The Greatness of Shrimata

Verse 1 (skanda.7.406.1)

पुलस्त्य उवाच ततो गच्छेन्नृपश्रेष्ठ श्रीमातां देववंदिताम् सर्वकामप्रदां नृणामिहलोके परत्र च

pulastya uvāca tato gacchennṛpaśreṣṭha śrīmātāṁ devavaṁditām sarvakāmapradāṁ nṛṇāmihaloke paratra ca

Pulastya said: Then, O best of kings, one should go to Shrimata, worshipped by the gods, bestower of all desires upon men in this world and the next.

Verse 2 (skanda.7.406.2)

या च सर्वमयी शक्तिर्यया व्याप्तमिदं जगत् सा तस्मिन्पर्वते साक्षात्स्वयं वासमरोचयत्

yā ca sarvamayī śaktiryayā vyāptamidaṁ jagat sā tasminparvate sākṣātsvayaṁ vāsamarocayat

That Shakti who is all-pervading, by whom this universe is pervaded — she herself was pleased to dwell on that very mountain.

Verse 3 (skanda.7.406.3)

पुरा देवयुगे राजा कलिंगोनाम दानवः जरामरणहीनोसौ देवानां च भयंकरः

purā devayuge rājā kaliṁgonāma dānavaḥ jarāmaraṇahīnosau devānāṁ ca bhayaṁkaraḥ

Formerly, in the Deva-yuga, there was a demon-king named Kalinga, free from old age and death, a terror to the gods.

Verse 4 (skanda.7.406.4)

तेन सर्वमिदं व्याप्तं त्रैलोक्यं सचराचरम् बलप्रभावतः स्वर्गो जितस्तेन सुराधिपः ब्रह्मलोकमनुप्राप्तो देवैः सर्वैः समन्वितः

tena sarvamidaṁ vyāptaṁ trailokyaṁ sacarācaram balaprabhāvataḥ svargo jitastena surādhipaḥ brahmalokamanuprāpto devaiḥ sarvaiḥ samanvitaḥ

By him this entire triple world, with its moving and unmoving beings, was pervaded; by the power of his strength he conquered heaven, so the lord of the gods went, together with all the gods, to Brahmaloka.

Verse 5 (skanda.7.406.5)

तेन दैत्येन सर्वेऽपि त्रासिताः सुरमानवाः कलिंगोनाम दैत्यः स स्वयमिन्द्रो बभूव ह

tena daityena sarve'pi trāsitāḥ suramānavāḥ kaliṁgonāma daityaḥ sa svayamindro babhūva ha

By that demon, all gods and men were terrified. The demon named Kalinga himself became Indra.

Verse 6 (skanda.7.406.6)

वसवो मरुतः साध्या विश्वेदेवाः सुरर्षयः तेन सर्वे कृता दैत्या यथायोग्यं नराधिप

vasavo marutaḥ sādhyā viśvedevāḥ surarṣayaḥ tena sarve kṛtā daityā yathāyogyaṁ narādhipa

The Vasus, Maruts, Sadhyas, Vishvedevas, and divine sages — all these he turned into demons, each according to his rank, O lord of men.

Verse 7 (skanda.7.406.7)

यज्ञभागान्स्वयं सर्वे बुभुजुस्ते च दानवाः तपोऽर्थे च ततो देवा गताः सर्वेऽर्बुदाचलम्

yajñabhāgānsvayaṁ sarve bubhujuste ca dānavāḥ tapo'rthe ca tato devā gatāḥ sarve'rbudācalam

All those demons themselves enjoyed the sacrificial portions. Then, for the sake of austerity, all the gods went to Mount Arbuda.

Verse 8 (skanda.7.406.8)

अद्यापि देवताखातं त्रैलोक्ये ख्यातिमागतम् तत्र व्रतपराः सर्वे पत्रमूलफलाशिनः

adyāpi devatākhātaṁ trailokye khyātimāgatam tatra vrataparāḥ sarve patramūlaphalāśinaḥ

Even today the 'Devata-khata' (Gods' pit) is famed throughout the three worlds; there, all devoted to vows, subsisting on leaves, roots and fruits,

Verse 9 (skanda.7.406.9)

अव्यक्ताः परमत्रासाद्ध्यायंतस्ते च संस्थिताः पंचाग्निसाधकाः केचित्तत्र व्रतपरायणाः

avyaktāḥ paramatrāsāddhyāyaṁtaste ca saṁsthitāḥ paṁcāgnisādhakāḥ kecittatra vrataparāyaṇāḥ

unmanifest, out of extreme fear, they remained there, meditating. Some were practitioners of the five-fire penance, devoted to vows there.

Verse 10 (skanda.7.406.10)

एकाहारा निराहारा वायुभक्षास्तथा परे अन्ये मासोपवासाश्च चान्द्रायणपरायणाः

ekāhārā nirāhārā vāyubhakṣāstathā pare anye māsopavāsāśca cāndrāyaṇaparāyaṇāḥ

Some ate once a day, some fasted entirely, others subsisted on air alone; others observed the month-long fast, devoted to the Chandrayana vow.

Verse 11 (skanda.7.406.11)

कृच्छ्रसांतपने निष्ठा महापाराकिणः परे अंबुभक्षा वायुभक्षाः फेनपाश्चोष्मपाः परे

kṛcchrasāṁtapane niṣṭhā mahāpārākiṇaḥ pare aṁbubhakṣā vāyubhakṣāḥ phenapāścoṣmapāḥ pare

Others were fixed in the Krichchhra and Santapana penances; others were Maha-parakins; some subsisted on water, some on air, some on foam, others on heat.

Verse 12 (skanda.7.406.12)

जपहोमपराश्चान्ये ध्यानासक्तास्तथा परे बलिनैवद्यदानैश्च गंधधूपैर्नराधिप

japahomaparāścānye dhyānāsaktāstathā pare balinaivadyadānaiśca gaṁdhadhūpairnarādhipa

Others were devoted to japa and homa; others were absorbed in meditation. With offerings, food-gifts, sandal-paste and incense, O lord of men,

Verse 13 (skanda.7.406.13)

पूजयंतः परां शक्तिं देवीं स्वकार्यहेतवे एवं तेषां व्रतस्थानां तपसा भावितात्मनाम् विमुक्तिरभवद्राजन्सर्वेषां कर्मबन्धनात्

pūjayaṁtaḥ parāṁ śaktiṁ devīṁ svakāryahetave evaṁ teṣāṁ vratasthānāṁ tapasā bhāvitātmanām vimuktirabhavadrājansarveṣāṁ karmabandhanāt

worshipping the Supreme Shakti, the Goddess, for the accomplishment of their own purpose. Thus, for those established in their vows, with minds purified by austerity, O king, liberation came to them all from the bondage of karma.

Verse 14 (skanda.7.406.14)

ततः पूर्णे सहस्रांते वर्षाणां नृपसत्तम देवी प्रत्यक्षतां प्राप्ता कन्यकारूपधारिणी

tataḥ pūrṇe sahasrāṁte varṣāṇāṁ nṛpasattama devī pratyakṣatāṁ prāptā kanyakārūpadhāriṇī

O best of kings, then when a full thousand years had passed, the Goddess became manifest, taking the form of a maiden.

Verse 15 (skanda.7.406.15)

पूर्वं जाता महाराज धूममूर्तिर्भयावहा ततो ज्वाला ततः कन्या शुक्लवासोऽनुलेपना दृष्ट्वा तां तुष्टुवुर्देवाः कृतांजलिपुटास्ततः

pūrvaṁ jātā mahārāja dhūmamūrtirbhayāvahā tato jvālā tataḥ kanyā śuklavāso'nulepanā dṛṣṭvā tāṁ tuṣṭuvurdevāḥ kṛtāṁjaliputāstataḥ

First, O great king, she appeared in a terrifying form of smoke; then flame; then a maiden clothed in white and anointed. Seeing her, the gods, with joined palms, praised her:

Verse 16 (skanda.7.406.16)

नमोऽस्तु सर्वगे देवि नमस्ते सर्वपूजिते कामगेऽचिन्त्ये नमस्ते त्रिदशाश्रये

namo'stu sarvage devi namaste sarvapūjite kāmage'ciṁtye namaste tridaśāśraye

Salutation to you, O Goddess who pervades all! Salutation to you, worshipped by all! O you who move at will, inconceivable, salutation to you, refuge of the thirty gods!

Verse 17 (skanda.7.406.17)

नमस्ते परमादेवि ब्रह्मयोने नमोनमः अर्धमात्रेक्षरे चैव तस्यार्धार्धे नमोनमः

namaste paramādevi brahmayone namonamaḥ ardhamātrekṣare caiva tasyārdhārdhe namonamaḥ

Salutation to you, O supreme Goddess! Salutation, salutation, O womb of Brahma! Salutation, salutation to you who are the half-measure of the syllable, and the half of its half!

Verse 18 (skanda.7.406.18)

नमस्ते पद्मपत्राक्षि विश्वमातर्नमोनमः नमस्ते वरदे देवि रजःसत्त्वतमोमयि

namaste padmapatrākṣi viśvamātarnamonamaḥ namaste varade devi rajaḥsattvatamomayi

Salutation to you, O lotus-petal-eyed one! Salutation, salutation, O mother of the universe! Salutation to you, O boon-giving Goddess, composed of rajas, sattva and tamas!

Verse 19 (skanda.7.406.19)

स्वस्वरूपस्थिते देवि त्वं च संसारलक्षणम् त्वं बुद्धिस्त्वं धृतिः क्षांतिस्त्वं स्वाहा त्वं स्वधा क्षमा

svasvarūpasthite devi tvaṁ ca saṁsāralakṣaṇam tvaṁ buddhistvaṁ dhṛtiḥ kṣāṁtistvaṁ svāhā tvaṁ svadhā kṣamā

Established in your own true form, O Goddess, you are the very mark of the world; you are intellect, you are steadfastness, you are forbearance, you are Svaha, you are Svadha, you are forgiveness.

Verse 20 (skanda.7.406.20)

त्वं वृद्धिस्त्वं गतिः कर्त्री शची लक्ष्मीश्च पार्वती सावित्री त्वं च गायत्री अजेया पापनाशिनी

tvaṁ vṛddhistvaṁ gatiḥ karttrī śacī lakṣmīśca pārvatī sāvitrī tvaṁ ca gāyatrī ajeyā pāpanāśinī

You are increase, you are the path, the doer; you are Shachi, Lakshmi, and Parvati; you are Savitri and Gayatri, unconquerable, destroyer of sin.

Verse 21 (skanda.7.406.21)

यच्चान्यदत्र देवेशि त्रैलोक्येऽस्तीतिसंज्ञितम् तद्रूपं तावकं देवि पर्वतेषु च संस्थितम्

yaccānyadatra deveśi trailokye'stītisaṁjñitam tadrūpaṁ tāvakaṁ devi parvateṣu ca saṁsthitam

Whatever else exists in the three worlds, O lady of the gods, known by any name — that form of yours, O Goddess, is established in the mountains too.

Verse 22 (skanda.7.406.22)

वह्निना च यथा काष्ठं तंतुना च यथा पटः तथा त्वया जगद्व्याप्तं गुप्ता त्वं सर्वतः स्थिता

vahninā ca yathā kāṣṭhaṁ taṁtunā ca yathā paṭaḥ tathā tvayā jagadvyāptaṁ guptā tvaṁ sarvataḥ sthitā

As fire pervades wood, as thread pervades cloth, so the universe is pervaded by you; you, hidden, are present everywhere.

Verse 23 (skanda.7.406.23)

पुलस्त्य उवाच एवं स्तुता जगन्माता तानुवाच सुरोत्तमान् वरो मे याच्यतां शीघ्रमभीष्टः सुरसत्तमाः

pulastya uvāca evaṁ stutā jaganmātā tānuvāca surottamān varo me yācyatāṁ śīghramabhīṣṭaḥ surasattamāḥ

Pulastya said: Thus praised, the Mother of the universe spoke to those excellent gods: Let a boon be quickly asked of me, whatever is desired, O best of gods.

Verse 24 (skanda.7.406.24)

किमत्र गुप्तभावेन तिष्ठथ श्वभ्रमध्यगाः मद्भक्तानां भयं नास्ति त्रैलोक्येपि चराचरे

kimatra guptabhāvena tiṣṭhatha śvabhramadhyagāḥ madbhaktānāṁ bhayaṁ nāsti trailokyepi carācare

Why do you, hidden, remain here, gone into the midst of a cave? There is no fear for my devotees anywhere in the three worlds, whether moving or unmoving.

Verse 25 (skanda.7.406.25)

देवा ऊचुः कलिंगेन वयं देवि निरस्ताः संगरे मुहुः तेन व्याप्तमिदं सर्वं त्रैलोक्यं सचराचरम्

devā ūcuḥ kaliṁgena vayaṁ devi nirastāḥ saṁgare muhuḥ tena vyāptamidaṁ sarvaṁ trailokyaṁ sacarācaram

The gods said: O Goddess, we have been repeatedly driven back by Kalinga in battle; by him this entire triple world, with its moving and unmoving beings, has been pervaded.

Verse 26 (skanda.7.406.26)

यज्ञभागो हृतोऽस्माकं दैत्यानां स प्रकल्पितः तेन स्वर्गः समाक्रान्तः सुराः सर्वे निराकृताः

yajñabhāgo hṛto'smākaṁ daityānāṁ sa prakalpitaḥ tena svargaḥ samākrāntaḥ surāḥ sarve nirākṛtāḥ

Our share of the sacrifice has been taken away and allotted to the demons; by him heaven has been overrun, and all the gods have been driven out.

Verse 27 (skanda.7.406.27)

हत्वा दैत्यान्यथा भूयः शक्रः स्वपदमाप्नुयात् तथा कुरु महाभागे वर एषोऽस्मदीप्सितः

hatvā daityānyathā bhūyaḥ śakraḥ svapadamāpnuyāt tathā kuru mahābhāge vara eṣo'smadīpsitaḥ

Just as, having slain the demons before, Indra regained his own place — do so again, O greatly fortunate one; this is the boon we desire.

Verse 28 (skanda.7.406.28)

देव्युवाच यथा यूयं मया सृष्टास्तथैवायं महासुरः विशेषो नास्ति मे कश्चिदुभयोः सुरसत्तमाः

devyuvāca yathā yūyaṁ mayā sṛṣṭāstathaivāyaṁ mahāsuraḥ viśeṣo nāsti me kaścidubhayoḥ surasattamāḥ

The Goddess said: Just as you were created by me, so too was this great demon; I see no difference between the two of you, O best of gods.

Verse 29 (skanda.7.406.29)

तस्मात्तान्वारयिष्यामि शक्राद्यांस्त्रिदिवात्पुनः एवमुक्त्वा वरारोहा प्रेषयामास पार्थिव

tasmāttānvārayiṣyāmi śakrādyāṁstridivātpunaḥ evamuktvā varārohā preṣayāmāsa pārthiva

Therefore I shall restrain them — Indra and the others — and restore them to heaven once again. Having said this, the lovely one, O king, sent

Verse 30 (skanda.7.406.30)

दूतं कलिंगदैत्याय त्यज त्वं त्रिदिवं द्रुतम् स गत्वा बाष्कलिं दैत्यं सामपूर्वं वचोऽब्रवीत्

dūtaṁ kaliṁgadaityāya tyaja tvaṁ tridivaṁ drutam sa gatvā bāṣkaliṁ daityaṁ sāmapūrvaṁ vaco'bravīt

a messenger to the demon Kalinga: 'Abandon heaven at once.' He went to the demon Bashkali and spoke conciliatory words first.

Verse 31 (skanda.7.406.31)

दूत उवाच या सा सर्वगता देवी शक्तिरूपा शुचि स्मिता श्रीमाता जगतां माता देवैराराधिता परा तेषां तुष्टा च देवी त्वामिदं वचनमब्रवीत्

dūta uvāca yā sā sarvagatā devī śaktirūpā śuci smitā śrīmātā jagatāṁ mātā devairārādhitā parā teṣāṁ tuṣṭā ca devī tvāmidaṁ vacanamabravīt

The messenger said: That all-pervading Goddess, of Shakti-form, of pure smile — Shrimata, mother of the worlds, supremely worshipped by the gods — pleased with them, she spoke this word to you:

Verse 32 (skanda.7.406.32)

स्वस्थानं गच्छ शीघ्रं त्वं शक्रो यातु त्रिविष्टपम् मद्वाक्याद्दानवश्रेष्ठ देवत्वं न भवेत्तव

svasthānaṁ gaccha śīghraṁ tvaṁ śakro yātu triviṣṭapam madvākyāddānavaśreṣṭha devatvaṁ na bhavettava

Go quickly to your own place; let Indra go to heaven. By my word, O best of demons, the state of godhood shall not be yours.

Verse 33 (skanda.7.406.33)

पुलस्त्य उवाच स दूतवचनं श्रुत्वा दानवो मदगर्वितः अहं लोकेश्वरो मत्वा सगर्वमिदमब्रवीत्

pulastya uvāca sa dūtavacanaṁ śrutvā dānavo madagarvitaḥ ahaṁ lokeśvaro matvā sagarvamidamabravīt

Pulastya said: Hearing the messenger's words, that demon, intoxicated with pride, thinking himself lord of the world, spoke thus with arrogance:

Verse 34 (skanda.7.406.34)

बाष्कलिरुवाच का श्रीमातेति के देवा नास्मात्स्वर्गं त्यजाम्यहम् न तां जानामि तांश्चैव गत्वा ब्रूहि ममाज्ञया

bāṣkaliruvāca kā śrīmāteti ke devā nāsmātsvargaṁ tyajāmyaham na tāṁ jānāmi tāṁścaiva gatvā brūhi mamājñayā

Bashkali said: Who is this Shrimata? Who are these gods? I shall not abandon heaven for their sake. I do not know her, nor them — go and tell them by my command:

Verse 35 (skanda.7.406.35)

न भवद्भ्यस्वहं स्वर्गं प्रयच्छामि कथंचन दूतोऽवध्यो भवेद्राज्ञामपि वैरे सुदारुणे एतस्मात्कारणाद्दूत न त्वां प्राणैर्वियोजये

na bhavadbhyasvahaṁ svargaṁ prayacchāmi kathaṁcana dūto'vadhyo bhavedrājñāmapi vaire sudāruṇe etasmātkāraṇāddūta na tvāṁ prāṇairviyojaye

I shall not give up heaven for you in any way. A messenger is inviolable even for kings, even in the most terrible enmity — for this reason alone, O messenger, I do not sever you from your life-breath.

Verse 36 (skanda.7.406.36)

श्रीमातां यदि मे दूत दर्शयिष्यसि चेत्ततः अभीष्टान्संप्रदास्यामि सत्यमेव ब्रवीम्यहम्

śrīmātāṁ yadi me dūta darśayiṣyasi cettataḥ abhīṣṭānsaṁpradāsyāmi satyameva bravīmyaham

But, O messenger, if you show me this Shrimata, then I shall grant whatever she desires — I speak this truly.

Verse 37 (skanda.7.406.37)

अहं त्वया समं तत्र यास्ये यत्र स्थिता च सा निग्रहं च करिष्यामि वाक्यं मे सत्यकारणम्

ahaṁ tvayā samaṁ tatra yāsye yatra sthitā ca sā nigrahaṁ ca kariṣyāmi vākyaṁ me satyakāraṇam

I myself shall go there with you, wherever she is present, and I shall subdue her — my word is grounded in truth.

Verse 38 (skanda.7.406.38)

पुलस्त्य उवाच एवमुक्त्वा मदोन्मत्तो दूतेन च स दानवः अर्बुदं प्रययौ तूर्णं रोषेण महता वृतः

pulastya uvāca evamuktvā madonmatto dūtena ca sa dānavaḥ arbudaṁ prayayau tūrṇaṁ roṣeṇa mahatā vṛtaḥ

Pulastya said: Having said this, that demon, intoxicated with pride at the messenger's words, went swiftly to Arbuda, surrounded by great fury.

Verse 39 (skanda.7.406.39)

दृष्ट्वा बाष्कलिमायांतं देवाः शक्रपुरोगमाः वार्यमाणास्तदा देव्या पलायनपरायणाः

dṛṣṭvā bāṣkalimāyāṁtaṁ devāḥ śakrapurogamāḥ vāryamāṇāstadā devyā palāyanaparāyaṇāḥ

Seeing Bashkali approaching, the gods headed by Indra, then restrained by the Goddess, resorted to flight,

Verse 40 (skanda.7.406.40)

भयेन महताविष्टा दिशो भेजुः समंततः अथासौ बाष्कलिः प्राप्तः सैन्येन महता वृतः

bhayena mahatāviṣṭā diśo bhejuḥ samaṁtataḥ athāsau bāṣkaliḥ prāptaḥ sainyena mahatā vṛtaḥ

overcome with great fear, they fled in all directions. Then that Bashkali arrived, surrounded by a mighty army,

Verse 41 (skanda.7.406.41)

श्रीमाता तिष्ठते यत्र पर्वतेर्बुदसंज्ञके दूतं च प्रेषयामास तमुवाच नराधिपः

śrīmātā tiṣṭhate yatra parvaterbudasaṁjñake dūtaṁ ca preṣayāmāsa tamuvāca narādhipaḥ

where Shrimata dwelt, on the mountain named Arbuda. And he sent a messenger, and the king spoke to him:

Verse 42 (skanda.7.406.42)

बाष्कलिरुवाच गच्छ दूतवर ब्रूहि श्रीमातां चारुहासिनीम् भार्या मे भव सुश्रोणि अहं ते वशगः सदा

bāṣkaliruvāca gaccha dūtavara brūhi śrīmātāṁ cāruhāsinīm bhāryā me bhava suśroṇi ahaṁ te vaśagaḥ sadā

Bashkali said: Go, excellent messenger, and tell the lovely-smiling Shrimata: Become my wife, O fair-hipped one; I shall be ever under your sway.

Verse 43 (skanda.7.406.43)

भविष्यति हि मे राज्यं सर्वं वशगतं तव अन्यथा धर्षयिष्यामि सर्वैः सार्द्धं सुरोत्तमैः

bhaviṣyati hi me rājyaṁ sarvaṁ vaśagataṁ tava anyathā dharṣayiṣyāmi sarvaiḥ sārddhaṁ surottamaiḥ

My whole kingdom shall be under your control. Otherwise, I shall subdue you, together with all the excellent gods.

Verse 44 (skanda.7.406.44)

किमिंद्रेणाल्पवीर्येण किमन्यैश्च वरानने सहस्राक्षो न मे तुल्यो न मे तुल्याः सुरासुराः

kimiṁdreṇālpavīryeṇa kimanyaiśca varānane sahasrākṣo na me tulyo na me tulyāḥ surāsurāḥ

What is Indra, of little strength, to me? What are the others, O fair-faced one? The thousand-eyed one is not my equal, nor are gods or demons my equal.

Verse 45 (skanda.7.406.45)

पुलस्त्य उवाच एतच्छ्रुत्वा ततो गत्वा स दूतः संन्यवेदयत् तस्य सर्वं यथावाक्यं तेनोक्तं च महीपते

pulastya uvāca etacchrutvā tato gatvā sa dūtaḥ saṁnyavedayat tasya sarvaṁ yathāvākyaṁ tenoktaṁ ca mahīpate

Pulastya said: Having heard this, the messenger went and reported to her everything just as it had been spoken by him, O lord of the earth.

Verse 46 (skanda.7.406.46)

ततः श्रुत्वा स्मितं कृत्वा चिंतयामास भामिनी जरा मरणहीनोयं दैत्येन्द्रः शंभुना कृतः

tataḥ śrutvā smitaṁ kṛtvā ciṁtayāmāsa bhāminī jarā maraṇahīnoyaṁ daityendraḥ śaṁbhunā kṛtaḥ

Hearing it, the lovely one smiled and reflected: This lord of demons has been made free from old age and death by Shambhu himself.

Verse 47 (skanda.7.406.47)

कथमस्य मया कार्यो निग्रहो देवताकृते पुनश्चिंतयते यावत्सा देवी दानवं प्रति तावत्तत्रागतः शीघ्रं स कामेन परिप्लुतः

kathamasya mayā kāryo nigraho devatākṛte punaściṁtayate yāvatsā devī dānavaṁ prati tāvattatrāgataḥ śīghraṁ sa kāmena pariplutaḥ

How shall his subjugation be accomplished by me, for the sake of the gods? While the Goddess was still pondering thus concerning the demon, he arrived there swiftly, overwhelmed with desire.

Verse 48 (skanda.7.406.48)

अथ दृष्टिनिपातेन सा देवी दानवाधिपम् व्यलोकयत्ततस्तस्या निश्चयः संबभूव ह

atha dṛṣṭinipātena sā devī dānavādhipam vyalokayattatastasyā niścayaḥ saṁbabhūva ha

Then, with a mere glance, the Goddess looked upon the lord of the demons, and thereupon her resolve was formed.

Verse 49 (skanda.7.406.49)

ततो जहास सा देवीशनकैर्वृपसत्तम मुखात्तस्यास्ततः सैन्यं निष्क्रांतमतिभीषणम्

tato jahāsa sā devīśanakairvṛpasattama mukhāttasyāstataḥ sainyaṁ niṣkrāṁtamatibhīṣaṇam

Then the Goddess laughed softly, O best of kings, and from her mouth there issued forth an army, exceedingly terrible —

Verse 50 (skanda.7.406.50)

हस्तिनो हयवर्याश्च पादाताश्च पृथग्विधाः रथसाहस्रमारूढा योधाश्चापि सहस्रशः

hastino hayavaryāśca pādātāśca pṛthagvidhāḥ rathasāhasramārūḍhā yodhāścāpi sahasraśaḥ

elephants, excellent horses, and foot-soldiers of various kinds; a thousand chariots mounted, and warriors too, by the thousands.

Verse 51 (skanda.7.406.51)

तैः सैन्यं दानवेशस्य सर्वं शस्त्रैर्निपातितम् पश्यतस्तस्य दैत्यस्य निश्चलस्यासुरस्य च

taiḥ sainyaṁ dānaveśasya sarvaṁ śastrairnipātitam paśyatastasya daityasya niścalasyāsurasya ca

By them, the entire army of the lord of demons was struck down with weapons, while that demon, motionless, looked on.

Verse 52 (skanda.7.406.52)

हते सैन्य बले तस्मिन्निंद्राद्यास्त्रिदिवौकसः तामूचुर्वचनं देवि दानवं हन्तुमर्हसि नास्मिञ्जीवति नो राज्यं स्वर्गे देवि भविष्यति

hate sainya bale tasminniṁdrādyāstridivaukasaḥ tāmūcurvacanaṁ devi dānavaṁ hantumarhasi nāsmiñjīvati no rājyaṁ svarge devi bhaviṣyati

When that army-force was slain, Indra and the other heaven-dwellers said this word to the Goddess: O Goddess, you ought to slay the demon; while he lives, our kingdom in heaven shall not be.

Verse 53 (skanda.7.406.53)

पुलस्त्य उवाच श्रुत्वा तद्वचनं तेषां ज्ञात्वा तं मृत्युवर्जितम् पर्वतस्य महाशृंगं दत्त्वा तस्योपरि स्वयम्

pulastya uvāca śrutvā tadvacanaṁ teṣāṁ jñātvā taṁ mṛtyuvarjitam parvatasya mahāśṛṁgaṁ dattvā tasyopari svayam

Pulastya said: Hearing their words, and knowing him to be free from death, the Goddess, having given the great peak of the mountain, upon it herself

Verse 54 (skanda.7.406.54)

निविष्टा सा जगन्माता श्रीमाता कामरूपिणी हिताय जगतां राजन्नद्यापि वरपर्वते तत्रैव वसते साक्षान्नृणां कामप्रदायिनी

niviṣṭā sā jaganmātā śrīmātā kāmarūpiṇī hitāya jagatāṁ rājannadyāpi varaparvate tatraiva vasate sākṣānnṛṇāṁ kāmapradāyinī

the Mother of the universe, Shrimata, of desire-fulfilling form, settled — for the welfare of the worlds, O king — and even to this day, on that excellent mountain, she dwells there indeed, the bestower of desires upon men.

Verse 55 (skanda.7.406.55)

एतस्मिन्नेव काले तु सर्वे देवाः सवासवाः तुष्टुवुस्तां महाशक्तिं भयहन्त्रीं प्रहर्षिताः

etasminneva kāle tu sarve devāḥ savāsavāḥ tuṣṭuvustāṁ mahāśaktiṁ bhayahantrīṁ praharṣitāḥ

At that very time, all the gods, together with Vasava (Indra), praised that great Shakti, the destroyer of fear, filled with joy.

Verse 56 (skanda.7.406.56)

प्रसन्नाऽभूत्ततो देवी तेषां तत्र नराधिप स्वंस्वं स्थानं सुराः सर्वे परियांतु गतव्यथाः गत्वा स्थानं स्वकं सर्वे परिपांतु गतव्यथाः

prasannā'bhūttato devī teṣāṁ tatra narādhipa svaṁsvaṁ sthānaṁ surāḥ sarve pariyāṁtu gatavyathāḥ gatvā sthānaṁ svakaṁ sarve paripāṁtu gatavyathāḥ

Then the Goddess became pleased with them there, O lord of men: Let all the gods, freed from distress, go each to his own abode; having gone to their own abode, let all be freed from distress.

Verse 57 (skanda.7.406.57)

वरं वरय देवेन्द्र ब्रूहि यत्ते मनोगतम् तत्सर्वं संप्रदास्यामि तुष्टाहं भक्तितस्तव

varaṁ varaya devendra brūhi yatte manogatam tatsarvaṁ saṁpradāsyāmi tuṣṭāhaṁ bhaktitastava

Choose a boon, O lord of the gods; tell me what is in your mind — I shall grant you all of it, for I am pleased through your devotion.

Verse 58 (skanda.7.406.58)

इन्द्र उवाच यदि तुष्टासि मे देवि शाश्वते भक्तिवत्सले अत्रैव स्थीयतां तावत्स्वर्गे यावदहं विभुः

indra uvāca yadi tuṣṭāsi me devi śāśvate bhaktivatsale atraiva sthīyatāṁ tāvatsvarge yāvadahaṁ vibhuḥ

Indra said: If you are pleased with me, O eternal Goddess, dear to your devotees, then remain right here so long as I, in heaven,

Verse 59 (skanda.7.406.59)

प्रशास्मि राज्यं देवेशि शाश्वते भक्तवत्सले अजरश्चामरश्चैव यतो दैत्यः सुरेश्वरि

praśāsmi rājyaṁ deveśi śāśvate bhaktavatsale ajaraścāmaraścaiva yato daityaḥ sureśvari

rule the kingdom, O lady of the gods, eternal, dear to your devotees — since that demon, O sovereign of the gods, is ageless and immortal,

Verse 60 (skanda.7.406.60)

हरेण निर्मितः पूर्वं येन तिष्ठति निश्चलः प्रसादात्तव लोकाश्च त्रयः संतु निरामयाः

hareṇa nirmitaḥ pūrvaṁ yena tiṣṭhati niścalaḥ prasādāttava lokāśca trayaḥ saṁtu nirāmayāḥ

having formerly been made so by Hara (Shiva) that he remains unshaken. By your grace, let the three worlds be free from affliction.

Verse 61 (skanda.7.406.61)

अत्र त्वां पूजयिष्यामो वयं सर्वे समेत्य च चैत्रशुक्लचतुर्द्दश्यां दृष्ट्वा त्वां यांतु सद्गतिम्

atra tvāṁ pūjayiṣyāmo vayaṁ sarve sametya ca caitraśuklacaturddaśyāṁ dṛṣṭvā tvāṁ yāṁtu sadgatim

Here we shall all worship you, gathered together; having seen you on the fourteenth of the bright half of Chaitra, let beings go to a good state.

Verse 62 (skanda.7.406.62)

पुलस्त्य उवाच एवमुक्त्वा सहस्राक्षः सर्वदेवैः समन्वितः हृष्टस्त्रिविष्टपं प्राप्तो देव्यास्तस्याः प्रभावतः

pulastya uvāca evamuktvā sahasrākṣaḥ sarvadevaiḥ samanvitaḥ hṛṣṭastriviṣṭapaṁ prāpto devyāstasyāḥ prabhāvataḥ

Pulastya said: Having said this, the thousand-eyed one (Indra), together with all the gods, joyfully attained heaven, by the power of that Goddess.

Verse 63 (skanda.7.406.63)

सापि तत्र स्थिता देवी देवानां हितकाम्यया

sāpi tatra sthitā devī devānāṁ hitakāmyayā

She too remained there, the Goddess, for the welfare of the gods.

Verse 64 (skanda.7.406.64)

यस्तां पश्यति चैत्रस्य चतुर्द्दश्यां सिते नृप स याति परमं स्थानं जरामरणवर्ज्जितम्

yastāṁ paśyati caitrasya caturddaśyāṁ site nṛpa sa yāti paramaṁ sthānaṁ jarāmaraṇavarjjitam

Whoever beholds her on the bright fourteenth of Chaitra, O king, attains the supreme state, free from old age and death.

Verse 65 (skanda.7.406.65)

किं व्रतैर्नियमैर्वापि दानैर्दत्ते नराधिप सर्वे तद्दर्शनस्यापि कलां नार्हंति षोडशीम्

kiṁ vratairniyamairvāpi dānairdatte narādhipa sarve taddarśanasyāpi kalāṁ nārhaṁti ṣoḍaśīm

What use are vows, observances, or gifts given, O lord of men? All these together are not worth a sixteenth part of merely beholding her.

Verse 66 (skanda.7.406.66)

तत्रैव पादुके दिव्ये तया न्यस्ते नराधिप यस्ते पश्यति भूयोऽसौ संसारं न हि पश्यति सर्वान्कामानवाप्नोति इह लोके परत्र च

tatraiva pāduke divye tayā nyaste narādhipa yaste paśyati bhūyo'sau saṁsāraṁ na hi paśyati sarvānkāmānavāpnoti iha loke paratra ca

There, in that very place, she placed her two divine sandals, O lord of men; whoever again beholds them does not behold this worldly existence — he obtains all desires, in this world and the next.

Verse 67 (skanda.7.406.67)

ययातिरुवाच कस्मिन्काले द्विजश्रेष्ठ देव्या मुक्तेऽत्र पादुके कस्माच्च कारणाद्ब्रूहि सर्वं विस्तरतो मम

yayātiruvāca kasminkāle dvijaśreṣṭha devyā mukte'tra pāduke kasmācca kāraṇādbrūhi sarvaṁ vistarato mama

Yayati said: At what time, O best of the twice-born, were the sandals left here by the Goddess? For what reason — tell me all in full.

Verse 68 (skanda.7.406.68)

पुलस्त्य उवाच तां देवीं मानवाः सर्वे संवीक्ष्य नृपसत्तम प्राप्नुवंति परां सिद्धिं द्विविधां धर्मकारिणः

pulastya uvāca tāṁ devīṁ mānavāḥ sarve saṁvīkṣya nṛpasattama prāpnuvaṁti parāṁ siddhiṁ dvividhāṁ dharmakāriṇaḥ

Pulastya said: All men, O best of kings, beholding that Goddess, doers of dharma, attain the supreme accomplishment, of two kinds.

Verse 69 (skanda.7.406.69)

एतस्मिन्नेव काले तु यज्ञदानादिकाः क्रियाः प्रणष्टा भूतले राजंस्तीर्थयात्राव्रतोद्भवाः

etasminneva kāle tu yajñadānādikāḥ kriyāḥ praṇaṣṭā bhūtale rājaṁstīrthayātrāvratodbhavāḥ

At that very time, rites of sacrifice and charity, and those arising from vows of pilgrimage, were lost upon the earth, O king.

Verse 70 (skanda.7.406.70)

शून्यास्ते नरकाः सर्वे संबभूवुर्यमस्य ये यज्ञभागविहीनाश्च देवाः कष्टमुपागताः

śūnyāste narakāḥ sarve saṁbabhūvuryamasya ye yajñabhāgavihīnāśca devāḥ kaṣṭamupāgatāḥ

All those hells of Yama became empty, and the gods, deprived of their sacrificial share, fell into distress.

Verse 71 (skanda.7.406.71)

अथ सर्वे नृपश्रेष्ठ देवास्तत्र समागताः ऊचुर्गत्वाऽर्बुदं तत्र श्रीमातां परमेश्वरीम्

atha sarve nṛpaśreṣṭha devāstatra samāgatāḥ ūcurgatvā'rbudaṁ tatra śrīmātāṁ parameśvarīm

Then, O best of kings, all the gods gathered together and, having gone to Arbuda, spoke to Shrimata, the supreme goddess:

Verse 72 (skanda.7.406.72)

देवा ऊचुः अग्निष्टोमादिकाः सर्वाः क्रिया नष्टाः सुरेश्वरि मर्त्यलोके वयं तेन कर्मणातीव पीडिताः

devā ūcuḥ agniṣṭomādikāḥ sarvāḥ kriyā naṣṭāḥ sureśvari martyaloke vayaṁ tena karmaṇātīva pīḍitāḥ

The gods said: All rites beginning with Agnishtoma have been destroyed, O sovereign of the gods; in the mortal world we are exceedingly afflicted on that account.

Verse 73 (skanda.7.406.73)

दृष्ट्वा त्वां देवि पाप्मानः सिद्धिं यांति सपूर्वजाः तस्माद्यथा वयं पुष्टिं व्रजामस्ते प्रसादतः

dṛṣṭvā tvāṁ devi pāpmānaḥ siddhiṁ yāṁti sapūrvajāḥ tasmādyathā vayaṁ puṣṭiṁ vrajāmaste prasādataḥ

Sinners, having beheld you, O Goddess, attain accomplishment together with their ancestors; therefore, that we too may attain due nourishment by your grace,

Verse 74 (skanda.7.406.74)

न निष्क्रामति दैत्यश्च बाष्कलिस्त्वं तथा कुरु

na niṣkrāmati daityaśca bāṣkalistvaṁ tathā kuru

do this: let the demon Bashkali not go forth again.

Verse 75 (skanda.7.406.75)

पुलस्त्य उवाच तेषां तद्वचनं श्रुत्वा संचिंत्य सुचिरं तदा मुक्त्वा स्वे पादुके तत्र कृत्वा चाश्मसमुद्भवे देवानुवाच राजेंद्र सर्वानर्त्तिमुपागतान्

pulastya uvāca teṣāṁ tadvacanaṁ śrutvā saṁciṁtya suciraṁ tadā muktvā sve pāduke tatra kṛtvā cāśmasamudbhave devānuvāca rājeṁdra sarvānarttimupāgatān

Pulastya said: Hearing their words, having then pondered for a long while, she left her two sandals there, made of stone, and, O king of kings, spoke to all the gods who had come there afflicted:

Verse 76 (skanda.7.406.76)

श्रीदेव्युवाच युष्मद्वाक्येन त्यक्तो हि मयाऽयं पर्वतोत्तमः विन्यस्ते पादुके तस्य रक्षार्थं बाष्कलेः सुराः

śrīdevyuvāca yuṣmadvākyena tyakto hi mayā'yaṁ parvatottamaḥ vinyaste pāduke tasya rakṣārthaṁ bāṣkaleḥ surāḥ

Shri Devi said: By your word, I have indeed relinquished this excellent mountain. My sandals have been placed here, O gods, for the purpose of restraining Bashkali.

Verse 77 (skanda.7.406.77)

मत्पादुकाभराक्रांतो न स दैत्यः सुरोत्तमाः स्थानात्प्रचलितुं शक्तः स्तंभितः स्याद्यथा मया

matpādukābharākrāṁto na sa daityaḥ surottamāḥ sthānātpracalituṁ śaktaḥ staṁbhitaḥ syādyathā mayā

Pressed down by the weight of my sandals, O best of gods, that demon shall not be able to move from his place, immobilized as he shall be by me.

Verse 78 (skanda.7.406.78)

एतच्छास्त्रं मया कृत्स्नं पादुकार्थं विनिर्मितम् अध्यात्मकं हितार्थाय प्राणिनां पृथिवीतले

etacchāstraṁ mayā kṛtsnaṁ pādukārthaṁ vinirmitam adhyātmakaṁ hitārthāya prāṇināṁ pṛthivītale

This entire scripture has been composed by me concerning the sandals, spiritual, for the welfare of living beings on earth.

Verse 79 (skanda.7.406.79)

शास्त्रमार्गेण चानेन भक्त्या यः पादुके मम पूजयिष्यति सिद्धिः स्यात्तस्य मद्दर्शनोद्भवा

śāstramārgeṇa cānena bhaktyā yaḥ pāduke mama pūjayiṣyati siddhiḥ syāttasya maddarśanodbhavā

By this scriptural path, whoever worships my sandals with devotion — his accomplishment shall arise from the sight of me.

Verse 80 (skanda.7.406.80)

चैत्रशुक्लचतुर्द्दश्यामहमत्रार्बुदे सदा अहोरात्रे वसिष्यामि सुगुप्ता गिरिगह्वरे

caitraśuklacaturddaśyāmahamatrārbude sadā ahorātre vasiṣyāmi suguptā girigahvare

On the fourteenth of the bright half of Chaitra, I shall always dwell here at Arbuda, day and night, well hidden in a mountain cave.

Verse 81 (skanda.7.406.81)

पर्वतोऽयं ममाभीष्टो न च त्यक्तुं मनो दधे तथापि संपरित्यक्तो युष्माकं हितकाम्यया

parvato'yaṁ mamābhīṣṭo na ca tyaktuṁ mano dadhe tathāpi saṁparityakto yuṣmākaṁ hitakāmyayā

This mountain is dear to me, and I do not wish to leave it; nevertheless, I relinquish it for the sake of your welfare.

Verse 82 (skanda.7.406.82)

पुलस्त्य उवाच एवमुक्त्वा तु सा देवी समंताद्देवकिंनरैः स्तूयमाना ययौ स्वर्गं मुक्त्वा ते पादुके शुभे

pulastya uvāca evamuktvā tu sā devī samaṁtāddevakiṁnaraiḥ stūyamānā yayau svargaṁ muktvā te pāduke śubhe

Pulastya said: Having said this, the Goddess, praised on all sides by gods and Kinnaras, went to heaven, leaving behind those two auspicious sandals.

Verse 83 (skanda.7.406.83)

अद्यापि सिद्धिमायांति योगिनो ध्यानतत्पराः तन्निष्ठास्तद्गतप्राणा यथा देव्याः प्रदर्शनात्

adyāpi siddhimāyāṁti yogino dhyānatatparāḥ tanniṣṭhāstadgataprāṇā yathā devyāḥ pradarśanāt

Even today, yogis devoted to meditation attain accomplishment, fixed upon them, their life-breath absorbed in them, just as through the manifestation of the Goddess.

Verse 84 (skanda.7.406.84)

एतत्ते सर्वमाख्यातं यन्मां त्व परिपृच्छसि श्रीमातासंभवं पुण्यं पादुकाभ्यां च भूमिप

etatte sarvamākhyātaṁ yanmāṁ tva paripṛcchasi śrīmātāsaṁbhavaṁ puṇyaṁ pādukābhyāṁ ca bhūmipa

All this has been related to you, that which you asked me — the sacred origin of Shrimata, and of her two sandals, O lord of the earth.

Verse 85 (skanda.7.406.85)

यस्त्वेतत्पठते भक्त्या श्लाघते वाऽथ यो नरः सर्वपापैर्महाराज मुच्यते ज्ञानतत्परः

yastvetatpaṭhate bhaktyā ślāghate vā'tha yo naraḥ sarvapāpairmahārāja mucyate jñānatatparaḥ

Whoever recites this with devotion, or praises it, O great king — that man, devoted to knowledge, is freed from all sins.