The Future Kings from Janamejaya to Kshemaka

Verse 1 (vishnu.4.21.1)

अतः परं भविष्यान् अहं भूमिपालान् कीर्तयिष्ये । योऽयं साम्प्रतमवनीपतिः, परीक्षित्, तस्यापि जनमेजयश्रुतसेनोग्रसेनभीमसेनाः पुत्राश्चत्वारो भविष्यन्ति ।

ataḥ paraṁ bhaviṣyān ahaṁ bhūmipālān kīrtayiṣye yo'yaṁ sāmpratamavanīpatiḥ, parīkṣit, tasyāpi janamejayaśrutasenograsenabhīmasenāḥ putrāścatvāro bhaviṣyanti

Henceforth I shall recount the future rulers of the earth. Parikshit, who now reigns, will have four sons: Janamejaya, Shrutasena, Ugrasena and Bhimasena.

Verse 2 (vishnu.4.21.2)

जनमेजयस्यापि शतानीको भविष्यति । योऽसौ याज्ञवल्क्याद्वेदमधीत्य कृपादस्त्राण्यवाप्य विषमविषयविरक्तचित्तवृत्तिश्च शौनकोपदेशादात्मविज्ञानप्रवीणः परं निर्वाणमवाप्स्यति ।

janamejayasyāpi śatānīko bhaviṣyati yo'sau yājñavalkyādvedamadhītya kṛpādastrāṇyavāpya viṣamaviṣayaviraktacittavṛttiśca śaunakopadeśādātmavijñānapravīṇaḥ paraṁ nirvāṇamavāpsyati

Janamejaya's son will be Shatanika, who, having studied the Vedas from Yajnavalkya and gained weapons from Kripa, his mind grown detached from worldly objects, will become versed in self-knowledge through Shaunaka's teaching and attain supreme liberation.

Verse 3 (vishnu.4.21.3)

शतानीकादश्वमेधदत्तो भविता, तस्मादप्यधिसीमकृष्णः, अधिसीमकृष्णाद्निचक्षुः, यो गंगयापहृते हस्तिनापुरे कौशाम्ब्यां निवत्स्यति । तस्याप्युष्णः पुत्रो भविता । उष्णाद्विचित्ररथः, ततः शुचिरथः, तस्माद्वृष्णिमान्, ततः सुषेणः, तस्मादपि सुनीथः, सुनीथादृचः, ततो नृचक्षुः, तस्यापि सुखीबलः, तस्मात्परिप्लवः, ततश्च सुनयः, ततो मेधावी, मेधाविनो नृपंजयः, ततो मृदुः, तस्मात्तिग्मः, वसुदानः, ततोऽप्यपरः शतानीकः ।

śatānīkādaśvamedhadatto bhavitā, tasmādapyadhisīmakṛṣṇaḥ, adhisīmakṛṣṇādnicakṣuḥ, yo gaṁgayāpahṛte hastināpure kauśāmbyāṁ nivatsyati tasyāpyuṣṇaḥ putro bhavitā uṣṇādvicitrarathaḥ, tataḥ śucirathaḥ, tasmādvṛṣṇimān, tataḥ suṣeṇaḥ, tasmādapi sunīthaḥ, sunīthādṛcaḥ, tato nṛcakṣuḥ, tasyāpi sukhībalaḥ, tasmātpariplavaḥ, tataśca sunayaḥ, tato medhāvī, medhāvino nṛpaṁjayaḥ, tato mṛduḥ, tasmāttigmaḥ, vasudānaḥ, tato'pyaparaḥ śatānīkaḥ

From Shatanika will come Ashvamedhadatta; from him Adhisimakrishna; from Adhisimakrishna, Nichakshu, who, when Hastinapura is swept away by the Ganga, will dwell in Kaushambi. His son too will be Ushna. From Ushna, Vichitraratha; then Shuchiratha; from him Vrishnimana; then Sushena; from him too Sunitha; from Sunitha, Richa; then Nrichakshu; his son too Sukhibala; from him Pariplava; then Sunaya; then Medhavi; from Medhavi, Nripanjaya; then Mridu; from him Tigma; then Vasudana; and from him again another Shatanika.

Verse 4 (vishnu.4.21.4)

तस्माच्च उदयनः, उदयनाद्विहीनरः, ततश्च दंडपाणिः, ततो निरमित्रः, तस्माच्च क्षेमकः । तत्रायं श्लोकः — ब्रह्मक्षत्रस्य यो योनिर्वंशो राजर्षिसत्कृतः । क्षेमकं प्राप्य राजानं संस्थानं प्राप्स्यते कलौ ।

tasmācca udayanaḥ, udayanādvihīnaraḥ, tataśca daṁḍapāṇiḥ, tato niramitraḥ, tasmācca kṣemakaḥ tatrāyaṁ ślokaḥ — brahmakṣatrasya yo yonirvaṁśo rājarṣisatkṛtaḥ kṣemakaṁ prāpya rājānaṁ saṁsthānaṁ prāpsyate kalau

From him, Udayana; from Udayana, Vihinara; then Dandapani; then Niramitra; and from him, Kshemaka. Here is a verse: this lineage, the very source of brahmin and kshatriya alike, honored by royal sages, having reached King Kshemaka, will come to its end in the Kali age.