The Greatness of Sangameshvara

Verse 1 (skanda.7.249.1)

ईश्वर उवाच। ततो गच्छेन्महादेवि देवं वै संगमेश्वरम्। गोलक्षमिति विख्यातं सर्वपातकनाशनम्

īśvara uvāca| tato gacchenmahādevi devaṁ vai saṁgameśvaram| golakṣamiti vikhyātaṁ sarvapātakanāśanam

Ishvara said: O Mahadevi, next one should go to the god Sangameshvara, renowned as Golaksha, the destroyer of all sins.

Verse 2 (skanda.7.249.2)

तस्यैव पश्चिमे भागे सर्वकामफलप्रदम्। ऋषिरुद्दालकोनाम पुरा ह्यासीन्महातपाः

tasyaiva paścime bhāge sarvakāmaphalapradam| ṛṣiruddālako nāma purā hyāsīnmahātapāḥ

In the western part of that very place, which grants the fruit of all desires, there once lived, long ago, a sage of great austerity named Uddalaka.

Verse 3 (skanda.7.249.3)

स पुरा संगमं प्राप्य सर्वपापप्रणाशनम्। सरस्वत्याश्च पिंगायास्तपस्तेपे सुरेश्वरि

sa purā saṁgamaṁ prāpya sarvapāpapraṇāśanam| sarasvatyāśca piṁgāyāstapastepe sureśvari

O Goddess of the gods, he once came to the confluence of the Sarasvati and the Pinga, the destroyer of all sins, and performed austerity there.

Verse 4 (skanda.7.249.4)

ततस्तपस्यतस्तस्य तपो रौद्रं महात्मनः। पुरतो ह्युत्थितं लिंगं भक्त्या युक्तस्य सुन्दरि

tatastapasyatastasya tapo raudraṁ mahātmanaḥ| purato hyutthitaṁ liṅgaṁ bhaktyā yuktasya sundari

O beauteous one, as that great soul, filled with devotion, performed his fierce austerity, a linga rose up before him.

Verse 5 (skanda.7.249.5)

एतस्मिन्नेव काले तु वागुवाचाशरीरिणी। उद्दालक महाबाहो शृणुष्वैतद्वचो मम

etasminneva kāle tu vāguvācāśarīriṇī| uddālaka mahābāho śṛṇuṣvaitadvaco mama

At that very moment, a disembodied voice spoke: 'O mighty-armed Uddalaka, listen to these my words.'

Verse 6 (skanda.7.249.6)

अद्यप्रभृति वासोऽत्र मम नित्यं भविष्यति। यस्मादत्र समुत्पन्नं संगमे लिंगमुत्तमम्। संगमेश्वरमित्येव नाम चास्य भविष्यति

adyaprabhṛti vāso'tra mama nityaṁ bhaviṣyati| yasmādatra samutpannaṁ saṁgame liṅgamuttamam| saṁgameśvaramityeva nāma cāsya bhaviṣyati

'From this day my dwelling shall always be here. And since this excellent linga has arisen at the confluence, its name shall be Sangameshvara.'

Verse 7 (skanda.7.249.7)

येत्र स्नानं नराः कृत्वा संगमे लोकविश्रुते। संगमेश्वरमीक्षन्ते ते यांति परमां गतिम्

yetra snānaṁ narāḥ kṛtvā saṁgame lokaviśrute| saṁgameśvaramīkṣante te yāṁti paramāṁ gatim

Men who bathe at this world-renowned confluence and behold Sangameshvara attain the supreme goal.

Verse 8 (skanda.7.249.8)

ईश्वर उवाच। ततस्तं पूजयामास दिवारात्रमतंद्रितः। ततो देहावसानेऽसौ गतो यत्र महेश्वरः

īśvara uvāca| tatastaṁ pūjayāmāsa divārātramataṁdritaḥ| tato dehāvasāne'sau gato yatra maheśvaraḥ

Ishvara said: Then Uddalaka worshipped it tirelessly, day and night; and at the end of his body, he went to that place where the god Maheshvara dwells.