The Glory of Worshipping Rukmini

Verse 1 (skanda.7.469.1)

श्रीप्रह्लाद उवाच। शृणुध्वं द्विजशार्दूला यथावत्कथयामि वः। स्नापयित्वा जगन्नाथं तथा गंधैर्विलिप्य च। पूजयित्वा तुलस्या तु भूषयित्वा च भूषणैः

śrīprahlāda uvāca| śṛṇudhvaṁ dvijaśārdūlā yathāvatkathayāmi vaḥ| snāpayitvā jagannāthaṁ tathā gaṁdhairvilipya ca| pūjayitvā tulasyā tu bhūṣayitvā ca bhūṣaṇaiḥ

Shri Prahlada said: Listen, O tigers among brahmins, I shall tell you truly. Having bathed the Lord of the universe and anointed him with fragrant paste, worshipped him with tulasi, and adorned him with ornaments,

Verse 2 (skanda.7.469.2)

नैवेद्येन च सन्तर्प्य तथा नीराजनादिभिः। दुर्वाससं तथा पूज्य पुंडरीकाक्षमेव च

naivedyena ca saṁtarpya tathā nīrājanādibhiḥ| durvāsasaṁ tathā pūjya puṁḍarīkākṣameva ca

gratifying him with food-offerings and with the waving of lamps, one should also worship Durvasas and the lotus-eyed one,

Verse 3 (skanda.7.469.3)

अनन्तं वैनतेयादीन्भक्त्या सम्पूज्य मानवः। दद्याद्दानं स्वशक्त्या च वित्तशाठ्यविवर्जितः

anantaṁ vainateyādīnbhaktyā sampūjya mānavaḥ| dadyāddānaṁ svaśaktyā ca vittaśāṭhyavivarjitaḥ

and, having devotedly worshipped Ananta, Garuda, and the others, a man should, free from stinginess about wealth, give gifts according to his ability,

Verse 4 (skanda.7.469.4)

दीनान्धकृपणांस्तत्र तर्पयेच्च समाश्रितान्

dīnāndhakṛpaṇāṁstatra tarpayecca samāśritān

and there gratify the poor, the blind, the destitute, and those who have taken refuge.

Verse 5 (skanda.7.469.5)

रुक्मिणीं च ततो गच्छेद्विदर्भतनयां नरः। उपहृत्योपहारांश्च बलिभिर्गंधदीपकैः

rukmiṇīṁ ca tato gacchedvidarbhatanayāṁ naraḥ| upahṛtyopahārāṁśca balibhirgaṁdhadīpakaiḥ

Then a man should go to Rukmini, daughter of Vidarbha, offering her gifts, offerings, and lamps of fragrance.

Verse 6 (skanda.7.469.6)

पीडयन्ति ग्रहास्तावद्व्याधयोऽभिभवन्ति च। भक्त्या न पश्यति नरो यावत्कृष्णप्रियां कलौ

pīḍayanti grahāstāvadvyādhayo'bhibhavanti ca| bhaktyā na paśyati naro yāvatkṛṣṇapriyāṁ kalau

So long as a man does not, in the Kali age, behold with devotion the beloved of Krishna, planetary afflictions torment him and diseases overpower him.

Verse 7 (skanda.7.469.7)

उपसर्गभयं तावद्दुःखं च भूतसंभवम्। भक्त्या न पश्यति नरो यावत्कृष्णप्रियां कलौ

upasargabhayaṁ tāvadduḥkhaṁ ca bhūtasaṁbhavam| bhaktyā na paśyati naro yāvatkṛṣṇapriyāṁ kalau

So long as a man does not, in the Kali age, behold with devotion the beloved of Krishna, the fear of calamity and suffering born of malignant spirits persist.

Verse 8 (skanda.7.469.8)

भवेद्दरिद्री दुःखी च तावद्वै परयाचकः। भक्त्या न पश्यति नरो यावत्कृष्णप्रियां कलौ

bhaveddaridrī duḥkhī ca tāvadvai parayācakaḥ| bhaktyā na paśyati naro yāvatkṛṣṇapriyāṁ kalau

So long as a man does not, in the Kali age, behold with devotion the beloved of Krishna, he remains poor, sorrowful, and a beggar before others.

Verse 9 (skanda.7.469.9)

तावन्मृतप्रजा नारी दुर्भाग्या दुःखसंयुता। भक्त्या न पश्यति यदा नारी कृष्णप्रियां तथा

tāvanmṛtaprajā nārī durbhāgyā duḥkhasaṁyutā| bhaktyā na paśyati yadā nārī kṛṣṇapriyāṁ tathā

So long as a woman does not behold with devotion the beloved of Krishna, her children die, and she remains ill-fated and filled with sorrow.

Verse 10 (skanda.7.469.10)

तावच्छत्रुभयं पुंसां गृहभंगं च मूर्खता। भक्त्या न पश्यति नरो यावत्कृष्णप्रियां कलौ

tāvacchatrubhayaṁ puṁsāṁ gṛhabhaṁgaṁ ca mūrkhatā| bhaktyā na paśyati naro yāvatkṛṣṇapriyāṁ kalau

So long as a man does not, in the Kali age, behold with devotion the beloved of Krishna, men remain beset by fear of enemies, the breaking-up of their homes, and folly.

Verse 11 (skanda.7.469.11)

सम्पूज्य कृष्णं विधिवद्रुक्मिणीं पूजयेत्ततः। स्नापयेद्दधिदुग्धाभ्यां मधुशर्करया तथा

sampūjya kṛṣṇaṁ vidhivadrukmiṇīṁ pūjayettataḥ| snāpayeddadhidugdhābhyāṁ madhuśarkarayā tathā

Having duly worshipped Krishna, one should then worship Rukmini; one should bathe her with curd and milk, and with honey and sugar,

Verse 12 (skanda.7.469.12)

घृतेन विविधैर्गन्धैस्तथैवेक्षुरसेन च। तीर्थोदकेन संस्नाप्य सर्वान्कामानवाप्नुयात्

ghṛtena vividhairgaṁdhaistathaivekṣurasena ca| tīrthodakena saṁsnāpya sarvānkāmānavāpnuyāt

with ghee, with various fragrant substances, and with sugarcane juice too; bathing her with the water of the tirtha, one obtains all one's desires.

Verse 13 (skanda.7.469.13)

एवं यः स्नापयेद्देवीं रुक्मिणीं कृष्णवल्लभाम्। न तस्य दुर्लभं किंचिदिह लोके परत्र च

evaṁ yaḥ snāpayeddevīṁ rukmiṇīṁ kṛṣṇavallabhām| na tasya durlabhaṁ kiṁciiha loke paratra ca

Whoever thus bathes the goddess Rukmini, beloved of Krishna, for him nothing remains difficult to obtain, in this world or the next.

Verse 14 (skanda.7.469.14)

श्रीखण्डकुंकुमेनैव तथा मृगमदेन च। विलेपयेदपुत्रस्तु स पुत्रं लभते ध्रुवम्

śrīkhaṇḍakuṁkumenaiva tathā mṛgamadena ca| vilepayedaputrastu sa putraṁ labhate dhruvam

He who anoints her with sandal paste, saffron, and musk, though childless, surely obtains a son.

Verse 15 (skanda.7.469.15)

सदा स भोगी भवति रूपवाञ्जनपूजितः। पूजयेन्मालतीपुष्पैः शतपत्रैः सुगन्धिभिः

sadā sa bhogī bhavati rūpavāñjanapūjitaḥ| pūjayenmālatīpuṣpaiḥ śatapatraiḥ sugaṁdhibhiḥ

He ever becomes prosperous, handsome, and honoured by people. One should worship her with malati blossoms, and with fragrant hundred-petalled lotuses,

Verse 16 (skanda.7.469.16)

करवीरैर्मल्लिकाभिश्च चम्पकैस्तु विशेषतः। कमलैर्वारिसंभूतैः केतकीभिश्च पाटलैः

karavīrairmallikābhiśca campakaistu viśeṣataḥ| kamalairvārisaṁbhūtaiḥ ketakībhiśca pāṭalaiḥ

with oleander, jasmine, and especially champak blossoms, with lotuses born in water, and with ketaki and patala flowers,

Verse 17 (skanda.7.469.17)

धूपेनागुरुणा चैव पूजयेद्गुग्गुलेन च। वस्त्रैः सुकोमलैः शुभ्रैर्नानादेशसमुद्भवैः

dhūpenāguruṇā caiva pūjayedgugguleṇa ca| vastraiḥ sukomalaiḥ śubhrairnānādeśasamudbhavaiḥ

and worship her with incense of aloewood and guggul, and with the softest, whitest garments produced in many different lands.

Verse 18 (skanda.7.469.18)

भक्त्या संछाद्य वैदर्भीं रुक्मिणीं कृष्णवल्लभाम्। भूषणैर्भूषयेद्देवीं मणिरत्नसमन्वितैः

bhaktyā saṁchādya vaidarbhīṁ rukmiṇīṁ kṛṣṇavallabhām| bhūṣaṇairbhūṣayeddevīṁ maṇiratnasamanvitaiḥ

Having devotedly clothed Rukmini, princess of Vidarbha, beloved of Krishna, one should adorn that goddess with ornaments set with jewels and gems.

Verse 19 (skanda.7.469.19)

तस्मिन्कुले नासुखः स्यान्नाधर्मो नाधनस्तथा। नापुत्रो न विकर्मस्थः कितवो नीचसेवकः

tasminkule nāsukhaḥ syānnādharmo nādhanastathā| nāputro na vikarmastha kitavo nīcasevakaḥ

In that family none are unhappy, none unrighteous, none poor; none childless, none engaged in wicked deeds, none a gambler, none a servant to the base.

Verse 20 (skanda.7.469.20)

यैः पूजिता जगन्माता रुक्मिणी मानवैः कलौ। नैवेद्यैर्भक्ष्यभोज्याद्यैर्देवी मे प्रीयतामिति। तांबूलं च सकर्पूरं भावेन विनिवेदयेत्

yaiḥ pūjitā jaganmātā rukmiṇī mānavaiḥ kalau| naivedyairbhakṣyabhojyādyairdevī me prīyatāmiti| tāṁbūlaṁ ca sakarpūraṁ bhāvena vinivedayet

Those men who, in the Kali age, worship the Mother of the universe Rukmini with food-offerings and edibles, saying, 'May the goddess be pleased with me' — with heartfelt devotion let them offer betel with camphor.

Verse 21 (skanda.7.469.21)

गृहीत्वा च फलं शुभ्रं ह्यक्षतैश्च समन्वितम्। मन्त्रेणानेन वै विप्रा ह्यर्घ्यं दद्याद्विधानतः

gṛhītvā ca phalaṁ śubhraṁ hyakṣataiśca samanvitam| mantreṇānena vai viprā hyarghyaṁ dadyādvidhānataḥ

Taking in hand a pure fruit together with unbroken rice, O brahmins, one should duly offer arghya with this mantra:

Verse 22 (skanda.7.469.22)

कृष्णप्रिये नमस्तुभ्यं विदर्भाधिपनन्दिनि। सर्वकामप्रदे देवि गृहाणार्घ्यं नमोऽस्तु ते

kṛṣṇapriye namastubhyaṁ vidarbhādhipanaṁdini| sarvakāmaprade devi gṛhāṇārghyaṁ namo'stu te

'O beloved of Krishna, salutations to you, O daughter of the lord of Vidarbha! O goddess, granter of every desire, accept this arghya; homage to you.'

Verse 23 (skanda.7.469.23)

आरार्तिकं ततः कुर्याज्ज्वलन्तं भावनान्वितः। नीराजनं प्रकर्तव्यं कर्पूरेण विशेषतः

āratrikaṁ tataḥ kuryājjvalantaṁ bhāvanānvitaḥ| nīrājanaṁ prakartavyaṁ karpūreṇa viśeṣataḥ

Then, with devotion, one should perform the waving of the burning lamp; the lamp-offering should especially be done with camphor.

Verse 24 (skanda.7.469.24)

शंखे कृत्वा तु पानीयं भ्रामयेद्भावसंयुतः। भ्रामयित्वा च शिरसा धारणीयं विशुद्धये

śaṅkhe kṛtvā tu pānīyaṁ bhrāmayedbhāvasaṁyutaḥ| bhrāmayitvā ca śirasā dhāraṇīyaṁ viśuddhaye

Filling a conch shell with water, one should wave it about with devotion, and after doing so, place it upon one's head for purification.

Verse 25 (skanda.7.469.25)

दण्डवत्प्रणमेद्भूमौ नमः कृष्णप्रियेति च। विप्रपत्नीश्च विप्रांश्च पूजयेच्छक्तितो द्विजाः

daṇḍavatpraṇamedbhūmau namaḥ kṛṣṇapriyeti ca| viprapatnīśca viprāṁśca pūjayecchaktito dvijāḥ

One should prostrate full-length upon the ground, saying 'Homage to the beloved of Krishna,' and, O brahmins, should honour brahmin wives and brahmins according to one's means.

Verse 26 (skanda.7.469.26)

ग्रीवासूत्रकसिन्दूरैर्वासोभिः कञ्चुकैस्तथा। सुगन्धकुसुमैरर्च्य कुंकुमेन विलिप्य च

grīvāsūtrakasindūrairvāsobhiḥ kañcukaistathā| sugaṁdhakusumairarcya kuṁkumena vilipya ca

With neck-ornaments, vermilion, garments, and bodices, worshipping them with fragrant flowers and anointing them with saffron,

Verse 27 (skanda.7.469.27)

कौसुम्भकैः कज्जलेन तांबूलेन च तोषयेत्। भक्ष्यैर्भोज्यैर्मोदकैश्च इक्षुभिर्मधुसर्पिभिः

kausuṁbhakaiḥ kajjalena tāṁbūlena ca toṣayet| bhakṣyairbhojyairmodakaiśca ikṣubhirmadhusarpibhiḥ

one should gratify them with saffron-dyed cloth, kohl, and betel; and with sweets, delicacies, modaka cakes, sugarcane, honey, and ghee,

Verse 28 (skanda.7.469.28)

प्रीतो भवति देवेशो रुक्मिण्या सह केशवः। विशेषतः फलानीह दातव्यानि द्विजोत्तमाः

prīto bhavati deveśo rukmiṇyā saha keśavaḥ| viśeṣataḥ phalānīha dātavyāni dvijottamāḥ

by which the Lord Keshava, together with Rukmini, becomes pleased. O best of brahmins, fruits especially should be offered here.

Verse 29 (skanda.7.469.29)

उन्मत्तकं ततो देवं द्वारपालं प्रपूजयेत्। स्नापयित्वा सुगन्धेन कुंकुमेन विलिप्य च

unmattakaṁ tato devaṁ dvārapālaṁ prapūjayet| snāpayitvā sugaṁdhena kuṁkumena vilipya ca

Then one should worship the gatekeeper deity Unmattaka, bathing him with fragrant substances and anointing him with saffron,

Verse 30 (skanda.7.469.30)

धूपेन धूपयित्वा तु पुष्पाद्यैः संप्रपूजयेत्। नैवेद्यैर्भक्ष्यभोज्यैश्च मांसेन सुरया तथा

dhūpena dhūpayitvā tu puṣpādyaiḥ saṁprapūjayet| naivedyairbhakṣyabhojyaiśca māṁsena surayā tathā

perfuming him with incense, worshipping with flowers and the like, with food-offerings, delicacies, meat, and liquor,

Verse 31 (skanda.7.469.31)

प्रभूतबलिभिश्चैव पिष्टेन विविधेन च। योगिनीनां चतुःषष्टिं तस्मिन्पीठे प्रपूजयेत्

prabhūtabalibhiścaiva piṣṭena vividhena ca| yoginīnāṁ catuḥṣaṣṭiṁ tasminpīṭhe prapūjayet

with abundant offerings and various flour preparations. At that shrine, one should worship the sixty-four Yoginis.

Verse 32 (skanda.7.469.32)

अर्चयेद्धरसिद्धिं च क्षेत्रपालं च सर्वशः। विरूपस्वामिनीं तत्र तथा वै सप्तमातरः

arcayeddharasiddhiṁ ca kṣetrapālaṁ ca sarvaśaḥ| virūpasvāminīṁ tatra tathā vai saptamātaraḥ

One should worship Harasiddhi and the field-guardian in every way, and there too Virupasvamini and the seven Mothers.

Verse 33 (skanda.7.469.33)

अष्टमूर्तीः कृष्णपत्नीः पीठे तस्मिन्प्रपूजयेत्। रुक्मिणीं सत्यभामां च शुभां जाम्बवतीं तथा

aṣṭamūrtīḥ kṛṣṇapatnīḥ pīṭhe tasminprapūjayet| rukmiṇīṁ satyabhāmāṁ ca śubhāṁ jāmbavatīṁ tathā

At that shrine one should worship the eight forms, the wives of Krishna — Rukmini, Satyabhama, the auspicious Jambavati,

Verse 34 (skanda.7.469.34)

मित्रविन्दां च कालिन्दीं भद्रां नाग्नजितीं तथा। अष्टमीं लक्ष्मणां तत्र पूजयेत्कृष्णवल्लभाः

mitravindāṁ ca kālindīṁ bhadrāṁ nāgnajitīṁ tathā| aṣṭamīṁ lakṣmaṇāṁ tatra pūjayetkṛṣṇavallabhāḥ

Mitravinda, Kalindi, Bhadra, Nagnajiti, and, eighth, Lakshmana — one should worship these beloveds of Krishna there.

Verse 35 (skanda.7.469.35)

एताः सम्पूज्य विधिवत्संतर्प्य दधिपायसैः। गीतवादित्रघोषेण दीपैर्जागरणेन च

etāḥ saṁpūjya vidhivatsaṁtarpya dadhipāyasaiḥ| gītavāditraghoṣeṇa dīpairjāgaraṇena ca

Having duly worshipped them, gratified them with curd and milk-pudding, with the sound of song and music, lamps, and a night vigil —

Verse 36 (skanda.7.469.36)

पुत्रपौत्रसमायुक्तो धनधान्यसमन्वितः। सर्वान्कामानवाप्नोति तस्य विष्णुः प्रसीदति

putrapautrasamāyukto dhanadhānyasamanvitaḥ| sarvānkāmānavāpnoti tasya viṣṇuḥ prasīdati

one becomes blessed with sons and grandsons, endowed with wealth and grain, obtains all one's desires, and Vishnu becomes pleased with him.

Verse 37 (skanda.7.469.37)

किं तस्य बहुदानैस्तु किं व्रतैर्नियमैस्तथा। येन दृष्टा जगन्माता रुक्मिणी कृष्णवल्लभा

kiṁ tasya bahudānaistu kiṁ vratairniyamaistathā| yena dṛṣṭā jaganmātā rukmiṇī kṛṣṇavallabhā

What need has he of many gifts, or of vows and observances, who has beheld the Mother of the universe, Rukmini, beloved of Krishna?

Verse 38 (skanda.7.469.38)

किं यज्ञैर्बहुभिस्तस्य सम्पूर्णवरदक्षिणैः। येन दृष्टा जगन्माता रुक्मिणी कृष्णवल्लभा

kiṁ yajñairbahubhistasya sampūrṇavaradakṣiṇaiḥ| yena dṛṣṭā jaganmātā rukmiṇī kṛṣṇavallabhā

What need has he of many sacrifices with full and excellent gifts of dakshina, who has beheld the Mother of the universe, Rukmini, beloved of Krishna?

Verse 39 (skanda.7.469.39)

तेन दत्तं हुतं तेन जप्तं तेन सनातनम्। येन दृष्टा जगन्माता रुक्मिणी कृष्णवल्लभा

tena dattaṁ hutaṁ tena japtaṁ tena sanātanam| yena dṛṣṭā jaganmātā rukmiṇī kṛṣṇavallabhā

By him has been given every gift, by him made every oblation, by him recited the eternal mantra, who has beheld the Mother of the universe, Rukmini, beloved of Krishna.

Verse 40 (skanda.7.469.40)

हेलया तेन सम्प्राप्ताः सिद्धयोऽष्टौ न संशयः। गत्वा द्वारवतीं येन दृष्टा केशववल्लभा

helayā tena samprāptāḥ siddhayo'ṣṭau na saṁśayaḥ| gatvā dvāravatīṁ yena dṛṣṭā keśavavallabhā

Without doubt, he has effortlessly obtained the eight great powers who, having gone to Dvaravati, has beheld the beloved of Keshava.

Verse 41 (skanda.7.469.41)

सफलं जीवितं तस्य सफलाश्च मनोरथाः। कलौ कृष्णपुरीं गत्वा दृष्ट्वा माधववल्लभाम्

saphalaṁ jīvitaṁ tasya saphalāśca manorathāḥ| kalau kṛṣṇapurīṁ gatvā dṛṣṭvā mādhavavallabhām

His life is fruitful, and his heart's desires all fulfilled, who, in the Kali age, has gone to Krishna's city and beheld Madhava's beloved.

Verse 42 (skanda.7.469.42)

देवराज्येन किं तस्य तथा मुक्तिपदेन च। न दृष्टा चेज्जगन्माता रुक्मिणी कृष्णवल्लभा

devarājyena kiṁ tasya tathā muktipadena ca| na dṛṣṭā cejjaganmātā rukmiṇī kṛṣṇavallabhā

What use to him is the kingdom of the gods, or even the state of liberation, if he has not beheld the Mother of the universe, Rukmini, beloved of Krishna?

Verse 43 (skanda.7.469.43)

तस्मात्सर्वप्रयत्नेन रुक्मिणी कृष्णवल्लभा। सदार्चनीया मनुजैर्द्रष्टव्या सर्वकामदा

tasmātsarvaprayatnena rukmiṇī kṛṣṇavallabhā| sadārcanīyā manujairdraṣṭavyā sarvakāmadā

Therefore, with every effort, Rukmini, beloved of Krishna, who grants every desire, should ever be worshipped and beheld by men.

Verse 44 (skanda.7.469.44)

विशेषतः पूजनीया नवरात्रे सदाश्विने। नवम्यां तु नरैर्यैस्तु पूजिता हरिवल्लभा

viśeṣataḥ pūjanīyā navarātre sadāśvine| navamyāṁ tu narairyaistu pūjitā harivallabhā

She is especially to be worshipped during Navaratri in the month of Ashvina. Those men who have worshipped Hari's beloved on the ninth day,

Verse 45 (skanda.7.469.45)

स्नानगन्धादिवस्त्रैस्तु प्रभूतबलिभिस्तथा। गीतवादित्रघोषेण दीपजागरणेन च। तोषिता भीष्मकसुता सर्वान्कामान्प्रयच्छति

snānagaṁdhādivastraistu prabhūtabalibhistathā| gītavāditraghoṣeṇa dīpajāgaraṇena ca| toṣitā bhīṣmakasutā sarvānkāmānprayacchati

with bathing, fragrance, garments, and abundant offerings, with the sound of song and music, lamps, and a night vigil — thus gratified, the daughter of Bhishmaka grants them all their desires.

Verse 46 (skanda.7.469.46)

तथा दीपोत्सवदिने चतुर्दश्यां समाहितः। पूजयित्वा यथाशास्त्रमीप्सितं लभते फलम्

tathā dīpotsavadine caturdaśyāṁ samāhitaḥ| pūjayitvā yathāśāstramīpsitaṁ labhate phalam

Likewise, on the fourteenth day, the day of the festival of lamps, one who worships with focused mind according to scriptural rite obtains the fruit desired.

Verse 47 (skanda.7.469.47)

माघमासे सिताष्टम्यां कन्दर्पजननी तु यैः। पूजिता गन्धपुष्पाद्यैरुपहारैरनेकशः। सफलं जीवितं तेषां सफलाश्च मनोरथाः

māghamāse sitāṣṭamyāṁ kandarpajananī tu yaiḥ| pūjitā gaṁdhapuṣpādyairupahārairanekaśaḥ| saphalaṁ jīvitaṁ teṣāṁ saphalāśca manorathāḥ

Those who, on the bright eighth day of Magha, have worshipped the mother of Kandarpa (Kama) with fragrance, flowers, and many other offerings — their life is fruitful, and their heart's desires fulfilled.

Verse 48 (skanda.7.469.48)

द्वादश्यां चैत्रमासे तु कृष्णेन सह रुक्मिणीम्। ये पश्यन्ति नरा देवीं रुक्मिणीं मधुमाधवे। कृष्णेन सह गच्छन्तीं धन्यास्ते मानवा भुवि

dvādaśyāṁ caitramāse tu kṛṣṇena saha rukmiṇīm| ye paśyaṁti narā devīṁ rukmiṇīṁ madhumādhave| kṛṣṇena saha gacchaṁtīṁ dhanyāste mānavā bhuvi

Those men who, on the twelfth day of Chaitra, behold the goddess Rukmini at Madhumadhava, walking together with Krishna — they are blessed on this earth.

Verse 49 (skanda.7.469.49)

पुत्रपौत्रसमायुक्ता धनधान्यसमन्विताः। जीविते व्याधिनिर्मुक्ताः पदं गच्छन्त्यनामयम्

putrapautrasamāyuktā dhanadhānyasamanvitāḥ| jīvite vyādhinirmuktāḥ padaṁ gacchantyanāmayam

Blessed with sons and grandsons, endowed with wealth and grain, and freed from disease during life, they attain the untroubled state.

Verse 50 (skanda.7.469.50)

ज्येष्ठाष्टम्यां नरैर्यैस्तु पूजिता कृष्णवल्लभा। तेषां मनोरथावाप्तिर्जायते नात्र संशयः

jyeṣṭhāṣṭamyāṁ narairyaistu pūjitā kṛṣṇavallabhā| teṣāṁ manorathāvāptirjāyate nātra saṁśayaḥ

Those men who have worshipped the beloved of Krishna on the eighth day of Jyeshtha — for them the attainment of their heart's desires comes about, without doubt.

Verse 51 (skanda.7.469.51)

तथा भाद्रपदे मासि मातुः पूजा कृता तु यैः। सर्वपापविनिर्मुक्ता यान्ति विष्णुपदे नराः

tathā bhādrapade māsi mātuḥ pūjā kṛtā tu yaiḥ| sarvapāpavinirmuktā yānti viṣṇupade narāḥ

Likewise, those who have worshipped the Mother in the month of Bhadrapada — those men, freed from all sin, go to the abode of Vishnu.

Verse 52 (skanda.7.469.52)

कार्तिके मासि द्वादश्यां रुक्मिणीं कृष्णसंयुताम्। ये पश्यन्ति नरास्तेषां न भयं विद्यते क्वचित्

kārtike māsi dvādaśyāṁ rukmiṇīṁ kṛṣṇasaṁyutām| ye paśyaṁti narāsteṣāṁ na bhayaṁ vidyate kvacit

Those men who, on the twelfth day of Kartika, behold Rukmini together with Krishna — for them fear exists nowhere at all.

Verse 53 (skanda.7.469.53)

यस्त्वेकत्र स्थितां पश्येद्रुक्मिणीं कृष्णसंयुताम्। सफलं जीवितं तस्य ह्यक्षया पुत्रसंततिः। अक्षयं धनधान्यं च कदा नैव दरिद्रता

yastvekatra sthitāṁ paśyedrukmiṇīṁ kṛṣṇasaṁyutām| saphalaṁ jīvitaṁ tasya hyakṣayā putrasaṁtatiḥ| akṣayaṁ dhanadhānyaṁ ca kadā naiva daridratā

He who beholds Rukmini, together with Krishna, standing together in one place — his life is fruitful, his line of children imperishable, his wealth and grain imperishable, and poverty never comes upon him.

Verse 54 (skanda.7.469.54)

य एवं रुक्मिणीं पश्येत्पूजयेत्कृष्णवल्लभाम्। सर्वपापविनिर्मुक्तो विष्णुलोकं स गच्छति

ya evaṁ rukmiṇīṁ paśyetpūjayetkṛṣṇavallabhām| sarvapāpavinirmukto viṣṇulokaṁ sa gacchati

He who thus beholds and worships Rukmini, beloved of Krishna, freed from all sin, goes to the world of Vishnu.

Verse 55 (skanda.7.469.55)

यः स्नायात्सर्वतीर्थेषु दानं शक्त्या ददाति यः। तस्य पुण्यफलं चैव लोके यज्जायते द्विजाः। कथितं तदशेषेण कलौ कृष्णस्य संस्थितौ

yaḥ snāyātsarvatīrtheṣu dānaṁ śaktyā dadāti yaḥ| tasya puṇyaphalaṁ caiva loke yajjāyate dvijāḥ| kathitaṁ tadaśeṣeṇa kalau kṛṣṇasya saṁsthitau

O brahmins, whatever meritorious fruit accrues in this world to one who bathes at all the tirthas and gives gifts according to his means — that, in its entirety, is said to be obtained in the Kali age at Krishna's abode.

Verse 56 (skanda.7.469.56)

द्वारावतीं विना विप्रा मुक्तिर्न प्राप्यते कलौ। पुराणसंहितामेतां कृतवान्बलिबन्धनः। ददौ स तु प्रसादेन पूर्वं मह्यं द्विजोत्तमाः

dvārāvatīṁ vinā viprā muktirna prāpyate kalau| purāṇasaṁhitāmetāṁ kṛtavānbalibandhanaḥ| dadau sa tu prasādena pūrvaṁ mahyaṁ dvijottamāḥ

O brahmins, without Dvaravati, liberation is not attained in the Kali age. This Puranic compendium was composed by him who bound Bali (Vishnu), and, O best of brahmins, it was he who, of old, graciously gave it to me.

Verse 57 (skanda.7.469.57)

इहार्थे च पुरा प्रोक्तमितिहासो द्विजोत्तमाः। प्रद्युम्नेन सुसंवादे मार्कण्डेन महात्मना

ihārthe ca purā proktamitihāso dvijottamāḥ| pradyumnena susaṁvāde mārkaṇḍena mahātmanā

O best of brahmins, on this matter this same history was told of old, in the beautiful dialogue between Pradyumna and the great sage Markandeya.