The Glory of the Dvadashi Vigil, Continued

Verse 1 (skanda.7.475.1)

मार्कण्डेय उवाच। कृत्वा जागरणं विष्णोर्यथान्यायं नरेश्वर। पितॄन्यच्छति पुण्यं च ततः किं कुरुते यमः

mārkaṇḍeya uvāca| kṛtvā jāgaraṇaṁ viṣṇoryathānyāyaṁ nareśvara| pitṝnyacchati puṇyaṁ ca tataḥ kiṁ kurute yamaḥ

Markandeya said: O lord of men, one who duly performs Vishnu's vigil and offers its merit to the ancestors — what more can Yama then do to him?

Verse 2 (skanda.7.475.2)

भुक्तो वा यदि वाऽभुक्तः स्वच्छो वाऽस्वच्छ एव वा। विमुक्तिः कथिता तत्र हरिजागरणान्नृणाम्

bhukto vā yadi vā'bhuktaḥ svaccho vā'svaccha eva vā| vimuktiḥ kathitā tatra harijāgaraṇānnṛṇām

Whether one has eaten or not, whether pure or impure — liberation for men is declared through Hari's night vigil.

Verse 3 (skanda.7.475.3)

अस्नातो वा नरः स्नातो जागरे समुपस्थिते। सर्वतीर्थाप्लुतो ज्ञेयस्तं दृष्ट्वा दिवमाव्रजेत्

asnāto vā naraḥ snāto jāgare samupasthite| sarvatīrthāpluto jñeyastaṁ dṛṣṭvā divamāvrajet

When the vigil is present, a man, whether bathed or unbathed, should be known as one who has bathed at all tirthas; seeing him, one should go to heaven.

Verse 4 (skanda.7.475.4)

श्वपचा जागरं कृत्वा पदं निर्वाणमागताः। किं पुनर्वर्णसंभूताः सदाचारपरास्तथा

śvapacā jāgaraṁ kṛtvā padaṁ nirvāṇamāgatāḥ| kiṁ punarvarṇasaṁbhūtāḥ sadācāraparāstathā

Even outcastes, by performing the vigil, have attained the state of liberation — how much more, then, those born into the varnas and devoted to good conduct!

Verse 5 (skanda.7.475.5)

युवतीनादमाकर्ण्य यथा निद्रा न जायते। जागरे चैवमेव स्यात्तत्कथानां च कीर्तने

yuvatīnādamākarṇya yathā nidrā na jāyate| jāgare caivameva syāttatkathānāṁ ca kīrtane

Just as sleep does not come upon hearing the voice of young women, so should it be at the vigil, and at the recitation of his stories.

Verse 6 (skanda.7.475.6)

ब्रह्महत्या सुरापानं स्तेयं गुर्वंगनागमः। उत्कल्लनं मनःपापं शोधयेद्विष्णु जागरः

brahmahatyā surāpānaṁ steyaṁ gurvaṁganāgamaḥ| utkallanaṁ manaḥpāpaṁ śodhayedviṣṇu jāgaraḥ

The killing of a brahmin, drinking liquor, theft, union with a guru's wife, and sin arising in the mind — Vishnu's vigil purifies all of these.

Verse 7 (skanda.7.475.7)

विमुक्तिः कामुकस्योक्ता किं पुनर्वीक्षतां हरिम्

vimuktiḥ kāmukasyoktā kiṁ punarvīkṣatāṁ harim

Liberation is declared even for one governed by lust; how much more, then, for those who behold Hari!

Verse 8 (skanda.7.475.8)

वाचिकं मानसं पापं करणैर्यदुपार्जितम्। अन्यैर्निमिषमात्रेण व्यपोहति न संशयः

vācikaṁ mānasaṁ pāpaṁ karaṇairyadupārjitam| anyairnimiṣamātreṇa vyapohati na saṁśayaḥ

Sin accrued through speech, mind, and the other senses — this vigil removes in but a moment, without doubt.

Verse 9 (skanda.7.475.9)

गोष्ठ्यां समागता ये तु तेषां पापं कुतः स्मृतम्। मातृपूजा गयाश्राद्धं सुतीर्थगमनं तथा। जागरस्य नृणां राजन्समानि कवयो विदुः

goṣṭhyāṁ samāgatā ye tu teṣāṁ pāpaṁ kutaḥ smṛtam| mātṛpūjā gayāśrāddhaṁ sutīrthagamanaṁ tathā| jāgarasya nṛṇāṁ rājansamāni kavayo viduḥ

Where, indeed, is any sin ascribed to those who gather in such an assembly? O king, the wise have known the worship of one's mother, the shraddha at Gaya, and pilgrimage to excellent tirthas to be equal, for men, to the vigil.

Verse 10 (skanda.7.475.10)

जननीपूजनं भूप ह्यश्वमेधायुतैः समम्। पूर्णं वर्षशतं भूप कुशाग्रेणोद्धृतं जलम्

jananīpūjanaṁ bhūpa hyaśvamedhāyutaiḥ samam| pūrṇaṁ varṣaśataṁ bhūpa kuśāgreṇoddhṛtaṁ jalam

O king, worship of one's mother equals ten thousand Ashvamedha sacrifices. O king, water lifted by the tip of a kusha blade for a full hundred years,

Verse 11 (skanda.7.475.11)

पिबन्पात्रे द्विजः सम्यक्तीर्थे पुष्करसंज्ञिते। जागरस्यैव चैतानि कलां नार्हंति षोडशीम्

pibanpātre dvijaḥ samyaktīrthe puṣkarasaṁjñite| jāgarasyaiva caitāni kalāṁ nārhaṁti ṣoḍaśīm

drunk properly from a vessel by a brahmin at the tirtha called Pushkara — all these together are not worth a sixteenth part of the vigil.

Verse 12 (skanda.7.475.12)

कृत्वा कांचनसंपूर्णां वसुधां वसुधाधिप। दत्त्वा यत्फलमाप्नोति तत्फलं हरिजागरे

kṛtvā kāṁcanasaṁpūrṇāṁ vasudhāṁ vasudhādhipa| dattvā yatphalamāpnoti tatphalaṁ harijāgare

O lord of the earth, the fruit obtained by making the whole earth of gold and giving it away — that same fruit comes from Hari's vigil.

Verse 13 (skanda.7.475.13)

निकृंतनं कर्मणश्च ह्यात्मना दुष्कृतं कृतम्। व्यपोहति न संदेहो येन जागरणं कृतम्

nikṛṁtanaṁ karmaṇaśca hyātmanā duṣkṛtaṁ kṛtam| vyapohati na saṁdeho yena jāgaraṇaṁ kṛtam

He who has kept the vigil cuts through the bond of the fruit of whatever evil deeds he has himself committed — of this there is no doubt.

Verse 14 (skanda.7.475.14)

संक्षेपतः प्रवक्ष्यामि पुनरेव महीपते। जागरे पद्मनाभस्य यत्फलं कवयो विदुः

saṁkṣepataḥ pravakṣyāmi punareva mahīpate| jāgare padmanābhasya yatphalaṁ kavayo viduḥ

O king, again I shall tell, in brief, the fruit which the wise have known of Padmanabha's vigil.

Verse 15 (skanda.7.475.15)

रवेर्बिंबमिदं भित्त्वा स योगी हरिजागरे। प्रयाति परमं स्थानं योगिगम्यं निरंजनम्। सांख्ययोगैः सुदुःखेन प्राप्यते यत्पदं हरेः

raverbiṁbamidaṁ bhittvā sa yogī harijāgare| prayāti paramaṁ sthānaṁ yogigamyaṁ niraṁjanam| sāṁkhyayogaiḥ suduḥkhena prāpyate yatpadaṁ hareḥ

Through Hari's vigil, that yogi pierces this orb of the sun and goes to that supreme, stainless abode attainable by yogis — that station of Hari which is otherwise gained only with great difficulty through Sankhya and Yoga.

Verse 16 (skanda.7.475.16)

नद्यो नदा यथा यांति सागरे संस्थितिं क्रमात्। एवं जागरणात्सर्वे तत्पदे यांति संस्थितिम्

nadyo nadā yathā yāṁti sāgare saṁsthitiṁ kramāt| evaṁ jāgaraṇātsarve tatpade yāṁti saṁsthitim

As rivers and streams flow in due order to find their resting place in the ocean, so too, through the vigil, all attain their resting place in that supreme abode.

Verse 17 (skanda.7.475.17)

मेरुमंदरमानानि कृत्वा पापानि वा नरः। हरिजागरणे तानि व्यपोहति न संशयः

merumaṁdaramānāni kṛtvā pāpāni vā naraḥ| harijāgaraṇe tāni vyapohati na saṁśayaḥ

Even if a man has committed sins as vast as Mount Meru and Mount Mandara, he removes them all at Hari's night vigil — of this there is no doubt.

Verse 18 (skanda.7.475.18)

राज्यं स्वर्गं तथा मोक्षं यच्चान्यदीप्सितं नृणाम्। ददाति भगवान्कृष्णः स्वगीतैर्जागरे स्थितः

rājyaṁ svargaṁ tathā mokṣaṁ yaccānyadīpsitaṁ nṛṇām| dadāti bhagavānkṛṣṇaḥ svagītairjāgare sthitaḥ

The Lord Krishna, present at the vigil, through his own songs, grants to men kingship, heaven, liberation, and whatever else is desired.

Verse 19 (skanda.7.475.19)

जागरेणैव पापानां श्वपचानां महीपते। तत्पदं कविभिः प्रोक्तं किं पुनस्तु द्विजन्मनाम्

jāgareṇaiva pāpānāṁ śvapacānāṁ mahīpate| tatpadaṁ kavibhiḥ proktaṁ kiṁ punastu dvijanmanām

O king, by the vigil alone, that supreme state has been declared by the wise even for sinful outcastes — how much more, then, for the twice-born!

Verse 20 (skanda.7.475.20)

जपध्यानविहीनस्य गायकस्यापि भूपते। कर्मभ्रष्टस्य च प्रोक्तो मोक्षस्तु हरिजागरे

japadhyānavihīnasya gāyakasyāpi bhūpate| karmabhraṣṭasya ca prokto mokṣastu harijāgare

O king, liberation through Hari's vigil is declared even for one devoid of recitation and meditation, a mere singer, and one fallen from proper duty.

Verse 21 (skanda.7.475.21)

तन्नास्ति त्रिषु लोकेषु पुण्यं पुण्यवतां नृणाम्। यत्तु साधयते भूप जागरे संव्यवस्थितः

tannāsti triṣu lokeṣu puṇyaṁ puṇyavatāṁ nṛṇām| yattu sādhayate bhūpa jāgare saṁvyavasthitaḥ

O king, there is no merit in the three worlds, belonging to meritorious men, that one established at the vigil does not achieve.

Verse 22 (skanda.7.475.22)

त्वया पुनरिदं कार्य्यं स्मर्त्तव्यो गरुडध्वजः। एकादश्यां न भोक्तव्यं कर्तव्यं जागरं सदा

tvayā punaridaṁ kāryaṁ smarttavyo garuḍadhvajaḥ| ekādaśyāṁ na bhoktavyaṁ kartavyaṁ jāgaraṁ sadā

This you must always do — remember the bearer of the Garuda banner; on Ekadashi one should not eat, and should always keep the vigil.

Verse 23 (skanda.7.475.23)

जागरे वर्त्तमानस्य श्वपचस्य गतिर्भवेत्। किंपुनर्वर्णजातीनां वैष्णवानां महीपते

jāgare varttamānasya śvapacasya gatirbhavet| kiṁpunarvarṇajātīnāṁ vaiṣṇavānāṁ mahīpate

O king, even an outcaste present at the vigil attains liberation — how much more, then, for Vaishnavas born into the varnas!

Verse 24 (skanda.7.475.24)

ये तु जागरणे निद्रां न यांति नृपपुंगव। न तेषां जननी याति खेदं गर्भावधारणात्

ye tu jāgaraṇe nidrāṁ na yāṁti nṛpapuṁgava| na teṣāṁ jananī yāti khedaṁ garbhāvadhāraṇāt

O foremost of kings, those who do not succumb to sleep during the vigil — their mother does not suffer the distress of having borne them in her womb.

Verse 25 (skanda.7.475.25)

तस्माज्जागरणं कार्य्यं मातुर्जठरवर्जिभिः। भीतेर्मोक्षपरैर्मर्त्यैः सुखचेष्टाबहिष्कृतैः

tasmājjāgaraṇaṁ kāryaṁ māturjaṭharavarjibhiḥ| bhītermokṣaparairmartyaiḥ sukhaceṣṭābahiṣkṛtaiḥ

Therefore mortals, freed from the mother's womb, intent upon liberation from fear, and setting aside comfortable ease, should perform the vigil.

Verse 26 (skanda.7.475.26)

यस्तु जागरणं रात्रौ कुर्याद्भक्तिसमन्वितः। निमिषेनिमिषे राजन्नश्वमेधफलं लभेत्

yastu jāgaraṇaṁ rātrau kuryādbhaktisamanvitaḥ| nimiṣenimiṣe rājannaśvamedhaphalaṁ labhet

O king, he who, with devotion, keeps the vigil through the night obtains the fruit of an Ashvamedha sacrifice for every single moment.

Verse 27 (skanda.7.475.27)

शयनोत्थापनाभ्यां च समं पुण्यमुदाहृतम्। विशेषो नास्ति भूपाल विष्णुना कथितं पुरा

śayanotthāpanābhyāṁ ca samaṁ puṇyamudāhṛtam| viśeṣo nāsti bhūpāla viṣṇunā kathitaṁ purā

Equal merit is declared for both putting the deity to rest and waking him; O king, there is no distinction — thus did Vishnu himself declare of old.

Verse 28 (skanda.7.475.28)

ब्राह्मणाः क्षत्रिया वैश्याः स्थिताः शूद्राश्च जागरे। पक्षिणः कृमिकीटाश्च ह्यनेके चैव जंतवः। ते गताः परमं स्थानं योगिगम्यं निरंजनम्

brāhmaṇāḥ kṣatriyā vaiśyāḥ sthitāḥ śūdrāśca jāgare| pakṣiṇaḥ kṛmikīṭāśca hyaneke caiva jaṁtavaḥ| te gatāḥ paramaṁ sthānaṁ yogigamyaṁ niraṁjanam

Brahmins, kshatriyas, vaishyas, and shudras present at the vigil, and birds, worms, insects, and many other creatures too — all of them attain that supreme, stainless abode attainable by yogis.

Verse 29 (skanda.7.475.29)

यानि कानि च पापानि ब्रह्महत्यासमानि च। कृष्णजागरणे तानि क्षयं यांति न संशयः

yāni kāni ca pāpāni brahmahatyāsamāni ca| kṛṣṇajāgaraṇe tāni kṣayaṁ yāṁti na saṁśayaḥ

Whatever sins exist, equal to the killing of a brahmin, all of them are dissolved at Krishna's vigil — of this there is no doubt.

Verse 30 (skanda.7.475.30)

एकतः क्रतवः सर्वे सर्वतीर्थसमन्विताः। एकतो देवदेवस्य जागरः कृष्णवल्लभः। न समं ह्यधिकः प्रोक्तः कविभिः कृष्णजागरः

ekataḥ kratavaḥ sarve sarvatīrthasamanvitāḥ| ekato devadevasya jāgaraḥ kṛṣṇavallabhaḥ| na samaṁ hyadhikaḥ proktaḥ kavibhiḥ kṛṣṇajāgaraḥ

On one side stand all sacrifices together with all tirthas; on the other, the vigil of the god of gods, beloved of Krishna — the wise have declared Krishna's vigil not merely equal, but greater.

Verse 31 (skanda.7.475.31)

सूर्यशक्रादयो देवा ब्रह्मरुद्रादयो गणाः। नित्यमेव समायांति जागरे कृष्णवल्लभे

sūryaśakrādayo devā brahmarudrādayo gaṇāḥ| nityameva samāyāṁti jāgare kṛṣṇavallabhe

The Sun, Indra, and the other gods, the hosts led by Brahma and Rudra — all of them ever gather at that vigil beloved of Krishna.

Verse 32 (skanda.7.475.32)

गंगा सरस्वती रेवा यमुना च शतह्रदा। चंद्रभागा वितस्ता च नद्यः सर्वाश्च तत्र वै

gaṁgā sarasvatī revā yamunā ca śatahradā| caṁdrabhāgā vitastā ca nadyaḥ sarvāśca tatra vai

The Ganga, Sarasvati, Narmada, Yamuna, Shatadru, Chandrabhaga, Vitasta, and all other rivers come there.

Verse 33 (skanda.7.475.33)

सरांसि च ह्रदाश्चैव समुद्राः कृत्स्नशो नृप। एकादश्यां नृपश्रेष्ठ गच्छंति हरिजागरे

sarāṁsi ca hradāścaiva samudrāḥ kṛtsnaśo nṛpa| ekādaśyāṁ nṛpaśreṣṭha gacchaṁti harijāgare

O best of kings, on Ekadashi, lakes, pools, and all the oceans entirely go to Hari's vigil.

Verse 34 (skanda.7.475.34)

स्पृहणीयास्तु देवेभ्यो ये नराः कृष्णजागरे। नृत्यं गीतं प्रकुर्वंति वीणावाद्यं तथैव च

spṛhaṇīyāstu devebhyo ye narāḥ kṛṣṇajāgare| nṛtyaṁ gītaṁ prakurvaṁti vīṇāvādyaṁ tathaiva ca

Those men who, at Krishna's vigil, perform dance and song, and play the vina, are objects of envy even to the gods.

Verse 35 (skanda.7.475.35)

भक्त्या वाऽप्यथवाऽभक्त्या शुचिर्वाप्यथवाऽशुचिः। कृत्वा जागरणं विष्णोर्मुच्यते पापकोटिभिः

bhaktyā vā'pyathavā'bhaktyā śucirvāpyathavā'śuciḥ| kṛtvā jāgaraṇaṁ viṣṇormucyate pāpakoṭibhiḥ

Whether with devotion or without it, whether pure or impure, having performed Vishnu's vigil, a man is freed from crores of sins.

Verse 36 (skanda.7.475.36)

पादयोः पांसुकणिका यावत्तिष्ठंति भूतले। तावद्वर्षसहस्राणि जागरी वसते दिवि

pādayoḥ pāṁsukaṇikā yāvattiṣṭhaṁti bhūtale| tāvadvarṣasahasrāṇi jāgarī vasate divi

For as many thousands of years as there are particles of dust clinging to his feet upon this earth, so long does the one who keeps the vigil dwell in heaven.

Verse 37 (skanda.7.475.37)

तस्माद्गृहं प्रगन्तव्यं जागरे माधवस्य च। कलौ मलविनाशाय द्वादशद्वादशीषु च

tasmādgṛhaṁ pragantavyaṁ jāgare mādhavasya ca| kalau malavināśāya dvādaśadvādaśīṣu ca

Therefore, in the Kali age, for the destruction of sin, one should go to Madhava's house of vigil on each of the twelve Dvadashis of the year.

Verse 38 (skanda.7.475.38)

सुबहून्यपि पापानि कृत्वा जागरणं हरेः। निर्द्दहेन्मेरुतुल्यानि युगकोटिशतान्यपि

subahūnyapi pāpāni kṛtvā jāgaraṇaṁ hareḥ| nirddahenmerutulyāni yugakoṭiśatānyapi

Very many sins, even those as great as Mount Meru, accumulated over hundreds of crores of ages, are burned away by performing Hari's vigil.

Verse 39 (skanda.7.475.39)

उन्मीलिनी महीपाल यैः कृता प्रीतिसंयुतैः। कलौ जागरणोपेता फलं वक्ष्यामि तच्छृणु

unmīlinī mahīpāla yaiḥ kṛtā prītisaṁyutaiḥ| kalau jāgaraṇopetā phalaṁ vakṣyāmi tacchṛṇu

O king, those who, with love, in the Kali age, have observed the Unmilini vow accompanied by the vigil — I shall tell their fruit; listen.

Verse 40 (skanda.7.475.40)

स्थितौ युगसहस्रं तु पादेनैकेन भूतले। काश्यां च जाह्नवीतीरे तत्फलं लभते नरः

sthitau yugasahasraṁ tu pādenaikena bhūtale| kāśyāṁ ca jāhnavītīre tatphalaṁ labhate naraḥ

The fruit obtained by standing on one foot for a thousand yugas at Kashi, on the bank of the Ganga — that same fruit a man obtains.

Verse 41 (skanda.7.475.41)

भवेद्युगसहस्रं च विनाऽऽहारेण यत्फलम्। उन्मीलिनीं समासाद्य फलं जागरणे हरेः

bhavedyugasahasraṁ ca vinā'āhāreṇa yatphalam| unmīlinīṁ samāsādya phalaṁ jāgaraṇe hareḥ

The fruit that would come from remaining without food for a thousand yugas — that fruit is obtained through Hari's vigil upon observing the Unmilini.

Verse 42 (skanda.7.475.42)

दुष्प्राप्यं वैष्णवं स्थानं मखकोटिशतैः कृतैः। हेलया प्राप्यते नूनं द्वादश्यां जागरे कृते

duṣprāpyaṁ vaiṣṇavaṁ sthānaṁ makhakoṭiśataiḥ kṛtaiḥ| helayā prāpyate nūnaṁ dvādaśyāṁ jāgare kṛte

The Vaishnava abode, hard to attain even through hundreds of crores of sacrifices, is surely, effortlessly attained by performing the vigil on Dvadashi.

Verse 43 (skanda.7.475.43)

न कुर्वंति व्रतं विष्णोर्जागरेण समन्वितम्। परस्वं पारदार्यं च पापं तान्प्रति गच्छति

na kurvaṁti vrataṁ viṣṇorjāgareṇa samanvitam| parasvaṁ pāradāryaṁ ca pāpaṁ tānprati gacchati

Those who do not observe Vishnu's vow accompanied by the vigil — the sin of coveting another's wealth and another's wife falls upon them.

Verse 44 (skanda.7.475.44)

एकेनैवोपवासेन भावहीनास्तु मानवाः। निर्द्दग्धाऽखिलपापास्ते प्रयांति स्वर्गकाननम्

ekenaivopavāsena bhāvahīnāstu mānavāḥ| nirddagdhā'khilapāpāste prayāṁti svargakānanam

Even men devoid of proper feeling, by a single fast, burn away all their sins and attain the celestial grove of heaven.

Verse 45 (skanda.7.475.45)

यत्र भागवतं शास्त्रं यत्र जागरणं हरेः। शालिग्रामशिला यत्र तत्र गच्छेद्धरिः स्वयम्

yatra bhāgavataṁ śāstraṁ yatra jāgaraṇaṁ hareḥ| śāligrāmaśilā yatra tatra gacchaddhariḥ svayam

Where the Bhagavata scripture is, where Hari's vigil takes place, where the Shaligrama stone is — there Hari himself goes.

Verse 46 (skanda.7.475.46)

न पुर्य्यः पावनाः सप्त कलौ वेदवचो नहि। यादृशं वासरं विष्णोः पावनं जागरान्वितम्

na puryaḥ pāvanāḥ sapta kalau vedavaco nahi| yādṛśaṁ vāsaraṁ viṣṇoḥ pāvanaṁ jāgarānvitam

In the Kali age, neither the seven sacred cities nor even the words of the Veda are as purifying as Vishnu's day accompanied by the vigil.

Verse 47 (skanda.7.475.47)

संप्राप्ते वासरे विष्णोर्ये न कुर्वंति जागरम्। मज्जंति नरके घोरे नरानार्य्यो न संशयः

saṁprāpte vāsare viṣṇorye na kurvaṁti jāgaram| majjaṁti narake ghore narānāryo na saṁśayaḥ

Those men and women who, when Vishnu's day arrives, do not perform the vigil sink into terrible hell — of this there is no doubt.