The Glory of Indreshvara

Verse 1 (skanda.7.224.1)

ईश्वर उवाच। ततो गच्छेन्महादेवि लिंगमिंद्रप्रतिष्ठितम्। पापमोचननामाढ्यं दक्षिणे पुरुषोत्तमात्

īśvara uvāca| tato gacchenmahādevi liṅgamiṁdrapratiṣṭhitam| pāpamocananāmāḍhyaṁ dakṣiṇe puruṣottamāt

Ishvara said: Then, O great Goddess, one should go to the linga established by Indra, known by the name Papamochana ('the releaser from sin'), situated south of Purushottama.

Verse 2 (skanda.7.224.2)

वृत्रं हत्वा पुरा शक्रो ब्रह्महत्यासमन्वितः। अब्रवीत्स ऋषीन्दिव्यान्कथमेषा गमिष्यति

vṛtraṁ hatvā purā śakro brahmahatyāsamanvitaḥ| abravītsa ṛṣīndivyānkathameṣā gamiṣyati

Formerly, having slain Vritra, Shakra, burdened with the sin of brahminicide, said to the divine sages: 'How shall this sin depart?'

Verse 3 (skanda.7.224.3)

ब्रह्महत्या हि दुष्प्रेक्ष्या विवर्णजननी मम। दुर्गंधचारिणी चैव सर्वतेजोविनाशिनी

brahmahatyā hi duṣprekṣyā vivarṇajananī mama| durgaṁdhacāriṇī caiva sarvatejovināśinī

'This brahminicide is dreadful to behold, the begetter of my discoloration, foul-smelling, and the destroyer of all my splendor.'

Verse 4 (skanda.7.224.4)

अथोचुस्तं सुरगणा नारदाद्या महर्षयः। प्रभासं गच्छ देवेश क्षेत्रं पापहरं हि तत्

athocustaṁ suragaṇā nāradādyā maharṣayaḥ| prabhāsaṁ gaccha deveśa kṣetraṁ pāpaharaṁ hi tat

Then the hosts of gods and the great sages headed by Narada said to him: 'Go to Prabhasa, O lord of gods, for that field destroys sin.'

Verse 5 (skanda.7.224.5)

तत्राराध्य महादेवं मोक्ष्यसे ब्रह्महत्यया। स तथेति प्रतिज्ञाय गतस्तत्र वरानने

tatrārādhya mahādevaṁ mokṣyase brahmahatyayā| sa tatheti pratijñāya gatastatra varānane

'Having worshipped Mahadeva there, you shall be freed from the brahminicide.' Saying 'so be it,' O fair-faced one, he went there,

Verse 6 (skanda.7.224.6)

लिंगं संस्थापयामास देवदेवस्य शूलिनः। तस्य पूजारतो नित्यं धूपगंधानुलेपनैः

liṅgaṁ saṁsthāpayāmāsa devadevasya śūlinaḥ| tasya pūjārato nityaṁ dhūpagaṁdhānulepanaiḥ

and established the linga of the trident-bearing god of gods; and, ever devoted to his worship with incense, fragrance, and unguents,

Verse 7 (skanda.7.224.7)

ततोऽस्य गात्रदौर्गंध्यं नाशमाश्वभ्यगच्छत। विवर्णत्वं गतं सर्वं वपुश्चाभूत्तथोत्तमम्

tato'sya gātradaurgaṁdhyaṁ nāśamāśvabhyagacchata| vivarṇatvaṁ gataṁ sarvaṁ vapuścābhūttathottamam

thereupon the foulness of his limbs was swiftly destroyed, all discoloration departed, and his body became excellent again.

Verse 8 (skanda.7.224.8)

अथ हृष्टमना भूत्वा वाक्यमेतदुवाच ह। तत्रागत्य नरो भक्त्या यश्चैनं पूजयिष्यति

atha hṛṣṭamanā bhūtvā vākyametaduvāca ha| tatrāgatya naro bhaktyā yaścainaṁ pūjayiṣyati

Then, becoming joyful of mind, he spoke these words: 'Whatever man comes here with devotion and worships him,

Verse 9 (skanda.7.224.9)

ब्रह्महत्यादिकं पापं नाशं तस्य प्रयास्यति। एवमुक्त्वा सहस्राक्षः प्रहृष्टस्त्रिदिवं ययौ

brahmahatyādikaṁ pāpaṁ nāśaṁ tasya prayāsyati| evamuktvā sahasrākṣaḥ prahṛṣṭastridivaṁ yayau

his sin of brahminicide and the like shall go to destruction.' Having said this, the thousand-eyed one, greatly rejoicing, went to heaven,

Verse 10 (skanda.7.224.10)

ब्रह्महत्याविनिर्मुक्तः पूज्यमानो दिवौकसैः। गोदानं तत्र दातव्यं ब्राह्मणे वेदपारगे

brahmahatyāvinirmuktaḥ pūjyamāno divaukasaiḥ| godānaṁ tatra dātavyaṁ brāhmaṇe vedapārage

freed from brahminicide, worshipped by the dwellers of heaven. There one should give a cow in gift to a brahmin learned in the Veda,

Verse 11 (skanda.7.224.11)

ब्रह्महत्यापनोदार्थं तत्र श्राद्धं समाचरेत्

brahmahatyāpanodārthaṁ tatra śrāddhaṁ samācaret

and for the removal of brahminicide one should perform shraddha there.