The Glory of Chyavanaditya and the Hundred and Eight Names of Surya

Verse 1 (skanda.7.279.1)

ईश्वर उवाच। ततो गच्छेन्महादेवि च्यवनार्कमनुत्तमम्। हिरण्यापूर्वभागस्थं च्यवनेन प्रतिष्ठितम्

īśvara uvāca| tato gacchenmahādevi cyavanārkamanuttamam| hiraṇyāpūrvabhāgasthaṁ cyavanena pratiṣṭhitam

Ishvara said: Then, O great Goddess, one should go to the unsurpassed Chyavanarka, situated on the eastern side of the Hiranya river, established by the sage Chyavana.

Verse 2 (skanda.7.279.2)

सर्वकामप्रदं नृणां पूजितं विधिवन्नरैः। सप्तम्यां च विधानेन यः स्तोष्यति रविं नरः

sarvakāmapradaṁ nṛṇāṁ pūjitaṁ vidhivannaraiḥ| saptamyāṁ ca vidhānena yaḥ stoṣyati raviṁ naraḥ

It grants every desire to men and is duly worshipped by people. And whatever man, on the seventh lunar day, praises the Sun according to rule —

Verse 3 (skanda.7.279.3)

अष्टोत्तरशतैर्नाम्नां सम्यक्छ्रद्धासमन्वितः। शृणु तानि महादेवि शुचिर्भूत्वा समाहितः

aṣṭottaraśatairnāmnāṁ samyakchraddhāsamanvitaḥ| śṛṇu tāni mahādevi śucirbhūtvā samāhitaḥ

— with true faith, should recite his hundred and eight names. Listen to them, O great Goddess, having become pure and composed.

Verse 4 (skanda.7.279.4)

क्षणं त्वं कुरु देवेशि सर्वं वक्ष्याम्यशेषतः। धौम्येन तु यथापूर्वं पार्थाय सुमहात्मने

kṣaṇaṁ tvaṁ kuru deveśi sarvaṁ vakṣyāmyaśeṣataḥ| dhaumyena tu yathāpūrvaṁ pārthāya sumahātmane

Give me a moment, O Goddess of gods; I shall tell everything in full, just as it was formerly told by Dhaumya to the great-souled son of Pritha.

Verse 5 (skanda.7.279.5)

नामाष्टशतमाख्यातं तच्छृणुष्व महामते। सूर्योऽर्यमा भगस्त्वष्टा पूषाऽर्कः सविता रविः

nāmāṣṭaśatamākhyātaṁ tacchṛṇuṣva mahāmate| sūryo'ryamā bhagastvaṣṭā pūṣā'rkaḥ savitā raviḥ

The hundred and eight names have been declared; listen to them, O wise one: Surya, Aryama, Bhaga, Tvashta, Pushan, Arka, Savita, Ravi,

Verse 6 (skanda.7.279.6)

गभस्तिमानजः कालो मृत्युर्द्धाता प्रभाकरः। पृथिव्यापश्च तेजश्च खं वायुश्च परायणः

gabhastimānajaḥ kālo mṛtyurddhātā prabhākaraḥ| pṛthivyāpaśca tejaśca khaṁ vāyuśca parāyaṇaḥ

Gabhastiman, Aja, Kala, Mrityu, Dhata, Prabhakara, Prithvi, Ap, Tejas, Kha and Vayu — the Supreme Goal,

Verse 7 (skanda.7.279.7)

सोमो बृहस्पतिः शुक्रो बुधोंऽगारक एव च। इन्द्रो विवस्वान्दीप्तांशुः शुचिः सौरिः शनैश्चरः

somo bṛhaspatiḥ śukro budhoṁ'gāraka eva ca| indro vivasvāndīptāṁśuḥ śuciḥ sauriḥ śanaiścaraḥ

Soma, Brihaspati, Shukra, Budha and also Angaraka, Indra, Vivasvan, Diptamshu, Shuchi, Sauri, Shanaishchara,

Verse 8 (skanda.7.279.8)

ब्रह्मा रुद्रश्च विष्णुश्च स्कन्दो वैश्रवणो यमः। वैद्युतो जाठरश्चाग्निरिंधनस्तेजसां पतिः

brahmā rudraśca viṣṇuśca skando vaiśravaṇo yamaḥ| vaidyuto jāṭharaścāgniriṁdhanastejasāṁ patiḥ

Brahma, Rudra, Vishnu, Skanda, Vaishravana, Yama, Vaidyuta, Jatharagni, Agni, Indhana, Lord of all radiances,

Verse 9 (skanda.7.279.9)

धर्मध्वजो वेदकर्त्ता वेदांगो वेदवाहनः। कृतं त्रेता द्वापरश्च कलिः सर्वामराश्रयः

dharmadhvajo vedakarttā vedāṁgo vedavāhanaḥ| kṛtaṁ tretā dvāparaśca kaliḥ sarvāmarāśrayaḥ

Dharmadhvaja, Vedakarta, Vedanga, Vedavahana, Krita, Treta, Dvapara and Kali, the Refuge of all the gods,

Verse 10 (skanda.7.279.10)

कलाकाष्ठामुहूर्त्ताश्च पक्षा मासा अहर्निशाः। संवत्सरकरोऽश्वस्थः कालचक्रो विभावसुः

kalākāṣṭhāmuhūrttāśca pakṣā māsā aharniśāḥ| saṁvatsarakaro'śvasthaḥ kālacakro vibhāvasuḥ

Kala, Kashtha, Muhurta, the fortnights, the months, day and night, the Maker of the year, He who dwells upon the horse, the Wheel of Time, Vibhavasu,

Verse 11 (skanda.7.279.11)

पुरुषः शाश्वतो योगी व्यक्ताव्यक्तः सनातनः। लोकाध्यक्षः प्रजाध्यक्षो विश्वकर्मा तमोनुदः

puruṣaḥ śāśvato yogī vyaktāvyaktaḥ sanātanaḥ| lokādhyakṣaḥ prajādhyakṣo viśvakarmā tamonudaḥ

Purusha, the Eternal, the Yogin, the Manifest-and-Unmanifest, the Everlasting, Overseer of the worlds, Overseer of creatures, Vishvakarma, the Dispeller of darkness,

Verse 12 (skanda.7.279.12)

वरुणः सागरोंशुश्च जीवन्तो जीवनोऽरिहा। भूताश्रयो भूतपतिः सर्वभूतनिषेवितः

varuṇaḥ sāgaroṁśuśca jīvanto jīvano'rihā| bhūtāśrayo bhūtapatiḥ sarvabhūtaniṣevitaḥ

Varuna, the Ocean, the Ray, the Living, the Life-giver, the Slayer of enemies, the Refuge of beings, the Lord of beings, the One served by all beings,

Verse 13 (skanda.7.279.13)

स्रष्टा संवर्त्तको वह्निः सर्वस्यादिकरोऽमलः। अनंतः कपिलो भानुः कामदः सर्वतोमुखः

sraṣṭā saṁvarttako vahniḥ sarvasyādikaro'malaḥ| anaṁtaḥ kapilo bhānuḥ kāmadaḥ sarvatomukhaḥ

the Creator, the Destroyer, Fire, the Originator of all, the Stainless, the Infinite, Kapila, Bhanu, the Granter of desires, He whose face is everywhere,

Verse 14 (skanda.7.279.14)

जयो विषादो वरदः सर्वधातुनिषेवितः। समः सुवर्णो भूतादिः शीघ्रगः प्राणधारकः

jayo viṣādo varadaḥ sarvadhātuniṣevitaḥ| samaḥ suvarṇo bhūtādiḥ śīghragaḥ prāṇadhārakaḥ

Victory, Dispeller of sorrow, the Boon-giver, He served by all the bodily elements, the Impartial, Suvarna, the Origin of beings, the Swift-mover, the Sustainer of the life-breath,

Verse 15 (skanda.7.279.15)

धन्वंतरिर्धूमकेतुरादिदेवोऽदितेः सुतः। द्वादशात्माऽरविंदाक्षः पिता माता पितामहः

dhanvaṁtarirdhūmaketurādidevo'diteḥ sutaḥ| dvādaśātmā'raviṁdākṣaḥ pitā mātā pitāmahaḥ

Dhanvantari, Dhumaketu, the Primeval God, the Son of Aditi, He whose Self is twelvefold, the Lotus-eyed, Father, Mother, Grandfather,

Verse 16 (skanda.7.279.16)

स्वर्गद्वारं प्रजाद्वारं मोक्षद्वारं त्रिविष्टपम्। देहकर्त्ता प्रशांतात्मा विश्वात्मा विश्वतोमुखः। चराचरात्मा सूक्ष्मात्मा मैत्रेण वपुषाऽन्वितः

svargadvāraṁ prajādvāraṁ mokṣadvāraṁ triviṣṭapam| dehakarttā praśāṁtātmā viśvātmā viśvatomukhaḥ| carācarātmā sūkṣmātmā maitreṇa vapuṣā'nvitaḥ

the Gate of Heaven, the Gate of Progeny, the Gate of Liberation, Heaven itself, the Maker of the body, the Tranquil-souled, the Self of the Universe, He whose face is everywhere, the Self of all moving and unmoving things, the Subtle Self, endowed with a benevolent form.

Verse 17 (skanda.7.279.17)

एतद्वै कीर्तनीयस्य सूर्यस्यामिततेजसः। नाम्नामष्टोत्तरशतं प्रोक्तं शक्रेण धीमता

etadvai kīrtanīyasya sūryasyāmitatejasaḥ| nāmnāmaṣṭottaraśataṁ proktaṁ śakreṇa dhīmatā

This, indeed, is the hundred and eight names of the glorious Surya of immeasurable radiance, declared by the wise Indra.

Verse 18 (skanda.7.279.18)

शक्राच्च नारदः प्राप्तो धौम्यस्तु तदनन्तरम्। धौम्याद्युधिष्ठिरः प्राप्य सर्वान्कामानवाप्तवान्

śakrācca nāradaḥ prāpto dhaumyastu tadanantaram| dhaumyādyudhiṣṭhiraḥ prāpya sarvānkāmānavāptavān

From Indra, Narada obtained it, and after him Dhaumya; Yudhishthira, having obtained it from Dhaumya, attained all his desires.

Verse 19 (skanda.7.279.19)

एतानि कीर्तनीयस्य सूर्यस्यामिततेजसः। नामानि यः पठेन्नित्यं सर्वान्कामानवाप्नुयात्

etāni kīrtanīyasya sūryasyāmitatejasaḥ| nāmāni yaḥ paṭhennityaṁ sarvānkāmānavāpnuyāt

Whoever daily recites these names of the glorious Surya of immeasurable radiance shall obtain all desires.

Verse 20 (skanda.7.279.20)

सुरपितृमनुजयक्षसेवितमसुरनिशाचरसिद्धवंदितम्। वरकनकहुताशनप्रभं त्वमपि नम हिताय भास्करम्

surapitṛmanujayakṣasevitamasuraniśācarasiddhavaṁditam| varakanakahutāśanaprabhaṁ tvamapi nama hitāya bhāskaram

O one seeking well-being, you too should bow, for your own good, to Bhaskara — served by gods, ancestors, men and yakshas, revered by asuras, night-wanderers and siddhas, radiant like excellent gold or blazing fire.

Verse 21 (skanda.7.279.21)

सूर्योदये यस्तु समाहितः पठेत्स पुत्रलाभं धनरत्नसंचयान्। लभेत जातिस्मरतां सदा नरः स्मृतिं च मेधां च स विंदते पुमान्

sūryodaye yastu samāhitaḥ paṭhetsa putralābhaṁ dhanaratnasaṁcayān| labheta jātismaratāṁ sadā naraḥ smṛtiṁ ca medhāṁ ca sa viṁdate pumān

Whoever, composed in mind, recites this at sunrise obtains the gain of sons and stores of wealth and jewels; that man ever attains remembrance of past births, and gains memory and intellect.

Verse 22 (skanda.7.279.22)

इमं स्तवं देववरस्य यो नरः प्रकीर्त्तयेच्छुद्धमनाः समाहितः। स मुच्यते शोकदवाग्निसाराल्लभेत कामान्मनसा यथेप्सितान्

imaṁ stavaṁ devavarasya yo naraḥ prakīrttayecchuddhamanāḥ samāhitaḥ| sa mucyate śokadavāgnisārāllabheta kāmānmanasā yathepsitān

Whatever man, pure of mind and composed, proclaims this hymn of the foremost of gods, is freed from the very essence of the forest-fire of grief, and obtains desires exactly as wished in his mind.