Description of Harishchandra Mountain

Verse 1 (skanda.8.122.1)

सनत्कुमार उवाच । सैहिकेयवधं दृष्ट्वा सुराणां च जयं तथा । सहसा दैत्यसैन्यानि प्रभग्नानि समन्ततः

sanatkumāra uvāca | saihikeyavadhaṁ dṛṣṭvā surāṇāṁ ca jayaṁ tathā | sahasā daityasainyāni prabhagnāni samantataḥ

Sanatkumara said: Seeing the slaughter of the Saimhikeyas and thereby the gods' victory, the Daitya armies suddenly broke apart on every side.

Verse 2 (skanda.8.122.2)

अन्येन प्रच्युतस्तारो मयो वीरो विरोचनः

anyena pracyutastāro mayo vīro virocanaḥ

[The first line of this verse is lost in the source.] ...struck down by another, Taraka; the hero Maya, and Virochana...

Verse 3 (skanda.8.122.3)

विप्रचित्तिश्च षण्डश्च प्रह्लादश्च महासुरः । कालनेमिस्ततः क्रुद्धः केशवं प्रति संयुगे

vipracittiśca ṣaṇḍaśca prahlādaśca mahāsuraḥ | kālanemistataḥ kruddhaḥ keśavaṁ prati saṁyuge

Viprachitti, Shanda, and the great Asura Prahlada — then the enraged Kalanemi advanced toward Keshava in battle.

Verse 4 (skanda.8.122.4)

सरथं महदास्थाय शतनल्वोर्ध्वकेतुमत् । अभिदुद्राव वेगेन केशवं प्रति दानवः

sarathaṁ mahadāsthāya śatanalvordhvaketumat | abhidudrāva vegena keśavaṁ prati dānavaḥ

Mounting a great chariot a hundred rods long, with an upraised banner, the Danava rushed with speed toward Keshava.

Verse 5 (skanda.8.122.5)

तस्यापतत एवाथ चक्रमप्रतिघं महत् । ससर्ज केशवो व्यास स तद् व्यष्टम्भयत्तदा

tasyāpatata evātha cakramapratighaṁ mahat | sasarja keśavo vyāsa sa tad vyaṣṭambhayattadā

As he was charging, O Vyasa, Keshava then hurled his great, irresistible discus, but he checked it.

Verse 6 (skanda.8.122.6)

तद् विष्टब्धं तदालक्ष्य सर्वे देवाः प्रमन्यवः । पराजिता बभूवुर्हि विशस्त्राः कालनेमिना

tad viṣṭabdhaṁ tadālakṣya sarve devāḥ pramanyavaḥ | parājitā babhūvurhi viśastrāḥ kālaneminā

Seeing that discus held in check, all the gods grew enraged; yet, deprived of weapons, they were defeated by Kalanemi.

Verse 7 (skanda.8.122.7)

स तान्विद्राव्य दैत्येन्द्रो विमुखान् प्रचकार ह

sa tānvidrāvya daityendro vimukhān pracakāra ha

[The first line of this verse is lost.] Having routed them, the lord of the Daityas turned them back.

Verse 8 (skanda.8.122.8)

कृत्वा चकार च तदा लोकपालत्वमव्ययः । भुवं द्याञ्च तदा व्याप्य वर्तमानो महाबलः

kṛtvā cakāra ca tadā lokapālatvamavyayaḥ | bhuvaṁ dyāñca tadā vyāpya vartamāno mahābalaḥ

Having done so, the imperishable one assumed the office of a world-guardian, and that mighty one, pervading both earth and heaven, remained so established.

Verse 9 (skanda.8.122.9)

स्वयम्भूरिव लोकाँस्त्रीनचरल्लोकमायया

svayambhūriva lokā~strīnacarallokamāyayā

Like the Self-existent Brahma, he moved through the three worlds by his magic power.

Verse 10 (skanda.8.122.10)

सनत्कुमार उवाच । तं तथावस्थितं दृष्ट्वा दैत्यं देवाः सवासवाः । भयत्रस्तास्तदा जग्मुः शरणं हरिमव्ययम्

sanatkumāra uvāca | taṁ tathāvasthitaṁ dṛṣṭvā daityaṁ devāḥ savāsavāḥ | bhayatrastāstadā jagmuḥ śaraṇaṁ harimavyayam

Sanatkumara said: Seeing that Daitya thus established, the gods together with Vasava, terrified with fear, went for refuge to the imperishable Hari.

Verse 11 (skanda.8.122.11)

शरण्यः स च देवेशो हरिस्त्रैलोक्यबान्धवः । तेषां प्रादाद् भयत्राणं दानवस्य वधेप्सया

śaraṇyaḥ sa ca deveśo haristrailokyabāndhavaḥ | teṣāṁ prādād bhayatrāṇaṁ dānavasya vadhepsayā

That refuge-giving Lord of gods, Hari, kinsman of the triple world, granted them protection from fear, intending to slay the Danava.

Verse 12 (skanda.8.122.12)

स तदा द्यां भुवञ्चैव व्याप्य रूपेण सर्वशः । चक्रं तदब्जं सस्मार यत्तद् रुद्रेण निर्मितम्

sa tadā dyāṁ bhuvañcaiva vyāpya rūpeṇa sarvaśaḥ | cakraṁ tadabjaṁ sasmāra yattad rudreṇa nirmitam

He then, pervading both heaven and earth wholly with his form, called to mind that lotus-marked discus which had been fashioned by Rudra.

Verse 13 (skanda.8.122.13)

ततस्तेन तदा व्यास दानवस्य शिरो महत् । जहार पक्वं तालाग्रात् फलं वायुरिवोद्धतः

tatastena tadā vyāsa dānavasya śiro mahat | jahāra pakvaṁ tālāgrāt phalaṁ vāyurivoddhataḥ

Then with it, O Vyasa, he swept off the Danava's great head, as a fierce wind sweeps a ripe fruit from the top of a palm tree.

Verse 14 (skanda.8.122.14)

तस्मिन् विनिहते दैत्ये तारकश्च मयश्च ह । विनिवृत्तौ महायोधौ पातालं प्रतिवेगितौ

tasmin vinihate daitye tārakaśca mayaśca ha | vinivṛttau mahāyodhau pātālaṁ prativegitau

When that Daitya was slain, Taraka and Maya, those two great warriors, turned back and rushed swiftly toward Patala.

Verse 15 (skanda.8.122.15)

सनत्कुमार उवाच । एवं व्यासाभवद्युद्धमुग्रं तत्तारकामयम् । कालनेमिर्हतो यत्र विश्रुतश्च विरोचनः

sanatkumāra uvāca | evaṁ vyāsābhavadyuddhamugraṁ tattārakāmayam | kālanemirhato yatra viśrutaśca virocanaḥ

Sanatkumara said: Thus, O Vyasa, occurred that fierce battle concerning Taraka and Maya, in which Kalanemi was slain and Virochana became renowned.

Verse 16 (skanda.8.122.16)

सैंहिकेयाश्च विक्रान्तास्तुहुण्डश्च महासुरः । सुरोचनः शतावर्तो हालो गार्ग्यशिरास्तथा

saiṁhikeyāśca vikrāntāstuhuṇḍaśca mahāsuraḥ | surocanaḥ śatāvarto hālo gārgyaśirāstathā

There too were the valorous Saimhikeyas, the great Asura Tuhunda, Surochana, Shatavarta, Hala, and Gargyashiras.

Verse 17 (skanda.8.122.17)

विपाकः सह पाकेन चण्डः कार्तस्वनः कुभः । एते चान्ये च दैत्येन्द्रा निहतास्तारकामये । ध्वजे पुनर्हतः क्रूरो विप्रचित्तिः सहानुजः

vipākaḥ saha pākena caṇḍaḥ kārtasvanaḥ kubhaḥ | ete cānye ca daityendrā nihatāstārakāmaye | dhvaje punarhataḥ krūro vipracittiḥ sahānujaḥ

Vipaka with Paka, Chanda, Kartasvana, Kubha — these and other lords of the Daityas were slain in the Taraka-Maya battle; and in the Banner (Dhvaja) battle the cruel Viprachitti was slain again, together with his younger brother.

Verse 18 (skanda.8.122.18)

व्यास उवाच । कथं तदभवद्युद्धं देवानामसुरैः सह । कथञ्च ध्वज इत्येवं तस्य नाम बभूव ह

vyāsa uvāca | kathaṁ tadabhavadyuddhaṁ devānāmasuraiḥ saha | kathañca dhvaja ityevaṁ tasya nāma babhūva ha

Vyasa said: How did that battle of the gods with the Asuras occur, and how did it come to be named 'Dhvaja' (the Banner)?

Verse 19 (skanda.8.122.19)

जामदग्न्यश्च तत्कर्म कृत्वा भृगुकुलोद्वहः । दुष्करं सर्वभूतानामागतस्त्र्यम्बकान्तिकम् । किमुक्तो देवदेवेन एतदिच्छामि वेदितुम्

jāmadagnyaśca tatkarma kṛtvā bhṛgukulodvahaḥ | duṣkaraṁ sarvabhūtānāmāgatastryambakāntikam | kimukto devadevena etadicchāmi veditum

And Jamadagnya, upholder of the Bhrigu clan, having performed that deed impossible for all beings, came to Tryambaka's presence — what did the God of gods say to him? This I wish to know.

Verse 20 (skanda.8.122.20)

सनत्कुमार उवाच । जमदग्नेस्तदा सूनुरमरैः प्रेषितः स्वयम् । जगाम गुह्यं देवस्य पुरिश्चन्द्रं निवेशनम्

sanatkumāra uvāca | jamadagnestadā sūnuramaraiḥ preṣitaḥ svayam | jagāma guhyaṁ devasya puriścandraṁ niveśanam

Sanatkumara said: Then the son of Jamadagni, sent forth by the immortals themselves, went to the god's secret abode, Purishchandra.

Verse 21 (skanda.8.122.21)

व्यास उवाच । कथं तदभवद्दिव्यं पुरिश्चन्द्रं निवेशनम् । स्थानं गुह्यं महेशस्य कथयस्व दृढव्रत

vyāsa uvāca | kathaṁ tadabhavaddivyaṁ puriścandraṁ niveśanam | sthānaṁ guhyaṁ maheśasya kathayasva dṛḍhavrata

Vyasa said: How did that divine abode Purishchandra, Mahesha's secret place, come into being? Tell me, O steadfast one.

Verse 22 (skanda.8.122.22)

सनत्कुमार उवाच । अत्र ते संप्रवक्ष्यामि पुरावृत्तं महामते । यच्छ्रुत्वा पापकर्मापि गच्छेत परमां गतिम्

sanatkumāra uvāca | atra te saṁpravakṣyāmi purāvṛttaṁ mahāmate | yacchrutvā pāpakarmāpi gaccheta paramāṁ gatim

Sanatkumara said: Here I shall relate to you the ancient event, O great-minded one, on hearing which even one of sinful deeds attains the supreme state.

Verse 23 (skanda.8.122.23)

पुराभूतां महात्मानौ नरनारायणावृषी । ताभ्यां कार्येण देवानां ब्रह्मवध्या कृता किल

purābhūtāṁ mahātmānau naranārāyaṇāvṛṣī | tābhyāṁ kāryeṇa devānāṁ brahmavadhyā kṛtā kila

Long ago there were two great-souled sages, Nara and Narayana; through them, for the sake of the gods' purpose, the sin of brahmin-slaying was indeed incurred.

Verse 24 (skanda.8.122.24)

तयाभिभूतौ तौ देवौ पाप्मयातिमहाबलौ । अभूतान्नष्टसंज्ञौ तौ तिर्यग्योनिगतौ भृशम्

tayābhibhūtau tau devau pāpmayātimahābalau | abhūtānnaṣṭasaṁjñau tau tiryagyonigatau bhṛśam

Overcome by that sin, those two very mighty gods lost their consciousness and fell utterly into animal births.

Verse 25 (skanda.8.122.25)

अथ संवत्सरे दिव्ये समतीतेमितात्मवान् । आगाद् ब्रह्मा स्वयं तत्र दैवतैर्ऋषिभिः सह

atha saṁvatsare divye samatītemitātmavān | āgād brahmā svayaṁ tatra daivatairṛṣibhiḥ saha

Then, when one divine year had passed, the self-composed Brahma himself came there together with the gods and sages.

Verse 26 (skanda.8.122.26)

स तं संबोधयामास सनरं देवपस्तदा । तथापि हि न तौ बुद्धौ कर्मणा संवृतौ भृशम्

sa taṁ saṁbodhayāmāsa sanaraṁ devapastadā | tathāpi hi na tau buddhau karmaṇā saṁvṛtau bhṛśam

That lord of gods tried to rouse him, together with Nara, but even so the two, their understanding utterly veiled by their deed, did not awaken.

Verse 27 (skanda.8.122.27)

तान् ब्रह्मा स तदा प्राह सर्वानेव दिवौकसः । यूयं नारायणस्यार्थे चरध्वं धर्ममुत्तमम्

tān brahmā sa tadā prāha sarvāneva divaukasaḥ | yūyaṁ nārāyaṇasyārthe caradhvaṁ dharmamuttamam

Then Brahma said to all those gods: 'For the sake of Narayana, practice the highest dharma.'

Verse 28 (skanda.8.122.28)

ततो विमोक्ष्यते देवः सनरो ब्रह्मवध्यया । तमेवंवादिनं देवाः प्रणम्य शिरसा तदा । ऊचुः प्राञ्जलयः सर्वे किन्तपः कर्म शाधि नः

tato vimokṣyate devaḥ sanaro brahmavadhyayā | tamevaṁvādinaṁ devāḥ praṇamya śirasā tadā | ūcuḥ prāñjalayaḥ sarve kintapaḥ karma śādhi naḥ

'Then that god, together with Nara, shall be freed from the sin of brahmin-slaying.' Bowing their heads to him who spoke thus, all the gods said with joined palms: 'Instruct us what austerity, what act to perform.'

Verse 29 (skanda.8.122.29)

ब्रह्मोवाच । जपध्वं प्रयताः सर्वे वायुभक्षा जितेन्द्रियाः । रुद्राणां हृदयं सम्यक् ततो योगमवाप्स्यथ

brahmovāca | japadhvaṁ prayatāḥ sarve vāyubhakṣā jitendriyāḥ | rudrāṇāṁ hṛdayaṁ samyak tato yogamavāpsyatha

Brahma said: 'All of you, self-restrained, living on air, senses conquered, recite well the Rudra-hridaya; then you shall attain yoga.'

Verse 30 (skanda.8.122.30)

सनत्कुमार उवाच । त एवमस्त्विति प्रोच्य जजपुः सलिलेशयाः । ऋषिभिस्सह देवेशा वर्षायुतशतानि षट्

sanatkumāra uvāca | ta evamastviti procya jajapuḥ salileśayāḥ | ṛṣibhissaha deveśā varṣāyutaśatāni ṣaṭ

Sanatkumara said: Saying 'so be it', those lords of gods, lying in the waters together with the sages, recited the mantra for six hundred thousand years.

Verse 31 (skanda.8.122.31)

अथ कालेन महता तेषां युक्तात्मनां तदा । योगः प्रादुरभूत् सूक्ष्मो यतोग्निरभवच्छुभः

atha kālena mahatā teṣāṁ yuktātmanāṁ tadā | yogaḥ prādurabhūt sūkṣmo yatognirabhavacchubhaḥ

Then, after a great time, for those of composed mind, a subtle yoga arose, from which an auspicious fire was born.

Verse 32 (skanda.8.122.32)

तेनाग्निना ब्रह्मवध्या नरनारायणौ तदा । सा दग्धा संपरित्यज्य उदकं प्रविवेश ह

tenāgninā brahmavadhyā naranārāyaṇau tadā | sā dagdhā saṁparityajya udakaṁ praviveśa ha

By that fire, the sin of brahmin-slaying clinging to Nara and Narayana was then burnt; abandoning them, it entered the water.

Verse 33 (skanda.8.122.33)

नास्तयापः समाविष्टा रसवत्यो न जज्ञिरे । अगन्धाश्च विवर्णाश्च प्रभावत्यो न चैव ह । पृथिवी चाल्पवीर्याभूत्तेजस्तिग्मं च नाभवत्

nāstayāpaḥ samāviṣṭā rasavatyo na jajñire | agandhāśca vivarṇāśca prabhāvatyo na caiva ha | pṛthivī cālpavīryābhūttejastigmaṁ ca nābhavat

The waters, pervaded by it, lost their taste; they became scentless, colorless, and stripped of their potency; and the earth grew weak in strength, and fire lost its sharpness.

Verse 34 (skanda.8.122.34)

सनत्कुमार उवाच । ततस्ते तन्तथा दृष्ट्वा युयुजुर्भूय एव च । हृदयं जजपुश्चैव रुद्राणां युक्तमानसाः

sanatkumāra uvāca | tataste tantathā dṛṣṭvā yuyujurbhūya eva ca | hṛdayaṁ jajapuścaiva rudrāṇāṁ yuktamānasāḥ

Sanatkumara said: Seeing this, they again disciplined themselves and, with minds composed, recited the Rudra-hridaya once more.

Verse 35 (skanda.8.122.35)

अथागाद् भगवान्देवः शूलपाणिर्वृषध्वजः । उवाच देवान् तुष्टोस्मि ब्रूत यद्वोभिकांक्षितम्

athāgād bhagavāndevaḥ śūlapāṇirvṛṣadhvajaḥ | uvāca devān tuṣṭosmi brūta yadvobhikāṁkṣitam

Then the blessed god, trident in hand, bull-bannered, came and said to the gods: 'I am pleased; tell me what you desire.'

Verse 36 (skanda.8.122.36)

सनत्कुमार उवाच । ततस्ता देवताः सम्यग् रुद्रं दृष्ट्वाभिरेमिरे । तुष्टुवुश्चानता भूत्वा यज्ञजीमूतवाहनम्

sanatkumāra uvāca | tatastā devatāḥ samyag rudraṁ dṛṣṭvābhiremire | tuṣṭuvuścānatā bhūtvā yajñajīmūtavāhanam

Sanatkumara said: Then those gods, having beheld Rudra fully, rejoiced, and bowing low, praised him who rides the cloud of sacrifice.

Verse 37 (skanda.8.122.37)

देवा ऊचुः । नमः परमदेवाय युगान्तानलवर्च्चसे । सलिले तप्यमानाय रुद्राणां हृदयाय च

devā ūcuḥ | namaḥ paramadevāya yugāntānalavarccase | salile tapyamānāya rudrāṇāṁ hṛdayāya ca

The gods said: 'Salutation to the supreme god, radiant as the fire of the world's end; to him who practices austerity in the water, and to the heart of the Rudras.'

Verse 38 (skanda.8.122.38)

महापरशुहस्ताय हिरण्यायतनाय च । वसूनां पतये चैव देवानां पतये नमः

mahāparaśuhastāya hiraṇyāyatanāya ca | vasūnāṁ pataye caiva devānāṁ pataye namaḥ

'To him whose hand bears the great axe, and whose abode is golden; salutation to the lord of the Vasus and lord of the gods.'

Verse 39 (skanda.8.122.39)

शुचये रेरिहाणाय सद्योजाताय मन्यवे । ग्रहाणां पतये चैव ग्रहाणां हृदयाय च

śucaye rerihāṇāya sadyojātāya manyave | grahāṇāṁ pataye caiva grahāṇāṁ hṛdayāya ca

'To the pure one, to the licking flame, to Sadyojata, to Wrath; and to the lord of the planets, and to the heart of the planets.'

Verse 40 (skanda.8.122.40)

महाग्रहानुयाताय ग्रहराजाय वै नमः । नमः शमदमोग्राय उग्रदण्डधराय च

mahāgrahānuyātāya graharājāya vai namaḥ | namaḥ śamadamogrāya ugradaṇḍadharāya ca

'Salutation to him followed by the great seizers, to the king of seizers; salutation to him fierce in tranquility and restraint, and to the bearer of the fierce rod.'

Verse 41 (skanda.8.122.41)

यमाय यमनाथाय यमदण्डधराय च । नमः परमदेवाय पराणां परमाय च

yamāya yamanāthāya yamadaṇḍadharāya ca | namaḥ paramadevāya parāṇāṁ paramāya ca

'To Yama, to Yama's lord, and to the bearer of Yama's rod; salutation to the supreme god, and to him supreme even among the supreme.'

Verse 42 (skanda.8.122.42)

महतां पतये चैव कमण्डलुधराय च । वामदेवाय ज्येष्ठाय पशूनां पतये नमः

mahatāṁ pataye caiva kamaṇḍaludharāya ca | vāmadevāya jyeṣṭhāya paśūnāṁ pataye namaḥ

'And to the lord of the great ones, and to the bearer of the water-pot; salutation to Vamadeva, to the eldest, to the lord of creatures.'

Verse 43 (skanda.8.122.43)

प्रधानपतये चैव प्रधानस्य प्रवर्तिने । नमः सहस्रवक्त्राय गदिने शूलिने नमः

pradhānapataye caiva pradhānasya pravartine | namaḥ sahasravaktrāya gadine śūline namaḥ

'And to the lord of Pradhana, and to him who sets Pradhana in motion; salutation to the thousand-faced one, to the mace-bearer, to the trident-bearer.'

Verse 44 (skanda.8.122.44)

नमः पवनरूपाय बहुरूपाय वेधसे । नमः क्रतुविहन्त्रे च कामानलविघातिने

namaḥ pavanarūpāya bahurūpāya vedhase | namaḥ kratuvihantre ca kāmānalavighātine

'Salutation to him whose form is wind, to the many-formed creator; salutation to him who destroyed the sacrifice, and to the queller of desire's fire.'

Verse 45 (skanda.8.122.45)

नमश्छन्दोङ्गरूपाय विरूपनयनाय च । इन्द्रियग्रामघाताय नमो वेदान्तगाय च

namaśchandoṅgarūpāya virūpanayanāya ca | indriyagrāmaghātāya namo vedāntagāya ca

'Salutation to him whose form is the limbs of the Vedic meters, and to him of misshapen eyes; salutation to the slayer of the host of senses, and to him who has reached the end of the Veda.'

Verse 46 (skanda.8.122.46)

नमोस्त्वशनिघाताय मनसामुन्मनाय च । वेदवेदाङ्गमालाय नमस्ते पद्ममालिने

namostvaśanighātāya manasāmunmanāya ca | vedavedāṅgamālāya namaste padmamāline

'Salutation to the striker of the thunderbolt, and to him beyond mind for all minds; to him garlanded with the Veda and Vedangas, salutation to you, the lotus-garlanded.'

Verse 47 (skanda.8.122.47)

नमः शैलप्रदाहाय शैलजातोद्भवाय च । महते विश्वरूपाय महद्भिर्महिताय च

namaḥ śailapradāhāya śailajātodbhavāya ca | mahate viśvarūpāya mahadbhirmahitāya ca

'Salutation to the burner of mountains, and to him arisen through the mountain-born goddess; to the great one of universal form, honored by the great.'

Verse 48 (skanda.8.122.48)

सहस्रशतनेत्राय ललाटनयनाय च । महायोगप्रणेत्रे च तथा तत्पुरुषाय च

sahasraśatanetrāya lalāṭanayanāya ca | mahāyogapraṇetre ca tathā tatpuruṣāya ca

'To him of a hundred thousand eyes, and to him with the eye on the forehead; to the leader of the great yoga, and likewise to Tatpurusha.'

Verse 49 (skanda.8.122.49)

नमो वेदरहस्याय देववेदस्तुताय च । योगिने ध्यायमानाय अशनीपातहासिने

namo vedarahasyāya devavedastutāya ca | yogine dhyāyamānāya aśanīpātahāsine

'Salutation to the secret of the Veda, and to him praised by the divine Veda; to the yogin meditated upon, to him whose laughter is like a thunderbolt's fall.'

Verse 50 (skanda.8.122.50)

हृच्छयाय नमस्तेस्तु नमः सर्वगताय च । कुमारवरनाथाय कुमारजनकाय च

hṛcchayāya namastestu namaḥ sarvagatāya ca | kumāravaranāthāya kumārajanakāya ca

'Salutation to you who dwell in the heart, salutation to the all-pervading one; to the lord of excellent Kumara, and to the father of Kumara.'

Verse 51 (skanda.8.122.51)

दण्डहस्ताय चरते अन्तकायाजिताय च । शुभाय शुभरूपाय शुभसर्वप्रवर्तिने

daṇḍahastāya carate antakāyājitāya ca | śubhāya śubharūpāya śubhasarvapravartine

'To him roaming with the rod in hand, to Death himself, and to the unconquered; to the auspicious one, of auspicious form, who sets all good things in motion.'

Verse 52 (skanda.8.122.52)

शिवाय शिवनाथाय सदा सर्वशिवाय च । धनुर्वेदरहस्याय धनुर्वेदप्रवर्तिने

śivāya śivanāthāya sadā sarvaśivāya ca | dhanurvedarahasyāya dhanurvedapravartine

'To Shiva, to the lord of auspiciousness, and to him ever wholly auspicious; to the secret of the science of archery, and to him who set it in motion.'

Verse 53 (skanda.8.122.53)

सर्वपापापहन्त्रे च सर्वपाप्मविघातिने । शिवः सौम्यश्च देवेश दिश नो यन्मनोगतम्

sarvapāpāpahantre ca sarvapāpmavighātine | śivaḥ saumyaśca deveśa diśa no yanmanogatam

'Salutation to him who removes all sin and destroys all evil — O gentle and auspicious Lord of the gods, grant us what is in our hearts.'

Verse 54 (skanda.8.122.54)

यदपव्याहृतं किञ्चिदस्माभिर्भगवन् विभो । तत्सर्वं भक्तवात्सल्यादस्माकं क्षन्तुमर्हसि

yadapavyāhṛtaṁ kiñcidasmābhirbhagavan vibho | tatsarvaṁ bhaktavātsalyādasmākaṁ kṣantumarhasi

'O Lord, O mighty one, whatever has been wrongly spoken by us — all of that, out of your love for devotees, you should forgive.'

Verse 55 (skanda.8.122.55)

पाप्मयाभिपरीतात्मा देवबन्धुरयं विभो । नरेण सह देवेश स भवेच्चन्द्रनिर्मलः

pāpmayābhiparītātmā devabandhurayaṁ vibho | nareṇa saha deveśa sa bhaveccandranirmalaḥ

'O mighty one, may this kinsman of the gods, his soul enveloped by sin — O Lord of gods — together with Nara, become spotless as the moon.'

Verse 56 (skanda.8.122.56)

सनत्कुमार उवाच । य इमं त्र्यम्बकस्तोत्रं भक्तिमान् सततं नरः । पठति प्रयतो व्यास पाप्मया स विमुच्यते

sanatkumāra uvāca | ya imaṁ tryambakastotraṁ bhaktimān satataṁ naraḥ | paṭhati prayato vyāsa pāpmayā sa vimucyate

Sanatkumara said: O Vyasa, whatever devoted man, self-controlled, constantly recites this hymn to Tryambaka is freed from sin.

Verse 57 (skanda.8.122.57)

सर्वपापैश्च मुच्येत नष्टञ्च लभते पुनः । न च दुर्गतिमाप्नोति यदि स्याद्वै सुपापकृत्

sarvapāpaiśca mucyeta naṣṭañca labhate punaḥ | na ca durgatimāpnoti yadi syādvai supāpakṛt

He is freed from all sins and regains what was lost; and even were he a great sinner, he does not attain an evil state.

Verse 58 (skanda.8.122.58)

सनत्कुमार उवाच । एवं स भगवान् देवैः स्तुतस्तुष्टश्च लोकपः । उवाच देवान्देवेशः सर्वान् सत्यवतीसुत

sanatkumāra uvāca | evaṁ sa bhagavān devaiḥ stutastuṣṭaśca lokapaḥ | uvāca devāndeveśaḥ sarvān satyavatīsuta

Sanatkumara said: O son of Satyavati, thus praised by the gods, that Blessed Lord and protector of the worlds, the God of gods, pleased, spoke to all the gods.

Verse 59 (skanda.8.122.59)

देवदेव उवाच । भो देवाः परितुष्टोस्मि वरं वृणुत कांक्षितम् । दास्येहं तन्महाप्रज्ञा मा तूष्णीं ब्रूत सर्वशः

devadeva uvāca | bho devāḥ parituṣṭosmi varaṁ vṛṇuta kāṁkṣitam | dāsyehaṁ tanmahāprajñā mā tūṣṇīṁ brūta sarvaśaḥ

The God of gods said: 'O gods, I am well satisfied; choose the boon you desire. I shall grant it, O wise ones; do not stay silent, speak fully.'

Verse 60 (skanda.8.122.60)

देवा ऊचुः । हरिरेष महादेव पाप्मया हतमानसः । तामस्य निर्णुद क्षिप्रं नीहारमिव भास्करः

devā ūcuḥ | harireṣa mahādeva pāpmayā hatamānasaḥ | tāmasya nirṇuda kṣipraṁ nīhāramiva bhāskaraḥ

The gods said: 'O Mahadeva, this Hari, his mind afflicted by sin — swiftly drive it from him, as the sun dispels the mist.'

Verse 61 (skanda.8.122.61)

एष लोकहितार्थाय देवानाञ्च महाबलः । कुरुते कर्म देवेश पाप्मानं ह्यस्य नाशय

eṣa lokahitārthāya devānāñca mahābalaḥ | kurute karma deveśa pāpmānaṁ hyasya nāśaya

'This mighty one acts for the welfare of the world and of the gods, O Lord of gods; destroy his sin.'

Verse 62 (skanda.8.122.62)

वयं च समतां तुभ्यं गणतां गणमध्यगाः । लभेम सर्वदैवेश यदि त्वं मन्यसे विभो

vayaṁ ca samatāṁ tubhyaṁ gaṇatāṁ gaṇamadhyagāḥ | labhema sarvadaiveśa yadi tvaṁ manyase vibho

'And, O Lord of all gods, may we too, if you deem it fit, O mighty one, obtain equality with you by entering the ranks of your gaṇas.'

Verse 63 (skanda.8.122.63)

सनत्कुमार उवाच । तेषामेवं तु वदतां देवानामृषिसत्तम । उवाच भगवाञ्छर्वः प्रहसन् प्रीतमानसः

sanatkumāra uvāca | teṣāmevaṁ tu vadatāṁ devānāmṛṣisattama | uvāca bhagavāñcharvaḥ prahasan prītamānasaḥ

Sanatkumara said: O best of sages, while the gods were speaking thus, the Blessed Sharva, smiling, his mind delighted, said:

Verse 64 (skanda.8.122.64)

विष्णुरेष सुराः सद्यो मोक्ष्यते पाप्मयानया । पाप्मा चेयं महाभागा ऊषरे संभविष्यति

viṣṇureṣa surāḥ sadyo mokṣyate pāpmayānayā | pāpmā ceyaṁ mahābhāgā ūṣare saṁbhaviṣyati

'O gods, this Vishnu shall at once be freed from this sin; and this greatly fortunate Sin shall come to dwell in barren, saline soil.'

Verse 65 (skanda.8.122.65)

निर्यासश्चैव वृक्षाणामपां फेनस्तथैव च । महोरगाणां गन्धश्च स्त्रीणां निन्दा तथैव च

niryāsaścaiva vṛkṣāṇāmapāṁ phenastathaiva ca | mahoragāṇāṁ gandhaśca strīṇāṁ nindā tathaiva ca

'The resin of trees, likewise the foam of water, the smell of great serpents, and likewise the reviling of women —'

Verse 66 (skanda.8.122.66)

दीक्षितस्य च विप्रस्य अशुभस्यावकीर्तनम् । ब्राह्मणानां परीवादो गवामपरिकीर्तनम्

dīkṣitasya ca viprasya aśubhasyāvakīrtanam | brāhmaṇānāṁ parīvādo gavāmaparikīrtanam

'and of a consecrated brahmin, the proclaiming of what is inauspicious about him; the slandering of brahmins, the failure to praise cows —'

Verse 67 (skanda.8.122.67)

अग्नेरज्वलनञ्चैव नदीनां बन्ध एव च । य एतानि नरः कुर्याद्रागमोहसमन्वितः । स एतां प्राप्नुयाल्लोके स्वयंभूरपि लोकपः

agnerajvalanañcaiva nadīnāṁ bandha eva ca | ya etāni naraḥ kuryādrāgamohasamanvitaḥ | sa etāṁ prāpnuyālloke svayaṁbhūrapi lokapaḥ

'and the not-kindling of fire, and the damming of rivers — whoever does these, driven by passion and delusion, he — even were he the Self-existent world-protector — shall obtain this Sin in the world.'

Verse 68 (skanda.8.122.68)

यदा तु वसुदेवस्य सुतो विष्णुर्भविष्यति । तदा स रूपिणीमेनां नर एषोपभोक्ष्यते

yadā tu vasudevasya suto viṣṇurbhaviṣyati | tadā sa rūpiṇīmenāṁ nara eṣopabhokṣyate

'But when Vishnu becomes the son of Vasudeva, then this man shall experience her in embodied form.'

Verse 69 (skanda.8.122.69)

तत्रोपभुज्य वरदो हरेर्जातां स्वसान्तदा । विमुक्तः पाप्मया भूय इमं लोकं चरिष्यति

tatropabhujya varado harerjātāṁ svasāntadā | vimuktaḥ pāpmayā bhūya imaṁ lokaṁ cariṣyati

'There, that boon-giver, having so experienced her — then born as the sister of Hari — freed once more from sin, shall move through this world.'

Verse 70 (skanda.8.122.70)

यथा त्वस्य स्वसापीयं नैव बाधां करिष्यति । तथा चरत्वयं घोरं तपः परमदुश्चरम्

yathā tvasya svasāpīyaṁ naiva bādhāṁ kariṣyati | tathā caratvayaṁ ghoraṁ tapaḥ paramaduścaram

'So that this sister of his may cause him no harm, let him perform this terrible and most difficult austerity.'

Verse 71 (skanda.8.122.71)

यूयं च ऋषिभिः सार्धमिहैव सुसमाहिताः । पुरश्चरणमव्यग्राः कुरुध्वं मदनुज्ञया

yūyaṁ ca ṛṣibhiḥ sārdhamihaiva susamāhitāḥ | puraścaraṇamavyagrāḥ kurudhvaṁ madanujñayā

'And you too, together with the sages, well composed here itself and undistracted, perform the preliminary rite by my leave.'

Verse 72 (skanda.8.122.72)

सनत्कुमार उवाच । त एवमुक्ता देवेन देवास्सर्वे तदा हरिम् । ऊचुः कुरु तपो घोरं ततः श्रेयो ह्यवाप्स्यसि

sanatkumāra uvāca | ta evamuktā devena devāssarve tadā harim | ūcuḥ kuru tapo ghoraṁ tataḥ śreyo hyavāpsyasi

Sanatkumara said: Thus addressed by the god, all the gods then said to Hari: 'Perform terrible austerity; thereby you shall obtain welfare.'

Verse 73 (skanda.8.122.73)

ततः स चन्द्रं शैलेन्द्रमारुह्य सुसमाहितः । तपश्चचार सुमहदिन्द्रियग्रामतापनम्

tataḥ sa candraṁ śailendramāruhya susamāhitaḥ | tapaścacāra sumahadindriyagrāmatāpanam

Then he, mounting the mountain-king Chandra, well composed, practiced a very great austerity that scorched the host of senses.

Verse 74 (skanda.8.122.74)

देवा अपि महात्मान ऋषिभिस्सह सुव्रतैः । हिरण्यवर्णं शैलेन्द्रे तपस्तेपुस्समाहिताः

devā api mahātmāna ṛṣibhissaha suvrataiḥ | hiraṇyavarṇaṁ śailendre tapastepussamāhitāḥ

The great-souled gods too, together with the well-vowed sages, practiced austerity, composed, on that golden-hued mountain-king.

Verse 75 (skanda.8.122.75)

अथ तेषां समाप्ते तु व्रते तस्मिन् पिनाकधृक् । आदिदेश व्रतं दीप्तं यत्तत् पाशुपतं महत्

atha teṣāṁ samāpte tu vrate tasmin pinākadhṛk | ādideśa vrataṁ dīptaṁ yattat pāśupataṁ mahat

Then, when their vow was completed, the trident-bearer instructed them in that blazing, great Pashupata vow.

Verse 76 (skanda.8.122.76)

उवाच स तु तुष्टात्मा आभाष्य सुरपुंगवान् । मेघदुन्दुभिनिर्घोषं धीरम्भीरशब्दवत्

uvāca sa tu tuṣṭātmā ābhāṣya surapuṁgavān | meghadundubhinirghoṣaṁ dhīrambhīraśabdavat

He, his heart pleased, addressing the bulls among the gods, spoke in a voice deep and grave as the rumble of thundering drums.

Verse 77 (skanda.8.122.77)

देवदेव उवाच । पुरश्चरणमेतद्धि सुचीर्णं लोकपाः स्वयम् । इदं पाशुपतं चीर्त्वा निर्वृता यात निर्भयाः

devadeva uvāca | puraścaraṇametaddhi sucīrṇaṁ lokapāḥ svayam | idaṁ pāśupataṁ cīrtvā nirvṛtā yāta nirbhayāḥ

The God of gods said: 'O world-protectors, you yourselves have well performed this preliminary rite; having practiced this Pashupata vow, go forth content and fearless.'

Verse 78 (skanda.8.122.78)

एतत् परं पवित्रञ्च सांख्ययोगाधिकं व्रतम् । नास्मात्परतरं किञ्चित् सूक्ष्मं वा विद्यते क्वचित्

etat paraṁ pavitrañca sāṁkhyayogādhikaṁ vratam | nāsmātparataraṁ kiñcit sūkṣmaṁ vā vidyate kvacit

'This vow is supremely sacred, surpassing Sankhya and Yoga; nothing higher or subtler than this exists anywhere.'

Verse 79 (skanda.8.122.79)

भस्मना दिग्धसर्वाङ्गो दिग्वासाः शुचिरेव च । शरीरस्थैर्यजन् रुद्रं सर्वपापैः प्रमुच्यते

bhasmanā digdhasarvāṅgo digvāsāḥ śucireva ca | śarīrasthairyajan rudraṁ sarvapāpaiḥ pramucyate

'One whose whole body is smeared with ashes, clad in the [bare] directions, pure, worshipping Rudra with bodily steadiness, is freed from all sins.'

Verse 80 (skanda.8.122.80)

आर्द्र स्नानात् परं भस्म आर्द्रे जन्तुवधो ध्रुवम् । आर्द्रन्तु प्रकृतिं विद्यात् प्रकृतिं चापि बन्धनम्

ārdra snānāt paraṁ bhasma ārdre jantuvadho dhruvam | ārdrantu prakṛtiṁ vidyāt prakṛtiṁ cāpi bandhanam

'Ash surpasses bathing in wet water, for in the wet state harm to living creatures is inevitable; the wet state should be understood as [material] nature, and nature itself as bondage.'

Verse 81 (skanda.8.122.81)

प्रकृतेस्तु प्रहाणार्थं भस्मना स्नानमिष्यते । दिग्वासस्त्वं च शौचञ्च येन जायेन्न कर्हिचित्

prakṛtestu prahāṇārthaṁ bhasmanā snānamiṣyate | digvāsastvaṁ ca śaucañca yena jāyenna karhicit

'For the sake of abandoning nature, bathing with ash is prescribed, as are nakedness and purity, whereby one is never born again.'

Verse 82 (skanda.8.122.82)

यन्त्राणां परमं यन्त्रमन्यद्यस्मान्न विद्यते । षडङ्ग सर्वकामीयं सर्वलोकनमस्कृतम्

yantrāṇāṁ paramaṁ yantramanyadyasmānna vidyate | ṣaḍaṅga sarvakāmīyaṁ sarvalokanamaskṛtam

'This is the supreme discipline among disciplines; nothing else beyond it exists — sixfold, fulfilling all desires, honored by the whole world.'

Verse 83 (skanda.8.122.83)

शुचि सर्वपवित्रं च सर्वपापापहं शुभम् । तपसो वर्धनं चैव ते चरन्तु समाहिताः । यन्त्रं त्वपापं विज्ञेयं प्रकृतिस्सा च संस्मृता

śuci sarvapavitraṁ ca sarvapāpāpahaṁ śubham | tapaso vardhanaṁ caiva te carantu samāhitāḥ | yantraṁ tvapāpaṁ vijñeyaṁ prakṛtissā ca saṁsmṛtā

'It is pure, wholly sacred, remover of all sin, auspicious, and increases austerity — let them practice it, composed. This discipline is to be known as sinless, and it is also called nature.'

Verse 84 (skanda.8.122.84)

बन्धश्च त्रिविधः प्रोक्तः सन्यासफलमेव च । तस्मात् सर्वप्रहाणार्थं यन्त्रमेतत् समाचरेत्

bandhaśca trividhaḥ proktaḥ sanyāsaphalameva ca | tasmāt sarvaprahāṇārthaṁ yantrametat samācaret

'Bondage is declared to be threefold, and so too the fruit of renunciation; therefore, to abandon all, one should practice this discipline.'

Verse 85 (skanda.8.122.85)

असम्मतः सदा लोके येन जीर्येन्न कर्हिचित् । योगञ्च परमं प्राप्य योगानां यत्परं महत्

asammataḥ sadā loke yena jīryenna karhicit | yogañca paramaṁ prāpya yogānāṁ yatparaṁ mahat

'By which one stays uncommon in the world's estimation and never ages, and attains that supreme yoga which is the greatest among yogas —'

Verse 86 (skanda.8.122.86)

यस्मात् परतरं नास्ति षडङ्गं सर्वकामिकम् । येन मुक्तः पतेद् भूयो न योगी मरणादिषु

yasmāt parataraṁ nāsti ṣaḍaṅgaṁ sarvakāmikam | yena muktaḥ pated bhūyo na yogī maraṇādiṣu

'than which sixfold [discipline], fulfiller of every desire, nothing is higher — by which the liberated yogin never falls again into death and its like.'

Verse 87 (skanda.8.122.87)

तं योगं समनुप्राप्य सिद्धो दिव्येन कर्मणा । न लिप्यते महायोगी कर्मभिस्तु कृताकृतैः

taṁ yogaṁ samanuprāpya siddho divyena karmaṇā | na lipyate mahāyogī karmabhistu kṛtākṛtaiḥ

'Having attained that yoga, made accomplished by divine action, the great yogin is not tainted by deeds done or left undone.'

Verse 88 (skanda.8.122.88)

सनत्कुमार उवाच । एवं ते देवदेवेन समाज्ञप्ता दिवौकसः । समाप्य तद्व्रतं घोरं शंकरस्य गणा बभुः

sanatkumāra uvāca | evaṁ te devadevena samājñaptā divaukasaḥ | samāpya tadvrataṁ ghoraṁ śaṁkarasya gaṇā babhuḥ

Sanatkumara said: Thus instructed by the God of gods, the gods, having completed that terrible vow, became gaṇas of Shankara.

Verse 89 (skanda.8.122.89)

ते गणत्वमनुप्राप्य तस्य देवस्य शूलिनः । अन्वगृहणन्त तं देशं तपसा भाविता भृशम्

te gaṇatvamanuprāpya tasya devasya śūlinaḥ | anvagṛhaṇanta taṁ deśaṁ tapasā bhāvitā bhṛśam

Having attained the state of gaṇas of that trident-bearing god, made mature by austerity, they extended their favor upon that region.

Verse 90 (skanda.8.122.90)

देवा ऊचुः । यस्मादिह सुचीर्णं नः पुरश्चरणमन्तशः । तस्मादिदं महेशस्य गुह्यमायतनं स्मृतम्

devā ūcuḥ | yasmādiha sucīrṇaṁ naḥ puraścaraṇamantaśaḥ | tasmādidaṁ maheśasya guhyamāyatanaṁ smṛtam

The gods said: 'Since here our preliminary rite was well performed to its completion, therefore this is remembered as Mahesha's secret abode.'

Verse 91 (skanda.8.122.91)

पुरिश्चन्द्रमिति ख्यातं त्रिषु लोकेषु दीप्तिमत् । पञ्चयोजनविस्तीर्णं तावदेवायतं शुभम्

puriścandramiti khyātaṁ triṣu lokeṣu dīptimat | pañcayojanavistīrṇaṁ tāvadevāyataṁ śubham

'Known as Purishchandra, radiant in the three worlds, five yojanas in breadth and equally so in length, this shall be an auspicious place.'

Verse 92 (skanda.8.122.92)

सिद्धचारणसंकीर्णमप्सरोगणनादितम् । बहुपक्षिनिनादञ्च नदीप्रस्रवणाकुलम् । भविष्यति महापुण्यं तपोधनतपोवनम्

siddhacāraṇasaṁkīrṇamapsarogaṇanāditam | bahupakṣininādañca nadīprasravaṇākulam | bhaviṣyati mahāpuṇyaṁ tapodhanatapovanam

'Thronged with Siddhas and Charanas, resounding with troops of Apsaras, filled with the calls of many birds and abounding in rivers and springs, it shall become a most sacred ascetic grove, the wealth of the austere.'

Verse 93 (skanda.8.122.93)

योत्रागत्य चरुं कृत्वा भोजयित्वा च ब्राह्मणम् । अर्चयेद्देवदेवेशं रुद्रलोके स मोदते

yotrāgatya caruṁ kṛtvā bhojayitvā ca brāhmaṇam | arcayeddevadeveśaṁ rudraloke sa modate

'Whoever comes here, prepares an oblation, feeds a brahmin, and worships the God of gods rejoices in Rudra's world.'

Verse 94 (skanda.8.122.94)

यश्चात्र नियमं कृत्वा भस्मस्नायी यतव्रतः । मुहूर्तमपि तिष्ठेत स गच्छेद् गणमध्यताम्

yaścātra niyamaṁ kṛtvā bhasmasnāyī yatavrataḥ | muhūrtamapi tiṣṭheta sa gacched gaṇamadhyatām

'And whoever observes discipline here, bathed in ash, self-restrained by vow, and stays even a single muhurta attains a place among the gaṇas.'

Verse 95 (skanda.8.122.95)

अक्षयश्चामरश्चैव जरारोगविवर्जितः । रुद्रस्य गणपो भूत्वा योगैश्वर्यमवाप्स्यति

akṣayaścāmaraścaiva jarārogavivarjitaḥ | rudrasya gaṇapo bhūtvā yogaiśvaryamavāpsyati

'Imperishable, immortal, free of old age and disease, becoming a lord of Rudra's gaṇas, he shall obtain the lordship of yoga.'

Verse 96 (skanda.8.122.96)

कामचारी सुपापात्मा योप्यत्र दिवसं वसेत् । सोश्वमेधफलं प्राप्य सर्वपापैः प्रमुच्यते

kāmacārī supāpātmā yopyatra divasaṁ vaset | sośvamedhaphalaṁ prāpya sarvapāpaiḥ pramucyate

'Even one of unrestrained conduct, of very sinful soul, who dwells here but a single day, obtaining the fruit of the ashvamedha, is freed from all sins.'

Verse 97 (skanda.8.122.97)

सकामोपि दुराचारो योत्र प्राणान् परित्यजेत् । सोपि देवसदः प्राप्य देवैः सह चरिष्यति

sakāmopi durācāro yotra prāṇān parityajet | sopi devasadaḥ prāpya devaiḥ saha cariṣyati

'Even one still full of desire and of evil conduct, who gives up his life here, shall also attain the abode of the gods and move among them.'

Verse 98 (skanda.8.122.98)

सनत्कुमार उवाच । ततस्ते दैवताः सर्वे प्राप्य तत्परमं तपः । इज्यास्नानं तदा चक्रुरीशस्य परमात्मनः

sanatkumāra uvāca | tataste daivatāḥ sarve prāpya tatparamaṁ tapaḥ | ijyāsnānaṁ tadā cakrurīśasya paramātmanaḥ

Sanatkumara said: Then all those gods, having attained that supreme austerity, performed worship and ritual bathing in honor of the supreme Lord.

Verse 99 (skanda.8.122.99)

अथ ते कृतकृत्याश्च महायोगबलान्विताः । हरिं प्रति मनश्चक्रुर्गन्तुं सर्वे दिवौकसः

atha te kṛtakṛtyāśca mahāyogabalānvitāḥ | hariṁ prati manaścakrurgantuṁ sarve divaukasaḥ

Then, their task accomplished and endowed with the power of great yoga, all the gods set their minds on going to Hari.

Verse 100 (skanda.8.122.100)

तं ज्वलन्तमिवादित्यमागच्छन्तो महाबलाः । हरिश्चन्द्रगिरौ व्यास हरिं ददृशुरव्ययम्

taṁ jvalantamivādityamāgacchanto mahābalāḥ | hariścandragirau vyāsa hariṁ dadṛśuravyayam

Coming there, those mighty ones, O Vyasa, saw on Harishchandra mountain the imperishable Hari, blazing like the sun.

Verse 101 (skanda.8.122.101)

सोपि कालेन महता धूतपाप्मा महातपाः । तदैव लब्ध्वा देवानां समतां मुदितात्मवान्

sopi kālena mahatā dhūtapāpmā mahātapāḥ | tadaiva labdhvā devānāṁ samatāṁ muditātmavān

He too, after a great time, his sin shaken off, of great austerity, having then attained equality with the gods, his heart joyful,

Verse 102 (skanda.8.122.102)

प्रति तदा वेगादुत्थाय ऋषिसत्तम । शिखरात् सन्निपत्याशु तेषां मध्येवतिष्ठत

prati tadā vegādutthāya ṛṣisattama | śikharāt sannipatyāśu teṣāṁ madhyevatiṣṭhata

[A couple of syllables are lost at the start of this line.] O best of sages, rising swiftly toward them, quickly descending from the peak, he stood in their midst.

Verse 103 (skanda.8.122.103)

ततस्ते मुदिताः सम्यग्घरिणा सह संगताः । शिखरं तद् गिरेस्तस्य फलेन समयोजयन्

tataste muditāḥ samyagghariṇā saha saṁgatāḥ | śikharaṁ tad girestasya phalena samayojayan

Then, joyful, having duly united with Hari, they endowed that mountain's peak with a boon/fruit.

Verse 104 (skanda.8.122.104)

यस्माद्धरिरयं ह्यत्र चन्द्रवन्निर्मलो बभौ । तपसा महता चैव तस्मादेषोचलेश्वरः

yasmāddharirayaṁ hyatra candravannirmalo babhau | tapasā mahatā caiva tasmādeṣocaleśvaraḥ

'Since this Hari here shone spotless as the moon through great austerity, therefore this shall be Achaleshvara, Lord of Mountains.'

Verse 105 (skanda.8.122.105)

हरिश्चन्द्र इति ख्यातो भविष्यति न संशयः । यस्मादप्रकृतेनैव प्रपातोत्र कृतः पुनः । तस्माद् भृगुरयं लोके पुण्यो भवतु सर्वशः

hariścandra iti khyāto bhaviṣyati na saṁśayaḥ | yasmādaprakṛtenaiva prapātotra kṛtaḥ punaḥ | tasmād bhṛgurayaṁ loke puṇyo bhavatu sarvaśaḥ

'It shall doubtless become known as Harishchandra; and since here an extraordinary leap was again performed, therefore let this Bhrigu-precipice be sacred in the world in every way.'

Verse 106 (skanda.8.122.106)

अत्र योभ्येत्य देवेशा भृगुप्रपतनं नरः । साधयेत स गच्छेत हरेर्लोकमतिप्रभम्

atra yobhyetya deveśā bhṛguprapatanaṁ naraḥ | sādhayeta sa gaccheta harerlokamatiprabham

'O lords of gods, whatever man comes here and performs the Bhrigu-leap attains Hari's most radiant world.'

Verse 107 (skanda.8.122.107)

महापातकसंयुक्तो व्याधिना समुपद्रुतः । योत्र साधयते प्राणान् सोपि मुच्येन्महाभयात्

mahāpātakasaṁyukto vyādhinā samupadrutaḥ | yotra sādhayate prāṇān sopi mucyenmahābhayāt

'Even one burdened with a great sin, afflicted by disease, who ends his life here, is also freed from great fear.'

Verse 108 (skanda.8.122.108)

यद्वा प्रार्थयते नित्यं प्रपाते चात्र किंचन । तत्प्राप्नुयान्नरः सर्वमचिरात्तच्च वै स्मृतम्

yadvā prārthayate nityaṁ prapāte cātra kiṁcana | tatprāpnuyānnaraḥ sarvamacirāttacca vai smṛtam

'And whatever a man ever desires at this precipice, he obtains all of it swiftly — so it is remembered.'

Verse 109 (skanda.8.122.109)

सनत्कुमार उवाच । हरिश्चन्द्रमिमं यस्तु पुरिश्चन्द्रन्तु धर्मवित् । पठेत शृणुयाद्वापि स पाप्मानं विशस्यति

sanatkumāra uvāca | hariścandramimaṁ yastu puriścandrantu dharmavit | paṭheta śṛṇuyādvāpi sa pāpmānaṁ viśasyati

Sanatkumara said: Whoever, versed in dharma, recites or hears this account of Harishchandra and Purishchandra destroys his sin.

Verse 110 (skanda.8.122.110)

इदं तु यः शुचिरनसूयवान् सदा नरः पठेद् द्विजगणदेवसंसदि । स निर्मलो रविरिव तेजसा ज्वलन् त्रिविष्टपे वसति यथामरोवरः

idaṁ tu yaḥ śuciranasūyavān sadā naraḥ paṭhed dvijagaṇadevasaṁsadi | sa nirmalo raviriva tejasā jvalan triviṣṭape vasati yathāmarovaraḥ

Whatever pure and non-envious man constantly recites this in an assembly of brahmins and gods, he, spotless, blazing with radiance like the sun, dwells in heaven like a foremost immortal.