The Glory of the Dvadashi Night Vigil

Verse 1 (skanda.7.473.1)

श्रीमार्कण्डेय उवाच। प्रह्लादं सर्वधर्मज्ञं वेदशास्त्रार्थपारगम्। वैष्णवागमतत्त्वज्ञं भगवद्भक्तितत्परम्

śrīmārkaṇḍeya uvāca| prahlādaṁ sarvadharmajñaṁ vedaśāstrārthapāragam| vaiṣṇavāgamatattvajñaṁ bhagavadbhaktitatparam

Shri Markandeya said: Prahlada, knower of all dharmas, versed in the meaning of the Vedas and scriptures, expert in the truths of the Vaishnava scriptures, devoted to devotion to the Lord —

Verse 2 (skanda.7.473.2)

सुखासीनं महाप्राज्ञमृषयो द्रष्टुमागताः। सर्वशास्त्रार्थतत्त्वज्ञाः स्वधर्मप्रतिपालकाः

sukhāsīnaṁ mahāprājñamṛṣayo draṣṭumāgatāḥ| sarvaśāstrārthatattvajñāḥ svadharmapratipālakāḥ

to see that greatly wise one seated comfortably, sages came who knew the essential meaning of all scriptures and who upheld their own dharma.

Verse 3 (skanda.7.473.3)

ऋषय ऊचुः। विना ज्ञानाद्विना ध्यानाद्विना चेन्द्रियनिग्रहात्। अनायासेन येनैतत्प्राप्यते परमं पदम्

ṛṣaya ūcuḥ| vinā jñānādvinā dhyānādvinā cendriyanigrahāt| anāyāsena yenaitatprāpyate paramaṁ padam

The sages said: without knowledge, without meditation, without restraint of the senses — by what effortless means that supreme state is attained,

Verse 4 (skanda.7.473.4)

संक्षेपात्कथय स्नेहाद्दृष्टादृष्टफलोदयम्। धर्मान्मनुजशार्दूल ब्रूहि सर्वानशेषतः

saṁkṣepātkathaya snehāddṛṣṭādṛṣṭaphalodayam| dharmānmanujaśārdūla brūhi sarvānaśeṣataḥ

tell us that, in brief, out of affection, O tiger among men; declare to us fully all the dharmas that yield visible and unseen fruit.

Verse 5 (skanda.7.473.5)

इत्युक्तोऽसौ महाभागो नारायणपरायणः। कथयामास संक्षेपात्सर्वलोकहितोद्यतः

ityukto'sau mahābhāgo nārāyaṇaparāyaṇaḥ| kathayāmāsa saṁkṣepātsarvalokahitodyataḥ

Thus addressed, that illustrious one, devoted to Narayana, intent on the welfare of all beings, began to speak in brief.

Verse 6 (skanda.7.473.6)

श्रीप्रह्लाद उवाच। श्रूयतामभिधास्यामि गुह्याद्गुह्यतरं महत्। यस्य संश्रवणादेव सर्वपापक्षयो भवेत्

śrīprahlāda uvāca| śrūyatāmabhidhāsyāmi guhyādguhyataraṁ mahat| yasya saṁśravaṇādeva sarvapāpakṣayo bhavet

Shri Prahlada said: Listen, I shall tell a great truth, more secret than the secret, by merely hearing which all sins are destroyed.

Verse 7 (skanda.7.473.7)

अष्टादशपुराणानां सारात्सारतरं च यत्। तदहं कथयिष्यामि भुक्तिमुक्तिफलप्रदम्

aṣṭādaśapurāṇānāṁ sārātsārataraṁ ca yat| tadahaṁ kathayiṣyāmi bhuktimuktiphalapradam

That which is more essential than the very essence of the eighteen Puranas — that I shall tell, which grants both enjoyment and liberation as its fruit.

Verse 8 (skanda.7.473.8)

सुखासीनं महादेवं जगतः कारणं परम्। पप्रच्छ षण्मुखो भक्त्या सर्वलोकहितोद्यतः

sukhāsīnaṁ mahādevaṁ jagataḥ kāraṇaṁ param| papraccha ṣaṇmukho bhaktyā sarvalokahitodyataḥ

Shanmukha (Kartikeya), intent on the welfare of all worlds, devotedly questioned Mahadeva, the supreme cause of the universe, seated at ease.

Verse 9 (skanda.7.473.9)

स्कन्द उवाच। भगवन्सर्वलोकानां दुःखसंसारभेषजम्। कथयस्व प्रसादेन सुखोपायं विमुक्तये

skanda uvāca| bhagavansarvalokānāṁ duḥkhasaṁsārabheṣajam| kathayasva prasādena sukhopāyaṁ vimuktaye

Skanda said: O Lord, graciously tell me the remedy for the sorrowful existence of all worlds, and the easy means to liberation.

Verse 10 (skanda.7.473.10)

ईश्वर उवाच। चतुर्विधं तु यत्पापं कोटिजन्मार्जितं कलौ। जागरे वैष्णवं शास्त्रं वाचयित्वा व्यपोहति

īśvara uvāca| caturvidhaṁ tu yatpāpaṁ koṭijanmārjitaṁ kalau| jāgare vaiṣṇavaṁ śāstraṁ vācayitvā vyapohati

Ishvara said: Whatever fourfold sin has been accrued over crores of births, in the Kali age, is removed by having the Vaishnava scripture recited during the night vigil.

Verse 11 (skanda.7.473.11)

वैष्णवस्य तु शास्त्रस्य यो वक्ता जागरे हरेः। मद्भक्तं तं विजानीयाद्विपन्नस्त्वन्यथा भवेत्

vaiṣṇavasya tu śāstrasya yo vaktā jāgare hareḥ| madbhaktaṁ taṁ vijānīyādvipannastvanyathā bhavet

He who is the reciter of Vaishnava scripture during Hari's night vigil should be known as my devotee; otherwise, one falls into calamity.

Verse 12 (skanda.7.473.12)

हरिजागरणं कार्यं मद्भक्तेन विजानता। अन्यथा पापिनो ज्ञेया ये द्विषन्ति जनार्द्दनम्

harijāgaraṇaṁ kāryaṁ madbhaktena vijānatā| anyathā pāpino jñeyā ye dviṣanti janārddanam

My devotee, knowing this, must perform Hari's night vigil. Those who bear hatred for Janardana should otherwise be known as sinners.

Verse 13 (skanda.7.473.13)

जागरं ये च कुर्वंति गायंति हरिवासरे। अग्निष्टोमफलं तेषां निमिषार्द्धेन षण्मुख

jāgaraṁ ye ca kurvaṁti gāyaṁti harivāsare| agniṣṭomaphalaṁ teṣāṁ nimiṣārddhena ṣaṇmukha

O six-faced one, those who keep the vigil and sing on Hari's day obtain the fruit of the Agnishtoma sacrifice in but half a moment.

Verse 14 (skanda.7.473.14)

जागरे पश्यतां विष्णोर्मुखं रात्रौ मुहुर्मुहुः। येषां हृष्यंति रोमाणि रात्रौ जागरणे हरेः। कुलानि दिवि तावंति वसंति हरिसन्निधौ

jāgare paśyatāṁ viṣṇormukhaṁ rātrau muhurmuhuḥ| yeṣāṁ hṛṣyaṁti romāṇi rātrau jāgaraṇe hareḥ| kulāni divi tāvaṁti vasaṁti harisannidhau

Those who, gazing repeatedly upon Vishnu's face through the night of the vigil, feel their hair stand on end during Hari's night vigil — as many of their kinsfolk dwell in heaven, near Hari.

Verse 15 (skanda.7.473.15)

यमस्य पथि निर्मुक्ता जनाः पापशतैर्वृताः। गीतशास्त्रविनोदेन द्वादशीजागरान्विताः

yamasya pathi nirmuktā janāḥ pāpaśatairvṛtāḥ| gītaśāstravinodena dvādaśījāgarānvitāḥ

People, though surrounded by hundreds of sins, who join in the Dvadashi vigil enlivened with song and scriptural discourse, are freed from Yama's path.

Verse 16 (skanda.7.473.16)

सुप्रभाता निशा तेषां धन्याः सुकृतिनो नराः। प्राणात्ययेन मुह्यंति यैः कृतं जागरं हरेः

suprabhātā niśā teṣāṁ dhanyāḥ sukṛtino narāḥ| prāṇātyayena muhyaṁti yaiḥ kṛtaṁ jāgaraṁ hareḥ

For them the night ends in a good dawn; blessed and meritorious are those men who have kept Hari's vigil — they do not become confused at the moment of death.

Verse 17 (skanda.7.473.17)

पुत्रिणस्ते नरा लोके धनिनः ख्यातपौरुषाः। येषां वंशोद्भवाः पुत्राः कुर्वंति हरिजागरम्

putrinaste narā loke dhaninaḥ khyātapauruṣāḥ| yeṣāṁ vaṁśodbhavāḥ putrāḥ kurvaṁti harijāgaram

Those men are, in this world, blessed with sons, wealthy, and renowned for valour, whose descendants perform Hari's night vigil.

Verse 18 (skanda.7.473.18)

इष्टं मखैः कृतं दानं दत्तं पिंडं गयाशिरे। स्नातं नित्यं प्रयागे तु यैः कृतं जागरं हरेः

iṣṭaṁ makhaiḥ kṛtaṁ dānaṁ dattaṁ piṁḍaṁ gayāśire| snātaṁ nityaṁ prayāge tu yaiḥ kṛtaṁ jāgaraṁ hareḥ

Those who have kept Hari's vigil have, as it were, performed sacrifice with offerings, given gifts, offered rice-balls at Gayashirsha, and bathed daily at Prayaga.

Verse 19 (skanda.7.473.19)

दयिता विष्णुभक्ताश्च नित्यं मम षडानन। कुर्वंति वासरं विष्णोर्यस्माज्जागरणं हितम्

dayitā viṣṇubhaktāśca nityaṁ mama ṣaḍānana| kurvaṁti vāsaraṁ viṣṇoryasmājjāgaraṇaṁ hitam

O six-faced one, devotees of Vishnu are ever dear to me, because they observe the vigil on Vishnu's day, which is beneficial.

Verse 20 (skanda.7.473.20)

श्रुत्वा हर्षं न चाप्नोति जागरं न करोति यः। प्रकटीकरोति तन्नूनं जनन्या दुर्विचेष्टितम्

śrutvā harṣaṁ na cāpnoti jāgaraṁ na karoti yaḥ| prakaṭīkaroti tannūnaṁ jananyā durviceṣṭitam

He who, hearing this, feels no joy and does not keep the vigil, thereby reveals, without doubt, his own mother's improper conduct.

Verse 21 (skanda.7.473.21)

संप्राप्य वासरं विष्णोर्न येषां जागरो हरेः। व्यर्थं गतं च तत्पुण्यं तेषां वर्षशतोद्भवम्

saṁprāpya vāsaraṁ viṣṇorna yeṣāṁ jāgaro hareḥ| vyarthaṁ gataṁ ca tatpuṇyaṁ teṣāṁ varṣaśatodbhavam

Those who, having attained Vishnu's day, do not keep Hari's vigil — their merit accumulated over a hundred years has gone to waste.

Verse 22 (skanda.7.473.22)

पुत्रो वा पुत्रपुत्रो वा दौहित्रो दुहिताऽपि वा। करिष्यति कुलेऽस्माकं कलौ जागरणं हरेः

putro vā putraputro vā dauhitro duhitā'pi vā| kariṣyati kule'smākaṁ kalau jāgaraṇaṁ hareḥ

'Whether a son, a grandson, a daughter's son, or a daughter — someone in our family, in the Kali age, will perform Hari's night vigil' —

Verse 23 (skanda.7.473.23)

पात्यमानाः प्रजल्पंति पितरो यमकिंकरैः। मुक्तिर्भविष्यत्यस्माकं नरकाज्जागरे कृते

pātyamānāḥ prajalpaṁti pitaro yamakiṁkaraiḥ| muktirbhaviṣyatyasmākaṁ narakājjāgare kṛte

Thus speak the ancestors, being hurled down by Yama's servants: 'When the vigil is performed, we shall be freed from hell.'

Verse 24 (skanda.7.473.24)

नान्यथा जायतेऽस्माकं मुक्तिर्यज्ञशतैरपि। विना जागरणेनैव नरलोकात्कथंचन। तस्माज्जागरणं कार्यं पितॄणां हितमिच्छता

nānyathā jāyate'smākaṁ muktiryajñaśatairapi| vinā jāgaraṇenaiva naralokātkathaṁcana| tasmājjāgaraṇaṁ kāryaṁ pitṝṇāṁ hitamicchatā

'Not through hundreds of sacrifices will our liberation otherwise come — from the human world, without the vigil, by no means whatsoever.' Therefore one who desires the welfare of his ancestors must perform the vigil.

Verse 25 (skanda.7.473.25)

भक्तिर्भागवतानां च गोविंदस्यापि कीर्तनम्। न देहग्रहणं तस्मात्पुनर्लोके भविष्यति

bhaktirbhāgavatānāṁ ca goviṁdasyāpi kīrtanam| na dehagrahaṇaṁ tasmātpunarloke bhaviṣyati

By devotion to the Bhagavatas and by chanting the name of Govinda, a man does not again take a body in this world.

Verse 26 (skanda.7.473.26)

जागरं कुरुते यश्च संगमे विजयादिने। पुनर्द्देहप्रजननं दग्धं तेनाऽऽत्मना स्वयम्

jāgaraṁ kurute yaśca saṁgame vijayādine| punarddehaprajananaṁ dagdhaṁ tenā'ātmanā svayam

He who keeps the vigil at the confluence of the Vijaya tithi has, by his very self, burned away future rebirth.

Verse 27 (skanda.7.473.27)

त्रिस्पृशा वासरं येन कृतं जागरणान्वितम्। केशवस्य शरीरे तु स लीनो नात्र संशयः

trispṛśā vāsaraṁ yena kṛtaṁ jāgaraṇānvitam| keśavasya śarīre tu sa līno nātra saṁśayaḥ

He who has observed the Trisparsha day accompanied by the vigil becomes absorbed into Keshava's own body — of this there is no doubt.

Verse 28 (skanda.7.473.28)

उन्मीलिनी कृता येन रात्रौ जागरणान्विता। प्रभवंति न पापानि स्थूलसूक्ष्माणि तस्य तु

unmīlinī kṛtā yena rātrau jāgaraṇānvitā| prabhavaṁti na pāpāni sthūlasūkṣmāṇi tasya tu

He who has observed the Unmilini vow at night, accompanied by the vigil — gross and subtle sins have no power over him.

Verse 29 (skanda.7.473.29)

सतालवाद्यसंयुक्तं संगीतं जागरं हरेः। यः कारयति देवस्य द्वादश्यां दानसंयुतम्

satālavādyasaṁyuktaṁ saṁgītaṁ jāgaraṁ hareḥ| yaḥ kārayati devasya dvādaśyāṁ dānasaṁyutam

He who, on Dvadashi, has Hari's vigil performed with music accompanied by cymbals and instruments, together with gift-giving,

Verse 30 (skanda.7.473.30)

तस्य पुण्यं प्रवक्ष्यामि महाभागवतस्य हि। तिलप्रस्थहस्रं तु सहिरण्यं द्विजातये। दत्त्वा यत्फलमाप्नोति ह्ययने रविसंक्रमे

tasya puṇyaṁ pravakṣyāmi mahābhāgavatasya hi| tilaprasthasahasraṁ tu sahiraṇyaṁ dvijātaye| dattvā yatphalamāpnoti hyayaneravisaṁkrame

I shall tell the merit of that great devotee — the fruit obtained by giving a thousand prasthas of sesame together with gold to a brahmin at the solstice, when the sun changes its course,

Verse 31 (skanda.7.473.31)

हेमभारशतं नित्यं सवत्सं कपिलायुतम्। प्रेक्षणीयप्रदानेन तत्फलं प्राप्नुयात्कलौ

hemabhāraśataṁ nityaṁ savatsaṁ kapilāyutam| prekṣaṇīyapradānena tatphalaṁ prāpnuyātkalau

the fruit of a hundred measures of gold given daily, and of a kapila cow with her calf — that fruit he obtains, in the Kali age, merely through the gift of witnessing the vigil.

Verse 32 (skanda.7.473.32)

यः पुनर्वासरे पुत्र दिव्यैर्ऋषिकृतैः स्तवैः। तोषयेत्पद्मनाभं वै वैदिकैर्विष्णुसामभिः

yaḥ punarvāsare putra divyairṛṣikṛtaiḥ stavaiḥ| toṣayetpadmanābhaṁ vai vaidikairviṣṇusāmabhiḥ

O son, he who, on that day, gratifies Padmanabha with divine hymns composed by sages, and with the Vedic Vishnu-samans,

Verse 33 (skanda.7.473.33)

ऋग्यजुःसामसम्भूतैवैष्णवैश्चैव पुत्रक। संस्कृतैः प्राकृतैः स्तोत्रैरन्यैश्च विविधैस्तथा

ṛgyajuḥsāmasambhūtaivaiṣṇavaiścaiva putraka| saṁskṛtaiḥ prākṛtaiḥ stotrairanyaiśca vividhaistathā

O son, with Vaishnava mantras born of the Rig, Yajur, and Sama, and with hymns in Sanskrit, Prakrit, and other various tongues as well,

Verse 34 (skanda.7.473.34)

प्रीतिं करोति देवेशो द्वादश्यां जागरे स्थितः। शृणु पुण्यं समासेन यद्गीतं ब्रह्मणा मम

prītiṁ karoti deveśo dvādaśyāṁ jāgare sthitaḥ| śṛṇu puṇyaṁ samāsena yadgītaṁ brahmaṇā mama

the Lord of gods, present at the Dvadashi vigil, becomes pleased. Now hear, in brief, the merit which Brahma once told me.

Verse 35 (skanda.7.473.35)

त्रिःसप्तकृत्वो धरणीं त्रिगुणीकृत्य षण्मुख। दत्त्वा यत्फलमाप्नोति तत्फलं प्राप्नुयान्नरः

triḥsaptakṛtvo dharaṇīṁ triguṇīkṛtya ṣaṇmukha| dattvā yatphalamāpnoti tatphalaṁ prāpnuyānnaraḥ

O six-faced one, the fruit obtained by giving away the earth, thrice-multiplied, twenty-one times over — that same fruit a man obtains.

Verse 36 (skanda.7.473.36)

गवां शतसहस्रेण सवत्सेनापि यत्फलम्। तत्फलं प्राप्नुयान्मर्त्त्यः स्तोत्रैर्यस्तोषयेद्धरिम्

gavāṁ śatasahasreṇa savatsenāpi yatphalam| tatphalaṁ prāpnuyānmartyaḥ stotrairyastoṣayeddharim

The fruit obtained by gifting a hundred thousand cows with their calves — that same fruit the mortal obtains who pleases Hari with hymns.

Verse 37 (skanda.7.473.37)

वैदिकी दशगुणा प्रीतिर्यामेनैकेन जागरे। एवं फलानुसारेण कार्य्यं जागरणं हरेः

vaidikī daśaguṇā prītiryāmenaikena jāgare| evaṁ phalānusāreṇa kāryaṁ jāgaraṇaṁ hareḥ

Through Vedic hymns of praise, even a single watch of the vigil brings tenfold delight. Thus, according to the fruit, Hari's vigil should be performed.

Verse 38 (skanda.7.473.38)

यः पुनः पठते रात्रौ गीतां नामसहस्रकम्। द्वादश्यां पुरतो विष्णोर्वेष्णवानां समीपतः

yaḥ punaḥ paṭhate rātrau gītāṁ nāmasahasrakam| dvādaśyāṁ purato viṣṇorveṣṇavānāṁ samīpataḥ

He who, again, on the night of Dvadashi, before Vishnu, in the presence of Vaishnavas, recites the Gita and the thousand names,

Verse 39 (skanda.7.473.39)

पुण्यं भागवतं स्कांदपुराणं दयितं हरेः। माधुरं बालचरितं गोपीनां चरितं तथा

puṇyaṁ bhāgavataṁ skāṁdapurāṇaṁ dayitaṁ hareḥ| mādhuraṁ bālacaritaṁ gopīnāṁ caritaṁ tathā

the holy Bhagavata, the Skanda Purana beloved of Hari, the sweet tale of his childhood, and likewise the story of the gopis —

Verse 40 (skanda.7.473.40)

एतान्पठति रात्रौ यः पूजयित्वा तु केशवम्। न वेद्म्यहं फलं वत्स यदि ज्ञास्यति केशवः

etānpaṭhati rātrau yaḥ pūjayitvā tu keśavam| na vedmyahaṁ phalaṁ vatsa yadi jñāsyati keśavaḥ

he who, having worshipped Keshava, recites these at night — O child, I do not know the fruit of that; perhaps only Keshava himself knows.

Verse 41 (skanda.7.473.41)

दीपं प्रज्वालयेद्रात्रौ यः स्तवैर्हरिजागरे। न चास्तं गच्छते तस्य पुण्यं कल्पशतैरपि

dīpaṁ prajvālayedrātrau yaḥ stavairharijāgare| na cāstaṁ gacchate tasya puṇyaṁ kalpaśatairapi

He who, at Hari's night vigil, lights a lamp along with hymns of praise — his merit does not set, even over hundreds of kalpas.

Verse 42 (skanda.7.473.42)

मंजरीसहितैः पत्रैस्तुलसीसम्भवैर्हरिम्। जागरे पूजयेद्भक्त्या नास्ति तस्य पुनर्भवः

maṁjarīsahitaiḥ patraistulasīsambhavairharim| jāgare pūjayedbhaktyā nāsti tasya punarbhavaḥ

He who, at the vigil, devotedly worships Hari with tulasi leaves accompanied by their clusters, does not undergo rebirth.

Verse 43 (skanda.7.473.43)

स्नानं विलेपनं पूजा धूपं दीपं च संस्तवम्। नैवेद्यं च सतांबूलं जागरे दत्तमक्षयम्

snānaṁ vilepanaṁ pūjā dhūpaṁ dīpaṁ ca saṁstavam| naivedyaṁ ca satāṁbūlaṁ jāgare dattamakṣayam

Bathing, anointing, worship, incense, lamps, hymns of praise, food-offerings, and betel — all of this, given during the vigil, becomes imperishable.

Verse 44 (skanda.7.473.44)

ध्यातुमिच्छति षड्वक्त्रं यो मां भक्तिपरायणः। स करोतु महाभक्त्या द्वादश्यां जागरं हरेः

dhyātumicchati ṣaḍvaktraṁ yo māṁ bhaktiparāyaṇaḥ| sa karotu mahābhaktyā dvādaśyāṁ jāgaraṁ hareḥ

O six-faced one, he who, devoted to me, wishes to meditate upon me, let him, with great devotion, perform Hari's vigil on Dvadashi.

Verse 45 (skanda.7.473.45)

वासरे वासुदेवस्य सर्वे देवाः सवासवाः। देहमाश्रित्य तिष्ठंति ये प्रकुर्वंति जागरम्

vāsare vāsudevasya sarve devāḥ savāsavāḥ| dehamāśritya tiṣṭhaṁti ye prakurvaṁti jāgaram

On Vasudeva's day, all the gods, together with Indra, take up residence within the body of those who perform the vigil.

Verse 46 (skanda.7.473.46)

जागरेवासुदेवस्य महाभारतकीर्तनम्। ये कुर्वंति गतिं यांति योगिनां ते न संशयः

jāgare vāsudevasya mahābhāratakīrtanam| ye kurvaṁti gatiṁ yāṁti yogināṁ te na saṁśayaḥ

Those who, at Vasudeva's vigil, recite the Mahabharata, attain the destination of yogis — of this there is no doubt.

Verse 47 (skanda.7.473.47)

चरितं रामदेवस्य ये वधं रावणस्य च। पठंति जागरे विष्णोस्ते यांति परमां गतिम्

caritaṁ rāmadevasya ye vadhaṁ rāvaṇasya ca| paṭhaṁti jāgare viṣṇoste yāṁti paramāṁ gatim

Those who, at Vishnu's vigil, recite the story of Lord Rama and the slaying of Ravana attain the supreme destination.

Verse 48 (skanda.7.473.48)

अधीत्य चतुरो वेदान्कृत्वा चैवार्चनं हरेः। स्नात्वा च सर्वतीर्थेषु जागरे तत्फलं हरेः

adhītya caturo vedānkṛtvā caivārcanaṁ hareḥ| snātvā ca sarvatīrtheṣu jāgare tatphalaṁ hareḥ

The fruit obtained by studying the four Vedas, performing worship of Hari, and bathing at all tirthas — that same fruit comes from Hari's vigil.

Verse 49 (skanda.7.473.49)

रथानामयुतैर्यत्तु सहस्रैर्वरवारणैः। लक्षेणाश्ववराणां तु तत्फलं जागरे हरेः

rathānāmayutairyattu sahasrairvaravāraṇaiḥ| lakṣeṇāśvavarāṇāṁ tu tatphalaṁ jāgare hareḥ

The fruit obtained by giving ten thousand chariots, thousands of fine elephants, and a hundred thousand fine horses — that same fruit comes from Hari's vigil.

Verse 50 (skanda.7.473.50)

धान्यशैलसहस्रैस्तु तुलापुरुषकोटिभिः। यत्फलं मुनिभिः प्रोक्तं तत्फलं जागरे हरेः

dhānyaśailasahasraistu tulāpuruṣakoṭibhiḥ| yatphalaṁ munibhiḥ proktaṁ tatphalaṁ jāgare hareḥ

The fruit declared by the sages for thousands of mountains of grain and crores of tulapurusha gifts — that same fruit comes from Hari's vigil.

Verse 51 (skanda.7.473.51)

कन्याकोटिप्रदानं च स्वर्णभारशतं तथा। दत्तं रत्नायुतशतं यैः कृतो जागरो हरेः

kanyākoṭipradānaṁ ca svarṇabhāraśataṁ tathā| dattaṁ ratnāyutaśataṁ yaiḥ kṛto jāgaro hareḥ

Equal to the gift of crores of maidens, a hundred measures of gold, and hundreds of thousands of gems is the merit of those who have performed Hari's vigil.

Verse 52 (skanda.7.473.52)

अष्टादशपुराणैस्तु पठितैर्यत्फलं भवेत्। तत्फलं शतसाहस्रं कृते जागरणे हरेः

aṣṭādaśapurāṇaistu paṭhitairyatphalaṁ bhavet| tatphalaṁ śatasāhasraṁ kṛte jāgaraṇe hareḥ

The fruit that comes from reciting the eighteen Puranas — that fruit becomes a hundred-thousand-fold when Hari's vigil is performed.

Verse 53 (skanda.7.473.53)

मन्वादि पठतां शास्त्रं यत्फलं हि द्विजन्मनः। अधिकं फलमाप्नोति कुर्वाणो जागरं हरेः

manvādi paṭhatāṁ śāstraṁ yatphalaṁ hi dvijanmanaḥ| adhikaṁ phalamāpnoti kurvāṇo jāgaraṁ hareḥ

Whatever fruit a twice-born who recites the Manu-scripture and other treatises obtains — he who performs Hari's vigil obtains even greater fruit than that.

Verse 54 (skanda.7.473.54)

दुर्भिक्षे चान्नदातॄणां पुंसां भवति यत्फलम्। संन्यासिनां सहस्रैस्तु यत्फलं भोजितैः कलौ। फलं तत्समवाप्नोति कुर्वतां जागरं हरेः

durbhikṣe cānnadātṝṇāṁ puṁsāṁ bhavati yatphalam| saṁnyāsināṁ sahasraistu yatphalaṁ bhojitaiḥ kalau| phalaṁ tatsamavāpnoti kurvatāṁ jāgaraṁ hareḥ

Whatever fruit accrues to those who give food during a famine, and whatever fruit comes from feeding a thousand ascetics in the Kali age — that fruit is obtained by those who perform Hari's vigil.