The Sage-Gotras and the Rites Ordained by Bhartriyajna

Verse 1 (skanda.6.115.1)

त्रिजातो ब्राह्मणस्तत्र किन्नामा कस्य सम्भवः। किंगोत्रश्चैव किंसंज्ञः कीर्तयस्व महामते

trijāto brāhmaṇastatra kinnāmā kasya sambhavaḥ kiṁgotraścaiva kiṁsaṁjñaḥ kīrtayasva mahāmate

"That brahmin Trijata there — what was his name, and of whom was he born? Of what gotra, and by what designation was he known? Tell us, O wise one."

Verse 2 (skanda.6.115.2)

किं कुलीनैर्गुणाढ्यैर्वा तेजोविद्याविचक्षणैः। त्रिजातोऽपि वरं सोऽपि स्वं स्थानं येन चोद्धृतम्

kiṁ kulīnairguṇāḍhyairvā tejovidyāvicakṣaṇaiḥ trijāto'pi varaṁ so'pi svaṁ sthānaṁ yena coddhṛtam

"Of what use is high birth or abundance of virtue, of splendor or skill in learning, if even one of mixed lineage, through a boon, could restore his own place as he did?"

Verse 3 (skanda.6.115.3)

सूत उवाच। सांकृत्यस्य मुनेर्वंशे स संभूतो द्विजोत्तमः। प्रभाव इति विख्यातो दत्तसंज्ञो निमेः सुतः

sūta uvāca sāṁkṛtyasya munervaṁśe sa saṁbhūto dvijottamaḥ prabhāva iti vikhyāto dattasaṁjño nimeḥ sutaḥ

Suta said: That best of the twice-born was born in the lineage of the sage Sankrti; he was known by the name Prabhava, also called Datta, the son of Nimi.

Verse 4 (skanda.6.115.4)

स एवं स्थानमुद्धृत्य चकारायतनं शुभम्। त्रिजातेश्वरनाम्ना च देवदेवस्य शूलिनः

sa evaṁ sthānamuddhṛtya cakārāyatanaṁ śubham trijāteśvaranāmnā ca devadevasya śūlinaḥ

Having thus restored that place, he built an auspicious shrine to the trident-bearing god of gods, under the name Trijateshvara.

Verse 5 (skanda.6.115.5)

तमाराध्य दिवा नक्तं सम्यक्छ्रद्धासमन्वितः। सशरीरो गतः स्वर्गं ततः कालेन केनचित्

tamārādhya divā naktaṁ samyakchraddhāsamanvitaḥ saśarīro gataḥ svargaṁ tataḥ kālena kenacit

Worshipping him day and night with proper faith, after some time he went to heaven with his own body.

Verse 6 (skanda.6.115.6)

यस्तं पश्यति सद्भक्त्या स्नापयेद्विषुवे सदा। न त्रिजातः कुले तस्य कथञ्चिदपि जायते

yastaṁ paśyati sadbhaktyā snāpayedviṣuve sadā na trijātaḥ kule tasya kathañcidapi jāyate

Whoever beholds him with true devotion and always bathes him at the equinox — in that person's lineage no one of mixed birth is ever born.

Verse 7 (skanda.6.115.7)

ऋषय ऊचुः। यानि गोत्राणि नष्टानि यानि संस्थापितानि च। नामतस्तानि नो ब्रूहि तत्पुरं सूत नन्दन

ṛṣaya ūcuḥ yāni gotrāṇi naṣṭāni yāni saṁsthāpitāni ca nāmatastāni no brūhi tatpuraṁ sūta nandana

The sages said: "O son of Suta, tell us by name which gotras were lost and which were established there in that city."

Verse 8 (skanda.6.115.8)

सूत उवाच। तत्रोपमन्युगोत्रा ये क्रौंचगोत्रसमुद्भवाः। कैशोर्यं गोत्रसंभूतास्त्रैवणेया द्विजोत्तम

sūta uvāca tatropamanyugotrā ye krauṁcagotrasamudbhavāḥ kaiśoryaṁ gotrasaṁbhūtāstraivaṇeyā dvijottama

Suta said: O best of the twice-born, there were those of the Upamanyu gotra, those born of the Kraunca gotra, those of the Kaishorya gotra, and the Traivaneyas...

Verse 9 (skanda.6.115.9)

ते भूयोऽपि न संप्राप्ता यथा गोत्रचतुष्टयम्। तत्पूर्वकं शुकादीनां यन्नष्टं नागजाद्भयात्

te bhūyo'pi na saṁprāptā yathā gotracatuṣṭayam tatpūrvakaṁ śukādīnāṁ yannaṣṭaṁ nāgajādbhayāt

...these four gotras, beginning with that of Shuka, which had earlier been lost through fear born of the serpents, never returned again.

Verse 10 (skanda.6.115.10)

शेषान्वः संप्रवक्ष्यामि ब्राह्मणान्गोत्रसंभवान्। कौशिकान्वयसंभूताः षड्विंशतिश्च ते स्मृताः

śeṣānvaḥ saṁpravakṣyāmi brāhmaṇāngotrasaṁbhavān kauśikānvayasaṁbhūtāḥ ṣaḍviṁśatiśca te smṛtāḥ

I shall now tell you of the remaining brahmins, arisen from their gotras: those born in the Kaushika lineage are remembered as twenty-six in number.

Verse 11 (skanda.6.115.11)

कश्यपान्वयसंभूताः सप्ताशीतिर्द्विजोत्तमाः। लक्ष्मणान्वयसंभूता एकविंशतिरागताः

kaśyapānvayasaṁbhūtāḥ saptāśītirdvijottamāḥ lakṣmaṇānvayasaṁbhūtā ekaviṁśatirāgatāḥ

Those best of the twice-born born in the Kashyapa lineage were eighty-seven; those born in the Lakshmana lineage who came were twenty-one.

Verse 12 (skanda.6.115.12)

तत्र नष्टाः पुनः प्राप्तास्तस्मिन्स्थाने सुदुःखिताः। भारद्वाजास्त्रयः प्राप्ताः कौंडनीयाश्चतुर्दश

tatra naṣṭāḥ punaḥ prāptāstasminsthāne suduḥkhitāḥ bhāradvājāstrayaḥ prāptāḥ kauṁḍanīyāścaturdaśa

Those who had been lost there, greatly grieved, returned again to that place: three of the Bharadvaja lineage returned, and fourteen of the Kaundinya.

Verse 13 (skanda.6.115.13)

रैतिकानां तथा विंशत्पाराशर्याष्टकं तथा। गर्गाणां च द्विविंशं च हारीतानां विविंशतिः

raitikānāṁ tathā viṁśatpārāśaryāṣṭakaṁ tathā gargāṇāṁ ca dviviṁśaṁ ca hārītānāṁ viviṁśatiḥ

Of the Raitikas, twenty; of the Parasharyas, eight; of the Gargas, twenty-two; and of the Haritas, twenty.

Verse 14 (skanda.6.115.14)

और्वभार्गवगोत्राणां पञ्चविंशदुदाहृताः। गौतमानां च षड्विंशमालूभायनविंशतिः

aurvabhārgavagotrāṇāṁ pañcaviṁśadudāhṛtāḥ gautamānāṁ ca ṣaḍviṁśamālūbhāyanaviṁśatiḥ

Of the Aurva-Bhargava gotra, twenty-five are declared; of the Gautamas, twenty-six; of the Alubhayanas, twenty.

Verse 15 (skanda.6.115.15)

मांडव्यानां त्रिविंशच्च बह्वृचानां त्रिविंशतिः। सांकृत्यानां विशिष्टानां पृथक्त्वेन दशैव तु

māṁḍavyānāṁ triviṁśacca bahvṛcānāṁ triviṁśatiḥ sāṁkṛtyānāṁ viśiṣṭānāṁ pṛthaktvena daśaiva tu

Of the Mandavyas, twenty-three; of the Bahvrichas, twenty-three; of the distinguished Sankrityas, separately, just ten.

Verse 16 (skanda.6.115.16)

तथैवांगिरसानां च पंच चैव प्रकीर्तिताः। आत्रेया दश संख्याताः शुक्लात्रेयास्तथैव च

tathaivāṁgirasānāṁ ca paṁca caiva prakīrtitāḥ ātreyā daśa saṁkhyātāḥ śuklātreyāstathaiva ca

Likewise, of the Angirasas, five are declared; the Atreyas are counted as ten, and likewise the Shuklatreyas.

Verse 17 (skanda.6.115.17)

वात्स्याः पञ्च समाख्याताः कौत्साश्च नव सप्त वै। शांडिल्या भार्गवाः पञ्च मौद्गल्या विंशतिः स्मृताः

vātsyāḥ pañca samākhyātāḥ kautsāśca nava sapta vai śāṁḍilyā bhārgavāḥ pañca maudgalyā viṁśatiḥ smṛtāḥ

The Vatsyas are declared to be five; the Kautsas nine, and another seven; five of the Shandilya-Bhargavas; and the Mudgalyas are remembered as twenty.

Verse 18 (skanda.6.115.18)

बौधायनाः कौशलाश्च त्रिंशन्मात्राः प्रकीर्तिताः। अथर्वाः पंचपंचाशन्मौनसाः सप्तसप्ततिः

baudhāyanāḥ kauśalāśca triṁśanmātrāḥ prakīrtitāḥ atharvāḥ paṁcapaṁcāśanmaunasāḥ saptasaptatiḥ

The Baudhayanas and Kaushalas together are declared to number thirty; the Atharvas fifty-five, and the Maunasas seventy-seven.

Verse 19 (skanda.6.115.19)

याजुषास्त्रिंशतिः ख्याताश्च्यावनाः सप्त विंशतिः। आगस्त्याश्च त्रयस्त्रिंशज्जैमिनेया दशैव तु

yājuṣāstriṁśatiḥ khyātāścyāvanāḥ sapta viṁśatiḥ āgastyāśca trayastriṁśajjaimineyā daśaiva tu

The Yajushas are known as thirty; the Chyavanas twenty-seven; the Agastyas thirty-three, and the Jaimineyas just ten.

Verse 20 (skanda.6.115.20)

नैवृताः पंचपंचाशत्पाठीनाः सप्ततिर्द्विजाः। गोभिलाश्चापि काक्वाश्च पंचपंच द्विजाः स्मृताः

naivṛtāḥ paṁcapaṁcāśatpāṭhīnāḥ saptatirdvijāḥ gobhilāścāpi kākvāśca paṁcapaṁca dvijāḥ smṛtāḥ

The Nairvitas fifty-five; the Pathinas seventy twice-born; the Gobhilas and the Kakvas each remembered as five twice-born.

Verse 21 (skanda.6.115.21)

औशनसाश्च दाशार्हास्त्रयस्त्रय उदाहृताः। लोकाख्यानां तथा षष्टिरैणिशानां द्विसप्ततिः

auśanasāśca dāśārhāstrayastraya udāhṛtāḥ lokākhyānāṁ tathā ṣaṣṭiraiṇiśānāṁ dvisaptatiḥ

The Aushanasas and the Dasharhas are each declared to be three; likewise the Lokakhyas sixty, and the Ainishas seventy-two.

Verse 22 (skanda.6.115.22)

कापिष्ठलाः शार्कराख्या दत्ताख्याः सप्तसप्ततिः। शार्कवानां शतं प्रोक्तं दार्ज्यानां सप्तसप्ततिः

kāpiṣṭhalāḥ śārkarākhyā dattākhyāḥ saptasaptatiḥ śārkavānāṁ śataṁ proktaṁ dārjyānāṁ saptasaptatiḥ

The Kapishthalas, the Sharkarakhyas, and those named Datta together number seventy-seven; the Sharkavas are declared to be a hundred, and the Darjyas seventy-seven.

Verse 23 (skanda.6.115.23)

कात्यायन्यास्त्रयोऽधिष्ठा वैदिशाश्च त्रयः स्मृताः। कृष्णात्रेयास्तथा पंच दत्तात्रेयास्तथैव च

kātyāyanyāstrayo'dhiṣṭhā vaidiśāśca trayaḥ smṛtāḥ kṛṣṇātreyāstathā paṁca dattātreyāstathaiva ca

The Katyayanyas presiding are three, and the Vaidishas too are remembered as three; likewise the Krishnatreyas five, and the Dattatreyas as well.

Verse 24 (skanda.6.115.24)

नारायणाः शौनकेया जाबालाः शतसंख्यया। गोपाला जामदन्याश्च शालिहोत्राश्च कर्णिकाः

nārāyaṇāḥ śaunakeyā jābālāḥ śatasaṁkhyayā gopālā jāmadanyāśca śālihotrāśca karṇikāḥ

The Narayanas, the Shaunakeyas, and the Jabalas number a hundred; and the Gopalas, the Jamadagnyas, the Shalihotras, and the Karnikas.

Verse 25 (skanda.6.115.25)

भागुरायणकाश्चैव मातृकास्त्रैणवास्तथा। सर्वे ते ब्राह्मणश्रेष्ठाः क्रमेण द्विजसत्तमाः

bhāgurāyaṇakāścaiva mātṛkāstraiṇavāstathā sarve te brāhmaṇaśreṣṭhāḥ krameṇa dvijasattamāḥ

The Bhagurayanakas, the Matrikas, and likewise the Trainavas — all these, in due order, are foremost among brahmins, best of the twice-born.

Verse 26 (skanda.6.115.26)

एतेषामेव सर्वेषां सत्काराय द्विजोत्तमाः। चत्वारिंशत्तथाष्टौ च पुरा प्रोक्ताः स्वयंभुवा

eteṣāmeva sarveṣāṁ satkārāya dvijottamāḥ catvāriṁśattathāṣṭau ca purā proktāḥ svayaṁbhuvā

O best of the twice-born, for the honoring of all these, forty-eight rules were formerly declared by the Self-born (Brahma).

Verse 27 (skanda.6.115.27)

ते सर्वे च पृथक्त्वेन निर्दिष्टाः पद्मयोनिना। संध्यातर्पणकृत्यानि वैश्वदेवोद्भवानि च। श्राद्धानि पक्षकृत्यानि पितृपिंडांस्तथैव च

te sarve ca pṛthaktvena nirdiṣṭāḥ padmayoninā saṁdhyātarpaṇakṛtyāni vaiśvadevodbhavāni ca śrāddhāni pakṣakṛtyāni pitṛpiṁḍāṁstathaiva ca

All these were individually prescribed by the lotus-born Brahma — the rites of sandhya and tarpana, those arising from the Vaishvadeva offering, the shraddha rites, the fortnightly observances, and likewise the offering of pinda to the ancestors.

Verse 28 (skanda.6.115.28)

यज्ञोपवीतसंयुक्ताः प्रवराश्चैव कृत्स्नशः। तथा मौंजीविशेषाश्च शिखाभेदाः प्रकीर्तिताः

yajñopavītasaṁyuktāḥ pravarāścaiva kṛtsnaśaḥ tathā mauṁjīviśeṣāśca śikhābhedāḥ prakīrtitāḥ

The rules concerning the sacred thread, the pravaras (lineage invocations) in their entirety, and likewise the particulars of the munja-girdle and the distinctions of the hair-tuft were all declared.

Verse 29 (skanda.6.115.29)

त्रिजातेन समाराध्य देवदेवं पितामहम्। तेषां कृत्वा द्विजेंद्राणामात्मकीर्तिकृते तदा

trijātena samārādhya devadevaṁ pitāmaham teṣāṁ kṛtvā dvijeṁdrāṇāmātmakīrtikṛte tadā

By Trijata, having duly worshipped the grandsire, the god of gods, all this was arranged for those lords of brahmins, for the sake of his own fame.

Verse 30 (skanda.6.115.30)

ऋषय ऊचुः। कथं सन्तोषितो ब्रह्मा त्रिजातेन महात्मना। कर्मकांडं कथं भिन्नं कृतं तेन महात्मना। सर्वं विस्तरतो ब्रूहि परं कौतूहलं हि नः

ṛṣaya ūcuḥ kathaṁ santoṣito brahmā trijātena mahātmanā karmakāṁḍaṁ kathaṁ bhinnaṁ kṛtaṁ tena mahātmanā sarvaṁ vistarato brūhi paraṁ kautūhalaṁ hi naḥ

The sages said: "How was Brahma satisfied by that great-souled Trijata? And how was the section of ritual works differentiated by that great soul? Tell us all this in detail, for our curiosity is great."

Verse 31 (skanda.6.115.31)

सूत उवाच। तस्यार्थे ब्राह्मणैः सर्वैस्तोषितः प्रपितामहः। अनेनैवोद्धृतं स्थानमस्माकं सकलं विभो

sūta uvāca tasyārthe brāhmaṇaiḥ sarvaistoṣitaḥ prapitāmahaḥ anenaivoddhṛtaṁ sthānamasmākaṁ sakalaṁ vibho

Suta said: For his sake, all the brahmins together pleased the great grandsire, saying: "O lord, by this man alone was our entire place restored."

Verse 32 (skanda.6.115.32)

तस्मादस्य विभो यच्छ वेदज्ञानमनुतमम्। येन कर्मविशेषाश्च जायतेऽत्र पुरोत्तमे

tasmādasya vibho yaccha vedajñānamanutamam yena karmaviśeṣāśca jāyate'tra purottame

"Therefore, O lord, grant to him unsurpassed knowledge of the Veda, by which special rites may come to exist here in this excellent city."

Verse 33 (skanda.6.115.33)

एतस्य च गुरुत्वं च प्रसादात्तव पद्मज। यथा भवति देवेश तया नीतिर्विधीयताम्

etasya ca gurutvaṁ ca prasādāttava padmaja yathā bhavati deveśa tayā nītirvidhīyatām

"And, O lotus-born, ordain such a means, O lord of gods, by which, through your grace, this man may attain the position of preceptor."

Verse 34 (skanda.6.115.34)

ब्रह्मा ददौ ततस्तस्य मंत्रग्राममनुत्तमम्। येन विज्ञायते सर्वं वेदार्थो यज्ञकर्म च

brahmā dadau tatastasya maṁtragrāmamanuttamam yena vijñāyate sarvaṁ vedārtho yajñakarma ca

Then Brahma gave to him the unsurpassed collection of mantras, by which the entire meaning of the Veda and the rites of sacrifice are known.

Verse 35 (skanda.6.115.35)

ततः प्रोवाच तान्सर्वान्प्रहष्टेनांतरात्मना। एष वेदार्थसंपन्नो भविष्यति महायशाः

tataḥ provāca tānsarvānprahaṣṭenāṁtarātmanā eṣa vedārthasaṁpanno bhaviṣyati mahāyaśāḥ

Then, with a heart filled with joy, he said to all of them: "This man, endowed with the meaning of the Veda, shall become greatly renowned."

Verse 36 (skanda.6.115.36)

भर्तृयज्ञ इति ख्यातो यज्ञकर्मविचक्षणः। यदेव वक्ति युष्माकं क्रियाकांडमशंकितैः

bhartṛyajña iti khyāto yajñakarmavicakṣaṇaḥ yadeva vakti yuṣmākaṁ kriyākāṁḍamaśaṁkitaiḥ

"Known as Bhartriyajna, skilled in the rites of sacrifice, whatever ritual injunction he declares to you, accept it without doubt."

Verse 37 (skanda.6.115.37)

तत्कार्यं स्वर्गमोक्षाय मम वाक्यात्प्रबोधितैः। वेदार्थानेष सर्वेषां युष्माकं योजयिष्यति

tatkāryaṁ svargamokṣāya mama vākyātprabodhitaiḥ vedārthāneṣa sarveṣāṁ yuṣmākaṁ yojayiṣyati

"That is to be performed for the sake of heaven and liberation, as enjoined by my word; he shall establish for all of you the true meaning of the Vedas."

Verse 38 (skanda.6.115.38)

ये चान्येषु च देशेषु स्थानेषु च गताः क्वचित्। एतत्स्थानं परित्यज्य सत्यमेतद्विजोत्तमाः

ye cānyeṣu ca deśeṣu sthāneṣu ca gatāḥ kvacit etatsthānaṁ parityajya satyametadvijottamāḥ

"O best of the twice-born, whoever, having left this place, has gone to other lands or other places — this too is true..."

Verse 39 (skanda.6.115.39)

वेदस्थाने च बुद्ध्यैष यत्कर्म प्रचरिष्यति। नानृते वाथ पापे च वाणी चास्य चरिष्यति

vedasthāne ca buddhyaiṣa yatkarma pracariṣyati nānṛte vātha pāpe ca vāṇī cāsya cariṣyati

"...that whatever rite this man shall establish with wisdom, in the place of the Veda, his word shall never proceed toward falsehood or toward sin."

Verse 40 (skanda.6.115.40)

एवमुक्त्वा स देवेशो विरराम पितामहः। भर्तृयज्ञोऽपि ताः सर्वाश्चक्रे यज्ञक्रियाः शुभाः

evamuktvā sa deveśo virarāma pitāmahaḥ bhartṛyajño'pi tāḥ sarvāścakre yajñakriyāḥ śubhāḥ

Having spoken thus, that lord of gods, the grandsire, fell silent; and Bhartriyajna too performed all those auspicious sacrificial rites.

Verse 41 (skanda.6.115.41)

ब्राह्मणानां हितार्थाय श्रुत्यर्थं तस्य केवलम्। दशप्रमाणाः संप्रोक्ताः सर्वे ते ब्राह्मणोत्तमाः

brāhmaṇānāṁ hitārthāya śrutyarthaṁ tasya kevalam daśapramāṇāḥ saṁproktāḥ sarve te brāhmaṇottamāḥ

For the welfare of the brahmins, purely for the sake of scriptural meaning, all those best of brahmins were declared to be authoritative in ten respects.

Verse 42 (skanda.6.115.42)

चतुःषष्टिषु गोत्रेषु ह्येवं ते ब्राह्मणोत्तमाः। तेन तत्र समानीतास्त्रिजातेन महात्मना

catuḥṣaṣṭiṣu gotreṣu hyevaṁ te brāhmaṇottamāḥ tena tatra samānītāstrijātena mahātmanā

Thus, among the sixty-four gotras, those best of brahmins were brought together there by that great-souled Trijata.

Verse 43 (skanda.6.115.43)

तेषामेकत्र जातानि दशपंचशतानि च। सामान्यभोगमोक्षाणि तानि तेन कृतानि च

teṣāmekatra jātāni daśapaṁcaśatāni ca sāmānyabhogamokṣāṇi tāni tena kṛtāni ca

The fifteen hundred families born among them together were made by him to have common enjoyment and a common path to liberation.

Verse 44 (skanda.6.115.44)

अष्टषष्टिविभागेन पूर्वमायुव्ययोद्भवम्। तत्रासीदथ गोत्रे च पुरुषाणां प्रसंख्यया

aṣṭaṣaṣṭivibhāgena pūrvamāyuvyayodbhavam tatrāsīdatha gotre ca puruṣāṇāṁ prasaṁkhyayā

Formerly, income and expenditure there existed by division among the original sixty-eight families, reckoned by the number of men in each gotra.

Verse 45 (skanda.6.115.45)

ततः प्रभृति सर्वेषां सामान्येन व्यवस्थितम्। त्रिजातस्य च वाक्येन येन दूरादपि द्रुतम्

tataḥ prabhṛti sarveṣāṁ sāmānyena vyavasthitam trijātasya ca vākyena yena dūrādapi drutam

From then on, it was established in common for all, by the word of Trijata, by which, even from afar, swiftly...

Verse 46 (skanda.6.115.46)

समागच्छंति विप्रेन्द्राः पुरवृद्धिः प्रजायते। न कश्चिद्याति संत्यक्त्वा दौस्थ्यादन्यत्र च द्विजाः

samāgacchaṁti viprendrāḥ puravṛddhiḥ prajāyate na kaścidyāti saṁtyaktvā dausthyādanyatra ca dvijāḥ

...lords of brahmins would come there, and the growth of the city took place; and no brahmin, out of hardship, would leave and go elsewhere.

Verse 47 (skanda.6.115.47)

ततस्तेषां सुतैः पौत्रैर्नप्तृभिश्च सहस्रशः। दौहित्रैर्भागिनेयैश्च भूयो भूरि प्रपूरितम्

tatasteṣāṁ sutaiḥ pautrairnaptṛbhiśca sahasraśaḥ dauhitrairbhāgineyaiśca bhūyo bhūri prapūritam

Then, by their sons and grandsons, by their descendants in the thousands, and by their daughters' sons and sisters' sons, it became filled again and again, abundantly.

Verse 48 (skanda.6.115.48)

तत्पुरं वृद्धिमायाति दूर्वांकुरैरिव द्विजाः। कांडात्कांडात्प्ररोहद्भिः संख्याहीनैरनेकधा

tatpuraṁ vṛddhimāyāti dūrvāṁkurairiva dvijāḥ kāṁḍātkāṁḍātprarohadbhiḥ saṁkhyāhīnairanekadhā

O brahmins, that city continued to grow, like durva-grass shoots sprouting innumerably from joint after joint, beyond counting.

Verse 49 (skanda.6.115.49)

सूत उवाच। एतद्वः सर्वमाख्यातं गोत्रसंख्यानकं शुभम्। ऋषीणां कीर्तनं चापि सर्वपातकनाशनम्

sūta uvāca etadvaḥ sarvamākhyātaṁ gotrasaṁkhyānakaṁ śubham ṛṣīṇāṁ kīrtanaṁ cāpi sarvapātakanāśanam

Suta said: All this has been related to you — this auspicious reckoning of the gotras, and this recitation of the sages' names, which destroys every sin.

Verse 50 (skanda.6.115.50)

यश्चैतत्पठते नित्यं शृणुयाद्वा प्रभक्तितः। न स्यात्तस्य कुलच्छेदः कदाचिदपि भूतले

yaścaitatpaṭhate nityaṁ śṛṇuyādvā prabhaktitaḥ na syāttasya kulacchedaḥ kadācidapi bhūtale

Whoever constantly recites this, or hears it with great devotion, his lineage shall never be cut off on this earth.

Verse 51 (skanda.6.115.51)

तथा विमुच्यते पापैराजन्ममरणोद्भवैः। न पश्यति वियोगं च कदाचित्प्रियसंभवम्

tathā vimucyate pāpairājanmamaraṇodbhavaiḥ na paśyati viyogaṁ ca kadācitpriyasaṁbhavam

He is likewise freed from sins arising from birth to death, and he never experiences separation from his loved ones.