The Glory of Shri Damodara

Verse 1 (skanda.7.380.1)

सारस्वत उवाच अथासौ वामनो विप्रो लब्धज्ञानो भवार्चने । जगाम तद्वनं रम्यं गिरे रैवतकस्य यत्

sārasvata uvāca athāsau vāmano vipro labdhajñāno bhavārcane | jagāma tadvanaṁ ramyaṁ gire raivatakasya yat

Sarasvata said: Then that brahmin Vamana, having gained knowledge through the worship of Bhava, went to that lovely forest belonging to Mount Raivataka.

Verse 2 (skanda.7.380.2)

यत्र वृक्षा बहुविधा दीर्घशाखाः फलान्विताः । वटोदुम्बरबिल्वाश्च सर्जार्जुनकदंबकाः

yatra vṛkṣā bahuvidhā dīrghaśākhāḥ phalānvitāḥ | vaṭodumbarabilvāśca sarjārjunakadaṁbakāḥ

where trees of many kinds, long-branched and laden with fruit, grew - banyan, cluster-fig, bilva, sal, arjuna, and kadamba,

Verse 3 (skanda.7.380.3)

पलाशाश्वत्थनिंबाश्च धवाटीवारुणीद्रुमाः । शमीकंकोललिंबांश्च बीजपूरी च दाडिमः

palāśāśvatthaniṁbāśca dhavāṭīvāruṇīdrumāḥ | śamīkaṁkolaliṁbāṁśca bījapūrī ca dāḍimaḥ

palasha, peepal, and neem, dhava and atavaruni trees, shami, kankola, and lime, citron and pomegranate,

Verse 4 (skanda.7.380.4)

बदरी निंबकः पूगः कदली शल्लकी शिवा । तालहिंतालशिरसा बीजकावंशखादिराः

badarī niṁbakaḥ pūgaḥ kadalī śallakī śivā | tālahiṁtālaśirasā bījakāvaṁśakhādirāḥ

jujube, neem, areca-palm, plantain, shallaki, shiva-tree, palmyra, hintala-palm, shirisha, bijaka, bamboo, and khadira,

Verse 5 (skanda.7.380.5)

अजगासनगागुच्छा इंगुदीकोरवेंगुदाः । ब्रह्मवृक्षाः कुरुबकाः करंजाः पुत्रजीविनः ।

ajagāsanagāgucchā iṁgudīkoraveṁgudāḥ | brahmavṛkṣāḥ kurubakāḥ karaṁjāḥ putrajīvinaḥ |

ajagasana clusters, ingudi and korave-ingudi, brahma-trees, kurubaka, karanja, and putrajiva,

Verse 6 (skanda.7.380.6)

अंकोल्लाः पारिभद्राश्च कलंबाः पनसास्तथा । उज्ज्वलाश्च हरिद्राश्च गंगडीवायवा द्रुमाः

aṁkollāḥ pāribhadrāśca kalaṁbāḥ panasāstathā | ujjvalāśca haridrāśca gaṁgaḍīvāyavā drumāḥ

ankolla, paribhadra, kalamba, jackfruit trees, ujjvala and haridra trees, and gangadi and vayava trees,

Verse 7 (skanda.7.380.7)

तेसुण्डकाः शिरीषाश्च खर्जूरीकरवंदिकाः । सेवाली शाल्मली शाला मधूकाश्च विभीतकाः

tesuṇḍakāḥ śirīṣāśca kharjūrīkaravaṁdikāḥ | sevālī śālmalī śālā madhūkāśca vibhītakāḥ

tesundaka, shirisha, date-palm and karavandika, sevali, shalmali, sal, mahua, and vibhitaka trees,

Verse 8 (skanda.7.380.8)

हरीतक्यः कटाहाश्च कर्यष्टा आटरूषकाः । विकच्छवः कपित्थाश्च रोहिणीवेत्रकद्रुमाः

harītakyaḥ kaṭāhāśca karyaṣṭā āṭarūṣakāḥ | vikacchavaḥ kapitthāśca rohiṇīvetrakadrumāḥ

harītakī, kataha, karyashta, atarushaka, vikacchava, wood-apple, rohini, and rattan-cane trees,

Verse 9 (skanda.7.380.9)

मदनफलानिर्गुण्डीपाटलानंदिपादपाः । लवंगैलालवल्यश्च सन्ताना अगरुद्रुमाः

madanaphalānirguṇḍīpāṭalānaṁdipādapāḥ | lavaṁgailālavalyaśca santānā agarudrumāḥ

madana-fruit, nirgundi, patala, and nandi trees, clove, cardamom, and lavali trees, santana and aguru trees,

Verse 10 (skanda.7.380.10)

श्रीखण्डकर्पूरनगाः कल्पवृक्षा नगोतमाः । वामनेन तदा दृष्टाश्छायावृक्षाः सुरार्चिताः

śrīkhaṇḍakarpūranagāḥ kalpavṛkṣā nagotamāḥ | vāmanena tadā dṛṣṭāśchāyāvṛkṣāḥ surārcitāḥ

sandalwood and camphor trees, wish-fulfilling kalpa-trees, most excellent of trees - shade-trees worshipped by the gods, all these Vamana then beheld.

Verse 11 (skanda.7.380.11)

उदयास्तमने येषां छाया न प्रतिहन्यते । तेषां दर्शनमात्रेण सर्वपापक्षयो भवेत्

udayāstamane yeṣāṁ chāyā na pratihanyate | teṣāṁ darśanamātreṇa sarvapāpakṣayo bhavet

Trees whose shade is never broken, from sunrise to sunset - by the mere sight of them the destruction of all sin comes about.

Verse 12 (skanda.7.380.12)

ये जनाः पुण्यकर्माणस्तेषां ते दृष्टिगोचराः । एतान्पश्यन्ययौ वृक्षांस्ततो रैवतकं गिरिम्

ye janāḥ puṇyakarmāṇasteṣāṁ te dṛṣṭigocarāḥ | etānpaśyanyayau vṛkṣāṁstato raivatakaṁ girim

Only men of meritorious deeds come within sight of them. Beholding these trees, he went on to Mount Raivataka.

Verse 13 (skanda.7.380.13)

यावन्निरीक्षते तुंगं शिखरं तस्य मूर्द्धनि । आश्चर्यं ददृशे विप्रो महल्लोकभयंकरम्

yāvannirīkṣate tuṁgaṁ śikharaṁ tasya mūrddhani | āścaryaṁ dadṛśe vipro mahallokabhayaṁkaram

As he gazed at its lofty summit, at its very crown, that brahmin beheld a wonder - a sight terrifying to the great world.

Verse 14 (skanda.7.380.14)

धूमज्वलनमध्यस्थान्पुरुषान्पंच पश्यति । कृष्णांगान्खेचरान्रौद्रान्कृष्णागुरुविभूषितान्

dhūmajvalanamadhyasthānpuruṣānpaṁca paśyati | kṛṣṇāṁgānkhecarānraudrānkṛṣṇāguruvibhūṣitān

He saw five beings standing amid smoke and flame - dark-limbed, sky-roaming, fearsome, adorned with black aguru,

Verse 15 (skanda.7.380.15)

सारमेय समारूढान्करिहस्तान्समेखलान् । खङ्गखेटकहस्तांश्च डमरुड्डामरस्वनान्॥।३५ । सघर्घरीकचरणन्यासनादितपर्वतान् । फेत्कारभासुराकारान्काशकुञ्चितमूर्द्धजान्

sārameya samārūḍhānkarihastānsamekhalān | khaṅgakheṭakahastāṁśca ḍamaruḍḍāmarasvanān|35 | saghargharīkacaraṇanyāsanāditaparvatān | phetkārabhāsurākārānkāśakuñcitamūrddhajān

mounted on dogs, elephant-tusked in hand, girdled, their hands holding swords and shields, with the tumultuous din of hand-drums, their jangling footfall making the mountains resound, their forms terrifying with harsh cries, their hair curled and grey as kasha-grass,

Verse 16 (skanda.7.380.16)

नरमांसवसासारकवलव्यग्रतालुकान् । जनगंधसमाज्ञानभवतीव्रविलोचनान्

naramāṁsavasāsārakavalavyagratālukān | janagaṁdhasamājñānabhavatīvravilocanān

their palates busied with mouthfuls of human flesh and fat, their eyes fierce, keenly aware of the scent of men -

Verse 17 (skanda.7.380.17)

पञ्चाग्निसाधनाव्याप्तदिव्यचक्षुः प्रभावतः । देवान्पश्यति विप्रेन्द्रो ज्ञातकार्यपरंपरः

pañcāgnisādhanāvyāptadivyacakṣuḥ prabhāvataḥ | devānpaśyati viprendro jñātakāryaparaṁparaḥ

by the power of the divine eye attained through his practice of the five-fire austerity, that foremost of brahmins recognised them as gods, and understood the sequence of their purpose.

Verse 18 (skanda.7.380.18)

एते क्षेत्राधिपाः पञ्च महादेवेन निर्मिताः । महाबला रैवतके निवसंति गिरौ सदा ।

ete kṣetrādhipāḥ pañca mahādevena nirmitāḥ | mahābalā raivatake nivasaṁti girau sadā |

These five, the guardian-lords of the sacred field, created by Mahadeva, mighty in strength, dwell forever on Mount Raivataka.

Verse 19 (skanda.7.380.19)

स्वेच्छाचारान्नरान्मर्त्त्यान्वारयति नगे तथा । हरिं हरं नदीं देवीं न पश्यंति गिरिं यथा

svecchācārānnarānmarttyānvārayati nage tathā | hariṁ haraṁ nadīṁ devīṁ na paśyaṁti giriṁ yathā

Thus they restrain wayward, self-willed mortal men upon the mountain, so that they may not carelessly behold Hari, Hara, the goddess-river, and the mountain.

Verse 20 (skanda.7.380.20)

दृष्ट्वा ज्ञात्वा स्तुतिं चक्रे ध्यात्वा देवं महेश्वरम् । जयंति दुष्टदैत्येंद्रयुद्धध्यानांकितं वपुः । बिभ्रति भ्रातरो ये ते पंचेंद्रसमविक्रमाः

dṛṣṭvā jñātvā stutiṁ cakre dhyātvā devaṁ maheśvaram | jayaṁti duṣṭadaityeṁdrayuddhadhyānāṁkitaṁ vapuḥ | bibhrati bhrātaro ye te paṁceṁdrasamavikramāḥ

Having seen and recognised them, Vamana, meditating upon the god Maheshvara, offered praise: 'Victory to those brothers whose forms are marked for battle against wicked lords of daityas, whose valour equals that of five Indras -'

Verse 21 (skanda.7.380.21)

रुद्रवक्त्रोद्भवा दक्षा दक्षाध्वरविनाशकाः । स्वावलीढाहुतीनष्टभीतवाडवनंदिताः

rudravaktrodbhavā dakṣā dakṣādhvaravināśakāḥ | svāvalīḍhāhutīnaṣṭabhītavāḍavanaṁditāḥ

'-born from the mouth of Rudra, skilled ones, destroyers of Daksha's sacrifice, delighting the frightened submarine fire by consuming their own oblations,'

Verse 22 (skanda.7.380.22)

कुङ्कुमागरुकर्पूरलिप्तांगाः सुविभूषिताः । मदिरामोदमत्तांगनृत्यगीतकराः सुराः

kuṅkumāgarukarpūraliptāṁgāḥ suvibhūṣitāḥ | madirāmodamattāṁganṛtyagītakarāḥ surāḥ

'-gods whose limbs are anointed with saffron, aguru, and camphor, richly adorned, whose limbs, intoxicated with the fragrance of wine, engage in dance and song,'

Verse 23 (skanda.7.380.23)

ब्रह्मांडभ्रमणश्रांत स्वगंधत्रस्तसंचराः । मनोजवाः कामगमा क्षेत्रपाला जयंति ते

brahmāṁḍabhramaṇaśrāṁta svagaṁdhatrastasaṁcarāḥ | manojavāḥ kāmagamā kṣetrapālā jayaṁti te

'-weary from roaming the whole universe, their very scent making all else flee, swift as thought, going wherever they will - victory to these guardians of the field!'

Verse 24 (skanda.7.380.24)

इत्यादिवचनात्तुष्टा द्विजस्याग्रे स्वयं स्थिताः । एकपादोऽस्म्यहं चैको द्वितीयो गिरिदारुणः

ityādivacanāttuṣṭā dvijasyāgre svayaṁ sthitāḥ | ekapādo'smyahaṁ caiko dvitīyo giridāruṇaḥ

Pleased by these and other such words, they stood themselves before the brahmin: 'I am Ekapada; the second is Giridaruna,'

Verse 25 (skanda.7.380.25)

तृतीयो मेघनादस्तु सिंहनादश्चतुर्थकः । पंचमः कालमेघोऽहं कुर्मः किं ते वदस्व तत्

tṛtīyo meghanādastu siṁhanādaścaturthakaḥ | paṁcamaḥ kālamegho'haṁ kurmaḥ kiṁ te vadasva tat

'the third is Meghanada, the fourth Simhanada, and I, the fifth, am Kalamegha. What shall we do for you? Tell us that.'

Verse 26 (skanda.7.380.26)

द्विज उवाच यदि तुष्टा भवंतो मे यदि देयो वरो धुवम् । अहो आप्रलयं यावत्स्थातव्यं मत्प्रतिष्ठितैः

dvija uvāca yadi tuṣṭā bhavaṁto me yadi deyo varo dhuvam | aho āpralayaṁ yāvatsthātavyaṁ matpratiṣṭhitaiḥ

The brahmin said: 'If you are pleased with me, and if a boon is surely to be given, then you, established by me, should remain here until the dissolution of the world.'

Verse 27 (skanda.7.380.27)

एकपादो गिरि तटे प्रहर्षात्प्रथमं स्थितः । वसतौ वसता तेन गिरौ च गिरिदारुणः

ekapādo giri taṭe praharṣātprathamaṁ sthitaḥ | vasatau vasatā tena girau ca giridāruṇaḥ

Ekapada, with great joy, took his place first on the mountain-slope; and dwelling there with him was Giridaruna.

Verse 28 (skanda.7.380.28)

प्रतिष्ठितः प्रसाद्याथ वरदोऽसौ स्वयं स्थितः । उज्जयंतगिरेर्मूर्ध्नि मेघनादः स्वयं ययौ

pratiṣṭhitaḥ prasādyātha varado'sau svayaṁ sthitaḥ | ujjayaṁtagirermūrdhni meghanādaḥ svayaṁ yayau

Thus established and gratified, that boon-giver took his own place there; and Meghanada himself went to the summit of Mount Ujjayanta.

Verse 29 (skanda.7.380.29)

भवानीशंकरं रम्यं सिंहनादस्तथाविशत् । स्वयं वस्त्रापथेनैव भवस्याग्रे निरूपितः

bhavānīśaṁkaraṁ ramyaṁ siṁhanādastathāviśat | svayaṁ vastrāpathenaiva bhavasyāgre nirūpitaḥ

Simhanada entered the lovely shrine of Bhavani-Shankara; he was established, by the very glory of Vastrapatha, before Bhava himself.

Verse 30 (skanda.7.380.30)

स्वणरेखानदीतीरे कालमेघो महाबलः । सर्वलोकोपकारार्थं तीर्थं संस्थापितं पुरा

svaṇarekhānadītīre kālamegho mahābalaḥ | sarvalokopakārārthaṁ tīrthaṁ saṁsthāpitaṁ purā

The mighty Kalamegha took his place on the bank of the river Svarnarekha; thus of old was this sacred ford established for the benefit of all the worlds.

Verse 31 (skanda.7.380.31)

वामनेन स्वयं गत्वा क्षेत्रपालास्तु पूजिताः । पुरा युगादौ राजेंद्र सर्वे देवाः समागताः

vāmanena svayaṁ gatvā kṣetrapālāstu pūjitāḥ | purā yugādau rājeṁdra sarve devāḥ samāgatāḥ

By Vamana himself, going there in person, the guardians of the field were worshipped. Long ago, at the start of the age, O king of kings, all the gods gathered together -

Verse 32 (skanda.7.380.32)

सुराष्ट्रदेशे संप्राप्ताः पुण्ये रैवतके गिरौ । रक्षार्थं सर्वलोकानां वधार्थं देववैरिणाम्

surāṣṭradeśe saṁprāptāḥ puṇye raivatake girau | rakṣārthaṁ sarvalokānāṁ vadhārthaṁ devavairiṇām

arriving in the land of Saurashtra, at the sacred Mount Raivataka, for the protection of all worlds and for the destruction of the enemies of the gods.

Verse 33 (skanda.7.380.33)

विष्णोः कण्ठे तदा मुक्ता जयमाला सुरोत्तमैः । दामोदरेति विख्यातं दत्तं नामोत्तमं हरेः

viṣṇoḥ kaṇṭhe tadā muktā jayamālā surottamaiḥ | dāmodareti vikhyātaṁ dattaṁ nāmottamaṁ hareḥ

Then a garland of victory was placed round Vishnu's neck by the foremost of gods, and the supreme name 'Damodara' was given to Hari, by which he became renowned.

Verse 34 (skanda.7.380.34)

तत्रादौ कार्तिके शुक्ले वासरे विष्णुवल्लभे । उपोष्य सहिते देवैस्तत्तीर्थं विष्णुना कृतम्

tatrādau kārtike śukle vāsare viṣṇuvallabhe | upoṣya sahite devaistattīrthaṁ viṣṇunā kṛtam

There, first, in the bright fortnight of Kartika, on a day dear to Vishnu, fasting together with the gods, that sacred ford was established by Vishnu.

Verse 35 (skanda.7.380.35)

सर्वतीर्थमयी पुण्या स्वर्णरेखा नदी स्थिता । भुक्तिमुक्तिप्रदं पुण्यं विष्णुलोकप्रदायकम्

sarvatīrthamayī puṇyā svarṇarekhā nadī sthitā | bhuktimuktipradaṁ puṇyaṁ viṣṇulokapradāyakam

The sacred river Svarnarekha abides there, embodying all sacred fords, bestowing both enjoyment and liberation, holy, and granting the world of Vishnu.

Verse 36 (skanda.7.380.36)

क्षालनं सर्वपापानां रोगदारिद्र्यनाशनम् । दामोदरं रैवतके परमानंददायकम्

kṣālanaṁ sarvapāpānāṁ rogadāridryanāśanam | dāmodaraṁ raivatake paramānaṁdadāyakam

Bathing there washes away all sins, destroys disease and poverty; Damodara at Raivataka grants supreme bliss.

Verse 37 (skanda.7.380.37)

ये पश्यंति विमानैस्ते नीयंते विष्णुमंदिरे । न गृहे कार्तिकः कार्यो विशेषाद्भीष्मपंचकम्

ye paśyaṁti vimānaiste nīyaṁte viṣṇumaṁdire | na gṛhe kārtikaḥ kāryo viśeṣādbhīṣmapaṁcakam

Those who behold him are borne away by celestial chariots to Vishnu's abode. The month of Kartika should not be observed at home, especially not the Bhishma-Panchaka period.

Verse 38 (skanda.7.380.38)

पंचकाद्द्वादशी श्रेष्ठा कार्या दामोदरे जले । प्रातःस्नानं प्रकर्त्तव्यं संप्राप्ते कार्तिके जनैः

paṁcakāddvādaśī śreṣṭhā kāryā dāmodare jale | prātaḥsnānaṁ prakarttavyaṁ saṁprāpte kārtike janaiḥ

Of the Bhishma-Panchaka, the twelfth tithi is best, to be observed in the waters of Damodara. When Kartika arrives, people should perform their morning bath there.

Verse 39 (skanda.7.380.39)

मासोपवासः कर्त्तव्यो यतिभिर्ब्रह्मचारिभिः । सतीभिर्विधवाभिश्च मुक्तिस्थानमभीप्सुभिः

māsopavāsaḥ karttavyo yatibhirbrahmacāribhiḥ | satībhirvidhavābhiśca muktisthānamabhīpsubhiḥ

A month-long fast should be undertaken by ascetics and celibate students, by chaste wives and widows, and by all who desire the place of liberation,

Verse 40 (skanda.7.380.40)

एकभक्तेन नक्तेन तथैवायाचितेन च । उपवासेवन कृच्छ्रेण शाकाहारेण वा पुनः

ekabhaktena naktena tathaivāyācitena ca | upavāsevana kṛcchreṇa śākāhāreṇa vā punaḥ

eating but once a day, or only at night, or on unsolicited food, or again by fasting, by penance, or by a diet of vegetables alone.

Verse 41 (skanda.7.380.41)

संसेव्यः कार्त्तिके विष्णुर्दीपदानपरैर्नरैः । ब्रह्मचर्यपरैर्मासो नीयते यदि मानवैः

saṁsevyaḥ kārttike viṣṇurdīpadānaparairnaraiḥ | brahmacaryaparairmāso nīyate yadi mānavaiḥ

Vishnu is to be worshipped throughout Kartika by men devoted to the offering of lamps; if the month is passed by men devoted to celibacy -

Verse 42 (skanda.7.380.42)

तदा विष्णुपुरे वासः क्रियते विष्णुना सह । पञ्चोपवासाः कर्त्तव्याः संप्राप्ते भीष्मपंचके

tadā viṣṇupure vāsaḥ kriyate viṣṇunā saha | pañcopavāsāḥ karttavyāḥ saṁprāpte bhīṣmapaṁcake

then dwelling in Vishnu's own city, together with Vishnu, is granted to them. Five fasts should be undertaken when the Bhishma-Panchaka period arrives -

Verse 43 (skanda.7.380.43)

एकादशीं समारभ्य पंचमी पूर्णिमादिनम् । तदेतत्पंचकं प्रोक्तं सर्वपापहरं नृणाम्

ekādaśīṁ samārabhya paṁcamī pūrṇimādinam | tadetatpaṁcakaṁ proktaṁ sarvapāpaharaṁ nṛṇām

beginning with the eleventh tithi, ending on the fifth day after the full moon. This Panchaka is declared to remove all sins from men.

Verse 44 (skanda.7.380.44)

सर्वेषामपि मासानां पञ्चकात्कार्तिकादपि । एकादशी कार्तिकस्य पुण्या दामोदरे कृता

sarveṣāmapi māsānāṁ pañcakātkārtikādapi | ekādaśī kārtikasya puṇyā dāmodare kṛtā

Among all the months, even more than the Panchaka itself, the eleventh tithi of Kartika, observed at Damodara, is most meritorious.

Verse 45 (skanda.7.380.45)

मिष्टान्नं कार्तिके देयं हविष्यं सघृतप्लुतम् । सुवर्णं रजतं वस्त्रं तोयमन्नं फलानि च

miṣṭānnaṁ kārtike deyaṁ haviṣyaṁ saghṛtaplutam | suvarṇaṁ rajataṁ vastraṁ toyamannaṁ phalāni ca

In Kartika, sweet food should be given, sacred food drenched in ghee, gold, silver, clothing, water, grain, and fruit -

Verse 46 (skanda.7.380.46)

मासांते विविधं देयं गौस्तिलाः कुसुमानि च । सर्वदानेषु यत्पुण्यं सर्व तीर्थेषु यत्फलम्

māsāṁte vividhaṁ deyaṁ gaustilāḥ kusumāni ca | sarvadāneṣu yatpuṇyaṁ sarva tīrtheṣu yatphalam

at month's end, various gifts should be given - a cow, sesame, and flowers. Whatever merit lies in all forms of giving, whatever fruit lies in all sacred fords -

Verse 47 (skanda.7.380.47)

अश्वमेधादिभिर्यज्ञैर्गयायां पिंडदस्य यत् । तत्फलं जायते नॄणां दृष्टे दामोदरे नृप

aśvamedhādibhiryajñairgayāyāṁ piṁḍadasya yat | tatphalaṁ jāyate nṝṇāṁ dṛṣṭe dāmodare nṛpa

whatever fruit comes from sacrifices such as the Ashvamedha, or from offering rice-balls at Gaya - that same fruit comes to men, O king, from the mere sight of Damodara.

Verse 48 (skanda.7.380.48)

एकादश्यां कृतस्नानो देव पूजापरो भवेत् । स्नाप्य पञ्चामृतेनैव ततस्तीर्थोदकेन च

ekādaśyāṁ kṛtasnāno deva pūjāparo bhavet | snāpya pañcāmṛtenaiva tatastīrthodakena ca

On the eleventh tithi, having bathed, one should be devoted to the worship of the god - bathing the image with the five nectars, and then with water from the sacred ford,

Verse 49 (skanda.7.380.49)

कुंकुमागरुश्रीखंडकर्पूरोदकमिश्रितैः । पूजयित्वा ततः पुष्पैः शतपत्रैः सुगं धिभिः

kuṁkumāgaruśrīkhaṁḍakarpūrodakamiśritaiḥ | pūjayitvā tataḥ puṣpaiḥ śatapatraiḥ sugaṁ dhibhiḥ

with waters mixed with saffron, aguru, sandalwood, and camphor; then worshipping with fragrant hundred-petalled lotuses -

Verse 50 (skanda.7.380.50)

मालतीकुसुमैः शुभ्रैर्बहुभिस्तुलसीदलैः । वस्त्रयज्ञोपवीतं च दत्त्वा धूपं प्रधूपयेत्

mālatīkusumaiḥ śubhrairbahubhistulasīdalaiḥ | vastrayajñopavītaṁ ca dattvā dhūpaṁ pradhūpayet

with white jasmine flowers and many tulasi leaves; and giving cloth and a sacred thread, incense should be offered.

Verse 51 (skanda.7.380.51)

दीपं दद्याद्धृतेनैव तैलेनापि घृतं विना । नैवेद्यं विविधं देयं फलं तांबूलमेव च

dīpaṁ dadyāddhṛtenaiva tailenāpi ghṛtaṁ vinā | naivedyaṁ vividhaṁ deyaṁ phalaṁ tāṁbūlameva ca

A lamp should be lit with ghee, or, lacking ghee, with oil; various food-offerings should be given, along with fruit and betel.

Verse 52 (skanda.7.380.52)

प्रासादपूजा कर्त्तव्या ध्वजदानादिना नृप । गौः सवत्सा ततो देया संसारार्णवतारिणी

prāsādapūjā karttavyā dhvajadānādinā nṛpa | gauḥ savatsā tato deyā saṁsārārṇavatāriṇī

The worship of the temple should be performed, O king, with the gift of a banner and the like; then a cow with her calf, who ferries one across the ocean of worldly existence, should be given.

Verse 53 (skanda.7.380.53)

ततः प्रदक्षिणां कृत्वा गीतवादित्रनिस्वनैः । वेदपाठपुराणैश्च व्याख्यादिव्यकथादिभिः

tataḥ pradakṣiṇāṁ kṛtvā gītavāditranisvanaiḥ | vedapāṭhapurāṇaiśca vyākhyādivyakathādibhiḥ

Then, having performed circumambulation, with the resounding of song and instruments, with Vedic recitation and the Puranas, with expositions and divine tales -

Verse 54 (skanda.7.380.54)

देवाग्रे जागरः कार्यो दीपो देयोंऽतिभूमिषु । सप्तधान्यमयाः सप्त पर्वता दीपसंयुताः

devāgre jāgaraḥ kāryo dīpo deyoṁ'tibhūmiṣu | saptadhānyamayāḥ sapta parvatā dīpasaṁyutāḥ

a night-vigil should be kept before the god; lamps should be offered on the boundary grounds; seven mounds made of the seven grains, each fitted with a lamp -

Verse 55 (skanda.7.380.55)

फलतांबूलपक्वान्नपूरिताः परिकल्पिताः । विद्वद्भिः श्रोत्रियैः श्रांतैर्ब्राह्मणैर्गृहमेधिभिः

phalatāṁbūlapakvānnapūritāḥ parikalpitāḥ | vidvadbhiḥ śrotriyaiḥ śrāṁtairbrāhmaṇairgṛhamedhibhiḥ

filled with fruit, betel, and cooked food, should be arranged by learned, Vedic-scholar brahmin householders, though weary,

Verse 56 (skanda.7.380.56)

स्त्रीभिश्च नरशार्दूल श्रोतव्या वैष्णवी कथा । एवं जागरणं कार्यं रागक्रोधविवर्जितैः

strībhiśca naraśārdūla śrotavyā vaiṣṇavī kathā | evaṁ jāgaraṇaṁ kāryaṁ rāgakrodhavivarjitaiḥ

and by women too, O tiger among men, tales of Vishnu should be heard. Thus should the vigil be kept, free of passion and anger.

Verse 57 (skanda.7.380.57)

कृत्वा जागरणं रात्रावुदिते सूर्यमडले । पूर्वां संध्यां ततः स्नात्वा कृत्वा मध्याह्नमाचरेत्

kṛtvā jāgaraṇaṁ rātrāvudite sūryamaḍale | pūrvāṁ saṁdhyāṁ tataḥ snātvā kṛtvā madhyāhnamācaret

Having kept the vigil through the night, when the sun's orb has risen, one should then bathe, perform the morning twilight-rite, and observe the practices of midday.

Verse 58 (skanda.7.380.58)

देवान्पितॄन्मनुष्यांश्च संतर्प्य विधिपूर्वकम् । कृत्वा श्राद्धं पितॄणां तु दद्याद्दानं स्वशक्तितः

devānpitṝnmanuṣyāṁśca saṁtarpya vidhipūrvakam | kṛtvā śrāddhaṁ pitṝṇāṁ tu dadyāddānaṁ svaśaktitaḥ

having duly offered libations to gods, ancestors, and men, and performed the shraddha rite for the ancestors, one should give gifts according to one's means.

Verse 59 (skanda.7.380.59)

देवं दामोदरं पूज्य पुष्पधूपादिना पुनः । नरसिंहं सुरं पूज्य वैनतेयं च पूजयेत्

devaṁ dāmodaraṁ pūjya puṣpadhūpādinā punaḥ | narasiṁhaṁ suraṁ pūjya vainateyaṁ ca pūjayet

Having worshipped the god Damodara again with flowers, incense, and the like, one should worship the god Narasimha, and worship Vainateya as well.

Verse 60 (skanda.7.380.60)

कृत्वा जागरणं रात्रावुत्थाप्य मधुसूदनम् । द्वादशीभुक्तिमासाद्य कार्यं पारणकं नरैः

kṛtvā jāgaraṇaṁ rātrāvutthāpya madhusūdanam | dvādaśībhuktimāsādya kāryaṁ pāraṇakaṁ naraiḥ

Having kept the vigil through the night, and having roused Madhusudana in the ritual, on obtaining the meal-time of the twelfth tithi, men should then perform the breaking of the fast.

Verse 61 (skanda.7.380.61)

ब्राह्मणान्भोजयित्वा च सहितः पुत्रबांधवैः । विकलांधकृपणानां देयमन्नं स्वशक्तितः

brāhmaṇānbhojayitvā ca sahitaḥ putrabāṁdhavaiḥ | vikalāṁdhakṛpaṇānāṁ deyamannaṁ svaśaktitaḥ

Having fed the brahmins, together with one's sons and kinsmen, food should be given to the crippled, the blind, and the destitute, according to one's means.

Verse 62 (skanda.7.380.62)

दामोदरे रैवतके स्वर्णरेखानदीजले । एवं यः कुरुते यात्रां तस्य पुण्यफलं शृणु

dāmodare raivatake svarṇarekhānadījale | evaṁ yaḥ kurute yātrāṁ tasya puṇyaphalaṁ śṛṇu

He who thus makes the pilgrimage to Damodara at Raivataka, in the waters of the river Svarnarekha - hear the fruit of his merit:

Verse 63 (skanda.7.380.63)

ब्रह्मघ्नश्च सुरापश्च ग्रामसीमाविलोपकः । राजद्रोही गुरुद्रोही मिथ्याव्रतधरश्च यः

brahmaghnaśca surāpaśca grāmasīmāvilopakaḥ | rājadrohī gurudrohī mithyāvratadharaśca yaḥ

a slayer of a brahmin, a drinker of liquor, a violator of a village's boundary, a betrayer of his king, a betrayer of his guru, and one who holds false vows,

Verse 64 (skanda.7.380.64)

कूटसाक्ष्यप्रदो यश्च यश्च न्यासापहारकः । बालस्त्रीघातको विप्रः संध्यास्नानविवर्जितः

kūṭasākṣyaprado yaśca yaśca nyāsāpahārakaḥ | bālastrīghātako vipraḥ saṁdhyāsnānavivarjitaḥ

one who gives false witness, one who misappropriates a deposit, a slayer of a child or a woman, a brahmin who has abandoned the twilight bathing-rite,

Verse 65 (skanda.7.380.65)

देवब्रह्म स्वहर्त्ता च वेदविक्रयकारकः । कन्याविक्रयकर्त्ता च देवब्राह्मणनिंदकः

devabrahma svaharttā ca vedavikrayakārakaḥ | kanyāvikrayakarttā ca devabrāhmaṇaniṁdakaḥ

one who steals the property of gods or brahmins, one who sells the Vedas, one who sells his daughter, and one who disparages gods and brahmins,

Verse 66 (skanda.7.380.66)

विश्वासघातको विप्रः शूद्रान्नादोऽथ लुब्धकः । नायकः परदाराणां स्वयंदत्तापहारकः

viśvāsaghātako vipraḥ śūdrānnādo'tha lubdhakaḥ | nāyakaḥ paradārāṇāṁ svayaṁdattāpahārakaḥ

a brahmin who betrays trust, one who eats a shudra's food out of greed, one who leads others to another's wife, and one who takes back what he himself has given,

Verse 67 (skanda.7.380.67)

पर्वमैथुनसेवी च तथा वै सेतुभेदकः । परिणीतामृतुस्नातां स्वयं यो नाभिगच्छति

parvamaithunasevī ca tathā vai setubhedakaḥ | pariṇītāmṛtusnātāṁ svayaṁ yo nābhigacchati

one who indulges in intercourse on forbidden days, one who breaches a dam, and one who, though married, does not approach his own wife when she has bathed after her courses -

Verse 68 (skanda.7.380.68)

ब्राह्मणी विधवा बाला न भवेच्छ्रुतधारिणी । महापातकिनश्चैते तथान्ये बहवो नृप

brāhmaṇī vidhavā bālā na bhavecchrutadhāriṇī | mahāpātakinaścaite tathānye bahavo nṛpa

and should that neglected wife be a widowed brahmin girl not yet versed in scripture - these, O king, are great sinners, and there are many others besides.

Verse 69 (skanda.7.380.69)

स्वर्णरेखाजले स्नात्वा दृष्ट्वा दामोदरं हरिम् । रात्रौ जागरणं कृत्वा मुच्यते सर्वपातकैः

svarṇarekhājale snātvā dṛṣṭvā dāmodaraṁ harim | rātrau jāgaraṇaṁ kṛtvā mucyate sarvapātakaiḥ

Having bathed in the waters of the Svarnarekha, having beheld Damodara Hari, and having kept vigil through the night, he is freed from all such sins.

Verse 70 (skanda.7.380.70)

न तु ये पापकर्माणः समायाताः प्रजागरे । संसारसागरे तीर्थे गच्छंति न हरेः पुरम्

na tu ye pāpakarmāṇaḥ samāyātāḥ prajāgare | saṁsārasāgare tīrthe gacchaṁti na hareḥ puram

But those sinners who do not come to the vigil - remaining in the ocean of worldly existence, they do not go, even at the sacred ford, to Hari's city.

Verse 71 (skanda.7.380.71)

यथा यथा याति नरः प्रजागरे तथातथा विष्णुपुरे विचिंत्यते । वासः सुरैर्वैष्णवलोकहेतवे मृदंगगीतध्वनिनादिते गृहे

yathā yathā yāti naraḥ prajāgare tathātathā viṣṇupure viciṁtyate | vāsaḥ surairvaiṣṇavalokahetave mṛdaṁgagītadhvaninādite gṛhe

In whatever measure a man attends the vigil, in that same measure is he reckoned worthy of Vishnu's city - a dwelling there among the gods for the sake of Vishnu's world, in a house resounding with the sound of drums and song,

Verse 72 (skanda.7.380.72)

गदासि शंखारिधराश्चतुर्भुजा दैतेयदर्पापहरूपधारिणः । प्रगीयमानाः सुरसुंदरीभिस्ते यांति खं खेचरगात्रसंगाः

gadāsi śaṁkhāridharāścaturbhujā daiteyadarpāpaharūpadhāriṇaḥ | pragīyamānāḥ surasuṁdarībhiste yāṁti khaṁ khecaragātrasaṁgāḥ

becoming four-armed, bearing mace, sword, conch, and discus, taking the very form that humbles the daityas' pride - praised in song by the beautiful women of heaven, they journey through the sky, their bodies joined with those of the sky-dwellers.

Verse 73 (skanda.7.380.73)

वाराहकल्पे प्रथमं युगादौ दामोदरो रैवतके प्रसिद्धः । सैषा नदी या सरितां वरिष्ठा सोऽयं हरिर्यो भुवनस्य कर्ता

vārāhakalpe prathamaṁ yugādau dāmodaro raivatake prasiddhaḥ | saiṣā nadī yā saritāṁ variṣṭhā so'yaṁ hariryo bhuvanasya kartā

In the Varaha-kalpa, at the very start of the age, Damodara became renowned at Raivataka; this same is the river foremost among rivers; this same is Hari, the maker of the world.

Verse 74 (skanda.7.380.74)

इदं पुराणं पठते शृणोति नरो विमानैर्मधुसूद नालये । देवांगनादत्तभुजश्चतुर्भुजः स नीयते देवगणैरभिष्टुतः

idaṁ purāṇaṁ paṭhate śṛṇoti naro vimānairmadhusūda nālaye | devāṁganādattabhujaścaturbhujaḥ sa nīyate devagaṇairabhiṣṭutaḥ

The man who reads or hears this ancient account is borne by celestial chariots to the abode of Madhusudana; made four-armed, his arm held by a celestial woman, he is led there, praised by hosts of gods.