The Greatness of Svarnajvaleshvara

Verse 1 (skanda.5.77.1)

श्रीमहादेव उवाच। स्वर्णज्वालेश्वरं षष्ठं विद्धि चात्र यशस्विनि। यस्य दर्शनमात्रेण धनवानिह जायते

śrīmahādeva uvāca| svarṇajvāleśvaraṁ ṣaṣṭhaṁ viddhi cātra yaśasvini| yasya darśanamātreṇa dhanavāniha jāyate

Shri Mahadeva said: "Know here, O glorious one, the sixth god as Svarnajvaleshvara; by the mere sight of whom a man becomes wealthy in this world."

Verse 2 (skanda.5.77.2)

पुरा सार्द्धं त्वया देवि क्रीडतो मम मंदिरे। जातं वर्षशतं दिव्यं सुरतैकरसस्य च

purā sārddhaṁ tvayā devi krīḍato mama maṁdire| jātaṁ varṣaśataṁ divyaṁ surataikarasasya ca

Formerly, O Devi, while sporting with you in my abode, a hundred divine years passed, given wholly to the delight of love.

Verse 3 (skanda.5.77.3)

देवैः सर्वैस्ततो वह्निः प्रेरितो मम संनिधौ। ततो वह्निः समायातस्त्रैलोक्यार्थे यशस्विनि

devaiḥ sarvaistato vahniḥ prerito mama saṁnidhau| tato vahniḥ samāyātastrailokyārthe yaśasvini

Then, by all the gods, Agni was sent into my presence; then Agni came there, for the sake of the three worlds, O glorious one.

Verse 4 (skanda.5.77.4)

ततो वह्निमुखे क्षिप्तं वीर्यं स्वं क्रीडता मया। दह्यमानस्तदा तेन गंगां वह्निर्जगाम ह

tato vahnimukhe kṣiptaṁ vīryaṁ svaṁ krīḍatā mayā| dahyamānastadā tena gaṁgāṁ vahnirjagāma ha

Then, as I was at play, my own seed fell into the mouth of Agni; being burned by it, Agni then went to the Ganga.

Verse 5 (skanda.5.77.5)

तत्र गत्वा प्रचिक्षेप वीर्यमग्निः सुदुर्द्धरम्। तथापि दह्यते वह्निर्वीर्यशेषेण पार्वति

tatra gatvā pracikṣepa vīryamagniḥ sudurddharam| tathāpi dahyate vahnirvīryaśeṣeṇa pārvati

Having gone there, Agni cast forth that seed, so hard to bear; even so, O Parvati, Agni went on burning from the remainder of the seed.

Verse 6 (skanda.5.77.6)

जातं रम्यं ततो दिव्यं वीर्यशेषेण कांचनम्। ज्वलंतं चातितापेन दुःसहं दुर्द्धरं प्रिये

jātaṁ ramyaṁ tato divyaṁ vīryaśeṣeṇa kāṁcanam| jvalaṁtaṁ cātitāpena duḥsahaṁ durddharaṁ priye

From the remainder of the seed there then arose lovely, divine gold, blazing with excessive heat, unbearable, hard to hold, O beloved.

Verse 7 (skanda.5.77.7)

अग्नेरपत्यं प्रथमं दृष्ट्वोत्पन्नं तु पार्वति। लोभाभिभूता असुराः सुरा गन्धर्वकिन्नराः

agnerapatyaṁ prathamaṁ dṛṣṭvotpannaṁ tu pārvati| lobhābhibhūtā asurāḥ surā gandharvakinnarāḥ

Seeing this firstborn offspring of Agni thus arisen, O Parvati, the asuras, gods, gandharvas and kinnaras, overcome with greed —

Verse 8 (skanda.5.77.8)

यक्षाः साध्याः पिशाचाश्च मनुष्या राक्षसाः खगाः। अभ्यधावन्सुसंरब्धास्ते सुवर्णजिघृक्षवः

yakṣāḥ sādhyāḥ piśācāśca manuṣyā rākṣasāḥ khagāḥ| abhyadhāvansusaṁrabdhāste suvarṇajighṛkṣavaḥ

— the yakshas, sadhyas, pishachas, men, rakshasas, and birds, all rushed forward in great excitement, eager to seize the gold.

Verse 9 (skanda.5.77.9)

सुवर्णार्थे महान्नादो ममेदमिति जल्पताम्। अज्ञानात्संगरश्चैव संजातः प्राणहारकः

suvarṇārthe mahānnādo mamedamiti jalpatām| ajñānātsaṁgaraścaiva saṁjātaḥ prāṇahārakaḥ

A great uproar arose over the gold, as each cried, "This is mine!"; and out of ignorance a life-destroying battle broke out.

Verse 10 (skanda.5.77.10)

अथावरणमुख्यानि नानाप्रहरणानि च। प्रगृह्याभ्यनदन्नादैर्देवैः सार्द्धं यशस्विनि

athāvaraṇamukhyāni nānāpraharaṇāni ca| pragṛhyābhyanadannādairdevaiḥ sārddhaṁ yaśasvini

Then, seizing shields foremost among their gear and weapons of many kinds, they roared with battle-cries against the gods, O glorious one.

Verse 11 (skanda.5.77.11)

असुरा असुरैः सार्द्धं मनुष्या मानुषैः सह। गन्धर्वाः सह गन्धर्वैः किंनरैः सह किंनराः

asurā asuraiḥ sārddhaṁ manuṣyā mānuṣaiḥ saha| gandharvāḥ saha gandharvaiḥ kiṁnaraiḥ saha kiṁnarāḥ

Asuras against asuras, men against men, gandharvas against gandharvas, kinnaras against kinnaras —

Verse 12 (skanda.5.77.12)

भूतैः सार्द्धं च भूतानि राक्षसैः सह राक्षसाः। वेतालैः सह वेताला युद्धं चक्रुः सुदारुणम्

bhūtaiḥ sārddhaṁ ca bhūtāni rākṣasaiḥ saha rākṣasāḥ| vetālaiḥ saha vetālā yuddhaṁ cakruḥ sudāruṇam

— bhutas against bhutas, rakshasas against rakshasas, vetalas against vetalas — they waged a most terrible war.

Verse 13 (skanda.5.77.13)

पुत्रस्तु पितरं द्वेष्टि पिता पुत्रं तथैव च। हंति भार्या स्वभर्तारं भर्ता च स्वां प्रियां तथा

putrastu pitaraṁ dveṣṭi pitā putraṁ tathaiva ca| haṁti bhāryā svabhartāraṁ bhartā ca svāṁ priyāṁ tathā

Son hated father, and father likewise hated son; wife slew her own husband, and husband his own beloved wife likewise.

Verse 14 (skanda.5.77.14)

मातरं स्वसुतो हंति माता पुत्रं हिनस्ति च। ततो वैरविनिर्बंधः संजातः स्वर्णकारणात्

mātaraṁ svasuto haṁti mātā putraṁ hinasti ca| tato vairavinirbaṁdhaḥ saṁjātaḥ svarṇakāraṇāt

The son slew his own mother, and the mother slew her son; thus were bonds of enmity forged, all on account of the gold.

Verse 15 (skanda.5.77.15)

सुराणामसुराणां च सर्वं घोरतरं महत्। प्रासाश्च विपुलास्तीक्ष्णा न्यपतंत सहस्रशः। तोमराश्च सुतीक्ष्णाग्राः शस्त्राणि विविधानि च

surāṇāmasurāṇāṁ ca sarvaṁ ghorataraṁ mahat| prāsāśca vipulāstīkṣṇā nyapataṁta sahasraśaḥ| tomarāśca sutīkṣṇāgrāḥ śastrāṇi vividhāni ca

Among gods and asuras everything became exceedingly terrible and vast; sharp, massive lances fell by the thousands, javelins with keen points, and weapons of every kind —

Verse 16 (skanda.5.77.16)

सुवर्णार्थे महादेवि वमंतो रुधिरं बहु

suvarṇārthe mahādevi vamaṁto rudhiraṁ bahu

— for the sake of gold, O great Devi, warriors fell, vomiting much blood.

Verse 17 (skanda.5.77.17)

असिशक्तिगदाऋष्ट्यो निपेतुर्धरणीतले। छिन्नानि पट्टिशैश्चैव शिरांसि युधि दारुणैः

asiśaktigadāṛṣṭyo nipeturdharaṇītale| chinnāni paṭṭiśaiścaiva śirāṁsi yudhi dāruṇaiḥ

Swords, spears, maces, and lances fell to the ground; heads were severed in the terrible battle by pattisha-blades.

Verse 18 (skanda.5.77.18)

रुधिरेणावलिप्तांगा निहताश्च परस्परम्। अद्रीणामिव कूटानि धातुयुक्तानि शेरते

rudhireṇāvaliptāṁgā nihatāśca parasparam| adrīṇāmiva kūṭāni dhātuyuktāni śerate

Their limbs smeared with blood, slain by one another, they lay like the ore-streaked peaks of mountains.

Verse 19 (skanda.5.77.19)

हाहाकारः समभवद्भयकृच्च सहस्रशः। अन्योन्यं छिंदतां शस्त्रैः सुवर्णस्य च कारणात्

hāhākāraḥ samabhavadbhayakṛcca sahasraśaḥ| anyonyaṁ chiṁdatāṁ śastraiḥ suvarṇasya ca kāraṇāt

A cry of lamentation arose, a thousandfold terrifying, as they cut one another down with weapons, all for the sake of the gold.

Verse 20 (skanda.5.77.20)

परिघैरायसैः पाशैर्वज्रकल्पैश्च मुष्टिभिः। निघ्नतां समरेऽन्योन्यं शब्दो दिवमिवास्पृशत्

parighairāyasaiḥ pāśairvajrakalpaiśca muṣṭibhiḥ| nighnatāṁ samare'nyonyaṁ śabdo divamivāspṛśat

With iron bars, with nooses, with fists like thunderbolts, as they struck one another in that battle, the din seemed to touch the very sky.

Verse 21 (skanda.5.77.21)

छिंधिभिंधि प्रधाव त्वं पातयाधिसरेति च। अश्रूयन्त महाघोराः शब्दास्तत्र समंततः

chiṁdhibhiṁdhi pradhāva tvaṁ pātayādhisareti ca| aśrūyanta mahāghorāḥ śabdāstatra samaṁtataḥ

"Cut! Pierce! Rush forward! Strike him down! Chase him!" — such most terrible cries were heard there on every side.

Verse 22 (skanda.5.77.22)

एवं तु तुमुले युद्धे वर्त्तमाने महाभये। कंपिता धरणी देवि देवास्त्रस्ताः सवासवाः

evaṁ tu tumule yuddhe varttamāne mahābhaye| kaṁpitā dharaṇī devi devāstrastāḥ savāsavāḥ

While such a tumultuous, most fearsome battle was raging, the earth trembled, O Devi, and the gods, together with Vasava, were terrified.

Verse 23 (skanda.5.77.23)

क्षुभ्यंति स्म समुद्राश्च चेलुश्च धरणीधराः। तस्यार्थे पीडितं सर्वं सदेवासुरमानुषम्

kṣubhyaṁti sma samudrāśca celuśca dharaṇīdharāḥ| tasyārthe pīḍitaṁ sarvaṁ sadevāsuramānuṣam

The oceans grew agitated, and the mountains shook; for its sake the whole world, with gods, asuras, and men, was afflicted.

Verse 24 (skanda.5.77.24)

ऋषयो वालखिल्याद्या देवाः शक्रपुरोगमाः। बृहस्पतिं पुरस्कृत्य ब्रह्मलोकं गताः स्त्रियः

ṛṣayo vālakhilyādyā devāḥ śakrapurogamāḥ| bṛhaspatiṁ puraskṛtya brahmalokaṁ gatāḥ striyaḥ

The sages beginning with the Valakhilyas, and the gods led by Shakra, with Brihaspati at their head, went with their womenfolk to the world of Brahma.

Verse 25 (skanda.5.77.25)

सोच्छ्वासा कथयामासुर्जर्जरीकृतमस्तकाः। वृत्तांतं विस्तरात्सर्वं लोकत्रयविनाशनम्

socchvāsā kathayāmāsurjarjarīkṛtamastakāḥ| vṛttāṁtaṁ vistarātsarvaṁ lokatrayavināśanam

Panting, their heads battered, they related in full detail the whole event, the destruction of the three worlds.

Verse 26 (skanda.5.77.26)

तच्छ्रुत्वा वचनं तेषां ब्रह्मा लोकपितामहः। चिंतयित्वा च तैः सार्द्धमाजगाम ममांतिकम्

tacchrutvā vacanaṁ teṣāṁ brahmā lokapitāmahaḥ| ciṁtayitvā ca taiḥ sārddhamājagāma mamāṁtikam

Hearing their words, Brahma, grandfather of the worlds, having reflected, came together with them into my presence.

Verse 27 (skanda.5.77.27)

मया पृष्टास्तु ते सर्वे केनैते जर्जरीकृताः। शस्त्रास्त्रैः पीडिताः केन कस्माद्वो भयमागतम्

mayā pṛṣṭāstu te sarve kenaite jarjarīkṛtāḥ| śastrāstraiḥ pīḍitāḥ kena kasmādvo bhayamāgatam

I asked all of them: "By whom have you been so battered? By whom afflicted with weapons? From what has this fear come upon you?"

Verse 28 (skanda.5.77.28)

कश्चासौ दानवो दुष्टो येन वै पीडिता भृशम्। तत्सर्वं कथितं देवि ममाग्रे भयविह्वलैः

kaścāsau dānavo duṣṭo yena vai pīḍitā bhṛśam| tatsarvaṁ kathitaṁ devi mamāgre bhayavihvalaiḥ

"Who is that wicked danava by whom you have been so grievously afflicted?" All this, O Devi, was told before me by them, overcome with fear.

Verse 29 (skanda.5.77.29)

ते मामूचुस्तदा देवा ब्रह्माद्या भयकारणम्

te māmūcustadā devā brahmādyā bhayakāraṇam

Then the gods, headed by Brahma, told me the cause of their fear —

Verse 30 (skanda.5.77.30)

लोभात्सर्वे विनष्टाः स्म सुवर्णस्य च कारणात्। पीडितं च जगत्सर्वं सदेवासुरमानुषम्

lobhātsarve vinaṣṭāḥ sma suvarṇasya ca kāraṇāt| pīḍitaṁ ca jagatsarvaṁ sadevāsuramānuṣam

"We have all been ruined by greed, on account of gold; the whole world, with gods, asuras, and men, has been afflicted."

Verse 31 (skanda.5.77.31)

इति तेषां वचः श्रुत्वा मया ज्ञातं वरानने। तस्यार्थे कलहो घोरः संजातो हि परस्परम्

iti teṣāṁ vacaḥ śrutvā mayā jñātaṁ varānane| tasyārthe kalaho ghoraḥ saṁjāto hi parasparam

Hearing their words, I understood, O fair-faced one, that on its account this terrible strife had arisen among them all —

Verse 32 (skanda.5.77.32)

लोकत्रयविनाशश्च सहसा येन वै कृतः। यमुद्दिश्य त्यजेत्प्राणांस्तमाहुर्ब्रह्मघातकम्

lokatrayavināśaśca sahasā yena vai kṛtaḥ| yamuddiśya tyajetprāṇāṁstamāhurbrahmaghātakam

— and by which the destruction of the three worlds had suddenly been wrought. Whoever gives up his life on its account, him they shall call a slayer of a brahmin.

Verse 33 (skanda.5.77.33)

ब्रह्महा वह्निपुत्रस्तु यमुद्दिश्य मृतो जनः। शरीरं शबलं चैव सविकारं भविष्यति

brahmahā vahniputrastu yamuddiśya mṛto janaḥ| śarīraṁ śabalaṁ caiva savikāraṁ bhaviṣyati

A man who dies on account of Agni's son shall become guilty of brahmin-slaying; his body shall become mottled and deformed.

Verse 34 (skanda.5.77.34)

धातवो हि भविष्यंति तस्य देहे न संशयः। लक्ष्यते दुःखमतुलं छेददाहादिघर्षणम्

dhātavo hi bhaviṣyaṁti tasya dehe na saṁśayaḥ| lakṣyate duḥkhamatulaṁ chedadāhādigharṣaṇam

The bodily humors shall become disordered in his body, there is no doubt; incomparable suffering shall be his to bear — cutting, burning, chafing, and the like.

Verse 35 (skanda.5.77.35)

एतस्मिन्नंतरे वह्निर्दृष्ट्वा पुत्रस्य चेष्टितम्। ज्ञात्वा क्रोधं मदीयं तु भीतो वै पुत्रकारणात्

etasminnaṁtare vahnirdṛṣṭvā putrasya ceṣṭitam| jñātvā krodhaṁ madīyaṁ tu bhīto vai putrakāraṇāt

Meanwhile Agni, seeing the doings wrought by his son, and learning of my anger, became afraid on his son's account.

Verse 36 (skanda.5.77.36)

आजगाम सुवर्णेन सार्द्धं देवि ममांतिकम्। प्रसादितोऽहं पुत्रार्थे वह्निना हि वरानने

ājagāma suvarṇena sārddhaṁ devi mamāṁtikam| prasādito'haṁ putrārthe vahninā hi varānane

He came, together with the gold, O Devi, into my presence; and I was entreated by Agni on his son's behalf, O fair-faced one —

Verse 37 (skanda.5.77.37)

रक्षणीयस्त्वया देव पुत्रोयं तव शंकर। भाण्डागारे स्वकीये तु क्रियतां परमेश्वर

rakṣaṇīyastvayā deva putroyaṁ tava śaṁkara| bhāṇḍāgāre svakīye tu kriyatāṁ parameśvara

"O God, this son of mine must be protected by you; place him, O Shankara, O Supreme Lord, in your own treasury —"

Verse 38 (skanda.5.77.38)

त्वयि तुष्टे महादेव प्राप्योऽयं नात्र संशयः। इच्छया दीयतां देवि यस्य कस्य जनस्य च

tvayi tuṣṭe mahādeva prāpyo'yaṁ nātra saṁśayaḥ| icchayā dīyatāṁ devi yasya kasya janasya ca

"— once you are pleased, O Mahadeva, he may be attained, there is no doubt of it; O Devi, let him be given, at will, to whatever person you choose."

Verse 39 (skanda.5.77.39)

इति तस्य वचः श्रुत्वा पितृदेवमुखस्य च। तथेति च प्रतिज्ञातं मया लोभाद्यशस्विनि

iti tasya vacaḥ śrutvā pitṛdevamukhasya ca| tatheti ca pratijñātaṁ mayā lobhādyaśasvini

Hearing these words from the mouth of that father-god, O glorious one, I promised, out of eager fondness, "So be it."

Verse 40 (skanda.5.77.40)

स्नेहान्मया वह्निपुत्र उत्संगे च कृतस्तदा। स्नेहाद्वै चुंबितो मूर्ध्नि परिष्वक्तः पुनःपुनः

snehānmayā vahniputra utsaṁge ca kṛtastadā| snehādvai cuṁbito mūrdhni pariṣvaktaḥ punaḥpunaḥ

Out of affection I then took Agni's son upon my lap; out of affection I kissed him upon the head, and embraced him again and again.

Verse 41 (skanda.5.77.41)

ददामि ते महाभाग वरं वरय शोभनम्। परितुष्टोऽस्मि वै कामं यथेष्टं समवाप्नुहि

dadāmi te mahābhāga varaṁ varaya śobhanam| parituṣṭo'smi vai kāmaṁ yatheṣṭaṁ samavāpnuhi

"I grant you a boon, O fortunate one; choose a fair one. I am well pleased indeed; obtain your desire as you wish."

Verse 42 (skanda.5.77.42)

अहमाज्ञापयामि त्वां श्रेयश्चैवमवाप्स्यसि। ममाभीष्टकरं स्थानं विद्यते पृथिवीतले

ahamājñāpayāmi tvāṁ śreyaścaivamavāpsyasi| mamābhīṣṭakaraṁ sthānaṁ vidyate pṛthivītale

"I now instruct you, and thereby you shall attain the highest good. There exists, on the surface of the earth, a place dear to my heart —"

Verse 43 (skanda.5.77.43)

अक्षयं प्रलये पुत्र महाकालवनं शुभम्। तत्रैव विद्यते लिंगं कर्कोटकस्य दक्षिणे

akṣayaṁ pralaye putra mahākālavanaṁ śubham| tatraiva vidyate liṁgaṁ karkoṭakasya dakṣiṇe

"— the auspicious Mahakala forest, imperishable even at the great dissolution, my son. There indeed, south of Karkotaka, stands a linga —"

Verse 44 (skanda.5.77.44)

महापापहरं पुत्र दर्शनाद्दीप्तिदायकम्। तस्य दर्शनमात्रेण कृतकृत्यो भविष्यसि

mahāpāpaharaṁ putra darśanāddīptidāyakam| tasya darśanamātreṇa kṛtakṛtyo bhaviṣyasi

"— destroyer of great sins, my son, bestowing radiance by its very sight. By the mere sight of it, you shall become fulfilled."

Verse 45 (skanda.5.77.45)

पुण्यश्चैव पवित्रेण दुर्लभश्च भविष्यति। अकुलीनः कुलीनस्तु समलो निर्मलो नरः

puṇyaścaiva pavitreṇa durlabhaśca bhaviṣyati| akulīnaḥ kulīnastu samalo nirmalo naraḥ

"By this purity a man becomes meritorious, and rare; the lowborn becomes highborn, the impure man becomes stainless —"

Verse 46 (skanda.5.77.46)

विरूपो रूपवांश्चैव त्वत्प्रसादाद्भविष्यति। दानानि परिपूर्णानि व्रतानि नियमास्तथा

virūpo rūpavāṁścaiva tvatprasādādbhaviṣyati| dānāni paripūrṇāni vratāni niyamāstathā

"— the ill-formed becomes well-formed, by your grace. Gifts shall become complete in their merit, and vows and observances likewise —"

Verse 47 (skanda.5.77.47)

यज्ञाश्चैवोपवासाश्च तीर्थं पिंडादिकं त्वया। सुसंपूर्णा भविष्यंति तव दानेन सुव्रत

yajñāścaivopavāsāśca tīrthaṁ piṁḍādikaṁ tvayā| susaṁpūrṇā bhaviṣyaṁti tava dānena suvrata

"— sacrifices, fasts, pilgrimage, the offering of pindas, and the like, O one of good vows, shall become fully complete through your gift."

Verse 48 (skanda.5.77.48)

सर्वेषां चैव रत्नानामाधिपत्यं करिष्यसि। प्रियाभीष्टो हि देवानां लोकानां च भविष्यसि

sarveṣāṁ caiva ratnānāmādhipatyaṁ kariṣyasi| priyābhīṣṭo hi devānāṁ lokānāṁ ca bhaviṣyasi

"You shall hold lordship over all jewels; you shall become beloved and desired by the gods and by all the worlds."

Verse 49 (skanda.5.77.49)

इत्युक्तोऽसौ महादेवि दिव्यरूपो वरानने। ज्वालामालावृतः पुण्यो निर्मलो हि बभूव ह

ityukto'sau mahādevi divyarūpo varānane| jvālāmālāvṛtaḥ puṇyo nirmalo hi babhūva ha

Thus addressed, O great Devi, O fair-faced one, he took on a divine form, wreathed in garlands of flame, becoming holy and stainless indeed.

Verse 50 (skanda.5.77.50)

लिंगेनोक्तः सुवर्णस्तु दिष्ट्यादिष्ट्येति कांचनम्। अद्यप्रभृति नाम्ना वै ख्यातिं यास्यसि भूतले

liṁgenoktaḥ suvarṇastu diṣṭyādiṣṭyeti kāṁcanam| adyaprabhṛti nāmnā vai khyātiṁ yāsyasi bhūtale

The linga said to the gold: "Good fortune, good fortune indeed, O gold! From this day, by this very name, you shall become renowned on earth —"

Verse 51 (skanda.5.77.51)

स्थातव्यं मत्समीपे तु वह्निपुत्र त्वया सदा। अक्षया भविता कीर्त्तिस्त्वदीया भुवनत्रये

sthātavyaṁ matsamīpe tu vahniputra tvayā sadā| akṣayā bhavitā kīrttistvadīyā bhuvanatraye

"— O son of Agni, you must remain ever near me; your fame shall become imperishable in the three worlds."

Verse 52 (skanda.5.77.52)

इत्युक्तो देवि लिंगेन वह्निपुत्रोऽतिनिर्मलः। ज्वालावृततनुर्जातः सूर्यकोटिसमप्रभः

ityukto devi liṁgena vahniputro'tinirmalaḥ| jvālāvṛtatanurjātaḥ sūryakoṭisamaprabhaḥ

Thus addressed, O Devi, by the linga, the most stainless son of Agni became one whose body was wreathed in flame, radiant as ten million suns.

Verse 53 (skanda.5.77.53)

दीप्तिर्लब्धा सुवर्णेन ज्वालामालाकुला तदा। अतो देवि सुविख्यातः स्वर्णज्वालेश्वरः शिवः

dīptirlabdhā suvarṇena jvālāmālākulā tadā| ato devi suvikhyātaḥ svarṇajvāleśvaraḥ śivaḥ

Radiance, wreathed in garlands of flame, was thus obtained by the gold; therefore, O Devi, Shiva became well-renowned as Svarnajvaleshvara.

Verse 54 (skanda.5.77.54)

यस्तमर्चयते भक्त्या स्वर्णज्वालेश्वरं शिवम्। तस्य संजायते देवि विजयो राज्यमूर्जितम्। ऐश्वर्यं दानशक्तिश्च पुत्रपौत्रमनंतकम्

yastamarcayate bhaktyā svarṇajvāleśvaraṁ śivam| tasya saṁjāyate devi vijayo rājyamūrjitam| aiśvaryaṁ dānaśaktiśca putrapautramanaṁtakam

Whoever worships that auspicious Svarnajvaleshvara Shiva with devotion — for him, O Devi, there arise victory, a flourishing kingdom, prosperity, the power to give, and sons and grandsons without end.

Verse 55 (skanda.5.77.55)

ज्ञानतोऽज्ञानतो वापि यत्पापं कुरुते नरः। तत्क्षालयति देहोत्थं दर्शनान्नात्र संशयः

jñānato'jñānato vāpi yatpāpaṁ kurute naraḥ| tatkṣālayati dehotthaṁ darśanānnātra saṁśayaḥ

Whatever sin a man commits, whether knowingly or unknowingly, arising from the body — the mere sight of this linga washes it away, there is no doubt.

Verse 56 (skanda.5.77.56)

यत्फलं पिंडदानेन गयायां लभते नरः। तत्फलं द्विगुणं प्रोक्तं पूजया नात्र संशयः

yatphalaṁ piṁḍadānena gayāyāṁ labhate naraḥ| tatphalaṁ dviguṇaṁ proktaṁ pūjayā nātra saṁśayaḥ

Whatever fruit a man obtains through the offering of pindas at Gaya — twice that fruit, it is declared, comes from worship here, there is no doubt.

Verse 57 (skanda.5.77.57)

गायत्र्याः शतसाहस्रैः सम्यग्जप्तैश्च यत्फलम्। तत्फलं समवाप्नोति स्वर्णज्वालेश्वरस्तुतेः

gāyatryāḥ śatasāhasraiḥ samyagjaptaiśca yatphalam| tatphalaṁ samavāpnoti svarṇajvāleśvarastuteḥ

Whatever fruit comes from a hundred thousand rightly-recited repetitions of the Gayatri — that fruit one obtains through praise of Svarnajvaleshvara.

Verse 58 (skanda.5.77.58)

यत्पुण्यं सर्वदानेन दत्तेन विधिपूर्वकम्। तत्फलं समवाप्नोति कीर्तनान्नात्र संशयः

yatpuṇyaṁ sarvadānena dattena vidhipūrvakam| tatphalaṁ samavāpnoti kīrtanānnātra saṁśayaḥ

Whatever merit comes from every kind of gift, duly given according to rule — that fruit one obtains merely by proclaiming his glory, there is no doubt.

Verse 59 (skanda.5.77.59)

पूजयंति चतुर्दश्यां स्वर्णज्वालेश्वरं तु ये। पूज्यंते ते सदा लक्ष्म्या पूरयंत्या मनोरथान्

pūjayaṁti caturdaśyāṁ svarṇajvāleśvaraṁ tu ye| pūjyaṁte te sadā lakṣmyā pūrayaṁtyā manorathān

Those who worship Svarnajvaleshvara on the fourteenth lunar day — they are ever honored by Lakshmi, who fulfills their heart's desires.

Verse 60 (skanda.5.77.60)

रक्षितं त्रिदशैर्देवि गणैर्नानाविधैस्तथा। लिंगं कश्चिन्न जानाति मम मायाविमोहितः

rakṣitaṁ tridaśairdevi gaṇairnānāvidhaistathā| liṁgaṁ kaścinna jānāti mama māyāvimohitaḥ

This linga, O Devi, is guarded by the thirty gods and by ganas of various kinds; deluded by my maya, no one knows it.

Verse 61 (skanda.5.77.61)

मम प्रसादात्तद्देवि दृश्यते लिंगमुत्तमम्। एतत्ते कथितं सम्यगन्यच्छृणु वरानने

mama prasādāttaddevi dṛśyate liṁgamuttamam| etatte kathitaṁ samyaganyacchṛṇu varānane

Only by my grace, O Devi, is that supreme linga seen. This I have told you fully; now hear the next, O fair-faced one.