index of Devayatra: Tirthas and Lingas of Avanti

Verse 1 (skanda.5.70.1)

सनत्कुमार उवाच। मेरोश्च दक्षिणे भागे दुग्धकुण्डोत्तरे तथा। ऋषभः पर्वतश्रेष्ठो देवगन्धर्वसेवितः

sanatkumāra uvāca| merośca dakṣiṇe bhāge dugdhakuṇḍottare tathā| ṛṣabhaḥ parvataśreṣṭho devagandharvasevitaḥ

Sanatkumara said: In the southern part of Meru, and to the north of Dugdha-kunda, is Rishabha, foremost of mountains, served by gods and gandharvas.

Verse 2 (skanda.5.70.2)

यत्र देवांगना रम्याः क्रीडन्ति सततं द्विज। तत्र रम्यसरो नाम तिष्ठते सर्वकामदम्

yatra devāṁganā ramyāḥ krīḍanti satataṁ dvija| tatra ramyasaro nāma tiṣṭhate sarvakāmadam

O brahmin, where lovely celestial maidens ever sport, there exists the lake named Ramya-saras, granter of every desire.

Verse 3 (skanda.5.70.3)

तत्र तीर्थे नरः स्नात्वा सुभगो जायते ध्रुवम्। देवैश्च क्रीडते नित्यं भुवि विख्यातकः परम्

tatra tīrthe naraḥ snātvā subhago jāyate dhruvam| devaiśca krīḍate nityaṁ bhuvi vikhyātakaḥ param

Bathing at that tirtha, a man certainly becomes fortunate; he ever sports with the gods and becomes most renowned upon the earth.

Verse 4 (skanda.5.70.4)

भाद्रपदसिताष्टमी मैत्रर्क्षेण समन्विता। तद्दिनेऽत्र समागम्य स्नानदानादिकाः क्रियाः

bhādrapadasitāṣṭamī maitrarkṣeṇa samanvitā| taddine'tra samāgamya snānadānādikāḥ kriyāḥ

The eighth day of the bright fortnight of Bhadrapada, joined with the Maitra constellation — gathering there on that day, the rites of bathing, charity, and the rest...

Verse 5 (skanda.5.70.5)

करोति सततं व्यास तेषां लोकाः सनातनाः। मेरोश्चेशानके तीर्थं दिव्यं परमशोभनम्

karoti satataṁ vyāsa teṣāṁ lokāḥ sanātanāḥ| merośceśānake tīrthaṁ divyaṁ paramaśobhanam

...whoever, O Vyasa, ever performs them, eternal worlds are theirs. In the north-east of Meru is a divine, supremely beautiful tirtha...

Verse 6 (skanda.5.70.6)

बिन्दुसरेति विख्यातं सर्वकामवरप्रदम्। गंगा सरस्वती पुण्या शरयूश्च पयस्विनी

bindusareti vikhyātaṁ sarvakāmavarapradam| gaṁgā sarasvatī puṇyā śarayūśca payasvinī

...renowned as Bindu-saras, granting every desired boon; the sacred Ganga, Sarasvati, and the milk-rich Sarayu...

Verse 7 (skanda.5.70.7)

एताः सरिद्वरा यातास्तत्र सत्यवतीसुत। ये सिद्धा ये च साध्याश्च तपस्विनो धृतव्रताः

etāḥ saridvarā yātāstatra satyavatīsuta| ye siddhā ye ca sādhyāśca tapasvino dhṛtavratāḥ

...O son of Satyavati, these foremost rivers went there; the siddhas, the sadhyas, and ascetics firm in their vows...

Verse 8 (skanda.5.70.8)

उपासांचक्रिरे तत्र तस्य तीर्थस्य सर्वदा। तस्मिंस्तीर्थे नरः स्नात्वा सर्वार्थान्प्राप्नुते ध्रुवम्

upāsāṁcakrire tatra tasya tīrthasya sarvadā| tasmiṁstīrthe naraḥ snātvā sarvārthānprāpnute dhruvam

...they ever performed worship there of that tirtha. Bathing at that tirtha, a man certainly obtains all his ends.

Verse 9 (skanda.5.70.9)

भाद्रपदे च शुक्ला वै चतुर्थी या प्रकीर्तिता। सिद्धा सा सर्वदा प्रोक्ता यत्र जातो गणाधिपः

bhādrapade ca śuklā vai caturthī yā prakīrtitā| siddhā sā sarvadā proktā yatra jāto gaṇādhipaḥ

The fourth day of the bright fortnight of Bhadrapada, as proclaimed, is ever declared perfected — where the Lord of the Ganas was born.

Verse 10 (skanda.5.70.10)

मनःकामेश्वरः ख्यातः सर्वकामवरप्रदः। तस्य तीर्थे नरः स्नात्वा दृष्ट्वा देवं गणेश्वरम्। मनोरथशतं प्राप्य कामचारी भवेन्नरः

manaḥkāmeśvaraḥ khyātaḥ sarvakāmavarapradaḥ| tasya tīrthe naraḥ snātvā dṛṣṭvā devaṁ gaṇeśvaram| manorathaśataṁ prāpya kāmacārī bhavennaraḥ

He is renowned as Manahkameshvara, granter of every desired boon; bathing at his tirtha and beholding the god Ganeshvara, a man, having obtained a hundred of his heart's desires, becomes free to roam at will.

Verse 11 (skanda.5.70.11)

व्यास उवाच। अस्मिन्क्षेत्रे शुभे ब्रह्मन्महाकालवनोत्तमे

vyāsa uvāca| asminkṣetre śubhe brahmanmahākālavanottame

Vyasa said: In this auspicious field, O Brahmin, in this best of the Mahakala forests...

Verse 12 (skanda.5.70.12)

तीर्थानि कतिसंख्यानि देवतायतनानि च। यानि कानि च ख्यातानि तानि नो वद विस्तरात्

tīrthāni katisaṁkhyāni devatāyatanāni ca| yāni kāni ca khyātāni tāni no vada vistarāt

...how many tirthas and shrines of the deities are there? Tell us in detail whatever is renowned.

Verse 13 (skanda.5.70.13)

सनत्कुमार उवाच। शृणु व्यास ऋषिश्रेष्ठ कथां पापहरां पराम्। अवन्त्यां यानि तीर्थानि लिंगानि च महामुने

sanatkumāra uvāca| śṛṇu vyāsa ṛṣiśreṣṭha kathāṁ pāpaharāṁ parām| avantyāṁ yāni tīrthāni liṁgāni ca mahāmune

Sanatkumara said: Listen, Vyasa, best of sages, to this supreme sin-removing tale; the tirthas and lingas that exist in Avanti, O great sage...

Verse 14 (skanda.5.70.14)

तानि वर्णयितुं शक्तः स्वयंभूश्चतुराननः। वर्षाणामयुतैः षड्भिर्न च वक्तुं कथंचन

tāni varṇayituṁ śaktaḥ svayaṁbhūścaturānanaḥ| varṣāṇāmayutaiḥ ṣaḍbhirna ca vaktuṁ kathaṁcana

...even the four-faced Self-born Brahma is unable to describe them, not even in sixty thousand years, in any way whatsoever.

Verse 15 (skanda.5.70.15)

यावंतो मेघमालानां बिंदवो हि स्रवंति च। धरित्र्यां तृणसंख्या वै पृथिव्यां सिकतास्तथा

yāvaṁto meghamālānāṁ biṁdavo hi sravaṁti ca| dharitryāṁ tṛṇasaṁkhyā vai pṛthivyāṁ sikatāstathā

As many as the drops that fall from the garlands of clouds, as many as the blades of grass upon the earth and the grains of sand...

Verse 16 (skanda.5.70.16)

नभसो ज्योतिषां संख्यां वक्तुं कोऽपि न शक्नुते। न हि तीर्थलिङ्गसंख्याः संत्यवंत्यां तपोधन

nabhaso jyotiṣāṁ saṁkhyāṁ vaktuṁ ko'pi na śaknute| na hi tīrthaliṅgasaṁkhyāḥ saṁtyavaṁtyāṁ tapodhana

...no one can tell the count of the lights in the sky either; likewise there is no [countable] number of tirthas and lingas in Avanti, O rich in austerity.

Verse 17 (skanda.5.70.17)

अंतरिक्षे च मेदिन्यां तीर्थभूता पुरी त्वियम्। वापीकूपतडागादि प्रस्रवोद्गरणानि च

aṁtarikṣe ca medinyāṁ tīrthabhūtā purī tviyam| vāpīkūpataḍāgādi prasravodgaraṇāni ca

In the sky and on the earth, this very city is itself composed of tirthas; step-wells, wells, ponds and the like, springs and outflows...

Verse 18 (skanda.5.70.18)

नद्यः सरांसि खाताश्च तीर्थभूतं हि सर्वशः। तथापि देवयात्रायां प्रसंगेन निबोध मे

nadyaḥ sarāṁsi khātāśca tīrthabhūtaṁ hi sarvaśaḥ| tathāpi devayātrāyāṁ prasaṁgena nibodha me

...rivers, lakes, and excavated tanks — everything here is verily tirtha-formed. Nevertheless, on the occasion of the pilgrimage of the gods, learn from me...

Verse 19 (skanda.5.70.19)

यानि कानि च मुख्यानि तानि तुभ्यं वदाम्यहम्। यज्ज्ञात्वा मोक्ष्यसे नित्यं पूर्वाऽऽचीर्णशुभाशुभैः

yāni kāni ca mukhyāni tāni tubhyaṁ vadāmyaham| yajjñātvā mokṣyase nityaṁ pūrvā''cīrṇaśubhāśubhaiḥ

...whatever are the principal ones — those I shall tell you; knowing which, you shall be forever freed from whatever good and evil you have done before.

Verse 20 (skanda.5.70.20)

प्रातरुत्थाय यो नित्यं शुचिः प्रयतमानसः। विष्णुस्मरणसंपन्नः सर्वकामक्रियादिकम्

prātarutthāya yo nityaṁ śuciḥ prayatamānasaḥ| viṣṇusmaraṇasaṁpannaḥ sarvakāmakriyādikam

Whoever, rising at dawn daily, pure and of composed mind, endowed with the remembrance of Vishnu, performs all the desired rites...

Verse 21 (skanda.5.70.21)

कृत्वा वै सर्वगंधादितिलाक्षतसमन्वितः। स्नात्वा रुद्रसरे तात तथैव च व्रतं चरेत्

kṛtvā vai sarvagaṁdhāditilākṣatasamanvitaḥ| snātvā rudrasare tāta tathaiva ca vrataṁ caret

...having done so, joined with every kind of scent, sesame, and unbroken rice, and having bathed at Rudra-saras, my child, should likewise observe the vow.

Verse 22 (skanda.5.70.22)

ऊर्जमाधवयोश्चैव वैशाखाऽऽषाढयोस्तथा। शिवरात्र्यां विशेषेण देवयात्रा प्रशस्यते

ūrjamādhavayoścaiva vaiśākhā''ṣāḍhayostathā| śivarātryāṁ viśeṣeṇa devayātrā praśasyate

In the months of Urja and Madhava, and likewise Vaishakha and Ashadha, and especially on Shivaratri, the pilgrimage of the gods is praised.

Verse 23 (skanda.5.70.23)

यस्य देवस्य यत्तीर्थं यस्य देवस्य संनिधौ। तत्राभिषेकः कार्यो वै देवतायाश्च पूजनम्

yasya devasya yattīrthaṁ yasya devasya saṁnidhau| tatrābhiṣekaḥ kāryo vai devatāyāśca pūjanam

Whichever god's tirtha it is, in whichever god's presence — there the anointing should be performed, and the worship of that deity.

Verse 24 (skanda.5.70.24)

विधिवच्चाचरेद्यस्तु स सर्वं फलमश्नुते। तस्मात्सर्वप्रयत्नेन देवयात्रां समाचरेत्

vidhivaccācaredyastu sa sarvaṁ phalamaśnute| tasmātsarvaprayatnena devayātrāṁ samācaret

Whoever observes this duly obtains the complete fruit; therefore, with every effort, one should perform the pilgrimage of the gods.

Verse 25 (skanda.5.70.25)

व्यास उवाच। ब्रह्मन्केन प्रकारेण देवयात्रां चरेन्नरः। तत्सर्वं श्रोतुमिच्छामि विस्तरेण तपोधन

vyāsa uvāca| brahmankena prakāreṇa devayātrāṁ carennaraḥ| tatsarvaṁ śrotumicchāmi vistareṇa tapodhana

Vyasa said: O Brahmin, in what manner should a man perform the pilgrimage of the gods? I wish to hear all of this in detail, O rich in austerity.

Verse 26 (skanda.5.70.26)

सनत्कुमार उवाच। शृणु व्यास परं गुह्यं प्रवक्ष्यामि यथाश्रुतम्। उमामहेश्वरसंवादं देवयात्रादिकर्मसु

sanatkumāra uvāca| śṛṇu vyāsa paraṁ guhyaṁ pravakṣyāmi yathāśrutam| umāmaheśvarasaṁvādaṁ devayātrādikarmasu

Sanatkumara said: Listen, Vyasa, I shall tell the supreme secret exactly as heard — the dialogue of Uma and Maheshvara concerning the pilgrimage of the gods and related rites.

Verse 27 (skanda.5.70.27)

उमोवाच। प्रभावः कथ्यतां देव क्षेत्रस्याऽस्य महेश्वर। यानि तीर्थानि विद्यंते यानि लिंगानि संति वै। तान्यादितो मे भूमंस्त्वं वदस्व वदतां वर

umovāca| prabhāvaḥ kathyatāṁ deva kṣetrasyā'sya maheśvara| yāni tīrthāni vidyaṁte yāni liṁgāni saṁti vai| tānyādito me bhūmaṁstvaṁ vadasva vadatāṁ vara

Uma said: 'O god Maheshvara, let the greatness of this sacred field be told; whatever tirthas exist, whatever lingas there are — O lord, best of speakers, tell me these from the beginning.'

Verse 28 (skanda.5.70.28)

ईश्वर उवाच। शृणु देवि प्रयत्नेन प्रभावं पापनाशनम्

īśvara uvāca| śṛṇu devi prayatnena prabhāvaṁ pāpanāśanam

Ishvara said: 'Listen, goddess, with care, to this sin-destroying greatness.'

Verse 29 (skanda.5.70.29)

क्षेत्रमाद्यं महादेवि ममातीव प्रियं सदा। यत्र शिप्रा महापुण्या दिव्या नवनदी प्रिया

kṣetramādyaṁ mahādevi mamātīva priyaṁ sadā| yatra śiprā mahāpuṇyā divyā navanadī priyā

'This is the foremost field, O great goddess, ever exceedingly dear to me, where the greatly sacred, divine Shipra, beloved among the nine rivers...'

Verse 30 (skanda.5.70.30)

नीलगंगासंगमं च तथा गंधवती नदी। चतस्रो मे प्रिया नद्यः कुमुद्वत्यां हि सुव्रते

nīlagaṁgāsaṁgamaṁ ca tathā gaṁdhavatī nadī| catasro me priyā nadyaḥ kumudvatyāṁ hi suvrate

'...and the confluence with the Nila-Ganga, and the river Gandhavati — these four rivers are dear to me at Kumudvati, O one of good vows.'

Verse 31 (skanda.5.70.31)

ईश्वराश्चतुराशीतिस्तथाऽष्टौ संति भैरवाः। एकादश तथा रुद्रा आदित्या द्वादश स्मृताः

īśvarāścaturāśītistathā'ṣṭau saṁti bhairavāḥ| ekādaśa tathā rudrā ādityā dvādaśa smṛtāḥ

'There are eighty-four Ishvaras and eight Bhairavas as well; eleven Rudras and twelve Adityas are remembered here...'

Verse 32 (skanda.5.70.32)

षड्वै विनायकाश्चाऽत्र देव्यश्च चतुर्विंशतिः। यतोहमागतो भद्रे महाकालवनोत्तमे

ṣaḍvai vināyakāścā'tra devyaśca caturviṁśatiḥ| yatohamāgato bhadre mahākālavanottame

'...six Vinayakas are here too, and twenty-four goddesses — since I myself have come to this best of the Mahakala forests...'

Verse 33 (skanda.5.70.33)

विष्णुब्रह्मादयः सर्वे ह्यत्रैव निहिताः शुभे। देवैर्व्याप्तमिदं क्षेत्रं देवि योजनमायतम्

viṣṇubrahmādayaḥ sarve hyatraiva nihitāḥ śubhe| devairvyāptamidaṁ kṣetraṁ devi yojanamāyatam

'...Vishnu, Brahma and all the rest are established right here, O auspicious one; this field, pervaded by the gods, extends a full yojana, goddess.'

Verse 34 (skanda.5.70.34)

दश विष्णुः समाख्यातास्तेषां नामानि मे शृणु। वासुदेवो ह्यनंतश्च बलरामो जनार्दनः

daśa viṣṇuḥ samākhyātāsteṣāṁ nāmāni me śṛṇu| vāsudevo hyanaṁtaśca balarāmo janārdanaḥ

'Ten forms of Vishnu are declared; hear their names from me — Vasudeva, Ananta, Balarama, Janardana...'

Verse 35 (skanda.5.70.35)

नारायणो हृषीकेशो वाराहो धरणीधरः। विष्णुर्वामनरूपेण शेषशायी श्रियालयः

nārāyaṇo hṛṣīkeśo vārāho dharaṇīdharaḥ| viṣṇurvāmanarūpeṇa śeṣaśāyī śriyālayaḥ

'...Narayana, Hrishikesha, Varaha, Dharanidhara, Vishnu in the form of Vamana, Sheshashayi, and Shriyalaya, the abode of Shri.'

Verse 36 (skanda.5.70.36)

दशैते वैष्णवाः प्रोक्ताः सर्वपापहराः पराः

daśaite vaiṣṇavāḥ proktāḥ sarvapāpaharāḥ parāḥ

'These ten are proclaimed as forms of Vishnu, supreme removers of every sin.'

Verse 37 (skanda.5.70.37)

उमोवाच। भगवञ्च्छ्रोतुमिच्छामि देवानामनुपूर्वतः। महाकालवने रम्ये ये वसंति सुरेश्वराः

umovāca| bhagavañcchrotumicchāmi devānāmanupūrvataḥ| mahākālavane ramye ye vasaṁti sureśvarāḥ

Uma said: 'My lord, I wish to hear, in due order, of the gods — the lords of the divine who dwell in the beautiful Mahakala forest...'

Verse 38 (skanda.5.70.38)

विनायका भैरवा देव्यो ये संति पवनात्मजाः। रुद्रादित्यास्तथा चाऽन्ये तेषां नामानि मे वद

vināyakā bhairavā devyo ye saṁti pavanātmajāḥ| rudrādityāstathā cā'nye teṣāṁ nāmāni me vada

'...the Vinayakas, the Bhairavas, the goddesses, whoever are the sons of the wind, the Rudras and Adityas, and the others — tell me their names.'

Verse 39 (skanda.5.70.39)

ईश्वर उवाच। ऋद्धिदः सिद्धिदो नित्यं कामदो वै गणाधिपः। विघ्नहा च प्रमोदी च चतुर्थीव्रतकप्रियः

īśvara uvāca| ṛddhidaḥ siddhido nityaṁ kāmado vai gaṇādhipaḥ| vighnahā ca pramodī ca caturthīvratakapriyaḥ

Ishvara said: 'Riddhida, Siddhida, ever Kamada, and Ganadhipa; Vighnaha and Pramodi, fond of the fourth-day vow...'

Verse 40 (skanda.5.70.40)

षडेते वै समाख्याता विघ्ननाशकराः पराः। उमा चंडीश्वरी गौरी ऋद्धिसिद्धिप्रदा नृणाम्

ṣaḍete vai samākhyātā vighnanāśakarāḥ parāḥ| umā caṁḍīśvarī gaurī ṛddhisiddhipradā nṛṇām

'...these six are declared, the supreme destroyers of obstacles; Uma, Chandishvari, Gauri, granter of prosperity and perfection to men...'

Verse 41 (skanda.5.70.41)

वटयक्षिणी वीरभद्रा इत्येताश्चाष्टमातरः। महामाया सती ख्याता कपालमातृका तथा। अंबिका शीतला चैव एकानंशा च सिद्धिदा

vaṭayakṣiṇī vīrabhadrā ityetāścāṣṭamātaraḥ| mahāmāyā satī khyātā kapālamātṛkā tathā| aṁbikā śītalā caiva ekānaṁśā ca siddhidā

'...Vata-yakshini, Virabhadra — these are the eight Mothers; Mahamaya, known as Sati, and Kapala-matrika likewise, Ambika, Shitala, and Ekanamsha, giver of perfection...'

Verse 42 (skanda.5.70.42)

ब्रह्माणी पार्वती चैव योगिनी योगशालिनी। कौमारी भगवती चैव षट्कृत्तिकास्तथैव च

brahmāṇī pārvatī caiva yoginī yogaśālinī| kaumārī bhagavatī caiva ṣaṭkṛttikāstathaiva ca

'...Brahmani, Parvati, Yogini, Yogashalini, Kaumari, Bhagavati, and the six Krittikas likewise...'

Verse 43 (skanda.5.70.43)

चर्पटामातृकाः ख्याता वटमातर एव च। सरस्वती तथा ख्याता महालक्ष्मीश्च वै स्मृता

carpaṭāmātṛkāḥ khyātā vaṭamātara eva ca| sarasvatī tathā khyātā mahālakṣmīśca vai smṛtā

'...the Charpata-matrikas, so known, and the Vata-mothers likewise; Sarasvati, so known, and Mahalakshmi, so remembered...'

Verse 44 (skanda.5.70.44)

योगिनीमातृका ख्याताश्चतुषष्टिस्ततः स्मृताः। कालिका च महाकाली चामुण्डा ब्रह्मचारिणी

yoginīmātṛkā khyātāścatuṣaṣṭistataḥ smṛtāḥ| kālikā ca mahākālī cāmuṇḍā brahmacāriṇī

'...the sixty-four Yogini-matrikas, so known, are then remembered; Kalika, Mahakali, Chamunda, Brahmacharini...'

Verse 45 (skanda.5.70.45)

वैष्णवी च समाख्याता वाराही विंध्यवासिनी। अंबा अंबालिका चैव चतुर्विंशतिकाः पराः

vaiṣṇavī ca samākhyātā vārāhī viṁdhyavāsinī| aṁbā aṁbālikā caiva caturviṁśatikāḥ parāḥ

'...Vaishnavi, Varahi, Vindhyavasini, so declared; Amba and Ambalika — these are the supreme twenty-four.'

Verse 46 (skanda.5.70.46)

हनूमान्ब्रह्मचारी च कुमारश्च महाबली। चत्वारो वै समाख्याता मया ते पवनात्मजाः

hanūmānbrahmacārī ca kumāraśca mahābalī| catvāro vai samākhyātā mayā te pavanātmajāḥ

'Hanuman, Brahmachari, and the mighty Kumara — these four are declared by me to you as sons of the Wind.'

Verse 47 (skanda.5.70.47)

दंडपाणिश्च विक्रांतो महाभैरवसिताऽसिताः। बटुको बालको नंदी षट्पञ्चाशतिकोऽपरः

daṁḍapāṇiśca vikrāṁto mahābhairavasitā'sitāḥ| baṭuko bālako naṁdī ṣaṭpañcāśatiko'paraḥ

'Dandapani, the valiant one, Mahabhairava — white and black — Bataka, Balaka, Nandi, and another, the fifty-sixth...'

Verse 48 (skanda.5.70.48)

कालभैरवश्च विख्यातः क्षेत्रपालस्तथाष्टमः। अष्टैव भैरवाः ख्याता महापापहराः पराः। कपर्दी च कपाली च कला नाथो वृषासनः

kālabhairavaśca vikhyātaḥ kṣetrapālastathāṣṭamaḥ| aṣṭaiva bhairavāḥ khyātā mahāpāpaharāḥ parāḥ| kapardī ca kapālī ca kalā nātho vṛṣāsanaḥ

'...and renowned Kalabhairava, and Kshetrapala as the eighth — these eight Bhairavas alone are declared, supreme removers of great sin; Kapardi, Kapali, Kalanatha, Vrishasana...'

Verse 49 (skanda.5.70.49)

त्र्यंबकः शूलपाणिश्च चीरवासा दिगम्बरः। गिरीशः कामचारी च सर्वः सर्वांगभूषणः

tryaṁbakaḥ śūlapāṇiśca cīravāsā digambaraḥ| girīśaḥ kāmacārī ca sarvaḥ sarvāṁgabhūṣaṇaḥ

'...Tryambaka, Shulapani, Chiravasa, Digambara, Girisha, Kamachari, Sarva, adorned in every limb — these too are forms of Shiva.'

Verse 50 (skanda.5.70.50)

रुद्राश्चैकादश प्रोक्ताः शत्रुपक्षविनाशनाः। अरुणः सूर्यो वेदांगो भानुरिन्द्रो रविरंशुमान्

rudrāścaikādaśa proktāḥ śatrupakṣavināśanāḥ| aruṇaḥ sūryo vedāṁgo bhānurindro raviraṁśumān

'Eleven Rudras are declared, destroyers of the ranks of foes; Aruna, Surya, Vedanga, Bhanu, Indra, Ravi, Amshuman...'

Verse 51 (skanda.5.70.51)

सुवर्णरेताऽहःकर्ता मित्रो विष्णुः सनातनः। इत्येते द्वादशाऽऽदित्याः सर्वरोगहराः पराः

suvarṇaretā'haḥkartā mitro viṣṇuḥ sanātanaḥ| ityete dvādaśā''dityāḥ sarvarogaharāḥ parāḥ

'...Suvarnareta, Ahahkarta, Mitra, Vishnu, Sanatana — these are the twelve Adityas, supreme removers of every disease.'

Verse 52 (skanda.5.70.52)

अगस्त्येश्वरमुख्यानां लिंगानां चतुराशिनाम्। हिमाचलसुते नित्यं नामानि गदतः शृणु

agastyeśvaramukhyānāṁ liṁgānāṁ caturāśinām| himācalasute nityaṁ nāmāni gadataḥ śṛṇu

'Of the lingas beginning with Agastyeshvara, eighty-four in number, hear the names now told by me, O daughter of the Himalaya.'

Verse 53 (skanda.5.70.53)

अगस्त्वेश्वर आख्यातो गुहेश्वरस्ततः परम्। ढुंढेश्वरस्ततः प्रोक्तो डमरुकेश्वरश्च भामिनि

agastveśvara ākhyāto guheśvarastataḥ param| ḍhuṁḍheśvarastataḥ prokto ḍamarukeśvaraśca bhāmini

'Agastyeshvara is declared, then Guheshvara; then Dhundeshvara is told, and Damarukeshvara, O radiant one.'

Verse 54 (skanda.5.70.54)

अनादिकल्पेश्वरः शंभुः स्वर्णजालेश्वरः परः। त्रिविष्टपेश्वरो देवः कपालेश्वरसंज्ञकः

anādikalpeśvaraḥ śaṁbhuḥ svarṇajāleśvaraḥ paraḥ| triviṣṭapeśvaro devaḥ kapāleśvarasaṁjñakaḥ

'Anadikalpeshvara Shambhu, Suvarnajaleshvara further; the god Trivishtapeshvara, and Kapaleshvara by name...'

Verse 55 (skanda.5.70.55)

कर्कोटकेश्वरः शंभुः सिद्धेश्वरस्ततः परम्। स्वर्गद्वारेश्वरो रुद्रो लोकपालेश्वरोऽपरः

karkoṭakeśvaraḥ śaṁbhuḥ siddheśvarastataḥ param| svargadvāreśvaro rudro lokapāleśvaro'paraḥ

'...Karkotakeshvara Shambhu, then further Siddheshvara; Svargadvareshvara Rudra, and another, Lokapaleshvara...'

Verse 56 (skanda.5.70.56)

कामेश्वर इति ख्यातः कुटुम्बेश्वरस्ततः परम्। इन्द्रद्युम्नेश्वरः ख्यात ईशानेशस्ततः परम्

kāmeśvara iti khyātaḥ kuṭumbeśvarastataḥ param| indradyumneśvaraḥ khyāta īśāneśastataḥ param

'...Kameshvara, so renowned, then further Kutumbeshvara; Indradyumneshvara, renowned, then further Ishanesha...'

Verse 57 (skanda.5.70.57)

अप्सरेश्वर इति ख्यातः कल्कलेश्वर एव च। नामचंडेश्वरो देवो दिवापापहरोऽपरः

apsareśvara iti khyātaḥ kalkaleśvara eva ca| nāmacaṁḍeśvaro devo divāpāpaharo'paraḥ

'...Apsareshvara, so renowned, and likewise Kalkaleshvara; the god Namachandeshvara, and another, Divapapahara...'

Verse 58 (skanda.5.70.58)

प्रतिहारेश्वरश्चैव कुक्कुटेशस्ततः परम्। मेघनादेश्वरः पुण्यो महाकालेश्वरः परः

pratihāreśvaraścaiva kukkuṭeśastataḥ param| meghanādeśvaraḥ puṇyo mahākāleśvaraḥ paraḥ

'...Pratihareshvara likewise, then further Kukkutesha; sacred Meghanadeshvara, then further Mahakaleshvara...'

Verse 59 (skanda.5.70.59)

मुक्तेश्वरः समाख्यातः सोमेश्वरस्ततः परम्। अनरकेश्वरो देवो जटेश्वरस्ततः परम्

mukteśvaraḥ samākhyātaḥ someśvarastataḥ param| anarakeśvaro devo jaṭeśvarastataḥ param

'...Mukteshvara is declared, then further Someshvara; the god Anarakeshvara, then further Jateshvara...'

Verse 60 (skanda.5.70.60)

रामेश्वरो महादेवश्च्यवनेशस्ततः परम्। अखंडेशः समाख्यातः पत्तनेशस्ततः स्मृतः

rāmeśvaro mahādevaścyavaneśastataḥ param| akhaṁḍeśaḥ samākhyātaḥ pattaneśastataḥ smṛtaḥ

'...the great god Rameshvara, then further Chyavanesha; Akhandesha, declared, then further Pattanesha, so remembered...'

Verse 61 (skanda.5.70.61)

आनंदेशस्ततः प्रोक्तः कंथडेशस्ततः परम्। इन्द्रेश्वर इति ख्यातो मार्कंडेशस्ततः परः

ānaṁdeśastataḥ proktaḥ kaṁthaḍeśastataḥ param| indreśvara iti khyāto mārkaṁḍeśastataḥ paraḥ

'...Anandesha is then declared, then further Kanthadesha; Indreshvara, so renowned, then further Markandesha...'

Verse 62 (skanda.5.70.62)

शिवेश्वर इति प्रोक्तः कुसुमेशस्ततः परम्। अक्रूरेण इति ख्यातः कुण्डेश्वरस्ततः परम्

śiveśvara iti proktaḥ kusumeśastataḥ param| akrūreṇa iti khyātaḥ kuṇḍeśvarastataḥ param

'...Shiveshvara, so declared, then further Kusumesha; Akrurena, so renowned, then further Kundeshvara...'

Verse 63 (skanda.5.70.63)

लुम्पेश्वरः समाख्यातो गंगेश्वरस्ततः परम्। शूलेश्वरेति विख्यात ओंकारेशस्ततः स्मृतः

lumpeśvaraḥ samākhyāto gaṁgeśvarastataḥ param| śūleśvareti vikhyāta oṁkāreśastataḥ smṛtaḥ

'...Lumpeshvara is declared, then further Gangeshvara; Shuleshvara, so renowned, then further Omkaresha, so remembered...'

Verse 64 (skanda.5.70.64)

कंटकेशो महारुद्रः सिंहेश्वरस्ततः परम्। रेवंतेश्वरः परो देवो घंटेश्वरपुरःसरः

kaṁṭakeśo mahārudraḥ siṁheśvarastataḥ param| revaṁteśvaraḥ paro devo ghaṁṭeśvarapuraḥsaraḥ

'...Kantakesha, the great Rudra, then further Simheshvara; the further god Reventeshvara, preceded by Ghanteshvara...'

Verse 65 (skanda.5.70.65)

प्रयागेश्वरो महादेवः सिद्धेश्वरस्ततः परम्। मातंगेश्वरः परो देवः सौभाग्येशस्ततो वरः

prayāgeśvaro mahādevaḥ siddheśvarastataḥ param| mātaṁgeśvaraḥ paro devaḥ saubhāgyeśastato varaḥ

'...the great god Prayageshvara, then further Siddheshvara; the further god Matangeshvara, then further the excellent Saubhagyesha...'

Verse 66 (skanda.5.70.66)

रूपेश्वरेति विख्यातो ब्रह्मेश्वरस्ततः परम्। जल्पेश्वरस्ततो देवः केदारेश्वर एव च

rūpeśvareti vikhyāto brahmeśvarastataḥ param| jalpeśvarastato devaḥ kedāreśvara eva ca

'...Rupeshvara, so renowned, then further Brahmeshvara; then the god Jalpeshvara, and Kedareshvara likewise...'

Verse 67 (skanda.5.70.67)

पिशाचेश्वरशंभुश्च संगमेशस्ततः परः। दुर्धर्षेशश्च विख्यातश्चंडादित्येश्वरस्ततः

piśāceśvaraśaṁbhuśca saṁgameśastataḥ paraḥ| durdharṣeśaśca vikhyātaścaṁḍādityeśvarastataḥ

'...Pishacheshvara Shambhu, then further Sangamesha; Durdharshesha, so renowned, then Chandadityeshvara...'

Verse 68 (skanda.5.70.68)

करभेश्वरः परः प्रोक्तो राजस्थलेश्वरः शिवः। वडलेश्वरस्ततः प्रोक्तो ह्यरुणेशस्ततः स्मृतः

karabheśvaraḥ paraḥ prokto rājasthaleśvaraḥ śivaḥ| vaḍaleśvarastataḥ prokto hyaruṇeśastataḥ smṛtaḥ

'...Karabheshvara, the further one declared, Rajasthaleshvara Shiva; then further Vadaleshvara declared, then further Arunesha, so remembered...'

Verse 69 (skanda.5.70.69)

पुष्पदंतेश्वरो देवो ह्यविमुक्तेश्वरस्ततः। हनुमतेश्वरो देवो विश्वेश्वर स्ततः कम्

puṣpadaṁteśvaro devo hyavimukteśvarastataḥ| hanumateśvaro devo viśveśvara stataḥ kam

'...Pushpadanteshvara the god, then further Avimukteshvara; Hanumateshvara the god, then further Vishveshvara [the final word of this line is textually uncertain in the source]...'

Verse 70 (skanda.5.70.70)

स्वप्नेश्वर इति ख्यातः सिद्धेश्वरस्ततः परः। नीलकंठेश्वरो देवः स्थावरेशस्ततः परम्

svapneśvara iti khyātaḥ siddheśvarastataḥ paraḥ| nīlakaṁṭheśvaro devaḥ sthāvareśastataḥ param

'...Svapneshvara, so renowned, then further Siddheshvara; the god Nilakantheshvara, then further Sthavaresha...'

Verse 71 (skanda.5.70.71)

कामेश्वर इति प्रोक्तः प्रतिहारेश्वरस्ततः। पशुपतीश्वरः प्रोक्तो विश्वेश्वरस्ततः परः। स्वर्णजालेश्वरः प्रोक्तो मनःकामेश्वरस्ततः

kāmeśvara iti proktaḥ pratihāreśvarastataḥ| paśupatīśvaraḥ prokto viśveśvarastataḥ paraḥ| svarṇajāleśvaraḥ prokto manaḥkāmeśvarastataḥ

'...Kameshvara, so declared, then further Pratihareshvara; Pashupatishvara, declared, then further Vishveshvara; Suvarnajaleshvara, declared, then further Manahkameshvara...'

Verse 72 (skanda.5.70.72)

दुर्वासेश्वरनामासौ नागचंडेश्वरस्ततः। खर्परेशश्च विख्यातो ब्रह्मेश्वरस्ततः परम्

durvāseśvaranāmāsau nāgacaṁḍeśvarastataḥ| kharpareśaśca vikhyāto brahmeśvarastataḥ param

'...this one by the name Durvaseshvara, then further Nagachandeshvara; Kharparesha, so renowned, then further Brahmeshvara...'

Verse 73 (skanda.5.70.73)

पातालेश्वर आख्यातो गुप्तेश्वरस्ततः परः। कपिलेश्वर इत्याख्यो योगयोगेश्वरः परः

pātāleśvara ākhyāto gupteśvarastataḥ paraḥ| kapileśvara ityākhyo yogayogeśvaraḥ paraḥ

'...Pataleshvara, so declared, then further Gupteshvara; the one named Kapileshvara, then further Yogayogeshvara...'

Verse 74 (skanda.5.70.74)

भीमेश्वरेति विख्यातो धनुःसहस्राभिधः परः। अग्नीश्वरः परः प्रोक्तो देवेश्वरस्ततः परः

bhīmeśvareti vikhyāto dhanuḥsahasrābhidhaḥ paraḥ| agnīśvaraḥ paraḥ prokto deveśvarastataḥ paraḥ

'...Bhimeshvara, so renowned, then further the one named Dhanuh-sahasra; Agnishvara, the further one declared, then further Deveshvara...'

Verse 75 (skanda.5.70.75)

द्वादशार्कः समाख्यातो दशाश्वमेधिकेश्वरः। गदाधरेश्वरः ख्यातो वैजनाथेति शंभुराट्

dvādaśārkaḥ samākhyāto daśāśvamedhikeśvaraḥ| gadādhareśvaraḥ khyāto vaijanātheti śaṁbhurāṭ

'...Dvadashаrka, so declared, and Dashashvamedhikeshvara; Gadadhareshvara, renowned, and Vaijanatha, the sovereign Shambhu...'

Verse 76 (skanda.5.70.76)

सोमनाथेश्वरः ख्यातो घुष्मेश्वरस्ततः परः। भीमशंकर इत्याख्यो घंटेश्वरस्ततः परः

somanātheśvaraḥ khyāto ghuṣmeśvarastataḥ paraḥ| bhīmaśaṁkara ityākhyo ghaṁṭeśvarastataḥ paraḥ

'...Somanatheshvara, renowned, then further Ghushmeshvara; Bhimashankara, so named, then further Ghanteshvara...'

Verse 77 (skanda.5.70.77)

ऊषरेश्वरसंज्ञश्च चन्द्रादित्येश्वरः परः। केशवार्कः समाख्यातः शक्तिभेदेश्वरः परः

ūṣareśvarasaṁjñaśca candrādityeśvaraḥ paraḥ| keśavārkaḥ samākhyātaḥ śaktibhedeśvaraḥ paraḥ

'...Usharesha by name, and further Chandradityeshvara; Keshavarka, declared, and further Shaktibhedeshvara...'

Verse 78 (skanda.5.70.78)

रामेश्वरः परो देवो वाल्मीकेश्वरशंकरः। ज्वालेश्वरः शिवः प्रोक्तो ह्यभयेशस्ततः परः

rāmeśvaraḥ paro devo vālmīkeśvaraśaṁkaraḥ| jvāleśvaraḥ śivaḥ prokto hyabhayeśastataḥ paraḥ

'...the further god Rameshvara, Valmikeshvara Shankara; Jvaleshvara Shiva, declared, then further Abhayesha...'

Verse 79 (skanda.5.70.79)

विघ्नहस्तेश्वरः प्रोक्तश्चंचलेशस्ततः परः। पुरुषोत्तमेति विख्यातो वीरेश्वरस्ततः परः

vighnahasteśvaraḥ proktaścaṁcaleśastataḥ paraḥ| puruṣottameti vikhyāto vīreśvarastataḥ paraḥ

'...Vighnahasteshvara, declared, then further Chanchalesha; Purushottama, so renowned, then further Vireshvara...'

Verse 80 (skanda.5.70.80)

कर्णेश्वरश्च विख्यातः पृथुकेशस्ततः परम्। आनंदेशश्च विख्यातः कोटेश्वरस्ततः परः

karṇeśvaraśca vikhyātaḥ pṛthukeśastataḥ param| ānaṁdeśaśca vikhyātaḥ koṭeśvarastataḥ paraḥ

'...Karneshvara, so renowned, then further Prithukesha; Anandesha, so renowned, then further Koteshvara...'

Verse 81 (skanda.5.70.81)

अविमुक्तेश्वरः प्रोक्तो हनुमत्केश्वरः परः। विमलेश्वरेति विख्यातश्चंद्रेश्वरस्ततः परः

avimukteśvaraḥ prokto hanumatkeśvaraḥ paraḥ| vimaleśvareti vikhyātaścaṁdreśvarastataḥ paraḥ

'...Avimukteshvara, declared, then further Hanumatkeshvara; Vimaleshvara, so renowned, then further Chandreshvara...'

Verse 82 (skanda.5.70.82)

बिंदुकेशश्च विख्यातो वालुकेश्वरसंज्ञकः। बृहस्पतीश्वरो देवो ह्यसंख्यातेश्वरस्ततः

biṁdukeśaśca vikhyāto vālukeśvarasaṁjñakaḥ| bṛhaspatīśvaro devo hyasaṁkhyāteśvarastataḥ

'...Bindukesha, so renowned, and the one named Valukeshvara; the god Brihaspatishvara, then further Asankhyateshvara.'

Verse 83 (skanda.5.70.83)

यानि कानि च तीर्थानि तानि लिंगानि सत्तम। तिष्ठंति तत्र पूज्यानि तानि वंद्यानि सर्वशः

yāni kāni ca tīrthāni tāni liṁgāni sattama| tiṣṭhaṁti tatra pūjyāni tāni vaṁdyāni sarvaśaḥ

'Whatever tirthas there are, O worthy one, those too are lingas, standing there to be worshipped, to be revered in every way.'

Verse 84 (skanda.5.70.84)

चत्वारो विदिताः सर्वे द्वारपाला महात्मभिः। पिंगलेश्वरेति च ख्यातः पूर्वद्वारे द्विजोत्तम

catvāro viditāḥ sarve dvārapālā mahātmabhiḥ| piṁgaleśvareti ca khyātaḥ pūrvadvāre dvijottama

'Four gatekeepers are known to the great souls; O best of brahmins, at the eastern gate is one renowned as Pingaleshvara...'

Verse 85 (skanda.5.70.85)

दक्षिणे च तथा द्वारे कायावरोहणेश्वरः। बिल्वकेश्वरेति विख्यातः पश्चिमद्वारमाश्रितः

dakṣiṇe ca tathā dvāre kāyāvarohaṇeśvaraḥ| bilvakeśvareti vikhyātaḥ paścimadvāramāśritaḥ

'...and at the southern gate is Kayavarohaneshvara; at the western gate stands the one renowned as Bilvakeshvara...'

Verse 86 (skanda.5.70.86)

दर्दुरेश्वरस्ततः प्रोक्तो द्वारे चोत्तरसंज्ञिके। एते चाऽन्ये च बहवो लिंगाख्यास्त्रिभुवनेश्वराः

dardureśvarastataḥ prokto dvāre cottarasaṁjñike| ete cā'nye ca bahavo liṁgākhyāstribhuvaneśvarāḥ

'...and at the gate called the northern is then declared Dardureshvara; these and many others besides, named lingas, lords of the three worlds...'

Verse 87 (skanda.5.70.87)

महाकालवने रम्ये समाख्याता हि पावनाः। षष्टिकोटिसहस्राणि षष्टिकोटिशतानि च

mahākālavane ramye samākhyātā hi pāvanāḥ| ṣaṣṭikoṭisahasrāṇi ṣaṣṭikoṭiśatāni ca

'...are declared, purifying, in the beautiful Mahakala forest — sixty crore-thousands, and sixty crore-hundreds as well.'

Verse 88 (skanda.5.70.88)

महाकालवने व्यास लिंगसंख्या न विद्यते। तथाऽपि च प्राधान्येन मयाऽत्र परिकीर्तिताः

mahākālavane vyāsa liṁgasaṁkhyā na vidyate| tathā'pi ca prādhānyena mayā'tra parikīrtitāḥ

O Vyasa, in the Mahakala forest the number of lingas is not fully known; nevertheless, by their principal ones, they have been proclaimed here by me.

Verse 89 (skanda.5.70.89)

यस्य देवस्य यत्तीर्थं तन्नाम्ना परिकीर्तितम्। स्नात्वा दत्त्वा च तद्दानं तत्तीर्थस्य फलं लभेत्

yasya devasya yattīrthaṁ tannāmnā parikīrtitam| snātvā dattvā ca taddānaṁ tattīrthasya phalaṁ labhet

Whatever god's tirtha it is, it is proclaimed by that name; bathing and giving that gift there, one obtains the fruit of that tirtha.

Verse 90 (skanda.5.70.90)

तथा नवग्रहाः पुण्याः समाख्याताः पुराऽनघ। तेषां नामानि पुण्यानि तीर्थानि च तथा शृणु

tathā navagrahāḥ puṇyāḥ samākhyātāḥ purā'nagha| teṣāṁ nāmāni puṇyāni tīrthāni ca tathā śṛṇu

Likewise the nine sacred planets have been declared of old, O sinless one; hear now their names, and their sacred tirthas as well.

Verse 91 (skanda.5.70.91)

नरादित्य इति ख्यातः सोमेश्वरस्ततः परः। मंगलेश्वरः समाख्यातो बुधेश्वरस्ततः परम्

narāditya iti khyātaḥ someśvarastataḥ paraḥ| maṁgaleśvaraḥ samākhyāto budheśvarastataḥ param

Naraditya, so renowned, then further Someshvara; Mangaleshvara, declared, then further Budheshvara...

Verse 92 (skanda.5.70.92)

बृहस्पतीश्वरः प्रोक्तस्तथा शुक्रेश्वरः शिवः। स्थावरेश्वरो महादेवः समाख्यातो मुनीश्वरैः

bṛhaspatīśvaraḥ proktastathā śukreśvaraḥ śivaḥ| sthāvareśvaro mahādevaḥ samākhyāto munīśvaraiḥ

...Brihaspatishvara, declared, and likewise Shukreshvara Shiva; Sthavareshvara, the great god, declared by the lords of sages.

Verse 93 (skanda.5.70.93)

राहुकेतू समाख्यातौ तेषां तीर्थानि सत्तम। तत्तीर्थेषु नरः स्नात्वा सर्वपापैः प्रमुच्यते

rāhuketū samākhyātau teṣāṁ tīrthāni sattama| tattīrtheṣu naraḥ snātvā sarvapāpaiḥ pramucyate

Rahu and Ketu are declared, O worthy one, and their tirthas as well; bathing at those tirthas, a man is freed from all sins.

Verse 94 (skanda.5.70.94)

ग्रहा राज्यं प्रयच्छंति ग्रहा राज्यं हरंति च। ग्रहैस्तु व्यापितं सर्वं त्रैलोक्त्यं सचराचरम्

grahā rājyaṁ prayacchaṁti grahā rājyaṁ haraṁti ca| grahaistu vyāpitaṁ sarvaṁ trailoktyaṁ sacarācaram

The planets bestow kingship, and the planets take away kingship; by the planets indeed is pervaded this whole moving and unmoving triple world.

Verse 95 (skanda.5.70.95)

ग्रहतीर्थे नरः स्नात्वा ग्रहाणामर्चनं चरेत्। न तस्य ग्रहपीडा वै बाधते हि कदाचन

grahatīrthe naraḥ snātvā grahāṇāmarcanaṁ caret| na tasya grahapīḍā vai bādhate hi kadācana

Bathing at the planet-tirtha, a man should perform worship of the planets; the affliction of the planets shall never trouble him.

Verse 96 (skanda.5.70.96)

एवं व्यास समाख्याता मया देवाश्च तीर्थकाः। यात्रा पुण्यतरा श्रेष्ठा पवित्रा पापनाशिनी

evaṁ vyāsa samākhyātā mayā devāśca tīrthakāḥ| yātrā puṇyatarā śreṣṭhā pavitrā pāpanāśinī

Thus, O Vyasa, the gods and their tirthas have been declared by me; this pilgrimage is most sacred, excellent, pure, and destructive of sin.

Verse 97 (skanda.5.70.97)

ग्रहपीडासु चोग्रासु दारिद्र्ये घोरसंकटे। तेषामुद्धरणार्थाय देवयात्रा प्रकीर्तिता

grahapīḍāsu cogrāsu dāridrye ghorasaṁkaṭe| teṣāmuddharaṇārthāya devayātrā prakīrtitā

In fierce planetary afflictions, in poverty, in dreadful calamity — for deliverance from these, the pilgrimage of the gods is proclaimed.

Verse 98 (skanda.5.70.98)

क्षेत्रस्यांतर्गृहीं नित्यं ये कुर्वंति नरोत्तमाः। न तेषां दुर्लभं किंचित्त्रिषु लोकेषु विद्यते

kṣetrasyāṁtargṛhīṁ nityaṁ ye kurvaṁti narottamāḥ| na teṣāṁ durlabhaṁ kiṁcittriṣu lokeṣu vidyate

Whatever excellent men constantly perform the inner circuit of this sacred field — for them nothing remains difficult to attain in all three worlds.

Verse 99 (skanda.5.70.99)

अपुत्रो लभते पुत्रं निर्धनो धनमाप्नुयात्। विद्यावाञ्जायते विप्रः क्षत्रियो विजयी भवेत्

aputro labhate putraṁ nirdhano dhanamāpnuyāt| vidyāvāñjāyate vipraḥ kṣatriyo vijayī bhavet

The childless obtain a son, the poor obtain wealth; a brahmin becomes learned, a kshatriya becomes victorious...

Verse 100 (skanda.5.70.100)

अक्षया संततिस्तस्य शिवलोके महीयते

akṣayā saṁtatistasya śivaloke mahīyate

...his lineage becomes imperishable, and he is exalted in the world of Shiva.