The Qualities of Brahmins Fed at Shraddha and the Full Ceremony

Verse 1 (vishnu.3.15.1)

और्व उवाच । ब्राह्मणान् भोजयेच्छ्राद्धे यद्गुणांस्तान्निबोध मे

aurva uvāca brāhmaṇān bhojayecchrāddhe yadguṇāṁstānnibodha me

Aurva said: Learn from me the qualities of the Brahmins who should be fed at a shraddha.

Verse 2 (vishnu.3.15.2)

त्रिणाचिकेतस्त्रिमधुस्त्रिसुपर्णष्षडङ्गवित् । वेदविच्छ्रोत्रियो योगी तथा वै ज्येष्ठसामगः

triṇāciketastrimadhustrisuparṇaṣṣaḍaṅgavit vedavicchrotriyo yogī tathā vai jyeṣṭhasāmagaḥ

One versed in the three Nachiketa fires, in the threefold Madhu-vidya, in the three Suparna hymns, versed in the six Vedangas, knowing the Veda, a Shrotriya, a Yogin, and likewise a singer of the eldest Sama,

Verse 3 (vishnu.3.15.3)

ऋत्विक् स्वस्रेयदौहित्रजामातृश्वशुरास्तथा । मातुलोऽथ तपोनिष्ठः पञ्चाग्न्यभिरतस्तथा । शिष्याः सम्बन्धिनश्चैव मातापितृरतश्च यः

ṛtvik svasreyadauhitrajāmātṛśvaśurāstathā mātulo'tha taponiṣṭhaḥ pañcāgnyabhiratastathā śiṣyāḥ sambandhinaścaiva mātāpitṛrataśca yaḥ

an officiating priest, a sister's son, a daughter's son, a son-in-law, a father-in-law, a maternal uncle, one devoted to austerity, one practising the five fires,

Verse 4 (vishnu.3.15.4)

एतान्नियोजयेच्छ्राद्धे पूर्वोक्तान् प्रथमे नृप । ब्राह्मणान् पितृतुष्ट्यर्थमनुकल्पेष्वनन्तरान्

etānniyojayecchrāddhe pūrvoktān prathame nṛpa brāhmaṇān pitṛtuṣṭyarthamanukalpeṣvanantarān

a pupil, a relation, and one devoted to the service of his parents -- O king, these aforesaid Brahmins should be engaged first at a shraddha; and, for the satisfaction of the ancestors, the next in order, in the alternative category.

Verse 5 (vishnu.3.15.5)

मित्रध्रुक्कुनखी क्लीबः श्यावदन्तस्तथा द्विजः । कन्यादूषयिता वह्निवेदोज्झः सोमविक्रयी

mitradhrukkunakhī klībaḥ śyāvadantastathā dvijaḥ kanyādūṣayitā vahnivedojjhaḥ somavikrayī

One who betrays a friend, one with deformed nails, an impotent man, a Brahmin with blackened teeth, one who has violated a maiden, one who has abandoned the sacred fire and the Veda, one who sells Soma,

Verse 6 (vishnu.3.15.6)

अभिशस्तस्तथा स्तेनः पिशुनो ग्रामयाजकः । भृतकाध्यापकस्तद्वद् भृतकाध्यापितश्च यः

abhiśastastathā stenaḥ piśuno grāmayājakaḥ bhṛtakādhyāpakastadvad bhṛtakādhyāpitaśca yaḥ

one who is accursed, a thief, a slanderer, one who officiates as priest for a whole village, one who teaches for hire, and likewise one who is taught for hire,

Verse 7 (vishnu.3.15.7)

परपूर्वापतिश्चैव मातापित्रोस्तथोज्झकः । वृषलीसूतिपोष्टा च वृषलीपतिरेव च

parapūrvāpatiścaiva mātāpitrostathojjhakaḥ vṛṣalīsūtipoṣṭā ca vṛṣalīpatireva ca

one who is the husband of a woman previously married to another, one who has abandoned his parents, one who fathers and rears children upon a Shudra woman, and one who is himself the husband of a Shudra woman,

Verse 8 (vishnu.3.15.8)

तथा देवलकश्चैव श्राद्धे नार्हति केतनम्

tathā devalakaścaiva śrāddhe nārhati ketanam

and likewise one who lives by the worship of images -- these are not fit to be invited to a shraddha.

Verse 9 (vishnu.3.15.9)

प्रथमेऽह्नि बुधः शस्ताञ्छ्रोत्रियादीन् निमन्त्रयेत् । कथयेच्च तथैवैषां नियोगान् पितृदैविकान्

prathame'hni budhaḥ śastāñchrotriyādīn nimantrayet kathayecca tathaivaiṣāṁ niyogān pitṛdaivikān

On the very first day, let the wise man invite the praiseworthy Shrotriyas and the rest, and at that same time tell them of the sacred rites pertaining to the ancestors.

Verse 10 (vishnu.3.15.10)

ततः क्रोधव्यवायादीनायासं तैर्द्विजैस्सह । यजमानो न कुर्वीत दोषस्तत्र महानयम्

tataḥ krodhavyavāyādīnāyāsaṁ tairdvijaissaha yajamāno na kurvīta doṣastatra mahānayam

Then let the sacrificer not engage, together with those Brahmins, in anger, sexual union, or exertion; a very great fault lies in that.

Verse 11 (vishnu.3.15.11)

श्राद्धे नियुक्तो भुक्त्वा वा भोजयित्वा नियुज्य च । व्यवायी रेतसो गर्त्ते मज्जयत्यात्मनः पितॄन्

śrāddhe niyukto bhuktvā vā bhojayitvā niyujya ca vyavāyī retaso gartte majjayatyātmanaḥ pitṝn

One appointed for a shraddha who, having eaten or having fed others, or though appointed, engages in sexual union -- he plunges his own ancestors into a pit of semen.

Verse 12 (vishnu.3.15.12)

तस्मात् प्रथममत्रोक्तं द्विजाग्र्याणं निमन्त्रणम् । अनिमन्त्र्य द्विजानेवमागतान् भोजयेद् यतीन्

tasmāt prathamamatroktaṁ dvijāgryāṇaṁ nimantraṇam animantrya dvijānevamāgatān bhojayed yatīn

Therefore it is said here that the invitation of the foremost Brahmins should come first; without inviting them, but leaving the Brahmins aside, let him also feed such ascetics as arrive on their own.

Verse 13 (vishnu.3.15.13)

पादशौचादिना गेहमागतान् पूजयेद् द्विजान्

pādaśaucādinā gehamāgatān pūjayed dvijān

Let him honor the Brahmins who come to his house with the washing of their feet and the like.

Verse 14 (vishnu.3.15.14)

पवित्रपाणिराचान्तानासनेषूपवेशयेत् । पितॄणामयुजो युग्मान् देवानामिच्छया द्विजान्

pavitrapāṇirācāntānāsaneṣūpaveśayet pitṝṇāmayujo yugmān devānāmicchayā dvijān

Wearing the sacred ring on his hand, let him seat those who have rinsed upon their seats -- an odd number of pairs for the ancestors, and, as he wishes, Brahmins for the gods.

Verse 15 (vishnu.3.15.15)

देवानामेकमेकं वा पितॄणाञ्च नियोजयेत्

devānāmekamekaṁ vā pitṝṇāñca niyojayet

For the gods, let him appoint one or two, and likewise the same number for the ancestors.

Verse 16 (vishnu.3.15.16)

तथा मातामहश्वाद्धं वैश्वदेवसमन्वितम् । कुर्वीत भक्तिसम्पन्नस्तन्त्रं वा वैश्वदैविकम्

tathā mātāmahaśvāddhaṁ vaiśvadevasamanvitam kurvīta bhaktisampannastantraṁ vā vaiśvadaivikam

Likewise, the devout man should also perform the shraddha of the maternal grandfather together with the Vaishvadeva rite, or he may perform it by the Vaishvadevika procedure.

Verse 17 (vishnu.3.15.17)

प्राङमुखान् भोजयेद् विप्रान् देवानामुभयात्मकान् । पितृमातामहानाञ्च भोजयेच्चाप्युदङ्मुखान्

prāṅamukhān bhojayed viprān devānāmubhayātmakān pitṛmātāmahānāñca bhojayeccāpyudaṅmukhān

Let him feed, facing east, the Brahmins who represent the gods of both kinds; and let him also feed, facing north, those who represent the fathers and the maternal grandfathers.

Verse 18 (vishnu.3.15.18)

पृथक् तयोः केचिदाहुः श्राद्धस्य करणां नृप । एकत्रैकेन पाकेन वदन्त्यन्ये महर्षयः

pṛthak tayoḥ kecidāhuḥ śrāddhasya karaṇāṁ nṛpa ekatraikena pākena vadantyanye maharṣayaḥ

O king, some declare that the performance of the shraddha should be separate for the two of them; other great sages say it may be done together, with a single cooking.

Verse 19 (vishnu.3.15.19)

विष्टरार्थं कुशं दत्त्वा सम्पूज्यार्ध्यं विधानतः । कुर्यादावाहनं प्राज्ञो देवानां तदनुज्ञया

viṣṭarārthaṁ kuśaṁ dattvā sampūjyārdhyaṁ vidhānataḥ kuryādāvāhanaṁ prājño devānāṁ tadanujñayā

Having spread kusha grass for a seat, and having duly worshipped with an offering of water, let the wise man invoke the gods with their permission.

Verse 20 (vishnu.3.15.20)

यवाम्बुना च देवानां दद्यादर्घ्यं विधानवित् । स्रग्गन्धधूपदीपांश्च तेभ्यो दद्याद्यथाविधि

yavāmbunā ca devānāṁ dadyādarghyaṁ vidhānavit sraggandhadhūpadīpāṁśca tebhyo dadyādyathāvidhi

One who knows the procedure should offer the gods an offering of water mixed with barley, and should also present them, duly, with garlands, fragrance, incense, and a lamp.

Verse 21 (vishnu.3.15.21)

पितॄणामपसव्यं तत् सर्वमेवोपकल्पयेत् । अनुज्ञाञ्च ततःप्राप्य दत्त्वा दर्भान् द्विधाकृतान्

pitṝṇāmapasavyaṁ tat sarvamevopakalpayet anujñāñca tataḥprāpya dattvā darbhān dvidhākṛtān

For the ancestors, let him perform all of this in the reverse manner (apasavya, keeping the sacred thread over the left shoulder); and then, having obtained their permission, let him offer kusha grass divided into two portions.

Verse 22 (vishnu.3.15.22)

मन्त्रपूर्वं पितॄणान्तु कृर्याच्चावाहनं बुधः । तिलाम्बुना चापसव्यं दद्यादर्घ्यादिकं नृप

mantrapūrvaṁ pitṝṇāntu kṛryāccāvāhanaṁ budhaḥ tilāmbunā cāpasavyaṁ dadyādarghyādikaṁ nṛpa

Let the wise man invoke the ancestors only with mantras, and, in the reverse manner, O king, offer them an offering of water mixed with sesame, and the rest.

Verse 23 (vishnu.3.15.23)

काले तत्रातिथिं प्राप्तमन्नकामं नृपाध्वगम् । ब्रह्मणैरभ्यनुज्ञातः कामं तमपि भोजयेत्

kāle tatrātithiṁ prāptamannakāmaṁ nṛpādhvagam brahmaṇairabhyanujñātaḥ kāmaṁ tamapi bhojayet

If at that time a traveling guest, desiring food, comes there -- even one of royal bearing -- let him, with the permission of the Brahmins, feed him as well, as much as he wishes.

Verse 24 (vishnu.3.15.24)

योगिनो विविधै रूपैर्नराणामुपकारिणः । भ्रमन्ति पृथिवीमेतामविज्ञातस्वरूपिणाः

yogino vividhai rūpairnarāṇāmupakāriṇaḥ bhramanti pṛthivīmetāmavijñātasvarūpiṇāḥ

Yogins, for the benefit of men, take on various forms and wander about this earth, their true nature unrecognized.

Verse 25 (vishnu.3.15.25)

स्मादभ्यर्चयेत् प्राप्तं श्राद्धकालेऽतिथिं बुधः । श्राद्धक्रियाफलं हन्ति नरेन्द्रापूजितोऽतिथिः

smādabhyarcayet prāptaṁ śrāddhakāle'tithiṁ budhaḥ śrāddhakriyāphalaṁ hanti narendrāpūjito'tithiḥ

Therefore let the wise man reverently honor the guest who arrives at the time of shraddha; a guest left unhonored, even by a king, destroys the fruit of the shraddha-rite.

Verse 26 (vishnu.3.15.26)

जुहुयाद् व्यञ्जनक्षारवर्जमन्नं ततोऽनले । अनुज्ञातो द्विजैस्तैस्तु त्रिकृत्वः पुरुषर्षभ

juhuyād vyañjanakṣāravarjamannaṁ tato'nale anujñāto dvijaistaistu trikṛtvaḥ puruṣarṣabha

O bull among men, then, with the permission of those Brahmins, let him offer in the fire, three times, food free of pungent seasoning and alkali.

Verse 27 (vishnu.3.15.27)

अग्नये कव्यवाहाय स्वाहेत्यादौ नृपाहुतिः । सोमाय वै पितृमते दातव्या तदनन्तरम्

agnaye kavyavāhāya svāhetyādau nṛpāhutiḥ somāya vai pitṛmate dātavyā tadanantaram

'To Agni, the bearer of the ancestral offering, svaha' -- thus the first oblation should be given by the king; after that, one should also be given to Soma together with the ancestors.

Verse 28 (vishnu.3.15.28)

वैवस्वताय चैवान्या तृतीया दीयते ततः । हुतावशिष्टमल्पान्नं पितृपात्रेषु निर्वपेत्

vaivasvatāya caivānyā tṛtīyā dīyate tataḥ hutāvaśiṣṭamalpānnaṁ pitṛpātreṣu nirvapet

Then, thereafter, a third oblation is given to Vaivasvata; the small remainder of the offering left over from the oblation should be placed in the vessels of the ancestors.

Verse 29 (vishnu.3.15.29)

ततोऽन्नं मुष्टमत्यर्थमभीष्टमतिसंस्कृतम् । दत्त्वा जुषध्वमिच्छातो वाच्यमेतदनिष्ठुरम्

tato'nnaṁ muṣṭamatyarthamabhīṣṭamatisaṁskṛtam dattvā juṣadhvamicchāto vācyametadaniṣṭhuram

Then, having given a handful of most delicious, desired, and well-prepared food, let him say, 'partake of this as you wish' -- this should be said without any harshness.

Verse 30 (vishnu.3.15.30)

भोक्तव्यं तैश्च तच्चित्तैर्मौनिभिः सुमुखैः सुखम् । अक्रुद्ध्यता चात्वरता देयं तेनापि भक्तितः

bhoktavyaṁ taiśca taccittairmaunibhiḥ sumukhaiḥ sukham akruddhyatā cātvaratā deyaṁ tenāpi bhaktitaḥ

Let those Brahmins too, their minds fixed upon it, eat happily in silence with cheerful faces; and let the host, free of anger and free of haste, give it with devotion as well.

Verse 31 (vishnu.3.15.31)

रक्षोघ्नमन्त्रपठनं भूमेरास्तरणं तिलैः । कृत्वा ध्येयाः स्वपितरस्त एव द्विजसत्तमाः

rakṣoghnamantrapaṭhanaṁ bhūmerāstaraṇaṁ tilaiḥ kṛtvā dhyeyāḥ svapitarasta eva dvijasattamāḥ

Having recited the demon-destroying mantras, and having strewn the ground with sesame, O best of Brahmins, one's own ancestors should then be contemplated.

Verse 32 (vishnu.3.15.32)

पिता पितामहश्चैव तथैव प्रपितामहः । मम तृप्तिं प्रयान्त्वद्य विप्रदेहेषु संस्थिताः

pitā pitāmahaścaiva tathaiva prapitāmahaḥ mama tṛptiṁ prayāntvadya vipradeheṣu saṁsthitāḥ

'May my father, grandfather, and likewise great-grandfather, established within the bodies of these Brahmins, today attain my offering of satisfaction.'

Verse 33 (vishnu.3.15.33)

पिता पितामहश्चैव तथैव प्रपितामहः । मम तृप्तिं प्रयान्त्वद्य होमाप्यायितमूर्तयः

pitā pitāmahaścaiva tathaiva prapitāmahaḥ mama tṛptiṁ prayāntvadya homāpyāyitamūrtayaḥ

'May my father, grandfather, and likewise great-grandfather, their forms nourished by the fire-oblation, today attain my offering of satisfaction.'

Verse 34 (vishnu.3.15.34)

पिता पितामहश्चैव तथैव प्रपितामहः । तृप्तिं प्रयान्तु पिष्डेन मया दत्तेन भूतले

pitā pitāmahaścaiva tathaiva prapitāmahaḥ tṛptiṁ prayāntu piṣḍena mayā dattena bhūtale

'May my father, grandfather, and likewise great-grandfather, attain satisfaction from the rice-ball given by me here upon the earth.'

Verse 35 (vishnu.3.15.35)

पिता पितामहश्चैव तथैव प्रपितामहः । तृप्तिं प्रयान्तु मे भक्त्या मयैतत्समुदाहृतम्

pitā pitāmahaścaiva tathaiva prapitāmahaḥ tṛptiṁ prayāntu me bhaktyā mayaitatsamudāhṛtam

'May my father, grandfather, and likewise great-grandfather, attain satisfaction through my devotion; this has now been declared by me.'

Verse 36 (vishnu.3.15.36)

मातामहस्तृप्तिमुपैतु तस्य तथा पिता तस्य पिता ततोऽन्यः । विश्वे च देवाः परमां प्रयान्तु तृप्तिं प्रणश्यन्तु च यातुधानाः

mātāmahastṛptimupaitu tasya tathā pitā tasya pitā tato'nyaḥ viśve ca devāḥ paramāṁ prayāntu tṛptiṁ praṇaśyantu ca yātudhānāḥ

'May the maternal grandfather too attain satisfaction, and his father, and his father in turn; may the Vishvadevas attain supreme satisfaction, and may the Rakshasas perish.'

Verse 37 (vishnu.3.15.37)

यज्ञेश्वरो हव्यसमस्तकव्य-भोक्ताव्ययात्वा हरीरीश्वरोऽत्र । तत्सन्निधानादपयान्तु सद्यो रक्षांस्यशेषाण्यसुराश्च सर्वै

yajñeśvaro havyasamastakavya-bhoktāvyayātvā harīrīśvaro'tra tatsannidhānādapayāntu sadyo rakṣāṁsyaśeṣāṇyasurāśca sarvai

'The Lord of sacrifice, the enjoyer of all offerings both havya and kavya, the imperishable Hari, is the Lord here -- by his very presence, may all the Rakshasas and all the Asuras flee at once.'

Verse 38 (vishnu.3.15.38)

तृप्तिष्वेतेषु विकिरेदन्नं विप्रेषु भूतले । दद्यादाचमनार्थाय तेब्यो वारि सकृत्सकृत्

tṛptiṣveteṣu vikiredannaṁ vipreṣu bhūtale dadyādācamanārthāya tebyo vāri sakṛtsakṛt

Once they are satisfied, let him scatter food upon the ground for the Brahmins, and give them water, once each, for the rinsing of the mouth.

Verse 39 (vishnu.3.15.39)

सुतृप्तैस्तैरनुज्ञातः सर्वेणान्नेन भूतले । सतिलेन ततः पिम्डान् सम्यग्दद्यात्समाहितः

sutṛptaistairanujñātaḥ sarveṇānnena bhūtale satilena tataḥ pimḍān samyagdadyātsamāhitaḥ

When they, well satisfied, give their permission, let him then, with full concentration, duly offer the rice-balls, made from all the remaining food together with sesame.

Verse 40 (vishnu.3.15.40)

पितृतीर्थेन सतिलं तथैव सलिलाञ्जलिम् । मातामहेभ्यस्तेनैव पिण्डांस्तीर्थेन निर्वपेत्

pitṛtīrthena satilaṁ tathaiva salilāñjalim mātāmahebhyastenaiva piṇḍāṁstīrthena nirvapet

Let him also offer, by the ancestral part of the hand, water and a handful of water mixed with sesame; and by that same part, let him offer rice-balls for the maternal grandfathers too.

Verse 41 (vishnu.3.15.41)

दीक्षिणाग्रेषु दर्भेषु पुष्पधूपादिपूजितम् । स्वपित्रे प्रथमं पिण्डं दद्यादुच्छिष्टसन्निधौ

dīkṣiṇāgreṣu darbheṣu puṣpadhūpādipūjitam svapitre prathamaṁ piṇḍaṁ dadyāducchiṣṭasannidhau

Upon kusha grass with its tips turned southward, worshipped with flowers, incense, and the like, let him offer the first rice-ball for his own father, near the leftover food.

Verse 42 (vishnu.3.15.42)

पितामहाय चैवान्यं तत्पित्रे च तथापरम् । दर्भभूले लेपभुजः प्रीणयेल्लेपघर्षणैः

pitāmahāya caivānyaṁ tatpitre ca tathāparam darbhabhūle lepabhujaḥ prīṇayellepagharṣaṇaiḥ

For the grandfather, another; and for his father too, another; let him satisfy those who partake of the smearing at the base of the kusha grass by the rubbing of that smear.

Verse 43 (vishnu.3.15.43)

पिण्डैर्मातामहांस्तद्वद् गन्धमाल्यादिसंयुतैः । पूजयित्वा द्विजाग्र्याणां दद्याच्चाचमनं ततः

piṇḍairmātāmahāṁstadvad gandhamālyādisaṁyutaiḥ pūjayitvā dvijāgryāṇāṁ dadyāccācamanaṁ tataḥ

Likewise, having worshipped the maternal grandfathers with rice-balls furnished with fragrance and garlands, let him then give the eminent Brahmins water to rinse.

Verse 44 (vishnu.3.15.44)

पितृभ्यः प्रथमं भक्त्या तन्मनस्को नरेश्वर । सुस्वधेत्याशिषा युक्तां दद्याच्छक्त्या च दिक्षिणाम्

pitṛbhyaḥ prathamaṁ bhaktyā tanmanasko nareśvara susvadhetyāśiṣā yuktāṁ dadyācchaktyā ca dikṣiṇām

O lord of men, first, with devotion and single-minded attention, let him give the ancestors a gift, accompanied with the blessing 'su-svadha', and, according to his means, a fee as well.

Verse 45 (vishnu.3.15.45)

दत्त्वा च दक्षिणां तेभ्यो वाचयेद्वैश्वदेविकान् । प्रीयन्तामिह ये विश्वेदेवास्तेन इतीरयेत्

dattvā ca dakṣiṇāṁ tebhyo vācayedvaiśvadevikān prīyantāmiha ye viśvedevāstena itīrayet

Having given them the fee, let him have the Brahmins connected with the Vaishvadeva rite recite: 'may the Vishvadevas who are here be pleased' -- let him have this recited.

Verse 46 (vishnu.3.15.46)

तथेति चोक्ते तैर्विप्रैः प्रार्थनीयास्तथाशिषः । पश्चाद्विसर्जयेद् देवान् पूर्वं पित्र्यान्महीपते

tatheti cokte tairvipraiḥ prārthanīyāstathāśiṣaḥ paścādvisarjayed devān pūrvaṁ pitryānmahīpate

When those Brahmins say 'so be it,' one should entreat them for their blessing; thereafter, let him dismiss the gods first, and then, O lord of the earth, those connected with the ancestors.

Verse 47 (vishnu.3.15.47)

मातामहानामप्येवं सह देवैः क्रमः स्मृतः । भोजने च स्वशक्त्या च दाने तद्वद्विसर्जने

mātāmahānāmapyevaṁ saha devaiḥ kramaḥ smṛtaḥ bhojane ca svaśaktyā ca dāne tadvadvisarjane

Likewise, for the maternal grandfathers too, together with the gods, this same order is remembered -- in feeding, in giving according to one's means, and likewise in dismissal.

Verse 48 (vishnu.3.15.48)

आपादशौचनात् पूर्वं कुर्याद् देवद्विजन्मसु । विसर्जनं तु प्रथमं पैत्रमातामहेषु वै

āpādaśaucanāt pūrvaṁ kuryād devadvijanmasu visarjanaṁ tu prathamaṁ paitramātāmaheṣu vai

The dismissal of the gods and the Brahmins should take place even before the washing of their feet; but the dismissal of the fathers and the maternal grandfathers should take place first of all.

Verse 49 (vishnu.3.15.49)

विसर्जयेत् प्रीतिवचः सम्मानाभ्यचितांस्ततः । निवर्त्तेताभ्यनुज्ञात आद्वारं ताननुव्रजेत्

visarjayet prītivacaḥ sammānābhyacitāṁstataḥ nivarttetābhyanujñāta ādvāraṁ tānanuvrajet

Having spoken pleasant words, let him dismiss them, duly honored with respect; then, having received their leave, let him return, or accompany them as far as the door.

Verse 50 (vishnu.3.15.50)

ततस्तु वैश्वदेवाख्यं कुर्यान्नित्यक्रियां बुधः । भुञ्जीयाच्च समं पूज्यभृत्यबन्धुभिरात्मनः

tatastu vaiśvadevākhyaṁ kuryānnityakriyāṁ budhaḥ bhuñjīyācca samaṁ pūjyabhṛtyabandhubhirātmanaḥ

Then, thereafter, let the wise man perform the daily rite called Vaishvadeva, and let him himself eat, sharing equally with those deserving honor, with servants, and with kinsmen.

Verse 51 (vishnu.3.15.51)

एवं श्राद्धं बुधः कुर्यात्पित्र्यं मातामहं तथा । श्राद्धैराप्यायिता दद्युः सर्वान् कामान् पितामहाः

evaṁ śrāddhaṁ budhaḥ kuryātpitryaṁ mātāmahaṁ tathā śrāddhairāpyāyitā dadyuḥ sarvān kāmān pitāmahāḥ

Thus let the wise man perform both the shraddha of the fathers and that of the maternal grandfathers; the ancestors, satisfied by these shraddhas, bestow all one's desired objects.

Verse 52 (vishnu.3.15.52)

त्रीणि श्राद्धे पवित्राणि दौहित्रः कुतपस्तिलाः । रजतस्य तथा दानं कथासङ्कीर्तनादिकम्

trīṇi śrāddhe pavitrāṇi dauhitraḥ kutapastilāḥ rajatasya tathā dānaṁ kathāsaṅkīrtanādikam

Three things are held sacred at a shraddha -- a daughter's son, the Kutapa hour, and sesame; and likewise the gift of silver, and the recitation of sacred tales.

Verse 53 (vishnu.3.15.53)

वर्ज्यानि कुर्वता श्राद्धं क्रोधोऽध्वगमनं त्वरा । भोक्तुरप्यत्र राजेन्द्र त्रयमेतन्न शस्यते

varjyāni kurvatā śrāddhaṁ krodho'dhvagamanaṁ tvarā bhokturapyatra rājendra trayametanna śasyate

One who performs a shraddha should avoid anger, travel upon a road, and haste; and, O king of kings, for the one who partakes as well, these same three are not praised.

Verse 54 (vishnu.3.15.54)

विश्वेदेवाः सपितरस्तथा मातामहा नृप । कुलं चाप्यायते पुंसां सर्वं श्राद्धं प्रकुर्वताम्

viśvedevāḥ sapitarastathā mātāmahā nṛpa kulaṁ cāpyāyate puṁsāṁ sarvaṁ śrāddhaṁ prakurvatām

O king, the Vishvadevas, together with the ancestors, and likewise the maternal grandfathers -- by all of this, the entire lineage of the men who perform the shraddha is nourished.

Verse 55 (vishnu.3.15.55)

सोमाधारः पितृगणो यागाधारश्च चन्द्रमाः । श्राद्धे योगिनियोगस्तु तस्माद्भूपाल शस्यते

somādhāraḥ pitṛgaṇo yāgādhāraśca candramāḥ śrāddhe yoginiyogastu tasmādbhūpāla śasyate

The host of ancestors is dependent upon Soma, and the sacrifice is dependent upon the moon; therefore, O king, the presence of a Yogin at a shraddha is declared to be praiseworthy.

Verse 56 (vishnu.3.15.56)

सहस्त्रस्यापि विप्राणां यौगी चेत्पुरतः स्थितः । सर्वान् भोक्तॄंस्तारयति यजमानं तथा नृप

sahastrasyāpi viprāṇāṁ yaugī cetpurataḥ sthitaḥ sarvān bhoktṝṁstārayati yajamānaṁ tathā nṛpa

O king, if even amid a thousand Brahmins a single Yogin be present, he carries across to salvation all those who partake, and the sacrificer as well.