The Granting of the Boon to Jamadagnya

Verse 1 (skanda.8.121.1)

सनत्कुमार उवाच । तेऽथ दृष्ट्वा महादेवं सप्तलोकैकबान्धवम् । ऊचुः प्राञ्जलयः सर्वे जानुभ्यां शिरसा नताः

sanatkumāra uvāca | te'tha dṛṣṭvā mahādevaṁ saptalokaikabāndhavam | ūcuḥ prāñjalayaḥ sarve jānubhyāṁ śirasā natāḥ

Sanatkumara said: Then, having seen the great god, the sole kinsman of the seven worlds, all the gods spoke with joined palms, bowing with knees and head.

Verse 2 (skanda.8.121.2)

भगवँल्लोककामेन हरिणा देवसत्तम । कृतः प्रतिग्रहः पूर्वं येन पाप्मा तमर्च्छत

bhagava~llokakāmena hariṇā devasattama | kṛtaḥ pratigrahaḥ pūrvaṁ yena pāpmā tamarcchata

O Lord, best of gods, out of desire for the world's welfare Hari earlier accepted a sacrificial gift, and because of that, Sin has come upon him.

Verse 3 (skanda.8.121.3)

तदस्य जगतो नाथ भक्तस्य प्रणतस्य च । अस्माभिर्याच्यमानस्त्वं कुरु श्रेयः सुरेश्वरः

tadasya jagato nātha bhaktasya praṇatasya ca | asmābhiryācyamānastvaṁ kuru śreyaḥ sureśvaraḥ

Therefore, O Lord of the world, we beseech you: grant welfare to this devoted and prostrate one, O Lord of the gods.

Verse 4 (skanda.8.121.4)

समाप्यतामयं यज्ञः पाप्मना मुच्यतां हरिः । स्वामूर्जां प्रतिपद्यन्तां देवाः सर्वे सवासवाः

samāpyatāmayaṁ yajñaḥ pāpmanā mucyatāṁ hariḥ | svāmūrjāṁ pratipadyantāṁ devāḥ sarve savāsavāḥ

Let this sacrifice be completed, let Hari be freed from sin, and let all the gods together with Vasava regain their own strength.

Verse 5 (skanda.8.121.5)

तेषां तद्वचनं श्रुत्वा भगवान् हृषिताननः । समाप्य यज्ञं शूलेन गिरिं तं समवारयत्

teṣāṁ tadvacanaṁ śrutvā bhagavān hṛṣitānanaḥ | samāpya yajñaṁ śūlena giriṁ taṁ samavārayat

Hearing their words, the Blessed Lord, his face delighted, completed the sacrifice and held back that mountain with his trident.

Verse 6 (skanda.8.121.6)

तस्माद् भेदात्ततो ह्यापः सुधाशंखेन्दुपाण्डराः । निःसृतास्तत्र ते विष्णुं स्नपयाञ्चक्रिरे तदा

tasmād bhedāttato hyāpaḥ sudhāśaṁkhendupāṇḍarāḥ | niḥsṛtāstatra te viṣṇuṁ snapayāñcakrire tadā

From that cleft there flowed forth waters white as nectar, conch, and moon, and with them they then bathed Vishnu.

Verse 7 (skanda.8.121.7)

तस्याथ स्नातमात्रस्य शरीरादभिनिःसृता । पाप्मासुरी महाघोरा विकृता विकृतानना

tasyātha snātamātrasya śarīrādabhiniḥsṛtā | pāpmāsurī mahāghorā vikṛtā vikṛtānanā

Then, from the body of him who had just bathed, there emerged a most terrible demoness called Papma (Sin), deformed and with a deformed face.

Verse 8 (skanda.8.121.8)

देवानभिद्रुता हन्तुं निरुद्धा देवबन्धुना । उवाच तां न हन्तव्या देवाः सर्वे सवासवाः

devānabhidrutā hantuṁ niruddhā devabandhunā | uvāca tāṁ na hantavyā devāḥ sarve savāsavāḥ

She rushed upon the gods to slay them, but was restrained by the Kinsman of the gods. [A portion of the original text is lost here.] He said that she should not be killed by all the gods together with Vasava.

Verse 9 (skanda.8.121.9)

इहैव च तव स्थानं भविष्यति सुपूजितम् । पुण्या च सर्वतीर्थेभ्यः सर्वपातकनाशनी

ihaiva ca tava sthānaṁ bhaviṣyati supūjitam | puṇyā ca sarvatīrthebhyaḥ sarvapātakanāśanī

Right here shall be your well-worshipped abode, and you shall be more sacred than all the sacred fords, destroying every sin.

Verse 10 (skanda.8.121.10)

सप्त पूर्वान् परांश्चैव तारयिष्यसि नित्यशः । संध्येति जगति ख्याता सर्वतीर्थवरा शुभा

sapta pūrvān parāṁścaiva tārayiṣyasi nityaśaḥ | saṁdhyeti jagati khyātā sarvatīrthavarā śubhā

You shall forever deliver seven ancestors and seven descendants; known in the world as 'Sandhya', you shall be the most excellent and auspicious of all sacred fords.

Verse 11 (skanda.8.121.11)

वारिधारा शुभा दिव्या सर्वयज्ञफलप्रदा । त्वामुपास्य कुलान् सप्त तारयिष्यन्ति मानवाः

vāridhārā śubhā divyā sarvayajñaphalapradā | tvāmupāsya kulān sapta tārayiṣyanti mānavāḥ

You shall be an auspicious, divine stream of water bestowing the fruit of every sacrifice; worshipping you, men shall save seven generations of their family.

Verse 12 (skanda.8.121.12)

ततस्ते दैवताः सर्वे रुद्रस्य वचनात्तदा । अर्चयित्वा यथान्यायं देवदेवमुमापतिम्

tataste daivatāḥ sarve rudrasya vacanāttadā | arcayitvā yathānyāyaṁ devadevamumāpatim

Then all those gods, at Rudra's word, having duly worshipped the God of gods, the consort of Uma,

Verse 13 (skanda.8.121.13)

देवस्यायतनं कृत्वा जग्मुस्त्रिदिवमेव च । गतेषु देवसंघेषु शिवकूटे तदा हरिः

devasyāyatanaṁ kṛtvā jagmustridivameva ca | gateṣu devasaṁgheṣu śivakūṭe tadā hariḥ

having built a shrine for the god, went to heaven. When the hosts of gods had departed, Hari then, at Shivakuta,

Verse 14 (skanda.8.121.14)

अश्वमेधं तदा यष्ट्वा देवमाराधयत् स्थितः । तस्याथ वर्षैः षड्भिस्तु सहस्रेण च तन्यतः । मासैः षड्भिश्च देवेशस्तुतोष वृषभध्वजः

aśvamedhaṁ tadā yaṣṭvā devamārādhayat sthitaḥ | tasyātha varṣaiḥ ṣaḍbhistu sahasreṇa ca tanyataḥ | māsaiḥ ṣaḍbhiśca deveśastutoṣa vṛṣabhadhvajaḥ

performed an ashvamedha sacrifice and remained worshipping the god. Then, after six thousand and six years and six months had passed in this practice, the bull-bannered Lord of gods became pleased.

Verse 15 (skanda.8.121.15)

सोमः सनन्दिः सगण इदं प्रोवाच तं पुनः । हृष्यमाणः सुतुष्टात्मा ब्रूहि किं प्रददानि ते

somaḥ sanandiḥ sagaṇa idaṁ provāca taṁ punaḥ | hṛṣyamāṇaḥ sutuṣṭātmā brūhi kiṁ pradadāni te

Together with Uma, with Nandi, and with his hosts, he, delighted and well satisfied, spoke to him again: 'Tell me, what shall I give you?'

Verse 16 (skanda.8.121.16)

विष्णुरुवाच । भगवन् पाप्मना वापि तपसा वापि लोकप । लोपो न मे यथा स्याद्वै तन्ममाचक्ष्व कालहन्

viṣṇuruvāca | bhagavan pāpmanā vāpi tapasā vāpi lokapa | lopo na me yathā syādvai tanmamācakṣva kālahan

Vishnu said: O Lord, protector of the world, O Slayer of Time, tell me that by which I shall meet no ruin, whether from sin or from austerity.

Verse 17 (skanda.8.121.17)

ततः प्रहस्य देवेशः प्रीयमाणः प्रजापतिः । उवाच विष्णुमामन्त्र्य गुह्यं चर महाव्रतम्

tataḥ prahasya deveśaḥ prīyamāṇaḥ prajāpatiḥ | uvāca viṣṇumāmantrya guhyaṁ cara mahāvratam

Then, laughing and well pleased, the Lord of gods, Prajapati, addressed Vishnu and said: 'Practise the secret Great Vow.'

Verse 18 (skanda.8.121.18)

स चाथ कृतरक्षस्तं सर्वधर्मावहं शुभम् । योगं यन्त्रं व्रतं चैव परमैश्वर्यसाधनम्

sa cātha kṛtarakṣastaṁ sarvadharmāvahaṁ śubham | yogaṁ yantraṁ vrataṁ caiva paramaiśvaryasādhanam

And then, having taken due protective measures, he taught him that auspicious yoga, discipline, and vow — bringing all dharma — which is the means to supreme lordship.

Verse 19 (skanda.8.121.19)

यत्तत्पाशुपतं दिव्यं विधानं सार्वकामिकम् । तच्चीर्त्वा द्वादश समाः परमैश्वर्यमाप्तवान्

yattatpāśupataṁ divyaṁ vidhānaṁ sārvakāmikam | taccīrtvā dvādaśa samāḥ paramaiśvaryamāptavān

That divine Pashupata rite, fulfiller of all desires — having practised it for twelve years, he obtained supreme lordship.

Verse 20 (skanda.8.121.20)

तस्य देवः स्वयं शूली तुष्टः प्रेक्ष्य तथाविधम् । शरीरार्धं ददौ तस्मै तदभूद्विष्णुशङ्करम्

tasya devaḥ svayaṁ śūlī tuṣṭaḥ prekṣya tathāvidham | śarīrārdhaṁ dadau tasmai tadabhūdviṣṇuśaṅkaram

The trident-bearing god himself, seeing him thus disciplined, was pleased and gave him half of his own body; that became the form of Vishnu-Shankara (Harihara).

Verse 21 (skanda.8.121.21)

य इमं शृणुयान्मर्त्त्यः सदा पर्वसु पर्वसु । अर्चयेच्छिवविष्णुं च स गच्छेत् परमां गतिम्

ya imaṁ śṛṇuyānmarttyaḥ sadā parvasu parvasu | arcayecchivaviṣṇuṁ ca sa gacchet paramāṁ gatim

Whatever mortal always hears this at every sacred period and worships Shiva-Vishnu attains the supreme state.

Verse 22 (skanda.8.121.22)

एवं स विष्णुर्जित्वा तु वामनः सुमहाबलः । त्रैलोक्यं सर्वदेवेभ्यः सर्वं प्रति समर्पयत्

evaṁ sa viṣṇurjitvā tu vāmanaḥ sumahābalaḥ | trailokyaṁ sarvadevebhyaḥ sarvaṁ prati samarpayat

Thus that Vishnu, having as Vamana conquered with very great strength, restored the entire triple world to all the gods.

Verse 23 (skanda.8.121.23)

सनत्कुमार उवाच । ततो देवैः समाक्रान्ते त्रैलोक्ये मुनिपुङ्गव । येऽसुरा हतशेषास्तु ते समाश्रित्य दानवौ

sanatkumāra uvāca | tato devaiḥ samākrānte trailokye munipuṅgava | ye'surā hataśeṣāstu te samāśritya dānavau

Sanatkumara said: O bull among sages, then, when the gods had overrun the triple world, the Asuras who survived the slaughter took refuge with two Danavas.

Verse 24 (skanda.8.121.24)

तारकं च मयं चैव चक्रुर्युद्धं सहामरैः । मयश्च तारकश्चैव पुत्रपौत्रसमावृतौ

tārakaṁ ca mayaṁ caiva cakruryuddhaṁ sahāmaraiḥ | mayaśca tārakaścaiva putrapautrasamāvṛtau

Taking refuge with Taraka and Maya, they waged war against the immortals; Maya and Taraka were both surrounded by sons and grandsons.

Verse 25 (skanda.8.121.25)

विप्रचित्तिश्च दनुजो ये च तस्य सुताः स्मृताः । निवातकवचाः सर्वे पौलोमाः कालकासुताः । सैंहिकेयाश्च विक्रान्ता बालेयश्च तथा गणः

vipracittiśca danujo ye ca tasya sutāḥ smṛtāḥ | nivātakavacāḥ sarve paulomāḥ kālakāsutāḥ | saiṁhikeyāśca vikrāntā bāleyaśca tathā gaṇaḥ

There too were the Danava Viprachitti and his renowned sons, all the Nivatakavachas, the Paulomas, the sons of Kalaka, the valorous Saimhikeyas, and the host of Baleyas.

Verse 26 (skanda.8.121.26)

एते चान्ये च बहवो दानवा बलदर्पिताः । सन्नद्धाः समभिक्रुद्धा आह्वयन्त तदा सुरान्

ete cānye ca bahavo dānavā baladarpitāḥ | sannaddhāḥ samabhikruddhā āhvayanta tadā surān

These and many other Danavas, proud of their strength, armored and greatly enraged, then challenged the gods to battle.

Verse 27 (skanda.8.121.27)

संप्रेक्ष्य तानाह्वयतो देवा अपि सुदंशिताः । तैस्सहैत्य तदा चक्रुः समरं समरैषिणः

saṁprekṣya tānāhvayato devā api sudaṁśitāḥ | taissahaitya tadā cakruḥ samaraṁ samaraiṣiṇaḥ

Seeing them issue the challenge, the well-armored gods too, eager for battle, came together with them and fought.

Verse 28 (skanda.8.121.28)

तेषां तदभवद् युद्ध तुमुलं लोमहर्षणम् । वर्षाणान्तु शतान्यष्टौ सहस्राणि च षोडश

teṣāṁ tadabhavad yuddha tumulaṁ lomaharṣaṇam | varṣāṇāntu śatānyaṣṭau sahasrāṇi ca ṣoḍaśa

Their battle became tumultuous and hair-raising; it went on for eight hundred years and sixteen thousand years,

Verse 29 (skanda.8.121.29)

दिव्यानि न च संग्रामे एकपक्षे जयोभवत् । अथ देवास्तदा युद्धे सैंहिकेयैर्दुरासदैः

divyāni na ca saṁgrāme ekapakṣe jayobhavat | atha devāstadā yuddhe saiṁhikeyairdurāsadaiḥ

that is, divine years, yet victory came to neither side. Then, in that battle, the gods were defeated by the irresistible Saimhikeyas,

Verse 30 (skanda.8.121.30)

पराजिता महासत्वाः सिंहैः पशुगणा इव । तेषां तद्बलमालक्ष्य सहस्राक्षः पुरन्दरः

parājitā mahāsatvāḥ siṁhaiḥ paśugaṇā iva | teṣāṁ tadbalamālakṣya sahasrākṣaḥ purandaraḥ

though themselves of great might, defeated like herds of beasts by lions. Seeing their strength, thousand-eyed Purandara (Indra)

Verse 31 (skanda.8.121.31)

जगाम देवदेवेशं शरणं रुद्रमव्ययम् । स गत्वा स्वर्णचूडस्य गिरेः शृङ्गे कृतालयम्

jagāma devadeveśaṁ śaraṇaṁ rudramavyayam | sa gatvā svarṇacūḍasya gireḥ śṛṅge kṛtālayam

went for refuge to the imperishable Rudra, the Lord of the gods. Having gone there, he beheld, dwelling on the peak of the golden-crested mountain,

Verse 32 (skanda.8.121.32)

देव्या सह महादेवमपश्यद् गणसंवृतम् । दीप्यमानं यथा वह्निं दुर्दृश्यमकृतात्मभिः

devyā saha mahādevamapaśyad gaṇasaṁvṛtam | dīpyamānaṁ yathā vahniṁ durdṛśyamakṛtātmabhiḥ

the Great God with the Goddess, surrounded by his gaṇas, blazing like fire, hard to behold by those of unrefined mind.

Verse 33 (skanda.8.121.33)

तमसौ नन्दिना पूर्वमाख्यातो देवसत्तमः । दृष्ट्वा प्रणम्य शिरसा इदं वचनमूचिवान्

tamasau nandinā pūrvamākhyāto devasattamaḥ | dṛṣṭvā praṇamya śirasā idaṁ vacanamūcivān

That best of gods, announced beforehand by Nandin, having seen him and bowed with his head, spoke this word.

Verse 34 (skanda.8.121.34)

देव वर्षशतान्यष्टौ सहस्त्राणि च षोडश । दिव्यानि समतीतानि संग्रामस्य दिवौकसाम्

deva varṣaśatānyaṣṭau sahastrāṇi ca ṣoḍaśa | divyāni samatītāni saṁgrāmasya divaukasām

'O God, eight hundred years and sixteen thousand divine years of the gods' battle have now passed.'

Verse 35 (skanda.8.121.35)

तारकश्च मयश्चैव दानवौ युद्धदुर्मदौ । तावाश्रित्यासुराः सर्वे देवान् घ्नन्ति यथा पशून्

tārakaśca mayaścaiva dānavau yuddhadurmadau | tāvāśrityāsurāḥ sarve devān ghnanti yathā paśūn

'Taking refuge in the two Danavas Taraka and Maya, maddened with battle, all the Asuras are slaughtering the gods like cattle.'

Verse 36 (skanda.8.121.36)

तेषां तु वध्यमानानां देवानां देवसत्तम । जीवितं संप्रयच्छस्व यथा वा देव युज्यते

teṣāṁ tu vadhyamānānāṁ devānāṁ devasattama | jīvitaṁ saṁprayacchasva yathā vā deva yujyate

'O best of gods, grant life to those gods who are being slain, or do, O God, whatever is fitting.'

Verse 37 (skanda.8.121.37)

सनत्कुमार उवाच । तस्य तद्वचनं श्रुत्वा भगवान् गोवृषध्वजः । चिन्तयित्वा ततस्तत्र रामरामेत्यथाब्रवीत्

sanatkumāra uvāca | tasya tadvacanaṁ śrutvā bhagavān govṛṣadhvajaḥ | cintayitvā tatastatra rāmarāmetyathābravīt

Sanatkumara said: Hearing his words, the Blessed Lord bearing the bull-banner, having pondered, then said there: 'Rama, Rama!'

Verse 38 (skanda.8.121.38)

भगवानुवाच । राम राम महाबाहो चीर्णं ते सुमहत्तपः । गच्छ देवान् सुयुद्धेन कुरु सर्वान् गतज्वरान्

bhagavānuvāca | rāma rāma mahābāho cīrṇaṁ te sumahattapaḥ | gaccha devān suyuddhena kuru sarvān gatajvarān

The Blessed Lord said: 'O Rama, Rama, mighty-armed, you have performed very great austerity. Go, and by good battle free all the gods from their affliction.'

Verse 39 (skanda.8.121.39)

सनत्कुमार उवाच । एवमुक्तस्तदा रामो जामदग्न्यः प्रतापवान् । उवाच दीनया वाचा प्रणम्य बहुमानतः

sanatkumāra uvāca | evamuktastadā rāmo jāmadagnyaḥ pratāpavān | uvāca dīnayā vācā praṇamya bahumānataḥ

Sanatkumara said: Thus addressed, the mighty Rama Jamadagnya, bowing with great respect, spoke in a humble voice.

Verse 40 (skanda.8.121.40)

राम उवाच । भगवन्नल्पवीर्योस्मि तपसा कर्षितो भृशम् । अनस्त्रविच्च देवेश न शक्ष्ये संयुगं विभो

rāma uvāca | bhagavannalpavīryosmi tapasā karṣito bhṛśam | anastravicca deveśa na śakṣye saṁyugaṁ vibho

Rama said: 'O Lord, I am of little strength, greatly wasted by austerity, and unversed in weapons, O Lord of gods, O mighty one; I shall not be able to fight.'

Verse 41 (skanda.8.121.41)

देवदेव उवाच । गच्छ शक्ष्यसि विप्राद्य योद्धुं त्वं त्वद्य मा शुचः । अहं त्वाप्याययिष्यामि मा व्यथां कुरु भार्गव

devadeva uvāca | gaccha śakṣyasi viprādya yoddhuṁ tvaṁ tvadya mā śucaḥ | ahaṁ tvāpyāyayiṣyāmi mā vyathāṁ kuru bhārgava

The God of gods said: 'Go, O brahmin, today you shall be able to fight; grieve not. I shall myself strengthen you; be not distressed, O Bhargava.'

Verse 42 (skanda.8.121.42)

सनत्कुमार उवाच । ततः स भगवानिन्द्रं प्राह देवपतिं हरः । एष हंस्यति ते शत्रून् रथमस्मै प्रयच्छ च

sanatkumāra uvāca | tataḥ sa bhagavānindraṁ prāha devapatiṁ haraḥ | eṣa haṁsyati te śatrūn rathamasmai prayaccha ca

Sanatkumara said: Then the Blessed Hara said to Indra, the lord of the gods: 'This one shall slay your enemies; give him a chariot.'

Verse 43 (skanda.8.121.43)

ततः प्रणम्य शक्रोपि राममादाय चैव ह । जगाम तं तदोद्देशं संग्रामो यत्र सोभवत्

tataḥ praṇamya śakropi rāmamādāya caiva ha | jagāma taṁ tadoddeśaṁ saṁgrāmo yatra sobhavat

Then, having bowed, Shakra too took Rama with him and went to that place where the battle was taking place.

Verse 44 (skanda.8.121.44)

ततः स रथमुख्येन संपाद्य तु पुरन्दरः । राममाह स्वयं शक्रः सैंहिकेयानुपाह्वय

tataḥ sa rathamukhyena saṁpādya tu purandaraḥ | rāmamāha svayaṁ śakraḥ saiṁhikeyānupāhvaya

Then Purandara, having furnished him with the foremost chariot, Shakra himself said to Rama: 'Challenge the Saimhikeyas.'

Verse 45 (skanda.8.121.45)

स तेन रथमुख्येन रामः प्रहरतां वरः । कवची बद्धतूणीरः शरी खङ्गी शरासनी

sa tena rathamukhyena rāmaḥ praharatāṁ varaḥ | kavacī baddhatūṇīraḥ śarī khaṅgī śarāsanī

Rama, best among warriors, on that foremost chariot, wearing armor, with quiver bound on, holding arrows, sword, and bow,

Verse 46 (skanda.8.121.46)

बद्धगोधांगुलित्रश्च बद्धध्वजपताकवान् । अभिदुद्राव वेगेन सैंहिकेयान् दुरासदान्

baddhagodhāṁgulitraśca baddhadhvajapatākavān | abhidudrāva vegena saiṁhikeyān durāsadān

with finger-guards fastened and with banner and flag raised, rushed with great speed upon the irresistible Saimhikeyas.

Verse 47 (skanda.8.121.47)

तेषां तस्य च संग्रामः सुघोरस्समपद्यत । शार्दूलानां यथारण्ये सिंहेन सह भीषणः

teṣāṁ tasya ca saṁgrāmaḥ sughorassamapadyata | śārdūlānāṁ yathāraṇye siṁhena saha bhīṣaṇaḥ

A most terrible battle broke out between them and him, fearsome as that of tigers against a lion in the forest.

Verse 48 (skanda.8.121.48)

तत्राद्भुतमपश्यन्त सिद्धगन्धर्वचारणाः । येदेकोपि तदा रङ्गे दृश्यतेनेकरूपवान्

tatrādbhutamapaśyanta siddhagandharvacāraṇāḥ | yedekopi tadā raṅge dṛśyatenekarūpavān

There the Siddhas, Gandharvas, and Charanas beheld a wonder: how, though alone, he appeared on the battlefield as if possessed of many forms.

Verse 49 (skanda.8.121.49)

नाददानः शराँश्चित्रान् सन्दधानस्तथैव च । धनुर्विकर्षमाणो वा दृश्यते भार्गवस्तदा

nādadānaḥ śarā~ścitrān sandadhānastathaiva ca | dhanurvikarṣamāṇo vā dṛśyate bhārgavastadā

Bhargava was then seen either taking up wondrous arrows, or fitting them to the string, or drawing the bow.

Verse 50 (skanda.8.121.50)

मण्डलीकृतमेवास्य कार्मुकं सुमहत्तदा । दृश्यते शत्रुभिश्चैव दुर्निरीक्ष्यश्च सोभवत्

maṇḍalīkṛtamevāsya kārmukaṁ sumahattadā | dṛśyate śatrubhiścaiva durnirīkṣyaśca sobhavat

His great bow appeared to the enemies as if perpetually drawn into a circle, and he himself became hard to look upon.

Verse 51 (skanda.8.121.51)

तेषां स भार्गवः क्रुद्धः परावृत्य महाबलः । चिक्षेपैकैकशो व्यास मुखे तीक्ष्णाञ्छरान् दश

teṣāṁ sa bhārgavaḥ kruddhaḥ parāvṛtya mahābalaḥ | cikṣepaikaikaśo vyāsa mukhe tīkṣṇāñcharān daśa

O Vyasa, that enraged, mighty Bhargava, turning about, shot ten sharp arrows, one after another, into their faces.

Verse 52 (skanda.8.121.52)

तत्राद्भुतमपश्यन्त लाघवं तस्य धीमतः । साधु साध्विति भूतानां तत्र शब्दो महानभूत्

tatrādbhutamapaśyanta lāghavaṁ tasya dhīmataḥ | sādhu sādhviti bhūtānāṁ tatra śabdo mahānabhūt

There they beheld the wondrous dexterity of that wise one, and among all beings there arose a great cry of 'Well done, well done!'

Verse 53 (skanda.8.121.53)

सनत्कुमार उवाच । तैः शरैर्भिन्नवदनाः सैंहिकेया महाबलाः । सगन्धा निपतन्त्युर्व्यां ताला वाय्वाहता इव

sanatkumāra uvāca | taiḥ śarairbhinnavadanāḥ saiṁhikeyā mahābalāḥ | sagandhā nipatantyurvyāṁ tālā vāyvāhatā iva

Sanatkumara said: The mighty Saimhikeyas, their faces pierced by those arrows, fell together to the ground like palm trees felled by the wind.

Verse 54 (skanda.8.121.54)

स तदा दशसाहस्रस्तेषां वै देवविद्विषाम् । भार्गवेण गणो दग्धः कालेनेव यथा जगत्

sa tadā daśasāhasrasteṣāṁ vai devavidviṣām | bhārgaveṇa gaṇo dagdhaḥ kāleneva yathā jagat

That host of ten thousand enemies of the gods was then consumed by Bhargava, just as the world is consumed by Time.

Verse 55 (skanda.8.121.55)

ततो देवाः सऋषयो गन्धर्वाश्च सचारणाः । साधु साध्विति तं प्रोच्य तुष्टुवुर्हृषिताननाः

tato devāḥ saṛṣayo gandharvāśca sacāraṇāḥ | sādhu sādhviti taṁ procya tuṣṭuvurhṛṣitānanāḥ

Then the gods with the sages, and the Gandharvas with the Charanas, saying 'Well done, well done!', praised him with delighted faces.

Verse 56 (skanda.8.121.56)

सनत्कुमार उवाच । तस्य तत्कर्म संवीक्ष्य भगवान् पाकशासनः । बहुमानेन संपूज्य भार्गवं सह दैवतैः

sanatkumāra uvāca | tasya tatkarma saṁvīkṣya bhagavān pākaśāsanaḥ | bahumānena saṁpūjya bhārgavaṁ saha daivataiḥ

Sanatkumara said: Beholding that deed of his, the Blessed Pakashasana, together with the gods, honoring Bhargava with great regard,

Verse 57 (skanda.8.121.57)

इदमाह महातेजाः परिष्वज्य पुनः पुनः । तवैतत्कर्म नान्यस्य सदृशं दिवि विद्यते

idamāha mahātejāḥ pariṣvajya punaḥ punaḥ | tavaitatkarma nānyasya sadṛśaṁ divi vidyate

the greatly radiant Indra, embracing him again and again, said this: 'This deed of yours has no equal in heaven, in anyone else.'

Verse 58 (skanda.8.121.58)

यदि ते सिंहिकापुत्राः सहसैव हतास्त्वया । तव वै तन् महत्कर्म त्रिपुरे त्र्यम्बकस्य वा । न त्वयास्ति समो लोके सत्यमेतद् ब्रवीम्यहम्

yadi te siṁhikāputrāḥ sahasaiva hatāstvayā | tava vai tan mahatkarma tripure tryambakasya vā | na tvayāsti samo loke satyametad bravīmyaham

'If the sons of Simhika have thus been slain by you all at once, then that mighty deed of yours is like Tryambaka's destruction of Tripura. There is none your equal in the world; this I speak truly.'

Verse 59 (skanda.8.121.59)

एते न तुल्या देवेन मानुषेण न केनचित् । अवध्याः सर्वभूतानां त्वयैकेन निषूदिताः

ete na tulyā devena mānuṣeṇa na kenacit | avadhyāḥ sarvabhūtānāṁ tvayaikena niṣūditāḥ

'These were matched by no god and no man; unslayable by any being, yet destroyed by you alone.'

Verse 60 (skanda.8.121.60)

तस्मात्तव वयं तुष्टाः प्रयच्छामो ह्यवध्यताम् । अक्षयं च बलं युद्धे यशञ्च परमं भुवि

tasmāttava vayaṁ tuṣṭāḥ prayacchāmo hyavadhyatām | akṣayaṁ ca balaṁ yuddhe yaśañca paramaṁ bhuvi

'Therefore, pleased with you, we grant you invulnerability, inexhaustible strength in battle, and supreme fame on earth.'

Verse 61 (skanda.8.121.61)

त्र्यम्बकश्च वरैर्दिव्यैरिष्टैस्त्वां प्रतिपत्स्यते । यथाकामञ्च युद्धेषु समूहं त्वं विजेष्यसि

tryambakaśca varairdivyairiṣṭaistvāṁ pratipatsyate | yathākāmañca yuddheṣu samūhaṁ tvaṁ vijeṣyasi

'And Tryambaka too shall favor you with cherished divine boons, and at will you shall conquer whole hosts in battles.'

Verse 62 (skanda.8.121.62)

सनत्कुमार उवाच । स एवमुक्तस्तैर्व्यास देवैस्तुष्टैर्महातपाः । जगाम त्र्यम्बकं देवं हृष्टतुष्टमना यतिः

sanatkumāra uvāca | sa evamuktastairvyāsa devaistuṣṭairmahātapāḥ | jagāma tryambakaṁ devaṁ hṛṣṭatuṣṭamanā yatiḥ

Sanatkumara said: O Vyasa, thus addressed by those pleased gods, that great ascetic went, glad and content in heart, to the god Tryambaka.

Verse 63 (skanda.8.121.63)

देवा अपि सुसंयत्तास्तारकं युद्धदुर्मदम् । अवाकिरन्त वेगेन मयेन सहितं तदा

devā api susaṁyattāstārakaṁ yuddhadurmadam | avākiranta vegena mayena sahitaṁ tadā

The gods too, well-prepared, then swiftly surrounded Taraka, maddened with battle, together with Maya.

Verse 64 (skanda.8.121.64)

ते दैत्यवेगप्रतिरुद्धवेगा महाबलाः सिन्धुसमानवेगाः । जघ्नुर्भृशं दैत्यगणान्निपत्य सिंहा यथारण्यचरा मतङ्गान्

te daityavegapratiruddhavegā mahābalāḥ sindhusamānavegāḥ | jaghnurbhṛśaṁ daityagaṇānnipatya siṁhā yathāraṇyacarā mataṅgān

Those mighty gods, whose onrush had been checked by the Daityas' force yet whose speed matched the ocean, fell upon the hosts of Daityas and slew them violently, as forest-roaming lions fall upon elephants.