The Chariots of Moon and Planets; Knowledge as the Sole Reality

Verse 1 (vishnu.2.12.1)

पराशर उवाच । रथस् त्रिचक्रः सोमस्य कुन्दाभास् तस्य वाजिनः । वामदक्षिणतो युक्ता दश तेन चरत्य् असौ

parāśara uvāca rathas tricakraḥ somasya kundābhās tasya vājinaḥ vāmadakṣiṇato yuktā daśa tena caraty asau

Parashara said: The Moon's chariot has three wheels; its ten horses, white as the kunda flower, are yoked on left and right, and by them it moves.

Verse 2 (vishnu.2.12.2)

वीथ्याश्रयाणि ऋक्षाणि ध्रुवाधारेण वेगिना । ह्रासवृद्धिक्रमस् तस्य रश्मीनां सवितुर् यथा

vīthyāśrayāṇi ṛkṣāṇi dhruvādhāreṇa veginā hrāsavṛddhikramas tasya raśmīnāṁ savitur yathā

The constellations of its path are bound by Dhruva's swift support; the sequence of its rays' waning and waxing follows a pattern like that of the sun.

Verse 3 (vishnu.2.12.3)

अर्कस्येव हि तस्याश्वाः सकृद्युक्ता वहन्ति ते । कल्पम् एकं मुनिश्रेष्ठ वारिगर्भसमुद्भवाः

arkasyeva hi tasyāśvāḥ sakṛdyuktā vahanti te kalpam ekaṁ muniśreṣṭha vārigarbhasamudbhavāḥ

O best of sages, like the sun's, its horses too, once yoked, draw the chariot for an entire kalpa — these horses are born from the essence of water.

Verse 4 (vishnu.2.12.4)

क्षीणं पीतं सुरैः सोमम् आप्याययति दीप्तिमान् । मैत्रेयैककलं सन्तं रश्मिनैकेन भास्करः

kṣīṇaṁ pītaṁ suraiḥ somam āpyāyayati dīptimān maitreyaikakalaṁ santaṁ raśminaikena bhāskaraḥ

O Maitreya, the moon, drunk down and diminished by the gods until only one digit remains, is nourished anew by the radiant sun with a single ray.

Verse 5 (vishnu.2.12.5)

क्रमेण येन पीतोऽसौ देवैस् तेन निशाकरम् । आप्याययत्य् अनुदिनं भास्करो वारितस्करः

krameṇa yena pīto'sau devais tena niśākaram āpyāyayaty anudinaṁ bhāskaro vāritaskaraḥ

By the very process by which it is drunk by the gods, the sun, that stealer of water, nourishes that maker of night, the moon, day after day.

Verse 6 (vishnu.2.12.6)

संभृतं चार्धमासेन तत् सोमस्थं सुधामृतम् । पिबन्ति देवा मैत्रेय सुधाहारा यतोऽमराः

saṁbhṛtaṁ cārdhamāsena tat somasthaṁ sudhāmṛtam pibanti devā maitreya sudhāhārā yato'marāḥ

O Maitreya, the gods alone drink that nectar-essence gathered in the moon over a fortnight, since the immortal gods live on nectar as their food.

Verse 7 (vishnu.2.12.7)

त्रयस् त्रिंशत्सहस्राणि त्रयस् त्रिंशच्छतानि च । त्रयस् त्रिंशत् तथा देवाः पिबन्ति क्षणदाकरम्

trayas triṁśatsahasrāṇi trayas triṁśacchatāni ca trayas triṁśat tathā devāḥ pibanti kṣaṇadākaram

Thirty-three thousand, thirty-three hundred, and thirty-three gods drink that maker of the night, the moon.

Verse 8 (vishnu.2.12.8)

कलाद्वयावशिष्टस् तु प्रविष्टः सूर्यमण्डलम् । अमाख्यरश्मौ वसति अमावास्या ततः स्मृता

kalādvayāvaśiṣṭas tu praviṣṭaḥ sūryamaṇḍalam amākhyaraśmau vasati amāvāsyā tataḥ smṛtā

When only two digits remain, it enters the sun's orb and dwells in the ray called Ama; hence that day is called Amavasya, the new moon.

Verse 9 (vishnu.2.12.9)

अप्सु तस्मिन्न् अहोरात्रे पूर्वं विशति चन्द्रमाः । ततो वीरुत्सु वसति प्रयात्य् अर्कं ततः क्रमात्

apsu tasminn ahorātre pūrvaṁ viśati candramāḥ tato vīrutsu vasati prayāty arkaṁ tataḥ kramāt

On that day-night, the moon first enters into the waters, then dwells in the plants, then proceeds in due order toward the sun.

Verse 10 (vishnu.2.12.10)

छिनत्ति वीरुधो यस् तु वीरुत्संस्थे निशाकरे । पत्रं वा पातयत्य् एकं ब्रह्महत्यां स विन्दति

chinatti vīrudho yas tu vīrutsaṁsthe niśākare patraṁ vā pātayaty ekaṁ brahmahatyāṁ sa vindati

Whoever cuts a creeper, or causes even a single leaf of it to fall, while the moon is dwelling in the plants, incurs the sin of killing a brahmin.

Verse 11 (vishnu.2.12.11)

शेषे पञ्चदशे भागे किंचिच्छिष्टे कलात्मके । अपराह्णे पितृगणा जघन्यं पर्युपासते

śeṣe pañcadaśe bhāge kiṁcicchiṣṭe kalātmake aparāhṇe pitṛgaṇā jaghanyaṁ paryupāsate

When, of the fifteen parts, only a small remainder of one digit is left, in the afternoon the group of ancestors worship it from its western side.

Verse 12 (vishnu.2.12.12)

पिबन्ति द्विकलं सोमं शिष्टा तस्य कला तु या । सुधामृतमयी पुण्या ताम् इन्दोः पितरो मुने

pibanti dvikalaṁ somaṁ śiṣṭā tasya kalā tu yā sudhāmṛtamayī puṇyā tām indoḥ pitaro mune

O sage, the two remaining digits of the moon, which are its auspicious, nectar-filled portion, the ancestors drink.

Verse 13 (vishnu.2.12.13)

निःसृतं तद् अमावास्यां गभस्तिभ्यः सुधामृतम् । मासतृप्तिम् अवाप्याग्र्यां पितरः सन्ति निर्वृताः । सौम्या बर्हिषदश् चैव अग्निष्वात्ताश् च ते त्रिधा

niḥsṛtaṁ tad amāvāsyāṁ gabhastibhyaḥ sudhāmṛtam māsatṛptim avāpyāgryāṁ pitaraḥ santi nirvṛtāḥ saumyā barhiṣadaś caiva agniṣvāttāś ca te tridhā

On the new-moon day, that nectar released from its rays, granting the attainment of monthly satisfaction, contents the ancestors; they are of three kinds — the Saumyas, the Barhishads, and the Agnishvattas.

Verse 14 (vishnu.2.12.14)

एवं देवान् सिते पक्षे कृष्णपक्षे तथा पितॄन् । वीरुधश् चामृतमयैः शीतैर् अप्परमाणुभिः

evaṁ devān site pakṣe kṛṣṇapakṣe tathā pitṝn vīrudhaś cāmṛtamayaiḥ śītair apparamāṇubhiḥ

Thus, in the bright fortnight the moon nourishes the gods, in the dark fortnight the ancestors, and, through its cool, nectar-filled atoms of water, it nourishes the plants,

Verse 15 (vishnu.2.12.15)

वीरुधौषधिनिष्पत्त्या मनुष्यपशुकीटकान् । आप्याययति शीतांशुः प्राकाश्याह्लादनेन तु

vīrudhauṣadhiniṣpattyā manuṣyapaśukīṭakān āpyāyayati śītāṁśuḥ prākāśyāhlādanena tu

and, through the ripening of the plants and herbs, men, animals, and insects as well; the cool-rayed moon nourishes all through the delight of its very light.

Verse 16 (vishnu.2.12.16)

वाय्वग्निद्रव्यसंभूतो रथश् चन्द्रसुतस्य च । पिशङ्गैस् तुरगैर् युक्तः सोऽष्टाभिर् वायुवेगिभिः

vāyvagnidravyasaṁbhūto rathaś candrasutasya ca piśaṅgais turagair yuktaḥ so'ṣṭābhir vāyuvegibhiḥ

The chariot of the Moon's son, Budha, is made of wind, fire, and matter, yoked with eight tawny horses, swift as the wind.

Verse 17 (vishnu.2.12.17)

सवरूथः सानुकर्षो युक्तो भूसंभवैर् हयैः । सोपासङ्गपताकस् तु शुक्रस्यापि रथो महान्

savarūthaḥ sānukarṣo yukto bhūsaṁbhavair hayaiḥ sopāsaṅgapatākas tu śukrasyāpi ratho mahān

Shukra's great chariot too, complete with its box, its axle-support, its quiver, and its banner, is yoked with horses born of the earth.

Verse 18 (vishnu.2.12.18)

अष्टाश्वः काञ्चनः श्रीमान् भौमस्यापि रथो महान् । पद्मरागारुणैर् अश्वैः संयुक्तो वह्निसंभवैः

aṣṭāśvaḥ kāñcanaḥ śrīmān bhaumasyāpi ratho mahān padmarāgāruṇair aśvaiḥ saṁyukto vahnisaṁbhavaiḥ

Mangala's (Mars's) great, splendid golden chariot too has eight horses, born of fire, ruby-red in color.

Verse 19 (vishnu.2.12.19)

अष्टाभिः पाण्डरैर् युक्तैर् वाजिभिः काञ्चने रथे । तस्मिंस् तिष्ठति वर्षं वै राशौ राशौ बृहस्पतिः

aṣṭābhiḥ pāṇḍarair yuktair vājibhiḥ kāñcane rathe tasmiṁs tiṣṭhati varṣaṁ vai rāśau rāśau bṛhaspatiḥ

In a golden chariot yoked with eight tawny horses, Brihaspati resides for one year in each and every zodiac sign.

Verse 20 (vishnu.2.12.20)

आकाशसंभवैर् अश्वैः शबलैः स्यन्दनं युतम् । समारुह्य शनैर् याति मन्दगामी शनैश्चरः

ākāśasaṁbhavair aśvaiḥ śabalaiḥ syandanaṁ yutam samāruhya śanair yāti mandagāmī śanaiścaraḥ

Mounted upon a chariot yoked with dappled horses born of the sky, the slow-moving Shanaishchara proceeds gently.

Verse 21 (vishnu.2.12.21)

स्वर्भानोस् तुरगा ह्य् अष्टौ भृङ्गाभा धूसरं रथम् । सकृद्युक्तास् तु मैत्रेय वहन्त्य् अविरतं सदा

svarbhānos turagā hy aṣṭau bhṛṅgābhā dhūsaraṁ ratham sakṛdyuktās tu maitreya vahanty avirataṁ sadā

O Maitreya, the eight horses of Svarbhanu (Rahu), black as bees, once yoked, draw his dusky chariot ceaselessly, always.

Verse 22 (vishnu.2.12.22)

आदित्यान् निःसृतो राहुः सोमं गच्छति पर्वसु । आदित्यम् एति सोमाच् च पुनः सौरेषु पर्वसु

ādityān niḥsṛto rāhuḥ somaṁ gacchati parvasu ādityam eti somāc ca punaḥ saureṣu parvasu

Issuing from Aditya, Rahu goes toward the moon at the lunar junctures; and from the moon he goes again toward the sun, at the solar junctures.

Verse 23 (vishnu.2.12.23)

तथा केतुरथस्याश्वा अष्टौ ते वातरंहसः । पलालधूमवर्णाभा लाक्षारसनिभारुणाः

tathā keturathasyāśvā aṣṭau te vātaraṁhasaḥ palāladhūmavarṇābhā lākṣārasanibhāruṇāḥ

Likewise the eight horses of Ketu's chariot are swift as the wind, the color of meat-smoke, ruddy like the color of lac-dye.

Verse 24 (vishnu.2.12.24)

एते मया ग्रहाणां वै तवाख्याता रथा नव । सर्वे ध्रुवे महाभाग प्रबद्धा वायुरश्मिभिः

ete mayā grahāṇāṁ vai tavākhyātā rathā nava sarve dhruve mahābhāga prabaddhā vāyuraśmibhiḥ

O greatly fortunate one, these nine chariots of the planets have been told to you by me; all of them are bound to Dhruva by cords of wind.

Verse 25 (vishnu.2.12.25)

ग्रहर्क्षताराधिष्ण्यानि ध्रुवे बद्धान्य् अशेषतः । भ्रमन्त्य् उचितचारेण मैत्रेयानिलरश्मिभिः

graharkṣatārādhiṣṇyāni dhruve baddhāny aśeṣataḥ bhramanty ucitacāreṇa maitreyānilaraśmibhiḥ

O Maitreya, the planets, constellations, stars, and their stations are all, without exception, bound to Dhruva, and revolve on their appointed courses by cords of wind.

Verse 26 (vishnu.2.12.26)

यावन्त्यश् चैव तारास् तास् तावन्तो वातरश्मयः । सर्वे ध्रुवे निबद्धास् ते भ्रमन्तो भ्रामयन्ति तम्

yāvantyaś caiva tārās tās tāvanto vātaraśmayaḥ sarve dhruve nibaddhās te bhramanto bhrāmayanti tam

As many as the stars are, so many are the wind-cords; all of them, bound to Dhruva, revolving themselves, cause it to revolve as well.

Verse 27 (vishnu.2.12.27)

तैलपीडा यथा चक्रं भ्रमन्तो भ्रामयन्ति वै । तथा भ्रमन्ति ज्योतींषि वातविद्धानि सर्वशः

tailapīḍā yathā cakraṁ bhramanto bhrāmayanti vai tathā bhramanti jyotīṁṣi vātaviddhāni sarvaśaḥ

As the wheel of an oil-press, turning, turns other wheels in turn, so all the heavenly lights, driven by the wind, revolve everywhere.

Verse 28 (vishnu.2.12.28)

अलातचक्रवद् यान्ति वातचक्रेरितानि तु । यस्माज् ज्योतींषि वहति प्रवहस् तेन स स्मृतः

alātacakravad yānti vātacakreritāni tu yasmāj jyotīṁṣi vahati pravahas tena sa smṛtaḥ

They move like a whirling firebrand-wheel, impelled by the wheel of wind; because this wind bears the heavenly bodies along, it is called 'Pravaha.'

Verse 29 (vishnu.2.12.29)

शिशुमारस् तु यः प्रोक्तः स ध्रुवो यत्र तिष्ठति । संनिवेशं च तस्यापि शृणुष्व मुनिसत्तम

śiśumāras tu yaḥ proktaḥ sa dhruvo yatra tiṣṭhati saṁniveśaṁ ca tasyāpi śṛṇuṣva munisattama

That which is called Shishumara, in which Dhruva is situated, O best of sages — hear also its configuration.

Verse 30 (vishnu.2.12.30)

यद् अह्ना कुरुते पापं दृष्ट्वा तं निशि मुच्यते । यावन्त्यश् चैव तारास् ताः शिशुमाराश्रिता दिवि । तावन्त्य् एव तु वर्षाणि जीवत्य् अभ्यधिकानि च

yad ahnā kurute pāpaṁ dṛṣṭvā taṁ niśi mucyate yāvantyaś caiva tārās tāḥ śiśumārāśritā divi tāvanty eva tu varṣāṇi jīvaty abhyadhikāni ca

Sin committed by day is released upon seeing it at night; as many stars as are contained within the celestial Shishumara, so many years, and more, does the beholder live.

Verse 31 (vishnu.2.12.31)

उत्तानपादस् तस्याथ विज्ञेयो ह्य् उत्तरो हनुः । यज्ञोऽधरश् च विज्ञेयो धर्मो मूर्धानम् आश्रितः

uttānapādas tasyātha vijñeyo hy uttaro hanuḥ yajño'dharaś ca vijñeyo dharmo mūrdhānam āśritaḥ

Uttanapada is to be known as its upper jaw, and Yajna as its lower jaw; Dharma abides at its head.

Verse 32 (vishnu.2.12.32)

हृदि नारायणश् चास्ते अश्विनौ पूर्वपादयोः । वरुणश् चार्यमा चैव पश्चिमे तस्य सक्थिनी

hṛdi nārāyaṇaś cāste aśvinau pūrvapādayoḥ varuṇaś cāryamā caiva paścime tasya sakthinī

In its heart dwells Narayana; the Ashvins are at its front feet; Varuna and Aryaman are its two western thighs.

Verse 33 (vishnu.2.12.33)

शिश्नं संवत्सरस् तस्य मित्रोऽपानं समाश्रितः

śiśnaṁ saṁvatsaras tasya mitro'pānaṁ samāśritaḥ

Samvatsara, the Year, is its genital organ, and Mitra abides at its anus.

Verse 34 (vishnu.2.12.34)

पुच्छेऽग्निश् च महेन्द्रश् च कश्यपोऽथ ततो ध्रुवः । तारका शिशुमारस्य नास्तम् एति चतुष्टयम्

pucche'gniś ca mahendraś ca kaśyapo'tha tato dhruvaḥ tārakā śiśumārasya nāstam eti catuṣṭayam

At its tail are Agni, Mahendra, Kashyapa, and then Dhruva; the group of four stars of the Shishumara never sets.

Verse 35 (vishnu.2.12.35)

इत्य् एष संनिवेशो यः पृथिव्या ज्योतिषां तथा । द्वीपानाम् उदधीनां च पर्वतानां च कीर्तितः

ity eṣa saṁniveśo yaḥ pṛthivyā jyotiṣāṁ tathā dvīpānām udadhīnāṁ ca parvatānāṁ ca kīrtitaḥ

Thus has been told this configuration of the earth and of the heavenly bodies, of the continents, oceans, and mountains,

Verse 36 (vishnu.2.12.36)

वर्षाणां च नदीनां च ये च तेषु वसन्ति वै । तेषां स्वरूपम् आख्यातं संक्षेपाच् छ्रूयतां पुनः

varṣāṇāṁ ca nadīnāṁ ca ye ca teṣu vasanti vai teṣāṁ svarūpam ākhyātaṁ saṁkṣepāc chrūyatāṁ punaḥ

and of the regions and rivers, and of those who dwell in them; their nature has been told — now hear it again in brief.

Verse 37 (vishnu.2.12.37)

यद् अम्बु वैष्णवः कायस् ततो विप्र वसुंधरा । पद्माकारा समुद्भूता पर्वताब्ध्यादिसंयुता

yad ambu vaiṣṇavaḥ kāyas tato vipra vasuṁdharā padmākārā samudbhūtā parvatābdhyādisaṁyutā

O brahmin, from that water-form of the Vaishnava body arose this lotus-shaped earth, together with its mountains, oceans, and the rest.

Verse 38 (vishnu.2.12.38)

ज्योतींषि विष्णुर् भुवनानि विष्णुर् वनानि विष्णुर् गिरयो दिशश् च । नद्यः समुद्राश् च स एव सर्वं यद् अस्ति यन् नास्ति च विप्रवर्य

jyotīṁṣi viṣṇur bhuvanāni viṣṇur vanāni viṣṇur girayo diśaś ca nadyaḥ samudrāś ca sa eva sarvaṁ yad asti yan nāsti ca vipravarya

O foremost of brahmins, the heavenly lights are Vishnu; the worlds are Vishnu; the forests are Vishnu; the mountains and directions too; the rivers and oceans are he himself — he is all that is, and all that is not.

Verse 39 (vishnu.2.12.39)

ज्ञानस्वरूपो भगवान् यतोऽसाव् अशेषमूर्तिर् न तु वस्तुभूतः । ततो हि शैलाब्धिधरादिभेदाञ् जानीहि विज्ञानविजृम्भितानि

jñānasvarūpo bhagavān yato'sāv aśeṣamūrtir na tu vastubhūtaḥ tato hi śailābdhidharādibhedāñ jānīhi vijñānavijṛmbhitāni

Since the Lord is of the very nature of knowledge, of infinite forms, yet not himself a limited object — therefore know the divisions into mountains, oceans, the earth, and the rest as mere expansions of consciousness.

Verse 40 (vishnu.2.12.40)

यदा तु शुद्धं निजरूपि सर्वं कर्मक्षये ज्ञानम् अपास्तदोषम् । तदा हि संकल्पतरोः फलानि भवन्ति नो वस्तुषु वस्तुभेदाः

yadā tu śuddhaṁ nijarūpi sarvaṁ karmakṣaye jñānam apāstadoṣam tadā hi saṁkalpataroḥ phalāni bhavanti no vastuṣu vastubhedāḥ

But when, at the exhaustion of karma, all knowledge becomes pure, in its own true nature, its faults cast off — then the divisions between objects cease to be the fruits of that wish-tree of ignorance.

Verse 41 (vishnu.2.12.41)

वस्त्व् अस्ति किं कुत्रचिद् आदिमध्य पर्यन्तहीनं सततैकरूपम् । यच् चान्यथात्वं द्विज याति भूयो न तत् तथा तत्र कुतो हि तत्त्वम्

vastv asti kiṁ kutracid ādimadhya paryantahīnaṁ satataikarūpam yac cānyathātvaṁ dvija yāti bhūyo na tat tathā tatra kuto hi tattvam

Is there any object anywhere that is without beginning, middle, and end, and ever remains uniform? And, O twice-born, that which undergoes further change — how could there be reality in that?

Verse 42 (vishnu.2.12.42)

मही घटत्वं घटतः कपालिका कपालिका चूर्णरजस् ततोऽणुः । जनैः स्वकर्मस्तिमितात्मनिश्चयैर् आलक्ष्यते ब्रूहि किम् अत्र वस्तु

mahī ghaṭatvaṁ ghaṭataḥ kapālikā kapālikā cūrṇarajas tato'ṇuḥ janaiḥ svakarmastimitātmaniścayair ālakṣyate brūhi kim atra vastu

Clay becomes a pot, the pot becomes a shard, the shard becomes powder-dust, and that becomes an atom — all this is perceived only by people whose minds are fixed by their own habitual actions; tell me, what real object is there in this?

Verse 43 (vishnu.2.12.43)

तस्मान् न विज्ञानम् ऋतेऽस्ति किंचित् क्वचित् कदाचिद् द्विज वस्तुजातम् । विज्ञानम् एकं निजकर्मभेद विभिन्नचित्तैर् बहुधाभ्युपेतम्

tasmān na vijñānam ṛte'sti kiṁcit kvacit kadācid dvija vastujātam vijñānam ekaṁ nijakarmabheda vibhinnacittair bahudhābhyupetam

Therefore, O twice-born, apart from consciousness, no real category of objects exists anywhere, at any time; consciousness is one, appearing in many forms through minds divided by their own respective karmic differences.

Verse 44 (vishnu.2.12.44)

ज्ञानं विशुद्धं विमलं विशोकम् अशेषलोभादिनिरस्तसङ्गम् । एकं सदैकं परमः परेशः स वासुदेवो न यतोऽन्यद् अस्ति

jñānaṁ viśuddhaṁ vimalaṁ viśokam aśeṣalobhādinirastasaṅgam ekaṁ sadaikaṁ paramaḥ pareśaḥ sa vāsudevo na yato'nyad asti

That knowledge, utterly pure, stainless, free from sorrow, free from all attachment born of greed and the like — that One, the ever-existent, the Supreme, the Supreme Lord, is Vasudeva himself, apart from whom nothing else exists.

Verse 45 (vishnu.2.12.45)

सद्भाव एषो भवतो मयोक्तो ज्ञानं यथा सत्यम् असत्यम् अन्यत् । एतत् तु यत् संव्यवहारभूतं तत्रापि चोक्तं भुवनाश्रितं ते

sadbhāva eṣo bhavato mayokto jñānaṁ yathā satyam asatyam anyat etat tu yat saṁvyavahārabhūtaṁ tatrāpi coktaṁ bhuvanāśritaṁ te

This ultimate truth has been declared to you by me — that knowledge alone is true, and all else is untrue; but this too, which pertains to worldly practical dealings, has also been told to you, as it rests upon the world.

Verse 46 (vishnu.2.12.46)

यज्ञः पशुर् वह्निर् अशेष-ऋत्विक् सोमः सुराः स्वर्गमयश् च कामः । इत्यादिकर्माश्रितमार्गदृष्टं भूरादिभोगाश् च फलानि तेषाम्

yajñaḥ paśur vahnir aśeṣa-ṛtvik somaḥ surāḥ svargamayaś ca kāmaḥ ityādikarmāśritamārgadṛṣṭaṁ bhūrādibhogāś ca phalāni teṣām

Sacrifice, the sacrificial animal, fire, all the officiating priests, Soma, the gods, and heaven-consisting desire — such is what is seen in the path resting on ritual action; and earthly and other enjoyments are its fruits.

Verse 47 (vishnu.2.12.47)

यच् चैतद् भुवनगतं मया तवोक्तं सर्वत्र व्रजति हि कर्मवश्य एकः । ज्ञात्वैवं ध्रुवम् अचलं सदैकरूपं तत् कुर्याद् विशति हि येन वासुदेवम्

yac caitad bhuvanagataṁ mayā tavoktaṁ sarvatra vrajati hi karmavaśya ekaḥ jñātvaivaṁ dhruvam acalaṁ sadaikarūpaṁ tat kuryād viśati hi yena vāsudevam

In this account of the world which I have told you, the one self, subject to karma, wanders everywhere; knowing this as fixed, unmoving, ever of one form, one should so act that by it one enters into Vasudeva.