The Glory of Amareshvara

Verse 1 (skanda.6.145.1)

॥ ऋषय ऊचुः ॥ ॥ यत्त्वया कथितं सूत न मृता सा कुमारिका ॥ हता रौद्रप्रहारैश्च कौतुकं तन्महत्तरम्

ṛṣaya ūcuḥ yattvayā kathitaṁ sūta na mṛtā sā kumārikā hatā raudraprahāraiśca kautukaṁ tanmahattaram

The sages said: O Suta, what you have told us — that that maiden, though struck with terrible blows, did not die — this is a matter of great wonder.

Verse 2 (skanda.6.145.2)

यतो भूयः प्रसंजाता योगिनी हरतुष्टिदा ॥ यत्त्वार्थं सर्वमाचक्ष्व कारणं च तदद्भुतम्

yato bhūyaḥ prasaṁjātā yoginī haratuṣṭidā yattvārthaṁ sarvamācakṣva kāraṇaṁ ca tadadbhutam

For she then became a yogini who brought delight to Hara; tell us in full that wondrous reason.

Verse 3 (skanda.6.145.3)

॥ सूत उवाच ॥ ॥ सा प्रविष्टा समं तेन सुपुण्यममरेश्वरम् ॥ माघकृष्णचतुर्दश्यां न मृत्युर्यत्र विद्यते

sūta uvāca sā praviṣṭā samaṁ tena supuṇyamamareśvaram māghakṛṣṇacaturdaśyāṁ na mṛtyuryatra vidyate

Suta said: She had entered, together with him, that most sacred Amareshvara, where, on the fourteenth of the dark half of Magha, death simply does not exist.

Verse 4 (skanda.6.145.4)

अपि चैवायुषः शेषे किमुताकालतो द्विजाः॥ तेन नो निधनं प्राप्ता हतापि सुदृढं तदा

api caivāyuṣaḥ śeṣe kimutākālato dvijāḥ tena no nidhanaṁ prāptā hatāpi sudṛḍhaṁ tadā

O brahmins, if even one whose lifespan has run its course does not die there, how much less one struck before his time? For this very reason, though struck most forcefully, she did not meet death at that time.

Verse 5 (skanda.6.145.5)

॥ ऋषय ऊचुः ॥ अमरेश्वर इत्युक्तो यो देवो ह्यमरत्वदः ॥ केन संस्थापितो ह्यत्र किंप्रभावश्च कीर्तय

ṛṣaya ūcuḥ amareśvara ityukto yo devo hyamaratvadaḥ kena saṁsthāpito hyatra kiṁprabhāvaśca kīrtaya

The sages said: Tell us — by whom was that god known as Amareshvara, the giver of immortality, established here, and what is his power?

Verse 6 (skanda.6.145.6)

॥सूत उवाच ॥ ॥ अदितिश्च दितिश्चैव प्रजापतिसुते शुभे॥ कृते पुरातिरूपाढ्ये कश्यपेन महात्मना

sūta uvāca aditiśca ditiścaiva prajāpatisute śubhe kṛte purātirūpāḍhye kaśyapena mahātmanā

Suta said: In the Krita age, the great soul Kashyapa took as his wives two auspicious, exceedingly beautiful daughters of Prajapati — Aditi and Diti.

Verse 7 (skanda.6.145.7)

अदित्यां विबुधा जाता दितेश्चैव तु दैत्यपाः॥। तेषां सापत्न्यभावेन महद्वैरमुपस्थितम्॥ अथ दैत्यैः सुरा ध्वस्ताः कृताश्चान्ये पराङ्मुखाः ॥ अन्ये तु भयसंत्रस्ता दिशो जग्मुः क्षतांगकाः

adityāṁ vibudhā jātā diteścaiva tu daityapāḥ teṣāṁ sāpatnyabhāvena mahadvairamupasthitam atha daityaiḥ surā dhvastāḥ kṛtāścānye parāṅmukhāḥ anye tu bhayasaṁtrastā diśo jagmuḥ kṣatāṁgakāḥ

From Aditi were born the gods, and from Diti the lords of the daityas; because the two co-wives were rivals, a great enmity arose between them. Then the gods were shattered by the daityas — some were turned back, while others, terrified, with wounded limbs, fled in every direction.

Verse 8 (skanda.6.145.8)

ततो दुःखसमायुक्ता देवमातात्र संस्थिता ॥ तपश्चक्रे दिवानक्तं शिवध्यानपरायणा

tato duḥkhasamāyuktā devamātātra saṁsthitā tapaścakre divānaktaṁ śivadhyānaparāyaṇā

Then the mother of the gods, filled with sorrow, came and settled here, and, day and night devoted to meditation on Shiva, performed austerity.

Verse 9 (skanda.6.145.9)

एवं तस्यास्तपःस्थाया गते युगचतुष्टये ॥ निर्भिद्य धरणीपृष्ठं शिवलिंगं समुत्थितम्

evaṁ tasyāstapaḥsthāyā gate yugacatuṣṭaye nirbhidya dharaṇīpṛṣṭhaṁ śivaliṁgaṁ samutthitam

Thus, while she remained in austerity, four ages passed, and then, splitting open the surface of the earth, a Shiva-linga arose.

Verse 10 (skanda.6.145.10)

ततस्तस्मै कृतानन्दा स्तुत्वा स्तोत्रैः पृथग्विधैः ॥ अष्टांगप्रणिपातेन नमश्चक्रे समाहिता

tatastasmai kṛtānandā stutvā stotraiḥ pṛthagvidhaiḥ aṣṭāṁgapraṇipātena namaścakre samāhitā

Then, filled with joy, she praised it with various hymns, and, single-mindedly, bowed to it with a prostration of eight limbs.

Verse 11 (skanda.6.145.11)

एतस्मिन्नंतरे वाणी संजाता गगनांगणे ॥ शरीररहिता दिव्या मेघगम्भीरनिःस्वना

etasminnaṁtare vāṇī saṁjātā gaganāṁgaṇe śarīrarahitā divyā meghagambhīraniḥsvanā

Meanwhile, in the expanse of the sky, a divine, disembodied voice arose, its sound as deep as thunder.

Verse 12 (skanda.6.145.12)

वरं प्रार्थय कल्याणि यस्ते हृदि व्यवस्थितः ॥ प्रसन्नोऽहं प्रदास्यामि तवाद्य शशिशेखरः

varaṁ prārthaya kalyāṇi yaste hṛdi vyavasthitaḥ prasanno'haṁ pradāsyāmi tavādya śaśiśekharaḥ

The voice said: O auspicious one, ask for whatever boon lies in your heart; I, Shashishekhara, am pleased with you and shall grant it to you today.

Verse 13 (skanda.6.145.13)

॥ अदितिरुवाच ॥ ॥ मम पुत्राः सुरश्रेष्ठ हन्यन्ते युधि दानवैः॥ तत्कुरुष्व गतायासानवध्यान्रणमूर्धनि

aditiruvāca mama putrāḥ suraśreṣṭha hanyante yudhi dānavaiḥ tatkuruṣva gatāyāsānavadhyānraṇamūrdhani

Aditi said: O best of gods, my sons are being slain in battle by the danavas; therefore grant that they become invincible on the field of war, freed from all exhaustion.

Verse 14 (skanda.6.145.14)

॥ श्रीभगवानुवाच ॥ ॥ एतल्लिंगं मदीयं ये स्पृष्ट्वा यास्यंति संयुगे ॥ अवध्यास्ते भविष्यन्ति यावत्संवत्सरं शुभे

śrībhagavānuvāca etalliṁgaṁ madīyaṁ ye spṛṣṭvā yāsyaṁti saṁyuge avadhyāste bhaviṣyanti yāvatsaṁvatsaraṁ śubhe

The Blessed Lord said: O auspicious one, whoever, having touched this my linga, goes into battle, shall remain invincible for a full year.

Verse 15 (skanda.6.145.15)

अन्योऽपि मानवो योऽत्र चतुर्दश्यां समाहितः ॥ माघमासस्य कृष्णायां प्रकरिष्यति जागरम्

anyo'pi mānavo yo'tra caturdaśyāṁ samāhitaḥ māghamāsasya kṛṣṇāyāṁ prakariṣyati jāgaram

And any other man too who, on the fourteenth of the dark half of the month of Magha, keeps a devoted vigil here,

Verse 16 (skanda.6.145.16)

सोऽपि संवत्सरं यावद्भविष्यति निरामयः ॥ अपि मृत्युदिने प्राप्ते योऽस्मिन्नायतने शुभे

so'pi saṁvatsaraṁ yāvadbhaviṣyati nirāmayaḥ api mṛtyudine prāpte yo'sminnāyatane śubhe

he too shall remain free from disease for a year; and even one whose day of death has already come, if he — in this auspicious sanctuary —

Verse 17 (skanda.6.145.17)

आगमिष्यति तं मृत्युर्दूरात्परिहरिष्यति ॥ एवमुक्त्वाथ सा वाणी विरराम ततः परम्

āgamiṣyati taṁ mṛtyurdūrātparihariṣyati evamuktvātha sā vāṇī virarāma tataḥ param

shall come here, death shall turn away from him even from afar. Having said this, that voice thereafter fell silent.

Verse 18 (skanda.6.145.18)

अदितिश्चापि सन्तुष्टा हतशेषान्सुतांस्ततः ॥ समानीयाथ तल्लिंगं तेषामेव न्यदर्शयत् ॥ कथयामास तत्सर्वं माहात्म्यं यद्वरोदितम्

aditiścāpi santuṣṭā hataśeṣānsutāṁstataḥ samānīyātha talliṁgaṁ teṣāmeva nyadarśayat kathayāmāsa tatsarvaṁ māhātmyaṁ yadvaroditam

Satisfied, Aditi then summoned her sons who had survived the slaughter, showed them that linga, and related to them all the greatness that had been declared in the boon.

Verse 19 (skanda.6.145.19)

ततस्ते विबुधाः सर्वे तल्लिंगं प्रणिपत्य च ॥ प्रतिजग्मुस्तुष्टियुक्ताः शस्त्राण्यादाय तान्प्रति

tataste vibudhāḥ sarve talliṁgaṁ praṇipatya ca pratijagmustuṣṭiyuktāḥ śastrāṇyādāya tānprati

Thereafter all those gods, bowing to that linga, joyfully took up their weapons and set out once more against those danavas.

Verse 20 (skanda.6.145.20)

यत्र ते दानवा हृष्टाः स्थिताः शक्रपदे शुभे ॥ स्वर्गभोगसमायुक्ता नन्दनांतर्व्यवस्थिताः

yatra te dānavā hṛṣṭāḥ sthitāḥ śakrapade śubhe svargabhogasamāyuktā nandanāṁtarvyavasthitāḥ

There, where those danavas sat delighted upon Indra's auspicious throne, enjoying the pleasures of heaven, established within the Nandana grove.

Verse 21 (skanda.6.145.21)

अथ ते दानवा दृष्ट्वा संप्राप्तांस्त्रिदिवौकसः ॥ सहसा संगरार्थाय नानाशस्त्रधरान्बहून्

atha te dānavā dṛṣṭvā saṁprāptāṁstridivaukasaḥ sahasā saṁgarārthāya nānāśastradharānbahūn

Then those danavas, seeing the celestial dwellers suddenly arrived for battle in great numbers, bearing various weapons,

Verse 22 (skanda.6.145.22)

रथवर्यान्समारुह्य धृतशस्त्रास्त्रवर्मणः ॥ युद्धार्थं सम्मुखा जग्मुर्गर्जमाना घना इव

rathavaryānsamāruhya dhṛtaśastrāstravarmaṇaḥ yuddhārthaṁ sammukhā jagmurgarjamānā ghanā iva

mounted upon splendid chariots, arming themselves with weapons and armor, advanced to face them for battle, roaring like storm clouds.

Verse 23 (skanda.6.145.23)

ततः समभवद्युद्धं देवानां दानवैः सह ॥ रोषप्रेरितचित्तानां मृत्युं कृत्वा निवर्तनम्

tataḥ samabhavadyuddhaṁ devānāṁ dānavaiḥ saha roṣapreritacittānāṁ mṛtyuṁ kṛtvā nivartanam

Then war broke out between the gods and the danavas; for those whose minds were driven by fury, death alone was the retreat.

Verse 24 (skanda.6.145.24)

ततस्ते विबुधाः सर्वे हरलब्धवरास्तदा ॥ जघ्नुर्दैत्यानसंख्याताच्छितैः शस्त्रैरनेकधा

tataste vibudhāḥ sarve haralabdhavarāstadā jaghnurdaityānasaṁkhyātācchitaiḥ śastrairanekadhā

Then all those gods, having obtained the boon from Hara, began to slay the innumerable daityas in many ways with sharp weapons.

Verse 25 (skanda.6.145.25)

हतशेषाश्च ये तेषां ते त्यक्त्वा त्रिदशालयम् ॥ पलायनकृतोत्साहाः प्रविष्टा मकरालयम्

hataśeṣāśca ye teṣāṁ te tyaktvā tridaśālayam palāyanakṛtotsāhāḥ praviṣṭā makarālayam

Those among them who survived the slaughter, abandoning the abode of the gods, intent upon flight, entered the ocean, abode of sea-monsters.

Verse 26 (skanda.6.145.26)

ततः शक्रः समापेदे स्वराज्यं दानवैर्हृतम् ॥ यदासीत्पूर्वकाले तत्समग्रं हतकण्टकम्

tataḥ śakraḥ samāpede svarājyaṁ dānavairhṛtam yadāsītpūrvakāle tatsamagraṁ hatakaṇṭakam

Then Indra regained his own kingdom, which had been seized by the danavas, whole again and free of all thorns, just as it had been before.

Verse 27 (skanda.6.145.27)

ततस्ते दानवाः शेषा ज्ञात्वा तल्लिंगसंभवम् ॥ माहात्म्यं वृषनाथस्य क्षेत्रस्यास्योद्भवस्य च

tataste dānavāḥ śeṣā jñātvā talliṁgasaṁbhavam māhātmyaṁ vṛṣanāthasya kṣetrasyāsyodbhavasya ca

Thereafter, those remaining danavas, having learned of the origin of that linga of the Bull-Lord, and the greatness of the arising of that field —

Verse 28 (skanda.6.145.28)

शुक्रेण कथितं सर्वं माघकृष्णे निशागमे ॥ चतुर्दश्यां शुचिर्भूत्वा यस्तल्लिंगं प्रपूजयेत् ॥ कालाघ्रातोऽपि न प्राणैः स पुमांस्त्यज्यते क्वचित्

śukreṇa kathitaṁ sarvaṁ māghakṛṣṇe niśāgame caturdaśyāṁ śucirbhūtvā yastalliṁgaṁ prapūjayet kālāghrāto'pi na prāṇaiḥ sa pumāṁstyajyate kvacit

all this being told to them by Shukra — that whoever, having purified himself, worships that linga on the night of the fourteenth of dark Magha, even if approached by death, is never deprived of his life.

Verse 29 (skanda.6.145.29)

तस्माद्यूयं समासाद्य तल्लिंगं तद्दिने निशि ॥ पूजयध्वं महाभागा येन स्युर्मृत्युवर्जिताः

tasmādyūyaṁ samāsādya talliṁgaṁ taddine niśi pūjayadhvaṁ mahābhāgā yena syurmṛtyuvarjitāḥ

Shukra said: Therefore, O blessed ones, you too, going to that linga on the night of that day, should worship it, so that you may become free of death.

Verse 30 (skanda.6.145.30)

यावत्संवत्सरस्यातं सत्यमेतन्मयोदितम् ॥ यथा ते देवसंघाश्च तत्प्रभावादसंशयम्

yāvatsaṁvatsarasyātaṁ satyametanmayoditam yathā te devasaṁghāśca tatprabhāvādasaṁśayam

This I have spoken truly — that by its power, just as those hosts of gods remained so, you too, without doubt, shall remain so until the end of the year.

Verse 31 (skanda.6.145.31)

अथ तं दानवेन्द्राणां मंत्रं ज्ञात्वा सुरेश्वरः ॥ नारदाद्ब्राह्मणः पुत्राद्भयत्रस्तमनास्ततः

atha taṁ dānavendrāṇāṁ maṁtraṁ jñātvā sureśvaraḥ nāradādbrāhmaṇaḥ putrādbhayatrastamanāstataḥ

Then, learning of that counsel of the lords of the danavas from the brahmin's son Narada, the lord of the gods became fearful in mind.

Verse 32 (skanda.6.145.32)

मंत्रं चक्रे समं देवैस्तत्र देवस्य रक्षणे ॥ यथा स्यादुद्यमः सम्यक्तस्मिन्नहनि सर्वदा

maṁtraṁ cakre samaṁ devaistatra devasya rakṣaṇe yathā syādudyamaḥ samyaktasminnahani sarvadā

He took counsel with the gods regarding the protection of that god-linga, so that on that day a proper effort might always be made.

Verse 33 (skanda.6.145.33)

कोटयस्तु त्रयस्त्रिंशद्देवानां सायुधास्ततः ॥ रक्षार्थं तस्य लिंगस्य तस्मिन्क्षेत्रे व्यवस्थिताः ॥ माघकृष्णचतुर्दश्यां सुसंनद्धाः प्रहारिणः

koṭayastu trayastriṁśaddevānāṁ sāyudhāstataḥ rakṣārthaṁ tasya liṁgasya tasminkṣetre vyavasthitāḥ māghakṛṣṇacaturdaśyāṁ susaṁnaddhāḥ prahāriṇaḥ

Thereafter, thirty-three crore gods, armed, stationed themselves in that field to protect that linga, fully prepared and ready to strike, on the fourteenth of dark Magha.

Verse 34 (skanda.6.145.34)

अथ ते दानवा दृष्ट्वा तान्देवांस्तत्र संस्थितान् ॥ भयसंत्रस्तमनसो दुद्रुवुः सर्वतो दिशम्

atha te dānavā dṛṣṭvā tāndevāṁstatra saṁsthitān bhayasaṁtrastamanaso dudruvuḥ sarvato diśam

Then those danavas, seeing the gods stationed there, their minds terrified with fear, fled in every direction.

Verse 35 (skanda.6.145.35)

अथ प्रभाते विमले प्रोद्गते रविमण्डले ॥ भूय एव सुराः सर्वे मंत्रं चक्रुः परस्परम्

atha prabhāte vimale prodgate ravimaṇḍale bhūya eva surāḥ sarve maṁtraṁ cakruḥ parasparam

Then, when the clear dawn came and the orb of the sun rose, all the gods once more took counsel among themselves.

Verse 36 (skanda.6.145.36)

यद्येतत्क्षेत्रमुत्सृज्य गमिष्यामः सुरालयम् ॥ लिंगमेतत्समभ्येत्य पूजयिष्यंति दानवाः

yadyetatkṣetramutsṛjya gamiṣyāmaḥ surālayam liṁgametatsamabhyetya pūjayiṣyaṁti dānavāḥ

They said: If we abandon this field and go back to the abode of the gods, the danavas will come and worship this linga,

Verse 37 (skanda.6.145.37)

ततोऽवध्या भविष्यंति तेऽपि सर्वे यथा वयम् ॥ तस्मादत्रैव तिष्ठामस्त्रयस्त्रिंशत्प्रनायकाः

tato'vadhyā bhaviṣyaṁti te'pi sarve yathā vayam tasmādatraiva tiṣṭhāmastrayastriṁśatpranāyakāḥ

and then they too shall become invincible, even as we are; therefore we thirty-three chief leaders shall remain here itself.

Verse 38 (skanda.6.145.38)

कोटीनामेव सर्वेषां शेषा गच्छन्तु तत्र च ॥ सहस्राक्षेण संयुक्ताः स्वर्गे स्वपररक्षकाः

koṭīnāmeva sarveṣāṁ śeṣā gacchantu tatra ca sahasrākṣeṇa saṁyuktāḥ svarge svapararakṣakāḥ

Let the rest of all the crores of gods, together with Sahasraksha (Indra), go to heaven, to guard themselves and others there.

Verse 39 (skanda.6.145.39)

ततोऽष्टौ वसवस्तत्र द्वादशार्कास्तथैव च ॥ एकादशापरे रुद्रा नासत्यौ द्वौ च सुन्दरौ

tato'ṣṭau vasavastatra dvādaśārkāstathaiva ca ekādaśāpare rudrā nāsatyau dvau ca sundarau

Then the eight Vasus, and likewise the twelve Adityas, and the eleven Rudras, and the two beautiful Nasatyas (Ashvins) —

Verse 40 (skanda.6.145.40)

एते तल्लिंगरक्षार्थं तस्मिन्क्षेत्रे व्यवस्थिताः॥ शेषाः शक्रसमायुक्ताः प्रजग्मुस्त्रिदशालयम्

ete talliṁgarakṣārthaṁ tasminkṣetre vyavasthitāḥ śeṣāḥ śakrasamāyuktāḥ prajagmustridaśālayam

these remained stationed in that field for the protection of that linga; the rest, together with Indra, went to the abode of the gods.

Verse 41 (skanda.6.145.41)

॥ सूत उवाच ॥ ॥ एवं प्रभावं लिंगं तु देवदेवस्य शूलिनः ॥ भवद्भिः परिपृष्टं यददित्या स्थापितं पुरा

sūta uvāca evaṁ prabhāvaṁ liṁgaṁ tu devadevasya śūlinaḥ bhavadbhiḥ paripṛṣṭaṁ yadadityā sthāpitaṁ purā

Suta said: Thus that linga of the trident-bearing god of gods, about which you have asked me, is of such power — that linga which was established long ago by Aditi.

Verse 42 (skanda.6.145.42)

यस्मान्न विद्यते मृत्युस्तेन दृष्टेन देहिनाम् ॥ अमराख्यं ततो लिंगं विख्यातं भुवनत्रये

yasmānna vidyate mṛtyustena dṛṣṭena dehinām amarākhyaṁ tato liṁgaṁ vikhyātaṁ bhuvanatraye

Since death does not come to embodied beings who behold it, that linga became renowned throughout the three worlds by the name "Amara" (the deathless).

Verse 43 (skanda.6.145.43)

यस्मिन्देशेऽपि सा कन्या हता तेन द्विजन्मना ॥ जाबालिना सुक्रुद्धेन तस्य देवस्य मंदिरे

yasmindeśe'pi sā kanyā hatā tena dvijanmanā jābālinā sukruddhena tasya devasya maṁdire

And the place where that maiden was struck by that greatly enraged twice-born Jabali was within the very temple of that god.

Verse 44 (skanda.6.145.44)

आसीत्तत्र दिने कृष्णा माघमास चतुर्दशी ॥ तेन नो निधनं प्राप्ता सुहताऽपि तपस्विनी

āsīttatra dine kṛṣṇā māghamāsa caturdaśī tena no nidhanaṁ prāptā suhatā'pi tapasvinī

That day was the fourteenth of the dark half of Magha; for this reason that ascetic maiden, though struck most severely, did not meet death.

Verse 45 (skanda.6.145.45)

एतद्वः सर्वमाख्यातं तस्य लिंगस्य सम्भवम् ॥ माहात्म्यं ब्राह्मणश्रेष्ठाः सर्वपातकनाशनम्

etadvaḥ sarvamākhyātaṁ tasya liṁgasya sambhavam māhātmyaṁ brāhmaṇaśreṣṭhāḥ sarvapātakanāśanam

O best of brahmins, this entire account of that linga's origin — a greatness that destroys all sins — has now been told to you.

Verse 46 (skanda.6.145.46)

यश्चैतत्पठते भक्त्या तस्य लिंगस्य संनिधौ ॥ अपमृत्युभयं तस्य कथंचिन्नैव जायते

yaścaitatpaṭhate bhaktyā tasya liṁgasya saṁnidhau apamṛtyubhayaṁ tasya kathaṁcinnaiva jāyate

Whoever reads this with devotion in the presence of that linga never in any way experiences fear of untimely death.

Verse 47 (skanda.6.145.47)

तस्याग्रेऽस्ति शुभं कुण्डं पूरितं स्वच्छवारिणा । अदित्या निर्मितं देव्या स्नानार्थं चात्मनः कृते

tasyāgre'sti śubhaṁ kuṇḍaṁ pūritaṁ svacchavāriṇā adityā nirmitaṁ devyā snānārthaṁ cātmanaḥ kṛte

In front of it lies an auspicious pool, filled with clear water, which was made by the goddess Aditi for her own bathing.

Verse 48 (skanda.6.145.48)

स्नानं कृत्वा नरस्तस्मिन्यस्तल्लिंगं प्रपश्यति ॥ करोति जागरं रात्रौ तस्मिन्नेव दिनेदिने ॥ सोऽद्यापि वत्सरं यावन्नापमृत्युमवाप्नुयात्

snānaṁ kṛtvā narastasminyastalliṁgaṁ prapaśyati karoti jāgaraṁ rātrau tasminneva dinedine so'dyāpi vatsaraṁ yāvannāpamṛtyumavāpnuyāt

Whoever bathes there and beholds that linga, and keeps vigil that same night, even today does not meet an untimely death for a full year.