The Greatness of Ambarevati Tirtha

Verse 1 (skanda.6.116.1)

सूत उवाच। तथान्यापि च तत्रास्ति सुविख्याताम्बरेवती। देवी कामप्रदा पुंसां बालकानां सुखप्रदा

sūta uvāca tathānyāpi ca tatrāsti suvikhyātāmbarevatī devī kāmapradā puṁsāṁ bālakānāṁ sukhapradā

Suta said: And there, too, is another well-known goddess, Ambarevati, who grants the desires of men and bestows happiness on children.

Verse 2 (skanda.6.116.2)

यां दृष्ट्वा पूजयित्वाऽथ चैत्राष्टम्यां विशेषतः। शुक्लायां नाप्नुयान्मर्त्यः कुटुम्बव्यसनं क्वचित्

yāṁ dṛṣṭvā pūjayitvā'tha caitrāṣṭamyāṁ viśeṣataḥ śuklāyāṁ nāpnuyānmartyaḥ kuṭumbavyasanaṁ kvacit

Beholding and worshipping her, especially on the eighth day of the bright fortnight of Chaitra, a mortal never suffers misfortune in his family.

Verse 3 (skanda.6.116.3)

ऋषय ऊचुः। केन वा स्थापिता तत्र सा देवी चाम्बरेवती। किंप्रभावा किंस्वरूपा सूतपुत्र वदस्व नः

ṛṣaya ūcuḥ kena vā sthāpitā tatra sā devī cāmbarevatī kiṁprabhāvā kiṁsvarūpā sūtaputra vadasva naḥ

The sages said: "By whom was that goddess Ambarevati established there? Of what power, of what form is she — O son of Suta, tell us."

Verse 4 (skanda.6.116.4)

सूत उवाच। यदा शेषेण संदिष्टा नानानागा विषोल्बणाः। पुरस्यास्य विनाशाय क्रोधसंरक्तलोचनाः। तदा तस्य प्रिया सा च पुत्रशोकेन पीडिता

sūta uvāca yadā śeṣeṇa saṁdiṣṭā nānānāgā viṣolbaṇāḥ purasyāsya vināśāya krodhasaṁraktalocanāḥ tadā tasya priyā sā ca putraśokena pīḍitā

Suta said: When various serpents, fiercely venomous, their eyes red with rage, had been commanded by Shesha for the destruction of this city, then his beloved, tormented by grief for her son...

Verse 5 (skanda.6.116.5)

स्वयमेवाग्रतो गत्वा भक्षयामास तं द्विजम्। कुटुम्बेन समायुक्तं येन पुत्रो निपातितः

svayamevāgrato gatvā bhakṣayāmāsa taṁ dvijam kuṭumbena samāyuktaṁ yena putro nipātitaḥ

...herself went ahead of all and devoured that brahmin, together with his family, by whom her son had been struck down.

Verse 6 (skanda.6.116.6)

अथ तस्य द्विजेन्द्रस्य बालवैधव्यसंयुता। अनुजाऽऽसीत्तपोयुक्ता ब्रह्मचर्यकृतक्षणा

atha tasya dvijendrasya bālavaidhavyasaṁyutā anujā''sīttapoyuktā brahmacaryakṛtakṣaṇā

Now, that lord of brahmins had a younger sister, widowed in her childhood, devoted to austerity, her days spent in celibate observance.

Verse 7 (skanda.6.116.7)

सा दृष्ट्वा भक्षितं सर्वं भट्टिकाख्या कुटुम्बकम्। नागपत्न्या ततः प्राह जलमादाय पाणिना

sā dṛṣṭvā bhakṣitaṁ sarvaṁ bhaṭṭikākhyā kuṭumbakam nāgapatnyā tataḥ prāha jalamādāya pāṇinā

She, named Bhattika, seeing her whole family devoured, then, taking water in her hand, spoke to the serpent-wife.

Verse 8 (skanda.6.116.8)

यस्मात्त्वया कुटुम्बं मे नाशं नीतं द्विजिह्वके। दर्शितं च महद्दुःखं मम बन्धुजनोद्भवम्

yasmāttvayā kuṭumbaṁ me nāśaṁ nītaṁ dvijihvake darśitaṁ ca mahadduḥkhaṁ mama bandhujanodbhavam

"Since, O forked-tongued one, you have brought destruction upon my family, and shown me this great grief born of the loss of my kinsmen..."

Verse 9 (skanda.6.116.9)

तथा त्वमपि संप्राप्य मानुषत्वं सुगर्हितम्। मानुषं पतिमासाद्य पुत्रपौत्रानवाप्य च

tathā tvamapi saṁprāpya mānuṣatvaṁ sugarhitam mānuṣaṁ patimāsādya putrapautrānavāpya ca

"...so may you too obtain a most despised human birth, and, having obtained a human husband and having gained sons and grandsons..."

Verse 10 (skanda.6.116.10)

तेषां विनाशजं दुःखं मानुषे त्वमवाप्स्यसि। नागत्वे वर्तमानायाः शापं तेऽमुं ददाम्यहम्

teṣāṁ vināśajaṁ duḥkhaṁ mānuṣe tvamavāpsyasi nāgatve vartamānāyāḥ śāpaṁ te'muṁ dadāmyaham

"...you shall, in human form, suffer the grief born of their destruction. To you, still in your serpent state, I give this curse."

Verse 11 (skanda.6.116.11)

साऽपि श्रुत्वाऽथ तं शापं रेवती भट्टिकोद्भवम्। क्रोधेन महताविष्टा ह्यदशत्तां द्रुतं ततः

sā'pi śrutvā'tha taṁ śāpaṁ revatī bhaṭṭikodbhavam krodhena mahatāviṣṭā hyadaśattāṁ drutaṁ tataḥ

Revati too, hearing that curse issued by Bhattika, seized with great rage, then bit her at once.

Verse 12 (skanda.6.116.12)

अथ तस्यास्तनुं प्राप्य नागीदंष्ट्रा विषोल्बणा। जगाम शतधा नाशं बिभिदे न त्वचं क्वचित्

atha tasyāstanuṁ prāpya nāgīdaṁṣṭrā viṣolbaṇā jagāma śatadhā nāśaṁ bibhide na tvacaṁ kvacit

But upon reaching her body, the serpent's venom-laden fang shattered into a hundred pieces and could not pierce her skin at all.

Verse 13 (skanda.6.116.13)

ततः सा लज्जयाविष्टा स्वरक्तप्लावितानना। विषण्णा निषसादाथ संनिविष्टा धरातले

tataḥ sā lajjayāviṣṭā svaraktaplāvitānanā viṣaṇṇā niṣasādātha saṁniviṣṭā dharātale

Then she, overcome with shame, her face streaming with her own blood, sat down dejected upon the ground.

Verse 14 (skanda.6.116.14)

एतस्मिन्नंतरे नागास्तथान्ये ये समागताः। रेवतीं ते समालोक्य तथारूपां भयान्विताम्। प्रोचुश्च किमिदं देवि तव वक्त्रे रुजास्पदम्

etasminnaṁtare nāgāstathānye ye samāgatāḥ revatīṁ te samālokya tathārūpāṁ bhayānvitām procuśca kimidaṁ devi tava vaktre rujāspadam

Meanwhile, other serpents who had gathered there, seeing Revati in that fearful state, said: "O goddess, what is this affliction upon your face?"

Verse 15 (skanda.6.116.15)

अथवा किं प्रभावोऽयं कस्यचिद्रक्तसंपदः

athavā kiṁ prabhāvo'yaṁ kasyacidraktasaṁpadaḥ

"Or, is this some power belonging to another, this abundance of blood?"

Verse 16 (skanda.6.116.16)

रेवत्युवाच। येयं दुष्टतमा काचिद्दृश्यते दुष्टतापसी। अस्या जातो विकारोऽयं ममास्ये नागसत्तमाः

revatyuvāca yeyaṁ duṣṭatamā kāciddṛśyate duṣṭatāpasī asyā jāto vikāro'yaṁ mamāsye nāgasattamāḥ

Revati said: "O best of serpents, it is because of this most wicked ascetic woman seen here that this affliction has arisen in my mouth."

Verse 17 (skanda.6.116.17)

तस्मादेनां महादुष्टां भगिनीं तस्य दुर्मतेः। येन मे निहतः पुत्रो द्विजपुत्रेण सांप्रतम्

tasmādenāṁ mahāduṣṭāṁ bhaginīṁ tasya durmateḥ yena me nihataḥ putro dvijaputreṇa sāṁpratam

"Therefore this greatly wicked sister of that evil-minded brahmin's son, by whom my son was just now slain..."

Verse 18 (skanda.6.116.18)

भक्ष्यतां भक्ष्यतां शीघ्रं मम नाशाय संस्थिताम्। सांप्रतं मन्मुखे तेन रुधिरं पन्नगोत्तमाः

bhakṣyatāṁ bhakṣyatāṁ śīghraṁ mama nāśāya saṁsthitām sāṁprataṁ manmukhe tena rudhiraṁ pannagottamāḥ

"O best of serpents, let her be devoured, be devoured at once — she who stands here for my ruin, by whom blood now flows in my mouth."

Verse 19 (skanda.6.116.19)

अथ ते पन्नगाः क्रुद्धा ददंशुस्तां तपस्विनीम्। समं सर्वेषु गात्रेषु यथान्या प्राकृता स्त्रियम्

atha te pannagāḥ kruddhā dadaṁśustāṁ tapasvinīm samaṁ sarveṣu gātreṣu yathānyā prākṛtā striyam

Then those serpents, enraged, bit that female ascetic all over her body at once, as they would any ordinary woman.

Verse 20 (skanda.6.116.20)

ततस्तेषामपि तथा मुखाद्दंष्ट्रा विनिर्गताः। रुधिरं च ततो जज्ञे शेषपत्न्या यथा तथा

tatasteṣāmapi tathā mukhāddaṁṣṭrā vinirgatāḥ rudhiraṁ ca tato jajñe śeṣapatnyā yathā tathā

Then, from their mouths too, in just the same way, their fangs shattered, and blood appeared, just as had happened to Shesha's wife.

Verse 21 (skanda.6.116.21)

अथ तस्याः प्रभावं तं दृष्ट्वा ते नागसत्तमाः। शेषा भयपरित्रस्ताः प्रजग्मुश्च दिशो दश

atha tasyāḥ prabhāvaṁ taṁ dṛṣṭvā te nāgasattamāḥ śeṣā bhayaparitrastāḥ prajagmuśca diśo daśa

Then, seeing that power of hers, those best of serpents, terrified with fear, fled in all ten directions.

Verse 22 (skanda.6.116.22)

भट्टिकापि जगामाशु स्वाश्रमं प्रति दुःखिता। भयत्रस्तैः समंताच्च वीक्ष्यमाणा महोरगैः

bhaṭṭikāpi jagāmāśu svāśramaṁ prati duḥkhitā bhayatrastaiḥ samaṁtācca vīkṣyamāṇā mahoragaiḥ

Bhattika too, grieving, quickly went toward her own hermitage, watched on every side by the great, terrified serpents.

Verse 23 (skanda.6.116.23)

ततः सर्वं समालोक्य ताप्यमानं महोरगैः। तत्स्थानं स्वजनैर्मुक्तं दुःखेन महतान्वितैः

tataḥ sarvaṁ samālokya tāpyamānaṁ mahoragaiḥ tatsthānaṁ svajanairmuktaṁ duḥkhena mahatānvitaiḥ

Then, seeing everything tormented by the great serpents, and that place abandoned by her own people, overwhelmed with great sorrow...

Verse 24 (skanda.6.116.24)

जगामान्यत्र सा साध्वी सम्यग्व्रतपरायणा। तीर्थयात्रां प्रकुर्वाणा परिबभ्राम मेदिनीम्

jagāmānyatra sā sādhvī samyagvrataparāyaṇā tīrthayātrāṁ prakurvāṇā paribabhrāma medinīm

...that virtuous woman, devoted wholly to her vows, went elsewhere, undertaking pilgrimage and wandering over the earth.

Verse 25 (skanda.6.116.25)

एवमुद्वासिते स्थाने तस्मिन्सा रेवती तदा। स्मृत्वा तं भट्टिकाशापं दुःखेन महताऽन्विता

evamudvāsite sthāne tasminsā revatī tadā smṛtvā taṁ bhaṭṭikāśāpaṁ duḥkhena mahatā'nvitā

Thus, that place having become desolate, Revati then, remembering that curse of Bhattika, was overcome with great sorrow.

Verse 26 (skanda.6.116.26)

कथं मे मानुषीगर्भे शापाद्वासो भविष्यति। मानुष्येण च कांतेन प्रभविष्यति संगमः

kathaṁ me mānuṣīgarbhe śāpādvāso bhaviṣyati mānuṣyeṇa ca kāṁtena prabhaviṣyati saṁgamaḥ

"How, by this curse, shall I come to dwell in a human womb, and how shall union with a human husband come to pass for me?"

Verse 27 (skanda.6.116.27)

नैतत्पुत्रोद्भवं दुःखं तथा मां बाधते हृदि। यथेदं मानुषे गर्भे संवासो मानुषं प्रति

naitatputrodbhavaṁ duḥkhaṁ tathā māṁ bādhate hṛdi yathedaṁ mānuṣe garbhe saṁvāso mānuṣaṁ prati

"This grief born of the loss of my son does not so trouble my heart, as does this — dwelling in a human womb, in union with a human husband."

Verse 28 (skanda.6.116.28)

तथा दशनसंत्यक्ता कथं भर्तुः स्वमाननम्। दर्शयिष्यामि भूयोऽपि क्षते क्षारोऽत्र मे स्थितः

tathā daśanasaṁtyaktā kathaṁ bhartuḥ svamānanam darśayiṣyāmi bhūyo'pi kṣate kṣāro'tra me sthitaḥ

"And with my fangs now lost, how shall I ever again show my own face to my husband? Here is salt rubbed into my wound."

Verse 29 (skanda.6.116.29)

तस्मात्परिचरिष्यामि क्षेत्रेऽत्रैव व्यवस्थिता। किं करिष्यामि संप्राप्य गृहं पुत्रं विनाकृता

tasmātparicariṣyāmi kṣetre'traiva vyavasthitā kiṁ kariṣyāmi saṁprāpya gṛhaṁ putraṁ vinākṛtā

"Therefore I shall remain settled here in this very field, in service; what shall I do, reaching home again, bereft of my son?"

Verse 30 (skanda.6.116.30)

ततश्चाराधयामास सम्यक्छ्रद्धासमन्विता। अंबिकां सा तदा देवीं स्थापयित्वा सुरेश्वरीम्

tataścārādhayāmāsa samyakchraddhāsamanvitā aṁbikāṁ sā tadā devīṁ sthāpayitvā sureśvarīm

Then, with proper faith, she installed the goddess Ambika, the queen of the gods, and worshipped her.

Verse 31 (skanda.6.116.31)

गन्धपुष्पोपहारेण नैवेद्यैर्विविधैरपि। गीतनृत्यैस्तथा वाद्यैर्मनोहारिभिरेव च

gandhapuṣpopahāreṇa naivedyairvividhairapi gītanṛtyaistathā vādyairmanohāribhireva ca

With offerings of fragrance and flowers, with various oblations, and with charming songs, dances, and music.

Verse 32 (skanda.6.116.32)

ततः कतिपयाहस्य तस्यास्तुष्टा सुरेश्वरी। प्रोवाच वरदाऽस्मीति प्रार्थयस्व हृदि स्थितम्

tataḥ katipayāhasya tasyāstuṣṭā sureśvarī provāca varadā'smīti prārthayasva hṛdi sthitam

Then, after some days, the goddess, queen of the gods, pleased with her, said: "I grant boons; ask for what is fixed in your heart."

Verse 33 (skanda.6.116.33)

रेवत्युवाच। अहं शप्ता पुरा देवि ब्राह्मण्या कारणांतरे। यत्त्वं मानुषमासाद्य स्वयं भूत्वा च मानुषी

revatyuvāca ahaṁ śaptā purā devi brāhmaṇyā kāraṇāṁtare yattvaṁ mānuṣamāsādya svayaṁ bhūtvā ca mānuṣī

Revati said: "O goddess, I was cursed formerly by a brahmin woman, for another reason — that you should obtain a human birth, becoming yourself a human woman."

Verse 34 (skanda.6.116.34)

ततः संप्राप्स्यसि फलं तेषां नाशसमुद्भवम्। महद्दुःखं स्वपुत्रोत्थं मम शापेन पीडिता

tataḥ saṁprāpsyasi phalaṁ teṣāṁ nāśasamudbhavam mahadduḥkhaṁ svaputrotthaṁ mama śāpena pīḍitā

"...that then you should obtain the fruit arising from their destruction — this great grief born of my son's death, I am now afflicted by that curse."

Verse 35 (skanda.6.116.35)

तथा मम मुखाद्दंष्ट्रा संनीताश्च सुरेश्वरि। तेषां च संभवस्तावत्कथं स्यात्त्वत्प्रभावतः

tathā mama mukhāddaṁṣṭrā saṁnītāśca sureśvari teṣāṁ ca saṁbhavastāvatkathaṁ syāttvatprabhāvataḥ

"And likewise, O queen of the gods, my fangs have been taken from my mouth; how, then, might their restoration come about, through your power?"

Verse 36 (skanda.6.116.36)

भवंतु तनया नश्च तथा वंशविवर्धनाः। एतन्मे वांछितं देवि नान्यत्संप्रार्थयाम्यहम्

bhavaṁtu tanayā naśca tathā vaṁśavivardhanāḥ etanme vāṁchitaṁ devi nānyatsaṁprārthayāmyaham

"And may we also have sons who will increase our lineage — this alone, O goddess, is my desire; I ask for nothing else."

Verse 37 (skanda.6.116.37)

देव्युवाच। नात्र वासस्त्वया कार्यः कथंचिदपि शोभने। मनुष्यगर्भसंवासो भर्ता च भविता नरः

devyuvāca nātra vāsastvayā kāryaḥ kathaṁcidapi śobhane manuṣyagarbhasaṁvāso bhartā ca bhavitā naraḥ

The goddess said: "O beautiful one, you need not dwell here in any way at all; dwelling in a human womb and having a human husband are indeed to come to pass."

Verse 38 (skanda.6.116.38)

तस्माच्छृणुष्व मे वाक्यं यत्त्वां वक्ष्यामि सांप्रतम्। दुःखनाशकरं तुभ्यं सत्यं च वरवर्णिनि

tasmācchṛṇuṣva me vākyaṁ yattvāṁ vakṣyāmi sāṁpratam duḥkhanāśakaraṁ tubhyaṁ satyaṁ ca varavarṇini

"Therefore, O fair one, hear now the words I shall speak to you, which are true, and which shall bring an end to your grief."

Verse 39 (skanda.6.116.39)

उत्पत्स्यति न संदेहो देवकार्यप्रसिद्धये। तव भर्ता त्रिलोकेऽस्मिन्कृत्वा मानुषविग्रहम्

utpatsyati na saṁdeho devakāryaprasiddhaye tava bhartā triloke'sminkṛtvā mānuṣavigraham

"Without doubt, for the accomplishment of the gods' purpose, your husband shall be born in this triple world, taking a human form."

Verse 40 (skanda.6.116.40)

तक्षकाख्यस्तथा नागो द्विजशापवशाच्छुभे। सौराष्ट्रविषये राजा रैवताख्यो भविष्यति

takṣakākhyastathā nāgo dvijaśāpavaśācchubhe saurāṣṭraviṣaye rājā raivatākhyo bhaviṣyati

"O auspicious one, the serpent named Takshaka, by force of a brahmin's curse, shall become a king named Raivata, in the country of Saurashtra."

Verse 41 (skanda.6.116.41)

तस्य क्षेमकरी भार्या नामवंशसमुद्भवा। भविष्यति न संदेहो विशिष्टा विप्रशापतः

tasya kṣemakarī bhāryā nāmavaṁśasamudbhavā bhaviṣyati na saṁdeho viśiṣṭā vipraśāpataḥ

"His wife, named Kshemakari, born of that lineage, shall without doubt exist, distinguished on account of a brahmin's curse."

Verse 42 (skanda.6.116.42)

तस्या गर्भं समासाद्य त्वं जन्म समवाप्स्यसि। रामरूपस्य शेषस्य पुनर्भार्या भविष्यसि

tasyā garbhaṁ samāsādya tvaṁ janma samavāpsyasi rāmarūpasya śeṣasya punarbhāryā bhaviṣyasi

"Entering her womb, you shall attain birth; and you shall again become the wife of Shesha, who shall have taken the form of Rama (Balarama)."

Verse 43 (skanda.6.116.43)

तस्मात्त्वं देवि मा शोकं कार्येऽस्मिन्कुरु शोभने। तेन मानुषजे गर्भे संभूतिः संभविष्यति

tasmāttvaṁ devi mā śokaṁ kārye'sminkuru śobhane tena mānuṣaje garbhe saṁbhūtiḥ saṁbhaviṣyati

"Therefore, O beautiful goddess, do not grieve over this matter; by that, your birth in a human womb shall come to pass."

Verse 44 (skanda.6.116.44)

तत्र पश्यसि यन्नाशं स्वकुटुम्बसमुद्भवम्। हिताय तदवस्थायास्तद्भविष्यत्यसंशयम्

tatra paśyasi yannāśaṁ svakuṭumbasamudbhavam hitāya tadavasthāyāstadbhaviṣyatyasaṁśayam

"That destruction of your own family which you have witnessed there shall, without doubt, prove to be for the welfare of that future condition."

Verse 45 (skanda.6.116.45)

ततः परं युगं पापं यतो भीरु भविष्यति। तदूर्ध्वं मर्त्यधर्माणो म्लेच्छाः स्थास्यंति सर्वतः

tataḥ paraṁ yugaṁ pāpaṁ yato bhīru bhaviṣyati tadūrdhvaṁ martyadharmāṇo mlecchāḥ sthāsyaṁti sarvataḥ

"After that, O timid one, a sinful age shall come; thereafter, those of mortal ways and the mlecchas shall be established everywhere."

Verse 46 (skanda.6.116.46)

ततः स्वर्गनिवासार्थं भगवान्देवकीसुतः। संहर्ता स्वकुलं सर्वं स्वयमेव न संशयः

tataḥ svarganivāsārthaṁ bhagavāndevakīsutaḥ saṁhartā svakulaṁ sarvaṁ svayameva na saṁśayaḥ

"Then, for the sake of his return to his heavenly abode, the blessed son of Devaki shall himself, without doubt, bring destruction upon his entire clan."

Verse 47 (skanda.6.116.47)

भविष्यंति पुनर्दंष्ट्रास्तव वक्त्रे मनोरमाः। तस्मात्त्वं गच्छ पातालं स्वभर्ता यत्र तिष्ठति

bhaviṣyaṁti punardaṁṣṭrāstava vaktre manoramāḥ tasmāttvaṁ gaccha pātālaṁ svabhartā yatra tiṣṭhati

"Your lovely fangs shall be restored again in your mouth; therefore go now to Patala, where your own husband dwells."

Verse 48 (skanda.6.116.48)

अन्यच्चापि यदिष्टं ते किंचिच्चित्ते व्यवस्थितम्। तत्कीर्तयस्व कल्याणि महांस्तोषो मम स्थितः

anyaccāpi yadiṣṭaṁ te kiṁciccitte vyavasthitam tatkīrtayasva kalyāṇi mahāṁstoṣo mama sthitaḥ

"And whatever else, O blessed one, may be fixed in your heart as your desire, declare it — my satisfaction with you is great."

Verse 49 (skanda.6.116.49)

रेवत्युवाच। स्थाने स्थेयं सदाऽत्रैव मम नाम्ना सुरेश्वरि। येन मे जायते कीर्तिस्त्रैलोक्ये सचराचरे

revatyuvāca sthāne stheyaṁ sadā'traiva mama nāmnā sureśvari yena me jāyate kīrtistrailokye sacarācare

Revati said: "O queen of the gods, may you always remain here in this place, in my name, by which fame may come to me in these three worlds with all their moving and unmoving beings."

Verse 50 (skanda.6.116.50)

तथाऽहं नागलोकाच्च चतुर्दश्यष्टमीषु च। सदा त्वां पूजयिष्यामि विशेषान्नवमीदिने

tathā'haṁ nāgalokācca caturdaśyaṣṭamīṣu ca sadā tvāṁ pūjayiṣyāmi viśeṣānnavamīdine

"And I, from the world of serpents, shall always worship you on the fourteenth and eighth days, and especially on the ninth day."

Verse 51 (skanda.6.116.51)

आश्विनस्य सिते पक्षे सर्वैर्नागैः समन्विता। प्रपूजां ते विधास्यामि श्रद्धया परया युता

āśvinasya site pakṣe sarvairnāgaiḥ samanvitā prapūjāṁ te vidhāsyāmi śraddhayā parayā yutā

"In the bright fortnight of Ashvina, together with all the serpents, filled with the highest devotion, I shall perform your worship."

Verse 52 (skanda.6.116.52)

तस्मिन्नहनि येऽन्येऽपि पूजां दास्यंति ते नराः। मा पश्यंतु प्रसादात्ते नरास्ते वल्लभक्षयम्

tasminnahani ye'nye'pi pūjāṁ dāsyaṁti te narāḥ mā paśyaṁtu prasādātte narāste vallabhakṣayam

"On that day, whatever other men offer worship to you — by your grace, may those men never witness the loss of their loved ones."

Verse 53 (skanda.6.116.53)

देव्युवाच। एवं भद्रे करिष्यामि वासो मेऽत्र भविष्यति। त्वन्नाम्ना पूजकानां च श्रेयो दास्यामि ते सदा। महानवमिजे चाह्नि विशेषेण शुचिस्मिते

devyuvāca evaṁ bhadre kariṣyāmi vāso me'tra bhaviṣyati tvannāmnā pūjakānāṁ ca śreyo dāsyāmi te sadā mahānavamije cāhni viśeṣeṇa śucismite

The goddess said: "So shall I do, O blessed one; my dwelling shall be here. O pure-smiling one, I shall always grant good fortune to those who worship in your name, especially on the day of Mahanavami."

Verse 54 (skanda.6.116.54)

सूत उवाच। एवमुक्ता तया साऽथ रेवती शेषवल्लभा। जगाम स्वगृहं पश्चाद्धर्षेण महतान्विता

sūta uvāca evamuktā tayā sā'tha revatī śeṣavallabhā jagāma svagṛhaṁ paścāddharṣeṇa mahatānvitā

Suta said: Thus addressed by her, Revati, the beloved of Shesha, filled with great joy, then went to her own home.

Verse 55 (skanda.6.116.55)

ततःप्रभृति सा देवी तस्मिन्क्षेत्रे व्यवस्थिता। तन्नाम्ना कामदा नृणां सर्वव्यसननाशिनी

tataḥprabhṛti sā devī tasminkṣetre vyavasthitā tannāmnā kāmadā nṛṇāṁ sarvavyasananāśinī

From then on, that goddess remained established in that field, under that name, granting desires to men and destroying all misfortune.

Verse 56 (skanda.6.116.56)

अंबा सा कीर्त्यते दुर्गा रेवती सोरगप्रिया। ततः संकीर्त्यते लोके भूतले चांबरेवती

aṁbā sā kīrtyate durgā revatī soragapriyā tataḥ saṁkīrtyate loke bhūtale cāṁbarevatī

She, the Mother, is proclaimed as Durga, beloved together with the serpent Revati; thus, on this earth, she is celebrated in the world as Ambarevati.

Verse 57 (skanda.6.116.57)

यस्तां श्रद्धासमोपेतः शुचिर्भूत्वा प्रपूजयेत्। नवम्यामाश्विने मासि शुक्लपक्षे समाहितः। न स संवत्सरं यावद्व्यसनं स्वकुलोद्भवम्

yastāṁ śraddhāsamopetaḥ śucirbhūtvā prapūjayet navamyāmāśvine māsi śuklapakṣe samāhitaḥ na sa saṁvatsaraṁ yāvadvyasanaṁ svakulodbhavam

Whoever, filled with faith, becoming pure and focused, worships her on the ninth day of the bright fortnight of the month of Ashvina, shall not, for a whole year, suffer misfortune arising in his own family.

Verse 58 (skanda.6.116.58)

दृष्ट्वाग्रे छिद्रकं व्यालयुक्तं दोषैर्विमुच्यते। ग्रहभूतपिशाचोत्थैस्तथान्यैरपि चापदैः

dṛṣṭvāgre chidrakaṁ vyālayuktaṁ doṣairvimucyate grahabhūtapiśācotthaistathānyairapi cāpadaiḥ

Even having beheld beforehand some evil, serpent-caused omen, he is freed from afflictions arising from evil planets, spirits, and demons, and from other calamities as well.