The Glory of Chyavaneshvara: Mada Appeased and Indra's Concession

Verse 1 (skanda.7.283.1)

ईश्वर उवाच। तं दृष्ट्वा घोरवदनं मदं देवः शतक्रतुः। आयांतं भक्षयिष्यन्तं व्यात्ताननमिवान्तकम्

īśvara uvāca| taṁ dṛṣṭvā ghoravadanaṁ madaṁ devaḥ śatakratuḥ| āyāṁtaṁ bhakṣayiṣyantaṁ vyāttānanamivāntakam

Ishvara said: Seeing that terrible-faced Mada approaching, about to devour him, his mouth agape like Death himself,

Verse 2 (skanda.7.283.2)

भयात्स्तंभितरूपेण लेलिहानं मुहुर्मुहुः। प्रणतोऽब्रवीन्महादेवि च्यवनं भयपीडितः

bhayātstaṁbhitarūpeṇa lelihānaṁ muhurmuhuḥ| praṇato'bravīnmahādevi cyavanaṁ bhayapīḍitaḥ

the god Shatakratu, frozen with fear, seeing him licking his lips again and again, O great Goddess, tormented by fear, bowed down and spoke to Chyavana:

Verse 3 (skanda.7.283.3)

सोमार्हावश्विनावेतावद्यप्रभृति भार्गव। भविष्यतः सर्वमेतद्वचः सत्यं ब्रवीमि ते

somārhāvaśvināvetāvadyaprabhṛti bhārgava| bhaviṣyataḥ sarvametadvacaḥ satyaṁ bravīmi te

'From this day forward, O descendant of Bhrigu, these two Ashvins shall be worthy of Soma. All this I speak to you in truth.'

Verse 4 (skanda.7.283.4)

मा ते मिथ्या समारम्भो भवत्वथ तपोधन। जानामि चाहं विप्रर्षे न मिथ्या त्वं करिष्यसि

mā te mithyā samārambho bhavatvatha tapodhana| jānāmi cāhaṁ viprarṣe na mithyā tvaṁ kariṣyasi

'Let not your undertaking prove false, O lord of austerity. And I know, O brahmin-seer, that you will not act falsely.'

Verse 5 (skanda.7.283.5)

सोमार्हावश्विनावेतौ यथैवाद्य त्वया कृतौ। भूय एव तु ते वीर्यं प्रकाशेदिति भार्गव

somārhāvaśvināvetau yathaivādya tvayā kṛtau| bhūya eva tu te vīryaṁ prakāśediti bhārgava

'These two Ashvins are made worthy of Soma exactly as you have brought about today; may your power, O descendant of Bhrigu, be manifest again and again —'

Verse 6 (skanda.7.283.6)

सुकन्यायाः पितुश्चास्य लोके कीर्तिर्भवेदिति। अतो मयैतद्विहितं तद्वीर्यस्य प्रकाशनम्। तस्मात्प्रसादं कुरु मे भवत्वेतद्यथेच्छसि

sukanyāyāḥ pituścāsya loke kīrtirbhavediti| ato mayaitadvihitaṁ tadvīryasya prakāśanam| tasmātprasādaṁ kuru me bhavatvetadyathecchasi

'— and so that fame might come, in the world, to the father of Sukanya as well; for this reason I arranged this revealing of your power. Therefore show me your grace; let this be as you wish.'

Verse 7 (skanda.7.283.7)

एवमुक्तस्य शक्रेण च्यवनस्य महात्मनः। मन्युर्व्युपारमच्छीघ्रं मानश्चैव सुरेशितुः

evamuktasya śakreṇa cyavanasya mahātmanaḥ| manyurvyupāramacchīghraṁ mānaścaiva sureśituḥ

When Shakra spoke thus, the anger of the great-souled Chyavana quickly subsided, as did the pride of the lord of the gods.

Verse 8 (skanda.7.283.8)

मदं च व्यभजद्देवि पाने स्त्रीषु च वीर्यवान्। अक्षेषु मृगयायां च पूर्वं सृष्टं पुनःपुनः। तथा मदं विनिक्षिप्य शक्रं संतर्प्य चेंदुना

madaṁ ca vyabhajaddevi pāne strīṣu ca vīryavān| akṣeṣu mṛgayāyāṁ ca pūrvaṁ sṛṣṭaṁ punaḥpunaḥ| tathā madaṁ vinikṣipya śakraṁ saṁtarpya ceṁdunā

O Goddess, that mighty sage divided up the Mada he had earlier created, distributing him again and again into drinking, women, dice, and hunting; having thus disposed of Mada, and having satisfied Shakra with Soma,

Verse 9 (skanda.7.283.9)

अश्विभ्यां सहितान्सर्वान्याजयित्वा च तं नृपम्। विख्याप्य वीर्यं सर्वेषु लोकेषु वरवर्णिनि

aśvibhyāṁ sahitānsarvānyājayitvā ca taṁ nṛpam| vikhyāpya vīryaṁ sarveṣu lokeṣu varavarṇini

and having caused that king, together with all the gods and the Ashvins, to complete the sacrifice, and having proclaimed his own power throughout all the worlds, O fair one,

Verse 10 (skanda.7.283.10)

सुकन्यया महारण्ये क्षेत्रेऽस्मिन्विजहार सः। तस्यैतद्देवि संयुक्तं च्यवनेश्वरनामभृत्

sukanyayā mahāraṇye kṣetre'sminvijahāra saḥ| tasyaitaddevi saṁyuktaṁ cyavaneśvaranāmabhṛt

he then sported with Sukanya in the forest of this great sacred field. This linga, O Goddess, associated with him, bears the name Chyavaneshvara.

Verse 11 (skanda.7.283.11)

लिंगं महापापहरं च्यव नेन प्रतिष्ठितम्। पूजयेत्तं विधानेन सोऽश्वमेधफलं लभेत्

liṁgaṁ mahāpāpaharaṁ cyava nena pratiṣṭhitam| pūjayettaṁ vidhānena so'śvamedhaphalaṁ labhet

This linga, which removes great sin, was established by Chyavana. Whoever worships it according to rule obtains the fruit of the Ashvamedha sacrifice.

Verse 12 (skanda.7.283.12)

तस्माच्चन्द्रमसस्तीर्थमृषयः पर्युपासते। वैखानसाख्या ऋषयो वालखिल्यास्तथैव च

tasmāccandramasastīrthamṛṣayaḥ paryupāsate| vaikhānasākhyā ṛṣayo vālakhilyāstathaiva ca

Nearby, the sages worship the tirtha of the Moon — the sages known as Vaikhanasas, and likewise the Valakhilyas.

Verse 13 (skanda.7.283.13)

अत्राश्विने मासि नरः पौर्णमास्यां विशेषतः। श्राद्धं कुर्याद्विधानेन ब्राह्मणान्भोजयेत्पृथक्। कोटितीर्थफलं तस्य भवेन्नैऽवात्र संशयः

atrāśvine māsi naraḥ paurṇamāsyāṁ viśeṣataḥ| śrāddhaṁ kuryādvidhānena brāhmaṇānbhojayetpṛthak| koṭitīrthaphalaṁ tasya bhavennai'vātra saṁśayaḥ

Here, especially on the full-moon day of the month of Ashvina, a man should perform shraddha according to rule and feed brahmins separately; the fruit of a crore of tirthas shall be his — there is no doubt of this.

Verse 14 (skanda.7.283.14)

य इमां शृणुयाद्देवि कथां पातकनाशिनीम्। समस्तजन्मसंभूतात्पापान्मुक्तो भवेन्नरः

ya imāṁ śṛṇuyāddevi kathāṁ pātakanāśinīm| samastajanmasaṁbhūtātpāpānmukto bhavennaraḥ

Whoever, O Goddess, listens to this sin-destroying tale becomes freed from the sins accumulated over all his births.