The Glory of Brahma

Verse 1 (skanda.7.105.1)

ईश्वर उवाच। अथान्यत्संप्रवक्ष्यामि रहस्यं स्थानमुत्तमम्। सर्वपापहरं नृणां विस्तरात्कथयामि ते॥

īśvara uvāca| athānyatsaṁpravakṣyāmi rahasyaṁ sthānamuttamam| sarvapāpaharaṁ nṛṇāṁ vistarātkathayāmi te||

Ishvara said: Now I shall tell you of another secret and excellent place, which removes all the sins of men; I shall relate it to you in detail.

Verse 2 (skanda.7.105.2)

प्रधानदेवमाहात्म्यं माहात्म्यं कल्पवासिनाम्। सोमेशो दैत्यहंता च बालरूपी पितामहः॥

pradhānadevamāhātmyaṁ māhātmyaṁ kalpavāsinām| someśo daityahaṁtā ca bālarūpī pitāmahaḥ||

This is the glory of the chief gods, the glory of those who dwell there for a kalpa — Somesha, the Slayer of Daityas (Vishnu), and the Grandsire (Brahma) in the form of a child.

Verse 3 (skanda.7.105.3)

अर्कस्थलस्तथादित्यः प्रभासः शशिभूषणः। एते षट्प्रवरा देवाः क्षेत्रे प्राभासिके स्थिताः॥

arkasthalastathādityaḥ prabhāsaḥ śaśibhūṣaṇaḥ| ete ṣaṭpravarā devāḥ kṣetre prābhāsike sthitāḥ||

Arkasthala, Aditya, Prabhasa, and Shashibhushana (Shiva) — these six foremost deities are established in the Prabhasa field.

Verse 4 (skanda.7.105.4)

तेषां दर्शनमात्रेण कृतकृत्यः प्रजायते। मुच्यते पातकैर्घोरैराजन्मजनितैर्ध्रुवम्॥

teṣāṁ darśanamātreṇa kṛtakṛtyaḥ prajāyate| mucyate pātakairghorairājanmajanitairdhruvam||

By the mere sight of them, one becomes fulfilled in purpose, and is surely freed from the terrible sins accumulated since birth.

Verse 5 (skanda.7.105.5)

देव्युवाच। पूर्वेषामुक्तदेवानां माहात्म्यं कथितं त्वया। प्रभासे बालरूपीति यत्प्रोक्तं तत्कथं वचः॥

devyuvāca| pūrveṣāmuktadevānāṁ māhātmyaṁ kathitaṁ tvayā| prabhāse bālarūpīti yatproktaṁ tatkathaṁ vacaḥ||

The Devi said: You have told the glory of the gods mentioned earlier. But what does it mean when you say that in Prabhasa he is 'in the form of a child'?

Verse 6 (skanda.7.105.6)

अन्येषु सर्व स्थानेषु वृद्धरूपी पितामहः। कथं च समनुप्राप्तो माहात्म्यं तस्य किं स्मृतम्॥

anyeṣu sarva sthāneṣu vṛddharūpī pitāmahaḥ| kathaṁ ca samanuprāpto māhātmyaṁ tasya kiṁ smṛtam||

In all other places, the Grandsire is in the form of an old man. How did he come to be here, and what is his glory recounted to be?

Verse 7 (skanda.7.105.7)

कथं स पूज्यो देवेश यात्रा कार्या कथं नृभिः। एतद्विस्तरतो ब्रूहि प्रसन्नो यदि मे प्रभो॥

kathaṁ sa pūjyo deveśa yātrā kāryā kathaṁ nṛbhiḥ| etadvistarato brūhi prasanno yadi me prabho||

O Lord of gods, how is he to be worshipped, and how should men undertake pilgrimage to him? O Lord, if you are pleased with me, tell this in full.

Verse 8 (skanda.7.105.8)

ईश्वर उवाच। शृणु देवि प्रवक्ष्यामि माहात्म्यं ब्रह्मसम्भवम्। यस्य श्रवणमात्रेण मुच्यते सर्वपातकैः॥

īśvara uvāca| śṛṇu devi pravakṣyāmi māhātmyaṁ brahmasambhavam| yasya śravaṇamātreṇa mucyate sarvapātakaiḥ||

Ishvara said: Listen, O Devi, I shall relate the glory connected with Brahma, by merely hearing which one is freed from all sins.

Verse 9 (skanda.7.105.9)

नास्ति ब्रह्मसमो देवो नास्ति ब्रह्मसमो गुरुः। नास्ति ब्रह्मसमं ज्ञानं नास्ति ब्रह्मसमं तपः॥

nāsti brahmasamo devo nāsti brahmasamo guruḥ| nāsti brahmasamaṁ jñānaṁ nāsti brahmasamaṁ tapaḥ||

There is no god equal to Brahma, no teacher equal to Brahma; there is no knowledge equal to Brahma, no austerity equal to Brahma.

Verse 10 (skanda.7.105.10)

तावद्धमंति संसारे दुःखशोकभयप्लुताः। न भवंति सुरज्येष्ठे यावद्भक्ताः पितामहे॥

tāvaddhamaṁti saṁsāre duḥkhaśokabhayaplutāḥ| na bhavaṁti surajyeṣṭhe yāvadbhaktāḥ pitāmahe||

So long as they do not become devotees of the Grandsire, chief among the gods, beings wander in this world submerged in sorrow, grief, and fear.

Verse 11 (skanda.7.105.11)

समासक्तं यथा चित्तं जन्तोर्विषयगोचरे। यद्येवं ब्रह्मणि न्यस्तं को न मुच्येत बंधनात्॥

samāsaktaṁ yathā cittaṁ jantorviṣayagocare| yadyevaṁ brahmaṇi nyastaṁ ko na mucyeta baṁdhanāt||

Just as a creature's mind is deeply attached to sense-objects — if it were likewise fixed upon Brahma, who would not be freed from bondage?

Verse 12 (skanda.7.105.12)

देव्युवाच। एवं माहात्म्यसंयुक्तो यदि ब्रह्मा जगद्गुरुः। प्राभासिके महातीर्थे कस्मिन्स्थाने तु संस्थितः॥

devyuvāca| evaṁ māhātmyasaṁyukto yadi brahmā jagadguruḥ| prābhāsike mahātīrthe kasminsthāne tu saṁsthitaḥ||

The Devi said: If Brahma, the teacher of the world, is thus endowed with such glory, in what place within the great Prabhasa tirtha is he established?

Verse 13 (skanda.7.105.13)

किमर्थमागतस्तत्र कस्मिन्काले सुरोत्तमः। कथं स पूज्यो विप्रेंद्रैस्तिथौ कस्यां क्रमाद्वद॥

kimarthamāgatastatra kasminkāle surottamaḥ| kathaṁ sa pūjyo vipreṁdraistithau kasyāṁ kramādvada||

For what purpose, and at what time, did that best of gods come there? How, and on which lunar day, is he worshipped by the foremost Brahmins? Tell this in order.

Verse 14 (skanda.7.105.14)

ईश्वर उवाच। सोमनाथस्य ऐशान्यां सांबादित्याग्निगोचरे। ब्रह्मणः परमं स्थानं ब्रह्मलोक इवापरः॥

īśvara uvāca| somanāthasya aiśānyāṁ sāṁbādityāgnigocare| brahmaṇaḥ paramaṁ sthānaṁ brahmaloka ivāparaḥ||

Ishvara said: In the northeast of Somanatha, near Sambaditya and Agni, is the supreme abode of Brahma — as if a second Brahmaloka.

Verse 15 (skanda.7.105.15)

तिष्ठते कल्पसंस्था वै तत्र कल्पांतवासिनः। तत्र स्थाने स्थितो देवि बालरूपी पितामहः॥

tiṣṭhate kalpasaṁsthā vai tatra kalpāṁtavāsinaḥ| tatra sthāne sthito devi bālarūpī pitāmahaḥ||

There, those who dwell for the duration of a kalpa remain established for that kalpa. O Devi, in that very place the Grandsire abides in the form of a child.

Verse 16 (skanda.7.105.16)

जगत्प्रभुर्लोककर्ता सत्त्वमूर्तिर्महाप्रभः। आगतश्चाष्टवर्षस्तु क्षेत्रे प्राभासिके शुभे॥

jagatprabhurlokakartā sattvamūrtirmahāprabhaḥ| āgataścāṣṭavarṣastu kṣetre prābhāsike śubhe||

The lord of the world, the creator of the worlds, embodiment of sattva, of great splendour, came to this auspicious Prabhasa field in the form of an eight-year-old child.

Verse 17 (skanda.7.105.17)

तत्राऽकरोत्तपो घोरं दिव्याब्दानां सहस्रकम्। संस्थाप्य तु महालिंगं सिसृक्षुर्विविधाः प्रजाः॥

tatrā'karottapo ghoraṁ divyābdānāṁ sahasrakam| saṁsthāpya tu mahāliṁgaṁ sisṛkṣurvividhāḥ prajāḥ||

There he performed fierce austerities for a thousand divine years, and, desiring to create manifold beings, he established a great linga.

Verse 18 (skanda.7.105.18)

ततः कालांतरेतीते सोमेन प्रार्थितो विभुः। क्षयरोगविमुक्तेन सम्यक्छ्रद्धान्वितेन वै॥

tataḥ kālāṁtaretīte somena prārthito vibhuḥ| kṣayarogavimuktena samyakchraddhānvitena vai||

Then, after some time had passed, the all-pervading Lord was entreated by Soma (the Moon), who had been freed from his wasting disease and was filled with true faith.

Verse 19 (skanda.7.105.19)

लिंगप्रतिष्ठाहेतोर्वै क्षेत्रे प्राभासिके शुभे। कोटिब्रह्मर्षिभिः सार्द्धं सहितो विश्वकर्मणा। कारयामास विधिवत्प्रतिष्ठां लिंगमुत्तमम्॥

liṁgapratiṣṭhāhetorvai kṣetre prābhāsike śubhe| koṭibrahmarṣibhiḥ sārddhaṁ sahito viśvakarmaṇā| kārayāmāsa vidhivatpratiṣṭhāṁ liṁgamuttamam||

For the sake of establishing the linga in the auspicious Prabhasa field, accompanied by a crore of Brahmarshis and together with Vishvakarma, he had that excellent linga duly consecrated.

Verse 20 (skanda.7.105.20)

प्रतिष्ठाप्य ततो लिंगं सोमनाथं वरानने। दापयामास विप्रेभ्यो भूरिशो यज्ञदक्षिणाम्॥

pratiṣṭhāpya tato liṁgaṁ somanāthaṁ varānane| dāpayāmāsa viprebhyo bhūriśo yajñadakṣiṇām||

O fair-faced one, having had the Somanatha linga consecrated, he caused abundant sacrificial fees to be given to the Brahmins.

Verse 21 (skanda.7.105.21)

एवं प्रतिष्ठितं लिंगं ब्रह्मणा लोककर्तृणा। वर्षाणि चात्र जातानि प्रभासे बालरूपिणः॥

evaṁ pratiṣṭhitaṁ liṁgaṁ brahmaṇā lokakartṛṇā| varṣāṇi cātra jātāni prabhāse bālarūpiṇaḥ||

Thus was that linga consecrated by Brahma, the maker of worlds; and since then many years have passed for him in the form of a child at Prabhasa.

Verse 22 (skanda.7.105.22)

चत्वारिंशद्वयं चैव क्षेत्रमध्यनिवासिनः। एवं परार्द्धमगमत्प्रभासक्षेत्रवासिनः॥

catvāriṁśadvayaṁ caiva kṣetramadhyanivāsinaḥ| evaṁ parārddhamagamatprabhāsakṣetravāsinaḥ||

Dwelling in the midst of that field, forty-two of his years thus passed; and thus a parardha (half of Brahma's lifespan) elapsed for him who dwells in the Prabhasa field.

Verse 23 (skanda.7.105.23)

देव्युवाच। ब्रह्मणो दिनमानं तु मासवर्षसहस्रकम्। तत्सर्वं विस्तराद्ब्रूहि यथायुर्ब्रह्मणः स्मृतम्॥

devyuvāca| brahmaṇo dinamānaṁ tu māsavarṣasahasrakam| tatsarvaṁ vistarādbrūhi yathāyurbrahmaṇaḥ smṛtam||

The Devi said: What is the measure of a single day of Brahma, in months, years, and thousands of years? Tell me all of this in detail, as the lifespan of Brahma is traditionally reckoned.

Verse 24 (skanda.7.105.24)

ईश्वर उवाच। परमायुः स्मृतो ब्रह्मा परार्द्धं तस्य वै गतम्॥ प्रभासक्षेत्रसंस्थस्य द्वितीयं भवतेऽधुना॥

īśvara uvāca| paramāyuḥ smṛto brahmā parārddhaṁ tasya vai gatam| prabhāsakṣetrasaṁsthasya dvitīyaṁ bhavate'dhunā||

Ishvara said: Brahma's lifespan is reckoned as supreme; one parardha (half) of it has already passed. For him who dwells in the Prabhasa field, the second parardha is now in progress.

Verse 25 (skanda.7.105.25)

यदा प्राभासिके क्षेत्रे ब्रह्मा लोकपितामहः। आगतश्चाष्टवर्षस्तु बालरूपी तदोच्यते॥

yadā prābhāsike kṣetre brahmā lokapitāmahaḥ| āgataścāṣṭavarṣastu bālarūpī tadocyate||

When Brahma, the Grandsire of the worlds, came to the Prabhasa field as an eight-year-old, it was then that he came to be called 'the one in the form of a child.'

Verse 26 (skanda.7.105.26)

अन्येषु सर्वतीर्थेषु वृद्धरूपी पितामहः। मुक्त्वा प्राभासिकं क्षेत्रं सदैव विबुधप्रिये॥

anyeṣu sarvatīrtheṣu vṛddharūpī pitāmahaḥ| muktvā prābhāsikaṁ kṣetraṁ sadaiva vibudhapriye||

O beloved of the wise, in all other tirthas except the Prabhasa field, the Grandsire always remains in the form of an old man.

Verse 27 (skanda.7.105.27)

ब्रह्मांडे यानि तीर्थानि ब्रह्माणस्तेषु ये स्मृताः। तेषामाद्यो महातेजाः प्रभासे यो व्यवस्थितः॥

brahmāṁḍe yāni tīrthāni brahmāṇasteṣu ye smṛtāḥ| teṣāmādyo mahātejāḥ prabhāse yo vyavasthitaḥ||

Among all the tirthas in the universe where forms of Brahma are traditionally recalled, the foremost and most radiant of them all is he who is established at Prabhasa.

Verse 28 (skanda.7.105.28)

कल्पेकल्पे तु नामानि शृणु त्वं तानि वै प्रिये। स्वयंभूः प्रथमे कल्पे द्वितीये पद्मभूः स्थितः॥

kalpekalpe tu nāmāni śṛṇu tvaṁ tāni vai priye| svayaṁbhūḥ prathame kalpe dvitīye padmabhūḥ sthitaḥ||

O beloved, hear the names he bears in each successive kalpa: in the first kalpa he is Svayambhu, in the second he is established as Padmabhu.

Verse 29 (skanda.7.105.29)

तृतीये विश्वकर्तेति बालरूपी चतुर्थके। एतानि मुख्यनामानि कथितानि स्वयंभुवः॥

tṛtīye viśvakarteti bālarūpī caturthake| etāni mukhyanāmāni kathitāni svayaṁbhuvaḥ||

In the third he is called Vishvakarta, and in the fourth, Balarupi (the one in child form). These are the principal names of the Self-born declared here.

Verse 30 (skanda.7.105.30)

नित्यं संस्मरते यस्तु स दीर्घायुर्नरो भवेत्॥

nityaṁ saṁsmarate yastu sa dīrghāyurnaro bhavet||

Whoever constantly remembers these names becomes a long-lived man.

Verse 31 (skanda.7.105.31)

चन्द्रसूर्यग्रहाः सर्वे सदेवासुरमानुषाः। त्रैलोक्यं नश्यते सर्वं ब्रह्मरात्रिसमागमे॥

candrasūryagrahāḥ sarve sadevāsuramānuṣāḥ| trailokyaṁ naśyate sarvaṁ brahmarātrisamāgame||

At the coming of Brahma's night, the moon, the sun, all the planets, and the entire triple world together with gods, demons, and men, all perish.

Verse 32 (skanda.7.105.32)

पुनर्दिने तु संजाते प्रबुद्धः सन्पितामहः। तथा सृष्टिं प्रकुरुते यथापूर्वमभूत्प्रिये॥

punardine tu saṁjāte prabuddhaḥ sanpitāmahaḥ| tathā sṛṣṭiṁ prakurute yathāpūrvamabhūtpriye||

O beloved, when day dawns again, the Grandsire, now awakened, once more creates in the same manner as before.

Verse 33 (skanda.7.105.33)

दिनमानं प्रवक्ष्यामि ब्रह्मणो लोककर्तृणः। नेत्रभागाच्चतुर्भागस्त्रुटिः कालो निगद्यते॥

dinamānaṁ pravakṣyāmi brahmaṇo lokakartṛṇaḥ| netrabhāgāccaturbhāgastruṭiḥ kālo nigadyate||

Now I shall declare the measure of the day of Brahma, the maker of worlds. A quarter of the time of an eye-blink is called the time-unit 'truti.'

Verse 34 (skanda.7.105.34)

तस्माच्च द्विगुणं ज्ञेयं निमिषांतं वरानने। निमिषैः पञ्चदशभिः काष्ठा इत्युच्यते बुधैः। त्रिंशद्भिश्चैव काष्ठाभिः कला प्रोक्ता मनीषिभिः॥

tasmācca dviguṇaṁ jñeyaṁ nimiṣāṁtaṁ varānane| nimiṣaiḥ pañcadaśabhiḥ kāṣṭhā ityucyate budhaiḥ| triṁśadbhiścaiva kāṣṭhābhiḥ kalā proktā manīṣibhiḥ||

O fair one, twice that is to be known as a 'nimesha' (blink). Fifteen nimeshas, the learned say, make a 'kashtha'; and thirty kashthas, the wise declare, make a 'kala.'

Verse 35 (skanda.7.105.35)

त्रिंशत्कलो मुहूर्तः स्याद्दिनं पंचदशैस्तु तैः। दिनमाना निशा ज्ञेया अहोरात्रं तयोर्भवेत्॥

triṁśatkalo muhūrtaḥ syāddinaṁ paṁcadaśaistu taiḥ| dinamānā niśā jñeyā ahorātraṁ tayorbhavet||

Thirty kalas make one muhurta, and fifteen muhurtas make one day; the night should be known as equal in measure to the day, and the two together make one ahoratra, a full day-night.

Verse 36 (skanda.7.105.36)

तैः पंचदशभिः पक्षः पक्षाभ्यां मास उच्यते। मासैश्चैवायनं षङ्भिरब्दं स्यादयनद्वयात्॥

taiḥ paṁcadaśabhiḥ pakṣaḥ pakṣābhyāṁ māsa ucyate| māsaiścaivāyanaṁ ṣaḍbhirabdaṁ syādayanadvayāt||

Fifteen such day-nights make a fortnight (paksha); two fortnights are called a month; six months make an ayana (solstitial period), and from two ayanas comes a year.

Verse 37 (skanda.7.105.37)

चत्वारिंशद्धि लक्षाणि लक्षाणां त्रितयं पुनः। विंशतिश्च सहस्राणि ज्ञेयं सौरं चतुर्युगम्॥

catvāriṁśaddhi lakṣāṇi lakṣāṇāṁ tritayaṁ punaḥ| viṁśatiśca sahasrāṇi jñeyaṁ sauraṁ caturyugam||

Forty hundred-thousand, plus three hundred-thousand, plus twenty thousand years — this should be known as the solar Chaturyuga, the cycle of four ages.

Verse 38 (skanda.7.105.38)

चतुर्युगैकसप्तत्या मन्वंतरमुदाहृतम्। ऐन्द्रमेतद्भवेदायुः समासात्तव कीर्तितम्॥

caturyugaikasaptatyā manvaṁtaramudāhṛtam| aindrametadbhavedāyuḥ samāsāttava kīrtitam||

Seventy-one Chaturyugas are declared to make one manvantara; this, in brief, has been told to you as the lifespan reckoned for an Indra.

Verse 39 (skanda.7.105.39)

स्वायंभुवो मनुः पूर्वं मनुः स्वारोचिषस्ततः। औत्तमस्तामसश्चैव रैवतश्चाक्षुषस्ततः॥

svāyaṁbhuvo manuḥ pūrvaṁ manuḥ svārociṣastataḥ| auttamastāmasaścaiva raivataścākṣuṣastataḥ||

First was Manu Svayambhuva; then Manu Svarochisha; then Auttama, Tamasa, Raivata, and Chakshusha.

Verse 40 (skanda.7.105.40)

वैवस्वतोऽर्कसावर्णिर्ब्रह्मसावर्णिरेव च। धर्मसावर्णिनामा च रौच्यो भूत्यस्तथैव च॥

vaivasvato'rkasāvarṇirbrahmasāvarṇireva ca| dharmasāvarṇināmā ca raucyo bhūtyastathaiva ca||

Then Vaivasvata, Arkasavarni, Brahmasavarni, the one named Dharmasavarni, Raucya, and likewise Bhautya.

Verse 41 (skanda.7.105.41)

चतुर्दशैते मनवः सँख्यातास्ते यथाक्रमम्। भूतान्भविष्यानिंद्रांश्च सर्वान्वक्ष्ये तव क्रमात्॥

caturdaśaite manavaḥ saṁkhyātāste yathākramam| bhūtānbhaviṣyāniṁdrāṁśca sarvānvakṣye tava kramāt||

Thus have these fourteen Manus been enumerated in order. Now I shall tell you, in due order, all the Indras — past and future.

Verse 42 (skanda.7.105.42)

विश्वभुक्च विपश्चिच्च सुकीर्तिः शिबिरेव च। विभुर्मनोभुवश्चैव तथौजस्वी बलिर्बली॥

viśvabhukca vipaścicca sukīrtiḥ śibireva ca| vibhurmanobhuvaścaiva tathaujasvī balirbalī||

Vishvabhuk, Vipashchit, Sukirti, Shibi, Vibhu, Manobhu, the vigorous one, and mighty Bali —

Verse 43 (skanda.7.105.43)

अद्भुतश्च तथा शांती रम्यो देववरो वृषा। ऋतधामा दिवःस्वामी शुचिः शक्राश्चतुर्दश॥

adbhutaśca tathā śāṁtī ramyo devavaro vṛṣā| ṛtadhāmā divaḥsvāmī śuciḥ śakrāścaturdaśa||

Adbhuta, Shanti, Ramya, Devavara, Vrisha, Ritadhama, Divahsvami, and Shuchi — these are the fourteen Shakras (Indras).

Verse 44 (skanda.7.105.44)

एते सर्वे विनश्यंति ब्रह्मणो दिवसे प्रिये। रात्रिस्तु तावती ज्ञेया कल्पमानमिदं स्मृतम्॥

ete sarve vinaśyaṁti brahmaṇo divase priye| rātristu tāvatī jñeyā kalpamānamidaṁ smṛtam||

O beloved, all these perish at the end of one day of Brahma; the night should be known as of equal measure — this is the reckoning of a kalpa.

Verse 45 (skanda.7.105.45)

प्रथमं श्वेतकल्पस्तु द्वितीयो नीललोहितः। वामदेवस्तृतीयस्तु ततो राथंतरोऽपरः॥

prathamaṁ śvetakalpastu dvitīyo nīlalohitaḥ| vāmadevastṛtīyastu tato rāthaṁtaro'paraḥ||

The first is the Shveta kalpa; the second, Nilalohita; the third, Vamadeva; and after that, the next is Rathantara.

Verse 46 (skanda.7.105.46)

रौरवः पंचमः प्रोक्तः षष्ठः प्राण इति स्मृतः। सप्तमोऽथ बृहत्कल्पः कन्दर्पोऽष्टम उच्यते॥

rauravaḥ paṁcamaḥ proktaḥ ṣaṣṭhaḥ prāṇa iti smṛtaḥ| saptamo'tha bṛhatkalpaḥ kandarpo'ṣṭama ucyate||

The fifth is called Raurava, the sixth is known as Prana; the seventh is the Brihat kalpa, and the eighth is called Kandarpa.

Verse 47 (skanda.7.105.47)

सद्योऽथ नवमः प्रोक्तः ईशानो दशमः स्मृतः। ध्यान एकादशः प्रोक्तस्तथा सारस्वतोऽपरः॥

sadyo'tha navamaḥ proktaḥ īśāno daśamaḥ smṛtaḥ| dhyāna ekādaśaḥ proktastathā sārasvato'paraḥ||

The ninth is called Sadya, the tenth is known as Ishana; the eleventh is called Dhyana, and after that is Sarasvata.

Verse 48 (skanda.7.105.48)

त्रयोदश उदानस्तु गरुडोऽथ चतुर्दशः। कौर्मः पंचदशो ज्ञेयः पौर्णमासी प्रजापतेः॥

trayodaśa udānastu garuḍo'tha caturdaśaḥ| kaurmaḥ paṁcadaśo jñeyaḥ paurṇamāsī prajāpateḥ||

The thirteenth is Udana, the fourteenth is called Garuda; the fifteenth should be known as Kaurma, on the full-moon day of Prajapati.

Verse 49 (skanda.7.105.49)

षोडशो नारसिंहस्तु समाधिस्तु ततः परः। आग्नेयोऽष्टादशः प्रोक्तः सोमकल्पस्ततोऽपरः॥

ṣoḍaśo nārasiṁhastu samādhistu tataḥ paraḥ| āgneyo'ṣṭādaśaḥ proktaḥ somakalpastato'paraḥ||

The sixteenth is Narasimha, after which comes Samadhi; the eighteenth is called Agneya, and after that is the Soma kalpa.

Verse 50 (skanda.7.105.50)

भावनो विंशतिः प्रोक्तः सुप्तमालीति चापरः। वैकुण्ठश्चार्चिषो रुद्रो लक्ष्मीकल्पस्तथापरेः॥

bhāvano viṁśatiḥ proktaḥ suptamālīti cāparaḥ| vaikuṇṭhaścārciṣo rudro lakṣmīkalpastathāpareḥ||

The twentieth is called Bhavana, and after that is Suptamali; then Vaikuntha, Archis, Rudra, and after that the Lakshmi kalpa.

Verse 51 (skanda.7.105.51)

सप्तविंशोऽथ वैराजो गौरीकल्पस्तथाऽन्धकः। माहेश्वरस्तथा प्रोक्तस्त्रिपुरो यत्र घातितः॥

saptaviṁśo'tha vairājo gaurīkalpastathā'ndhakaḥ| māheśvarastathā proktastripuro yatra ghātitaḥ||

The twenty-seventh is Vairaja, then the Gauri kalpa, and Andhaka; after that is the Maheshvara kalpa, in which Tripura was slain.

Verse 52 (skanda.7.105.52)

पितृकल्पस्तथांते च या कुहूर्ब्रह्मणः स्मृता। त्रिंशत्कल्पाः समाख्याता ब्रह्मणो मासि वै प्रिये॥

pitṛkalpastathāṁte ca yā kuhūrbrahmaṇaḥ smṛtā| triṁśatkalpāḥ samākhyātā brahmaṇo māsi vai priye||

At the end is the Pitri kalpa, and that which is remembered as Brahma's new-moon (kuhu). Thus, O beloved, thirty kalpas have been declared within a single month of Brahma.

Verse 53 (skanda.7.105.53)

अतीताः कथिताः सर्वे वाराहो वर्त्ततेऽधुना। प्रतिपद्ब्रह्मणो यत्र वाराहेणोद्धृता मही॥

atītāḥ kathitāḥ sarve vārāho varttate'dhunā| pratipadbrahmaṇo yatra vārāheṇoddhṛtā mahī||

All these past kalpas have been told; now the Varaha kalpa is in progress, which is Brahma's first lunar day, in which the earth was rescued by the Boar incarnation.

Verse 54 (skanda.7.105.54)

त्रिंशत्कल्पैः स्मृतो मासो वर्षं द्वादशभिस्तु तैः। अनेन वर्षमानेन तदा ब्रह्माऽष्टवार्षिकः। आनीतः सोमराजेन सोमनाथः प्रतिष्ठितः॥

triṁśatkalpaiḥ smṛto māso varṣaṁ dvādaśabhistu taiḥ| anena varṣamānena tadā brahmā'ṣṭavārṣikaḥ| ānītaḥ somarājena somanāthaḥ pratiṣṭhitaḥ||

Thirty kalpas are reckoned as one month, and twelve such months make one year. By this measure of years, Brahma, then eight years old, was brought by Somaraja (the Moon), and Somanatha was consecrated.

Verse 55 (skanda.7.105.55)

एवं क्षेत्रे निवसतः प्रभासे बालरूपिणः। परार्द्धमेकमगमद्द्वितीयं वर्ततेऽधुना॥

evaṁ kṣetre nivasataḥ prabhāse bālarūpiṇaḥ| parārddhamekamagamaddvitīyaṁ vartate'dhunā||

Thus, for him who dwells in the form of a child in the Prabhasa field, one parardha has passed; the second is now in progress.

Verse 56 (skanda.7.105.56)

एवं महाप्रभावोऽसौ प्रभासक्षेत्रमध्यगः। ब्रह्मा स्वयंभूर्भगवान्बालत्वात्क्षेत्रमाश्रितः॥

evaṁ mahāprabhāvo'sau prabhāsakṣetramadhyagaḥ| brahmā svayaṁbhūrbhagavānbālatvātkṣetramāśritaḥ||

Thus that greatly powerful, self-born Lord Brahma resides in the midst of the Prabhasa field; it is precisely because he took the form of a child that he took refuge in this field.

Verse 57 (skanda.7.105.57)

स वै पूज्यो नमस्कार्यो वंदनीयो मनीषिभिः। आदौ स एव पूज्यः स्यात्सम्यग्यात्राफलेप्सुभिः॥

sa vai pūjyo namaskāryo vaṁdanīyo manīṣibhiḥ| ādau sa eva pūjyaḥ syātsamyagyātrāphalepsubhiḥ||

He alone is worthy of worship, of salutation, to be revered by the wise; those who desire the complete fruit of the pilgrimage should worship him first of all.

Verse 58 (skanda.7.105.58)

यस्तं पूजयते भक्त्या स मां पूजयते ध्रुवम्। यस्तं द्वेष्टि स मां द्वेष्टि योऽस्य पूज्यो ममैव सः॥

yastaṁ pūjayate bhaktyā sa māṁ pūjayate dhruvam| yastaṁ dveṣṭi sa māṁ dveṣṭi yo'sya pūjyo mamaiva saḥ||

Whoever worships him with devotion surely worships me. Whoever hates him hates me; whoever is worthy of his worship is worthy of mine as well.

Verse 59 (skanda.7.105.59)

ब्रह्मणा पूज्यमानेन अहं विष्णुश्च पूजितः। विष्णुना पूज्यमानेन अहं ब्रह्मा च पूजितः॥

brahmaṇā pūjyamānena ahaṁ viṣṇuśca pūjitaḥ| viṣṇunā pūjyamānena ahaṁ brahmā ca pūjitaḥ||

When Brahma is worshipped, both I and Vishnu are worshipped; when Vishnu is worshipped, both I and Brahma are worshipped.

Verse 60 (skanda.7.105.60)

मया पूजितमात्रेण ब्रह्मविष्णू च पूजितौ। सत्त्वं ब्रह्मा रजो विष्णुस्तमोऽहं संप्रकीर्तितः॥

mayā pūjitamātreṇa brahmaviṣṇū ca pūjitau| sattvaṁ brahmā rajo viṣṇustamo'haṁ saṁprakīrtitaḥ||

By the mere worship of me, both Brahma and Vishnu are worshipped. Brahma is sattva, Vishnu is rajas, and I am declared to be tamas.

Verse 61 (skanda.7.105.61)

वायुर्ब्रह्माऽनलो रुद्रो विष्णुरापः प्रकीर्तितः। रात्रिर्विष्णुरहो रुद्रो या संध्या स पितामहः॥

vāyurbrahmā'nalo rudro viṣṇurāpaḥ prakīrtitaḥ| rātrirviṣṇuraho rudro yā saṁdhyā sa pitāmahaḥ||

Wind is Brahma, fire is Rudra, and Vishnu is declared to be water. Night is Vishnu, day is Rudra, and twilight is the Grandsire.

Verse 62 (skanda.7.105.62)

सामवेदो ह्यहं देवि ब्रह्मा ऋग्वेद उच्यते। यजुर्वेदो भवेद्विष्णुः कुलाधारो ह्यथर्वणः॥

sāmavedo hyahaṁ devi brahmā ṛgveda ucyate| yajurvedo bhavedviṣṇuḥ kulādhāro hyatharvaṇaḥ||

O Devi, I myself am the Samaveda; Brahma is said to be the Rigveda; Vishnu is the Yajurveda, and the Atharvaveda is the support of the lineage.

Verse 63 (skanda.7.105.63)

उष्णकालो ह्यहं देवि वर्षाकालः पितामहः। शीतकालो भवेद्विष्णुरेवं कालत्रयं हि सः॥

uṣṇakālo hyahaṁ devi varṣākālaḥ pitāmahaḥ| śītakālo bhavedviṣṇurevaṁ kālatrayaṁ hi saḥ||

O Devi, the hot season is myself; the rainy season is the Grandsire; the cold season is Vishnu — thus the three of them are these three seasons.

Verse 64 (skanda.7.105.64)

दक्षिणाग्निरहं ज्ञेयो गार्हपत्यो हरिः स्मृतः। ब्रह्मा चाहवनीयस्तु एवं सर्वं त्रिदैवतम्॥

dakṣiṇāgnirahaṁ jñeyo gārhapatyo hariḥ smṛtaḥ| brahmā cāhavanīyastu evaṁ sarvaṁ tridaivatam||

I am to be known as the Dakshinagni; Hari is remembered as the Garhapatya fire, and Brahma as the Ahavaniya fire — thus everything belongs to these three deities.

Verse 65 (skanda.7.105.65)

अहं लिंगस्वरूपस्थो भगो विष्णुः प्रकीर्तितः। बीजसंस्थो भवेद्ब्रह्मा विष्णुरापः प्रकीर्तितः॥

ahaṁ liṁgasvarūpastho bhago viṣṇuḥ prakīrtitaḥ| bījasaṁstho bhavedbrahmā viṣṇurāpaḥ prakīrtitaḥ||

I abide in the form of the linga; Vishnu is declared to be the bhaga, the womb-form; Brahma abides in the form of the seed, and Vishnu is declared to be the water.

Verse 66 (skanda.7.105.66)

अहमाकाशरूपस्थ एवं तत्त्वमयं प्रभुः। आकाशात्स्रवते यच्च तद्बीजं ब्रह्मसंस्थितम्। स्वरूपं ब्राह्ममाश्रित्य ब्रह्मा बीजप्ररोहकः॥

ahamākāśarūpastha evaṁ tattvamayaṁ prabhuḥ| ākāśātsravate yacca tadbījaṁ brahmasaṁsthitam| svarūpaṁ brāhmamāśritya brahmā bījaprarohakaḥ||

I abide in the form of space — thus the Lord is composed of the elements. That which flows from space is the seed established in Brahma; taking refuge in his own Brahma-nature, Brahma himself is the one who causes that seed to sprout.

Verse 67 (skanda.7.105.67)

नाभिमध्ये स्थितो ब्रह्मा विष्णुश्च हृदयांतरे। वक्त्रमध्ये अहं देवि आधारः सर्वदेहिनाम्॥

nābhimadhye sthito brahmā viṣṇuśca hṛdayāṁtare| vaktramadhye ahaṁ devi ādhāraḥ sarvadehinām||

Brahma abides in the middle of the navel, and Vishnu within the heart; O Devi, I abide in the middle of the mouth — thus we are the support of all embodied beings.

Verse 68 (skanda.7.105.68)

यश्चाहं स स्वयं ब्रह्मा यो ब्रह्मा स हुताशनः। या देवी स स्वयं विष्णुर्यो विष्णुः स च चन्द्रमाः॥

yaścāhaṁ sa svayaṁ brahmā yo brahmā sa hutāśanaḥ| yā devī sa svayaṁ viṣṇuryo viṣṇuḥ sa ca candramāḥ||

Whoever I am, that itself is Brahma; whoever Brahma is, that is fire. Whoever the Goddess is, that itself is Vishnu; whoever Vishnu is, that is the moon.

Verse 69 (skanda.7.105.69)

यः कालः स स्वयं ब्रह्मा यो रुद्रः स च भास्करः। एवं शक्तिविशेषेण परं ब्रह्म स्थितं प्रिये॥

yaḥ kālaḥ sa svayaṁ brahmā yo rudraḥ sa ca bhāskaraḥ| evaṁ śaktiviśeṣeṇa paraṁ brahma sthitaṁ priye||

Whoever Time is, that itself is Brahma; whoever Rudra is, that is the Sun. Thus, O beloved, through this special power, the Supreme Brahman itself abides in all these forms.

Verse 70 (skanda.7.105.70)

ॐकारस्तत्परं ब्रह्म गायत्री प्रकृतिः परा। उभावेतौ नरो ज्ञात्वा न विच्यवति मुच्यते॥

oṁkārastatparaṁ brahma gāyatrī prakṛtiḥ parā| ubhāvetau naro jñātvā na vicyavati mucyate||

The syllable Om is that Supreme Brahman itself, and the Gayatri is the supreme Prakriti (Nature). A man who knows both of these does not fall away, and attains liberation.

Verse 71 (skanda.7.105.71)

एवं यो वेद देवेशि अद्वैतं परमाक्षरम्। स सर्वं वेद नैवान्यो भेदकर्त्ता नराधमः॥

evaṁ yo veda deveśi advaitaṁ paramākṣaram| sa sarvaṁ veda naivānyo bhedakarttā narādhamaḥ||

O Goddess of gods, whoever thus knows this non-dual, supreme, imperishable reality knows everything; anyone else who creates division is the vilest of men.

Verse 72 (skanda.7.105.72)

एकरूपं परं ब्रह्म कार्यभावात्पृथक्स्थितः। यस्तं द्वेष्टि वरारोहे ब्रह्मद्वेष्टा स उच्यते॥

ekarūpaṁ paraṁ brahma kāryabhāvātpṛthakasthitaḥ| yastaṁ dveṣṭi varārohe brahmadveṣṭā sa ucyate||

The Supreme Brahman is of one single form, though it appears distinct from the standpoint of function. O fair one, whoever hates it is called a hater of Brahman.

Verse 73 (skanda.7.105.73)

दक्षिणांगे स्थितो ब्रह्मा वामांगे मम केशवः। यस्तयोर्द्वेषमाधत्ते स द्वेष्टा मम भामिनि॥

dakṣiṇāṁge sthito brahmā vāmāṁge mama keśavaḥ| yastayordveṣamādhatte sa dveṣṭā mama bhāmini||

Brahma is established on my right side, and Keshava (Vishnu) on my left side. O radiant lady, whoever harbors hatred toward either of the two is one who hates me.

Verse 74 (skanda.7.105.74)

एवं ज्ञात्वा वरारोहे ह्यभिन्नेनान्तरात्मना। ब्रह्माणं केशवं रुद्रमेकरूपेण पूजयेत्॥

evaṁ jñātvā varārohe hyabhinnenāntarātmanā| brahmāṇaṁ keśavaṁ rudramekarūpeṇa pūjayet||

O fair one, knowing this, with an undivided inner self, one should worship Brahma, Keshava, and Rudra as a single, undivided form.