The Line of Soma, Budha, and Pururavas

Verse 1 (vishnu.4.6.1)

मैत्रेय उवाच । सूर्यस्य वंश्या भगवन्कथिता भवता मम । सोमस्याप्यखिलान्वश्याञ्छ्रोतुमिच्छामि पार्थिवान्

maitreya uvāca | sūryasya vaṁśyā bhagavankathitā bhavatā mama | somasyāpyakhilānvaśyāñchrotumicchāmi pārthivān

Maitreya said: The lineage of the Sun, O Lord, has been told to me by you; now I wish to hear of all the kings descended from Soma, the Moon.

Verse 2 (vishnu.4.6.2)

कीर्त्त्यते स्थिरकीर्त्तीनां येषामद्यापि संततिः । प्रसादसुमुखस्तान्मे ब्रह्मन्नाख्यातुमर्हसि

kīrttyate sthirakīrttīnāṁ yeṣāmadyāpi saṁtatiḥ | prasādasumukhastānme brahmannākhyātumarhasi

Tell me of those of enduring fame whose descendants still exist today; be pleased, O brahmin, to relate them to me.

Verse 3 (vishnu.4.6.3)

श्रीपराशर उवाच । श्रूयतां मुनिशार्दूल वंशः प्रतिथतेजसः । सोमस्यानुक्रमात्ख्याता यत्रोर्वीपतयोऽभवन्

śrīparāśara uvāca | śrūyatāṁ muniśārdūla vaṁśaḥ pratithatejasaḥ | somasyānukramātkhyātā yatrorvīpatayo'bhavan

Sri Parashara said: Hear, O tiger among sages, the lineage of renowned splendor, wherein, in due succession from Soma, kings of the earth arose.

Verse 4 (vishnu.4.6.4)

अयं हि वंशोतिबलपराक्रमद्युतिशीलचेष्टवद्भिरतिगुणान्वितैर्नहुषययाति-कार्तवीर्यार्जुनादिभिर्भूपालैरलंकृतः तमहं कथयामि श्रूयताम्

ayaṁ hi vaṁśotibalaparākramadyutiśīlaceṣṭavadbhiratiguṇānvitairnahuṣayayāti-kārtavīryārjunādibhirbhūpālairalaṁkṛtaḥ tamahaṁ kathayāmi śrūyatām

This lineage is adorned with kings of great strength, prowess, splendor, and virtuous conduct, endowed with excellent qualities — Nahusha, Yayati, Kartavirya Arjuna, and others; that lineage I now relate, hear it.

Verse 5 (vishnu.4.6.5)

अखिलजगत्स्रष्टुर्भगवतो नारायणस्य नाभिसरोजसमुद्भवाब्जयोनेर्ब्रह्मणः पुत्रोऽत्रिः

akhilajagatsraṣṭurbhagavato nārāyaṇasya nābhisarojasamudbhavābjayonerbrahmaṇaḥ putro'triḥ

Atri was the son of Brahma, the lotus-born, who arose from the navel-lotus of Lord Narayana, creator of the entire universe.

Verse 6 (vishnu.4.6.6)

अत्रेस्सोमः

atressomaḥ

Atri's son was Soma, the Moon.

Verse 7 (vishnu.4.6.7)

तं च भगवानब्जयोनिः अशेषौषधीद्विजनक्षत्राणामाधिपत्येऽभ्यषेचयत्

taṁ ca bhagavānabjayoniḥ aśeṣauṣadhīdvijanakṣatrāṇāmādhipatye'bhyaṣecayat

That lotus-born Lord consecrated him to sovereignty over all herbs, brahmanas, and constellations.

Verse 8 (vishnu.4.6.8)

स च राजसूयमकरोत्

sa ca rājasūyamakarot

And he performed the Rajasuya sacrifice.

Verse 9 (vishnu.4.6.9)

तत्प्रभावादत्युत्कृष्टाधिपत्याधिष्ठातृत्वाच्चैनं मद आविवेश

tatprabhāvādatyutkṛṣṭādhipatyādhiṣṭhātṛtvāccainaṁ mada āviveśa

From its power, and from being installed in so exalted a sovereignty, pride overcame him.

Verse 10 (vishnu.4.6.10)

मदावलेपाच्च सकलदेवगुरोर्बृहस्पतेस्तारां नाम पत्नीं जहार

madāvalepācca sakaladevagurorbṛhaspatestārāṁ nāma patnīṁ jahāra

In the arrogance of that pride, he abducted Tara, the wife of Brihaspati, guru of all the gods.

Verse 11 (vishnu.4.6.11)

बहुशश्च बृहस्पतिचोदितेन भगवता ब्रह्मणा चोद्यमानसकलैश्च देवर्षिभिर्याचमानोपि न मुमोच

bahuśaśca bṛhaspaticoditena bhagavatā brahmaṇā codyamānasakalaiśca devarṣibhiryācamānopi na mumoca

Though repeatedly entreated by Brihaspati, urged also by Lord Brahma, and besought by all the divine sages, he still would not release her.

Verse 12 (vishnu.4.6.12)

तस्य चंद्र स्य च बृहस्पतेर्द्वेषादुशना पार्ष्णिग्राहोभूत्

tasya caṁdra sya ca bṛhaspaterdveṣāduśanā pārṣṇigrāhobhūt

Out of this enmity between Chandra and Brihaspati, Ushanas (Shukra) became Chandra's ally.

Verse 13 (vishnu.4.6.13)

अंगिरसश्च सकाशादुपलब्धविद्यो भगवान्रुद्रो बृहस्पतेः सहाय्यमकरोत्

aṁgirasaśca sakāśādupalabdhavidyo bhagavānrudro bṛhaspateḥ sahāyyamakarot

And the Lord Rudra, who had obtained learning from Angiras, gave Brihaspati his assistance.

Verse 14 (vishnu.4.6.14)

यतश्चोशना ततो जंभकुंभाद्याः समस्ता एव दैत्यदानवनिकाया महान्तमुद्यमं चक्रुः

yataścośanā tato jaṁbhakuṁbhādyāḥ samastā eva daityadānavanikāyā mahāntamudyamaṁ cakruḥ

Since Ushanas sided with Chandra, all the hosts of Daityas and Danavas, headed by Jambha and Kumbha, made a great effort on his behalf.

Verse 15 (vishnu.4.6.15)

बृहस्पतेरपि सकलदेवसैन्ययुतः सहायः शक्रोऽभवत्

bṛhaspaterapi sakaladevasainyayutaḥ sahāyaḥ śakro'bhavat

And for Brihaspati, Indra, with the entire army of the gods, became his ally.

Verse 16 (vishnu.4.6.16)

एवं च तयोरतीवोग्रसंग्रामस्तारानिमित्तस्तारकामयो नामाभूत्

evaṁ ca tayoratīvograsaṁgrāmastārānimittastārakāmayo nāmābhūt

Thus arose between them, on account of Tara, an exceedingly fierce war, which came to be called Tarakamaya.

Verse 17 (vishnu.4.6.17)

ततश्च समस्तशस्त्राण्यसुरेषु रुद्र पुरोगमा देवा देवेषु चाशेषदानवा मुमुचुः

tataśca samastaśastrāṇyasureṣu rudra purogamā devā deveṣu cāśeṣadānavā mumucuḥ

Then the gods, led by Rudra, hurled all their weapons upon the demons, and all the Danavas hurled theirs upon the gods.

Verse 18 (vishnu.4.6.18)

एवं देवासुराहवसंक्षोभक्षुब्धहृदयमशेषमेव जगद्ब्रह्माणं शरणं जगाम

evaṁ devāsurāhavasaṁkṣobhakṣubdhahṛdayamaśeṣameva jagadbrahmāṇaṁ śaraṇaṁ jagāma

Thus the entire world, its heart troubled by the turmoil of the battle between gods and demons, went for refuge to Brahma.

Verse 19 (vishnu.4.6.19)

ततश्च भगवानब्जयोनिरप्युशनसं शंकरमसुरान्देवांश्च निवार्य बृहस्पतये तारामदापयत्

tataśca bhagavānabjayonirapyuśanasaṁ śaṁkaramasurāndevāṁśca nivārya bṛhaspataye tārāmadāpayat

Then the lotus-born Lord, restraining Ushanas, Shankara, the demons and the gods, caused Tara to be restored to Brihaspati.

Verse 20 (vishnu.4.6.20)

तां चांतःप्रसवामवलोक्य बृहस्पतिरप्याह

tāṁ cāṁtaḥprasavāmavalokya bṛhaspatirapyāha

Seeing her pregnant, Brihaspati said —

Verse 21 (vishnu.4.6.21)

नैष मम क्षेत्रे भवत्याऽन्यस्य सुतो धार्यस्समुत्सृजैनमलमलमतिधार्ष्ट्येनेति

naiṣa mama kṣetre bhavatyā'nyasya suto dhāryassamutsṛjainamalamalamatidhārṣṭyeneti

'This son of another, not conceived in my field, is not to be borne by you — cast it off; enough of this impudence.'

Verse 22 (vishnu.4.6.22)

सा च तेनैवमुक्तातिपतिव्रता भर्तृवचनानंतरं तमिषीकास्तंबे गर्भमुत्ससर्ज

sā ca tenaivamuktātipativratā bhartṛvacanānaṁtaraṁ tamiṣīkāstaṁbe garbhamutsasarja

That most devoted wife Tara, at once upon her husband's word, cast forth the foetus into a clump of reeds.

Verse 23 (vishnu.4.6.23)

स चोत्सृष्टमात्र एवातितेजसा देवानां तेजांस्याचिक्षेप

sa cotsṛṣṭamātra evātitejasā devānāṁ tejāṁsyācikṣepa

That child, the moment he was cast forth, so radiant, outshone even the splendor of the gods.

Verse 24 (vishnu.4.6.24)

बृहस्पतिमिंदुं च तस्य कुमारस्यातिचारुतया साभिलाषौ दृष्ट्वा देवस्समुत्पन्नसंदेहास्तारां पप्रच्छुः

bṛhaspatimiṁduṁ ca tasya kumārasyāticārutayā sābhilāṣau dṛṣṭvā devassamutpannasaṁdehāstārāṁ papracchuḥ

Seeing that boy's exceeding beauty, both Brihaspati and Chandra desired him; then the gods, in doubt, questioned Tara —

Verse 25 (vishnu.4.6.25)

सत्यं कथयास्माकमिति सुभगे सोमस्याथ वा बृहस्पतेरयं पुत्र इति

satyaṁ kathayāsmākamiti subhage somasyātha vā bṛhaspaterayaṁ putra iti

'Tell us the truth, O fortunate one — is this son Soma's, or Brihaspati's?'

Verse 26 (vishnu.4.6.26)

एवं तैरुक्ता सा तारा ह्रिया किंचिन्नोवाच

evaṁ tairuktā sā tārā hriyā kiṁcinnovāca

Thus questioned, Tara, out of shame, said nothing.

Verse 27 (vishnu.4.6.27)

बहुशोप्यभिहिता यदाऽसौ देवेभ्यो नाचचक्षे ततस्स कुमारस्तां शप्तुमुद्यतः प्राह

bahuśopyabhihitā yadā'sau devebhyo nācacakṣe tatassa kumārastāṁ śaptumudyataḥ prāha

When, though asked repeatedly, she still would not tell the gods, that boy, ready to curse her, said —

Verse 28 (vishnu.4.6.28)

दुष्टेंव कस्मान्मम तातं नाख्यासि

duṣṭeṁva kasmānmama tātaṁ nākhyāsi

'O wicked one, why do you not tell me who my father is?'

Verse 29 (vishnu.4.6.29)

अद्यैव ते व्यलीकलज्जावत्यास्तथा शास्तिमहं करोमि

adyaiva te vyalīkalajjāvatyāstathā śāstimahaṁ karomi

'This very day I shall inflict such a punishment upon you, so full of false shame,'

Verse 30 (vishnu.4.6.30)

यथा च नैवमद्याप्यतिमंथरवचनाभविष्यसीति

yathā ca naivamadyāpyatimaṁtharavacanābhaviṣyasīti

'that you shall never again be so slow to speak.'

Verse 31 (vishnu.4.6.31)

अथाह भगवान् पितामहः तं कुमारं सन्निवार्य स्वयमपृच्छत्तां ताराम्

athāha bhagavān pitāmahaḥ taṁ kumāraṁ sannivārya svayamapṛcchattāṁ tārām

Then the Lord Grandsire, restraining that boy, himself asked Tara —

Verse 32 (vishnu.4.6.32)

कथय वत्से कस्यायमात्मजः सोमस्य वा बृहस्पतेर्वा इत्युक्ता लज्जमानाह सोमस्येति

kathaya vatse kasyāyamātmajaḥ somasya vā bṛhaspatervā ityuktā lajjamānāha somasyeti

'Tell me, my child, whose son is this — Soma's or Brihaspati's?' Thus asked, ashamed, she said: 'He is Soma's.'

Verse 33 (vishnu.4.6.33)

ततः प्रस्फुरदुच्छ्वासितामलकपोलकांतिर्भगवानुडुपतिः कुमारमालिंग्य साधु साधु वत्स प्राज्ञोसीतिबुध इति तस्य च नाम चक्रे

tataḥ prasphuraducchvāsitāmalakapolakāṁtirbhagavānuḍupatiḥ kumāramāliṁgya sādhu sādhu vatsa prājñosītibudha iti tasya ca nāma cakre

Then the Lord Chandra, his cheeks glowing with joyful sighs, embraced the boy and said, 'Well done, well done, my child, you are wise!' — and gave him the name Budha.

Verse 34 (vishnu.4.6.34)

तदाख्यातमेवैतत् स च यथेलायामात्मजं पुरूरवसमुत्पादयामास

tadākhyātamevaitat sa ca yathelāyāmātmajaṁ purūravasamutpādayāmāsa

This has already been told — how he begot upon Ila a son, Pururavas.

Verse 35 (vishnu.4.6.35)

पुरूरवास्त्वतिदानशीलोऽतियज्वातितेजस्वी यं सत्यवादिनमतिरूपस्विनं मनस्विनं मित्रावरुणशापान्मानुषे लोके मया वस्तव्यमिति कृतमतिरुर्वशी ददर्श

purūravāstvatidānaśīlo'tiyajvātitejasvī yaṁ satyavādinamatirūpasvinaṁ manasvinaṁ mitrāvaruṇaśāpānmānuṣe loke mayā vastavyamiti kṛtamatirurvaśī dadarśa

Pururavas was exceedingly generous, a great sacrificer, and exceedingly radiant; Urvashi, who by the curse of Mitra and Varuna had resolved to dwell in the world of men, beheld him — truthful, handsome, and wise.

Verse 36 (vishnu.4.6.36)

दृष्टमात्रे च तस्मिन्नपहाय मानमशेषमपास्य स्वर्गसुखाभिलाषं तन्मनस्का भूत्वा तमेवोपतस्थे

dṛṣṭamātre ca tasminnapahāya mānamaśeṣamapāsya svargasukhābhilāṣaṁ tanmanaskā bhūtvā tamevopatasthe

The moment she saw him, casting aside all pride and her longing for heaven's joys, her mind fixed on him alone, she went and stood before him.

Verse 37 (vishnu.4.6.37)

सोऽपि च तामतिशयितसकललोकस्त्रीकांतिसौकुमार्यलावण्यग-तिविलासहासादिगुणामवलोक्य तदायत्तचित्तवृत्तिर्बभूव

so'pi ca tāmatiśayitasakalalokastrīkāṁtisaukumāryalāvaṇyaga-tivilāsahāsādiguṇāmavalokya tadāyattacittavṛttirbabhūva

He too, beholding her beauty, delicacy, grace, gait, playfulness and laughter, surpassing every woman in all the worlds, became one whose mind was wholly hers.

Verse 38 (vishnu.4.6.38)

उभयमपि तन्मनस्कमनन्यदृष्टि परित्यक्तसमस्तान्यप्रयोजनमभूत्

ubhayamapi tanmanaskamananyadṛṣṭi parityaktasamastānyaprayojanamabhūt

Both, their minds fixed on each other alone, their gaze turned to nothing else, abandoned every other concern.

Verse 39 (vishnu.4.6.39)

राजा तु प्रागल्भ्यात्तामाह

rājā tu prāgalbhyāttāmāha

The king, with boldness, said to her —

Verse 40 (vishnu.4.6.40)

सुभ्रु त्वामहमभिकामोऽस्मि प्रसीदाऽनुरागमुद्वहेत्युक्ता लज्जावखंडितमुर्वशी तं प्राह

subhru tvāmahamabhikāmo'smi prasīdā'nurāgamudvahetyuktā lajjāvakhaṁḍitamurvaśī taṁ prāha

'O fair-browed one, I desire you — be gracious, receive my love.' Thus addressed, Urvashi, her modesty unbroken, said to him —

Verse 41 (vishnu.4.6.41)

भवत्वेवं यदि मे समयपरिपालनं भवान् करोतीत्याख्याते पुनरपि तामाह

bhavatvevaṁ yadi me samayaparipālanaṁ bhavān karotītyākhyāte punarapi tāmāha

'Let it be so, if you observe my conditions.' At this, he again asked her —

Verse 42 (vishnu.4.6.42)

आख्याहि मे समयमिति

ākhyāhi me samayamiti

'Tell me the conditions.'

Verse 43 (vishnu.4.6.43)

अथ पृष्टा पुनरप्यब्रवीत्

atha pṛṣṭā punarapyabravīt

Being asked again, she said —

Verse 44 (vishnu.4.6.44)

शयनसमीपे ममोरणकद्वयं पुत्रभूतं नापनेयम्

śayanasamīpe mamoraṇakadvayaṁ putrabhūtaṁ nāpaneyam

'These two lambs of mine, dear as sons, must never be removed from beside my bed.'

Verse 45 (vishnu.4.6.45)

भवांश्च मया न नग्नो द्रष्टव्यः

bhavāṁśca mayā na nagno draṣṭavyaḥ

'And you must never let me see you unclothed.'

Verse 46 (vishnu.4.6.46)

घृतमात्रं च ममाहार इति

ghṛtamātraṁ ca mamāhāra iti

'And clarified butter alone shall be my food.'

Verse 47 (vishnu.4.6.47)

एवमेवेति भूपतिरप्याह

evameveti bhūpatirapyāha

'So be it,' the king replied.

Verse 48 (vishnu.4.6.48)

तया सह स चावनिपतिरलकयां चैत्ररथादिवनेष्वमलपद्मखंडेषु मानसादिसरस्स्वतिरमणीयेषु रममाण एकषष्टिवर्षाण्यनुदिनप्रवर्द्धमानप्रमोदोऽनयत्

tayā saha sa cāvanipatiralakayāṁ caitrarathādivaneṣvamalapadmakhaṁḍeṣu mānasādisarassvatiramaṇīyeṣu ramamāṇa ekaṣaṣṭivarṣāṇyanudinapravarddhamānapramodo'nayat

With her, that lord of the earth, sporting in Alaka, in the Chaitraratha and other forests, amid spotless lotus-groves and the delightful lakes of Manasa and the rest, spent sixty-one years with joy increasing day by day.

Verse 49 (vishnu.4.6.49)

उर्वशी च तदुपभोगात्प्रतिदिनप्रवर्द्धमानानुरागा अमरलोकवासेऽपि न स्पृहां चकार

urvaśī ca tadupabhogātpratidinapravarddhamānānurāgā amaralokavāse'pi na spṛhāṁ cakāra

And Urvashi's love, growing daily through her enjoyment of him, left her with no longing even for dwelling among the immortals.

Verse 50 (vishnu.4.6.50)

विना चोर्वश्या सुरलोकोऽप्सरसां सिद्धगंधर्वाणां च नातिरमणीयोऽभवत्

vinā corvaśyā suraloko'psarasāṁ siddhagaṁdharvāṇāṁ ca nātiramaṇīyo'bhavat

And without Urvashi, the world of the gods no longer seemed so delightful even to the apsarases, siddhas, and gandharvas.

Verse 51 (vishnu.4.6.51)

ततश्चोर्वशी पुरूरवसोस्समयविद्विश्वावसुर्गंधर्वसमवेतो निशि शयनाभ्याशादेकमुरणकं जहार

tataścorvaśī purūravasossamayavidviśvāvasurgaṁdharvasamaveto niśi śayanābhyāśādekamuraṇakaṁ jahāra

Then Vishvavasu, the gandharva who knew the terms of the pact between Pururavas and Urvashi, with other gandharvas, stole one lamb from beside her bed at night.

Verse 52 (vishnu.4.6.52)

तस्याकाशे नीयमानस्योर्वशी शब्दमशृणोत्

tasyākāśe nīyamānasyorvaśī śabdamaśṛṇot

As it was carried off through the sky, Urvashi heard its cry.

Verse 53 (vishnu.4.6.53)

एवमुवाच च ममानाथायाः पुत्रः केनापह्रियते कं शरणमुपयामीति

evamuvāca ca mamānāthāyāḥ putraḥ kenāpahriyate kaṁ śaraṇamupayāmīti

It cried out: 'The son of me, who am without protector, is being carried off by whom? To whom shall I flee?'

Verse 54 (vishnu.4.6.54)

तदाकर्ण्य राजा मां नग्नं देवी वीक्ष्यतीति न ययौ

tadākarṇya rājā māṁ nagnaṁ devī vīkṣyatīti na yayau

Hearing this, the king, thinking 'the goddess will see me unclothed,' did not go.

Verse 55 (vishnu.4.6.55)

अथान्यमप्युरणकमादाय गंधर्वा ययुः

athānyamapyuraṇakamādāya gaṁdharvā yayuḥ

Then the gandharvas took the other lamb as well.

Verse 56 (vishnu.4.6.56)

तस्याप्यपह्रियमाणस्याकर्ण्य शब्दमाकाशे पुनरप्यनाथास्म्यहमभर्तृका कापुरुषा श्रयेत्यार्त्तराविणी बभूव

tasyāpyapahriyamāṇasyākarṇya śabdamākāśe punarapyanāthāsmyahamabhartṛkā kāpuruṣā śrayetyārttarāviṇī babhūva

Hearing that one's cry too, being carried off through the sky — 'Once more I am without protector, husbandless — what coward shall shelter me!' — she cried out in anguish.

Verse 57 (vishnu.4.6.57)

राजाप्यमर्षवशादंधकारमेतदिति खड्गमादाय दुष्टदुष्ट हतोसीति व्याहरन्नभ्यधावत्

rājāpyamarṣavaśādaṁdhakārametaditi khaḍgamādāya duṣṭaduṣṭa hatosīti vyāharannabhyadhāvat

The king, overcome with indignation, thinking 'it is only darkness,' seized his sword and rushed out, crying, 'You wicked one, you wicked one, you are slain!'

Verse 58 (vishnu.4.6.58)

तावच्च गंधर्वैरप्यतीवोज्ज्वला विद्युज्जनिता

tāvacca gaṁdharvairapyatīvojjvalā vidyujjanitā

But at that instant the gandharvas produced an exceedingly brilliant flash of lightning.

Verse 59 (vishnu.4.6.59)

तत्प्रभया चोर्वशी राजानमपगतांबरं दृष्ट्वापवृत्तसमया तत्क्षणादेवापक्रान्ता

tatprabhayā corvaśī rājānamapagatāṁbaraṁ dṛṣṭvāpavṛttasamayā tatkṣaṇādevāpakrāntā

By its light, Urvashi saw the king unclothed, and, her condition broken, vanished that very instant.

Verse 60 (vishnu.4.6.60)

परित्यज्य तावप्युरणकौ गंधर्वास्सुरलोकमुपगताः

parityajya tāvapyuraṇakau gaṁdharvāssuralokamupagatāḥ

The gandharvas, leaving both lambs behind, returned to the world of the gods.

Verse 61 (vishnu.4.6.61)

राजापि च तौ मेषावादायातिहृष्टमनाः स्वशयनमायातो नोर्वशीं ददर्श

rājāpi ca tau meṣāvādāyātihṛṣṭamanāḥ svaśayanamāyāto norvaśīṁ dadarśa

The king, taking up the two lambs, exceedingly delighted, returned to his bed, but did not find Urvashi.

Verse 62 (vishnu.4.6.62)

तां चापश्यन् व्यपगतांबर एवोन्मत्तरूपो बभ्राम

tāṁ cāpaśyan vyapagatāṁbara evonmattarūpo babhrāma

Not finding her, still unclothed, he wandered about like one gone mad.

Verse 63 (vishnu.4.6.63)

कुरुक्षेत्रे चांभोजसरस्यन्याभिश्चतसृभिरप्सरोभिस्समवेतामुर्वशीं ददर्श

kurukṣetre cāṁbhojasarasyanyābhiścatasṛbhirapsarobhissamavetāmurvaśīṁ dadarśa

In Kurukshetra, by a lotus-lake, he saw Urvashi with four other apsarases.

Verse 64 (vishnu.4.6.64)

ततश्चोन्मत्तरूपो जाये हे तिष्ठ मनसि घोरे तिष्ठ वचसि कपटिके तिष्ठेत्येवमनेकप्रकारं सूक्तमवोचत्

tataśconmattarūpo jāye he tiṣṭha manasi ghore tiṣṭha vacasi kapaṭike tiṣṭhetyevamanekaprakāraṁ sūktamavocat

Then, like a madman, he cried: 'O wife, stay! O hard-hearted one, stay! O deceitful-worded one, stay!' — lamenting thus in many ways.

Verse 65 (vishnu.4.6.65)

आह चोर्वशी

āha corvaśī

Then Urvashi said —

Verse 66 (vishnu.4.6.66)

महाराजालमनेनाविवेकचेष्टितेन

mahārājālamanenāvivekaceṣṭitena

'O great king, what use is this senseless behavior?'

Verse 67 (vishnu.4.6.67)

अंतर्वत्न्यहमब्दांते भवताऽत्रागंतव्यं कुमारस्ते भबिष्यति एकां च निशामहं त्वया सह वत्स्यामीत्युक्तः प्रहृष्टस्स्वपुरं जगाम

aṁtarvatnyahamabdāṁte bhavatā'trāgaṁtavyaṁ kumāraste bhabiṣyati ekāṁ ca niśāmahaṁ tvayā saha vatsyāmītyuktaḥ prahṛṣṭassvapuraṁ jagāma

'I am with child; at the year's end come here, you shall have a son, and I shall spend one night with you.' Hearing this, greatly delighted, he returned to his city.

Verse 68 (vishnu.4.6.68)

तासां चाप्सरसामूर्वशी कथयामास

tāsāṁ cāpsarasāmūrvaśī kathayāmāsa

Urvashi told those apsarases —

Verse 69 (vishnu.4.6.69)

अयं स पुरुषोत्कृष्टो येनाहमेतावंतं कालमनुरागाकृष्टमानसा सहोषितेति

ayaṁ sa puruṣotkṛṣṭo yenāhametāvaṁtaṁ kālamanurāgākṛṣṭamānasā sahoṣiteti

'This is that most excellent of men, with whom, my mind drawn by love, I dwelt so long.'

Verse 70 (vishnu.4.6.70)

एवमुक्तास्ताश्चाप्सरस ऊचुः

evamuktāstāścāpsarasa ūcuḥ

Hearing this, those apsarases said —

Verse 71 (vishnu.4.6.71)

साधुसाध्वस्य रूपमप्यनेन सहास्माकमपि सर्वकालमास्या भवेदिति

sādhusādhvasya rūpamapyanena sahāsmākamapi sarvakālamāsyā bhavediti

'Beautiful, most beautiful is his form! Would that we too might always be in his company!'

Verse 72 (vishnu.4.6.72)

अब्दे च पूर्णे स राजा तत्राजगाम

abde ca pūrṇe sa rājā tatrājagāma

When the year had passed, the king came there.

Verse 73 (vishnu.4.6.73)

कुमारं चायुषमस्मै चोर्वशी ददौ

kumāraṁ cāyuṣamasmai corvaśī dadau

Urvashi gave him the son, Ayus.

Verse 74 (vishnu.4.6.74)

दत्त्वा चैकां निशां तेन राज्ञा सहोषित्वा पंच पुत्रोत्पत्तये गर्भमवाप

dattvā caikāṁ niśāṁ tena rājñā sahoṣitvā paṁca putrotpattaye garbhamavāpa

Having given him the child, and spending one night with the king, she conceived again, for the birth of five sons.

Verse 75 (vishnu.4.6.75)

उवाच चैनं राजानमस्मत्प्रीत्या महाराजाय सर्व एव गंधर्वा वरदास्संवृत्ताः व्रियतां च वर इति

uvāca cainaṁ rājānamasmatprītyā mahārājāya sarva eva gaṁdharvā varadāssaṁvṛttāḥ vriyatāṁ ca vara iti

She said to the king: 'Out of affection for us, O great king, all the gandharvas have become willing to grant you a boon; choose one.'

Verse 76 (vishnu.4.6.76)

आह च राजा

āha ca rājā

The king said —

Verse 77 (vishnu.4.6.77)

विजितसकलारातिरविहतेंद्रि यसामर्थ्यो बंधुमानमितबलकोशोऽस्मि नान्यदस्माकमुर्वशीसालोक्यात्प्राप्तव्यमस्तितदहमनया सहोर्वश्या कालं नेतुमभिलषामीत्युक्ते गंधर्वा राज्ञेऽग्निस्थालीं ददुः

vijitasakalārātiravihateṁdri yasāmarthyo baṁdhumānamitabalakośo'smi nānyadasmākamurvaśīsālokyātprāptavyamastitadahamanayā sahorvaśyā kālaṁ netumabhilaṣāmītyukte gaṁdharvā rājñe'gnisthālīṁ daduḥ

'I have conquered all my enemies, my senses are unimpaired, I have kinsmen, boundless strength and wealth — nothing remains for me except to remain ever with Urvashi; that is what I desire.' At this, the gandharvas gave the king a vessel of sacred fire.

Verse 78 (vishnu.4.6.78)

ऊचुश्चैनमग्निमाम्नायानुसारी भूत्वा त्रिधा कृत्वोर्वशी सलोकतामनोरथमुद्दिश्य सम्यग्यजेथाः ततोऽवश्यमभिलषितमवाप्स्यतीत्युक्तस्तामग्निस्थालीमादाय जगाम

ūcuścainamagnimāmnāyānusārī bhūtvā tridhā kṛtvorvaśī salokatāmanorathamuddiśya samyagyajethāḥ tato'vaśyamabhilaṣitamavāpsyatītyuktastāmagnisthālīmādāya jagāma

They said to him: 'Following sacred tradition, divide this fire into three, and, wishing for constant companionship with Urvashi, duly sacrifice with it; then you shall surely obtain your desire.' Thus told, taking the vessel of fire, he set off.

Verse 79 (vishnu.4.6.79)

अंतरटव्यामचिंतयत् अहो मेऽतीव मूढता किमहमकरवम्

aṁtaraṭavyāmaciṁtayat aho me'tīva mūḍhatā kimahamakaravam

On the way, in the forest, he thought: 'Ah, how utterly foolish of me — what have I done!'

Verse 80 (vishnu.4.6.80)

वह्निस्थाली मयैषानीता नोर्वशीति

vahnisthālī mayaiṣānītā norvaśīti

'I have brought only this vessel of fire, not Urvashi.'

Verse 81 (vishnu.4.6.81)

अथैनामटव्यामेवाग्निस्थालीं तत्याज स्वपुरं च जगाम

athaināmaṭavyāmevāgnisthālīṁ tatyāja svapuraṁ ca jagāma

So, right there in the forest, he abandoned the vessel of fire and went on to his own city.

Verse 82 (vishnu.4.6.82)

व्यतीतेऽर्द्धरात्रे विनिद्रश्चाचिंतयत्

vyatīte'rddharātre vinidraścāciṁtayat

When half the night had passed, unable to sleep, he thought —

Verse 83 (vishnu.4.6.83)

ममोर्वशीसालोक्यप्राप्त्यर्थमग्निस्थाली गंधर्वैर्दत्ता सा च मयाटव्यां परित्यक्ता

mamorvaśīsālokyaprāptyarthamagnisthālī gaṁdharvairdattā sā ca mayāṭavyāṁ parityaktā

'The vessel of fire the gandharvas gave me for constant companionship with Urvashi — I have abandoned it in the forest!'

Verse 84 (vishnu.4.6.84)

तदहं तत्र तदाहरणाय यास्यामीत्युत्थाय तत्राप्युपगतो नाग्निस्थालीमपश्यत्

tadahaṁ tatra tadāharaṇāya yāsyāmītyutthāya tatrāpyupagato nāgnisthālīmapaśyat

'I shall go there and fetch it.' Rising, he went there, but did not find the vessel of fire.

Verse 85 (vishnu.4.6.85)

शमीगर्भं चाश्वत्थमग्निस्थालीस्थाने दृष्ट्वाऽचिंतयत्

śamīgarbhaṁ cāśvatthamagnisthālīsthāne dṛṣṭvā'ciṁtayat

Seeing, in place of the vessel, an ashvattha tree growing within a shami tree, he thought —

Verse 86 (vishnu.4.6.86)

मयात्राग्निस्थाली निक्षिप्ता सा चाश्वत्थश्शमीगर्भोऽभूत्

mayātrāgnisthālī nikṣiptā sā cāśvatthaśśamīgarbho'bhūt

'I placed the vessel of fire here, and it has become this ashvattha growing within a shami.'

Verse 87 (vishnu.4.6.87)

तदेनमेवाहमग्निरूपमादाय स्वपुरमभिगम्यारणीं कृत्वा तदुत्पन्नाग्नेरुपास्तिं करिष्यामीति

tadenamevāhamagnirūpamādāya svapuramabhigamyāraṇīṁ kṛtvā tadutpannāgnerupāstiṁ kariṣyāmīti

'Therefore, taking this very wood as fire's form, I shall carry it to my city, make a fire-drill of it, and worship the fire it produces.'

Verse 88 (vishnu.4.6.88)

एवमेव स्वपुरमभिगम्यारणिं चकार

evameva svapuramabhigamyāraṇiṁ cakāra

And so, returning to his city, he made a fire-drill from it.

Verse 89 (vishnu.4.6.89)

तत्प्रमाणं चांगुलैः कुर्वन् गायत्रीमपठत्

tatpramāṇaṁ cāṁgulaiḥ kurvan gāyatrīmapaṭhat

Measuring it in finger-breadths, he recited the Gayatri mantra.

Verse 90 (vishnu.4.6.90)

पठतश्चाक्षरसंख्यान्येवांगुलान्यरण्यभवत्

paṭhataścākṣarasaṁkhyānyevāṁgulānyaraṇyabhavat

As many finger-breadths as the mantra had syllables, so long the fire-drill became.

Verse 91 (vishnu.4.6.91)

तत्राग्निं निर्मथ्याग्नित्रयमाम्नायानुसारी भूत्वा जुहाव

tatrāgniṁ nirmathyāgnitrayamāmnāyānusārī bhūtvā juhāva

Churning fire from it, and, following sacred tradition, dividing it into three sacred fires, he made offerings.

Verse 92 (vishnu.4.6.92)

उर्वशीसालोक्यं फलमभिसंधितवान्

urvaśīsālokyaṁ phalamabhisaṁdhitavān

He fixed his purpose upon the fruit of eternal companionship with Urvashi.

Verse 93 (vishnu.4.6.93)

तेनैव चाग्निविधिना बहुविधान् यज्ञानिष्ट्वा गांधर्वलोकानवाप्योर्वश्या सहावियोगमवाप

tenaiva cāgnividhinā bahuvidhān yajñāniṣṭvā gāṁdharvalokānavāpyorvaśyā sahāviyogamavāpa

By that very rite of fire, performing many kinds of sacrifices, he obtained the worlds of the gandharvas and attained undying union with Urvashi.

Verse 94 (vishnu.4.6.94)

एकोऽग्निरादावभवदेकेन त्वत्र मन्वंतरे त्रेधा प्रवर्तिताः

eko'gnirādāvabhavadekena tvatra manvaṁtare tredhā pravartitāḥ

In the beginning there was but a single fire; in this Manvantara it was he, Pururavas, who first divided it into three.