Durvasa's Visit to Dvaraka and the Curse upon Rukmini

Verse 1 (skanda.7.449.1)

॥ प्रह्लाद उवाच ॥ सर्वेषामपि भूतानां दैत्यदानवरक्षसाम्। भवन्तो वै पूज्यतमा देवादीनां तथैव च॥

prahlāda uvāca| sarveṣāmapi bhūtānāṁ daityadānavarakṣasām| bhavanto vai pūjyatamā devādīnāṁ tathaiva ca||

Prahlada said: Among all beings — demons, danavas, and rakshasas alike — and among the gods too, you are most worthy of worship.

Verse 2 (skanda.7.449.2)

अनुज्ञया तु युष्माकं प्रसादात्केशवस्य हि। अधिष्ठानं भगवतः कथयामि निबोधत॥

anujñayā tu yuṣmākaṁ prasādātkeśavasya hi| adhiṣṭhānaṁ bhagavataḥ kathayāmi nibodhata||

With your leave, and by the grace of Keshava, I shall now declare the Lord's abode — listen well.

Verse 3 (skanda.7.449.3)

पश्चिमस्य समुद्रस्य तीरमाश्रित्य तिष्ठति। कुशस्थलीति या पूर्वं कुशेन स्थापिता पुरी॥

paścimasya samudrasya tīramāśritya tiṣṭhati| kuśasthalīti yā pūrvaṁ kuśena sthāpitā purī||

Resting upon the shore of the western ocean stands the city that was of old founded by Kusha, and named Kushasthali.

Verse 4 (skanda.7.449.4)

वहते गोमती यत्र सागरेण समन्ततः। द्वारावतीति सा विप्रा आनर्तेषु प्रकीर्तिता॥

vahate gomatī yatra sāgareṇa samantataḥ| dvārāvatīti sā viprā ānarteṣu prakīrtitā||

There, where the river Gomati flows, joined on every side by the sea, that city, O brahmins, is renowned in the land of Anarta as Dvaravati.

Verse 5 (skanda.7.449.5)

तस्यां वसति विश्वात्मा सर्वकामप्रदो हरिः। कला षोडशसंयुक्तो मूर्तिं द्वादशकान्वितः॥

tasyāṁ vasati viśvātmā sarvakāmapradaḥ hariḥ| kalā ṣoḍaśasaṁyukto mūrtiṁ dvādaśakānvitaḥ||

There dwells Hari, the soul of the universe, granter of every desire, endowed with sixteen divine powers and manifest in twelve forms.

Verse 6 (skanda.7.449.6)

तदेव परमं धाम तदेव परमं पदम्। द्वारका सा च वै धन्या यत्राऽऽस्ते मधुसूदनः॥

tadeva paramaṁ dhāma tadeva paramaṁ padam| dvārakā sā ca vai dhanyā yatrāste madhusūdanaḥ||

That indeed is the supreme abode, that the supreme state — blessed is that Dvaraka where Madhusudana resides.

Verse 7 (skanda.7.449.7)

यत्र कृष्णश्चतुर्बाहुः शङ्खचक्रगदाधरः। नरा मुक्तिं प्रयास्यन्ति तत्र गत्वा कलौ युगे॥

yatra kṛṣṇaścaturbāhuḥ śaṅkhacakragadādharaḥ| narā muktiṁ prayāsyanti tatra gatvā kalau yuge||

Where the four-armed Krishna bears the conch, discus, and mace — going there, in the Kali age, men shall attain liberation.

Verse 8 (skanda.7.449.8)

तच्छ्रुत्वा वचनं तस्य प्रह्लादस्य महात्मनः। विस्मयाविष्टमनसस्तमूचुर्मुनिसत्तमाः॥

tacchrutvā vacanaṁ tasya prahlādasya mahātmanaḥ| vismayāviṣṭamanasastamūcurmunisattamāḥ||

Hearing these words of the great-souled Prahlada, those foremost sages, their minds filled with wonder, said to him:

Verse 9 (skanda.7.449.9)

॥ ऋषय ऊचुः ॥ क्षयं यदुकुले याते भारे चोपहृते भुवः। प्रभासे यादवश्रेष्ठः स्वस्थानमगमद्धरिः॥

ṛṣaya ūcuḥ| kṣayaṁ yadukule yāte bhāre copahṛte bhuvaḥ| prabhāse yādavaśreṣṭhaḥ svasthānamagamaddhariḥ||

The sages said: When the Yadu clan had perished and the earth's burden was lifted, Hari, foremost of the Yadavas, departed for his own abode at Prabhasa —

Verse 10 (skanda.7.449.10)

द्वारावत्या प्लावितायां समन्तात्सागरेण हि। कथं स भगवांस्तत्र कलौ दैत्य प्रकीर्त्यते॥

dvārāvatyā plāvitāyāṁ samantātsāgareṇa hi| kathaṁ sa bhagavāṁstatra kalau daitya prakīrtyate||

and when Dvaravati was submerged on every side by the ocean, how, O demon, is that Lord still declared to be present there in the Kali age?

Verse 11 (skanda.7.449.11)

कथयस्व सुरश्रेष्ठ कथं विष्णुर्महीतले। स्थितश्चानर्तविषय एतद्विस्तरतो वद॥

kathayasva suraśreṣṭha kathaṁ viṣṇurmahītale| sthitaścānartaviṣaya etadvistarato vada||

Tell us, O best of beings, how Vishnu abides on earth in the land of Anarta — explain this to us in full.

Verse 12 (skanda.7.449.12)

उग्रसेने नरपतौ प्रशासति वसुन्धराम्। कृष्णो यदुपुरीमेतां शोभयामास सर्वतः॥

ugrasene narapatau praśāsati vasundharām| kṛṣṇo yadupurīmetāṁ śobhayāmāsa sarvataḥ||

Prahlada said: While King Ugrasena governed the earth, Krishna made this city of the Yadus resplendent on every side.

Verse 13 (skanda.7.449.13)

रममाणे रमानाथे रामाभिरमणे हरौ। एकदा तु समासीने सभायां यदुसत्तमे॥

ramamāṇe ramānāthe rāmābhiramaṇe harau| ekadā tu samāsīne sabhāyāṁ yadusattame||

One day, as Hari, lord of Rama (Lakshmi) and delighting with Balarama, sat in the assembly hall, foremost among the Yadus,

Verse 14 (skanda.7.449.14)

कथाभिः क्रियमाणाभिर्विचित्राभिरनेकधा। उद्धवः कथयामास प्रचारं यदुनन्दनम्॥

kathābhiḥ kriyamāṇābhirvicitrābhiranekadhā| uddhavaḥ kathayāmāsa pracāraṁ yadunandanam||

amid many wondrous tales being told, Uddhava related some news to that delight of the Yadus.

Verse 15 (skanda.7.449.15)

यात्रायामनुसम्प्राप्तं दुर्वाससमकल्मषम्। स्थितं तं गोमतीतीरे चक्रतीर्थसमीपतः॥

yātrāyāmanusamprāptaṁ durvāsasamakalmaṣam| sthitaṁ taṁ gomatītīre cakratīrthasamīpataḥ||

The sinless sage Durvasa, arriving there on pilgrimage, was staying on the bank of the Gomati, near Chakra-tirtha.

Verse 16 (skanda.7.449.16)

तच्छ्रुत्वा सहसोत्थाय भगवान्रुक्मिणीगृहम्। जगाम हृष्टमनसा विश्वशक्तिरधोक्षजः॥

tacchrutvā sahasotthāya bhagavānrukmiṇīgṛham| jagāma hṛṣṭamanasā viśvaśaktiradhokṣajaḥ||

Hearing this, the Lord rose at once and, rejoicing at heart, that all-powerful Adhokshaja went to Rukmini's dwelling.

Verse 17 (skanda.7.449.17)

आगत्योवाच वैदर्भीं सम्प्राप्तमृषिसत्तमम्। तपोनिर्धूतपाप्माऽयमत्रिपुत्रो महातपाः॥

āgatyovāca vaidarbhīṁ samprāptamṛṣisattamam| taponirdhūtapāpmā'yamatriputro mahātapāḥ||

Coming to her, he said to Vaidarbhi (Rukmini): 'That great ascetic, son of Atri, whose sins have been washed away by austerity, has now arrived here.'

Verse 18 (skanda.7.449.18)

आतिथ्येनार्चितो विप्रो दास्यते च महोदयम्। गृहिणी न गृहे यस्य सत्पात्रागमनं वृथा॥

ātithyenārcito vipro dāsyate ca mahodayam| gṛhiṇī na gṛhe yasya satpātrāgamanaṁ vṛthā||

A brahmin honoured with hospitality bestows great blessing; but if a house has no mistress present, the arrival of a worthy guest goes in vain.

Verse 19 (skanda.7.449.19)

तस्य देवा न गृह्णन्ति पितरश्च तथोदकम्। तदागच्छस्व गच्छामो निमन्त्रयितुमत्रिजम्॥

tasya devā na gṛhṇanti pitaraśca tathodakam| tadāgacchasva gacchāmo nimantrayitumatrijam||

Neither gods nor ancestors accept the water offered by such a one. So come, let us go to invite the son of Atri.

Verse 20 (skanda.7.449.20)

तथेत्युक्त्वा तु सा देवी रथमारुरुहे सती। रथमारुह्य देवेशो रुक्मिण्या सहितो हरिः। जगाम तत्र यत्रास्ते दुर्वासा मुनिसत्तमः॥

tathetyuktvā tu sā devī rathamāruruhe satī| rathamāruhya deveśo rukmiṇyā sahito hariḥ| jagāma tatra yatrāste durvāsā munisattamaḥ||

Saying 'so be it,' that virtuous lady mounted the chariot. Mounting the chariot with Rukmini, Hari, lord of the gods, went to where the great sage Durvasa was staying.

Verse 21 (skanda.7.449.21)

दृष्ट्वा ज्वलन्तं तपसा कूले नदनदीपतेः। कापालिकस्य पुरतः सुस्नातं वरसीकरैः॥

dṛṣṭvā jvalantaṁ tapasā kūle nadanadīpateḥ| kāpālikasya purataḥ susnātaṁ varasīkaraiḥ||

They saw him, blazing with the fire of austerity, on the shore of the lord of rivers, appearing as a Kapalika ascetic, well bathed in fine spray of water.

Verse 22 (skanda.7.449.22)

प्रणम्य भगवान्भक्त्या पप्रच्छाऽनामयं ततः। पश्चाद्विदर्भतनया रुक्मिणी प्रणनाम तम्॥

praṇamya bhagavānbhaktyā papracchānāmayaṁ tataḥ| paścādvidarbhatanayā rukmiṇī praṇanāma tam||

The Lord bowed to him with devotion and inquired after his welfare, and afterward Rukmini, the princess of Vidarbha, bowed to him as well.

Verse 23 (skanda.7.449.23)

दुर्वासाश्चापि तौ दृष्ट्वा दर्शनार्थमुपागतौ। पप्रच्छ कुशलं तत्र स्वागतेनाभिनन्द्य च॥

durvāsāścāpi tau dṛṣṭvā darśanārthamupāgatau| papraccha kuśalaṁ tatra svāgatenābhinandya ca||

Durvasa too, seeing them come for his darshan, welcomed them and asked after their welfare.

Verse 24 (skanda.7.449.24)

॥ दुर्वासा उवाच ॥ कुशलं कृष्ण सर्वत्र कुत्र वासस्तवाऽधुना। कति दारा धनापत्यमेतद्विस्तरतो वद॥

durvāsā uvāca| kuśalaṁ kṛṣṇa sarvatra kutra vāsastavādhunā| kati dārā dhanāpatyametadvistarato vada||

Durvasa said: Krishna, is all well with you everywhere? Where do you now reside? How many wives, how much wealth, how many children have you — tell me this in full.

Verse 25 (skanda.7.449.25)

॥ श्रीकृष्ण उवाच ॥ समुद्रेण प्रदत्ता मे भूमिर्द्वादशयोजना। तस्यां निवसतो ब्रह्मन्पुरी हेममयी मम॥

śrīkṛṣṇa uvāca| samudreṇa pradattā me bhūmirdvādaśayojanā| tasyāṁ nivasato brahmanpurī hemamayī mama||

Shri Krishna said: The ocean has granted me twelve yojanas of land, O brahmin; dwelling there, I have my golden city.

Verse 26 (skanda.7.449.26)

प्रासादास्तत्र सौवर्णा नवलक्षाणि संख्यया। तस्यां वसामि संहृष्टस्त्वत्प्रसादात्सुनिर्भयः॥

prāsādāstatra sauvarṇā navalakṣāṇi saṁkhyayā| tasyāṁ vasāmi saṁhṛṣṭastvatprasādātsunirbhayaḥ||

There are nine hundred thousand golden mansions there; in that city I dwell, joyful and wholly fearless, by your grace.

Verse 27 (skanda.7.449.27)

तच्छ्रुत्वा वचनं तस्य विस्मयाविष्टमानसः। प्रत्युवाच स दुर्वासाः प्रहस्य मधुसूदनम्॥

tacchrutvā vacanaṁ tasya vismayāviṣṭamānasaḥ| pratyuvāca sa durvāsāḥ prahasya madhusūdanam||

Hearing his words, Durvasa, his mind filled with wonder, laughingly replied to Madhusudana:

Verse 28 (skanda.7.449.28)

वसन्ति तावका ये च तेषां संख्या वदस्व भोः। यावत्यश्च महिष्यस्ते पुत्राः परिजनास्तथा॥

vasanti tāvakā ye ca teṣāṁ saṁkhyā vadasva bhoḥ| yāvatyaśca mahiṣyaste putrāḥ parijanāstathā||

Tell me the number of those who dwell with you — how many are your queens, your sons, and your retinue?

Verse 29 (skanda.7.449.29)

॥ श्रीकृष्ण उवाच ॥ ब्रह्मन्षोडशसाहस्रं भार्याश्चाष्टाधिका मम। तासां मध्येऽभीष्टतमा विदर्भाधिपतेः सुता॥

śrīkṛṣṇa uvāca| brahmanṣoḍaśasāhasraṁ bhāryāścāṣṭādhikā mama| tāsāṁ madhye'bhīṣṭatamā vidarbhādhipateḥ sutā||

Shri Krishna said: O brahmin, I have sixteen thousand and eight wives; among them, the daughter of the king of Vidarbha is dearest to me.

Verse 30 (skanda.7.449.30)

एकैकस्या दश सुताः कन्या चैका तथा मुने। षट्पञ्चाशद्यदूनां तु कोट्यः परिजनो मम॥

ekaikasyā daśa sutāḥ kanyā caikā tathā mune| ṣaṭpañcāśadyadūnāṁ tu koṭyaḥ parijano mama||

O sage, each wife has ten sons and one daughter; my kinsfolk number fifty-six crore Yadavas.

Verse 31 (skanda.7.449.31)

शेषाः प्रकृतयो ब्रह्मंस्तेषां संख्या न विद्यते। तच्छ्रुत्वा चिन्तयामास किमेतदिति विस्मितः॥

śeṣāḥ prakṛtayo brahmaṁsteṣāṁ saṁkhyā na vidyate| tacchrutvā cintayāmāsa kimetaditi vismitaḥ||

As for the rest of my subjects, O brahmin, their number cannot be reckoned. Hearing this, Durvasa, astonished, began to wonder what this could mean.

Verse 32 (skanda.7.449.32)

अहो ह्यनन्तवीर्यस्य मायामाश्रित्य तिष्ठतः। अनन्ता सर्वकर्तृत्वे प्रवृत्तिर्दृश्यतामियम्॥

aho hyanantavīryasya māyāmāśritya tiṣṭhataḥ| anantā sarvakartṛtve pravṛttirdṛśyatāmiyam||

Ah, how wondrous! This is the boundless activity to be seen in one of infinite power, who abides sustained by his own maya, capable of all things without limit.

Verse 33 (skanda.7.449.33)

॥ दुर्वासा उवाच ॥ स्वागतं ते महाबाहो ब्रूहि किं करवाणि ते। दर्शनेन त्वदीयेन प्रीतिमेति च मे मनः॥

durvāsā uvāca| svāgataṁ te mahābāho brūhi kiṁ karavāṇi te| darśanena tvadīyena prītimeti ca me manaḥ||

Durvasa said: Welcome, O mighty-armed one! Tell me, what shall I do for you? My heart rejoices at the sight of you.

Verse 34 (skanda.7.449.34)

॥ श्रीकृष्ण उवाच ॥ यदि प्रसन्नो भगवांस्तदागच्छस्व मे गृहम्। शिरसा धार्य पादाम्बु प्रयास्यामि पवित्रताम्॥

śrīkṛṣṇa uvāca| yadi prasanno bhagavāṁstadāgacchasva me gṛham| śirasā dhārya pādāmbu prayāsyāmi pavitratām||

Shri Krishna said: If you are pleased, O revered one, then come to my home. Bearing the water from your feet upon my head, I shall become pure.

Verse 35 (skanda.7.449.35)

॥ दुर्वासा उवाच ॥ अक्षमासारसर्वस्वं किं मां नयसि माधव। नय मां यदि मद्वाक्यं करोषि सह भार्यया॥

durvāsā uvāca| akṣamāsārasarvasvaṁ kiṁ māṁ nayasi mādhava| naya māṁ yadi madvākyaṁ karoṣi saha bhāryayā||

Durvasa said: Madhava, will you simply carry me — who possess nothing but this rosary of beads — along with you? If you will do as I say, then carry me together with your wife.

Verse 36 (skanda.7.449.36)

॥ प्रह्लाद उवाच ॥ एवमस्त्विति चोक्त्वा स प्रस्थितः स्वरथेन हि। तं दृष्ट्वा प्रस्थितं विष्णुं प्रहस्योवाच भर्त्सयन्॥

prahlāda uvāca| evamastviti coktvā sa prasthitaḥ svarathena hi| taṁ dṛṣṭvā prasthitaṁ viṣṇuṁ prahasyovāca bhartsayan||

Prahlada said: Saying 'so be it,' Krishna set out in his own chariot. Seeing Vishnu thus setting forth, Durvasa laughed and spoke, taunting him:

Verse 37 (skanda.7.449.37)

॥ दुर्वासा उवाच ॥ दुर्वाससं न जानासि मुञ्चेमान्हयसत्तमान्। त्वं च भार्या तथा चेयं वहतं स्वरथेन माम्॥

durvāsā uvāca| durvāsasaṁ na jānāsi muñcemānhayasattamān| tvaṁ ca bhāryā tathā ceyaṁ vahataṁ svarathena mām||

Durvasa said: Do you not know Durvasa? Release these fine horses — you and this wife of yours shall draw me yourselves in your own chariot.

Verse 38 (skanda.7.449.38)

॥ श्रीकृष्ण उवाच ॥ भगवन्यथा प्रब्रवीषि विप्र कर्तास्मि तत्तथा। त्वया कृपालुना ब्रह्मन्पारितोऽहं सबान्धवः॥

śrīkṛṣṇa uvāca| bhagavanyathā prabravīṣi vipra kartāsmi tattathā| tvayā kṛpālunā brahmanpārito'haṁ sabāndhavaḥ||

Shri Krishna said: O revered brahmin, whatever you command, I shall do accordingly. By your compassion, O brahmin, I and my kin are saved.

Verse 39 (skanda.7.449.39)

॥ प्रह्लाद उवाच ॥ तौ तथा ऋषिवर्योऽसौ युक्तां देवीं रथे स्वके। तथैव पुण्डरीकाक्षं याहि याहीत्यभाषत॥

prahlāda uvāca| tau tathā ṛṣivaryo'sau yuktāṁ devīṁ rathe svake| tathaiva puṇḍarīkākṣaṁ yāhi yāhītyabhāṣata||

Prahlada said: Then that great sage, having yoked both the goddess and the lotus-eyed Krishna to his own chariot, cried out, 'Go, go!'

Verse 40 (skanda.7.449.40)

तं दृष्ट्वा देवताः सर्वा वहमानं रथं हरिम्। साधुसाध्विति भाषन्त ऊचुः सर्वे परस्परम्॥

taṁ dṛṣṭvā devatāḥ sarvā vahamānaṁ rathaṁ harim| sādhusādhviti bhāṣanta ūcuḥ sarve parasparam||

Seeing Hari drawing the chariot, all the gods exclaimed 'Well done, well done!' and spoke among themselves:

Verse 41 (skanda.7.449.41)

अहो ब्रह्मण्यदेवस्य परां भक्तिं प्रपश्यत। स्कन्धे कृत्वा धुरं यो हि वहते भार्यया सह॥

aho brahmaṇyadevasya parāṁ bhaktiṁ prapaśyata| skandhe kṛtvā dhuraṁ yo hi vahate bhāryayā saha||

Behold the supreme devotion of that Lord, devoted to brahmins, who bears the yoke upon his shoulder and draws the chariot together with his wife!

Verse 42 (skanda.7.449.42)

विकीर्यमाणः कुसुमैः सुरसङ्घैर्जनार्दनः। जगाम स रथं गृह्य सभार्यो द्वारकां प्रति॥

vikīryamāṇaḥ kusumaiḥ surasaṅghairjanārdanaḥ| jagāma sa rathaṁ gṛhya sabhāryo dvārakāṁ prati||

Showered with flowers by the hosts of gods, Janardana, with his wife, drew the chariot on toward Dvaraka.

Verse 43 (skanda.7.449.43)

उह्यमाने रथे तस्मिन्रुक्मिणी तृषिताऽभवत्। उवाच कृष्णं वैदर्भी श्रमव्याकुललोचना॥

uhyamāne rathe tasminrukmiṇī tṛṣitā'bhavat| uvāca kṛṣṇaṁ vaidarbhī śramavyākulalocanā||

As that chariot was being drawn, Rukmini grew thirsty; Vaidarbhi, her eyes weary with exhaustion, said to Krishna:

Verse 44 (skanda.7.449.44)

श्रान्ता भारपरिक्लिष्टा वहती कोपनं द्विजम्। पाययित्वोदकं कान्त नय मां मन्दिरं स्वकम्॥

śrāntā bhāraparikliṣṭā vahatī kopanaṁ dvijam| pāyayitvodakaṁ kānta naya māṁ mandiraṁ svakam||

Weary and worn by the burden, I am drawing this irascible brahmin. My beloved, give me water to drink, and take me home.

Verse 45 (skanda.7.449.45)

तच्छ्रुत्वा वचनं तस्याः पादाक्रान्त्या धरातलात्। आनयामास भगवान्गङ्गां त्रिपथगां शुभाम्॥

tacchrutvā vacanaṁ tasyāḥ pādākrāntyā dharātalāt| ānayāmāsa bhagavāngaṅgāṁ tripathagāṁ śubhām||

Hearing her words, the Lord pressed the earth with his foot and brought forth the auspicious Ganga, traveller of the three worlds.

Verse 46 (skanda.7.449.46)

तद्दृष्ट्वा निर्मलं शीतं सुगन्धं पावनं तथा। पपौ पिपासिता देवी रुक्मिणी जाह्नवीजलम्॥

taddṛṣṭvā nirmalaṁ śītaṁ sugandhaṁ pāvanaṁ tathā| papau pipāsitā devī rukmiṇī jāhnavījalam||

Seeing that pure, cool, fragrant, purifying water, the thirsty goddess Rukmini drank of the Ganga's stream.

Verse 47 (skanda.7.449.47)

पीतं तया जलं दृष्ट्वा चुकोप ऋषिसत्तमः। जज्वाल ज्वलनप्रख्यः शशाप परमेश्वरीम्॥

pītaṁ tayā jalaṁ dṛṣṭvā cukopa ṛṣisattamaḥ| jajvāla jvalanaprakhyaḥ śaśāpa parameśvarīm||

Seeing her drink the water, that foremost of sages grew furious; blazing like fire, he cursed the supreme goddess.

Verse 48 (skanda.7.449.48)

॥ दुर्वासा उवाच ॥ मामपृष्ट्वा जलं यस्मात्पीतवत्यसि रुक्मिणि। तस्मात्पानरता नित्यं भविष्यसि न संशयः॥

durvāsā uvāca| māmapṛṣṭvā jalaṁ yasmātpītavatyasi rukmiṇi| tasmātpānaratā nityaṁ bhaviṣyasi na saṁśayaḥ||

Durvasa said: Because you, Rukmini, drank water without asking my leave, you shall, without doubt, become forever devoted to flowing water.

Verse 49 (skanda.7.449.49)

अवियुक्ता रथाद्यस्मान्मामपृष्ट्वा जलं त्वया। पीतं तस्माच्च कृष्णेन वियुक्ता त्वं भविष्यसि॥

aviyuktā rathādyasmānmāmapṛṣṭvā jalaṁ tvayā| pītaṁ tasmācca kṛṣṇena viyuktā tvaṁ bhaviṣyasi||

Since, without stepping away from the chariot, you drank water without my leave, you shall for that be separated from Krishna.

Verse 50 (skanda.7.449.50)

॥ प्रह्लाद उवाच ॥ एतावदुक्त्वा वचनं क्रोधसंरक्तलोचनः। परित्यज्य रथं विप्रो भूमावेवावतिष्ठति॥

prahlāda uvāca| etāvaduktvā vacanaṁ krodhasaṁraktalocanaḥ| parityajya rathaṁ vipro bhūmāvevāvatiṣṭhati||

Prahlada said: Having said this much, the brahmin, his eyes red with rage, abandoned the chariot and stood there upon the ground.

Verse 51 (skanda.7.449.51)

एवं शप्ता तदा देवी रुदोदातीव विह्वला। उवाच कृष्णं करुणं कथं स्थास्ये त्वया विना॥

evaṁ śaptā tadā devī rudodātīva vihvalā| uvāca kṛṣṇaṁ karuṇaṁ kathaṁ sthāsye tvayā vinā||

Thus cursed, the goddess wept, utterly overwhelmed, and said to Krishna in piteous tones: 'How shall I live without you?'

Verse 52 (skanda.7.449.52)

॥ श्रीकृष्ण उवाच ॥ आयास्ये प्रत्यहं देवि द्विकालं भवनं तव। यो मां पश्यति चात्रस्थं स त्वामेव प्रपश्यति॥

śrīkṛṣṇa uvāca| āyāsye pratyahaṁ devi dvikālaṁ bhavanaṁ tava| yo māṁ paśyati cātrasthaṁ sa tvāmeva prapaśyati||

Shri Krishna said: O goddess, I shall come to your dwelling twice each day. Whoever sees me present here shall in truth be seeing you.

Verse 53 (skanda.7.449.53)

मां हि दृष्ट्वा नरो यस्तु त्वां न पश्यति भक्तितः। अर्द्धं यात्राफलं तस्य भविष्यति न संशयः॥

māṁ hi dṛṣṭvā naro yastu tvāṁ na paśyati bhaktitaḥ| ardhaṁ yātrāphalaṁ tasya bhaviṣyati na saṁśayaḥ||

Whoever, having seen me, does not also with devotion behold you, shall obtain but half the fruit of his pilgrimage — of this there is no doubt.

Verse 54 (skanda.7.449.54)

आश्वास्य च प्रियामेवं ब्राह्मणं यदुनन्दनः। ततः प्रसादयामास दुर्वाससमकल्मषम्॥

āśvāsya ca priyāmevaṁ brāhmaṇaṁ yadunandanaḥ| tataḥ prasādayāmāsa durvāsasamakalmaṣam||

Having thus consoled his beloved, the delight of the Yadus then set about pacifying the sinless Durvasa.

Verse 55 (skanda.7.449.55)

बाह्यो पवनमध्ये तु पूजयामास तं तथा। अवनिज्य स्वयं पादौ विप्रपादावनेजनम्। धारयामास शिरसा जगतः पावनो हरिः॥

bāhyo pavanamadhye tu pūjayāmāsa taṁ tathā| avanijya svayaṁ pādau viprapādāvanejanam| dhārayāmāsa śirasā jagataḥ pāvano hariḥ||

There in the open air, he worshipped him thus. Washing the brahmin's feet with his own hands, Hari, the purifier of the world, bore that water upon his own head.

Verse 56 (skanda.7.449.56)

दत्त्वार्घ्यं गां च विप्राय मधुपर्कं स भक्तितः। विधिवद्भोजयामास षड्रसेन द्विजोत्तमम्॥

dattvārghyaṁ gāṁ ca viprāya madhuparkaṁ sa bhaktitaḥ| vidhivadbhojayāmāsa ṣaḍrasena dvijottamam||

Offering the brahmin water, a cow, and honey-mixture with devotion, he duly fed that best of the twice-born a meal of the six flavours.