Mayamoha and the Fall of the Daityas; the Tale of Shatadhanu and Shaivya

Verse 1 (vishnu.3.18.1)

श्रीपराशर उवाच । तपस्यभिरतान् सोऽथ मायामोहो महासुरान् । मैत्रेय ददृशे गत्वा नर्मदातीरसंश्रितान्

śrīparāśara uvāca tapasyabhiratān so'tha māyāmoho mahāsurān maitreya dadṛśe gatvā narmadātīrasaṁśritān

Sri Parashara said: Then, O Maitreya, Mayamoha, having gone there, beheld those great demons devoted to austerity, established on the banks of the Narmada.

Verse 2 (vishnu.3.18.2)

ततो दिगम्बरो मुण्डो बर्हिपिच्छधरो द्विज । मायामोहोऽसुरान् श्लक्ष्णमिदं वचनमब्रवीत्

tato digambaro muṇḍo barhipicchadharo dvija māyāmoho'surān ślakṣṇamidaṁ vacanamabravīt

Then, naked, shaven-headed, wearing peacock feathers, O Brahmin, Mayamoha spoke these gentle words to the demons.

Verse 3 (vishnu.3.18.3)

हे दैत्यपतयो ब्रूत यदर्थं तप्यते तपः । ऐहिकं वाथ पारत्र्यं तपसः फलमिच्छथ

he daityapatayo brūta yadarthaṁ tapyate tapaḥ aihikaṁ vātha pāratryaṁ tapasaḥ phalamicchatha

'O lords of the Daityas, tell me, for what purpose is this austerity performed? Do you desire the fruit of your austerity in this world or in the next?'

Verse 4 (vishnu.3.18.4)

असुरा ऊचुः पारत्र्यफललाभाय तपश्वर्या महामते । अस्माभिरियमारब्धा किं वा तेऽत्र विवक्षितम्

asurā ūcuḥ pāratryaphalalābhāya tapaśvaryā mahāmate asmābhiriyamārabdhā kiṁ vā te'tra vivakṣitam

The demons said: 'O great sage, it is for the sake of attaining the fruit in the next world that we have undertaken this course of austerity. What is your meaning in asking this?'

Verse 5 (vishnu.3.18.5)

मायामोह उवाच कुरुध्वं मम वाक्यानि यदि मुक्तिमभीप्सथ । अर्हध्वमेनं धर्मञ्च मुक्तिद्वारमसंवृतम्

māyāmoha uvāca kurudhvaṁ mama vākyāni yadi muktimabhīpsatha arhadhvamenaṁ dharmañca muktidvāramasaṁvṛtam

Mayamoha said: 'If you desire liberation, follow my words; embrace this dharma, which is the unobstructed gateway to liberation.'

Verse 6 (vishnu.3.18.6)

धर्मो विमुक्तेरर्होऽयं नैतस्मादपरो वरः । अत्रैव संस्थिताः स्वर्गं विमुक्तिं वा गमिष्यथ

dharmo vimukterarho'yaṁ naitasmādaparo varaḥ atraiva saṁsthitāḥ svargaṁ vimuktiṁ vā gamiṣyatha

'This dharma is fit for liberation; there is no other higher boon than this. Established in it alone, you shall attain either heaven or liberation.'

Verse 7 (vishnu.3.18.7)

अर्हध्वं धर्ममेतञ्च सर्वे यूयं महाबलाः

arhadhvaṁ dharmametañca sarve yūyaṁ mahābalāḥ

'O you of great strength, all of you should embrace this very dharma.'

Verse 8 (vishnu.3.18.8)

श्रीपराशर उवाच एवं प्रकारैर्बहुभिर्युक्तिदर्शनचर्चितैः । मायामोहेन ते दैत्या वेदमार्गादपाकृताः

śrīparāśara uvāca evaṁ prakārairbahubhiryuktidarśanacarcitaiḥ māyāmohena te daityā vedamārgādapākṛtāḥ

Sri Parashara said: By these many kinds of arguments, strengthened with the appearance of logic, those Daityas were, by Mayamoha, drawn away from the path of the Veda.

Verse 9 (vishnu.3.18.9)

धर्मायैतदधर्माय सदेतन्न सदित्यपि । विमुक्तये त्विदं नैतद् विमुक्तिं सम्प्रयच्छति

dharmāyaitadadharmāya sadetanna sadityapi vimuktaye tvidaṁ naitad vimuktiṁ samprayacchati

'This is for dharma, this for adharma; this is real, this is not unreal either; this is for liberation, yet this does not grant liberation;'

Verse 10 (vishnu.3.18.10)

परमार्थोऽयमत्यर्थं परमार्थो न चाप्ययम् । कार्यमेतदकार्यञ्च नैतदेवं स्पुटं त्विदम्

paramārtho'yamatyarthaṁ paramārtho na cāpyayam kāryametadakāryañca naitadevaṁ spuṭaṁ tvidam

'This is exceedingly the highest truth, and yet this is not the highest truth either; this is to be done, and this is not to be done either; none of this is quite so clear.'

Verse 11 (vishnu.3.18.11)

दिग्वाससामयं धर्मो धर्मोऽयं बहुवाससाम्

digvāsasāmayaṁ dharmo dharmo'yaṁ bahuvāsasām

'This is the dharma of the sky-clad ascetics, and this same dharma belongs also to those who wear many garments' --

Verse 12 (vishnu.3.18.12)

इत्यनैकान्तवादञ्च मायामोहेन नैकधा । तेन दर्शयता दैत्याः स्वधर्मं त्याजिता द्विज

ityanaikāntavādañca māyāmohena naikadhā tena darśayatā daityāḥ svadharmaṁ tyājitā dvija

Thus, presenting the doctrine of relativism in many ways, O Brahmin, by showing this, he caused the Daityas to abandon their own proper dharma.

Verse 13 (vishnu.3.18.13)

अर्हतैतं महाधर्मं मायामोहेन ते यतः । प्रोक्तास्तमाश्रिता धर्ममार्हतास्तेन तेऽभवन्

arhataitaṁ mahādharmaṁ māyāmohena te yataḥ proktāstamāśritā dharmamārhatāstena te'bhavan

'Embrace this very great dharma' -- thus told by Mayamoha, they, having taken refuge in that declared dharma, thereby became known as Arhatas (followers of the 'worthy one').

Verse 14 (vishnu.3.18.14)

त्रयीधर्मसमुत्सर्गं मायामोहेन तेऽसुराः । कारितास्तन्मया ह्यासंस्ततोऽन्ये तत्प्रचोदिताः

trayīdharmasamutsargaṁ māyāmohena te'surāḥ kāritāstanmayā hyāsaṁstato'nye tatpracoditāḥ

By Mayamoha, those demons were induced to renounce the dharma of the triple Veda -- it was thus indeed brought about by me; and then, urged on by that, others too followed.

Verse 15 (vishnu.3.18.15)

तैरप्यन्ये परे तैश्च तैरप्यन्ये परे च तैः । अल्पैरहोभिः सन्तयक्ता तैर्दैत्यैः प्रायशस्त्रयी

tairapyanye pare taiśca tairapyanye pare ca taiḥ alpairahobhiḥ santayaktā tairdaityaiḥ prāyaśastrayī

By them, others still; and by them, yet others; and by them again, others -- thus, by those Daityas, within but a few days, the triple Veda was almost entirely abandoned.

Verse 16 (vishnu.3.18.16)

पुनश्च रक्ताम्बरधृङ् मायामोहो जितेन्द्रियः । अन्यानाहासुरान् गत्वा मृद्वल्पमधुराक्षरम्

punaśca raktāmbaradhṛṅ māyāmoho jitendriyaḥ anyānāhāsurān gatvā mṛdvalpamadhurākṣaram

Then, wearing red garments, the self-controlled Mayamoha, going to other demons, began to speak in soft, brief, and sweet words.

Verse 17 (vishnu.3.18.17)

स्वर्गार्थं यदि वो वाञ्छा निर्वाणार्थमथासुराः । तदलं पशुघातादिदुष्टधर्मैर्निबोधत

svargārthaṁ yadi vo vāñchā nirvāṇārthamathāsurāḥ tadalaṁ paśughātādiduṣṭadharmairnibodhata

Mayamoha said: 'O demons, if your wish is for heaven, or else for liberation, then enough of the wicked practices such as the slaughter of animals -- understand this.'

Verse 18 (vishnu.3.18.18)

विज्ञानमयमेवैतदशेषमवगच्छत । बुध्यध्वं मे वचः सम्यग् बुधैरेवमिहोदितम्

vijñānamayamevaitadaśeṣamavagacchata budhyadhvaṁ me vacaḥ samyag budhairevamihoditam

'All this is nothing but consciousness itself, understand this in full; comprehend my words correctly, as has here been declared by the wise as well.'

Verse 19 (vishnu.3.18.19)

जगदेतदनाधारं भ्रान्तिज्ञानार्थतत्परम् । रागादिदुष्टमत्यर्थं भ्राम्यते भवसङ्कटे

jagadetadanādhāraṁ bhrāntijñānārthatatparam rāgādiduṣṭamatyarthaṁ bhrāmyate bhavasaṅkaṭe

'This world is without any foundation, intent solely upon the object of a deluded knowledge; exceedingly corrupted by passion and the rest, it wanders about in the peril of transmigration.'

Verse 20 (vishnu.3.18.20)

एवं बुध्यत बुध्यध्वं बुध्यतैवमितीरयन् । मायामोहः स दैतेयान् धर्ममत्याजयन्निजम्

evaṁ budhyata budhyadhvaṁ budhyataivamitīrayan māyāmohaḥ sa daiteyān dharmamatyājayannijam

Thus saying, 'understand it thus, understand it, understand it in this very way,' that Mayamoha caused the Daityas to abandon their own dharma.

Verse 21 (vishnu.3.18.21)

नानाप्रकारवचनं स तेषां युक्तियोजितम् । तथा तथा च त्रयीधर्मं तत्यजुस्ते यथा यथा

nānāprakāravacanaṁ sa teṣāṁ yuktiyojitam tathā tathā ca trayīdharmaṁ tatyajuste yathā yathā

He spoke to them many kinds of speech, furnished with seeming logic; and in whatever manner he spoke, in that very manner they abandoned the dharma of the triple Veda.

Verse 22 (vishnu.3.18.22)

तेऽप्यन्येषां तथैवोचुरन्यैरन्ये तथोदिताः । मैत्रेय तत्यजुर्धर्मं वेदस्मृत्युदितं परम्

te'pyanyeṣāṁ tathaivocuranyairanye tathoditāḥ maitreya tatyajurdharmaṁ vedasmṛtyuditaṁ param

They too then spoke likewise to others, and others still were told the same by yet others; thus, O Maitreya, they went on abandoning that supreme dharma declared in the Veda and the Smriti.

Verse 23 (vishnu.3.18.23)

अन्यानप्यन्यपाषण्डप्रकारैर्बहुभिर्द्विज । दैतेयान् मोहयामास मायामोहोऽतिमोहकृत्

anyānapyanyapāṣaṇḍaprakārairbahubhirdvija daiteyān mohayāmāsa māyāmoho'timohakṛt

O Brahmin, deluding others as well through many other kinds of heretical doctrines, that exceedingly deluding Mayamoha bewitched the Daityas.

Verse 24 (vishnu.3.18.24)

स्वल्पेनैव हि कालेन मायामोहेन तेऽसुराः । मोहितास्तत्यजुः सर्वां त्रयीमार्गाश्रितां कथाम्

svalpenaiva hi kālena māyāmohena te'surāḥ mohitāstatyajuḥ sarvāṁ trayīmārgāśritāṁ kathām

In a very short time indeed, deluded by Mayamoha, those demons abandoned the entire discourse that followed the path of the triple Veda.

Verse 25 (vishnu.3.18.25)

केचिद्विनिन्दां वेदानां देवानामपरे द्विज । यज्ञकर्मकलापस्य तथान्ये च द्विजन्मनाम्

kecidvinindāṁ vedānāṁ devānāmapare dvija yajñakarmakalāpasya tathānye ca dvijanmanām

O Brahmin, some began to revile the Vedas, others the gods, and some the whole array of sacrificial rites, and likewise others reviled the Brahmins.

Verse 26 (vishnu.3.18.26)

नैतद्युक्तिसहं वाक्यं हिंसा धर्माय नेष्यते । हवींष्यनलदग्धानि फलायेत्यर्भकोदितम

naitadyuktisahaṁ vākyaṁ hiṁsā dharmāya neṣyate havīṁṣyanaladagdhāni phalāyetyarbhakoditama

'This is not a statement that can withstand reason -- that violence should be held desirable for dharma; that oblations burnt in fire bear fruit -- this is a thing said by mere children.'

Verse 27 (vishnu.3.18.27)

यज्ञैरनेकैर्देवत्वमवाप्येन्द्रेण भुज्यते । शम्यादि यदि चेत्काष्ठं तद्वरं पत्रभुक् पशु

yajñairanekairdevatvamavāpyendreṇa bhujyate śamyādi yadi cetkāṣṭhaṁ tadvaraṁ patrabhuk paśu

'Having obtained godhood through many sacrifices, Indra enjoys it -- if mere wood, such as the shami branch, can serve as the means of a sacrifice, then better indeed is a leaf-eating beast.'

Verse 28 (vishnu.3.18.28)

निहतस्य पशोर्यज्ञे स्वर्गप्रात्पिर्यदीष्यते । स्वपिता यजमानेन किन्नु तस्मान्न हन्यते

nihatasya paśoryajñe svargaprātpiryadīṣyate svapitā yajamānena kinnu tasmānna hanyate

'If the beast slain in a sacrifice attains heaven, then why does not the sacrificer instead slay his own father in that very sacrifice?'

Verse 29 (vishnu.3.18.29)

तृप्तये जायते पुंसो भुक्तमन्येन चेत्ततः । कुर्याच्छ्राद्धं श्रमायान्नं न वहेयुः प्रवासिनः

tṛptaye jāyate puṁso bhuktamanyena cettataḥ kuryācchrāddhaṁ śramāyānnaṁ na vaheyuḥ pravāsinaḥ

'If a man's satisfaction can arise from food eaten by someone else, then it would suffice merely to perform the shraddha; travelers would then have no need to carry food at all.'

Verse 30 (vishnu.3.18.30)

जनश्रद्धेयमित्येतदवगम्य ततोऽत्र वः । उपेक्षा श्रेयसे वाक्यं रोचतां यन्मयेरितम्

janaśraddheyamityetadavagamya tato'tra vaḥ upekṣā śreyase vākyaṁ rocatāṁ yanmayeritam

'Understanding that this is merely held to be trustworthy by common folk, indifference toward it is therefore the better course -- may this saying of mine find favor with you.'

Verse 31 (vishnu.3.18.31)

न ह्याप्तवादा नभसो निपतन्ति महासुराः । युक्तिमद् वचनं ग्राह्यं मयान्यैश्च भवद्विधैः

na hyāptavādā nabhaso nipatanti mahāsurāḥ yuktimad vacanaṁ grāhyaṁ mayānyaiśca bhavadvidhaiḥ

'Great demons do not fall from the sky as ready-made words of trustworthy authority; only reasoned speech should be accepted, whether spoken by me or by others such as yourselves.'

Verse 32 (vishnu.3.18.32)

मायामोहेन ते दैत्याः प्रकारैर्बहुभिस्तथा । व्युत्थापिता यथा नैषां त्रयीं कश्चिदरोचयत्

māyāmohena te daityāḥ prakārairbahubhistathā vyutthāpitā yathā naiṣāṁ trayīṁ kaścidarocayat

Parashara said: By Mayamoha, through many such devices, those Daityas were so thoroughly unsettled that not one of them any longer took delight in the triple Veda.

Verse 33 (vishnu.3.18.33)

इत्थमुन्मार्गयातेषु तेषु दैत्येषु तेऽमराः । उद्योगं परमं कृत्वा युद्धाय समुपस्थिताः

itthamunmārgayāteṣu teṣu daityeṣu te'marāḥ udyogaṁ paramaṁ kṛtvā yuddhāya samupasthitāḥ

Thus, when those Daityas had gone astray upon the wrong path, the gods, making the greatest effort, prepared themselves for war.

Verse 34 (vishnu.3.18.34)

ततो देवासुरं युद्धं पुनरेवाभवद् द्विज । हताश्च तेऽसुरा देवैः सन्मार्गपरिपन्थिनः

tato devāsuraṁ yuddhaṁ punarevābhavad dvija hatāśca te'surā devaiḥ sanmārgaparipanthinaḥ

Then, O Brahmin, the war between the gods and demons occurred once more; and those demons, opponents of the righteous path, were slain by the gods.

Verse 35 (vishnu.3.18.35)

स्वधर्मकवचं तेषामभूद् यत्प्रथमं द्विज । तेन रक्षाभवत् पूर्वं नेशुर्नष्टे च तत्र ते

svadharmakavacaṁ teṣāmabhūd yatprathamaṁ dvija tena rakṣābhavat pūrvaṁ neśurnaṣṭe ca tatra te

That which had earlier been their armor in the form of their own proper dharma -- by that they had formerly been protected, and, so long as it was not destroyed, they did not perish.

Verse 36 (vishnu.3.18.36)

ततो मैत्रेय तन्मार्गवर्त्तिनो येऽभवञ्जनाः । नग्नास्ते तैर्यतस्त्यक्तं त्रयीसंवरणां वृथा

tato maitreya tanmārgavarttino ye'bhavañjanāḥ nagnāste tairyatastyaktaṁ trayīsaṁvaraṇāṁ vṛthā

Then, O Maitreya, whatever people became followers of that path came to be called 'naked,' since by them the covering-garment of the triple Veda had been vainly cast off.

Verse 37 (vishnu.3.18.37)

ब्रह्मचारी गृहस्थश्च वानप्रस्थस्तथाश्रमी । परिव्राड् वा चतुर्थोऽत्र पञ्चमो नोपपद्यते

brahmacārī gṛhasthaśca vānaprasthastathāśramī parivrāḍ vā caturtho'tra pañcamo nopapadyate

The celibate student, the householder, and the forest-dweller -- these are the ashramas, and the wandering mendicant is the fourth; beyond these, a fifth ashrama is not admissible.

Verse 38 (vishnu.3.18.38)

यस्तु सन्त्यज्य गार्हस्थ्यं वानप्रस्थो न जायते । परिव्राट् चापि मैत्रेय स नग्नः पापकृन्नरः

yastu santyajya gārhasthyaṁ vānaprastho na jāyate parivrāṭ cāpi maitreya sa nagnaḥ pāpakṛnnaraḥ

O Maitreya, he who, having abandoned the householder's stage, becomes neither a forest-dweller nor a wandering mendicant -- that man is 'naked,' a doer of sin.

Verse 39 (vishnu.3.18.39)

नित्यानां कर्मणां विप्र तस्य हानिरहर्निशम् । अकुर्वन् विहितं कर्म शक्तः पतति तद्दिने

nityānāṁ karmaṇāṁ vipra tasya hāniraharniśam akurvan vihitaṁ karma śaktaḥ patati taddine

O Brahmin, the loss of the daily rites accrues to him day and night; he who, though capable, does not perform the enjoined act, falls that very day.

Verse 40 (vishnu.3.18.40)

प्रायश्चित्तेन महता शुद्धिमाप्नोत्यनापदि । पक्षं नित्यक्रियाहानेः कर्त्ता मैत्रेय मानवः

prāyaścittena mahatā śuddhimāpnotyanāpadi pakṣaṁ nityakriyāhāneḥ karttā maitreya mānavaḥ

O Maitreya, in the absence of any calamity, a man who neglects his daily rites for as long as a fortnight attains purification only through a great expiation.

Verse 41 (vishnu.3.18.41)

संवत्सरं क्रियाहानिर्यस्य पुंसोऽभिजायते । तस्यावलोकनात् सूर्यो निरीक्ष्यः साधुभिः सदा

saṁvatsaraṁ kriyāhāniryasya puṁso'bhijāyate tasyāvalokanāt sūryo nirīkṣyaḥ sādhubhiḥ sadā

For that man in whom the neglect of rites continues for a whole year, the good, after beholding him, should always look upon the sun [to purify themselves].

Verse 42 (vishnu.3.18.42)

स्पृष्टे स्नानं सचैलस्य शुद्धेर्हेतुर्महामते । पुंसो भवति तस्योक्ता न शुद्धिः पापकर्मणः

spṛṣṭe snānaṁ sacailasya śuddherheturmahāmate puṁso bhavati tasyoktā na śuddhiḥ pāpakarmaṇaḥ

O great sage, upon touching such a man, bathing with one's clothes on becomes the means of purity; it is declared that no [full] purification exists for a man of sinful conduct.

Verse 43 (vishnu.3.18.43)

देवर्षिपितृभूतानि यस्य निः श्वस्य वेश्मनि । प्रयान्त्यनर्चितान्यत्र लोके तस्मान्न पापकृत्

devarṣipitṛbhūtāni yasya niḥ śvasya veśmani prayāntyanarcitānyatra loke tasmānna pāpakṛt

From whose house the gods, sages, ancestors, and spirits depart unworshipped, that man in this world is not thereby a doer of sin.

Verse 44 (vishnu.3.18.44)

सम्भाषणानुप्रश्नादि सहास्यां चैव कुर्वतः । जायते तुल्यता तस्य तेनैव द्विज वत्सरात्

sambhāṣaṇānupraśnādi sahāsyāṁ caiva kurvataḥ jāyate tulyatā tasya tenaiva dvija vatsarāt

He who engages with such a man in conversation, question and answer, and even laughter with him -- his equality with that man arises, O Brahmin, within a single year.

Verse 45 (vishnu.3.18.45)

देवादिनिः श्वासहतं शरीरं यस्य वेश्म च । न तेन सङ्करं कुर्याद् गृहासनपरिच्छदैः

devādiniḥ śvāsahataṁ śarīraṁ yasya veśma ca na tena saṅkaraṁ kuryād gṛhāsanaparicchadaiḥ

With one whose body and house have been struck by the sighs of the gods and the rest, let him not intermingle house, seat, and other belongings.

Verse 46 (vishnu.3.18.46)

अथ भुङ्क्ते गृहे तस्य करोत्यास्यां तथासने । शेते चाप्येकशयने स सद्यस्तत्समो भवेत्

atha bhuṅkte gṛhe tasya karotyāsyāṁ tathāsane śete cāpyekaśayane sa sadyastatsamo bhavet

And he who eats in his house, or uses the same seat, or sleeps upon the same bed, at once becomes his equal.

Verse 47 (vishnu.3.18.47)

देवतापितृभूतानि तथानभ्यर्च्य योऽतिथीन् । भुङ्क्ते स पातकं भुङ्क्ते निष्कृतिस्तस्य नेष्यते

devatāpitṛbhūtāni tathānabhyarcya yo'tithīn bhuṅkte sa pātakaṁ bhuṅkte niṣkṛtistasya neṣyate

He who eats without worshipping the gods, ancestors, spirits, and guests eats nothing but sin; no expiation is prescribed for him.

Verse 48 (vishnu.3.18.48)

ब्राह्मणाद्यास्तु ये वर्णाः स्वधर्मादन्यतोमुखाः । यान्ति ते नग्नसंज्ञां तु हीनकर्मस्ववस्थिताः

brāhmaṇādyāstu ye varṇāḥ svadharmādanyatomukhāḥ yānti te nagnasaṁjñāṁ tu hīnakarmasvavasthitāḥ

Whatever varnas, beginning with the Brahmin, turn their faces away from their own proper duty, established in base actions, attain the very designation of 'naked.'

Verse 49 (vishnu.3.18.49)

चतुर्णां यत्र वर्णानां मैत्रेयात्यन्तसङ्करः । तत्रास्या साधुवृत्तीनामुपघाताय जायते

caturṇāṁ yatra varṇānāṁ maitreyātyantasaṅkaraḥ tatrāsyā sādhuvṛttīnāmupaghātāya jāyate

O Maitreya, where an excessive intermixture of the four varnas occurs, there this becomes a cause for the destruction of the conduct of the virtuous.

Verse 50 (vishnu.3.18.50)

अनभ्यर्च्य ऋषीन् देवान् पितॄन् भूतातिथींस्तथा । यो भुङ्क्ते तस्य संलापात् पतन्ति नरके नराः

anabhyarcya ṛṣīn devān pitṝn bhūtātithīṁstathā yo bhuṅkte tasya saṁlāpāt patanti narake narāḥ

He who eats without worshipping the sages, the gods, the ancestors, and the guest-spirits -- from conversing even with him, men fall into hell.

Verse 51 (vishnu.3.18.51)

तस्मादेतान्नरो नग्नांस्त्रयीसन्त्यागदूषितान् । सर्वदा वर्जयेत् प्राज्ञ आलापस्पर्शनादिषु

tasmādetānnaro nagnāṁstrayīsantyāgadūṣitān sarvadā varjayet prājña ālāpasparśanādiṣu

Therefore the wise man should always avoid these 'naked' ones, corrupted by their abandonment of the triple Veda, in conversation and contact.

Verse 52 (vishnu.3.18.52)

श्रद्धावद्भिः कृतं यत्नाद्देवान् पितृपितामहान् । न प्रीणयति तच्छ्राद्धं यद्येभिरवलोकितम्

śraddhāvadbhiḥ kṛtaṁ yatnāddevān pitṛpitāmahān na prīṇayati tacchrāddhaṁ yadyebhiravalokitam

A shraddha performed with effort by the faithful, honoring the gods, fathers, and grandfathers, does not satisfy them if it has been witnessed by these heretics.

Verse 53 (vishnu.3.18.53)

श्रूयते च पुरा ख्यातो राजा शतधनुर्भुवि । पत्नी च शैव्या तस्याभूदतिधर्मपरायणा

śrūyate ca purā khyāto rājā śatadhanurbhuvi patnī ca śaivyā tasyābhūdatidharmaparāyaṇā

It is also heard that in ancient times there lived on earth a famous king named Shatadhanu; his wife Shaivya was exceedingly devoted to righteousness.

Verse 54 (vishnu.3.18.54)

पतिव्रता महाभागा सत्यशौचदयान्विता । सर्वलक्षणसम्पन्ना विनयेन नयेन च

pativratā mahābhāgā satyaśaucadayānvitā sarvalakṣaṇasampannā vinayena nayena ca

Devoted to her husband, blessed, endowed with truthfulness, purity, and compassion, possessed of every auspicious mark, and endowed also with modesty and prudence.

Verse 55 (vishnu.3.18.55)

स तु राजा तया सार्द्धं देवदेवं जनार्दनम् । आराधयामास विभुं परमेण समाधिना

sa tu rājā tayā sārddhaṁ devadevaṁ janārdanam ārādhayāmāsa vibhuṁ parameṇa samādhinā

That king, together with her, worshipped the all-pervading Janardana, the God of gods, with the deepest concentration.

Verse 56 (vishnu.3.18.56)

होमैर्जपैस्तथा दानैरुपवासैश्च भक्तितः । पूजाभिश्चानुदिवसं तन्मना नान्यमानसः

homairjapaistathā dānairupavāsaiśca bhaktitaḥ pūjābhiścānudivasaṁ tanmanā nānyamānasaḥ

Through fire-oblations, recitation, gifts, and fasting, with devotion, and through daily worship as well, with mind single-pointed, letting it wander nowhere else.

Verse 57 (vishnu.3.18.57)

एकदा तु समं स्नातौ तौ तु भार्यापती जले । भगीरथ्याः समुत्तीर्णौ कार्त्तिक्यां समुपोषितौ । पाषण्डिनमपश्येतामायान्तं सम्मुखं द्विज

ekadā tu samaṁ snātau tau tu bhāryāpatī jale bhagīrathyāḥ samuttīrṇau kārttikyāṁ samupoṣitau pāṣaṇḍinamapaśyetāmāyāntaṁ sammukhaṁ dvija

Once, that husband and wife, having fasted in the month of Karttika, bathing together in the water, emerged from the Ganga; and then, O Brahmin, they saw a heretic coming toward them, face to face.

Verse 58 (vishnu.3.18.58)

चापाचार्यस्य तस्यासौ सखा राज्ञो महात्मनः । अतस्तद्गौरवात्तेन सखाभावमथाकरोत्

cāpācāryasya tasyāsau sakhā rājño mahātmanaḥ atastadgauravāttena sakhābhāvamathākarot

He was a friend of the great-souled king's own teacher; therefore, out of respect for him, the king thereupon engaged him in conversation.

Verse 59 (vishnu.3.18.59)

न तु सा वाग्यता देवी तस्य पत्नी पतिव्रता । उपोषितास्मीति रविं तस्मिन् दृष्टे ददर्श च

na tu sā vāgyatā devī tasya patnī pativratā upoṣitāsmīti raviṁ tasmin dṛṣṭe dadarśa ca

But his wife, that devout, husband-devoted lady, kept to her vow of silence; thinking, 'I am fasting,' upon beholding him, she looked instead at the sun.

Verse 60 (vishnu.3.18.60)

समागम्य यथान्यायं दम्पती तौ यथाविधि । विष्णोः पूजादिकं सर्वं कृतवन्तौ द्विजोत्तम

samāgamya yathānyāyaṁ dampatī tau yathāvidhi viṣṇoḥ pūjādikaṁ sarvaṁ kṛtavantau dvijottama

O best of Brahmins, then that couple, duly and properly reunited, went on performing all the worship and the rest of Vishnu, in due manner.

Verse 61 (vishnu.3.18.61)

कालेन गच्छता राजा ममारासौ सपत्नजित् । अन्वारुरोह तं देवी चितास्थं भूपतिं पतिम्

kālena gacchatā rājā mamārāsau sapatnajit anvāruroha taṁ devī citāsthaṁ bhūpatiṁ patim

With the passing of time, that king, conqueror of his rivals, died; the queen followed her lord, the king now resting upon the funeral pyre, in death.

Verse 62 (vishnu.3.18.62)

स तु तेनापचारेण श्वा जज्ञे वसुधाधिपः । उपोषितेन पाषण्डसंलापी यत्कृतोऽभवत्

sa tu tenāpacāreṇa śvā jajñe vasudhādhipaḥ upoṣitena pāṣaṇḍasaṁlāpī yatkṛto'bhavat

That lord of the earth, on account of that transgression -- that while fasting he had conversed with a heretic -- was born as a dog.

Verse 63 (vishnu.3.18.63)

सा तु जातिस्मरा जज्ञे काशीराजसुता शुभा । सर्वविज्ञानसम्पूर्णा सर्वलक्षणपूजिता

sā tu jātismarā jajñe kāśīrājasutā śubhā sarvavijñānasampūrṇā sarvalakṣaṇapūjitā

She too was born, remembering her past births, as the beautiful daughter of the king of Kashi, filled with every branch of knowledge, endowed with every auspicious mark.

Verse 64 (vishnu.3.18.64)

तां पिता दातुकामोऽभूद् वराय विनिवारितः । तयैव तन्व्या विरतो विवाहारम्भतो नृपः

tāṁ pitā dātukāmo'bhūd varāya vinivāritaḥ tayaiva tanvyā virato vivāhārambhato nṛpaḥ

Her father wished to give her to a suitor, but he was restrained by her; on account of that slender maiden alone, the king refrained from beginning any marriage arrangement.

Verse 65 (vishnu.3.18.65)

ततः सा दिव्यया दृष्ट्या दृष्ट्वा श्वानं निजं पतिम् । विदिशाख्यं पुरं गत्वा तदवस्थं ददर्श तम्

tataḥ sā divyayā dṛṣṭyā dṛṣṭvā śvānaṁ nijaṁ patim vidiśākhyaṁ puraṁ gatvā tadavasthaṁ dadarśa tam

Then, by her divine sight, having beheld her own husband as a dog, she went to the city named Vidisha and saw him there, in that very state.

Verse 66 (vishnu.3.18.66)

तं दृष्ट्वैव महाभागं श्वभूतं तु पतिं तथा । ददौ तस्मै वराहारं सत्कारप्रवणं शुभा

taṁ dṛṣṭvaiva mahābhāgaṁ śvabhūtaṁ tu patiṁ tathā dadau tasmai varāhāraṁ satkārapravaṇaṁ śubhā

That blessed and auspicious lady, having beheld him, her very husband, become a dog, gave him excellent food with great courtesy.

Verse 67 (vishnu.3.18.67)

भुञ्जन् दत्तं तया सोऽन्नमतिमृष्टमभीप्सितम् । श्वजातिललितं कुर्वन् बहु चाटु चकार वै

bhuñjan dattaṁ tayā so'nnamatimṛṣṭamabhīpsitam śvajātilalitaṁ kurvan bahu cāṭu cakāra vai

Eating the most delicious, desired food given by her, and behaving with the playful charm characteristic of dogs, he wagged his tail a great deal, showing much affection.

Verse 68 (vishnu.3.18.68)

अतीव व्रीडिता बाला कुर्वता चाटु तेन सा । प्रणामपूर्वमाहेदं दयितं तं कुयोनिजम्

atīva vrīḍitā bālā kurvatā cāṭu tena sā praṇāmapūrvamāhedaṁ dayitaṁ taṁ kuyonijam

Seeing him wagging his tail with affection, that maiden was exceedingly ashamed; bowing first, she spoke thus to her beloved, now born into that low form of life.

Verse 69 (vishnu.3.18.69)

स्मर्यतां तन्महाराज दाक्षिण्यललितं त्वया । येन श्वयोनिमापन्नो मम चाटुकरो भवान्

smaryatāṁ tanmahārāja dākṣiṇyalalitaṁ tvayā yena śvayonimāpanno mama cāṭukaro bhavān

'O great king, remember, how becomingly you have wagged your tail -- by which you, having attained the state of a dog, have now become one who fawns upon me.'

Verse 70 (vishnu.3.18.70)

पाषण्डिनं समाभाष्य तीर्थस्नानादनन्तरम् । प्राप्तोऽसि कुत्सितां योनिं किं न स्मरसि तत्प्रभो

pāṣaṇḍinaṁ samābhāṣya tīrthasnānādanantaram prāpto'si kutsitāṁ yoniṁ kiṁ na smarasi tatprabho

'It is by conversing with a heretic immediately after your sacred bathing that you have attained this despicable womb; do you not remember that, O lord?'

Verse 71 (vishnu.3.18.71)

श्रीपराशर उवाच तयैवं स्मारिते तस्मिन् पूर्वजातिकृते तदा । दध्यौ चिरमथावाप निर्वेदमतिदुर्लभम्

śrīparāśara uvāca tayaivaṁ smārite tasmin pūrvajātikṛte tadā dadhyau ciramathāvāpa nirvedamatidurlabham

Sri Parashara said: Thus reminded by her of the deed done in his former birth, he pondered for a long time, and then attained a renunciation exceedingly rare to achieve.

Verse 72 (vishnu.3.18.72)

निर्विण्णचित्तस्स ततो निर्गम्य नगराद्बहिः । मरुप्रपतनं कृत्वा शार्गालीं योनिमागतः

nirviṇṇacittassa tato nirgamya nagarādbahiḥ maruprapatanaṁ kṛtvā śārgālīṁ yonimāgataḥ

With his mind now turned from the world, he went forth outside the city, and, falling in the desert, attained the womb of a jackal.

Verse 73 (vishnu.3.18.73)

सापि द्वितीये सम्प्राप्ते वर्षे दिव्येन चक्षुषा । ज्ञात्वा शृगालं तं द्रष्टुं ययौ कोलाहलं गिरिम्

sāpi dvitīye samprāpte varṣe divyena cakṣuṣā jñātvā śṛgālaṁ taṁ draṣṭuṁ yayau kolāhalaṁ girim

When the second year had arrived, she too, knowing by her divine eye that he had now become a jackal, went forth to the Kolahala mountain to see him.

Verse 74 (vishnu.3.18.74)

तत्रापि दृष्ट्वा तं प्राह शार्गालीं योनिमागतम् । भर्त्तारमपि चार्वङ्गी तनया पृथिवीक्षितः

tatrāpi dṛṣṭvā taṁ prāha śārgālīṁ yonimāgatam bharttāramapi cārvaṅgī tanayā pṛthivīkṣitaḥ

There too, that lovely-limbed daughter of a king, beholding her own husband born into the womb of a jackal, spoke thus.

Verse 75 (vishnu.3.18.75)

अपि स्मरसि राजेन्द्र श्वयोनिस्थस्य यन्मया । प्रोक्तं ते पूर्वचरितं पाषण्डालापसंश्रयम्

api smarasi rājendra śvayonisthasya yanmayā proktaṁ te pūrvacaritaṁ pāṣaṇḍālāpasaṁśrayam

'O king of kings, do you remember, when you were established in the womb of a dog, how I told you of your former conduct, connected with converse with a heretic?'

Verse 76 (vishnu.3.18.76)

पुनस्तयोक्तं स ज्ञात्वा सत्यं सत्यवतां वरः । कानने स निराहारस्तत्याज स्वं कलेवरम्

punastayoktaṁ sa jñātvā satyaṁ satyavatāṁ varaḥ kānane sa nirāhārastatyāja svaṁ kalevaram

Then, knowing the truth of what she had again spoken, that best of the truthful, in that very forest, without food, cast off his own body.

Verse 77 (vishnu.3.18.77)

भूयस्ततो वृको जज्ञे गत्वा तं निर्जने वने । स्मारयामास भर्त्तारं पूर्ववृत्तमनिन्दिता

bhūyastato vṛko jajñe gatvā taṁ nirjane vane smārayāmāsa bharttāraṁ pūrvavṛttamaninditā

Then, after that, he was born a vulture; going to a solitary forest, that blameless lady again reminded her husband of his former history.

Verse 78 (vishnu.3.18.78)

न त्वं वृको महाभाग राजा शतधनुर्भवान् । श्वा भूत्वा त्वं शृगालोऽभूर्वृकत्वं साम्प्रतं गतः

na tvaṁ vṛko mahābhāga rājā śatadhanurbhavān śvā bhūtvā tvaṁ śṛgālo'bhūrvṛkatvaṁ sāmprataṁ gataḥ

'O illustrious one, you are not a wolf -- you are indeed King Shatadhanu; having become a dog, then a jackal, you have now attained the form of a wolf.'

Verse 79 (vishnu.3.18.79)

स्मारितेन यथा व्यक्तस्तेनात्मा गृध्रतां गतः । अपापा सा पुनश्चैनं बोधयामास भाविनी

smāritena yathā vyaktastenātmā gṛdhratāṁ gataḥ apāpā sā punaścainaṁ bodhayāmāsa bhāvinī

When, being thus reminded, the truth had become manifest to him, by that very act his soul attained the state of a vulture; and again that sinless lady, foreseeing what was to come, made him understand.

Verse 80 (vishnu.3.18.80)

नरेन्द्र स्मर्यतामात्मा ह्यलं ते गृध्रचेष्टया । पाषण्डालापजातोऽयं दोषो यद्गृध्रतां गतः

narendra smaryatāmātmā hyalaṁ te gṛdhraceṣṭayā pāṣaṇḍālāpajāto'yaṁ doṣo yadgṛdhratāṁ gataḥ

'O king, remember your true self; enough now of vulture-like behavior. It is this very fault, born of converse with a heretic, by which you have attained the state of a vulture.'

Verse 81 (vishnu.3.18.81)

ततः काकत्वमापन्नं समनन्तरजन्मति । उवाच तन्वी भर्त्तारमुपलभ्यात्मयोगतः

tataḥ kākatvamāpannaṁ samanantarajanmati uvāca tanvī bharttāramupalabhyātmayogataḥ

Then, in the very next birth thereafter, when he had attained the state of a crow, that slender lady, recognizing him by her own power of yoga, spoke to her husband.

Verse 82 (vishnu.3.18.82)

अशेषभूभृतः पूर्वं वश्या यस्मै बलिं ददुः । स त्वं काकत्वमापन्नो जातोऽद्य बलिभुक् प्रभो

aśeṣabhūbhṛtaḥ pūrvaṁ vaśyā yasmai baliṁ daduḥ sa tvaṁ kākatvamāpanno jāto'dya balibhuk prabho

'You, to whom formerly all kings, subject to you, used to pay tribute -- you yourself, having attained the state of a crow, O lord, have today become one who eats the offerings left for crows.'

Verse 83 (vishnu.3.18.83)

एवमेव च काकत्वे स्मारितस्य पुरातनम् । तत्याज भूपतिः प्राणान् मयूरत्वमवाप च

evameva ca kākatve smāritasya purātanam tatyāja bhūpatiḥ prāṇān mayūratvamavāpa ca

In this same way, in the state of a crow too, being reminded of his former history, that king cast off his life, and attained the form of a peacock.

Verse 84 (vishnu.3.18.84)

मयूरत्वे ततस्सा वै चकारानुगतिं शुभा । दत्तैः प्रतिक्षणां भोज्यैर्बाला तज्जातिभोजनेः

mayūratve tatassā vai cakārānugatiṁ śubhā dattaiḥ pratikṣaṇāṁ bhojyairbālā tajjātibhojaneḥ

In the state of a peacock too, that auspicious lady followed him, and that maiden went on, at every moment, feeding him with the foods appropriate to that species.

Verse 85 (vishnu.3.18.85)

ततस्तु जनको राजा वाजिमेधं महाक्रतुम् । चकार तस्यावभृथे स्नापयामास तं तदा

tatastu janako rājā vājimedhaṁ mahākratum cakāra tasyāvabhṛthe snāpayāmāsa taṁ tadā

Then, thereafter, King Janaka performed the great horse-sacrifice; at its final purificatory bath, he had that peacock too bathed.

Verse 86 (vishnu.3.18.86)

सस्नौ स्वयं च तन्वङ्गी स्मारयामास चापि तम् । यथासौ श्वशृगालादियोनिं जग्राह पार्थिवः

sasnau svayaṁ ca tanvaṅgī smārayāmāsa cāpi tam yathāsau śvaśṛgālādiyoniṁ jagrāha pārthivaḥ

That slender-limbed lady too, having herself bathed, again reminded him of how that king had come to attain the wombs of a dog, a jackal, and the rest.

Verse 87 (vishnu.3.18.87)

स्मृतजन्मक्रमः सोऽथ तत्याज स्वकलेवरम् । जज्ञे स जनकस्यैव पुत्रोऽसौ सुमहात्मनः

smṛtajanmakramaḥ so'tha tatyāja svakalevaram jajñe sa janakasyaiva putro'sau sumahātmanaḥ

Recalling the sequence of his births, he then cast off his own body, and was born as the very son of the great-souled Janaka.

Verse 88 (vishnu.3.18.88)

ततः सा पितरं तन्वी विवहार्थमचोदयत् । स चापि कारयामास तस्या राजा स्वयंवरम्

tataḥ sā pitaraṁ tanvī vivahārthamacodayat sa cāpi kārayāmāsa tasyā rājā svayaṁvaram

Then that slender lady urged her father toward marriage; that king too then arranged her svayamvara (self-choice marriage ceremony).

Verse 89 (vishnu.3.18.89)

स्वयंवरे कृते सा तं सम्प्राप्तं पतिमात्मनः । वरयामास भूयोऽपि भर्त्तृभावेन भामिनी

svayaṁvare kṛte sā taṁ samprāptaṁ patimātmanaḥ varayāmāsa bhūyo'pi bharttṛbhāvena bhāminī

When the svayamvara took place, that fair lady, recognizing him who had come there as her own destined husband, once again chose him in the spirit of a wife.

Verse 90 (vishnu.3.18.90)

बुभुजे च तया सार्द्धं सम्भोगान्नृपनन्दनः । पितर्युपरते राज्यं विदेहेषु चकार सः

bubhuje ca tayā sārddhaṁ sambhogānnṛpanandanaḥ pitaryuparate rājyaṁ videheṣu cakāra saḥ

The prince continued to enjoy life with her; and, when his father had departed for the next world, he took up the governance of the kingdom of Videha.

Verse 91 (vishnu.3.18.91)

इयाज यज्ञान् सुबहून् ददौ दानानि चार्थिनाम् । पुत्रानुत्पादयामास युयुधे च सहारिभिः

iyāja yajñān subahūn dadau dānāni cārthinām putrānutpādayāmāsa yuyudhe ca sahāribhiḥ

He performed many sacrifices, gave gifts to petitioners, begot sons, and also waged war with his enemies.

Verse 92 (vishnu.3.18.92)

राज्यं भुक्त्वा यथान्यायं पालयित्वा वसुन्धराम् । तत्याज स प्रियान् प्राणान् संग्रामे धर्मतो नृपः

rājyaṁ bhuktvā yathānyāyaṁ pālayitvā vasundharām tatyāja sa priyān prāṇān saṁgrāme dharmato nṛpaḥ

Having duly enjoyed his kingdom, and having protected the earth, that king, righteously, gave up his beloved life in battle.

Verse 93 (vishnu.3.18.93)

ततश्चितास्थं तं भूयो भर्त्तारं सा शुभेक्षणा । अन्वारुरोह विधिवद् यथापूर्वं मुदान्विता

tataścitāsthaṁ taṁ bhūyo bharttāraṁ sā śubhekṣaṇā anvāruroha vidhivad yathāpūrvaṁ mudānvitā

Then that lady of auspicious eyes, filled with joy, once again followed her husband, now upon the funeral pyre, duly, as before.

Verse 94 (vishnu.3.18.94)

ततोऽवाप तया सार्द्धं राजपुत्र्या स पार्थिवः । ऐन्द्रानतीत्य वै लोकाँल्लोकान् प्राप तदाक्षयान्

tato'vāpa tayā sārddhaṁ rājaputryā sa pārthivaḥ aindrānatītya vai lokām̐llokān prāpa tadākṣayān

Thus, together with that princess, that king passed even beyond the worlds of Indra, and attained those imperishable worlds.

Verse 95 (vishnu.3.18.95)

स्वर्गाक्षयत्वमतुलं दाम्पत्यमतिदुर्लभम् । प्राप्तं पुण्यफलं प्राप्य संशुद्धिं तां द्विजोत्तम

svargākṣayatvamatulaṁ dāmpatyamatidurlabham prāptaṁ puṇyaphalaṁ prāpya saṁśuddhiṁ tāṁ dvijottama

O best of Brahmins, they attained an incomparable, imperishable heaven, and a union of husband and wife exceedingly rare to obtain -- this meritorious fruit they attained by virtue of that very purification.

Verse 96 (vishnu.3.18.96)

एष पाषण्डसम्भाषाद्दोषः प्रोक्तो मया द्विज । तथाऽश्वमेधावभृथस्नानमाहात्म्यमेव च

eṣa pāṣaṇḍasambhāṣāddoṣaḥ prokto mayā dvija tathā'śvamedhāvabhṛthasnānamāhātmyameva ca

O Brahmin, this fault of conversing with a heretic has thus been told to you by me, and likewise the greatness of the final purificatory bath of the horse-sacrifice.

Verse 97 (vishnu.3.18.97)

तस्मात् पाषण्डिभिः पापैरालापस्पर्शनं त्यजेत् । विशेषतः क्रियाकाले यज्ञादौ चापि दीक्षितः

tasmāt pāṣaṇḍibhiḥ pāpairālāpasparśanaṁ tyajet viśeṣataḥ kriyākāle yajñādau cāpi dīkṣitaḥ

Therefore one should avoid conversation and contact with sinful heretics, especially at the time of ritual observance, and even while consecrated for a sacrifice or the like.

Verse 98 (vishnu.3.18.98)

क्रियाहानिर्गृहे यस्य मासमेकं प्रजायते । तस्यावलोकनात् सूर्यं पश्येत मतिमान् नरः

kriyāhānirgṛhe yasya māsamekaṁ prajāyate tasyāvalokanāt sūryaṁ paśyeta matimān naraḥ

Him in whose house the neglect of rites continues even for a single month -- let the wise man, after beholding him, look upon the sun.

Verse 99 (vishnu.3.18.99)

किं पुनर्यैस्तु सन्त्यक्ता त्रयी सर्वात्मना द्विज । पाषण्डभोजिभिः पापैर्वेदवादविरोधिभिः

kiṁ punaryaistu santyaktā trayī sarvātmanā dvija pāṣaṇḍabhojibhiḥ pāpairvedavādavirodhibhiḥ

O Brahmin, what then need be said of those who have wholly abandoned the triple Veda -- sinful men who eat the food of heretics, opposed to the doctrine of the Veda?

Verse 100 (vishnu.3.18.100)

सहालापस्तु संसर्गः सहास्या चातिपापिनी । पाषण्डिभिर्दुराचारैस्तस्मात्तान् परिवर्जयेत्

sahālāpastu saṁsargaḥ sahāsyā cātipāpinī pāṣaṇḍibhirdurācāraistasmāttān parivarjayet

Conversing with them is itself a form of contact, and even laughing with them is exceedingly sinful; therefore such heretics of evil conduct should be entirely avoided.

Verse 101 (vishnu.3.18.101)

पाषण्डिनो विकर्मस्थान् वैडालव्रतिकाञ्छठान् । हैतुकान् वकवृत्तींश्च वाङ्मात्रेणापि नार्चयेत्

pāṣaṇḍino vikarmasthān vaiḍālavratikāñchaṭhān haitukān vakavṛttīṁśca vāṅmātreṇāpi nārcayet

Heretics established in forbidden actions, cat-vowed deceivers, mere logic-choppers, and those of the crane-like (hypocritical) conduct -- let him not honor them even by mere words.

Verse 102 (vishnu.3.18.102)

दूरतस्तैस्तु सम्पर्कः त्याज्यश्चाप्यतिपापिभिः । पाषण्डिभिर्दुराचारैस्तस्मात्तान् परिवर्जयेत्

dūratastaistu samparkaḥ tyājyaścāpyatipāpibhiḥ pāṣaṇḍibhirdurācāraistasmāttān parivarjayet

Contact with them should be avoided from a distance, and likewise with the exceedingly sinful; therefore such heretics of evil conduct should be entirely avoided.

Verse 103 (vishnu.3.18.103)

एते नग्नास्तवाख्याता दृष्ट्या श्राद्धोपघातकाः । येषां सम्भाषणात् पुंसां दिनपुण्यं प्रणश्यति

ete nagnāstavākhyātā dṛṣṭyā śrāddhopaghātakāḥ yeṣāṁ sambhāṣaṇāt puṁsāṁ dinapuṇyaṁ praṇaśyati

These 'naked' ones have thus been described to you -- destroyers of a shraddha by the mere sight of them; by conversing with whom the merit of an entire day is destroyed for men.

Verse 104 (vishnu.3.18.104)

एते पाषण्डिनः पापा न ह्येतानालपेद् बुधः । पुण्यं नश्यति सम्भाषादेतेषां तद्दिनोद्भवम्

ete pāṣaṇḍinaḥ pāpā na hyetānālaped budhaḥ puṇyaṁ naśyati sambhāṣādeteṣāṁ taddinodbhavam

These are sinful heretics; the wise man should not converse with them; by conversing with them, the merit produced on that very day is destroyed.

Verse 105 (vishnu.3.18.105)

पुंसां जटाधरणमौण्ड्यवतां वृथैव मोघाशिनामखिलशौचनिराकृतानाम् । तोयप्रदानपितृपिण्डबहिष्कृतानां सम्भाषणादपि नरा नरकं प्रयान्ति

puṁsāṁ jaṭādharaṇamauṇḍyavatāṁ vṛthaiva moghāśināmakhilaśaucanirākṛtānām toyapradānapitṛpiṇḍabahiṣkṛtānāṁ sambhāṣaṇādapi narā narakaṁ prayānti

With men who wear matted locks or a shaven head, but do so in vain, who eat their food fruitlessly, who are devoid of all purificatory rites, and who are excluded from the offering of water and the rice-ball to the ancestors -- by mere conversation with such men, people go to hell.