The Glory of Brahma-kunda

Verse 1 (skanda.7.147.1)

ईश्वर उवाच। ततो गच्छेन्महादेवि ब्रह्मकुण्डमनुत्तमम्। तस्यैव नैर्ऋते भागे ब्रह्मणा निर्मितं पुरा

īśvara uvāca| tato gacchenmahādevi brahmakuṇḍamanuttamam| tasyaiva nairṛte bhāge brahmaṇā nirmitaṁ purā

Ishvara said: Then, O great Goddess, one should go to the incomparable Brahma-kunda, in the south-west portion of that very place, made long ago by Brahma.

Verse 2 (skanda.7.147.2)

यदा तु ऋक्षराजेन सोमनाथः प्रतिष्ठितः। तदा ब्रह्मादयो देवाः सर्वे तत्र समागताः। प्रतिष्ठार्थं हि देवस्य शशांकेन निमन्त्रिताः

yadā tu ṛkṣarājena somanāthaḥ pratiṣṭhitaḥ| tadā brahmādayo devāḥ sarve tatra samāgatāḥ| pratiṣṭhārthaṁ hi devasya śaśāṁkena nimantritāḥ

When Somanatha was established by the lord of stars, the Moon, then Brahma and all the gods gathered there, invited by Shashanka for the consecration of the god.

Verse 3 (skanda.7.147.3)

अथाऽब्रवीन्निशानाथो ब्रह्माणं विनयान्वितः

athā'bravīnniśānātho brahmāṇaṁ vinayānvitaḥ

Then the lord of night, filled with humility, spoke to Brahma:

Verse 4 (skanda.7.147.4)

कृतं भवद्भिर्जानाति स्थापनं वै यथा जनः। तथा कुरु सुरश्रेष्ठ चिह्नमात्मसमुद्भवम्

kṛtaṁ bhavadbhirjānāti sthāpanaṁ vai yathā janaḥ| tathā kuru suraśreṣṭha cihnamātmasamudbhavam

'O best of gods, make some sign born of yourself, so that people may know that this consecration was indeed done by you.'

Verse 5 (skanda.7.147.5)

एवं श्रुत्वा तदा ब्रह्मा ध्यानं कृत्वा तु निश्चलम्। आह्वयत्सर्वतीर्थानि पुष्करादीनि सर्वशः

evaṁ śrutvā tadā brahmā dhyānaṁ kṛtvā tu niścalam| āhvayatsarvatīrthāni puṣkarādīni sarvaśaḥ

Having heard this, Brahma then entered unwavering meditation and summoned all the sacred fords, beginning with Pushkara, from every quarter.

Verse 6 (skanda.7.147.6)

स्वर्गे वै यानि तीर्थानि तथैव च रसातले। तपःसामर्थ्ययोगेन ब्रह्मणाऽऽकर्षितानि च। अतस्तस्यैव नाम्ना तु ब्रह्मकुण्डं तु गीयते

svarge vai yāni tīrthāni tathaiva ca rasātale| tapaḥsāmarthyayogena brahmaṇā'ākarṣitāni ca| atastasyaiva nāmnā tu brahmakuṇḍaṁ tu gīyate

Whatever sacred fords exist in heaven and likewise in the netherworld were all drawn together by Brahma through the power of his austerity; therefore it is sung of by his own name as Brahma-kunda.

Verse 7 (skanda.7.147.7)

गणानां च सहस्रैस्तु चतुर्दशभिरीक्ष्यते। अतश्चाभक्तियुक्तानां दुष्प्राप्यं तीर्थमुत्तमम्

gaṇānāṁ ca sahasraistu caturdaśabhirīkṣyate| ataścābhaktiyuktānāṁ duṣprāpyaṁ tīrthamuttamam

It is watched over by fourteen thousand ganas; therefore this excellent tirtha is hard to attain for those devoid of devotion.

Verse 8 (skanda.7.147.8)

अथाब्रवीत्सर्वदेवान्ब्रह्मा लोकपितामहः

athābravītsarvadevānbrahmā lokapitāmahaḥ

Then Brahma, the grandfather of the worlds, said to all the gods:

Verse 9 (skanda.7.147.9)

अत्र कुण्डे नरः स्नात्वा यः पितॄंस्तर्पयिष्यति। अग्निष्टोमफलं सद्यो लप्स्यते स च मानवः। तत्प्रसादात्स्वर्गलोके विमानेन चरिष्यति

atra kuṇḍe naraḥ snātvā yaḥ pitṝṁstarpayiṣyati| agniṣṭomaphalaṁ sadyo lapsyate sa ca mānavaḥ| tatprasādātsvargaloke vimānena cariṣyati

Whatever man, having bathed in this pond, offers libation to the ancestors, that man instantly obtains the fruit of the Agnishtoma sacrifice; by that grace he shall move about the heavenly world in a celestial chariot.

Verse 10 (skanda.7.147.10)

गोदानं चाश्वदानं च तथा स्वर्णकमण्डलुम्। दद्याद्विप्राय विदुषे सर्वपापापनुत्तये

godānaṁ cāśvadānaṁ ca tathā svarṇakamaṇḍalum| dadyādviprāya viduṣe sarvapāpāpanuttaye

The gift of a cow, the gift of a horse, and likewise a golden water-pot should be given to a learned Brahmin, for the removal of all sins.

Verse 11 (skanda.7.147.11)

पौर्णमास्यां महादेवि तथा च प्रतिपद्दिने। सर्वपापविनाशार्थं तत्र स्नाति सरस्वती

paurṇamāsyāṁ mahādevi tathā ca pratipaddine| sarvapāpavināśārthaṁ tatra snāti sarasvatī

O great Goddess, on the full-moon day and likewise on the first lunar day, Sarasvati herself bathes there for the destruction of all sin.

Verse 12 (skanda.7.147.12)

सिद्धं रसायनं देवि तत्र वै ह्युदकं प्रिये। नानावर्णसमायुक्तमुपदेशेन सिद्ध्यति

siddhaṁ rasāyanaṁ devi tatra vai hyudakaṁ priye| nānāvarṇasamāyuktamupadeśena siddhyati

O Devi, O beloved, the water there is indeed an accomplished elixir; endowed with various hues, it becomes efficacious through proper instruction.

Verse 13 (skanda.7.147.13)

दारिद्र्यदुःखरुक्छोकान्मानवः सेवते कथम्। ब्रह्मकुण्डमनुप्राप्य कल्पवृक्षमिवापरम्

dāridryaduḥkharukchokānmānavaḥ sevate katham| brahmakuṇḍamanuprāpya kalpavṛkṣamivāparam

Having reached the Brahma-kunda, which is like another wish-fulfilling tree, how can a man continue to suffer poverty, sorrow, disease, and grief?

Verse 14 (skanda.7.147.14)

देव्युवाच। भगवन्विस्तराद्ब्रूहि ब्रह्मकुण्डमहोदयम्। सर्वप्राणिहितार्थाय विस्तराद्वद मे प्रभो

devyuvāca| bhagavanvistarādbrūhi brahmakuṇḍamahodayam| sarvaprāṇihitārthāya vistarādvada me prabho

Devi said: O Lord, tell in detail the great glory of the Brahma-kunda; for the welfare of all beings, tell me, O Lord, in full.

Verse 15 (skanda.7.147.15)

ब्रह्मकुंडस्य माहात्म्यं श्रोतुं मे कौतुकं महत्। लोकानां दुःखनाशाय दारिद्र्यक्षयहेतवे

brahmakuṁḍasya māhātmyaṁ śrotuṁ me kautukaṁ mahat| lokānāṁ duḥkhanāśāya dāridryakṣayahetave

I have great eagerness to hear the glory of the Brahma-kunda, for the destruction of the world's sorrows and the end of poverty.

Verse 16 (skanda.7.147.16)

भगवन्मानुषाः सर्वे दुःखशोकनिपीडिताः। भ्रमंति सकलं जन्म रसायनविमोहिताः

bhagavanmānuṣāḥ sarve duḥkhaśokanipīḍitāḥ| bhramaṁti sakalaṁ janma rasāyanavimohitāḥ

O Lord, all men, afflicted by sorrow and grief, wander through their entire life, deluded by the pursuit of the elixir.

Verse 17 (skanda.7.147.17)

तेषां हिताय मे ब्रूहि निर्वाणं रसमुत्तमम्। आदाविह शरीरं तु अक्षय्यं तु यथा भवेत्

teṣāṁ hitāya me brūhi nirvāṇaṁ rasamuttamam| ādāviha śarīraṁ tu akṣayyaṁ tu yathā bhavet

For their benefit tell me of that supreme, liberating elixir—first, how this body here may become imperishable,

Verse 18 (skanda.7.147.18)

अष्टसिद्धिसमायुक्तं सर्वविद्यासमन्वितम्। कामरूपं क्रियायुक्तं सर्वव्याधिविवर्जितम्

aṣṭasiddhisamāyuktaṁ sarvavidyāsamanvitam| kāmarūpaṁ kriyāyuktaṁ sarvavyādhivivarjitam

endowed with the eight siddhis, possessed of all knowledge, able to take any form at will, capable of action, and free from every disease,

Verse 19 (skanda.7.147.19)

ततस्तु परमं देव निर्वाणं येन वै लभेत्। मानवः कृतकृत्यश्च जायते च यथा प्रभो

tatastu paramaṁ deva nirvāṇaṁ yena vai labhet| mānavaḥ kṛtakṛtyaśca jāyate ca yathā prabho

and then, O God, tell how by that a man may attain supreme liberation, and how, O Lord, he becomes one whose purpose is fulfilled,

Verse 20 (skanda.7.147.20)

तथा कथय मे देव दयां कृत्वा जगत्प्रभो। निर्वाणपरमं कल्पं सर्वभ्रान्तिविवर्जितम्। प्रसिद्धं सुखदं दिव्यं समाचक्ष्व महेश्वर

tathā kathaya me deva dayāṁ kṛtvā jagatprabho| nirvāṇaparamaṁ kalpaṁ sarvabhrāntivivarjitam| prasiddhaṁ sukhadaṁ divyaṁ samācakṣva maheśvara

So tell me thus, O God, out of compassion, O lord of the world; O Maheshvara, declare fully the well-known, joy-giving, divine method leading to supreme liberation, free from all confusion.

Verse 21 (skanda.7.147.21)

ईश्वर उवाच। साधुसाधु महादेवि लोकानां हितकारिणि। मर्त्यलोके महादेवि तीर्थवरं शुभम्

īśvara uvāca| sādhusādhu mahādevi lokānāṁ hitakāriṇi| martyaloke mahādevi tīrthavaraṁ śubham

Ishvara said: Well said, well said, O great Goddess, benefactress of the worlds! O great Goddess, in the world of mortals there is an auspicious, excellent tirtha—

Verse 22 (skanda.7.147.22)

प्रभासं परमं ख्यातं तच्च द्वादशयोजनम्। तत्र सोमेश्वरो देवस्त्रिषु लोकेषु विश्रुतः

prabhāsaṁ paramaṁ khyātaṁ tacca dvādaśayojanam| tatra someśvaro devastriṣu lokeṣu viśrutaḥ

—Prabhasa, supremely renowned, extending twelve yojanas; there the god Someshvara is famed throughout the three worlds.

Verse 23 (skanda.7.147.23)

तस्य पूर्वे समाख्यातः श्रीकृष्णो दैत्यसूदनः। चण्डिका योगिनी तत्र सखीभिः परिवारिता

tasya pūrve samākhyātaḥ śrīkṛṣṇo daityasūdanaḥ| caṇḍikā yoginī tatra sakhībhiḥ parivāritā

To its east is renowned Shri Krishna, the slayer of demons; there too the yogini Chandika dwells, surrounded by her companions.

Verse 24 (skanda.7.147.24)

ततः पूर्वे दिशां भागे चतुर्वक्त्रेण निर्मितम्। तीर्थात्तीर्थं वरं दिव्यं सर्वाश्चर्यमयं शुभम्

tataḥ pūrve diśāṁ bhāge caturvaktreṇa nirmitam| tīrthāttīrthaṁ varaṁ divyaṁ sarvāścaryamayaṁ śubham

Then, in the eastern quarter, is a tirtha made by the four-faced one—excelling every other tirtha, divine, full of every wonder, and auspicious,

Verse 25 (skanda.7.147.25)

सेवितं सर्वदेवैस्तु सिद्धैः साध्यैर्ग्रहैस्तथा। अप्सरोमुनिभिर्दिव्यैर्यक्षैश्च पन्नगैः सदा

sevitaṁ sarvadevaistu siddhaiḥ sādhyairgrahaistathā| apsaromunibhirdivyairyakṣaiśca pannagaiḥ sadā

ever served by all the gods, by Siddhas, Sadhyas, and the planetary deities, by celestial Apsarases and divine sages, by Yakshas and serpents,

Verse 26 (skanda.7.147.26)

सिद्ध्यर्थं सर्वकामार्थं दिव्यभोगावहं शुभम्। ब्रह्मकुण्डमिति ख्यातं ब्रह्मणा निर्मितं यतः

siddhyarthaṁ sarvakāmārthaṁ divyabhogāvahaṁ śubham| brahmakuṇḍamiti khyātaṁ brahmaṇā nirmitaṁ yataḥ

for the sake of accomplishment and every desire, bestowing divine enjoyment, auspicious—it is known as Brahma-kunda, since it was made by Brahma.

Verse 27 (skanda.7.147.27)

तस्य वायव्यकोणे तु हिरण्येशः स्वयं स्थितः। तमाराध्य महादेवं हिरण्येश्वरमुत्तमम्

tasya vāyavyakoṇe tu hiraṇyeśaḥ svayaṁ sthitaḥ| tamārādhya mahādevaṁ hiraṇyeśvaramuttamam

In its north-west corner stands Hiranyesha himself; having worshipped that excellent great god Hiranyeshvara,

Verse 28 (skanda.7.147.28)

महामन्त्रं जपेत्क्षिप्रं दशांशं होमयेत्सुधीः। होमेन सिद्ध्यते मन्त्रः सत्यं सत्यं वरानने

mahāmantraṁ japetkṣipraṁ daśāṁśaṁ homayetsudhīḥ| homena siddhyate mantraḥ satyaṁ satyaṁ varānane

one should swiftly recite the great mantra; the wise should offer a tenth part in homa; by the homa the mantra becomes efficacious—true, O fair-faced one, most true.

Verse 29 (skanda.7.147.29)

तस्योत्तरे तु दिग्भागे किञ्चिदीशानमाश्रितः। चतुर्वक्त्रो महादेवि क्षेत्रपो लिंगरूपधृक्

tasyottare tu digbhāge kiñcidīśānamāśritaḥ| caturvaktro mahādevi kṣetrapo liṁgarūpadhṛk

To its north, O great Goddess, somewhat toward the north-east, resides the four-faced Kshetrapa, bearing the form of a linga.

Verse 30 (skanda.7.147.30)

तत्स्थानं रक्षते देवि लिंगरूपेण शंकरः। तमाराध्य प्रयत्नेन ततः कुण्डं समाश्रयेत्

tatsthānaṁ rakṣate devi liṁgarūpeṇa śaṁkaraḥ| tamārādhya prayatnena tataḥ kuṇḍaṁ samāśrayet

O Devi, Shankara, in the form of a linga, protects that place; having worshipped him with effort, one should then resort to the pond.

Verse 31 (skanda.7.147.31)

सर्वैश्वर्यमयं देवि नानावर्णविचित्रितम्। कुण्डस्यास्येशदिग्भागे भैरवेश्वरमुत्तमम्

sarvaiśvaryamayaṁ devi nānāvarṇavicitritam| kuṇḍasyāsyeśadigbhāge bhairaveśvaramuttamam

Full of every majesty, O Devi, variegated with many colors—in the north-east quarter of the pond stands the excellent Bhairaveshvara.

Verse 32 (skanda.7.147.32)

दुर्गन्धा भासुरा देवि वहते रसरूपिणी। तस्या रसेन संयुक्तं पृथग्वर्णं हि कर्बुरम्

durgandhā bhāsurā devi vahate rasarūpiṇī| tasyā rasena saṁyuktaṁ pṛthagvarṇaṁ hi karburam

O Devi, a foul-smelling yet radiant stream flows there in the form of an elixir; joined with its essence, things take on distinct, variegated colors.

Verse 33 (skanda.7.147.33)

मेघवर्णं महादिव्यं राजतं च पुनः शुभम्। कपिलं दुग्धवर्णं च कर्पूराभं सुशोभनम्

meghavarṇaṁ mahādivyaṁ rājataṁ ca punaḥ śubham| kapilaṁ dugdhavarṇaṁ ca karpūrābhaṁ suśobhanam

sometimes of the color of a cloud, greatly divine, and again silvery and auspicious; sometimes tawny, sometimes milk-white, and exceedingly beautiful like camphor,

Verse 34 (skanda.7.147.34)

कदा कस्तूरिकाभासं कुंकुमच्छविकावहम्। सौगन्धं चंदनोपेतं कदाचिद्रौधिरोदकम्

kadā kastūrikābhāsaṁ kuṁkumacchavikāvaham| saugandhaṁ caṁdanopetaṁ kadācidraudhirodakam

sometimes bearing the sheen of musk, carrying the hue of saffron; sometimes fragrant and endowed with sandal, and sometimes like water tinged with blood—

Verse 35 (skanda.7.147.35)

एते रसाश्च विविधा दृश्यंते तत्र सर्वदा। यस्य तुष्टो महादेवः सिद्ध्यते तस्य तत्क्षणात्

ete rasāśca vividhā dṛśyaṁte tatra sarvadā| yasya tuṣṭo mahādevaḥ siddhyate tasya tatkṣaṇāt

these various elixirs are always seen there; for him with whom Mahadeva is pleased, it becomes efficacious for him that very instant.

Verse 36 (skanda.7.147.36)

रजतं क्षिप्यते तत्र सुवर्णमिव जायते। प्रत्यक्षमेव तत्रैव रसायनमनुत्तमम्

rajataṁ kṣipyate tatra suvarṇamiva jāyate| pratyakṣameva tatraiva rasāyanamanuttamam

Silver, when cast there, becomes as if turned to gold; that incomparable elixir manifests there directly, before one's very eyes.

Verse 37 (skanda.7.147.37)

पश्यंति मानवा देवि कौतुकं तत्क्षणाद्भृशम्। रसं हि परमं दिव्यं तत्रस्थं च कलौ युगे

paśyaṁti mānavā devi kautukaṁ tatkṣaṇādbhṛśam| rasaṁ hi paramaṁ divyaṁ tatrasthaṁ ca kalau yuge

O Devi, men behold that great wonder at that very instant; the supreme, divine elixir abides there even in the Kali age.

Verse 38 (skanda.7.147.38)

सिद्धं सिद्धरसं पुंसां व्याधीनां क्षयकारकम्। हेमबीजमयं दिव्यं ब्रह्मकुण्डोद्भवं महत्

siddhaṁ siddharasaṁ puṁsāṁ vyādhīnāṁ kṣayakārakam| hemabījamayaṁ divyaṁ brahmakuṇḍodbhavaṁ mahat

That accomplished elixir, destroying the diseases of men, of the nature of a golden seed, divine and great, arises from the Brahma-kunda.

Verse 39 (skanda.7.147.39)

इदानीं ते प्रवक्ष्यामि मनुष्याणां हिताय वै। दारिद्र्यं क्षयमाप्नोति तत्क्षणाच्च यशस्विनि

idānīṁ te pravakṣyāmi manuṣyāṇāṁ hitāya vai| dāridryaṁ kṣayamāpnoti tatkṣaṇācca yaśasvini

Now I shall tell you, for the benefit of men, O illustrious one, that by which poverty comes to destruction instantly.

Verse 40 (skanda.7.147.40)

आदावेव प्रकुर्वन्ति ताम्रकुम्भं दृढं शुभम्। तीर्थोदकं क्षिपेत्तत्र पत्रैस्ताम्रस्तथा युतम्

ādāveva prakurvanti tāmrakumbhaṁ dṛḍhaṁ śubham| tīrthodakaṁ kṣipettatra patraistāmrastathā yutam

First, one should make a sturdy, auspicious copper pot; into it should be poured the sacred water, together with copper plates.

Verse 41 (skanda.7.147.41)

निक्षिप्य भूमौ तत्कुम्भं ज्वालयेदनलं ततः। चुह्लीरूपेण षण्मासं पाचयेत्तं शनैःशनैः

nikṣipya bhūmau tatkumbhaṁ jvālayedanalaṁ tataḥ| cuhlīrūpeṇa ṣaṇmāsaṁ pācayettaṁ śanaiḥśanaiḥ

Having set that pot on the ground, one should then kindle a fire beneath it, and in the manner of a furnace cook it slowly, little by little, for six months.

Verse 42 (skanda.7.147.42)

पश्चादुद्धृत्य तं कुम्भं पुनरेव जलं क्षिपेत्। मासमेकं पुनः कुर्यान्मासमेकं पुनर्भृशम्

paścāduddhṛtya taṁ kumbhaṁ punareva jalaṁ kṣipet| māsamekaṁ punaḥ kuryānmāsamekaṁ punarbhṛśam

Afterward, having taken down that pot, one should again pour in water; this should be done again for one month, and once more with great care for another month.

Verse 43 (skanda.7.147.43)

ततः सर्वाणि खण्डानि एकीकृत्य प्रयत्नतः। पुनरेवोदकेनैव प्लाव्य चावर्तयेत्पुनः

tataḥ sarvāṇi khaṇḍāni ekīkṛtya prayatnataḥ| punarevodakenaiva plāvya cāvartayetpunaḥ

Then, having carefully united all the fragments into one, one should again inundate it with water alone, and repeat the process once more.

Verse 44 (skanda.7.147.44)

कांचनं जायते तत्र यदि तुष्टो महेश्वरः

kāṁcanaṁ jāyate tatra yadi tuṣṭo maheśvaraḥ

There, gold comes to be produced, if Maheshvara is pleased.

Verse 45 (skanda.7.147.45)

सिद्धिं शरीरजां देवि यदीच्छेन्मानवोत्तमः। स स्नानमादितः कृत्वा संवत्सरत्रयं पुनः

siddhiṁ śarīrajāṁ devi yadīcchenmānavottamaḥ| sa snānamāditaḥ kṛtvā saṁvatsaratrayaṁ punaḥ

O Devi, if the best of men desires the siddhi born of the body, he, having first performed the bathing, should then, for three years more—

Verse 46 (skanda.7.147.46)

मौनेन नियमेनैव महामंत्रजपान्वितः। पूजयेच्च हिरण्येशं क्षेत्रपालं प्रयत्नतः

maunena niyamenaiva mahāmaṁtrajapānvitaḥ| pūjayecca hiraṇyeśaṁ kṣetrapālaṁ prayatnataḥ

maintaining silence and strict discipline, engaged in the recitation of the great mantra, worship with effort Hiranyesha, the Kshetrapala,

Verse 47 (skanda.7.147.47)

पंचोपचारसंयुक्तं ध्यानधारणसंयुतम्। तीर्थोदकेन पाकं वै पेयं तद्वदुदुम्बरे

paṁcopacārasaṁyuktaṁ dhyānadhāraṇasaṁyutam| tīrthodakena pākaṁ vai peyaṁ tadvadudumbare

with the five offerings, joined with meditation and concentration; food cooked with the sacred water should likewise be taken from a vessel of udumbara wood.

Verse 48 (skanda.7.147.48)

एवं वर्षत्रयेणैव दिव्यदेहः प्रजायते। तेजस्वी बलवान्प्राज्ञः सर्वव्याधिविवर्जितः

evaṁ varṣatrayeṇaiva divyadehaḥ prajāyate| tejasvī balavānprājñaḥ sarvavyādhivivarjitaḥ

Thus, in just three years, a divine body is produced—radiant, strong, wise, and free from every disease.

Verse 49 (skanda.7.147.49)

जीवेद्वर्षशतान्येव त्रीणि दुःखविवर्जितः। वर्षत्रयमविच्छिन्नं यस्तत्र स्नानमाचरेत्

jīvedvarṣaśatānyeva trīṇi duḥkhavivarjitaḥ| varṣatrayamavicchinnaṁ yastatra snānamācaret

Whoever performs bathing there uninterruptedly for three years shall live three hundred years, free from sorrow.

Verse 50 (skanda.7.147.50)

वागीश्वरीं जपेन्नित्यं पूजाहोमसमन्वितः। तस्य प्रवर्तते वाणी सिद्धिः सारस्वती भवेत्

vāgīśvarīṁ japennityaṁ pūjāhomasamanvitaḥ| tasya pravartate vāṇī siddhiḥ sārasvatī bhavet

Whoever daily recites the mantra of Vagishvari, joined with worship and homa, his speech begins to flow, and the accomplishment of Sarasvati becomes his.

Verse 51 (skanda.7.147.51)

संस्कृतं प्राकृतं चैवापभ्रंशं भूतभाषितम्। गांगस्रोतःप्रवाहेण उद्गिरेद्गिरमात्मवान्। अश्रान्तां च वरारोहे ह्यविच्छिन्नां च संततम्

saṁskṛtaṁ prākṛtaṁ caivāpabhraṁśaṁ bhūtabhāṣitam| gāṁgasrotaḥpravāheṇa udgiredgiramātmavān| aśrāntāṁ ca varārohe hyavicchinnāṁ ca saṁtatam

Sanskrit, Prakrit, Apabhramsha, and the speech of spirits—the self-possessed one pours forth in speech like the current of the Ganga's stream, O fair-hipped one, untiring and continuously unbroken,

Verse 52 (skanda.7.147.52)

वदेद्वादिसहस्रैस्तु न श्रमस्तस्य जायते। तीर्थस्यास्य प्रभावेण सर्वशास्त्रविशारदाः

vadedvādisahasraistu na śramastasya jāyate| tīrthasyāsya prabhāveṇa sarvaśāstraviśāradāḥ

he can debate with a thousand disputants, and no fatigue befalls him; through the power of this tirtha, he becomes skilled in all the scriptures.

Verse 53 (skanda.7.147.53)

पंडिता गर्विताः सर्वे तर्कशास्त्रविशारदाः। आगच्छन्ति समं तात विद्ययोद्धतकन्धराः। न शक्नुवंति ते वक्तुं द्रष्टुं वक्त्रमपि प्रिये

paṁḍitā garvitāḥ sarve tarkaśāstraviśāradāḥ| āgacchaṁti samaṁ tāta vidyayoddhatakandharāḥ| na śaknuvaṁti te vaktuṁ draṣṭuṁ vaktramapi priye

All the proud pandits, skilled in the science of logic, their necks held high with the pride of learning, O dear one, come to contend with him equally; but, O beloved, they are unable even to speak, nor even to look upon his face.

Verse 54 (skanda.7.147.54)

वादिनां च सहस्राणि भनक्त्येवं निरीक्षणात्

vādināṁ ca sahasrāṇi bhanaktyevaṁ nirīkṣaṇāt

Thus, by his mere glance, he shatters and defeats thousands of disputants.

Verse 55 (skanda.7.147.55)

उद्वाहयति शास्त्राणि विबुद्धार्थानि सत्वरम्। विमलं पाञ्चरात्रं च वैष्णवं शैवमेव च

udvāhayati śāstrāṇi vibuddhārthāni satvaram| vimalaṁ pāñcarātraṁ ca vaiṣṇavaṁ śaivameva ca

He swiftly expounds the scriptures with their meanings fully understood—the pure Pancharatra, the Vaishnava, and likewise the Shaiva,

Verse 56 (skanda.7.147.56)

इतिहासपुराणं च भूततंत्रं च गारुडम्। भैरवं च महातंत्रं कुलमार्गं द्विधा प्रिये

itihāsapurāṇaṁ ca bhūtataṁtraṁ ca gāruḍam| bhairavaṁ ca mahātaṁtraṁ kulamārgaṁ dvidhā priye

the Itihasas and Puranas, the Bhuta-tantra and the Garuda-tantra, the Bhairava great tantra, and, O beloved, the twofold Kula path.

Verse 57 (skanda.7.147.57)

रथप्रवरवेगेन वाणी चास्खलिता भवेत्। नश्यंति वादिनः सर्वे गरुडस्येव पन्नगाः

rathapravaravegena vāṇī cāskhalitā bhavet| naśyaṁti vādinaḥ sarve garuḍasyeva pannagāḥ

His speech, unfaltering, moves with the speed of the finest chariot; all disputants perish before him as serpents perish before Garuda.

Verse 58 (skanda.7.147.58)

न दारिद्र्यं न रोगश्च न दुःखं मानसं पुनः। राजमान्यो महामानी भवेद्ब्रह्मप्रसादतः

na dāridryaṁ na rogaśca na duḥkhaṁ mānasaṁ punaḥ| rājamānyo mahāmānī bhavedbrahmaprasādataḥ

Neither poverty nor disease, nor again mental sorrow, befalls him; by the grace of Brahma he becomes honored by kings and greatly esteemed.

Verse 59 (skanda.7.147.59)

उत्साहबलसंयुक्तो देववज्जीवते सुधीः। दाता भोक्ता च वाग्मी च तीर्थस्यास्य प्रसादतः

utsāhabalasaṁyukto devavajjīvate sudhīḥ| dātā bhoktā ca vāgmī ca tīrthasyāsya prasādataḥ

Endowed with vigor and strength, the wise one lives like a god; by the grace of this tirtha he becomes generous, a true enjoyer, and eloquent.

Verse 60 (skanda.7.147.60)

तैलाभ्यक्तस्य यत्तेजो जायते मनुजेषु च। स्नातमात्रे तथा तेजस्तीर्थस्यैव प्रसादतः

tailābhyaktasya yattejo jāyate manujeṣu ca| snātamātre tathā tejastīrthasyaiva prasādataḥ

Whatever radiance arises in men anointed with oil, that same radiance arises merely from bathing here, by the grace of this tirtha alone.

Verse 61 (skanda.7.147.61)

यत्पापं कुरुते जंतुः पैशुन्यं च कृतघ्नताम्। मित्रद्रोहे च यत्पापं यत्पापं पारदारिकम्। तत्सर्वं विलयं याति कुंडस्नानरतस्य च

yatpāpaṁ kurute jaṁtuḥ paiśunyaṁ ca kṛtaghnatām| mitradrohe ca yatpāpaṁ yatpāpaṁ pāradārikam| tatsarvaṁ vilayaṁ yāti kuṁḍasnānaratasya ca

Whatever sin a creature commits—slander and ingratitude, whatever sin lies in betraying a friend, whatever sin lies in adultery—all of that dissolves away for one devoted to bathing in the pond.

Verse 62 (skanda.7.147.62)

मुशलं लङ्घयेद्यस्तु यो गास्त्यजति वै द्विजः। तत्पापं क्षयमाप्नोति ब्रह्मकुण्डस्य दर्शनात्

muśalaṁ laṅghayedyastu yo gāstyajati vai dvijaḥ| tatpāpaṁ kṣayamāpnoti brahmakuṇḍasya darśanāt

Whoever steps over a pestle, or whatever Brahmin abandons his cows—that sin too comes to an end through the sight of the Brahma-kunda.

Verse 63 (skanda.7.147.63)

पृथिव्यां यानि तीर्थानि दैवतानि तथा पुनः। पूजितानि च सर्वाणि कुण्डस्नानप्रभावतः

pṛthivyāṁ yāni tīrthāni daivatāni tathā punaḥ| pūjitāni ca sarvāṇi kuṇḍasnānaprabhāvataḥ

Whatever sacred fords there are on earth, and likewise whatever deities, all of them are honored through the power of bathing in the pond.

Verse 64 (skanda.7.147.64)

सप्तजन्मार्जितं पापं दर्शनात्क्षयमाव्रजेत्

saptajanmārjitaṁ pāpaṁ darśanātkṣayamāvrajet

Sin accumulated over seven births comes to its destruction through mere sight of it.

Verse 65 (skanda.7.147.65)

यत्पापं गुरुगोघ्ने च परस्वहरणेषु च। तत्पापं क्षयमाप्नोति ब्रह्मकुण्डनिषेवणात्

yatpāpaṁ gurugoghne ca parasvaharaṇeṣu ca| tatpāpaṁ kṣayamāpnoti brahmakuṇḍaniṣevaṇāt

Whatever sin lies in the slaying of a guru or a cow, and in the theft of another's property—that sin comes to an end through resort to the Brahma-kunda.

Verse 66 (skanda.7.147.66)

प्रदक्षिणं च यः कुर्यात्स्नात्वा कुण्डस्य नामतः। संख्यया पंचदश वै शृणु तस्यापि यत्फलम्

pradakṣiṇaṁ ca yaḥ kuryātsnātvā kuṇḍasya nāmataḥ| saṁkhyayā paṁcadaśa vai śṛṇu tasyāpi yatphalam

And whoever, having bathed, performs circumambulation of the pond fifteen times by count—hear too what fruit is his:

Verse 67 (skanda.7.147.67)

प्रदक्षिणीकृता तेन सप्तद्वीपा वसुन्धरा। सप्तपातालसहिता तीर्थकोटिभिरावृता

pradakṣiṇīkṛtā tena saptadvīpā vasundharā| saptapātālasahitā tīrthakoṭibhirāvṛtā

by him has been circumambulated the earth of seven continents, together with the seven nether-worlds, encompassed by tens of millions of sacred fords.

Verse 68 (skanda.7.147.68)

आहारमात्रं यो दद्यात्तत्र वेदविदां वरे। लक्षभोज्यं कृतं तेन तीर्थस्यास्य प्रभावतः

āhāramātraṁ yo dadyāttatra vedavidāṁ vare| lakṣabhojyaṁ kṛtaṁ tena tīrthasyāsya prabhāvataḥ

Whoever gives merely a meal there to the foremost of the knowers of the Veda—by him, through the power of this tirtha, the feeding of a hundred thousand has been accomplished.

Verse 69 (skanda.7.147.69)

ब्रह्मेश्वरं च संपूज्य हिरण्येश्वरमुत्तमम्। क्षेत्रपालं चतुर्वक्त्रं पूजयेच्चिन्तितं लभेत्

brahmeśvaraṁ ca saṁpūjya hiraṇyeśvaramuttamam| kṣetrapālaṁ caturvaktraṁ pūjayeccintitaṁ labhet

Having worshipped Brahmeshvara and the excellent Hiranyeshvara, and having worshipped the four-faced Kshetrapala, one obtains whatever one desires.

Verse 70 (skanda.7.147.70)

एकविंशत्कुलैर्युक्तः सर्वपापविवर्जितः। ब्रह्मलोकं स वै याति नात्र कार्या विचारणा

ekaviṁśatkulairyuktaḥ sarvapāpavivarjitaḥ| brahmalokaṁ sa vai yāti nātra kāryā vicāraṇā

Together with twenty-one generations of his lineage, freed from all sin, he indeed goes to the world of Brahma; no doubt need be entertained on this point.

Verse 71 (skanda.7.147.71)

विरंचिकुण्डे स्नात्वा वा यो जपेद्वेदमातरम्। लक्षजाप्यविधानेन स मुक्तः पातकैर्भवेत्

viraṁcikuṇḍe snātvā vā yo japedvedamātaram| lakṣajāpyavidhānena sa muktaḥ pātakairbhavet

Or whoever, having bathed in Virinchi's pond, recites the Mother of the Vedas according to the rule of a hundred-thousand-fold repetition, becomes freed from sins.

Verse 72 (skanda.7.147.72)

स एव पुण्यकर्त्ता च स एव पुरुषोत्तमः। यात्रा तत्र कृता येन ब्रह्मकुण्डे वरानने

sa eva puṇyakarttā ca sa eva puruṣottamaḥ| yātrā tatra kṛtā yena brahmakuṇḍe varānane

O fair-faced one, he alone is the doer of merit, he alone is the best of men, by whom pilgrimage has been made there to the Brahma-kunda.

Verse 73 (skanda.7.147.73)

अष्टाशीतिसहस्राणि ऋषीणामूर्ध्वरेतसाम्। ब्रह्मकुण्डं समाश्रित्य ब्रह्मदेवमुपासते

aṣṭāśītisahasrāṇi ṛṣīṇāmūrdhvaretasām| brahmakuṇḍaṁ samāśritya brahmadevamupāsate

Eighty-eight thousand seers of upward-flowing seed, having taken refuge in the Brahma-kunda, worship the god Brahma there.

Verse 74 (skanda.7.147.74)

तावद्गर्जंति तीर्थानि त्रैलोक्ये सचराचरे। यावद्ब्रह्मेश्वरं तीर्थं न पश्यन्ति नराः प्रिये

tāvadgarjaṁti tīrthāni trailokye sacarācare| yāvadbrahmeśvaraṁ tīrthaṁ na paśyaṁti narāḥ priye

O beloved, the sacred fords throughout the three worlds, with all that moves and moves not, continue to boast only so long as men have not beheld the tirtha of Brahmeshvara.

Verse 75 (skanda.7.147.75)

ब्रह्मकुण्डे च पानीयं ये पिबन्ति नराः सकृत्। न तेषां संक्रमेत्पापं वाचिकं मानसं तनौ

brahmakuṇḍe ca pānīyaṁ ye pibaṁti narāḥ sakṛt| na teṣāṁ saṁkrametpāpaṁ vācikaṁ mānasaṁ tanau

Whatever men drink the water of the Brahma-kunda even once, upon their bodies no sin—verbal, mental, or physical—shall come to pass.

Verse 76 (skanda.7.147.76)

ब्रह्मांडोत्तरमध्ये तु यानि तीर्थानि संति वै। तेषां पुण्यमवाप्नोति ब्रह्मकुण्डे प्रदक्षिणात्

brahmāṁḍottaramadhye tu yāni tīrthāni saṁti vai| teṣāṁ puṇyamavāpnoti brahmakuṇḍe pradakṣiṇāt

Whatever sacred fords exist in the upper and middle regions of the universe, one obtains their merit through circumambulation of the Brahma-kunda.

Verse 77 (skanda.7.147.77)

याज्ञवल्क्यो महात्मा च परब्रह्मस्वरूपवान्। सोऽपि कुंडं न मुंचेत निकुंभस्तु गणस्तथा

yājñavalkyo mahātmā ca parabrahmasvarūpavān| so'pi kuṁḍaṁ na muṁceta nikuṁbhastu gaṇastathā

Even the great soul Yajnavalkya, of the very nature of the supreme Brahman, does not leave this pond; and likewise the gana named Nikumbha remains there too.

Verse 78 (skanda.7.147.78)

इति संक्षेपतः प्रोक्तं माहात्म्यं ब्रह्मकुण्डजम्। तव स्नेहेन देवेशि किमन्यत्परिपृच्छसि

iti saṁkṣepataḥ proktaṁ māhātmyaṁ brahmakuṇḍajam| tava snehena deveśi kimanyatparipṛcchasi

Thus has the glory arising from the Brahma-kunda been told in brief; O queen of gods, out of affection for you—what else do you now wish to ask?

Verse 79 (skanda.7.147.79)

य इदं शृणुयान्मर्त्यः सम्यक्श्रद्धासमन्वितः। स मुक्तः पातकैः सर्वैर्ब्रह्मलोकं च गच्छति

ya idaṁ śṛṇuyānmartyaḥ samyakśraddhāsamanvitaḥ| sa muktaḥ pātakaiḥ sarvairbrahmalokaṁ ca gacchati

Whatever mortal hears this, endowed with true faith, he, freed from all sins, goes to the world of Brahma.