Shambara's Illusions and Prahlada's Ocean Hymn

Verse 1 (vishnu.1.19.1)

श्रीपराशर उवाच । हिरण्यकशिपुः श्रुत्वा तां कृत्यां वितथीकृताम् । आहूय पुत्रं पप्रच्छ प्रभावस्यास्य कारणम्

śrīparāśara uvāca hiraṇyakaśipuḥ śrutvā tāṁ kṛtyāṁ vitathīkṛtām āhūya putraṁ papraccha prabhāvasyāsya kāraṇam

Parashara said: Hiranyakashipu, hearing that the sorceress had been rendered vain, summoned his son and asked him the cause of this power.

Verse 2 (vishnu.1.19.2)

हिरण्यकशिपुर् उवाच । प्रह्लाद सुप्रभावोऽसि किम् एतत् ते विचेष्टितम् । एतन् मन्त्रादिजनितम् उताहो सहजं तव

hiraṇyakaśipur uvāca prahlāda suprabhāvo 'si kim etat te viceṣṭitam etan mantrādijanitam utāho sahajaṁ tava

Hiranyakashipu said: 'Prahlada, you possess great power — what is this behavior of yours? Is this born of mantras and the like, or is it innate in you?'

Verse 3 (vishnu.1.19.3)

श्रीपराशर उवाच । एवं पृष्टस् तदा पित्रा प्रह्लादोऽसुरबालकः । प्रणिपत्य पितुः पादाव् इदं वचनम् अब्रवीत्

śrīparāśara uvāca evaṁ pṛṣṭas tadā pitrā prahlādo 'surabālakaḥ praṇipatya pituḥ pādāv idaṁ vacanam abravīt

Parashara said: Thus questioned by his father, that Asura boy Prahlada, bowing at his father's feet, spoke this word.

Verse 4 (vishnu.1.19.4)

न मन्त्रादिकृतस् तात न च नैसर्गिको मम । प्रभाव एष सामान्यो यस्य यस्याच्युतो हृदि

na mantrādikṛtas tāta na ca naisargiko mama prabhāva eṣa sāmānyo yasya yasyācyuto hṛdi

'Father, this is not brought about by mantras or the like, nor is it natural to me alone; this power is common to whomever has the Undying One in his heart.'

Verse 5 (vishnu.1.19.5)

अन्येषां यो न पापानि चिन्तयत्य् आत्मनो यथा । तस्य पापागमस् तात हेत्वभावान् न विद्यते

anyeṣāṁ yo na pāpāni cintayaty ātmano yathā tasya pāpāgamas tāta hetvabhāvān na vidyate

'He who does not contemplate evils toward others as he would toward himself — for him, father, the arising of sin does not occur, since its cause is absent.'

Verse 6 (vishnu.1.19.6)

कर्मणा मनसा वाचा परपीडां करोति यः । तद् बीजं जन्म फलति प्रभूतं तस्य चाशुभम्

karmaṇā manasā vācā parapīḍāṁ karoti yaḥ tad bījaṁ janma phalati prabhūtaṁ tasya cāśubham

'Whoever, through action, mind, or speech, brings pain to another — that very seed of his ripens into birth, and into much that is inauspicious for him.'

Verse 7 (vishnu.1.19.7)

सोऽहं न पापम् इच्छामि न करोमि वदामि वा । चिन्तयन् सर्वभूतस्थम् आत्मन्य् अपि च केशवम्

so 'haṁ na pāpam icchāmi na karomi vadāmi vā cintayan sarvabhūtastham ātmany api ca keśavam

'I do not desire evil, nor do I do it, nor speak it, contemplating Keshava as present within all beings, and within my own self as well.'

Verse 8 (vishnu.1.19.8)

शारीरं मानसं दुःखं दैवं भूतभवं तथा । सर्वत्र शुभचित्तस्य तस्य मे जायते कुतः

śārīraṁ mānasaṁ duḥkhaṁ daivaṁ bhūtabhavaṁ tathā sarvatra śubhacittasya tasya me jāyate kutaḥ

'Suffering — of the body, of the mind, sent by fate, or arising from other beings — for me, of ever-auspicious mind toward all, whence could it possibly arise?'

Verse 9 (vishnu.1.19.9)

एवं सर्वेषु भूतेषु भक्तिर् अव्यभिचारिणी । कर्तव्या पण्डितैर् ज्ञात्वा सर्वभूतमयं हरिम्

evaṁ sarveṣu bhūteṣu bhaktir avyabhicāriṇī kartavyā paṇḍitair jñātvā sarvabhūtamayaṁ harim

'Thus, unwavering devotion toward all beings should be practiced by the wise, knowing Hari to be the very substance of all beings.'

Verse 10 (vishnu.1.19.10)

श्रीपराशर उवाच । इति श्रुत्वा स दैत्येन्द्रः प्रासादशिखरे स्थितः । क्रोधान्धकारितमुखः प्राह दैतेयकिंकरान्

śrīparāśara uvāca iti śrutvā sa daityendraḥ prāsādaśikhare sthitaḥ krodhāndhakāritamukhaḥ prāha daiteyakiṁkarān

Parashara said: Hearing this, that lord of the Daityas, standing upon the peak of his palace, his face darkened with blinding anger, said to the Daitya servants.

Verse 11 (vishnu.1.19.11)

दुरात्मा क्षिप्यताम् अस्मात् प्रासादाच् छतयोजनात् । गिरिपृष्ठे पतत्व् अस्मिञ् शिलाभिन्नाङ्गसंहतिः

durātmā kṣipyatām asmāt prāsādāc chatayojanāt giripṛṣṭhe patatv asmiñ śilābhinnāṅgasaṁhatiḥ

'Let this vile-souled one be hurled from this palace, a hundred leagues high, down onto that mountain's back, his limbs shattered by the rocks.'

Verse 12 (vishnu.1.19.12)

ततस् तं चिक्षिपुः सर्वे बालं दैतेयकिंकराः । पपात सोऽप्य् अधः क्षिप्तो हृदयेनोद्वहन् हरिम्

tatas taṁ cikṣipuḥ sarve bālaṁ daiteyakiṁkarāḥ papāta so 'py adhaḥ kṣipto hṛdayenodvahan harim

Then all the Daitya servants hurled that boy down; and he too, thrown down below, fell, bearing Hari within his heart.

Verse 13 (vishnu.1.19.13)

पतमानं जगद्धात्री जगद्धातरि केशवे । भक्तियुक्तं दधारैनम् उपगम्य च मेदिनी

patamānaṁ jagaddhātrī jagaddhātari keśave bhaktiyuktaṁ dadhārainam upagamya ca medinī

As he fell, the earth, sustainer of the world, approached and bore up this one devoted to Keshava, sustainer of the world.

Verse 14 (vishnu.1.19.14)

ततो विलोक्य तं स्वस्थम् अविशीर्णास्थिबन्धनम् । हिरण्यकशिपुः प्राह शम्बरं मायिनां वरम्

tato vilokya taṁ svastham aviśīrṇāsthibandhanam hiraṇyakaśipuḥ prāha śambaraṁ māyināṁ varam

Then, seeing him unharmed, his bones and joints unshattered, Hiranyakashipu said to Shambara, foremost of masters of illusion.

Verse 15 (vishnu.1.19.15)

नास्माभिः शक्यते हन्तुम् अयं दुर्वृत्तबालकः । मायां वेत्ति भवांस् तस्मान् माययैनं निषूदय

nāsmābhiḥ śakyate hantum ayaṁ durvṛttabālakaḥ māyāṁ vetti bhavāṁs tasmān māyayainaṁ niṣūdaya

'This wicked-natured boy cannot be killed by us; you know illusion — therefore destroy him through illusion.'

Verse 16 (vishnu.1.19.16)

शम्बर उवाच । सूदयाम्य् एष दैत्येन्द्र पश्य मायाबलं मम । सहस्रम् अत्र मायानां पश्य कोटिशतं तथा

śambara uvāca sūdayāmy eṣa daityendra paśya māyābalaṁ mama sahasram atra māyānāṁ paśya koṭiśataṁ tathā

Shambara said: 'I shall destroy him, O lord of the Daityas; behold the power of my illusion — behold here a thousand illusions, and a hundred million more.'

Verse 17 (vishnu.1.19.17)

श्रीपराशर उवाच । ततः समसृजन् मायाः प्रह्लादे शम्बरोऽसुरः । विनाशम् इच्छन् दुर्बुद्धिः सर्वत्र समदर्शिनि

śrīparāśara uvāca tataḥ samasṛjan māyāḥ prahlāde śambaro 'suraḥ vināśam icchan durbuddhiḥ sarvatra samadarśini

Parashara said: Then the ill-minded Asura Shambara, desiring destruction, unleashed his illusions against Prahlada, who was of equal vision toward all.

Verse 18 (vishnu.1.19.18)

समाहितमना भूत्वा शम्बरेऽपि विमत्सरः । मैत्रेय सोऽपि प्रह्लादः सस्मार मधुसूदनम्

samāhitamanā bhūtvā śambare 'pi vimatsaraḥ maitreya so 'pi prahlādaḥ sasmāra madhusūdanam

His mind composed, free of envy even toward Shambara, that same Prahlada, O Maitreya, remembered Madhusudana.

Verse 19 (vishnu.1.19.19)

ततो भगवता तस्य रक्षार्थं चक्रम् उत्तमम् । आजगाम समाज्ञप्तं ज्वालामालि सुदर्शनम्

tato bhagavatā tasya rakṣārthaṁ cakram uttamam ājagāma samājñaptaṁ jvālāmāli sudarśanam

Then, for his protection, at the blessed lord's command, there came the supreme discus, garlanded with flame, the Sudarshana.

Verse 20 (vishnu.1.19.20)

तेन मायासहस्रं तच् शम्बरस्याशुगामिना । बालस्य रक्षता देहम् एकैकश्येन सूदितम्

tena māyāsahasraṁ tac śambarasyāśugāminā bālasya rakṣatā deham ekaikaśyena sūditam

By that most swift-moving discus, Shambara's thousand illusions were destroyed one by one, protecting the boy's body.

Verse 21 (vishnu.1.19.21)

संशोषकं ततो वायुं दैत्येन्द्र इदम् अब्रवीत् । शीघ्रम् एष ममादेशाद् दुरात्मा नीयतां क्षयम्

saṁśoṣakaṁ tato vāyuṁ daityendra idam abravīt śīghram eṣa mamādeśād durātmā nīyatāṁ kṣayam

Then the king of the Daityas said this to the drying wind: 'Quickly, at my command, let this vile-souled one be brought to his destruction.'

Verse 22 (vishnu.1.19.22)

तथेत्य् उक्त्वाथ सोऽप्य् एनं विवेश पवनो लघुः । शीतोऽतिरूक्षः शोषाय तद्देहस्यातिदुःसहः

tathety uktvātha so 'py enaṁ viveśa pavano laghuḥ śīto 'tirūkṣaḥ śoṣāya taddehasyātiduḥsahaḥ

Saying 'so be it,' that swift wind entered into him — cold, exceedingly harsh, most unbearable, to dry out his body.

Verse 23 (vishnu.1.19.23)

तेनाविष्टं तथात्मानं स बुद्ध्वा दैत्यबालकः । हृदयेन महात्मानं दधार धरणीधरम्

tenāviṣṭaṁ tathātmānaṁ sa buddhvā daityabālakaḥ hṛdayena mahātmānaṁ dadhāra dharaṇīdharam

But the Daitya boy, knowing himself thus entered by it, held that great-souled bearer of the earth within his heart.

Verse 24 (vishnu.1.19.24)

हृदयस्थस् ततस् तस्य तं वायुम् अतिशोषणम् । पपौ जनार्दनः क्रुद्धः स ययौ पवनः क्षयम्

hṛdayasthas tatas tasya taṁ vāyum atiśoṣaṇam papau janārdanaḥ kruddhaḥ sa yayau pavanaḥ kṣayam

Then, present within his heart, Janardana, enraged, drank up that most-drying wind, and that wind came to its end.

Verse 25 (vishnu.1.19.25)

क्षीणासु सर्वमायासु पवने संक्षयं गते । जगाम सोऽपि भवनं गुरोर् एव महामतिः

kṣīṇāsu sarvamāyāsu pavane saṁkṣayaṁ gate jagāma so 'pi bhavanaṁ guror eva mahāmatiḥ

When all the illusions had failed, and the wind too had perished, that great-minded one went once more to his teacher's house.

Verse 26 (vishnu.1.19.26)

अहन्य् अहन्य् अथाचार्यो नीतिं राज्यफलप्रदाम् । ग्राहयाम् आस तं बालं राज्ञाम् उशनसा कृताम्

ahany ahany athācāryo nītiṁ rājyaphalapradām grāhayām āsa taṁ bālaṁ rājñām uśanasā kṛtām

Day after day, the teacher taught that boy the science of policy, bringing the fruit of kingship, as composed by Ushanas.

Verse 27 (vishnu.1.19.27)

गृहीतनीतिशास्त्रं तं विनीतं स यदा गुरुः । मेने तदैनं तत्पित्रे कथयाम् आस शिक्षितम्

gṛhītanītiśāstraṁ taṁ vinītaṁ sa yadā guruḥ mene tadainaṁ tatpitre kathayām āsa śikṣitam

When the teacher saw that he had grasped the science of policy and become well-disciplined, he thought him accomplished and told his father so.

Verse 28 (vishnu.1.19.28)

आचार्य उवाच । गृहीतनीतिशास्त्रस् ते पुत्रो दैत्यपते कृतः । प्रह्लादस् तत्त्वतो वेत्ति भार्गवेण यद् ईरितम्

ācārya uvāca gṛhītanītiśāstras te putro daityapate kṛtaḥ prahlādas tattvato vetti bhārgaveṇa yad īritam

The teacher said: 'Your son, O lord of the Daityas, has grasped the science of policy; Prahlada truly knows all that has been declared by Bhargava.'

Verse 29 (vishnu.1.19.29)

हिरण्यकशिपुर् उवाच । मित्रेषु वर्तेत कथम् अरिवर्गेषु भूपतिः । प्रह्लाद त्रिषु कालेषु मध्यस्थेषु कथं चरेत्

hiraṇyakaśipur uvāca mitreṣu varteta katham arivargeṣu bhūpatiḥ prahlāda triṣu kāleṣu madhyastheṣu kathaṁ caret

Hiranyakashipu said: 'How should a king behave toward friends, toward the ranks of enemies, and toward those who are neutral among the three, O Prahlada?'

Verse 30 (vishnu.1.19.30)

कथं मन्त्रिष्व् अमात्येषु बाह्येष्व् आभ्यन्तरेषु च । चारेषु पौरवर्गेषु शङ्कितेष्व् इतरेषु च

kathaṁ mantriṣv amātyeṣu bāhyeṣv ābhyantareṣu ca cāreṣu pauravargeṣu śaṅkiteṣv itareṣu ca

'How toward ministers, toward officials, toward those outside and within, toward spies, toward the ranks of citizens, and toward others who are suspected?'

Verse 31 (vishnu.1.19.31)

कृत्याकृत्यविधानं च दुर्गाटविकसाधनम् । प्रह्लाद कथ्यतां सम्यक् तथा कण्टकशोधनम्

kṛtyākṛtyavidhānaṁ ca durgāṭavikasādhanam prahlāda kathyatāṁ samyak tathā kaṇṭakaśodhanam

'Explain to me properly, Prahlada, the rules of what is to be done and not done, the means for a hard-to-take fortress or forest, and likewise the removal of troublesome elements.'

Verse 32 (vishnu.1.19.32)

एतच् चान्यच् च सकलम् अधीतं भवता यथा । तथा मे कथ्यतां ज्ञातुं तवेच्छामि मनोगतम्

etac cānyac ca sakalam adhītaṁ bhavatā yathā tathā me kathyatāṁ jñātuṁ tavecchāmi manogatam

'This and all else, exactly as you have studied it — tell me, so that I may know your true intent.'

Verse 33 (vishnu.1.19.33)

श्रीपराशर उवाच । प्रणिपत्य पितुः पादौ ततः प्रश्रयभूषणः । प्रह्लादः प्राह दैत्येन्द्रं कृताञ्जलिपुटः स्थितः

śrīparāśara uvāca praṇipatya pituḥ pādau tataḥ praśrayabhūṣaṇaḥ prahlādaḥ prāha daityendraṁ kṛtāñjalipuṭaḥ sthitaḥ

Parashara said: Then, bowing at his father's feet, adorned with humility, Prahlada, standing with joined palms, spoke to the lord of the Daityas.

Verse 34 (vishnu.1.19.34)

श्रीप्रह्लाद उवाच । ममोपदिष्टं सकलं गुरुणा नात्र संशयः । गृहीतं च मया किन्तु न सद् एतन् मतं मम

śrīprahlāda uvāca mamopadiṣṭaṁ sakalaṁ guruṇā nātra saṁśayaḥ gṛhītaṁ ca mayā kintu na sad etan mataṁ mama

Shri Prahlada said: 'All this was taught to me by my teacher, without doubt, and I have grasped it — but this is not my own true opinion.'

Verse 35 (vishnu.1.19.35)

साम चोपप्रदानं च भेददण्डौ तथैव च । उपायाः कथिता ह्य् एते मित्रादीनां च साधने

sāma copapradānaṁ ca bhedadaṇḍau tathaiva ca upāyāḥ kathitā hy ete mitrādīnāṁ ca sādhane

'Conciliation, gift-giving, division, and punishment — these have been declared as the means for dealing with friends and the rest.'

Verse 36 (vishnu.1.19.36)

तान् एवाहं न पश्यामि मित्रादींस् तात मा क्रुधः । साध्याभावे महाबाहो साधनैः किं प्रयोजनम्

tān evāhaṁ na paśyāmi mitrādīṁs tāta mā krudhaḥ sādhyābhāve mahābāho sādhanaiḥ kiṁ prayojanam

'But I do not see any such things as 'friends' and the rest at all, father — do not be angry; when there is nothing to be accomplished by them, O mighty-armed one, what use are these means?'

Verse 37 (vishnu.1.19.37)

सर्वभूतात्मके तात जगन्नाथे जगन्मये । परमात्मनि गोविन्दे मित्रामित्रकथा कुतः

sarvabhūtātmake tāta jagannāthe jaganmaye paramātmani govinde mitrāmitrakathā kutaḥ

'Father, in the lord of the world, present as the self of all beings, made of the whole universe, the Supreme Self, Govinda — whence could there be any talk of friend and foe?'

Verse 38 (vishnu.1.19.38)

त्वय्य् अस्ति भगवान् विष्णुर् मयि चान्यत्र चास्ति सः । यतस् ततोऽयं मित्रं मे शत्रुश् चेति पृथक् कुतः

tvayy asti bhagavān viṣṇur mayi cānyatra cāsti saḥ yatas tato 'yaṁ mitraṁ me śatruś ceti pṛthak kutaḥ

'The blessed Vishnu exists in you, and he exists in me, and elsewhere too; since this is so, how could there be a separate 'this is my friend, this my enemy'?'

Verse 39 (vishnu.1.19.39)

तद् एभिर् अलम् अत्यर्थं दुष्टारम्भोक्तिविस्तरैः । अविद्यान्तर्गतैर् यत्नः कर्तव्यस् तात शोभने

tad ebhir alam atyarthaṁ duṣṭārambhoktivistaraiḥ avidyāntargatair yatnaḥ kartavyas tāta śobhane

'Therefore, enough of these excessive, elaborate accounts of wicked undertakings, born of ignorance; effort should be made, father, only toward what is truly good.'

Verse 40 (vishnu.1.19.40)

विद्याबुद्धिर् अविद्यायाम् अज्ञानात् तात जायते । बालोऽग्निं किं न खद्योतम् असुरेश्वर मन्यते

vidyābuddhir avidyāyām ajñānāt tāta jāyate bālo 'gniṁ kiṁ na khadyotam asureśvara manyate

'The intellect of learning arises out of ignorance itself, father, from a lack of true knowledge; does a child not sometimes mistake a firefly for fire, O lord of the Asuras?'

Verse 41 (vishnu.1.19.41)

तत् कर्म यन् न बन्धाय सा विद्या या विमुक्तये । आयासायापरं कर्म विद्यान्या शिल्पनैपुणम्

tat karma yan na bandhāya sā vidyā yā vimuktaye āyāsāyāparaṁ karma vidyānyā śilpanaipuṇam

'That action which does not lead to bondage — that is knowledge which leads to liberation; other action is merely for exhaustion, and other knowledge merely skill in craft.'

Verse 42 (vishnu.1.19.42)

तद् एतद् अवगम्याहम् असारं साध्यम् उत्तमम् । निशामय महाभाग प्रणिपत्य ब्रवीमि यत्

tad etad avagamyāham asāraṁ sādhyam uttamam niśāmaya mahābhāga praṇipatya bravīmi yat

'Understanding this, I regard as worthless what is here held to be the highest thing to be accomplished; hear, O greatly blessed one, what I say, bowing before you.'

Verse 43 (vishnu.1.19.43)

न चिन्तयति को राज्यं को धनं नाभिवाञ्छति । तथापि भाव्यम् एवैतद् उभयं प्राप्यते नरैः

na cintayati ko rājyaṁ ko dhanaṁ nābhivāñchati tathāpi bhāvyam evaitad ubhayaṁ prāpyate naraiḥ

'Who does not think of a kingdom, who does not long for wealth? And yet both of these come to men only as they are destined.'

Verse 44 (vishnu.1.19.44)

सर्व एव महाभाग महत्त्वं प्रति सोद्यमाः । तथापि पुंसां भाग्यानि नोद्यमा भूतिहेतवः

sarva eva mahābhāga mahattvaṁ prati sodyamāḥ tathāpi puṁsāṁ bhāgyāni nodyamā bhūtihetavaḥ

'All indeed, O greatly blessed one, strive toward greatness; yet even so, effort is not the cause of men's prosperity — fortune is.'

Verse 45 (vishnu.1.19.45)

जडानाम् अविवेकानाम् अशूराणाम् अपि प्रभो । भाग्यभोज्यानि राज्यानि सन्त्य् अनीतिमताम् अपि

jaḍānām avivekānām aśūrāṇām api prabho bhāgyabhojyāni rājyāni santy anītimatām api

'For the dull, the undiscerning, even the cowardly, O lord, and even for those without policy, kingdoms exist as the enjoyment their fortune brings.'

Verse 46 (vishnu.1.19.46)

तस्माद् यतेत पुण्येषु य इच्छेन् महतीं श्रियम् । यतितव्यं समत्वे च निर्वाणम् अपि चेच्छता

tasmād yateta puṇyeṣu ya icchen mahatīṁ śriyam yatitavyaṁ samatve ca nirvāṇam api cecchatā

'Therefore let one who desires great fortune strive after merit; and let one who desires even liberation strive after equanimity.'

Verse 47 (vishnu.1.19.47)

देवा मनुष्याः पशवः पक्षिवृक्षसरीसृपाः । रूपम् एतद् अनन्तस्य विष्णोर् भिन्नम् इव स्थितम्

devā manuṣyāḥ paśavaḥ pakṣivṛkṣasarīsṛpāḥ rūpam etad anantasya viṣṇor bhinnam iva sthitam

'Gods, men, animals, birds, trees, and creeping things — this is the form of the Infinite Vishnu, standing as though divided.'

Verse 48 (vishnu.1.19.48)

एतद् विजानता सर्वं जगत् स्थावरजङ्गमम् । द्रष्टव्यम् आत्मवद् विष्णुर् यतोऽयं विश्वरूपधृक्

etad vijānatā sarvaṁ jagat sthāvarajaṅgamam draṣṭavyam ātmavad viṣṇur yato 'yaṁ viśvarūpadhṛk

'Understanding this, the whole world, unmoving and moving, should be seen by the discerning as one's own self, since Vishnu himself bears this universal form.'

Verse 49 (vishnu.1.19.49)

एवं ज्ञाते स भगवान् अनादिः परमेश्वरः । प्रसीदत्य् अच्युतस् तस्मिन् प्रसन्ने क्लेशसंक्षयः

evaṁ jñāte sa bhagavān anādiḥ parameśvaraḥ prasīdaty acyutas tasmin prasanne kleśasaṁkṣayaḥ

'When this is thus understood, that blessed lord, beginningless, the supreme lord, the Undying One, becomes pleased; and when he is pleased, affliction comes to its end.'

Verse 50 (vishnu.1.19.50)

श्रीपराशर उवाच । एतच् छ्रुत्वा तु कोपेन समुत्थाय वरासनात् । हिरण्यकशिपुः पुत्रं पदा वक्षस्य् अताडयत्

śrīparāśara uvāca etac chrutvā tu kopena samutthāya varāsanāt hiraṇyakaśipuḥ putraṁ padā vakṣasy atāḍayat

Parashara said: Hearing this, Hiranyakashipu, rising in fury from his splendid throne, struck his son upon the breast with his foot.

Verse 51 (vishnu.1.19.51)

उवाच च स कोपेन सामर्षः प्रज्वलन्न् इव । निष्पिष्य पाणिना पाणिं हन्तुकामो जगद् यथा

uvāca ca sa kopena sāmarṣaḥ prajvalann iva niṣpiṣya pāṇinā pāṇiṁ hantukāmo jagad yathā

And he spoke, in anger, as though blazing, crushing hand against hand, as though he wished to destroy the world.

Verse 52 (vishnu.1.19.52)

हिरण्यकशिपुर् उवाच । हे विप्रचित्ते हे राहो हे बलैष महार्णवे । नागपाशैर् दृढं बद्ध्वा क्षिप्यतां मा विलम्बथ

hiraṇyakaśipur uvāca he vipracitte he rāho he balaiṣa mahārṇave nāgapāśair dṛḍhaṁ baddhvā kṣipyatāṁ mā vilambatha

Hiranyakashipu said: 'Ho, Vipracitti! Ho, Rahu! Ho, Bala! Bind him fast with serpent-cords and cast him into the great ocean — do not delay!'

Verse 53 (vishnu.1.19.53)

अन्यथा सकला लोकास् तथा दैतेयदानवाः । अनुयास्यन्ति मूढस्य मतम् अस्य दुरात्मनः

anyathā sakalā lokās tathā daiteyadānavāḥ anuyāsyanti mūḍhasya matam asya durātmanaḥ

'Otherwise all the worlds, and the Daityas and Danavas too, shall come to follow the opinion of this fool, this vile-souled one.'

Verse 54 (vishnu.1.19.54)

बहुशो वारितोऽस्माभिर् अयं पापस् तथाप्य् अरेः । स्तुतिं करोति दुष्टानां वध एवोपकारकः

bahuśo vārito 'smābhir ayaṁ pāpas tathāpy areḥ stutiṁ karoti duṣṭānāṁ vadha evopakārakaḥ

'Though restrained by us many times, this sinner still praises even the enemy; for the wicked, slaying alone is a kindness.'

Verse 55 (vishnu.1.19.55)

श्रीपराशर उवाच । ततस् ते सत्वरा दैत्या बद्ध्वा तं नागबन्धनैः । भर्तुर् आज्ञां पुरस्कृत्य चिक्षिपुः सलिलार्णवे

śrīparāśara uvāca tatas te satvarā daityā baddhvā taṁ nāgabandhanaiḥ bhartur ājñāṁ puraskṛtya cikṣipuḥ salilārṇave

Parashara said: Then those swift Daityas, binding him with serpent-fetters, and at their lord's command, cast him into the waters of the ocean.

Verse 56 (vishnu.1.19.56)

ततश् चचाल चलता प्रह्लादेन महार्णवः । उद्वेलोऽभूत् परं क्षोभम् उपेत्य च समन्ततः

tataś cacāla calatā prahlādena mahārṇavaḥ udvelo 'bhūt paraṁ kṣobham upetya ca samantataḥ

Then, as Prahlada moved within it, the great ocean was thrown into turmoil, its waters rising past their shores, agitated on every side to the utmost.

Verse 57 (vishnu.1.19.57)

भूर्लोकम् अखिलं दृष्ट्वा प्लाव्यमानं महाम्भसा । हिरण्यकशिपुर् दैत्यान् इदम् आह महामुने

bhūrlokam akhilaṁ dṛṣṭvā plāvyamānaṁ mahāmbhasā hiraṇyakaśipur daityān idam āha mahāmune

O great sage, beholding the entire terrestrial world being flooded by that great mass of water, Hiranyakashipu said this to the Daityas.

Verse 58 (vishnu.1.19.58)

हिरण्यकशिपुर् उवाच । दैतेयाः सकलैः शैलैर् अत्रैव वरुणालये । निश्छिद्रैः सर्वतः सर्वैश् चीयताम् एष दुर्मतिः

hiraṇyakaśipur uvāca daiteyāḥ sakalaiḥ śailair atraiva varuṇālaye niśchidraiḥ sarvataḥ sarvaiś cīyatām eṣa durmatiḥ

Hiranyakashipu said: 'O Daityas, let this ill-minded one be heaped over on every side, right here in the abode of Varuna, with all the mountains, without a single gap.'

Verse 59 (vishnu.1.19.59)

नाग्निर् दहति नैवायं शस्त्रैश् छिन्नो न चोरगैः । क्षयं नीतो न वातेन न विषेण न कृत्यया

nāgnir dahati naivāyaṁ śastraiś chinno na coragaiḥ kṣayaṁ nīto na vātena na viṣeṇa na kṛtyayā

'Neither does fire burn him, nor is he cut down by weapons or serpents, nor is he destroyed by wind, nor by poison, nor by sorcery,'

Verse 60 (vishnu.1.19.60)

न मायाभिर् न चैवोच्चात् पातितो न च दिग्गजैः । बालोऽतिदुष्टचित्तोऽयं नानेनार्थोऽस्ति जीवता

na māyābhir na caivoccāt pātito na ca diggajaiḥ bālo 'tiduṣṭacitto 'yaṁ nānenārtho 'sti jīvatā

'nor by illusions, nor is he brought down by a fall from a height, nor by the elephants of the quarters; this boy, of most wicked mind — there is no purpose in his living.'

Verse 61 (vishnu.1.19.61)

तद् एष तोयधाव् अत्र समाक्रान्तो महीधरैः । तिष्ठत्व् अब्दसहस्रान्तं प्राणान् हास्यति दुर्मतिः

tad eṣa toyadhāv atra samākrānto mahīdharaiḥ tiṣṭhatv abdasahasrāntaṁ prāṇān hāsyati durmatiḥ

'Therefore let him be pressed down here in this ocean by mountains; let him remain there for a thousand years — this fool shall then give up his life.'

Verse 62 (vishnu.1.19.62)

ततो दैत्या दानवाश् च पर्वतैस् तं महोदधौ । आक्रम्य चयनं चक्रुर् योजनानि सहस्रशः

tato daityā dānavāś ca parvatais taṁ mahodadhau ākramya cayanaṁ cakrur yojanāni sahasraśaḥ

Then the Daityas and Danavas, heaping mountains upon him in the great ocean, raised up a mass of them for thousands of leagues.

Verse 63 (vishnu.1.19.63)

स चितः पर्वतैर् अन्तः समुद्रस्य महामतिः । तुष्टावाह्निकवेलायाम् एकाग्रमतिर् अच्युतम्

sa citaḥ parvatair antaḥ samudrasya mahāmatiḥ tuṣṭāvāhnikavelāyām ekāgramatir acyutam

That great-minded one, buried within the ocean beneath the mountains, at the hour of his daily worship, with one-pointed mind, praised the Undying One.

Verse 64 (vishnu.1.19.64)

श्रीप्रह्लाद उवाच । नमस् ते पुण्डरीकाक्ष नमस् ते पुरुषोत्तम । नमस् ते सर्वलोकात्मन् नमस् ते तिग्मचक्रिणे

śrīprahlāda uvāca namas te puṇḍarīkākṣa namas te puruṣottama namas te sarvalokātman namas te tigmacakriṇe

Shri Prahlada said: 'Salutation to you, lotus-eyed one; salutation to you, Supreme Person; salutation to you, self of all the worlds; salutation to you, wielder of the fierce discus.'

Verse 65 (vishnu.1.19.65)

नमो ब्रह्मण्यदेवाय गोब्राह्मणहिताय च । जगद्धिताय कृष्णाय गोविन्दाय नमो नमः

namo brahmaṇyadevāya gobrāhmaṇahitāya ca jagaddhitāya kṛṣṇāya govindāya namo namaḥ

'Salutation to the god who befriends the Brahmins, who is the benefactor of cows and Brahmins; salutation, salutation to Krishna, the benefactor of the world, to Govinda.'

Verse 66 (vishnu.1.19.66)

ब्रह्मत्वे सृजते विश्वं स्थितौ पालयते पुनः । रुद्ररूपाय कल्पान्ते नमस् तुभ्यं त्रिमूर्तये

brahmatve sṛjate viśvaṁ sthitau pālayate punaḥ rudrarūpāya kalpānte namas tubhyaṁ trimūrtaye

'As Brahma you create the universe, and again, in preservation, you sustain it; in the form of Rudra, at the end of the Kalpa — salutation to you, of the threefold form.'

Verse 67 (vishnu.1.19.67)

देवा यक्षासुराः सिद्धा नागा गन्धर्वकिंनराः । पिशाचा राक्षसाश् चैव मनुष्याः पशवस् तथा

devā yakṣāsurāḥ siddhā nāgā gandharvakiṁnarāḥ piśācā rākṣasāś caiva manuṣyāḥ paśavas tathā

'Gods, Yakshas, Asuras, Siddhas, serpents, Gandharvas, Kinnaras, Pishachas, Rakshasas, and men, and beasts as well,'

Verse 68 (vishnu.1.19.68)

पक्षिणः स्थावराश् चैव पिपीलिकसरीसृपाः । भूम्यापोऽग्निर् नभो वायुः शब्दः स्पर्शस् तथा रसः

pakṣiṇaḥ sthāvarāś caiva pipīlikasarīsṛpāḥ bhūmyāpo 'gnir nabho vāyuḥ śabdaḥ sparśas tathā rasaḥ

'birds, and unmoving things, ants and creeping creatures, earth, water, fire, sky, wind, sound, and touch, and taste,'

Verse 69 (vishnu.1.19.69)

रूपं गन्धो मनो बुद्धिर् आत्मा कालस् तथा गुणाः । एतेषां परमार्थश् च सर्वम् एतत् त्वम् अच्युत

rūpaṁ gandho mano buddhir ātmā kālas tathā guṇāḥ eteṣāṁ paramārthaś ca sarvam etat tvam acyuta

'form, smell, mind, intellect, the self, and time, and the gunas — of all these, the highest truth, all this, is you, Undying One.'

Verse 70 (vishnu.1.19.70)

विद्याविद्ये भवान् सत्यम् असत्यं त्वं विषामृते । प्रवृत्तं च निवृत्तं च कर्म वेदोदितं भवान्

vidyāvidye bhavān satyam asatyaṁ tvaṁ viṣāmṛte pravṛttaṁ ca nivṛttaṁ ca karma vedoditaṁ bhavān

'Knowledge and ignorance are you, truth and untruth are you, poison and nectar; action, both that which engages and that which withdraws, as declared in the Veda, is you.'

Verse 71 (vishnu.1.19.71)

समस्तकर्मभोक्ता च कर्मोपकरणानि च । त्वम् एव विष्णो सर्वाणि सर्वकर्मफलं च यत्

samastakarmabhoktā ca karmopakaraṇāni ca tvam eva viṣṇo sarvāṇi sarvakarmaphalaṁ ca yat

'The enjoyer of all actions, and the instruments of action too — all this, O Vishnu, is you alone, and whatever is the fruit of all action.'

Verse 72 (vishnu.1.19.72)

मय्य् अन्यत्र तथाशेषभूतेषु भुवनेषु च । तवैव व्याप्तिर् ऐश्वर्यगुणसंसूचिकी प्रभो

mayy anyatra tathāśeṣabhūteṣu bhuvaneṣu ca tavaiva vyāptir aiśvaryaguṇasaṁsūcikī prabho

'In me, and elsewhere, and in all beings and worlds without exception, your pervasion alone, O lord, is what proclaims the quality of your sovereignty.'

Verse 73 (vishnu.1.19.73)

त्वां योगिनश् चिन्तयन्ति त्वां यजन्ति च यज्विनः । हव्यकव्यभुग् एकस् त्वं पितृदेवस्वरूपधृक्

tvāṁ yoginaś cintayanti tvāṁ yajanti ca yajvinaḥ havyakavyabhug ekas tvaṁ pitṛdevasvarūpadhṛk

'The yogis contemplate you, the sacrificers worship you; you alone are the eater of oblations to gods and to ancestors, bearing the very form of the Pitris and the gods.'

Verse 74 (vishnu.1.19.74)

रूपं महत् तेऽच्युत यत्र विश्वं यतश् च सूक्ष्मं जगद् एतद् ईश । रूपाणि सूक्ष्माणि च भूतभेदास् तेष्व् अन्तर् आत्माख्यम् अतीव सूक्ष्मम्

rūpaṁ mahat te 'cyuta yatra viśvaṁ yataś ca sūkṣmaṁ jagad etad īśa rūpāṇi sūkṣmāṇi ca bhūtabhedās teṣv antar ātmākhyam atīva sūkṣmam

'That great form of yours, Undying One, in which this universe exists, and from which this world, subtle, proceeds, O lord — those subtle forms, the distinctions of beings — within them the thing called the inner self is exceedingly more subtle still.'

Verse 75 (vishnu.1.19.75)

तस्माच् च सूक्ष्मादिविशेषणानाम् अगोचरे यत् परमार्थरूपम् । किम् अप्य् अचिन्त्यं तव रूपम् अस्ति तस्मै नमस् ते पुरुषोत्तमाय

tasmāc ca sūkṣmādiviśeṣaṇānām agocare yat paramārtharūpam kim apy acintyaṁ tava rūpam asti tasmai namas te puruṣottamāya

'And beyond even that subtlety and its distinctions, beyond the reach of any such qualification, is that supreme, true form of yours — some inconceivable thing; to that, Supreme Person, salutation to you.'

Verse 76 (vishnu.1.19.76)

सर्वभूतेषु सर्वात्मन् या शक्तिर् अपरा तव । गुणाश्रया नमस् तस्यै शाश्वतायै सुरेश्वर

sarvabhūteṣu sarvātman yā śaktir aparā tava guṇāśrayā namas tasyai śāśvatāyai sureśvara

'That lower power of yours which exists in all beings, the very ground of the gunas — salutation to that eternal power, O lord of the gods.'

Verse 77 (vishnu.1.19.77)

यातीतगोचरा वाचां मनसां चाविशेषणा । ज्ञानिज्ञानपरिच्छेद्या तां वन्दे चेश्वरीं पराम्

yātītagocarā vācāṁ manasāṁ cāviśeṣaṇā jñānijñānaparicchedyā tāṁ vande ceśvarīṁ parām

'That which lies beyond the range of words, unqualified by any thought, to be known only by the knowing of the knower — I praise that supreme sovereign power.'

Verse 78 (vishnu.1.19.78)

ओं नमो वासुदेवाय तस्मै भगवते सदा । व्यतिरिक्तं न यस्यास्ति व्यतिरिक्तोऽखिलस्य यः

oṁ namo vāsudevāya tasmai bhagavate sadā vyatiriktaṁ na yasyāsti vyatirikto 'khilasya yaḥ

'Om, salutation forever to that blessed Vasudeva, from whom nothing exists apart, who is himself apart from the whole universe.'

Verse 79 (vishnu.1.19.79)

नमस् तस्मै नमस् तस्मै नमस् तस्मै महात्मने । नामरूपं न यस्यैको योऽस्तित्वेनोपलभ्यते

namas tasmai namas tasmai namas tasmai mahātmane nāmarūpaṁ na yasyaiko yo 'stitvenopalabhyate

'Salutation to him, salutation to him, salutation to that great soul, whose name and form are not a single thing, who is apprehended only through his very existence.'

Verse 80 (vishnu.1.19.80)

यस्यावताररूपाणि समर्चन्ति दिवौकसः । अपश्यन्तः परं रूपं नमस् तस्मै महात्मने

yasyāvatārarūpāṇi samarcanti divaukasaḥ apaśyantaḥ paraṁ rūpaṁ namas tasmai mahātmane

'Whose forms as incarnations the dwellers of heaven worship, not beholding his supreme form — salutation to that great soul.'

Verse 81 (vishnu.1.19.81)

योऽन्तस् तिष्ठन्न् अशेषस्य पश्यतीशः शुभाशुभम् । तं सर्वसाक्षिणं विष्णुं नमस्ये परमेश्वरम्

yo 'ntas tiṣṭhann aśeṣasya paśyatīśaḥ śubhāśubham taṁ sarvasākṣiṇaṁ viṣṇuṁ namasye parameśvaram

'He who, dwelling within all without exception, the lord, beholds good and evil — to him, the witness of all, Vishnu, the supreme lord, I bow.'

Verse 82 (vishnu.1.19.82)

नमोऽस्तु विष्णवे तस्मै यस्याभिन्नम् इदं जगत् । ध्येयः स जगताम् आद्यः स प्रसीदतु मेऽव्ययः

namo 'stu viṣṇave tasmai yasyābhinnam idaṁ jagat dhyeyaḥ sa jagatām ādyaḥ sa prasīdatu me 'vyayaḥ

'Salutation to that Vishnu, from whom this universe is not different; he, the first of the worlds, the undying one, is to be meditated upon — may he be gracious to me.'

Verse 83 (vishnu.1.19.83)

यत्रोतम् एतत् प्रोतं च विश्वम् अक्षरसंज्ञके । आधारभूतः सर्वस्य स प्रसीदतु मे हरिः

yatrotam etat protaṁ ca viśvam akṣarasaṁjñake ādhārabhūtaḥ sarvasya sa prasīdatu me hariḥ

'In whom this universe is woven, warp and weft, called the Imperishable, the very foundation of all — may that Hari be gracious to me.'

Verse 84 (vishnu.1.19.84)

ओं नमो विष्णवे तस्मै नमस् तस्मै पुनः पुनः । यत्र सर्वं यतः सर्वं यः सर्वं सर्वतश् च यः

oṁ namo viṣṇave tasmai namas tasmai punaḥ punaḥ yatra sarvaṁ yataḥ sarvaṁ yaḥ sarvaṁ sarvataś ca yaḥ

'Om, salutation to that Vishnu, salutation to him again and again, in whom is all, from whom is all, who is all, and who is on every side all.'

Verse 85 (vishnu.1.19.85)

सर्वगत्वाद् अनन्तस्य स एवाहम् अवस्थितः । मत्तः सर्वम् अहं सर्वं मयि सर्वं सनातने

sarvagatvād anantasya sa evāham avasthitaḥ mattaḥ sarvam ahaṁ sarvaṁ mayi sarvaṁ sanātane

'Because of the all-pervadingness of the Infinite, I myself am that same one, thus established; from me is all, I am all, in me is all, the eternal one.'

Verse 86 (vishnu.1.19.86)

अहम् एवाक्षयो नित्यः परमात्मात्मसंश्रयः । ब्रह्मसंज्ञोऽहम् एवाग्रे तथान्ते च परः पुमान्

aham evākṣayo nityaḥ paramātmātmasaṁśrayaḥ brahmasaṁjño 'ham evāgre tathānte ca paraḥ pumān

'I myself am the imperishable, eternal, the Supreme Self, the very refuge of the self; I myself am called Brahman, at the beginning, and likewise at the end, the Supreme Person.'