The Origin of the Gomati River

Verse 1 (skanda.7.452.1)

॥ प्रह्लाद उवाच ॥ ततो गच्छेद्द्विजश्रेष्ठा गोमतीं कृष्णसंश्रयाम्। यस्या दर्शनमात्रेण मुच्यते सर्वपातकैः। सर्वपापविनिर्मुक्तः कृष्णसायुज्यमाप्नुयात्॥

prahlāda uvāca| tato gacchedvijaśreṣṭhā gomatīṁ kṛṣṇasaṁśrayām| yasyā darśanamātreṇa mucyate sarvapātakaiḥ| sarvapāpavinirmuktaḥ kṛṣṇasāyujyamāpnuyāt||

Prahlada said: Thereafter, O foremost of brahmins, one should go to the Gomati, refuge of Krishna, by the mere sight of which one is freed from every sin, and, wholly cleansed of all wrongdoing, attains union with Krishna.

Verse 2 (skanda.7.452.2)

दुरितौघक्षयकरममंगल्यविनाशनम्। सर्वकामप्रदं नॄणां प्रणमेद्गोमतीजलम्॥

duritaughakṣayakaramamaṅgalyavināśanam| sarvakāmapradaṁ nṝṇāṁ praṇamedgomatījalam||

One should bow to the waters of the Gomati, which destroy the mass of sins, dispel every misfortune, and fulfil all the desires of men.

Verse 3 (skanda.7.452.3)

महापापक्षयकरमगतीनांगतिप्रदम्। पूर्वपुण्यवशात्प्राप्तं प्रणमेद्गोमतीजलम्॥

mahāpāpakṣayakaramagatīnāṁgatipradam| pūrvapuṇyavaśātprāptaṁ praṇamedgomatījalam||

One should bow to the waters of the Gomati, which destroy the greatest sins and give refuge to the refugeless, and which are attained only through merit accumulated in former lives.

Verse 4 (skanda.7.452.4)

॥ ऋषय ऊचुः ॥ दैत्येन्द्र संशयोऽस्माकं तं त्वं छेत्तुमिहार्हसि। इयं का गोमती तत्र केनानीता महामते॥

ṛṣaya ūcuḥ| daityendra saṁśayo'smākaṁ taṁ tvaṁ chettumihārhasi| iyaṁ kā gomatī tatra kenānītā mahāmate||

The sages said: O lord of demons, we have a doubt, and you alone are fit to resolve it. Who is this Gomati, and who, O wise one, brought her there?

Verse 5 (skanda.7.452.5)

केन कार्यवशेनेह संप्राप्ता वरुणालयम्। सर्वं भागवतश्रेष्ठ ह्येतद्विस्तरतो वद॥

kena kāryavaśeneha samprāptā varuṇālayam| sarvaṁ bhāgavataśreṣṭha hyetadvistarato vada||

For what purpose did she come to reach the abode of Varuna, the ocean? O foremost of devotees, tell us all this in full.

Verse 6 (skanda.7.452.6)

॥ प्रह्लाद उवाच ॥ एकार्णवे पुरा भूते नष्टे स्थावरजंगमे। तदा ब्रह्मा समभवद्विष्णोर्नाभिसरोरुहात्॥

prahlāda uvāca| ekārṇave purā bhūte naṣṭe sthāvarajaṅgame| tadā brahmā samabhavadviṣṇornābhisaroruhāt||

Prahlada said: Of old, when the whole world had become a single ocean, and all things moving and unmoving had perished, then Brahma arose from the lotus of Vishnu's navel.

Verse 7 (skanda.7.452.7)

आदिष्टः प्रभुणा ब्रह्मा सृजस्व विविधाः प्रजाः। इति धाता समादिष्टो हरिणा सृष्टिकारणे॥

ādiṣṭaḥ prabhuṇā brahmā sṛjasva vividhāḥ prajāḥ| iti dhātā samādiṣṭo hariṇā sṛṣṭikāraṇe||

The Lord commanded Brahma: 'Create manifold beings.' Thus was the creator instructed by Hari for the work of creation.

Verse 8 (skanda.7.452.8)

उक्त्वा बाढमिति ब्रह्मा ततः सृष्टौ मनो दधे। ससर्ज मानसात्सद्यः सनकाद्यान्कुमारकान्। उवाच वचनं ब्रह्मा प्रजाः सृजत पुत्रकाः॥

uktvā bāḍhamiti brahmā tataḥ sṛṣṭau mano dadhe| sasarja mānasātsadyaḥ sanakādyānkumārakān| uvāca vacanaṁ brahmā prajāḥ sṛjata putrakāḥ||

Saying 'so be it,' Brahma then fixed his mind upon creation. He at once produced from his mind Sanaka and the other youthful sages, and said to them: 'My sons, create beings.'

Verse 9 (skanda.7.452.9)

ब्रह्मणो वचनं श्रुत्वा ते कृतांजलयोऽब्रुवन्। भगवन्भगवद्रूपं द्रष्टुकामा वयं प्रभो॥

brahmaṇo vacanaṁ śrutvā te kṛtāñjalayo'bruvan| bhagavanbhagavadrūpaṁ draṣṭukāmā vayaṁ prabho||

Hearing Brahma's word, they said, with joined palms: 'O lord, O master, we wish instead to behold the very form of the Lord.'

Verse 10 (skanda.7.452.10)

न बन्धमनुवर्त्तामः सृष्टिरूपं दुरासदम्। इत्युक्त्वा ते ययुः सर्वे सनकाद्या कुमारकाः॥

na bandhamanuvartāmaḥ sṛṣṭirūpaṁ durāsadam| ityuktvā te yayuḥ sarve sanakādyā kumārakāḥ||

'We shall not pursue this creative task, so binding and so hard to accomplish,' they said, and all those youths — Sanaka and the rest — departed.

Verse 11 (skanda.7.452.11)

पश्चिमां दिशमास्थाय तीरे नदनदीपतेः। तेजोमयस्य रूपस्य द्रष्टुकामा महात्मनः। तस्मिन्मानसमाधाय तेपिरे परमं तपः॥

paścimāṁ diśamāsthāya tīre nadanadīpateḥ| tejomayasya rūpasya draṣṭukāmā mahātmanaḥ| tasminmānasamādhāya tepire paramaṁ tapaḥ||

Going to the western direction, to the shore of the lord of rivers, desiring to behold the radiant form of that great being, they fixed their minds upon him and performed the most intense austerity.

Verse 12 (skanda.7.452.12)

बहुवर्षसहस्रैस्तु प्रसन्ने धरणीधरे। भित्त्वा जलं समुत्तस्थौ तेजोरूपं दुरासदम्॥

bahuvarṣasahasraistu prasanne dharaṇīdhare| bhittvā jalaṁ samuttasthau tejorūpaṁ durāsadam||

After many thousands of years, when the sustainer of the earth was pleased, that unapproachable radiant form arose, cleaving through the water.

Verse 13 (skanda.7.452.13)

अनेकदैत्यदमनं बहुयंत्रविदारणम्। सूर्यकोटिप्रभाभासं सहस्रारं सुदर्शनम्॥

anekadaityadamanaṁ bahuyantravidāraṇam| sūryakoṭiprabhābhāsaṁ sahasrāraṁ sudarśanam||

It was the discus Sudarshana — subduer of countless demons, shatterer of many a magical device, blazing with the splendour of a million suns, and possessed of a thousand spokes.

Verse 14 (skanda.7.452.14)

तं दृष्ट्वा विस्मिताः सर्वे ब्रह्मपुत्राः परस्परम्। वीक्षमाणा भगवतः परमायुधमुत्तमम्॥

taṁ dṛṣṭvā vismitāḥ sarve brahmaputrāḥ parasparam| vīkṣamāṇā bhagavataḥ paramāyudhamuttamam||

Beholding that supreme and excellent weapon of the Lord, all the sons of Brahma, filled with wonder, gazed upon one another.

Verse 15 (skanda.7.452.15)

तान्विलोक्य तथाभूतान्वागुवाचाशरीरिणी। भो ब्रह्मपुत्रा भगवाञ्छीघ्रमाविर्भविष्यति॥

tānvilokya tathābhūtānvāguvācāśarīriṇī| bho brahmaputrā bhagavāñchīghramāvirbhaviṣyati||

Seeing them in that state, a disembodied voice spoke: 'O sons of Brahma, the Lord shall manifest himself very soon.'

Verse 16 (skanda.7.452.16)

अर्हणार्थं भगवतः शीघ्रमर्घ्यं प्रकल्प्यताम्। आयुधं लोकनाथस्य द्विजाः शीघ्रं प्रसाद्यताम्॥

arhaṇārthaṁ bhagavataḥ śīghramarghyaṁ prakalpyatām| āyudhaṁ lokanāthasya dvijāḥ śīghraṁ prasādyatām||

Quickly prepare an offering of welcome for the Lord's honour; O brahmins, swiftly propitiate the weapon of the lord of the worlds.

Verse 17 (skanda.7.452.17)

तच्छ्रुत्वाऽऽकाशवचनं तुष्टुवुस्ते सुदर्शनम्॥

tacchrutvākāśavacanaṁ tuṣṭuvuste sudarśanam||

Hearing that voice from the sky, they began to praise Sudarshana.

Verse 18 (skanda.7.452.18)

॥ ऋषय ऊचुः ॥ ज्योतिर्मय नमस्तेऽस्तु नमस्ते हरिवल्लभ। सुदर्शन नमस्तेऽस्तु सहस्राराऽक्षराऽव्यय॥

ṛṣaya ūcuḥ| jyotirmaya namaste'stu namaste harivallabha| sudarśana namaste'stu sahasrārā'kṣarā'vyaya||

The sages said: Salutations to you, O radiant one! Salutations to you, beloved of Hari! Salutations to you, O Sudarshana, of a thousand spokes, imperishable, undecaying!

Verse 19 (skanda.7.452.19)

नमस्ते सूर्यरूपाय ब्रह्मरूपाय ते नमः। अमोघाय नमस्तुभ्यं रथांगाय नमोनमः॥

namaste sūryarūpāya brahmarūpāya te namaḥ| amoghāya namastubhyaṁ rathāṅgāya namonamaḥ||

Salutations to you in your form as the sun, salutations to you in your form as Brahman; salutations to you, unfailing one; salutations again and again, O wheel of the chariot!

Verse 20 (skanda.7.452.20)

एवं ते पूजयामासुः सुमनोभिस्तथाऽक्षतैः। स्तवैर्नानाविधैः स्तुत्वा प्रणेमुर्हरिवल्लभम्॥

evaṁ te pūjayāmāsuḥ sumanobhistathā'kṣataiḥ| stavairnānāvidhaiḥ stutvā praṇemurharivallabham||

Thus they worshipped it with flowers and unbroken rice grains, and having praised it with manifold hymns, bowed to that beloved of Hari.

Verse 21 (skanda.7.452.21)

तत्प्रसाद्य सुनाभं तु प्रभुसंदर्शनोत्सुकाः। अस्मरन्मनसा देवं ब्रह्माणं पितरं स्वकम्॥

tatprasādya sunābhaṁ tu prabhusaṁdarśanotsukāḥ| asmaranmanasā devaṁ brahmāṇaṁ pitaraṁ svakam||

Having thus propitiated that beautiful-hubbed discus, and eager for the sight of the Lord, they called to mind, in their hearts, their own father, the god Brahma.

Verse 22 (skanda.7.452.22)

तेषां तु चिंतितं ज्ञात्वा ब्रह्मा गंगामथाब्रवीत्। याहि शीघ्रं सरिच्छ्रेष्ठे पृथिव्यां हरिकारणात्॥

teṣāṁ tu cintitaṁ jñātvā brahmā gaṅgāmathābravīt| yāhi śīghraṁ saricchreṣṭhe pṛthivyāṁ harikāraṇāt||

Knowing their thoughts, Brahma then said to the Ganga: 'Go quickly to the earth, O foremost of rivers, for Hari's sake.'

Verse 23 (skanda.7.452.23)

गां गता त्वं महाभागे ततो बहुमताऽसि मे। उर्व्यां ते गोमती नाम सुप्रसिद्धं भविष्यति॥

gāṁ gatā tvaṁ mahābhāge tato bahumatā'si me| urvyāṁ te gomatī nāma suprasiddhaṁ bhaviṣyati||

O fortunate one, having gone to the earth, you shall become even more esteemed by me; on earth, your name shall become renowned as 'Gomati.'

Verse 24 (skanda.7.452.24)

वसिष्ठस्यानुगा भूत्वा याहि शीघ्रं धरातलम्। तातं पुत्रीवानुयाता वसिष्ठतनया भव॥

vasiṣṭhasyānugā bhūtvā yāhi śīghraṁ dharātalam| tātaṁ putrīvānuyātā vasiṣṭhatanayā bhava||

Following behind Vasishtha, go swiftly to the surface of the earth; as a daughter follows her father, become the daughter of Vasishtha and accompany him.

Verse 25 (skanda.7.452.25)

बाढमित्येव सा देवी प्रस्थिता वरुणालयम्। वसिष्ठस्त्वग्रतो याति तं गंगा पृष्ठतोऽन्वगात्॥

bāḍhamityeva sā devī prasthitā varuṇālayam| vasiṣṭhastvagrato yāti taṁ gaṅgā pṛṣṭhato'nvagāt||

Saying 'so be it,' that goddess set out toward the abode of Varuna. Vasishtha walked ahead, and the Ganga followed behind him.

Verse 26 (skanda.7.452.26)

तां दृष्ट्वा मनुजाः सर्वे वसिष्ठेन समन्विताम्। नमश्चक्रुर्महाभागां गच्छतो पश्चिमार्णवम्॥

tāṁ dṛṣṭvā manujāḥ sarve vasiṣṭhena samanvitām| namaścakrurmahābhāgāṁ gacchato paścimārṇavam||

Seeing that most fortunate goddess journeying toward the western ocean, accompanied by Vasishtha, all the people bowed to her.

Verse 27 (skanda.7.452.27)

आविर्बभूव तत्रैव यत्र ते मुनयः स्थिताः। द्रष्टुकामा हरे रूपं श्रिया जुष्टं चतुर्भुजम्॥

āvirbabhūva tatraiva yatra te munayaḥ sthitāḥ| draṣṭukāmā hare rūpaṁ śriyā juṣṭaṁ caturbhujam||

She appeared right there, where those sages stood, longing to behold Hari's four-armed form, resplendent with glory.

Verse 28 (skanda.7.452.28)

दृष्ट्वा वसिष्ठमनुगामायान्तीं सुरपावनीम्। अवाकिरन्महाभागां सुमनोभिश्च सर्वशः॥

dṛṣṭvā vasiṣṭhamanugāmāyāntīṁ surapāvanīm| avākiranmahābhāgāṁ sumanobhiśca sarvaśaḥ||

Seeing that purifier of the gods coming along, following Vasishtha, they showered flowers upon that most blessed one from every side.

Verse 29 (skanda.7.452.29)

दिव्यैर्माल्यैः सुगन्धैश्च गन्धधूपैस्तथाऽक्षतैः। संपूज्य हृष्टमनसः साधुसाध्विति चाब्रुवन्॥

divyairmālyaiḥ sugandhaiśca gandhadhūpaistathā'kṣataiḥ| sampūjya hṛṣṭamanasaḥ sādhusādhviti cābruvan||

Worshipping her with divine, fragrant garlands, sandal paste, incense, and unbroken rice, they, their hearts full of joy, exclaimed, 'Well done, well done!'

Verse 30 (skanda.7.452.30)

वसिष्ठं तेऽग्रगं दृष्ट्वा ह्युदतिष्ठंस्ततो द्विजाः। अर्घ्यादिसत्क्रियां कृत्वा प्रहृष्टा इदमब्रुवन्॥

vasiṣṭhaṁ te'gragaṁ dṛṣṭvā hyudatiṣṭhaṁstato dvijāḥ| arghyādisatkriyāṁ kṛtvā prahṛṣṭā idamabruvan||

Seeing Vasishtha coming ahead, those brahmins rose up, and, having performed the rites of welcome with water and offerings, joyfully said this:

Verse 31 (skanda.7.452.31)

यस्मात्त्वया समानीता ह्यस्मिँल्लोके सरिद्वरा। तस्मात्तव सुतेत्येवं ख्यातिं लोके गमिष्यति॥

yasmāttvayā samānītā hyasmilloke saridvarā| tasmāttava sutetyevaṁ khyātiṁ loke gamiṣyati||

Because you have brought this excellent river into this world, she shall become known throughout the world as 'your daughter.'

Verse 32 (skanda.7.452.32)

गोः स्वर्गादागता यस्मादिदं स्थानं मती मता। तस्माद्धि गोमतीनाम ख्यातिं लोके गमिष्यति॥

goḥ svargādāgatā yasmādidaṁ sthānaṁ matī matā| tasmāddhi gomatīnāma khyātiṁ loke gamiṣyati||

Because she has come to this place from the celestial path called 'Go' (heaven), and this place is regarded as excellent, she shall become renowned in the world by the name 'Gomati.'

Verse 33 (skanda.7.452.33)

अस्या दर्शनमात्रेण मुक्तिं यास्यंति मानवाः। किं पुनः स्नानदानादि कृत्वा यांति हरेः पदम्॥

asyā darśanamātreṇa muktiṁ yāsyanti mānavāḥ| kiṁ punaḥ snānadānādi kṛtvā yānti hareḥ padam||

By the mere sight of her, men shall attain liberation; how much more, then, do those who bathe in her and give charity attain the abode of Hari!

Verse 34 (skanda.7.452.34)

तामेव चार्घ्यं दत्त्वा ते योगींद्रा ईडिरे हरिम्। परं पुरुषसूक्तेन पुरुषं शेषशायिनम्॥

tāmeva cārghyaṁ dattvā te yogīndrā īḍire harim| paraṁ puruṣasūktena puruṣaṁ śeṣaśāyinam||

Having offered water of welcome to her, those lords of yogis praised Hari, the supreme Person reclining on Shesha, with the Purusha Sukta.

Verse 35 (skanda.7.452.35)

इति संस्तुवतां तेषां हरिराविर्बभूव ह। पीतकौशेयवसनो वनमालाविभूषितः। दिव्यमाल्यानुलिप्तांगो दिव्याभरणभूषितः॥

iti saṁstuvatāṁ teṣāṁ harirāvirbabhūva ha| pītakauśeyavasano vanamālāvibhūṣitaḥ| divyamālyānuliptāṅgo divyābharaṇabhūṣitaḥ||

As they thus sang his praises, Hari manifested himself — clad in yellow silk garments, adorned with a garland of forest flowers, his limbs anointed with divine garlands, and decorated with celestial ornaments.

Verse 36 (skanda.7.452.36)

शेषासनगतं देवं दिव्यानेकोद्यतायुधम्। ज्वलत्किरीटमुकुटं स्फुरन्मकरकुंडलम्॥

śeṣāsanagataṁ devaṁ divyānekodyatāyudham| jvalatkirīṭamukuṭaṁ sphuranmakarakuṇḍalam||

That god sat upon the throne of Shesha, bearing many divine weapons upraised, his crown blazing, his makara-shaped earrings gleaming.

Verse 37 (skanda.7.452.37)

भक्ताभयप्रदं शांतं श्रीवत्सांकं महाभुजम्। सदा प्रसन्नवदनं घनश्यामं चतुर्भुजम्॥

bhaktābhayapradaṁ śāntaṁ śrīvatsāṅkaṁ mahābhujam| sadā prasannavadanaṁ ghanaśyāmaṁ caturbhujam||

He gave fearlessness to his devotees, was ever peaceful, bore the mark of Shrivatsa, had mighty arms, an ever-serene countenance, was dark as a dense rain cloud, and had four arms.

Verse 38 (skanda.7.452.38)

पादसंवाहनासक्तलक्ष्म्या जुष्टं मनोहरम्। तं दृष्ट्वा मुनयः सर्वे हर्षोत्कर्षसमन्विताः। विष्णुं ते विष्णुसूक्तैश्च तुष्टुवुर्वेदसंभवैः॥

pādasaṁvāhanāsaktalakṣmyā juṣṭaṁ manoharam| taṁ dṛṣṭvā munayaḥ sarve harṣotkarṣasamanvitāḥ| viṣṇuṁ te viṣṇusūktaiśca tuṣṭuvurvedasaṁbhavaiḥ||

That charming god was attended by Lakshmi, devoted to massaging his feet. Beholding him, all the sages were filled with the greatest joy, and they praised Vishnu with the Vishnu hymns that spring from the Vedas.

Verse 39 (skanda.7.452.39)

एवं संस्तुवता तेषां विष्णुर्दीनानुकंपकः। उवाच सुप्रसन्नेन मनसा द्विजसत्तमान्॥

evaṁ saṁstuvatā teṣāṁ viṣṇurdīnānukampakaḥ| uvāca suprasannena manasā dvijasattamān||

Thus praised by them, Vishnu, compassionate to the lowly, spoke to those foremost brahmins with a heart full of grace:

Verse 40 (skanda.7.452.40)

॥ श्रीभगवानुवाच ॥ भोभोः कुमारास्तुष्टोऽहं प्रदास्यामि यथेप्सितम्। भविष्यथ ज्ञानयुता अस्पृष्टा मम मायया॥

śrībhagavānuvāca| bhobhoḥ kumārāstuṣṭo'haṁ pradāsyāmi yathepsitam| bhaviṣyatha jñānayutā aspṛṣṭā mama māyayā||

The Lord said: O youths, I am pleased, and I shall grant you your desire. You shall become endowed with knowledge, untouched by my maya.

Verse 41 (skanda.7.452.41)

यस्मान्मोक्षार्थिभिर्विप्रा जलेनाहं प्रसादितः। तस्मादिदं परं तीर्थं सर्वकामप्रदं परम्॥

yasmānmokṣārthibhirviprā jalenāhaṁ prasāditaḥ| tasmādidaṁ paraṁ tīrthaṁ sarvakāmapradaṁ param||

Because brahmins seeking liberation have propitiated me with this water, this shall become a supreme sacred place, the very best, granting every desire.

Verse 42 (skanda.7.452.42)

अनुग्रहाय भवतां यत्र चक्रं सुदर्शनम्। निःसृतं प्रथमं विप्रा जलं भित्त्वा ममाग्रतः॥

anugrahāya bhavatāṁ yatra cakraṁ sudarśanam| niḥsṛtaṁ prathamaṁ viprā jalaṁ bhittvā mamāgrataḥ||

O brahmins, that very place where, for your benefit, the discus Sudarshana first emerged, cleaving the water, ahead of me —

Verse 43 (skanda.7.452.43)

चक्रतीर्थमिति ख्यातं तस्मादेतद्भविष्यति। ममापि नियतं वासो भविष्यति महार्णवे॥

cakratīrthamiti khyātaṁ tasmādetadbhaviṣyati| mamāpi niyataṁ vāso bhaviṣyati mahārṇave||

shall become known as Chakra-tirtha; and there in that great ocean shall my abode also be permanently fixed.

Verse 44 (skanda.7.452.44)

येऽत्र स्नानं प्रकुर्वंति प्रसंगेनापि मानवाः। चक्रतीर्थे द्विजश्रेष्ठास्तेषां मुक्तिः करे स्थिता॥

ye'tra snānaṁ prakurvanti prasaṅgenāpi mānavāḥ| cakratīrthe dvijaśreṣṭhāsteṣāṁ muktiḥ kare sthitā||

O foremost of brahmins, whoever bathes at Chakra-tirtha, even incidentally, holds liberation already in the palm of his hand.

Verse 45 (skanda.7.452.45)

भवतोऽपि सदा ह्यत्र तिष्ठध्वं च द्विजर्षभाः। वायुभूतांतरिक्षस्थाः सर्वकामस्य दायकाः॥

bhavato'pi sadā hyatra tiṣṭhadhvaṁ ca dvijarṣabhāḥ| vāyubhūtāntarikṣasthāḥ sarvakāmasya dāyakāḥ||

You too, O bulls among brahmins, shall dwell here always, abiding as beings of air in the sky, bestowing all desires upon those who seek them.

Verse 46 (skanda.7.452.46)

॥ प्रह्लाद उवाच ॥ तच्छ्रुत्वा हृष्टमनसः कृत्वार्घ्यं सुरपावनीम्। अवनिज्य हरेः पादौ मूर्ध्नाऽपश्चाप्यधारयन्॥

prahlāda uvāca| tacchrutvā hṛṣṭamanasaḥ kṛtvārghyaṁ surapāvanīm| avanijya hareḥ pādau mūrdhnā'paścāpyadhārayan||

Prahlada said: Hearing this, they, their hearts filled with joy, offered water of welcome to that purifier of the gods, washed Hari's feet, and then bore that water upon their heads.

Verse 47 (skanda.7.452.47)

प्रक्षाल्य सा हरेः पादौ प्रविष्टा वरुणालयम्। तस्मिन्महापापहरा गोमती सागरं गता॥

prakṣālya sā hareḥ pādau praviṣṭā varuṇālayam| tasminmahāpāpaharā gomatī sāgaraṁ gatā||

Having washed Hari's feet, she entered the abode of Varuna; thus the Gomati, remover of the greatest sins, merged into the ocean.

Verse 48 (skanda.7.452.48)

वरं दत्त्वा ततो विष्णुस्तत्रैवान्तरधीयत। सनकाद्या ब्रह्मसुतास्तस्थुस्तत्र समाहिताः॥

varaṁ dattvā tato viṣṇustatraivāntaradhīyata| sanakādyā brahmasutāstasthustatra samāhitāḥ||

Having granted the boon, Vishnu vanished from that very place; and Sanaka and the other sons of Brahma remained there, established in meditation.

Verse 49 (skanda.7.452.49)

एवं सा गोमती तत्र संजाता सागरंगमा। सर्वपापहरा प्रोक्ता पूर्वगंगेति या श्रुता॥

evaṁ sā gomatī tatra saṁjātā sāgaraṁgamā| sarvapāpaharā proktā pūrvagaṅgeti yā śrutā||

Thus the Gomati, arising there, flowed on to merge with the ocean; she is declared the remover of all sins, and is renowned by the name 'Purva-Ganga' (the earlier Ganga).