The Glory of Bathing at the Gomati-Ocean Confluence and of Chakra-tirtha

Verse 1 (skanda.7.455.1)

॥ प्रह्लाद उवाच ॥ मा गच्छध्वं सुरनदीं कालिंदीं मा सरस्वतीम्। गच्छध्वं च द्विजश्रेष्ठा गोमत्युदधिसंगमे॥

prahlāda uvāca| mā gacchadhvaṁ suranadīṁ kāliṁdīṁ mā sarasvatīm| gacchadhvaṁ ca dvijaśreṣṭhā gomatyudadhisaṅgame||

Prahlada said: Do not go to the celestial river Ganga, nor to the Kalindi (Yamuna), nor to the Sarasvati; go instead, O foremost of brahmins, to the confluence of the Gomati and the ocean.

Verse 2 (skanda.7.455.2)

प्राप्यते हेलया यत्र सर्वे कामा न संशयः। गोमतीजलकल्लोलैः क्रीडते यत्र सागरः॥

prāpyate helayā yatra sarve kāmā na saṁśayaḥ| gomatījalakallolaiḥ krīḍate yatra sāgaraḥ||

There all desires are attained with ease — of this there is no doubt — where the ocean sports with the rippling waves of the Gomati's waters.

Verse 3 (skanda.7.455.3)

पापघ्नं गोमतीतीरं प्राप्यते पुण्यवन्नरैः। सागरेण च संमिश्रं महापातकनाशनम्॥

pāpaghnaṁ gomatītīraṁ prāpyate puṇyavannaraiḥ| sāgareṇa ca saṁmiśraṁ mahāpātakanāśanam||

The sin-destroying bank of the Gomati is attained only by men of great merit; mingled with the ocean, it becomes a destroyer of the gravest sins.

Verse 4 (skanda.7.455.4)

गोमती संगता यत्र सागरेण द्विजोत्तमाः। मुक्तिद्वारं तु तत्प्रोक्तं कलिकाले न संशयः॥

gomatī saṅgatā yatra sāgareṇa dvijottamāḥ| muktidvāraṁ tu tatproktaṁ kalikāle na saṁśayaḥ||

O best of brahmins, where the Gomati meets the ocean, that place is declared to be the gateway to liberation in the Kali age — of this there is no doubt.

Verse 5 (skanda.7.455.5)

यत्पुण्यं लभते तूर्णं गंगासागरसंगमे। तत्पुण्यं समवाप्नोति गोमत्युदधिसंगमे॥

yatpuṇyaṁ labhate tūrṇaṁ gaṅgāsāgarasaṅgame| tatpuṇyaṁ samavāpnoti gomatyudadhisaṅgame||

Whatever merit is swiftly obtained at the confluence of the Ganga and the ocean is fully obtained at the confluence of the Gomati and the ocean.

Verse 6 (skanda.7.455.6)

नमस्कृत्य च तोयेशं गोमतीं च सरिद्वराम्। अर्घ्यं दद्याद्विधानेन कृत्वा च करयोः कुशान्॥

namaskṛtya ca toyeśaṁ gomatīṁ ca saridvarām| arghyaṁ dadyādvidhānena kṛtvā ca karayoḥ kuśān||

Having bowed to the lord of waters and to the Gomati, foremost among rivers, and having taken darbha grass in the hands, one should duly offer the water of welcome.

Verse 7 (skanda.7.455.7)

मंत्रेणानेन विप्रेंद्रा दद्यादर्घ्यं विधानतः। ब्राह्मणैः सह संगत्य सदा तत्तीर्थवासिभिः॥

mantreṇānena viprendrā dadyādarghyaṁ vidhānataḥ| brāhmaṇaiḥ saha saṅgatya sadā tattīrthavāsibhiḥ||

O foremost of brahmins, one should duly offer the water of welcome with this mantra, always in the company of the brahmins who dwell at that sacred place.

Verse 8 (skanda.7.455.8)

भक्त्या चार्घ्यं प्रदास्यामि देवाय परमात्मने। त्राहि मां पापिनं घोरं नमस्ते सुररूपिणे॥

bhaktyā cārghyaṁ pradāsyāmi devāya paramātmane| trāhi māṁ pāpinaṁ ghoraṁ namaste sururūpiṇe||

'With devotion I offer this water of welcome to the supreme divine self. Save me, a terrible sinner; salutations to you, who take the form of the gods.'

Verse 9 (skanda.7.455.9)

तीर्थराज नमस्तुभ्यं रत्नाकर महार्णव। गोमत्या सह गोविंद गृहाणार्घ्यं नमोऽस्तु ते॥

tīrtharāja namastubhyaṁ ratnākara mahārṇava| gomatyā saha govinda gṛhāṇārghyaṁ namo'stu te||

'O king of sacred places, O treasury of jewels, O great ocean, salutations to you! O Govinda, accept this offering together with the Gomati; salutations to you.'

Verse 10 (skanda.7.455.10)

दत्त्वा चार्घ्यं शिखां बद्ध्वा संस्मृत्य जलशायिनम्। कुर्याच्च प्राङ्मुखः स्नानं ततः प्रत्यङ्मुखस्तथा॥

dattvā cārghyaṁ śikhāṁ baddhvā saṁsmṛtya jalaśāyinam| kuryācca prāṅmukhaḥ snānaṁ tataḥ pratyaṅmukhastathā||

Having offered the water of welcome, tying up the topknot, and calling to mind the Lord who reclines upon the waters, one should bathe facing east, and then facing west as well.

Verse 11 (skanda.7.455.11)

स्नात्वा च परया भक्त्या पितॄन्संतर्पयेत्ततः। विश्वेदेवादि संपूज्य पितॄणां श्राद्धमाचरेत्॥

snātvā ca parayā bhaktyā pitṝnsaṁtarpayettataḥ| viśvedevādi sampūjya pitṝṇāṁ śrāddhamācaret||

Having bathed, one should with the deepest devotion offer libations to the ancestors; having worshipped the Vishvedevas and other deities, one should perform the shraddha rite for the ancestors.

Verse 12 (skanda.7.455.12)

यथोक्तां दक्षिणां दद्याद्विष्णुर्मे प्रीयतामिति। विशेषतः प्रदातव्यं सुवर्णं विप्रसत्तमाः॥

yathoktāṁ dakṣiṇāṁ dadyādviṣṇurme prīyatāmiti| viśeṣataḥ pradātavyaṁ suvarṇaṁ viprasattamāḥ||

One should give the prescribed sacrificial fee, saying: 'May Vishnu be pleased with me.' O best of brahmins, gold especially should be given.

Verse 13 (skanda.7.455.13)

दंपत्योर्वाससी चैव कंचुकोष्णीषमेव च। लक्ष्म्या सह जगन्नाथो विष्णुर्मे प्रीयतामिति॥

daṁpatyorvāsasī caiva kañcukoṣṇīṣameva ca| lakṣmyā saha jagannātho viṣṇurme prīyatāmiti||

One should give garments for both husband and wife, a tunic, and a turban, saying: 'May Vishnu, Lord of the universe, together with Lakshmi, be pleased with me.'

Verse 14 (skanda.7.455.14)

महादानानि सर्वाणि गोमत्युदधिसंगमे। सप्तद्वीपपतिर्भूत्वा विष्णुलोके महीयते॥

mahādānāni sarvāṇi gomatyudadhisaṅgame| saptadvīpapatirbhūtvā viṣṇuloke mahīyate||

One who performs all the great gifts at the confluence of the Gomati and the ocean becomes lord of the seven continents and is glorified in Vishnu's realm.

Verse 15 (skanda.7.455.15)

यस्तुलापुरुषं दद्याद्गोमत्युदधिसंगमे। सप्तद्वीपपतिर्भूत्वा विष्णुलोके महीयते॥

yastulāpuruṣaṁ dadyādgomatyudadhisaṅgame| saptadvīpapatirbhūtvā viṣṇuloke mahīyate||

Whoever gives the gift of Tulapurusha (weighing oneself against gold) at the confluence of the Gomati and the ocean likewise becomes lord of the seven continents and is glorified in Vishnu's realm.

Verse 16 (skanda.7.455.16)

आत्मानं तोलयेद्यस्तु स्वर्णेन रजतेन वा। वस्त्रैर्वा कुंकुमैर्वापि फलैर्वापि तथा रसैः॥

ātmānaṁ tolayedyastu svarṇena rajatena vā| vastrairvā kuṅkumairvāpi phalairvāpi tathā rasaiḥ||

Whoever weighs himself against gold, or silver, or garments, or saffron, or fruits, or liquid essences —

Verse 17 (skanda.7.455.17)

भुक्त्वा भोगान्सुविपुलांस्तथा कामान्मनोहरान्। संपूज्यमानस्त्रिदशैर्याति विष्ण्वालयं नरः॥

bhuktvā bhogānsuvipulāṁstathā kāmānmanoharān| sampūjyamānastridaśairyāti viṣṇvālayaṁ naraḥ||

having enjoyed abundant pleasures and delightful desires, that man, honoured by the gods, goes to Vishnu's abode.

Verse 18 (skanda.7.455.18)

हिरण्यरूप्यदानं च ह्यश्वं धेनुं तथैव च। गोमतीसंगमे दत्त्वा सर्वान्कामानवाप्नुयात्॥

hiraṇyarūpyadānaṁ ca hyaśvaṁ dhenuṁ tathaiva ca| gomatīsaṅgame dattvā sarvānkāmānavāpnuyāt||

Giving gifts of gold, silver, a horse, and a cow at the confluence of the Gomati, one obtains all one's desires.

Verse 19 (skanda.7.455.19)

भूमिदानं च यो दद्याद्गोमत्युदधिसंगमे। स्नात्वा शुचिर्हरिं स्मृत्वा तस्माद्धन्यतरो नहि॥

bhūmidānaṁ ca yo dadyādgomatyudadhisaṅgame| snātvā śucirhariṁ smṛtvā tasmāddhanyataro nahi||

There is none more blessed than one who, having bathed and become pure at the confluence of the Gomati and the ocean, calls Hari to mind and gives the gift of land.

Verse 20 (skanda.7.455.20)

कन्यादानं च यः कुर्याद्विद्यादानमथापि वा। गोमत्याः संगमे स्नात्वा याति ब्रह्मपदं नरः॥

kanyādānaṁ ca yaḥ kuryādvidyādānamathāpi vā| gomatyāḥ saṅgame snātvā yāti brahmapadaṁ naraḥ||

Whoever gives a daughter in marriage or gives the gift of learning, having bathed at the confluence of the Gomati, attains the state of Brahman.

Verse 21 (skanda.7.455.21)

यो दद्यात्स्वर्णधेनुं च घृतधेनुं समाहितः। ब्रह्माण्डदानमपि वा तस्य पुण्यमनंतकम्॥

yo dadyātsvarṇadhenuṁ ca ghṛtadhenuṁ samāhitaḥ| brahmāṇḍadānamapi vā tasya puṇyamanaṁtakam||

Whoever, with a focused mind, gives a cow of gold, a cow of ghee, or even the gift of the cosmic egg (Brahmanda-dana), his merit becomes boundless.

Verse 22 (skanda.7.455.22)

तथा लवणधेनुं च जलधेनुमथापि वा। दत्त्वा याति परं स्थानं गोमत्युदधिसंगमे॥

tathā lavaṇadhenuṁ ca jaladhenumathāpi vā| dattvā yāti paraṁ sthānaṁ gomatyudadhisaṅgame||

Likewise, having given a cow of salt or a cow of water at the confluence of the Gomati and the ocean, one attains the supreme abode.

Verse 23 (skanda.7.455.23)

युगादिषु च सर्वेषु गोमत्युदधिसंगमे। स्नात्वा संतर्प्य च पितॄनक्षयं लोकमाप्नुयात्॥

yugādiṣu ca sarveṣu gomatyudadhisaṅgame| snātvā saṁtarpya ca pitṝnakṣayaṁ lokamāpnuyāt||

On all the yugadi days (marking the start of the ages), having bathed at the confluence of the Gomati and the ocean and offered libations to the ancestors, one attains the imperishable realm.

Verse 24 (skanda.7.455.24)

आषाढ्यां च तथा माघ्यां कार्तिक्यां संगमे नरः। पितॄणां तर्पणं स्नानं श्राद्धं पावकपूजनम्। कुर्याच्चैव तथा दानं यदीच्छेदक्षयं पदम्॥

āṣāḍhyāṁ ca tathā māghyāṁ kārtikyāṁ saṅgame naraḥ| pitṝṇāṁ tarpaṇaṁ snānaṁ śrāddhaṁ pāvakapūjanam| kuryāccaiva tathā dānaṁ yadīcchedakṣayaṁ padam||

During Ashadha, Magha, and Kartika, at the confluence, a man should perform libations to the ancestors, bathing, shraddha, worship of the sacred fire, and charity, if he desires the imperishable state.

Verse 25 (skanda.7.455.25)

पितॄणां चाक्षया तृप्तिर्गयाश्राद्धेन वै यथा। तद्वच्छ्राद्धान्महाभाग गोमत्युदधिसंगमे॥

pitṝṇāṁ cākṣayā tṛptirgayāśrāddhena vai yathā| tadvacchrāddhānmahābhāga gomatyudadhisaṅgame||

Just as the ancestors receive imperishable satisfaction through the shraddha rite at Gaya, O illustrious one, so too through shraddha performed at the confluence of the Gomati and the ocean.

Verse 26 (skanda.7.455.26)

कुर्य्यात्स्नानं तथा दानं पितॄणां तर्पणं तथा। पञ्चकासु द्विजश्रेष्ठास्तथा चैवाष्टकासु च॥

kuryātsnānaṁ tathā dānaṁ pitṝṇāṁ tarpaṇaṁ tathā| pañcakāsu dvijaśreṣṭhāstathā caivāṣṭakāsu ca||

O foremost of brahmins, one should perform bathing, charity, and libations to the ancestors during the panchaka days, and likewise during the ashtaka days.

Verse 27 (skanda.7.455.27)

वैधृतौ च व्यतीपाते छायायां कुंजरस्य च। षष्ठ्यां च कपिलाख्यायां तथा हि द्वादशीषु च॥

vaidhṛtau ca vyatīpāte chāyāyāṁ kuñjarasya ca| ṣaṣṭhyāṁ ca kapilākhyāyāṁ tathā hi dvādaśīṣu ca||

During the Vaidhriti and Vyatipata yogas, at the time of the elephant's shadow (Gajachhaya), on Kapila Shashthi, and also on the twelfth lunar days,

Verse 28 (skanda.7.455.28)

गोमत्यां संगमे स्नात्वा दद्याद्दानं विशेषतः। निर्मलं स्थानमाप्नोति यत्र गत्वा न शोचति॥

gomatyāṁ saṅgame snātvā dadyāddānaṁ viśeṣataḥ| nirmalaṁ sthānamāpnoti yatra gatvā na śocati||

having bathed at the confluence of the Gomati, one should give charity in particular; thereby one attains that pure realm, going to which one grieves no more.

Verse 29 (skanda.7.455.29)

श्राद्धपक्षे त्वमावास्यां गोमत्युदधिसंगमे। हेलया प्राप्यते पुण्यं दत्त्वा पिण्डं गयासमम्॥

śrāddhapakṣe tvamāvāsyāṁ gomatyudadhisaṅgame| helayā prāpyate puṇyaṁ dattvā piṇḍaṁ gayāsamam||

During the ancestral fortnight, on the new-moon day, offering the ancestral rice-balls at the confluence of the Gomati and the ocean easily earns merit equal to that of Gaya.

Verse 30 (skanda.7.455.30)

तस्मात्सर्वं प्रयत्नेन त्वमावास्यां द्विजोत्तमाः। श्राद्धं हि पितृपक्षांते कार्य्यं गोमतिसंगमे॥

tasmātsarvaṁ prayatnena tvamāvāsyāṁ dvijottamāḥ| śrāddhaṁ hi pitṛpakṣānte kāryaṁ gomatisaṅgame||

Therefore, O best of brahmins, everything should be done with diligence on the new-moon day; shraddha must certainly be performed at the confluence of the Gomati at the end of the ancestral fortnight.

Verse 31 (skanda.7.455.31)

यद्यप्यश्रोत्रियं श्राद्धं यद्यप्युपहतं भवेत्। पक्षश्राद्धकृतं पुण्यं दिनेनैकेन लभ्यते॥

yadyapyaśrotriyaṁ śrāddhaṁ yadyapyupahataṁ bhavet| pakṣaśrāddhakṛtaṁ puṇyaṁ dinenaikena labhyate||

Even if the shraddha lacks a Vedically learned brahmin, or is in some way flawed, still the merit of the entire fortnight's shraddha is obtained in a single day.

Verse 32 (skanda.7.455.32)

श्रद्धाहीनं मन्त्रहीनं पात्रहीनमथापि वा। द्रव्यहीनं कालहीनं मनसः स्वास्थ्यवर्जितम्॥

śraddhāhīnaṁ mantrahīnaṁ pātrahīnamathāpi vā| dravyahīnaṁ kālahīnaṁ manasaḥ svāsthyavarjitam||

Even if a shraddha is lacking in faith, lacking in proper mantras, lacking a worthy recipient, or lacking in materials, timing, or a settled state of mind —

Verse 33 (skanda.7.455.33)

श्राद्धपक्षे ह्यमायां तु गोमत्युदधिसंगमे। परिपूर्णं भवेत्सर्वं पितॄणां तृप्तिरक्षया॥

śrāddhapakṣe hyamāyāṁ tu gomatyudadhisaṅgame| paripūrṇaṁ bhavetsarvaṁ pitṝṇāṁ tṛptirakṣayā||

even so, performed during the ancestral fortnight, on the new moon, at the confluence of the Gomati and the ocean, it becomes complete in every way, and the ancestors receive imperishable satisfaction.

Verse 34 (skanda.7.455.34)

गोमती कमला चैव चंद्रभागा तथैव च। तिस्रस्तु संगता नद्यः प्रविष्टा वरुणालयम्॥

gomatī kamalā caiva caṁdrabhāgā tathaiva ca| tisrastu saṅgatā nadyaḥ praviṣṭā varuṇālayam||

The Gomati, the Kamala, and the Chandrabhaga — these three rivers, joined together, enter the abode of Varuna.

Verse 35 (skanda.7.455.35)

गयायां पिंडदानेन प्रयागे ह्यस्थिपातने। तत्पुण्यं समवाप्नोति पक्षांते श्राद्धकृन्नरः॥

gayāyāṁ piṇḍadānena prayāge hyasthipātane| tatpuṇyaṁ samavāpnoti pakṣānte śrāddhakṛnnaraḥ||

The merit obtained by offering rice-balls at Gaya and by immersing bones at Prayaga is fully obtained by a man who performs shraddha at the end of the fortnight here.

Verse 36 (skanda.7.455.36)

यदीच्छेत्सर्वतीर्थेषु हेलया त्वभिषेचनम्। स्नानं कुर्वीत भक्त्या वै गोमत्युदधिसंगमे॥

yadīcchetsarvatīrtheṣu helayā tvabhiṣecanam| snānaṁ kurvīta bhaktyā vai gomatyudadhisaṅgame||

If one desires, with ease, the consecration obtained at all sacred places, one should bathe with devotion at the confluence of the Gomati and the ocean.

Verse 37 (skanda.7.455.37)

पक्षेपक्षे समग्रा तु पितृपूजा कृता च यैः। सम्पूर्णा जायते तेषां गोमत्युदधिसंगमे॥

pakṣepakṣe samagrā tu pitṛpūjā kṛtā ca yaiḥ| sampūrṇā jāyate teṣāṁ gomatyudadhisaṅgame||

For those who have performed the full worship of the ancestors in every fortnight, it becomes complete at the confluence of the Gomati and the ocean.

Verse 38 (skanda.7.455.38)

श्राद्धे कृते त्वमावस्यां पितृपक्षे च वै द्विजाः। अपुत्रा चैव या नारी काकवंध्या च या भवेत्॥

śrāddhe kṛte tvamāvasyāṁ pitṛpakṣe ca vai dvijāḥ| aputrā caiva yā nārī kākavaṁdhyā ca yā bhavet||

O brahmins, when shraddha has been performed on the new-moon day during the ancestral fortnight, a woman who is childless, or who is 'kakavandhya' (bears only a single child) —

Verse 39 (skanda.7.455.39)

मृतपुत्रा तथा विप्राः संगमे स्नानमाचरेत्। दोषैः प्रमुच्यते सर्वैर्गोमप्युदधिसंगमे। स्नात्वा सुखमवाप्नोति प्रजां च चिरजीविनीम्॥

mṛtaputrā tathā viprāḥ saṅgame snānamācaret| doṣaiḥ pramucyate sarvairgomatyudadhisaṅgame| snātvā sukhamavāpnoti prajāṁ ca cirajīvinīm||

or whose children have died — O brahmins, she should bathe at the confluence; bathing at the confluence of the Gomati and the ocean, she is freed from all these afflictions, and obtains happiness and long-lived offspring.

Verse 40 (skanda.7.455.40)

यानि कानि च दानानि पृथिव्यां सम्भवंति हि। तानि सर्वाणि देयानि गोमत्युदधिसंगमे॥

yāni kāni ca dānāni pṛthivyāṁ sambhavanti hi| tāni sarvāṇi deyāni gomatyudadhisaṅgame||

Whatever kinds of gifts exist upon this earth, all of them should be given at the confluence of the Gomati and the ocean.

Verse 41 (skanda.7.455.41)

सर्वदैव च विप्रेन्द्रा विशेषात्सर्वपर्वसु। स्नानं कुर्वीत नियतो गोमत्युदधिसंगमे॥

sarvadaiva ca viprendrā viśeṣātsarvaparvasu| snānaṁ kurvīta niyato gomatyudadhisaṅgame||

O foremost of brahmins, always, and especially on all festival days, one should regularly bathe at the confluence of the Gomati and the ocean.

Verse 42 (skanda.7.455.42)

दर्शनादेव पापस्य क्षयो भवति भो द्विजाः। प्रणामे मनसस्तुष्टिर्मुक्तिश्चैवावगाहने॥

darśanādeva pāpasya kṣayo bhavati bho dvijāḥ| praṇāme manasastuṣṭirmuktiścaivāvagāhane||

O brahmins, by the mere sight of it, sin is destroyed; by bowing, the mind finds contentment; and by immersion, liberation itself is attained.

Verse 43 (skanda.7.455.43)

श्राद्धे कृते पितॄणां तु तृप्तिर्भवति शाश्वती। दाने मनोरथावाप्तिर्जायते नात्र संशयः॥

śrāddhe kṛte pitṝṇāṁ tu tṛptirbhavati śāśvatī| dāne manorathāvāptirjāyate nātra saṁśayaḥ||

By performing shraddha, the ancestors obtain everlasting satisfaction; by giving charity, one's heartfelt wishes are fulfilled — of this there is no doubt.

Verse 44 (skanda.7.455.44)

कृतकृत्यास्तु ते धन्या यैः कृतं पितृतर्पणम्। श्राद्धं च ऋषिशार्दूला गोमत्युदधिसंगमे॥

kṛtakṛtyāstu te dhanyā yaiḥ kṛtaṁ pitṛtarpaṇam| śrāddhaṁ ca ṛṣiśārdūlā gomatyudadhisaṅgame||

O foremost of sages, blessed and fulfilled indeed are those who have performed libations and shraddha for their ancestors at the confluence of the Gomati and the ocean.

Verse 45 (skanda.7.455.45)

पितृपक्षे च वै केचिन्मातृपक्षे तथैव च। तथा श्वशुरपक्षे च ये चान्ये मित्रबांधवाः॥

pitṛpakṣe ca vai kecinmātṛpakṣe tathaiva ca| tathā śvaśurapakṣe ca ye cānye mitrabāṁdhavāḥ||

Whether in the paternal lineage, or the maternal lineage, or the lineage of one's father-in-law, or among other friends and kinsmen —

Verse 46 (skanda.7.455.46)

स्थावरत्वं गता ये च पुद्गलत्वं च ये गताः। पिशाचत्वं गता ये च ये च प्रेतत्वमागताः॥

sthāvaratvaṁ gatā ye ca pudgalatvaṁ ca ye gatāḥ| piśācatvaṁ gatā ye ca ye ca pretatvamāgatāḥ||

those who have attained the state of immobile beings, those who have become mere inert matter, those who have become pishachas (malevolent spirits), and those who have become ghosts —

Verse 47 (skanda.7.455.47)

तिर्य्यग्योनिगता ये च ये च कीटत्वमागताः। स्नानमात्रेण ते सर्वे मुक्तिं यांति न संशयः॥

tiryyagyonigatā ye ca ye ca kīṭatvamāgatāḥ| snānamātreṇa te sarve muktiṁ yānti na saṁśayaḥ||

those who have entered the animal kingdom, and those who have become insects — all of these attain liberation merely by this bathing, of this there is no doubt.

Verse 48 (skanda.7.455.48)

किं पुनः श्राद्धदानादि गोमतीसंगमे तथा। कृत्वा मुक्तिमवाप्नोति मानवो नात्र संशयः॥

kiṁ punaḥ śrāddhadānādi gomatīsaṅgame tathā| kṛtvā muktimavāpnoti mānavo nātra saṁśayaḥ||

How much more, then, does a man attain liberation by performing shraddha, charity, and the like at the confluence of the Gomati — of this there is no doubt.

Verse 49 (skanda.7.455.49)

श्रवणद्वादशीयोगे गोमत्युदधिसंगमे। स्नात्वा मुक्तिमवाप्नोति यत्र गत्वा न शोचति॥

śravaṇadvādaśīyoge gomatyudadhisaṅgame| snātvā muktimavāpnoti yatra gatvā na śocati||

By bathing at the confluence of the Gomati and the ocean when the twelfth lunar day coincides with the Shravana asterism, one attains liberation, reaching that state where one grieves no more.

Verse 50 (skanda.7.455.50)

सन्त्यज्य सर्वतीर्थानि गोमत्युदधिसंगमे। स्नानं कृत्वा तथा श्राद्धं कृतकृत्यो भवेन्नरः। परं लोकमवाप्नोति ह्यर्चयित्वा तु वामनम्॥

santyajya sarvatīrthāni gomatyudadhisaṅgame| snānaṁ kṛtvā tathā śrāddhaṁ kṛtakṛtyo bhavennaraḥ| paraṁ lokamavāpnoti hyarcayitvā tu vāmanam||

Setting aside all other sacred places, having bathed and performed shraddha at the confluence of the Gomati and the ocean, a man becomes fulfilled in all his purposes; having worshipped Vamana, he attains the supreme realm.

Verse 51 (skanda.7.455.51)

सम्यक्स्नात्वा नरो यस्तु पूजयेद्गरुडध्वजम्। पीतांबरधरो भूत्वा दिव्याभरणभूषितः॥

samyaksnātvā naro yastu pūjayedgaruḍadhvajam| pītāṁbaradharo bhūtvā divyābharaṇabhūṣitaḥ||

That man who, having bathed properly, worships the bearer of the Garuda banner, clad in yellow garments and adorned with divine ornaments —

Verse 52 (skanda.7.455.52)

वीक्ष्यमाणः सुरस्त्रीभिर्नागारिकृतकेतनः। चतुर्भुजधरो भूत्वा वनमालाविभूषितः। संस्तूयमानो मुनिभिर्याति विष्ण्वालयं नरः॥

vīkṣyamāṇaḥ surastrībhirnāgārikṛtaketanaḥ| caturbhujadharo bhūtvā vanamālāvibhūṣitaḥ| saṁstūyamāno munibhiryāti viṣṇvālayaṁ naraḥ||

gazed upon by celestial nymphs, bearing the banner of the enemy of serpents (Garuda), four-armed and adorned with a garland of forest flowers, praised by the sages, that man goes to Vishnu's abode.

Verse 53 (skanda.7.455.53)

गोमतीसंगमे स्नात्वा कृतकृत्यो भवेन्नरः। यत्र दैत्यवधं कृत्वा विष्णुना प्रभविष्णुना॥

gomatīsaṅgame snātvā kṛtakṛtyo bhavennaraḥ| yatra daityavadhaṁ kṛtvā viṣṇunā prabhaviṣṇunā||

Bathing at the confluence of the Gomati, a man becomes fulfilled in all his purposes — at that very place where the all-powerful Vishnu slew a demon,

Verse 54 (skanda.7.455.54)

चक्रं प्रक्षालितं पूर्वं कृष्णेन स्वयमेव हि। तेनैव चक्रतीर्थं हि ख्यातं लोकत्रये द्विजाः॥

cakraṁ prakṣālitaṁ pūrvaṁ kṛṣṇena svayameva hi| tenaiva cakratīrthaṁ hi khyātaṁ lokatraye dvijāḥ||

and where Krishna himself once washed his discus — for that very reason, O brahmins, it became renowned throughout the three worlds as Chakra-tirtha.

Verse 55 (skanda.7.455.55)

भवंति यत्र पाषाणाश्चक्रांका मुक्तिदायकाः। यैः पूजितैर्जगन्नाथः कृष्णः सांनिध्यमाव्रजेत्॥

bhavanti yatra pāṣāṇāścakrāṅkā muktidāyakāḥ| yaiḥ pūjitairjagannāthaḥ kṛṣṇaḥ sāṁnidhyamāvrajet||

There, stones marked with the discus are found, granting liberation, through worship of which one attains the very presence of Krishna, Lord of the universe.

Verse 56 (skanda.7.455.56)

तत्रैव यदि लभ्येत चक्रैर्द्वादशभिः सह॥

tatraiva yadi labhyeta cakrairdvādaśabhiḥ saha||

If, in that very place, a stone marked with twelve discuses is obtained,

Verse 57 (skanda.7.455.57)

द्वादशात्मा स विज्ञेयो मोक्षदः सर्वदेहिनाम्। एकचक्रांकितो यस्तु द्वारवत्यां सुशोभनः॥

dvādaśātmā sa vijñeyo mokṣadaḥ sarvadehinām| ekacakrāṅkito yastu dvāravatyāṁ suśobhanaḥ||

that should be recognized as the twelve-fold form, bestowing liberation upon all embodied beings. That beautiful stone in Dvaraka marked with a single discus —

Verse 58 (skanda.7.455.58)

सुदर्शनाभिधानोऽसौ मोक्षैकफलदो हि सः। लक्ष्मीनारायणो द्वाभ्यां भुक्तिमुक्तिफलप्रदः॥

sudarśanābhidhāno'sau mokṣaikaphalado hi saḥ| lakṣmīnārāyaṇo dvābhyāṁ bhuktimuktiphalapradaḥ||

is named Sudarshana, and grants liberation as its sole fruit. The one marked with two discuses is Lakshmi-Narayana, granting the fruit of both worldly enjoyment and liberation.

Verse 59 (skanda.7.455.59)

त्रिभिस्त्रिविक्रमश्चैव त्रिवर्गफलदायकः। श्रीप्रदो रिपुहन्ता च चतुर्भिः संयुतः स हि॥

tribhistrivikramaścaiva trivargaphaladāyakaḥ| śrīprado ripuhantā ca caturbhiḥ saṁyutaḥ sa hi||

The one marked with three is Trivikrama, granting the fruit of the threefold aims of life (dharma, artha, kama). The one endowed with four grants prosperity and destroys enemies.

Verse 60 (skanda.7.455.60)

पञ्चभिर्वासुदेवस्तु जन्ममृत्युभयापहः। प्रद्युम्नः षड्भिरेवासौ लक्ष्मीं कांतिं ददाति यः॥

pañcabhirvāsudevastu janmamṛtyubhayāpahaḥ| pradyumnaḥ ṣaḍbhirevāsau lakṣmīṁ kāntiṁ dadāti yaḥ||

The one with five is Vasudeva, who removes the fear of birth and death. The one with six is Pradyumna, who bestows prosperity and radiance.

Verse 61 (skanda.7.455.61)

सप्तभिर्बलभद्रश्च चक्रगोऽत्र प्रकीर्तितः। लाच्छितश्चाष्टभिर्भक्तिं ददाति पुरुषोत्तमः॥

saptabhirbalabhadraśca cakrago'tra prakīrtitaḥ| lāñchitaścāṣṭabhirbhaktiṁ dadāti puruṣottamaḥ||

The one with seven, bearing the discus mark, is declared to be Balabhadra. The one marked with eight is Purushottama, who bestows devotion.

Verse 62 (skanda.7.455.62)

सर्वं दद्यान्नवव्यूहो दुर्लभो यः सुरैरपि। दशावतारो दशमी राज्यदो नात्र संशयः॥

sarvaṁ dadyānnavavyūho durlabho yaḥ surairapi| daśāvatāro daśamī rājyado nātra saṁśayaḥ||

The one with nine, called Navavyuha, grants everything — rare even for the gods. The one with ten, called Dashavatara, undoubtedly grants sovereignty.

Verse 63 (skanda.7.455.63)

एकादशभिरैश्वर्यं चक्रगः संप्रयच्छति। निर्वाणं द्वादशात्मा च द्वादशभिर्ददाति च॥

ekādaśabhiraiśvaryaṁ cakragaḥ samprayacchati| nirvāṇaṁ dvādaśātmā ca dvādaśabhirdadāti ca||

The discus-marked stone with eleven bestows lordship, and the twelve-fold form, marked with twelve discuses, grants nirvana.

Verse 64 (skanda.7.455.64)

अत ऊर्ध्वं महाभागाः सौख्यमोक्षप्रदायकाः। यतोऽत्र ते च पाषाणाः कृष्णचक्रेण चित्रिताः॥

ata ūrdhvaṁ mahābhāgāḥ saukhyamokṣapradāyakāḥ| yato'tra te ca pāṣāṇāḥ kṛṣṇacakreṇa citritāḥ||

Beyond this, O illustrious ones, all such stones bestow both happiness and liberation, since here they are marked by Krishna's very discus.

Verse 65 (skanda.7.455.65)

तेषां स्पर्शनमात्रेण मुच्यते सर्वकिल्बिषैः। चक्रतीर्थे नरः स्नात्वा कृष्णचक्रेण चिह्नितः॥

teṣāṁ sparśanamātreṇa mucyate sarvakilbiṣaiḥ| cakratīrthe naraḥ snātvā kṛṣṇacakreṇa cihnitaḥ||

Merely by touching them, a man is freed from all sins. Bathing at Chakra-tirtha, a man becomes marked by Krishna's own discus.

Verse 66 (skanda.7.455.66)

पूजयित्वा चक्रधरं हरिं ध्यायेत्सनातनम्। नापुत्रो नाधनो रोगी न स संजायते नरः॥

pūjayitvā cakradharaṁ hariṁ dhyāyetsanātanam| nāputro nādhano rogī na sa saṁjāyate naraḥ||

Having worshipped Hari, the discus-bearer, and meditated upon the eternal one, such a man is never born without sons, without wealth, or afflicted by illness.

Verse 67 (skanda.7.455.67)

ब्रह्महत्यादिकं पापं मनोवाक्कायकर्मजम्। तत्सर्वं विलयं याति सकृच्चक्रांकदर्शनात्॥

brahmahatyādikaṁ pāpaṁ manovākkāyakarmajam| tatsarvaṁ vilayaṁ yāti sakṛccakrāṅkadarśanāt||

The sin of killing a brahmin and other such sins, and sins born of actions performed by mind, speech, and body — all of it is destroyed by a single sight of the discus mark.

Verse 68 (skanda.7.455.68)

म्लेच्छ देशे शुभे वापि चक्रांको दृश्यते यदि। तत्र चैव हरिक्षेत्रं मुक्तिदं नात्र संशयः॥

mleccha deśe śubhe vāpi cakrāṅko dṛśyate yadi| tatra caiva harikṣetraṁ muktidaṁ nātra saṁśayaḥ||

Whether in a foreign land or in an auspicious country, wherever the discus mark is seen, that place is itself Hari's sacred field, bestowing liberation — of this there is no doubt.

Verse 69 (skanda.7.455.69)

मृत्युकालेऽपि सम्प्राप्ते यदि ध्यायेद्धरिं नरः। चक्रांकं धारयेदंगे स याति परमं पदम्॥

mṛtyukāle'pi samprāpte yadi dhyāyeddhariṁ naraḥ| cakrāṅkaṁ dhārayedaṅge sa yāti paramaṁ padam||

Even when the time of death has come, if a man meditates upon Hari and bears the discus mark upon his body, he attains the supreme state.

Verse 70 (skanda.7.455.70)

हृदयस्थे च चक्रांके पूतो भवति तत्क्षणात्। नोपसर्पंति तं भीता दूताः कृष्णायुधं तदा। वैष्णवं लोकमाप्नोति नात्र कार्या विचारणा॥

hṛdayasthe ca cakrāṅke pūto bhavati tatkṣaṇāt| nopasarpanti taṁ bhītā dūtāḥ kṛṣṇāyudhaṁ tadā| vaiṣṇavaṁ lokamāpnoti nātra kāryā vicāraṇā||

With the discus mark upon his heart, a man becomes pure that very instant; then, in fear of Krishna's weapon, the messengers of death do not even approach him; he attains the realm of Vishnu — no doubt need be entertained about this.

Verse 71 (skanda.7.455.71)

अपि पापसमाचारः किं पुनर्धार्मिकः शुचिः। गोमती संगमे स्नात्वा चक्रतीर्थे तथैव च। मुच्यते पातकैर्घोरैर्मानवो नात्र संशयः॥

api pāpasamācāraḥ kiṁ punardhārmikaḥ śuciḥ| gomatī saṅgame snātvā cakratīrthe tathaiva ca| mucyate pātakairghorairmānavo nātra saṁśayaḥ||

Even a person of sinful conduct — how much more a righteous and pure one — is freed of the most terrible sins by bathing at the confluence of the Gomati and at Chakra-tirtha; of this there is no doubt.

Verse 72 (skanda.7.455.72)

राजसाः सत्त्वमायांति विष्णुधर्मं सनातनम्। क्षेत्रस्य तस्य माहात्म्यात्सत्यमेतत्प्रकीर्तितम्॥

rājasāḥ sattvamāyānti viṣṇudharmaṁ sanātanam| kṣetrasya tasya māhātmyātsatyametatprakīrtitam||

Through the greatness of that sacred field, even those of passionate nature attain the quality of purity and reach the eternal dharma of Vishnu — this truth has been declared.

Verse 73 (skanda.7.455.73)

तामसं राजसं चापि यत्किञ्चिद्विष्णुपूजने। तच्च सत्त्वत्वमायाति निम्नगा च यथार्णवे॥

tāmasaṁ rājasaṁ cāpi yatkiñcidviṣṇupūjane| tacca sattvatvamāyāti nimnagā ca yathārṇave||

Whatever tamasic or rajasic quality is present in the worship of Vishnu is transformed into sattvic purity, just as a river, flowing down, merges wholly into the ocean.

Verse 74 (skanda.7.455.74)

दुर्लभा द्वारका विप्र दुर्लभं गोमतीजलम्। दुर्लभं जागरो रात्रौ दुर्लभं कृष्णदर्शनम्॥

durlabhā dvārakā vipra durlabhaṁ gomatījalam| durlabhaṁ jāgaro rātrau durlabhaṁ kṛṣṇadarśanam||

O brahmin, rare is Dvaraka, rare is the water of the Gomati, rare is keeping vigil through the night, and rare is the sight of Krishna.