The Glory of Panchanada-tirtha (the Five Rivers)

Verse 1 (skanda.7.461.1)

॥ श्रीप्रह्लाद उवाच ॥ संत्यनेकानि तीर्थानि बह्वाश्चर्यकराणि च। प्राप्ते कलियुगे घोरे तानि पुप्लुविरेर्णवे॥

śrīprahlāda uvāca| santyanekāni tīrthāni bahvāścaryakarāṇi ca| prāpte kaliyuge ghore tāni pupluvirerṇave||

Shri Prahlada said: There are many sacred places here, most wondrous indeed; when the terrible Kali age arrived, they had all sunk beneath the ocean.

Verse 2 (skanda.7.461.2)

उद्देशतो मया विप्राः कीर्त्यमाना निबोधत। संक्षेपतो विप्रवरा यथा तेषां च याः क्रियाः॥

uddeśato mayā viprāḥ kīrtyamānā nibodhata| saṁkṣepato vipravarā yathā teṣāṁ ca yāḥ kriyāḥ||

O brahmins, listen as I briefly describe them by name; O best of brahmins, I shall describe them and their rites in summary.

Verse 3 (skanda.7.461.3)

संहृत्य च भुवो भारं साधून्संस्थाप्य सत्पथे। द्वारवत्यामगात्कृष्णो वृष्णिसंघैः समावृतः॥

saṁhṛtya ca bhuvo bhāraṁ sādhūnsaṁsthāpya satpathe| dvāravatyāmagātkṛṣṇo vṛṣṇisaṁghaiḥ samāvṛtaḥ||

Having removed the burden of the earth and established the righteous upon the good path, Krishna, surrounded by hosts of the Vrishni clan, went to Dvaravati.

Verse 4 (skanda.7.461.4)

दर्शनार्थं तदा ब्रह्मा दैवतैः परिवारितः। वरुणो यमवित्तेशौ सूर्य्याचन्द्रमसौ तथा॥

darśanārthaṁ tadā brahmā daivataiḥ parivāritaḥ| varuṇo yamavitteśau sūryācandramasau tathā||

Then, for the sake of beholding him, Brahma came, surrounded by the gods, and so too did Varuna, Yama, Kubera, the Sun, and the Moon.

Verse 5 (skanda.7.461.5)

आगत्य सह कृष्णेन कार्यं संसाध्य चात्मनः। वेधाश्चक्रे तदा तीर्थं स्वनाम्ना कीर्तितं भुवि॥

āgatya saha kṛṣṇena kāryaṁ saṁsādhya cātmanaḥ| vedhāścakre tadā tīrthaṁ svanāmnā kīrtitaṁ bhuvi||

Coming to Krishna and accomplishing his own purpose, Brahma then made a sacred place, which became renowned on earth by his own name.

Verse 6 (skanda.7.461.6)

ब्रह्मकुण्डमिति ख्यातं सर्वपापहरं शुभम्। तत्तीरे स्थापयामास सहस्रकिरणं प्रभुम्॥

brahmakuṇḍamiti khyātaṁ sarvapāpaharaṁ śubham| tattīre sthāpayāmāsa sahasrakiraṇaṁ prabhum||

It became known as 'Brahmakunda,' auspicious and destructive of all sin. On its bank, the thousand-rayed lord (the Sun) was installed.

Verse 7 (skanda.7.461.7)

मूलं सुराणां हि किल ब्रह्मा लोकपितामहः। तेन संस्थापितं यस्मान्मूल स्थानमिति स्मृतम्॥

mūlaṁ surāṇāṁ hi kila brahmā lokapitāmahaḥ| tena saṁsthāpitaṁ yasmānmūla sthānamiti smṛtam||

Brahma, grandsire of the worlds, is indeed the root of the gods; because it was established by him, it is remembered by the name 'Mulasthana' (the root-place).

Verse 8 (skanda.7.461.8)

ब्रह्मतीर्थं तु तद्दृष्ट्वा चन्द्रश्चक्रे ततः सरः। तडागं चन्द्रनाम्ना वै सर्वपापप्रणाशनम्॥

brahmatīrthaṁ tu taddṛṣṭvā candraścakre tataḥ saraḥ| taḍāgaṁ candranāmnā vai sarvapāpapraṇāśanam||

Seeing that sacred place of Brahma, the Moon likewise made a lake — a pool named after himself, destructive of every sin.

Verse 9 (skanda.7.461.9)

तं दृष्ट्वा तेजसा युक्तं संहृष्टाः सुरसत्तमाः। ऊचुस्ते लोकस्रष्टारं शृणुष्व वचनं हि नः॥

taṁ dṛṣṭvā tejasā yuktaṁ saṁhṛṣṭāḥ surasattamāḥ| ūcuste lokasraṣṭāraṁ śṛṇuṣva vacanaṁ hi naḥ||

Seeing it radiant, the best of gods, rejoicing, said to the creator of the worlds: 'Hear our word.'

Verse 10 (skanda.7.461.10)

योऽत्र स्नानं प्रकुरुते पितॄन्संतर्पयिष्यति। पूजयिष्यति देवेशं मूलस्थानं सुरर्षभ॥

yo'tra snānaṁ prakurute pitṝnsantarpayiṣyati| pūjayiṣyati deveśaṁ mūlasthānaṁ surarṣabha||

'O bull among gods, whoever bathes here, offers libations to the ancestors, and worships the lord of gods and Mulasthana,'

Verse 11 (skanda.7.461.11)

सर्वपापविनिर्मुक्तो धनधान्यसमन्वितः। सप्तम्यां माघमासस्य शुक्लपक्षे द्विजर्षभाः॥

sarvapāpavinirmukto dhanadhānyasamanvitaḥ| saptamyāṁ māghamāsasya śuklapakṣe dvijarṣabhāḥ||

O bulls among brahmins, he becomes freed of all sin and blessed with wealth and grain, especially on the seventh day of the bright fortnight of Magha,

Verse 12 (skanda.7.461.12)

योऽत्र स्नानं प्रकुरुते मानवो भक्तिसंयुतः। मूलस्थानं च देवेश संस्नाप्य प्रविलेपयेत्॥

yo'tra snānaṁ prakurute mānavo bhaktisaṁyutaḥ| mūlasthānaṁ ca deveśa saṁsnāpya pravilepayet||

That man who, filled with devotion, bathes here, and bathes and anoints the lord of gods, Mulasthana,

Verse 13 (skanda.7.461.13)

पूजयिष्यति वस्त्राद्यैः स्वशक्त्या भूषणैस्तथा। पुष्पधूपादिभिश्चैव नैवेद्येन च मानवः॥

pūjayiṣyati vastrādyaiḥ svaśaktyā bhūṣaṇaistathā| puṣpadhūpādibhiścaiva naivedyena ca mānavaḥ||

and worships him with garments, ornaments, flowers, incense, and food offerings according to his means,

Verse 14 (skanda.7.461.14)

सर्वान्कामानवाप्नोति ब्रह्मलोकं स गच्छति॥

sarvānkāmānavāpnoti brahmalokaṁ sa gacchati||

he obtains all his desires and goes to the realm of Brahma.

Verse 15 (skanda.7.461.15)

सावित्रीं च ततो दृष्ट्वा ब्रह्मणा स्थापितां च वै। कृत्वा चायतनं दिव्यं स्वां मूर्तिं सन्निवेश्य च। नाम चक्रे तदा देव्याः स्वयं तस्याः पितामहः॥

sāvitrīṁ ca tato dṛṣṭvā brahmaṇā sthāpitāṁ ca vai| kṛtvā cāyatanaṁ divyaṁ svāṁ mūrtiṁ sanniveśya ca| nāma cakre tadā devyāḥ svayaṁ tasyāḥ pitāmahaḥ||

Then, having seen Savitri, whom Brahma had established there, and having built a divine shrine and installed his own image within it, the grandsire himself named that goddess.

Verse 16 (skanda.7.461.16)

यः पश्यति स्वयं भक्त्या कृष्णं दृष्ट्वा जगत्पतिम्। सावित्रीं स सुखी भूत्वा सर्वान्कामानवाप्नुयात्॥

yaḥ paśyati svayaṁ bhaktyā kṛṣṇaṁ dṛṣṭvā jagatpatim| sāvitrīṁ sa sukhī bhūtvā sarvānkāmānavāpnuyāt||

Whoever, with devotion, beholds the Lord of the universe, Krishna, and likewise beholds Savitri herself, becomes happy and obtains all his desires.

Verse 17 (skanda.7.461.17)

आयुरारोग्यमैश्वर्य्यं पुत्रसन्तानमेव च। न दौर्भाग्यं भवेत्तस्य न दारिद्यं न मूर्खता। न च व्याधिभयं तस्य यः पश्यति विधिं नरः॥

āyurārogyamaiśvaryaṁ putrasantānameva ca| na daurbhāgyaṁ bhavettasya na dāridyaṁ na mūrkhatā| na ca vyādhibhayaṁ tasya yaḥ paśyati vidhiṁ naraḥ||

That man who beholds Vidhi (Brahma) obtains longevity, health, prosperity, and offspring; he suffers neither misfortune, nor poverty, nor foolishness, nor the fear of disease.

Verse 18 (skanda.7.461.18)

गत्वा संस्नापयेद्देवीं कुंकुमेन कुसुंभकैः। संछाद्य वस्त्रैः संपूज्य पुष्पैर्नानाविधैस्तथा॥

gatvā saṁsnāpayeddevīṁ kuṅkumena kusuṁbhakaiḥ| saṁchādya vastraiḥ sampūjya puṣpairnānāvidhaistathā||

Going there, one should bathe the goddess with saffron and safflower, cover her with garments, and worship her with flowers of many kinds.

Verse 19 (skanda.7.461.19)

नैवेद्यफलतांबूलग्रीवासूत्रकदीपकैः। संपूज्य परया भक्त्या यात्रां च सफला लभेत्॥

naivedyaphalatāmbūlagrīvāsūtrakadīpakaiḥ| sampūjya parayā bhaktyā yātrāṁ ca saphalā labhet||

With food offerings, fruit, betel leaf, a necklace, and lamps, one should worship with the deepest devotion, and thereby make the pilgrimage fruitful.

Verse 20 (skanda.7.461.20)

न वैधव्यं न दौर्भाग्यं न वंध्या न मृतप्रजा। विधिर्दृष्टो नरैर्यैस्तु कुले तेषां प्रजायते॥

na vaidhavyaṁ na daurbhāgyaṁ na vaṁdhyā na mṛtaprajā| vidhirdṛṣṭo narairyaistu kule teṣāṁ prajāyate||

In the lineage of those men who have beheld Vidhi (Brahma), there occurs no widowhood, no misfortune, no barrenness, and no death of offspring.

Verse 21 (skanda.7.461.21)

तस्मात्सर्वप्रयत्नेन विधिं पश्येत्सुभावतः। परितुष्टो भवेत्कृष्णो यात्रा च सफला भवेत्॥

tasmātsarvaprayatnena vidhiṁ paśyetsubhāvataḥ| parituṣṭo bhavetkṛṣṇo yātrā ca saphalā bhavet||

Therefore, with the fullest effort and with a good heart, one should behold Vidhi; thereby Krishna becomes greatly pleased, and the pilgrimage becomes fruitful.

Verse 22 (skanda.7.461.22)

॥ प्रह्लाद उवाच ॥ ब्रह्मणा स्थापितं दृष्ट्वा सरः परमशोभनम्। इन्द्रश्चक्रे महाभागः सरः परमशोभनम्॥

prahlāda uvāca| brahmaṇā sthāpitaṁ dṛṣṭvā saraḥ paramaśobhanam| indraścakre mahābhāgaḥ saraḥ paramaśobhanam||

Prahlada said: Seeing that most beautiful lake established by Brahma, the illustrious Indra likewise made a most beautiful lake.

Verse 23 (skanda.7.461.23)

स्थापयामास देवेशो लिंगमप्रतिमौजसम्। तस्मिन्स्नात्वा च लभते यस्मादिन्द्रपदं नरः॥

sthāpayāmāsa deveśo liṅgamapratimaujasam| tasminsnātvā ca labhate yasmādindrapadaṁ naraḥ||

That lord of gods installed there a Shivalinga of unparalleled splendour, bathing near which a man obtains the position of Indra.

Verse 24 (skanda.7.461.24)

तस्मादिन्द्रपदं नाम सुप्रसिद्धं धरातले। इन्द्रेण स्थापितं लिंगं यस्माद्भावनया सह। प्रसिद्धमिंद्रनाम्ना वा इन्द्रेश्वरमिति स्मृतम्॥

tasmādindrapadaṁ nāma suprasiddhaṁ dharātale| indreṇa sthāpitaṁ liṅgaṁ yasmādbhāvanayā saha| prasiddhamindranāmnā vā indreśvaramiti smṛtam||

Therefore it is renowned on earth by the name 'Indrapada.' Since this Shivalinga was installed by Indra with devotion, it is also remembered by the name 'Indreshvara,' after him.

Verse 25 (skanda.7.461.25)

यस्य प्रसिद्धिरतुला वृद्धिलिंगमिति द्विजाः। यस्य दर्शनमात्रेण मुच्यते सर्वपातकैः॥

yasya prasiddhiratulā vṛddhiliṅgamiti dvijāḥ| yasya darśanamātreṇa mucyate sarvapātakaiḥ||

O brahmins, its fame is incomparable, and it is also known as 'Vriddhilinga'; merely by beholding it, one is freed from all sins.

Verse 26 (skanda.7.461.26)

पितॄणामक्षया तृप्तिर्जायते द्विजसत्तमाः। अष्टम्यां च चतुर्द्दश्यां स्नात्वा चेन्द्रपदे नरः॥

pitṝṇāmakṣayā tṛptirjāyate dvijasattamāḥ| aṣṭamyāṁ ca caturddaśyāṁ snātvā cendrapade naraḥ||

O best of brahmins, the ancestors receive imperishable satisfaction; a man who bathes at Indrapada on the eighth and fourteenth lunar days,

Verse 27 (skanda.7.461.27)

इन्द्रेश्वरं च संपूज्य याति मुक्तिपदं नरः। विशेषतस्तु संपूज्यो मकरस्थे दिवाकरे॥

indreśvaraṁ ca sampūjya yāti muktipadaṁ naraḥ| viśeṣatastu sampūjyo makarasthe divākare||

and worships Indreshvara, attains the state of liberation. He is especially worthy of worship when the sun enters Capricorn,

Verse 28 (skanda.7.461.28)

उत्तरायणसंक्रांतौ लिंगपूरणकेन हि। शिवरात्रौ विशेषेण संपूज्य उमया सह। रात्रौ जागरणं कृत्वा परमं लोकमाप्नुयात्॥

uttarāyaṇasaṁkrāntau liṅgapūraṇakena hi| śivarātrau viśeṣeṇa sampūjya umayā saha| rātrau jāgaraṇaṁ kṛtvā paramaṁ lokamāpnuyāt||

at the solstice of Uttarayana, with the rite of Lingapurana; and especially on Shivaratri, worshipping him together with Uma, and keeping vigil through the night, a man attains the supreme realm.

Verse 29 (skanda.7.461.29)

॥ प्रह्लाद उवाच ॥ ब्रह्मतीर्थं च तद्दृष्ट्वा तथा शक्रसरोभवम्। दर्शयन्विष्णुना सार्द्धमेकरूपत्वमाप्नुयात्॥

prahlāda uvāca| brahmatīrthaṁ ca taddṛṣṭvā tathā śakrasarobhavam| darśayanviṣṇunā sārddhamekarūpatvamāpnuyāt||

Prahlada said: Seeing that sacred place of Brahma and the lake made by Indra, displaying oneness with Vishnu,

Verse 30 (skanda.7.461.30)

सरश्चकार देवेशो भगवान्पार्वतीपतिः। सुमृष्टनिर्मलजलं नलिनीदलशोभितम्॥

saraścakāra deveśo bhagavānpārvatīpatiḥ| sumṛṣṭanirmalajalaṁ nalinīdalaśobhitam||

The lord of gods, the great Lord, husband of Parvati (Shiva), also made a lake, its water exceedingly clear and pure, adorned with lotus leaves.

Verse 31 (skanda.7.461.31)

उत्पलैः सर्वतश्छन्नं सरः सारसशोभितम्। तदगाधजलं दृष्ट्वा स्वयमेव पिनाकधृक्। सब्रह्मविष्णुना सार्द्धं स्नातस्तत्र वृषध्वजः॥

utpalaiḥ sarvataśchannaṁ saraḥ sārasaśobhitam| tadagādhajalaṁ dṛṣṭvā svayameva pinākadhṛk| sabrahmaviṣṇunā sārddhaṁ snātastatra vṛṣadhvajaḥ||

Seeing that lake, its deep waters covered everywhere with blue lotuses and adorned with cranes, Shiva, bearer of the Pinaka bow, together with Brahma and Vishnu, bathed there himself.

Verse 32 (skanda.7.461.32)

ते देवास्तत्सरो दृष्ट्वा ब्रह्मविष्णुसुराऽसुराः। ऊचुः सर्वे सुसंहृष्टा वीक्षंतः पार्वतीपतिम्॥

te devāstatsaro dṛṣṭvā brahmaviṣṇusurā'surāḥ| ūcuḥ sarve susaṁhṛṣṭā vīkṣantaḥ pārvatīpatim||

Beholding that lake, Brahma, Vishnu, the gods, and the demons, all greatly rejoicing, gazing upon the husband of Parvati, said:

Verse 33 (skanda.7.461.33)

यस्मात्कृतमिदं देवा ईश्वरेण महत्सरः। महादेव सरोनाम सुप्रसिद्धं भविष्यति॥

yasmātkṛtamidaṁ devā īśvareṇa mahatsaraḥ| mahādeva saronāma suprasiddhaṁ bhaviṣyati||

'O gods, since this great lake has been made by the Lord (Ishvara), it shall become renowned by the name "Mahadeva Sar."'

Verse 34 (skanda.7.461.34)

योऽत्र स्नानं प्रकुरुते पितॄणां तर्पणं तथा। श्राद्धं पितॄणां भक्त्या च स गच्छेत्परमां गतिम्॥

yo'tra snānaṁ prakurute pitṝṇāṁ tarpaṇaṁ tathā| śrāddhaṁ pitṝṇāṁ bhaktyā ca sa gacchetparamāṁ gatim||

Whoever bathes here, offers libations to the ancestors, and devotedly performs the shraddha rite for the ancestors, attains the supreme destiny.

Verse 35 (skanda.7.461.35)

सुप्रसन्ना भविष्यन्ति सर्वे देवा न संशयः। दर्शनात्पापनिर्मुक्तो महादेवसरस्य च॥

suprasannā bhaviṣyanti sarve devā na saṁśayaḥ| darśanātpāpanirmukto mahādevasarasya ca||

All the gods will become greatly pleased — of this there is no doubt; by the mere sight of Mahadeva-sar, a man is freed of sin.

Verse 36 (skanda.7.461.36)

महेशस्य च तद्दृष्ट्वा सरः परमशोभनम्। चकार पार्वती तत्र सरश्चाप्रतिमं तथा॥

maheśasya ca taddṛṣṭvā saraḥ paramaśobhanam| cakāra pārvatī tatra saraścāpratimaṁ tathā||

Seeing that most beautiful lake of Mahesha, Parvati too made an incomparable lake there.

Verse 37 (skanda.7.461.37)

गौरीसर इति ख्यातं सर्वपापप्रणाशनम्। तत्र स्नात्वा नरो भक्त्या न दुर्गतिमवाप्नुयात्॥

gaurīsara iti khyātaṁ sarvapāpapraṇāśanam| tatra snātvā naro bhaktyā na durgatimavāpnuyāt||

It became known as 'Gaurisara,' destructive of every sin; a man who bathes there with devotion never comes to a bad end.

Verse 38 (skanda.7.461.38)

न दौर्भाग्यं स्त्रियश्चैव न वैधव्यं कदाचन। स्नात्वा गौरीतीर्थवरे सर्वान्कामानवाप्नुयात्॥

na daurbhāgyaṁ striyaścaiva na vaidhavyaṁ kadācana| snātvā gaurītīrthavare sarvānkāmānavāpnuyāt||

Women suffer neither misfortune nor ever widowhood; bathing at that excellent sacred place of Gauri, a person obtains all their desires.

Verse 39 (skanda.7.461.39)

वरुणश्च ततो दृष्ट्वा पुण्यान्यायतनानि च। चकार च सरो दिव्यं विष्णुभक्तिसमन्वितः॥

varuṇaśca tato dṛṣṭvā puṇyānyāyatanāni ca| cakāra ca saro divyaṁ viṣṇubhaktisamanvitaḥ||

Then Varuna too, seeing those meritorious shrines, filled with devotion to Vishnu, made a divine lake.

Verse 40 (skanda.7.461.40)

नाम्ना वरुणपदं तच्च पापक्षयकरं भुवि। नभस्ये पौर्णमास्यां च संतर्प्य पितृदेवताः॥

nāmnā varuṇapadaṁ tacca pāpakṣayakaraṁ bhuvi| nabhasye paurṇamāsyāṁ ca saṁtarpya pitṛdevatāḥ||

It is named 'Varunapada' and destroys sin upon this earth. On the full moon of Nabhasya, having offered libations to the ancestors and the gods,

Verse 41 (skanda.7.461.41)

श्राद्धं कृत्वा विधानेन पितॄणां श्रद्धयान्वितः। उत्तमं लोकमाप्नोति यत्र गत्वा न शोचति॥

śrāddhaṁ kṛtvā vidhānena pitṝṇāṁ śraddhayānvitaḥ| uttamaṁ lokamāpnoti yatra gatvā na śocati||

and duly performing, with faith, the shraddha rite for the ancestors, a man attains that excellent realm, going to which he grieves no more.

Verse 42 (skanda.7.461.42)

प्रदद्यादुदकुम्भांश्च दध्योदनसमन्वितान्। गाश्च वासांसि रत्नानि विष्णुर्मे प्रीयतामिति॥

pradadyādudakumbhāṁśca dadhyodanasamanvitān| gāśca vāsāṁsi ratnāni viṣṇurme prīyatāmiti||

One should give pitchers of water together with curd-rice, cows, garments, and jewels, saying: 'May Vishnu be pleased with me.'

Verse 43 (skanda.7.461.43)

सरो दृष्ट्वा जलेशस्य सरश्चक्रे धनेश्वरः। यक्षाधिपसरोनाम सुप्रसिद्धं धरातले॥

saro dṛṣṭvā jaleśasya saraścakre dhaneśvaraḥ| yakṣādhipasaronāma suprasiddhaṁ dharātale||

Seeing the lake of the lord of waters (Varuna), the lord of wealth (Kubera) likewise made a lake, renowned on earth by the name 'Yakshadhipasara' (the lake of the lord of yakshas).

Verse 44 (skanda.7.461.44)

तथा तत्र नरो भक्त्या संपूज्य पितृदेवताः। सर्वान्कामानवाप्नोति दद्याद्वस्त्रद्विजातये॥

tathā tatra naro bhaktyā sampūjya pitṛdevatāḥ| sarvānkāmānavāpnoti dadyādvastradvijātaye||

There too, a man, devotedly worshipping the ancestors and the gods, obtains all his desires, and should give garments to a brahmin.

Verse 45 (skanda.7.461.45)

॥ प्रह्लाद उवाच ॥ विष्णुं वरप्रदं श्रुत्वा भ्रातॄणां ब्रह्मनंदनाः। मंदाकिनी वसिष्ठेन समानीता धरातले॥

prahlāda uvāca| viṣṇuṁ varapradaṁ śrutvā bhrātṝṇāṁ brahmanandanāḥ| maṁdākinī vasiṣṭhena samānītā dharātale||

Prahlada said: Hearing that Vishnu is the bestower of boons, the sons of Brahma, brothers together, and Mandakini, brought down to earth by Vasishtha,

Verse 46 (skanda.7.461.46)

अम्बरीषादयः सर्व आजग्मुः कृष्णपालिताम्। द्वारवत्यां च ते दृष्ट्वा गोमतीं सागरंगमाम्॥

ambarīṣādayaḥ sarva ājagmuḥ kṛṣṇapālitām| dvāravatyāṁ ca te dṛṣṭvā gomatīṁ sāgaraṁgamām||

Ambarisha and the others all came to that city protected by Krishna, and, in Dvaravati, beheld the Gomati merging with the ocean,

Verse 47 (skanda.7.461.47)

तीर्थानि देवतानां च पुण्यान्यायतनानि च। तीर्थं पंचनदं चक्रुः प्रजानां पतयस्तथा॥

tīrthāni devatānāṁ ca puṇyānyāyatanāni ca| tīrthaṁ pañcanadaṁ cakruḥ prajānāṁ patayastathā||

and the sacred sites and meritorious shrines of the gods; and those lords of creatures made there the sacred place of Panchanada.

Verse 48 (skanda.7.461.48)

पंच नद्यः समाहूतास्तत्राऽऽजग्मुः सुरान्विताः। मरीचये गोमती च लक्ष्मणा चात्रये तथा॥

pañca nadyaḥ samāhūtāstatrājagmuḥ surānvitāḥ| marīcaye gomatī ca lakṣmaṇā cātraye tathā||

Five rivers were summoned, and they came there, together with the gods — Gomati for Marichi, Lakshmana for Atri,

Verse 49 (skanda.7.461.49)

चंद्रभागा चांगिरसे पुलहाय कुशावती। पावनार्थं जांबवती जगाम क्रतवे तथा॥

candrabhāgā cāṅgirase pulahāya kuśāvatī| pāvanārthaṁ jāmbavatī jagāma kratave tathā||

Chandrabhaga for Angiras, Kushavati for Pulaha, and Jambavati, for the sake of purification, went for Kratu.

Verse 50 (skanda.7.461.50)

तासु स्नात्वा महाभागा ब्रह्मपुत्रा यशस्विनः। नाम तस्य तदा चक्रुः पंचनद्यश्च तापसाः॥

tāsu snātvā mahābhāgā brahmaputrā yaśasvinaḥ| nāma tasya tadā cakruḥ pañcanadyaśca tāpasāḥ||

Bathing in these, those illustrious, renowned sons of Brahma, those ascetics, then gave it the name 'Panchanadi' (the five rivers).

Verse 51 (skanda.7.461.51)

तस्मात्पंचनदं तीर्थं सर्वपापप्रणाशनम्। स्नातव्यं तत्र मनुजैः स्वर्गमोक्षार्थिभिस्तदा॥

tasmātpañcanadaṁ tīrthaṁ sarvapāpapraṇāśanam| snātavyaṁ tatra manujaiḥ svargamokṣārthibhistadā||

Therefore Panchanada is a sacred place that destroys all sins; men desiring heaven and liberation should bathe there.

Verse 52 (skanda.7.461.52)

तत्र गत्वा सुनियतो गृहीत्वार्घ्यं फलेन हि। मंत्रेणानेन वै विप्रा दद्यादर्घ्यं विधानतः॥

tatra gatvā suniyato gṛhītvārghyaṁ phalena hi| mantreṇānena vai viprā dadyādarghyaṁ vidhānataḥ||

Going there, well restrained, taking up the water of welcome with a fruit, O brahmins, one should duly offer the water of welcome with this mantra:

Verse 53 (skanda.7.461.53)

ब्रह्मपुत्रैः समानीताः पंचैताः सरितां वराः। गृह्णंत्वर्घ्यमिमं देव्यः सर्वपापप्रशांतये॥

brahmaputraiḥ samānītāḥ pañcaitāḥ saritāṁ varāḥ| gṛhṇantvarghyamimaṁ devyaḥ sarvapāpapraśāṁtaye||

'These five excellent rivers, brought by the sons of Brahma — O goddesses, accept this offering for the quelling of all sin.'

Verse 54 (skanda.7.461.54)

॥ इत्यर्घ्यमन्त्रः ॥ स्नानं कृत्वा विधानेन पितॄन्संतर्प्पयेन्नरः। श्राद्धं कुर्य्याद्विधानेन श्रद्भया परया युतः॥

ityarghyamantraḥ| snānaṁ kṛtvā vidhānena pitṝnsaṁtarppayennaraḥ| śrāddhaṁ kuryādvidhānena śraddhayā parayā yutaḥ||

[Thus is the offering mantra.] Having duly bathed, a man should offer libations to the ancestors, and, filled with the deepest faith, duly perform the shraddha rite.

Verse 55 (skanda.7.461.55)

पंचरत्नं ततो देयं सप्तधान्यं द्विजातये। दीनांधकृपणानां च दानं दद्यात्स्वशक्तितः॥

pañcaratnaṁ tato deyaṁ saptadhānyaṁ dvijātaye| dīnāndhakṛpaṇānāṁ ca dānaṁ dadyātsvaśaktitaḥ||

One should then give the five gems and the seven grains to a brahmin, and give charity to the poor, the blind, and the destitute according to one's means.

Verse 56 (skanda.7.461.56)

सर्वान्कामानवाप्नोति विष्णुलोकं स गच्छति। पुत्रपौत्रसमायुक्तः परं सुखमवाप्नुयात्॥

sarvānkāmānavāpnoti viṣṇulokaṁ sa gacchati| putrapautrasamāyuktaḥ paraṁ sukhamavāpnuyāt||

He obtains all his desires and goes to the realm of Vishnu; blessed with sons and grandsons, he obtains supreme happiness.

Verse 57 (skanda.7.461.57)

प्रेतयोनिं गता ये च ये च कीटत्वमागताः। सर्वे ते मुक्तिमायांति पितरस्त्रिकुलोद्भवाः। श्रुत्वाऽध्यायमिमं पुण्यं शिवलोके च मोदते। सर्वपापविनिर्मुक्तः स याति परमं पदम्॥

pretayoniṁ gatā ye ca ye ca kīṭatvamāgatāḥ| sarve te muktimāyānti pitarastrikulodbhavāḥ| śrutvā'dhyāyamimaṁ puṇyaṁ śivaloke ca modate| sarvapāpavinirmuktaḥ sa yāti paramaṁ padam||

Those who have fallen into the state of ghosts, and those who have become insects — all these ancestors, born in the three lineages, attain liberation. Having heard this meritorious chapter, one rejoices in the realm of Shiva; freed from all sin, he attains the supreme state.