Dhruva's Penance and the Vision of Vishnu

Verse 1 (vishnu.1.12.1)

श्रीपराशर उवाच । निशम्यैतद् अशेषेण मैत्रेय नृपतेः सुतः । निर्जगाम वनात् तस्मात् प्रणिपत्य स तान् ऋषीन्

śrīparāśara uvāca niśamyaitad aśeṣeṇa maitreya nṛpateḥ sutaḥ nirjagāma vanāt tasmāt praṇipatya sa tān ṛṣīn

Parashara said: Having heard all this, O Maitreya, the king's son, bowing to those sages, went forth from that forest.

Verse 2 (vishnu.1.12.2)

कृतकृत्यम् इवात्मानं मन्यमानस् ततो द्विज । मधुसंज्ञं महापुण्यं जगाम यमुनातटम्

kṛtakṛtyam ivātmānaṁ manyamānas tato dvija madhusaṁjñaṁ mahāpuṇyaṁ jagāma yamunātaṭam

Considering himself as if his purpose were already accomplished, O twice-born, he arrived at the greatly sacred bank of the Yamuna known as Madhu.

Verse 3 (vishnu.1.12.3)

पुनश् च मधुसंज्ञेन दैत्येनाधिष्ठितं यतः । ततो मधुवनं नाम्ना ख्यातम् अत्र महीतले

punaś ca madhusaṁjñena daityenādhiṣṭhitaṁ yataḥ tato madhuvanaṁ nāmnā khyātam atra mahītale

Because it had once been inhabited by the Daitya named Madhu, that place became famed upon this earth by the name Madhuvana.

Verse 4 (vishnu.1.12.4)

हत्वा च लवणं रक्षो मधुपुत्रं महाबलम् । शत्रुघ्नो मधुरां नाम पुरीं यत्र चकार वै

hatvā ca lavaṇaṁ rakṣo madhuputraṁ mahābalam śatrughno madhurāṁ nāma purīṁ yatra cakāra vai

And there, having slain the mighty Rakshasa Lavana, son of Madhu, Shatrughna founded a city named Mathura.

Verse 5 (vishnu.1.12.5)

यत्र वै देवदेवस्य सांनिध्यं हरिमेधसः । सर्वपापहरे तस्मिंस् तपस् तीर्थे चकार सः

yatra vai devadevasya sāṁnidhyaṁ harimedhasaḥ sarvapāpahare tasmiṁs tapas tīrthe cakāra saḥ

There, where the blessed lord Harimedhas is ever present, at that ford which destroys every sin, he performed his austerity.

Verse 6 (vishnu.1.12.6)

मरीचिमिश्रैर् मुनिभिर् यथोद्दिष्टम् अभूत् तथा । आत्मन्य् अशेषदेवेशं स्थितं विष्णुम् अमन्यत

marīcimiśrair munibhir yathoddiṣṭam abhūt tathā ātmany aśeṣadeveśaṁ sthitaṁ viṣṇum amanyata

Just as instructed by the sage Marichi and the others, so he did; he held Vishnu, lord of all the gods, fixed within his own self.

Verse 7 (vishnu.1.12.7)

अनन्यचेतसस् तस्य ध्यायतो भगवान् हरिः । सर्वभूतगतो विप्र सर्वभावगतोऽभवत्

ananyacetasas tasya dhyāyato bhagavān hariḥ sarvabhūtagato vipra sarvabhāvagato 'bhavat

As he meditated with mind fixed on nothing else, the blessed Hari, O brahmin, became present within all beings and every state of being.

Verse 8 (vishnu.1.12.8)

मनस्य् अवस्थिते तस्य विष्णौ मैत्रेय योगिनः । न शशाक धरा भारम् उद्वोढुं भूतधारिणी

manasy avasthite tasya viṣṇau maitreya yoginaḥ na śaśāka dharā bhāram udvoḍhuṁ bhūtadhāriṇī

O Maitreya, when Vishnu had thus become fixed in that yogi's mind, the earth, bearer of all creatures, grew unable to sustain his weight.

Verse 9 (vishnu.1.12.9)

वामपादस्थिते तस्मिन् ननामार्धेन मेदिनी । द्वितीयं च ननामार्धं क्षितेर् दक्षिणतः स्थिते

vāmapādasthite tasmin nanāmārdhena medinī dvitīyaṁ ca nanāmārdhaṁ kṣiter dakṣiṇataḥ sthite

When he stood upon his left foot, half the earth bowed down; and when he stood upon his right, the other half bowed down as well.

Verse 10 (vishnu.1.12.10)

पादाङ्गुष्ठेन संपीड्य यदा स वसुधां स्थितः । तदा सा वसुधा विप्र चचाल सह पर्वतैः

pādāṅguṣṭhena saṁpīḍya yadā sa vasudhāṁ sthitaḥ tadā sā vasudhā vipra cacāla saha parvataiḥ

When, pressing down with his big toe, he stood upon the earth, then, O brahmin, that earth shook together with its mountains.

Verse 11 (vishnu.1.12.11)

नद्यो नदाः समुद्राश् च संक्षोभं परमं ययुः । तत्क्षोभाद् अमराः क्षोभं परं जग्मुर् महामुने

nadyo nadāḥ samudrāś ca saṁkṣobhaṁ paramaṁ yayuḥ tatkṣobhād amarāḥ kṣobhaṁ paraṁ jagmur mahāmune

Rivers, streams, and oceans were thrown into extreme turmoil; and from that very turmoil, O great sage, the immortals too fell into the utmost agitation.

Verse 12 (vishnu.1.12.12)

यामा नाम तदा देवा मैत्रेय परमाकुलाः । इन्द्रेण सह संमन्त्र्य ध्यानभङ्गं प्रचक्रमुः

yāmā nāma tadā devā maitreya paramākulāḥ indreṇa saha saṁmantrya dhyānabhaṅgaṁ pracakramuḥ

The gods named Yamas, O Maitreya, greatly disturbed, consulted with Indra and set out to break his meditation.

Verse 13 (vishnu.1.12.13)

कूष्माण्डा विविधै रूपैर् महेन्द्रेण महामुने । समाधिभङ्गम् अत्यन्तम् आरब्धाः कर्तुम् आतुराः

kūṣmāṇḍā vividhai rūpair mahendreṇa mahāmune samādhibhaṅgam atyantam ārabdhāḥ kartum āturāḥ

The Kushmanda spirits, in various forms, together with mighty Indra, O great sage, eagerly set about the attempt to shatter his deep concentration.

Verse 14 (vishnu.1.12.14)

सुनीतिर् नाम तन्माता सास्रा तत्पुरतः स्थिता । पुत्रेति करुणां वाचम् आह मायामयी तदा

sunītir nāma tanmātā sāsrā tatpurataḥ sthitā putreti karuṇāṁ vācam āha māyāmayī tadā

His mother, named Sunīti, illusory and conjured by magic, stood tearfully before him and spoke this piteous speech: 'My son—'

Verse 15 (vishnu.1.12.15)

पुत्रकास्मान् निवर्तस्व शरीरव्ययदारुणात् । निर्बन्धतो मया लब्धो बहुभिस् त्वं मनोरथैः

putrakāsmān nivartasva śarīravyayadāruṇāt nirbandhato mayā labdho bahubhis tvaṁ manorathaiḥ

'My son, turn back from this dreadful undertaking that will destroy your body; with great difficulty, through many hopes, have I obtained you.'

Verse 16 (vishnu.1.12.16)

दीनाम् एकां परित्यक्तुम् अनाथां न त्वम् अर्हसि । सपत्नीवचनाद् वत्स अगतेस् त्वं गतिर् मम

dīnām ekāṁ parityaktum anāthāṁ na tvam arhasi sapatnīvacanād vatsa agates tvaṁ gatir mama

'You ought not to abandon one wretched, helpless woman; my child, because of a co-wife's words, with no other refuge, you alone are my refuge.'

Verse 17 (vishnu.1.12.17)

क्व च त्वं पञ्चवर्षीयः क्व चैतद् दारुणं तपः । निवर्त्यतां मनः कष्टान् निर्बन्धात् फलवर्जितात्

kva ca tvaṁ pañcavarṣīyaḥ kva caitad dāruṇaṁ tapaḥ nivartyatāṁ manaḥ kaṣṭān nirbandhāt phalavarjitāt

'Where are you, a five-year-old child, and where this dreadful austerity? Turn your mind back, with effort, from this fruitless, obstinate hardship.'

Verse 18 (vishnu.1.12.18)

कालः क्रीडनकानां ते तदन्तेऽध्ययनस्य च । ततः समस्तभोगानां तदन्ते चेष्यते तपः

kālaḥ krīḍanakānāṁ te tadante 'dhyayanasya ca tataḥ samastabhogānāṁ tadante ceṣyate tapaḥ

'This is your time for play, and after that, for study; then comes the time for all life's enjoyments, and only after that is austerity to be desired.'

Verse 19 (vishnu.1.12.19)

कालः क्रीडनकानां यस् तव बालस्य पुत्रक । तस्मिंस् त्वम् इत्थं तपसि किं नाशायात्मनो रतः

kālaḥ krīḍanakānāṁ yas tava bālasya putraka tasmiṁs tvam itthaṁ tapasi kiṁ nāśāyātmano rataḥ

'My little one, in this time meant for a child's play, why, devoted to such austerity, do you seek to destroy yourself?'

Verse 20 (vishnu.1.12.20)

मत्प्रीतिः परमो धर्मो वयोवस्थाक्रियाक्रमम् । अनुवर्तस्व मा मोहं निवर्तास्माद् अधर्मतः

matprītiḥ paramo dharmo vayovasthākriyākramam anuvartasva mā mohaṁ nivartāsmād adharmataḥ

'My affection is the highest dharma; follow the course proper to your age and stage of life — do not fall into this delusion, this wrong path; turn back from it.'

Verse 21 (vishnu.1.12.21)

परित्यजति वत्साद्य यद्य् एतन् न भवांस् तपः । त्यक्ष्याम्य् अहम् अपि प्राणांस् ततो वै पश्यतस् तव

parityajati vatsādya yady etan na bhavāṁs tapaḥ tyakṣyāmy aham api prāṇāṁs tato vai paśyatas tava

'My child, if you do not abandon this austerity today, then, before your very eyes, I too shall give up my life.'

Verse 22 (vishnu.1.12.22)

श्रीपराशर उवाच । स तां विलपतीम् एवं बाष्पव्याकुललोचनाम् । समाहितमना विष्णौ पश्यन्न् अपि न दृष्टवान्

śrīparāśara uvāca sa tāṁ vilapatīm evaṁ bāṣpavyākulalocanām samāhitamanā viṣṇau paśyann api na dṛṣṭavān

Parashara said: Though he beheld her thus lamenting, her eyes troubled with tears, his mind fixed steadfastly on Vishnu, he did not truly see her.

Verse 23 (vishnu.1.12.23)

वत्स वत्स सुघोराणि रक्षांस्य् एतानि भीषणे । वनेऽभ्युद्यतशस्त्राणि समायान्त्य् अपगम्यताम्

vatsa vatsa sughorāṇi rakṣāṁsy etāni bhīṣaṇe vane 'bhyudyataśastrāṇi samāyānty apagamyatām

'Child, child! These most terrible Rakshasas of the fearsome forest, their weapons raised, are coming this way — flee!'

Verse 24 (vishnu.1.12.24)

इत्य् उक्त्वा प्रययौ साथ रक्षांस्य् आविर्बभुस् ततः । अभ्युद्यतोग्रशस्त्राणि ज्वालामालाकुलैर् मुखैः

ity uktvā prayayau sātha rakṣāṁsy āvirbabhus tataḥ abhyudyatograśastrāṇi jvālāmālākulair mukhaiḥ

Having said this, she departed; and then, their mouths ringed with garlands of flame, brandishing fierce weapons, Rakshasas appeared.

Verse 25 (vishnu.1.12.25)

ततो नादान् अतीवोग्रान् राजपुत्रस्य ते पुरः । मुमुचुर् दीप्तशस्त्राणि भ्रामयन्तो निशाचराः

tato nādān atīvogrān rājaputrasya te puraḥ mumucur dīptaśastrāṇi bhrāmayanto niśācarāḥ

Then, before that prince, those night-wanderers, brandishing blazing weapons and whirling them about, let out most terrible roars.

Verse 26 (vishnu.1.12.26)

शिवाश् च शतशो नेदुः सज्वालकवलैर् मुखैः । त्रासाय तस्य बालस्य योगयुक्तस्य सर्वतः

śivāś ca śataśo neduḥ sajvālakavalair mukhaiḥ trāsāya tasya bālasya yogayuktasya sarvataḥ

Jackals too, their mouths filled with flame, howled by the hundreds, to terrify that child, steadfast in yoga, from every side.

Verse 27 (vishnu.1.12.27)

हन्यतां हन्यताम् एष छिद्यतां छिद्यताम् अयम् । भक्ष्यतां भक्ष्यतां चायम् इत्य् ऊचुस् ते निशाचराः

hanyatāṁ hanyatām eṣa chidyatāṁ chidyatām ayam bhakṣyatāṁ bhakṣyatāṁ cāyam ity ūcus te niśācarāḥ

'Kill him, kill him! Cut him down, cut him down! Devour him, devour him!' — so cried those night-roving demons.

Verse 28 (vishnu.1.12.28)

ततो नानाविधान् नादान् सिंहोष्ट्रमकराननाः । त्रासाय राजपुत्रस्य नेदुस् ते रजनीचराः

tato nānāvidhān nādān siṁhoṣṭramakarānanāḥ trāsāya rājaputrasya nedus te rajanīcarāḥ

Then those night-wanderers, their faces like lions, camels, and crocodiles, let out cries of every fearsome kind to terrify the prince.

Verse 29 (vishnu.1.12.29)

रक्षांसि तानि ते नादाः शिवास् तान्य् आयुधानि च । गोविन्दासक्तचित्तस्य ययुर् नेन्द्रियगोचरम्

rakṣāṁsi tāni te nādāḥ śivās tāny āyudhāni ca govindāsaktacittasya yayur nendriyagocaram

But those Rakshasas, those roars, those jackals, and those weapons never entered the range of his senses at all, so absorbed was his mind in Govinda.

Verse 30 (vishnu.1.12.30)

एकाग्रचेताः सततं विष्णुम् एवात्मसंश्रयम् । दृष्टवान् पृथिवीनाथपुत्रो नान्यत् कथंचन

ekāgracetāḥ satataṁ viṣṇum evātmasaṁśrayam dṛṣṭavān pṛthivīnāthaputro nānyat kathaṁcana

With one-pointed mind, that son of the lord of the earth beheld only Vishnu, his sole refuge as the self, and nothing else whatsoever, ever.

Verse 31 (vishnu.1.12.31)

ततः सर्वासु मायासु विलीनासु पुनः सुराः । संक्षोभं परमं जग्मुस् तत्पराभवशङ्किताः

tataḥ sarvāsu māyāsu vilīnāsu punaḥ surāḥ saṁkṣobhaṁ paramaṁ jagmus tatparābhavaśaṅkitāḥ

Then, when all that illusion had dissolved away, the gods once more fell into the utmost turmoil, fearing their own defeat by him.

Verse 32 (vishnu.1.12.32)

ते समेत्य जगद्योनिम् अनादिनिधनं हरिम् । शरण्यं शरणं यातास् तपसा तस्य तापिताः

te sametya jagadyonim anādinidhanaṁ harim śaraṇyaṁ śaraṇaṁ yātās tapasā tasya tāpitāḥ

Coming together, scorched by his austerity, they went for refuge to Hari, without beginning or end, the true refuge.

Verse 33 (vishnu.1.12.33)

देवा ऊचुः । देवदेव जगन्नाथ परेश पुरुषोत्तम । ध्रुवस्य तपसा तप्तास् त्वां वयं शरणं गताः

devā ūcuḥ devadeva jagannātha pareśa puruṣottama dhruvasya tapasā taptās tvāṁ vayaṁ śaraṇaṁ gatāḥ

The gods said: 'O god of gods, lord of the world, supreme lord, best of beings! Scorched by Dhruva's austerity, we have come to you for refuge.'

Verse 34 (vishnu.1.12.34)

दिने दिने कलाशेषैः शशाङ्कः पूर्यते यथा । तथायं तपसा देव प्रयात्य् ऋद्धिम् अहर्निशम्

dine dine kalāśeṣaiḥ śaśāṅkaḥ pūryate yathā tathāyaṁ tapasā deva prayāty ṛddhim aharniśam

'Just as the moon is filled day by day with its remaining digits, so this one, O god, grows in power day and night through his austerity.'

Verse 35 (vishnu.1.12.35)

औत्तानपादितपसा वयम् इत्थं जनार्दन । भीतास् त्वां शरणं यातास् तपसस् तं निवर्तय

auttānapāditapasā vayam itthaṁ janārdana bhītās tvāṁ śaraṇaṁ yātās tapasas taṁ nivartaya

'Frightened by the austerity of Uttanapada's son, O Janardana, we have come to you thus for refuge; turn him back from that austerity.'

Verse 36 (vishnu.1.12.36)

न विद्मः किं स शक्रत्वं किं सूर्यत्वम् अभीप्सति । वित्तपाम्बुपसोमानां साभिलाषः पदेषु किम्

na vidmaḥ kiṁ sa śakratvaṁ kiṁ sūryatvam abhīpsati vittapāmbupasomānāṁ sābhilāṣaḥ padeṣu kim

'We do not know whether he desires the state of Indra, or of the sun, or has set his heart upon the positions of the lords of wealth, water, and the moon.'

Verse 37 (vishnu.1.12.37)

तद् अस्माकं प्रसीदेश हृदयाच् छल्यम् उद्धर । उत्तानपादतनयं तपसः संनिवर्तय

tad asmākaṁ prasīdeśa hṛdayāc chalyam uddhara uttānapādatanayaṁ tapasaḥ saṁnivartaya

'Therefore, O lord, be gracious to us; draw out this thorn from our hearts — turn the son of Uttanapada back from his austerity.'

Verse 38 (vishnu.1.12.38)

श्रीभगवान् उवाच । नेन्द्रत्वं न च सूर्यत्वं नैवाम्बुपधनेशताम् । प्रार्थयत्य् एष यं कामं तं करोम्य् अखिलं सुराः

śrībhagavān uvāca nendratvaṁ na ca sūryatvaṁ naivāmbupadhaneśatām prārthayaty eṣa yaṁ kāmaṁ taṁ karomy akhilaṁ surāḥ

Shri Bhagavan said: 'O gods, neither the state of Indra, nor of the sun, nor lordship over the treasuries of water does he seek; whatever he desires, I shall grant it to him in full.'

Verse 39 (vishnu.1.12.39)

यात देवा यथाकामं स्वस्थानं विगतज्वराः । निवर्तयाम्य् अहं बालं तपस्य् आसक्तमानसम्

yāta devā yathākāmaṁ svasthānaṁ vigatajvarāḥ nivartayāmy ahaṁ bālaṁ tapasy āsaktamānasam

'Go, O gods, each to your own abode as you wish, your fever gone; I myself shall turn back the boy whose mind is fixed upon his austerity.'

Verse 40 (vishnu.1.12.40)

श्रीपराशर उवाच । इत्य् उक्ता देवदेवेन प्रणम्य त्रिदशास् ततः । प्रययुः स्वानि धिष्ण्यानि शतक्रतुपुरोगमाः

śrīparāśara uvāca ity uktā devadevena praṇamya tridaśās tataḥ prayayuḥ svāni dhiṣṇyāni śatakratupurogamāḥ

Parashara said: Thus told by the god of gods, the immortals then bowed and went, each to his own station, with Shatakratu at their head.

Verse 41 (vishnu.1.12.41)

भगवान् अपि सर्वात्मा तन्मयत्वेन तोषितः । गत्वा ध्रुवम् उवाचेदं चतुर्भुजवपुर् हरिः

bhagavān api sarvātmā tanmayatvena toṣitaḥ gatvā dhruvam uvācedaṁ caturbhujavapur hariḥ

And the blessed lord himself, the self of all, pleased by Dhruva's utter absorption in him, went to Dhruva and, in his four-armed form, Hari spoke this.

Verse 42 (vishnu.1.12.42)

श्रीभगवान् उवाच । औत्तानपादे भद्रं ते तपसा परितोषितः । वरदोऽहम् अनुप्राप्तो वरं वरय सुव्रत

śrībhagavān uvāca auttānapāde bhadraṁ te tapasā paritoṣitaḥ varado 'ham anuprāpto varaṁ varaya suvrata

Shri Bhagavan said: 'Blessing upon you, son of Uttanapada! I am pleased by your austerity; I, the giver of boons, have come before you — ask your boon, O one of good vows.'

Verse 43 (vishnu.1.12.43)

बाह्यार्थनिरपेक्षं ते मयि चित्तं यद् आहितम् । तुष्टोऽहं भवतस् तेन तद् वृणीष्व वरं परम्

bāhyārthanirapekṣaṁ te mayi cittaṁ yad āhitam tuṣṭo 'haṁ bhavatas tena tad vṛṇīṣva varaṁ param

'That your mind, indifferent to external things, has been fixed upon me — by this I am pleased with you; therefore choose that supreme boon.'

Verse 44 (vishnu.1.12.44)

श्रीपराशर उवाच । श्रुत्वेत्थं गदितं तस्य देवदेवस्य बालकः । उन्मीलिताक्षो ददृशे ध्यानदृष्टं हरिं पुरः

śrīparāśara uvāca śrutvetthaṁ gaditaṁ tasya devadevasya bālakaḥ unmīlitākṣo dadṛśe dhyānadṛṣṭaṁ hariṁ puraḥ

Parashara said: Hearing this spoken by the god of gods, the boy opened his eyes and beheld before him Hari, exactly as he had seen him in meditation.

Verse 45 (vishnu.1.12.45)

शङ्खचक्रगदाशार्ङ्गवरासिधरम् अच्युतम् । किरीटिनं समालोक्य जगाम शिरसा महीम्

śaṅkhacakragadāśārṅgavarāsidharam acyutam kirīṭinaṁ samālokya jagāma śirasā mahīm

Beholding him, crowned, bearing conch, discus, mace, the bow Sharnga, and a fine sword — the Undying One — he fell, his head touching the earth.

Verse 46 (vishnu.1.12.46)

रोमाञ्चिताङ्गः सहसा साध्वसं परमं गतः । स्तवाय देवदेवस्य स चक्रे मानसं ध्रुवः

romāñcitāṅgaḥ sahasā sādhvasaṁ paramaṁ gataḥ stavāya devadevasya sa cakre mānasaṁ dhruvaḥ

His body suddenly thrilled with rapture, Dhruva, overcome with utmost awe, resolved in his mind to praise the god of gods.

Verse 47 (vishnu.1.12.47)

किं वदामि स्तुताव् अस्य केनोक्तेनास्य संस्तुतिः । इत्य् आकुलमतिर् देवं तम् एव शरणं ययौ

kiṁ vadāmi stutāv asya kenoktenāsya saṁstutiḥ ity ākulamatir devaṁ tam eva śaraṇaṁ yayau

'What shall I say in praise of him? With what words is he to be duly praised?' — his mind thus confused, he went for refuge to that very god.

Verse 48 (vishnu.1.12.48)

श्रीध्रुव उवाच । भगवन् यदि मे तोषं तपसा परमं गतः । स्तोतुं तद् अहम् इच्छामि वरम् एनं प्रयच्छ मे

śrīdhruva uvāca bhagavan yadi me toṣaṁ tapasā paramaṁ gataḥ stotuṁ tad aham icchāmi varam enaṁ prayaccha me

Shri Dhruva said: 'O blessed lord, if you are supremely pleased by my austerity, then I wish to praise you — grant me this very boon.'

Verse 49 (vishnu.1.12.49)

ब्रह्माद्यैर् वेदवेदज्ञैर् ज्ञायते यस्य नो गतिः । तं त्वां कथम् अहं देव स्तोतुं शक्ष्यामि बालकः

brahmādyair vedavedajñair jñāyate yasya no gatiḥ taṁ tvāṁ katham ahaṁ deva stotuṁ śakṣyāmi bālakaḥ

'He whose path even Brahma and the other knowers of the Veda and its meaning cannot find — how, O god, shall I, a mere child, be able to praise you?'

Verse 50 (vishnu.1.12.50)

त्वद्भक्तिप्रवणं ह्य् एतत् परमेश्वर मे मनः । स्तोतुं प्रवृत्तं त्वत्पादौ तत्र प्रज्ञां प्रयच्छ मे

tvadbhaktipravaṇaṁ hy etat parameśvara me manaḥ stotuṁ pravṛttaṁ tvatpādau tatra prajñāṁ prayaccha me

'This mind of mine, O supreme lord, inclines wholly toward devotion to you and has set out to praise you — grant me, then, the understanding for it.'

Verse 51 (vishnu.1.12.51)

श्रीपराशर उवाच । शङ्खप्रान्तेन गोविन्दस् तं पस्पर्श कृताञ्जलिम् । उत्तानपादतनयं द्विजवर्य जगत्पतिः

śrīparāśara uvāca śaṅkhaprāntena govindas taṁ pasparśa kṛtāñjalim uttānapādatanayaṁ dvijavarya jagatpatiḥ

Parashara said: O best of the twice-born, Govinda, lord of the world, touched that son of Uttanapada, standing with joined palms, with the tip of his conch.

Verse 52 (vishnu.1.12.52)

अथ प्रसन्नवदनः तत्क्षणान् नृपनन्दनः । तुष्टाव प्रणतो भूत्वा भूतधातारम् अच्युतम्

atha prasannavadanaḥ tatkṣaṇān nṛpanandanaḥ tuṣṭāva praṇato bhūtvā bhūtadhātāram acyutam

Then, his face at once gracious, that prince, having bowed low, praised the Undying One, the sustainer of all beings.

Verse 53 (vishnu.1.12.53)

श्रीध्रुव उवाच । भूमिर् आपोऽनलो वायुः खं मनो बुद्धिर् एव च । भूतादिर् आदिप्रकृतिर् यस्य रूपं नतोऽस्मि तम्

śrīdhruva uvāca bhūmir āpo 'nalo vāyuḥ khaṁ mano buddhir eva ca bhūtādir ādiprakṛtir yasya rūpaṁ nato 'smi tam

Shri Dhruva said: 'Earth, water, fire, air, ether, mind, intellect, the principle of individuation, and primal Prakriti — I bow to him whose form these are.'

Verse 54 (vishnu.1.12.54)

शुद्धः सूक्ष्मोऽखिलव्यापी प्रधानात् परतः पुमान् । यस्य रूपं नमस् तस्मै पुरुषाय गुणात्मने

śuddhaḥ sūkṣmo 'khilavyāpī pradhānāt parataḥ pumān yasya rūpaṁ namas tasmai puruṣāya guṇātmane

'Pure, subtle, all-pervading, the Person beyond Pradhana — salutation to that Person whose form this is, the very self of the gunas.'

Verse 55 (vishnu.1.12.55)

भूरादीनां समस्तानां गन्धादीनां च शाश्वतः । बुद्ध्यादीनां प्रधानस्य पुरुषस्य च यः परः

bhūrādīnāṁ samastānāṁ gandhādīnāṁ ca śāśvataḥ buddhyādīnāṁ pradhānasya puruṣasya ca yaḥ paraḥ

'He who is beyond all the elements — earth and the rest — beyond the eternal subtle essences of smell and the rest, beyond intellect and the rest, and beyond Pradhana and Purusha themselves—'

Verse 56 (vishnu.1.12.56)

तं ब्रह्मभूतम् आत्मानम् अशेषजगतः पतिम् । प्रपद्ये शरणं शुद्धं त्वद्रूपं परमेश्वर

taṁ brahmabhūtam ātmānam aśeṣajagataḥ patim prapadye śaraṇaṁ śuddhaṁ tvadrūpaṁ parameśvara

'him, that self become Brahman, lord of the entire universe — your pure form, O supreme lord, I take as my refuge.'

Verse 57 (vishnu.1.12.57)

बृहत्त्वाद् बृंहणत्वाच् च यद् रूपं ब्रह्मसंज्ञितम् । तस्मै नमस् ते सर्वात्मन् योगिचिन्त्याविकारवत्

bṛhattvād bṛṁhaṇatvāc ca yad rūpaṁ brahmasaṁjñitam tasmai namas te sarvātman yogicintyāvikāravat

'Because of its vastness and its power to expand all things, that form is called Brahman; salutation to you, self of all, unchanging, to be contemplated by yogis.'

Verse 58 (vishnu.1.12.58)

सहस्रशीर्षा पुरुषः सहस्राक्षः सहस्रपात् । सर्वव्यापी भुवः स्पर्शाद् अत्यतिष्ठद् दशाङ्गुलम्

sahasraśīrṣā puruṣaḥ sahasrākṣaḥ sahasrapāt sarvavyāpī bhuvaḥ sparśād atyatiṣṭhad daśāṅgulam

'The Person of a thousand heads, a thousand eyes, a thousand feet, all-pervading — even while touching the earth he extended beyond it by ten finger-widths.'

Verse 59 (vishnu.1.12.59)

यद् भूतं यच् च वै भव्यं पुरुषोत्तम तद् भवान् । त्वत्तो विराट् स्वराट् सम्राट् त्वत्तश् चाप्य् अधिपूरुषः

yad bhūtaṁ yac ca vai bhavyaṁ puruṣottama tad bhavān tvatto virāṭ svarāṭ samrāṭ tvattaś cāpy adhipūruṣaḥ

'Whatever has been and whatever shall be, O supreme Person, that you are; from you comes the cosmic Virat, the self-ruling Svarat, the sovereign Samrat, and from you too the supreme Person.'

Verse 60 (vishnu.1.12.60)

अत्यरिच्यत सोऽधश् च तिर्यग् ऊर्ध्वं च वै भुवः । त्वत्तो विश्वम् इदं जातं त्वत्तो भूतभविष्यती

atyaricyata so 'dhaś ca tiryag ūrdhvaṁ ca vai bhuvaḥ tvatto viśvam idaṁ jātaṁ tvatto bhūtabhaviṣyatī

'He extended beyond the earth, below, across, and above; from you this universe was born, from you what has been and what shall be.'

Verse 61 (vishnu.1.12.61)

त्वद्रूपधारिणश् चान्तः सर्वभूतम् इदं जगत् । त्वत्तो यज्ञः सर्वहुतः पृषदाज्यं पशुर् द्विधा

tvadrūpadhāriṇaś cāntaḥ sarvabhūtam idaṁ jagat tvatto yajñaḥ sarvahutaḥ pṛṣadājyaṁ paśur dvidhā

'Bearing your form, this whole world of beings exists within you; from you comes the sacrifice wholly offered, the curds and clarified butter, and the sacrificial animal of two kinds.'

Verse 62 (vishnu.1.12.62)

त्वत्त ऋचोऽथ सामानि त्वत्तश् छन्दांसि जज्ञिरे । त्वत्तो यजूंष्य् अजायन्त त्वत्तोऽश्वाश् चैकतोदतः

tvatta ṛco 'tha sāmāni tvattaś chandāṁsi jajñire tvatto yajūṁṣy ajāyanta tvatto 'śvāś caikatodataḥ

'From you arose the Rig verses, and the Sama chants, from you the Vedic meters were born; from you the Yajus verses arose, from you the horses with teeth in a single row.'

Verse 63 (vishnu.1.12.63)

गावस् त्वत्तः समुद्भूतास् त्वत्तोऽजा अवयो मृगाः । त्वन्मुखाद् ब्राह्मणा बाह्वोस् त्वत्तः क्षत्रम् अजायत

gāvas tvattaḥ samudbhūtās tvatto 'jā avayo mṛgāḥ tvanmukhād brāhmaṇā bāhvos tvattaḥ kṣatram ajāyata

'From you arose the cows, from you the goats, sheep, and deer; from your face the Brahmins, from your two arms the Kshatriyas arose.'

Verse 64 (vishnu.1.12.64)

वैश्यास् तवोरुजाः शूद्रास् तव पद्भ्यां समुद्गताः । अक्ष्णोः सूर्योऽनिलः प्राणाच् चन्द्रमा मनसस् तव

vaiśyās tavorujāḥ śūdrās tava padbhyāṁ samudgatāḥ akṣṇoḥ sūryo 'nilaḥ prāṇāc candramā manasas tava

'The Vaishyas were born of your thighs, the Shudras arose from your two feet; the sun from your eyes, the wind from your breath, the moon from your mind.'

Verse 65 (vishnu.1.12.65)

प्राणोऽन्तःसुषिराज् जातो मुखाद् अग्निर् अजायत । नाभितो गगनं द्यौश् च शिरसः समवर्तत । दिशः श्रोत्रात् क्षितिः पद्भ्यां त्वत्तः सर्वम् अभूद् इदम्

prāṇo 'ntaḥsuṣirāj jāto mukhād agnir ajāyata nābhito gaganaṁ dyauś ca śirasaḥ samavartata diśaḥ śrotrāt kṣitiḥ padbhyāṁ tvattaḥ sarvam abhūd idam

'Prana arose from the inner hollow, and from your mouth fire was born; from your navel the sky, from your head the heaven, from your ears the quarters, from your feet the earth — from you all this came to be.'

Verse 66 (vishnu.1.12.66)

न्यग्रोधः सुमहान् अल्पे यथा बीजे व्यवस्थितः । संयमे विश्वम् अखिलं बीजभूते तथा त्वयि

nyagrodhaḥ sumahān alpe yathā bīje vyavasthitaḥ saṁyame viśvam akhilaṁ bījabhūte tathā tvayi

'As a vast banyan tree lies contained within a tiny seed, so, at the time of dissolution, this entire universe abides within you, its seed-source.'

Verse 67 (vishnu.1.12.67)

बीजाद् अङ्कुरसंभूतो न्यग्रोधः स समुच्छ्रितः । विस्तारं च यथा याति त्वत्तः सृष्टौ तथा जगत्

bījād aṅkurasaṁbhūto nyagrodhaḥ sa samucchritaḥ vistāraṁ ca yathā yāti tvattaḥ sṛṣṭau tathā jagat

'As the banyan, sprouting from the seed, grows tall and spreads out wide, so at creation does this world proceed and expand from you.'

Verse 68 (vishnu.1.12.68)

यथा हि कदली नान्या त्वक्पत्रान् नाथ दृश्यते । एवं विश्वस्य नान्यस् त्वं त्वत्स्थायीश्वर दृश्यते

yathā hi kadalī nānyā tvakpatrān nātha dṛśyate evaṁ viśvasya nānyas tvaṁ tvatsthāyīśvara dṛśyate

'Just as no tree other than the plantain itself is seen apart from its own bark and leaves, O lord, so no other than you, abiding as this universe, is seen.'

Verse 69 (vishnu.1.12.69)

ह्लादिनी संधिनी संवित् त्वय्य् एका सर्वसंस्थितौ । ह्लादतापकरी मिश्रा त्वयि नो गुणवर्जिते

hlādinī saṁdhinī saṁvit tvayy ekā sarvasaṁsthitau hlādatāpakarī miśrā tvayi no guṇavarjite

'Delight, cohesion, and consciousness — these are one within you, the ground of all beings; delight and suffering mixed together have no place in you, who are free of the gunas.'

Verse 70 (vishnu.1.12.70)

पृथग्भूतैकभूताय भूतभूताय ते नमः । प्रभूतभूतभूताय तुभ्यं भूतात्मने नमः

pṛthagbhūtaikabhūtāya bhūtabhūtāya te namaḥ prabhūtabhūtabhūtāya tubhyaṁ bhūtātmane namaḥ

'Salutation to you, the one being manifest as the many separate beings, who are the very being of beings, of vast and manifold being, whose very self is all beings.'

Verse 71 (vishnu.1.12.71)

व्यक्तप्रधानपुरुषविराट् संराट् स्वराट् तथा । विभाव्यतेऽन्तःकरणे पुरुषेष्व् अक्षयो भवान्

vyaktapradhānapuruṣavirāṭ saṁrāṭ svarāṭ tathā vibhāvyate 'ntaḥkaraṇe puruṣeṣv akṣayo bhavān

'As the manifest, as Pradhana, as Purusha, as the cosmic Virat, Samrat, and Svarat — you are contemplated, imperishable, within the inner faculties of beings.'

Verse 72 (vishnu.1.12.72)

सर्वस्मिन् सर्वभूतस् त्वं सर्वः सर्वस्वरूपधृक् । सर्वं त्वत्तस् ततश् च त्वं नमः सर्वात्मनेऽस्तु ते

sarvasmin sarvabhūtas tvaṁ sarvaḥ sarvasvarūpadhṛk sarvaṁ tvattas tataś ca tvaṁ namaḥ sarvātmane 'stu te

'You are all beings within all; you are all, bearing the form of all; all comes from you, and from you alone — salutation to you, the self of all.'

Verse 73 (vishnu.1.12.73)

सर्वात्मकोऽसि सर्वेश सर्वभूतस्थितो यतः । कथयामि ततः किं ते सर्वं वेत्सि हृदि स्थितम्

sarvātmako 'si sarveśa sarvabhūtasthito yataḥ kathayāmi tataḥ kiṁ te sarvaṁ vetsi hṛdi sthitam

'O lord of all, you are the self of all, since you dwell within all beings — what more, then, need I tell you, who know all that lies within the heart?'

Verse 74 (vishnu.1.12.74)

सर्वात्मन् सर्वभूतेश सर्वसत्त्वसमुद्भव । सर्वभूतो भवान् वेत्ति सर्वसत्त्वमनोरथम्

sarvātman sarvabhūteśa sarvasattvasamudbhava sarvabhūto bhavān vetti sarvasattvamanoratham

'O self of all, lord of all beings, source of all existence, being all beings, you know the heart's desire of every creature.'

Verse 75 (vishnu.1.12.75)

यो मे मनोरथो नाथ सफलः स त्वया कृतः । तपश् च तप्तं सफलं यद् दृष्टोऽसि जगत्पते

yo me manoratho nātha saphalaḥ sa tvayā kṛtaḥ tapaś ca taptaṁ saphalaṁ yad dṛṣṭo 'si jagatpate

'Whatever desire of mine there was, O lord, you have made it bear fruit; and the austerity I performed has borne fruit too, since I have beheld you, O lord of the world.'

Verse 76 (vishnu.1.12.76)

श्रीभगवान् उवाच । तपसस् तत् फलं प्राप्तं यद् दृष्टोऽहं त्वया ध्रुव । मद्दर्शनं हि विफलं राजपुत्र न जायते

śrībhagavān uvāca tapasas tat phalaṁ prāptaṁ yad dṛṣṭo 'haṁ tvayā dhruva maddarśanaṁ hi viphalaṁ rājaputra na jāyate

Shri Bhagavan said: 'Dhruva, that is the fruit of austerity, that you have beheld me; for, O prince, the sight of me is never fruitless.'

Verse 77 (vishnu.1.12.77)

वरं वरय तस्मात् त्वं यथाभिमतम् आत्मनः । सर्वं संपद्यते पुंसां मयि दृष्टिपथं गते

varaṁ varaya tasmāt tvaṁ yathābhimatam ātmanaḥ sarvaṁ saṁpadyate puṁsāṁ mayi dṛṣṭipathaṁ gate

'Choose, therefore, whatever boon you desire for yourself; for men, once my gaze has fallen upon them, everything comes to pass.'

Verse 78 (vishnu.1.12.78)

श्रीध्रुव उवाच । भगवन् सर्वभूतेश सर्वस्यास्ते भवान् हृदि । किम् अज्ञातं तव स्वामिन् मनसा यन् मयेप्सितम्

śrīdhruva uvāca bhagavan sarvabhūteśa sarvasyāste bhavān hṛdi kim ajñātaṁ tava svāmin manasā yan mayepsitam

Shri Dhruva said: 'O blessed lord, lord of all beings, you dwell in the heart of all — what, O master, could be unknown to you of what I desire in my mind?'

Verse 79 (vishnu.1.12.79)

तथापि तुभ्यं देवेश कथयिष्यामि यन् मया । प्रार्थ्यते दुर्विनीतेन हृदयेनातिदुर्लभम्

tathāpi tubhyaṁ deveśa kathayiṣyāmi yan mayā prārthyate durvinītena hṛdayenātidurlabham

'Even so, O lord of gods, I shall tell you what is sought by my ill-disciplined heart, something exceedingly hard to attain.'

Verse 80 (vishnu.1.12.80)

किं वा सर्वजगत्स्रष्टः प्रसन्ने त्वयि दुर्लभम् । त्वत्प्रसादफलं भुङ्क्ते त्रैलोक्यं मघवान् अपि

kiṁ vā sarvajagatsraṣṭaḥ prasanne tvayi durlabham tvatprasādaphalaṁ bhuṅkte trailokyaṁ maghavān api

'Or indeed, O creator of all the worlds, what is hard to attain when you are pleased? Even Maghavan enjoys the three worlds only as the fruit of your grace.'

Verse 81 (vishnu.1.12.81)

नैतद् राजासनं योग्यम् अजातस्य ममोदरात् । इति गर्वाद् अवोचन् मां सपत्नी मातुर् उच्चकैः

naitad rājāsanaṁ yogyam ajātasya mamodarāt iti garvād avocan māṁ sapatnī mātur uccakaiḥ

''This royal throne does not befit one not born of my own womb' — thus, with pride, did my mother's co-wife speak to me in a loud voice.'

Verse 82 (vishnu.1.12.82)

आधारभूतं जगतः सर्वेषाम् उत्तमोत्तमम् । प्रार्थयामि प्रभो स्थानं त्वत्प्रसादाद् अतोऽव्ययम्

ādhārabhūtaṁ jagataḥ sarveṣām uttamottamam prārthayāmi prabho sthānaṁ tvatprasādād ato 'vyayam

'O lord, the foundation of the universe, the highest of all the highest — that position, imperishable through your grace, I ask of you.'

Verse 83 (vishnu.1.12.83)

श्रीभगवान् उवाच । यत् त्वया प्रार्थितं स्थानम् एतत् प्राप्स्यति वै भवान् । त्वयाहं तोषितः पूर्वम् अन्यजन्मनि बालक

śrībhagavān uvāca yat tvayā prārthitaṁ sthānam etat prāpsyati vai bhavān tvayāhaṁ toṣitaḥ pūrvam anyajanmani bālaka

Shri Bhagavan said: 'My child, that position which you have asked for, you shall indeed obtain; you had already pleased me once before, in another birth.'

Verse 84 (vishnu.1.12.84)

त्वम् आसीर् ब्राह्मणः पूर्वं मय्य् एकाग्रमतिः सदा । मातापित्रोश् च शुश्रूषुर् निजधर्मानुपालकः

tvam āsīr brāhmaṇaḥ pūrvaṁ mayy ekāgramatiḥ sadā mātāpitroś ca śuśrūṣur nijadharmānupālakaḥ

'You were formerly a Brahmin, ever of one-pointed mind toward me, attentive in serving your mother and father, a keeper of your own proper duties.'

Verse 85 (vishnu.1.12.85)

कालेन गच्छता मित्रं राजपुत्रस् तवाभवत् । यौवनेऽखिलभोगाढ्यो दर्शनीयोज्ज्वलाकृतिः

kālena gacchatā mitraṁ rājaputras tavābhavat yauvane 'khilabhogāḍhyo darśanīyojjvalākṛtiḥ

'As time passed, a prince became your friend — one who, in the flush of youth, was rich in every enjoyment, of splendid and radiant form.'

Verse 86 (vishnu.1.12.86)

तत्सङ्गात् तस्य ताम् ऋद्धिम् अवलोक्यातिदुर्लभाम् । भवेयं राजपुत्रोऽहम् इति वाञ्छा त्वया कृता

tatsaṅgāt tasya tām ṛddhim avalokyātidurlabhām bhaveyaṁ rājaputro 'ham iti vāñchā tvayā kṛtā

'From association with him, beholding his prosperity, so hard to attain, you conceived this wish — might I too become a prince.'

Verse 87 (vishnu.1.12.87)

ततो यथाभिलषिता प्राप्ता ते राजपुत्रता । उत्तानपादस्य गृहे जातोऽसि ध्रुव दुर्लभे

tato yathābhilaṣitā prāptā te rājaputratā uttānapādasya gṛhe jāto 'si dhruva durlabhe

'Then you obtained that state of a prince exactly as you had wished; you were born, O Dhruva, in the house of Uttanapada, so hard to attain.'

Verse 88 (vishnu.1.12.88)

अन्येषां तद् वरं स्थानं कुले स्वायम्भुवस्य यत्

anyeṣāṁ tad varaṁ sthānaṁ kule svāyambhuvasya yat

'That is the excellent position belonging to others, in the line of Svayambhuva—'

Verse 89 (vishnu.1.12.89)

तस्यैतद् अपरं बाल येनाहं परितोषितः । माम् आराध्य नरो मुक्तिम् अवाप्नोत्य् अविलम्बितम्

tasyaitad aparaṁ bāla yenāhaṁ paritoṣitaḥ mām ārādhya naro muktim avāpnoty avilambitam

'but this, my child, is something further, by which I am pleased: the man who worships me attains liberation without delay.'

Verse 90 (vishnu.1.12.90)

मय्य् अर्पितमना बाल किम् उ स्वर्गादिकं पदम् । त्रैलोक्याद् अधिके स्थाने सर्वताराग्रहाश्रयः । भविष्यति न संदेहो मत्प्रसादाद् भवान् ध्रुव

mayy arpitamanā bāla kim u svargādikaṁ padam trailokyād adhike sthāne sarvatārāgrahāśrayaḥ bhaviṣyati na saṁdeho matprasādād bhavān dhruva

'My child, with your mind fixed on me, what then of a mere position such as heaven? A position higher than the three worlds, the very support of all the stars and planets, shall without doubt be yours, O Dhruva, by my grace.'

Verse 91 (vishnu.1.12.91)

सूर्यात् सोमात् तथा भौमात् सोमपुत्राद् बृहस्पतेः । सितार्कतनयादीनां सर्वर्क्षाणां तथा ध्रुव

sūryāt somāt tathā bhaumāt somaputrād bṛhaspateḥ sitārkatanayādīnāṁ sarvarkṣāṇāṁ tathā dhruva

'Above the sun, the moon, Mars, Mercury the son of Soma, Jupiter, Venus, and Saturn, and above all the constellations as well, O Dhruva,'

Verse 92 (vishnu.1.12.92)

सप्तर्षीणाम् अशेषाणां ये च वैमानिकाः सुराः । सर्वेषाम् उपरि स्थानं तव दत्तं मया ध्रुव

saptarṣīṇām aśeṣāṇāṁ ye ca vaimānikāḥ surāḥ sarveṣām upari sthānaṁ tava dattaṁ mayā dhruva

'above all the seven sages without exception, and above the gods who travel in their heavenly cars — above all these, a position has been given by me to you, O Dhruva.'

Verse 93 (vishnu.1.12.93)

केचिच् चतुर्युगं यावत् केचिन् मन्वन्तरं सुराः । तिष्ठन्ति भवतो दत्ता मया वै कल्पसंस्थितिः

kecic caturyugaṁ yāvat kecin manvantaraṁ surāḥ tiṣṭhanti bhavato dattā mayā vai kalpasaṁsthitiḥ

'Some gods abide until the end of a great age, some until the end of a Manvantara; but the position given by me to you shall endure for the span of an entire Kalpa.'

Verse 94 (vishnu.1.12.94)

सुनीतिर् अपि ते माता त्वदासन्नातिनिर्मला । विमाने तारका भूत्वा तावत्कालं निवत्स्यति

sunītir api te mātā tvadāsannātinirmalā vimāne tārakā bhūtvā tāvatkālaṁ nivatsyati

'Your mother Sunīti too, exceedingly pure, very near to you, becoming a star, shall dwell in that same celestial car for that same span of time.'

Verse 95 (vishnu.1.12.95)

ये च त्वां मानवाः प्रातः सायं च सुसमाहिताः । कीर्तयिष्यन्ति तेषां च महत् पुण्यं भविष्यति

ye ca tvāṁ mānavāḥ prātaḥ sāyaṁ ca susamāhitāḥ kīrtayiṣyanti teṣāṁ ca mahat puṇyaṁ bhaviṣyati

'And those men who, well-composed in mind, shall glorify you morning and evening — for them there shall be great merit.'

Verse 96 (vishnu.1.12.96)

श्रीपराशर उवाच । एवं पूर्वं जगन्नाथाद् देवदेवाज् जनार्दनात् । वरं प्राप्य ध्रुवं स्थानम् अध्यास्ते स महामतिः

śrīparāśara uvāca evaṁ pūrvaṁ jagannāthād devadevāj janārdanāt varaṁ prāpya dhruvaṁ sthānam adhyāste sa mahāmatiḥ

Parashara said: Thus, having received this boon of old from the lord of the world, the god of gods, Janardana, that great-minded Dhruva occupies that position.

Verse 97 (vishnu.1.12.97)

तस्याभिमानम् ऋद्धिं च महिमानं निरीक्ष्य च । देवासुराणाम् आचार्यः श्लोकम् अत्रोशना जगौ

tasyābhimānam ṛddhiṁ ca mahimānaṁ nirīkṣya ca devāsurāṇām ācāryaḥ ślokam atrośanā jagau

Beholding his glory, his prosperity, and his greatness, the preceptor of the gods and Asuras, Ushanas (Shukra), sang this verse.

Verse 98 (vishnu.1.12.98)

अहोऽस्य तपसो वीर्यम् अहोऽस्य तपसः फलम् । यद् एनं पुरतः कृत्वा ध्रुवं सप्तर्षयः स्थिताः

aho 'sya tapaso vīryam aho 'sya tapasaḥ phalam yad enaṁ purataḥ kṛtvā dhruvaṁ saptarṣayaḥ sthitāḥ

'Ah, the power of his austerity! Ah, the fruit of his austerity! — that the seven sages themselves stand with him set before them.'

Verse 99 (vishnu.1.12.99)

ध्रुवस्य जननी चेयं सुनीतिर् नाम सूनृता । अस्याश् च महिमानं कः शक्तो वर्णयितुं भुवि

dhruvasya jananī ceyaṁ sunītir nāma sūnṛtā asyāś ca mahimānaṁ kaḥ śakto varṇayituṁ bhuvi

'And this is Dhruva's mother, Sunīti, truthful of speech — who on this earth is capable of describing her greatness?'

Verse 100 (vishnu.1.12.100)

त्रैलोक्याश्रयतां प्राप्तं परं स्थानं स्थिरायति । स्थानं प्राप्ता परं कृत्वा या कुक्षिविवरे ध्रुवम्

trailokyāśrayatāṁ prāptaṁ paraṁ sthānaṁ sthirāyati sthānaṁ prāptā paraṁ kṛtvā yā kukṣivivare dhruvam

'That excellent, ever-fixed position, the very refuge of the three worlds — she it was who, bearing Dhruva within her womb, attained that supreme position.'

Verse 101 (vishnu.1.12.101)

यश् चैतत् कीर्तयेन् नित्यं ध्रुवस्यारोहणं दिवि । सर्वपापविनिर्मुक्तः स्वर्गलोके महीयते

yaś caitat kīrtayen nityaṁ dhruvasyārohaṇaṁ divi sarvapāpavinirmuktaḥ svargaloke mahīyate

'And whoever shall ever glorify this ascension of Dhruva to the heavens is, freed from all sin, honored in the world of heaven.'

Verse 102 (vishnu.1.12.102)

स्थानभ्रंशं न चाप्नोति दिवि वा यदि वा भुवि । सर्वकल्याणसंयुक्तो दीर्घकालं च जीवति

sthānabhraṁśaṁ na cāpnoti divi vā yadi vā bhuvi sarvakalyāṇasaṁyukto dīrghakālaṁ ca jīvati

'He never suffers a fall from his position, whether in heaven or on earth, and, joined with every blessing, lives for a very long time.'